🖤

🖤

🖤

တိဘက်မြေငလျင် သေဆုံးသူ ၁၂၀ ကျော်လာပြီး ရှာဖွေကယ်ဆယ်ရေးတွေ ဆက်လုပ်နေ

ပေကျင်း၊ ဇန်နဝါရီ ၈

တရုတ်နိုင်ငံအနောက်ပိုင်း တိဘက်ဒေသမှာ မနေ့ကလှုပ်ခတ်ခဲ့တဲ့ အင်အားပြင်း မြေငလျင်ကြောင့် သေဆုံးသူ ၁၂၆ ယောက်ရှိလာပြီး ရှာဖွေကယ်ဆယ်ရေးလုပ်သား ၁၄၀၀ ကျော်ဖြန့်ကြက်ပြီး ကယ်ဆယ်ရေးတွေ လုပ်ဆောင်နေပါတယ်။

ဧ၀ရတ်တောင်ခြေကနေ မိုင် ၅၀ အကွာ အဲဒီဒေသမှာ ငလျင်လှုပ်ခတ်ပြီးနောက် ပိတ်မိနေသူ ၄၀၀ ကျော်ကို မနေ့က ကယ်တင်နိုင်ခဲ့ပြီး နေအိမ်ထောင်ပေါင်းများစွာ ပျက်စီးခဲ့ပါတယ်။ အပူချိန်ဟာ အနှုတ် ၁၆ ဒီဂရီထိ ကျဆင်းနေပြီး ဘေးသင့်ဒေသကို တရုတ်ဒုတိယဝန်ကြီးချုပ် ရောက်ရှိနေပါတယ်။

အဓိက ဘူမိပြတ်ရွေ့ကြောပေါ်မှာတည်ရှိတာကြော င့် မကြာခဏဆိုသလို ငလျင်လှုပ်ခတ်လေ့ရှိပြီး ဒီဖြစ်ရပ်ဟာတော့ မကြာသေးမီနှစ်တွေအတွင်း တရုတ်နိုင်ငံမှာ လူအသေအပျောက်အများဆုံး သဘာ၀ဘေးဖြစ်ပါတယ်။

အမေရိကန် ဘူမိတိုင်းတာရေးဌာနရဲ့ ထုတ်ပြန်ချက်အရ အဲဒီငလျင်ဟာ ရစ်ချ်တာစကေး ၇ ဒသမ ၁ အဆင့်ရှိပြီး တရုတ်နိုင်ငံအပြင် အိမ်နီးချင်း နီပေါ၊ အိန္ဒိယနိုင်ငံတို့မှာလည်း ခံစားခဲ့ရတယ်လို့ ဆိုပါတယ်။ ဒါပေမယ့် တိဘက်ဒေသမှာ အာဏာပို်ငတွေရဲ့ ကန့်သတ်ချက်တွေကြောင့် သေဆုံးမှုအရေအတွက်ဟာ နိုင်ငံပိုင် မီဒီယာက ထုတ်ပြန်သလောက်သာ သိရှိရပါသေးတယ်။

ငလျင်ကြောင့် အဆောက်အအုံ ၃၆၀၀ ကျော်ပြိုကျခဲ့ပြီး ဒေသခံသုံးသောင်းကျော်ကို ရွှေ့ပြောင်းပေးခဲ့ရပါတယ်။ အသေအပျောက်အနည်းဆုံးဖြစ်အောင် ဆောင်ရွက်ရေး၊ ဒဏ်ရာရသူတွေကို ကုသရေးနဲ့ ပြန်လည်နေရာချထားရေးတွေကို အစွမ်းကုန်လုပ်ဖို့ ညွှန်ကြားထားတယ်လို့ နိုင်ငံပိုင်သတင်းဌာနက ထုတ်ပြန်ထားပါတယ်။

Ref:BBC
Photo:Getty Images

#သတင်းဟင်းလေးအိုးကြီး

နယ်စပ်ဖြတ်ကျော်မာရသွန်အပြေးပြိုင်ပွဲတွင် မြန်မာနိုင်ငံမှ ပထမဆု (၄) ဆုရရှိခဲ့

မူဆယ် - ရွှေလီ နယ်စပ်ဖြတ်ကျော်မာရသွန်အပြေးပြိုင်ပွဲတွင် မြန်မာနိုင်ငံမှ ပထမဆု (၄) ဆုရရှိခဲ့ကြောင်း မြန်မာနိုင်ငံဆိုင်ရာတရုတ်သံရုံးမှ ထုတ်ပြန်ထားသည်။

