Tattooidea

RON-68 ဆီ ရောင်းချပေးမှုက ရေတိုအတွက်သာ ကောင်းမွန်ဟု ပြော

ဇန်နဝါရီ ၈

နေပြည်တော်တွင် စွမ်းအင်ဝန်ကြီးဌာနမှ ဓါတ်ဆီအမျိုးအစား RON-68 ဆီဆိုင်ဖွင့်လှစ်ကာ တစ်လီတာလျှင် ၂၂၀၀ ကျပ်ဖြင့် ရောင်းချပေးနေခြင်းသည် ရေတိုအတွက်သာ ကောင်းမွန်ကြောင်း စီးပွားရေးလုပ်ငန်းရှင်များနှင့် ငွေကြေးလေ့လာသူများက ထောက်ပြကြသည်။

RON-68 သည် ပြည်တွင်းစက်ရုံများမှ ထွက်ရှိသည့် ရေနံများအား ချက်ပြီး ရရှိလာသည့် ဓါတ်ဆီဖြစ်ကြောင်း သိရသည်။

မြန်မာနိုင်ငံရှိ ယာဉ်ကြီး၊ ယာဉ်ငယ်အများစုသည် 92, 95 စက်သုံးဆီအမျိုးအစားကိုသာ