အဆိုပါ နယ်စပ်ဖြတ်ကျော် မာရသွန်အပြေးပြိုင်ပွဲကို ဇန်နဝါရီလ (၅) ရက်တွင် ရွှေလီမြို့၌ ကျင်းပခဲ့ခြင်းဖြစ်ကြောင်း၊ ယခုအကြိမ်ပြိုင်ပွဲတွင် တရုတ်၊ မြန်မာ၊ အင်္ဂလန်စသည့် နိုင်ငံဒေသများစွာမှ စုစုပေါင်း ပြိုင်ပွဲဝင် (၉၀၂၉) ဦး စာရင်းသွင်းကာ ပါဝင်ယှဉ်ပြိုင်ခဲ့ကြောင်း သိရသည်။

မာရသွန်၊ တစ်ဝက်မာရသွန်၊ အပျော်တမ်း၊ Warm and Comfortable စသည့် ပြိုင်ပွဲအုပ်စု (၄) ခု စီစဉ်ထားပြီး မြန်မာနိုင်ငံမှ ပြိုင်ပွဲဝင် မောင်မျိုးမင်းထက်က မာရသွန်အပြည့် မြန်မာအမျိုးသားပြိုင်ပွဲအုပ်စု၏ ပထမဆုကိုလည်းကောင်း၊ မထက်ယံပြည့်ဦးမှ မာရသွန်အပြည့် မြန်မာအမျိုးသမီးပြိုင်ပွဲအုပ်စု၏ ပထမဆုကို ရရှိခဲ့ကြောင်း သိရသည်။

ထို့ပြင် ဇော်ခိုင်မှ တစ်ဝက်မာရသွန် မြန်မာအမျိုးသားပြိုင်ပွဲအုပ်စု၏ ပထမဆုကိုလည်းကောင်း၊ မအေးအေးသိန်းမှ တစ်ဝက်မာရသွန် မြန်မာအမျိုးသမီးပြိုင်ပွဲအုပ်စု၏ ပထမဆုကိုလည်းကောင်း ရရှိခဲ့ကြောင်း သိရသည်။

ရန်ကုန်မြို့လယ်က ရွှေဆိုင် ဓ-ါးပြတိုက်ခံရပြီး ငွေကျပ် သိန်း (၅၀၀) နှင့် ရွှေပိဿာချီ ပါသွား

ရန်ကုန် ၊ ပန်းဘဲတန်းမြို့နယ်၊ အမှတ်(၇)ရပ်ကွက်၊ လမ်း (၃ဝ)အလယ်ဘလောက်၊ အမှတ်(၁၁၀) ပထမထပ်တွင် ဖွင့်ထားသည့် " ရွှေချစ်သူ" အမည်ရှိ ရွှေဆိုင်အား အမျိုးသား (၃) ဦးမှ ဓ-ါးပြတိုက်လုယက်ခဲ့မှု ယနေ့ ဇန်နဝါရီ (၈) ရက် ၊ နံနက်ပိုင်းက ဖြစ်ပွားခဲ့သည်။

အခင်းဖြစ်ပွားသည့် ရွှေဆိုင်သည် ပန်းဘဲတန်းမြို့နယ် ရဲစခန်းနှင့် မျက်စောင်းထိုးတွင်ရှိပြီး လူစည်ကားရာ ရန်ကုန်မြို့လယ်ခေါင်တွင် ဖွင့်လှစ်ထားသည့် ရွှေအတုံးအခဲများ အဓိက ရောင်းချသည့်ဆိုင်ဖြစ်ကြောင်း သိရသည်။

အဆိုပါ ဖြစ်စဉ်နှင့် ပတ်သက်၍ ပန်းဘဲတန်းမြို့နယ် ရဲစခန်းတွင် အမှုဖွင့်ထားပြီး အသေးစိတ်အချက်အလက်များ စုံစမ်းနေဆဲဖြစ်ကြောင်း မြို့နယ်ရဲစခန်းမှ တာဝန်ရှိသူတစ်ဦးက ပေါ်ပြူလာနယူးစ်သို့ ပြောသည်။

" ဖြစ်စဉ်ကို အသေးစိတ် စုံစမ်းနေတုန်းပါ " ဟု အဆိုပါ တာဝန်ရှိသူက ဆိုသည်။

ယနေ့ နံနက် (၉) နာရီဝန်းကျင် ဆိုင်ဖွင့်ချိန်တွင် အမျိုးသား (၃) ဦး ရောက်ရှိလာကာ ‌ေ-သနတ်ပြ၍ ဓ-ါးပြတိုက်လု-ယက်သွားခြင်း ဖြစ်ကြောင်း အနီးအနား ဝန်းကျင်က ပြည်သူများကလည်း ပြောကြားကြသည်။

" ဖြစ်တာတော့ မနက်ပိုင်းကဖြစ်သွားတာ ၊ အတွင်းလူလို့လည်း ပြောသံကြားတာပဲ။ (၃) ယောက်လာပြီး ‌ေ-သနတ်နဲ့ ဆိုင်ကသူတွေကို အိမ်သာထဲ တံခါးပိတ်သွားတာ။ ငွေသား သိန်း ၅၀၀ နဲ့ ရွှေပိဿာချီ ပါသွားတယ်တဲ့ အဲဒီလောက်တော့ အကြမ်းဖျင်းသိရတာပဲ" ဟု ပန်းဘဲတန်းမြို့နယ်တွင် နေထိုင်သူ အမျိုးသားတစ်ဦးက ပြောသည်။

အဆိုပါ ဖြစ်စဉ်နှင့်ပတ်သက်၍ သက်ဆိုင်ရာ ရွှေဆိုင်မှတာဝန်ရှိသူများထံ မေးမြန်းကြည့်ရန် ကြိုးစားကြည့်သော်လည်း ရွှေဆိုင်မှာ တံခါးပိတ်သော့ခတ်ထားသဖြင့် မေးမြန်း၍ မရခဲ့ပေ။

ယင်းဖြစ်စဉ်နှင့် ပတ်သက်၍ ရန်ကုန်တိုင်းရွှေလုပ်ငန်းရှင်အသင်းထံ ဆက်သွယ်မေးမြန်းကြည့်သော်လည်း ၎င်းတို့အနေဖြင့် မသိရှိကြောင်းသာ ရွှေအသင်းတာဝန်ရှိသူတစ်ဦးက ပြန်လည်ဖြေကြားခဲ့သည်။

၀က်အူချောင်းနှင့် ကြာဆံကြော် (Stir-Fried Vermicelli with Sausages)

ကြာဆံကြော်ကြိုက်သော အိမ်က မိသားစုတွေအတွက် အမြဲကြော်ပေးဖြစ်သော
နည်းပါ။ ကြော်စားကြည့်လိုက်နော်။

ပါဝင်ပစ္စည်းများ

ဝက်အူချောင်းအချို – ၃ ချောင်း (အနေတော် ပါးပါးလေးများ လှီးထားပါ)

ကြာဆံ – ၃၀ ကျပ်သား (အထုပ်အညွှန်းအတိုင်း ရေဖြောထားပါ)

ပဲငံပြာရည် – လက်ဖက်ရည်ဇွန်း ၂ ဇွန်း

ပဲငံပြာရည်အချို – လက်ဖက်ရည်ဇွန်း ၁ ဇွန်း

အသီးအရွက်ဆီ – စားပွဲဇွန်း ၂ ၁/၂ ဇွန်း

မုန်လာဥနီ – ၁ ပိုင်း (အခွံနွှာပြီး ခပ်ပါးပါးအကွင်းလေးများ လှီးထားပါ)

ဂေါ်ဖီ – ၁ စိတ် (အနေတော်လေးများ လှီးထားပါ)

မုန်ညင်းရွက် – ၃ ပင် (အနေတော် လှီးထားပါ)

ရွှေပဲသီး – ၈ တောင့် (ဘေးအချော်များ ချိုးပြီး ထက်ပိုင်းပိုင်းထားပါ)

ကြက်ဥ – ၂ လုံး (ခလောက်ပြီး ကြော်ထားပါ)

ပြုလုပ်နည်း

၁။ ဇောက်နက်ဒယ်အိုးကြီးထဲ ဆီကို အပူပေးပါ။ ဒယ်အိုးပူလာလျှင် ခပ်ပါးပါးလှီးထားသော ဝက်အူချောင်းများ ထည့်ကြော်ပါ။ ဝက်အူချောင်း ကြွပ်ရွသည်အထိ ကြော်ပါ။

၂။ ဒယ်အိုးကို အပူပေးပြီး အသီးအရွက်ဆီ ထည့်ပါ။ ဆီပူလာလျှင် မုန်လာဥနှင့် ရွှေပဲသီးများ ထည့်ပြီး ၃ မိနစ်ခန့် ကြော်ပါ။ ပြီးလျှင် မုန်ညင်းရွက် ထည့်ကြော်ပါ။ ကျန်ပါဝင်ပစ္စည်းများအားလုံး ထည့်ပြီး အသီးအရွက်များ၊ ဝက်အူချောင်းနှင့် ကြာဆံ အားလုံးနှံ့အောင် ခပ်ဖွဖွလေး မွှေပါ။ ဆားမြည်းပြီး လိုတာထပ်ဖြည့်ပါ။ ကြော်ထားသော ကြက်ဥကြော်များကို အပေါ်မှာ ဖြူးပါ။ ကြိုက်နှစ်သက်ရာ အချဉ်ဖြင့်တွဲပြီး ပူပူလေး စားသုံးပါ။

မှတ်ချက်- ဝက်အူချောင်းနှင့် ဝက်သားအစား အခြားအသားများကို အစားထိုး အသုံးပြုလို့ရပါတယ်။

— One day travel to my dream country 💗✨✈️

— One day travel to my dream country 💗✨✈️

— One day travel to my dream country 💗✨✈️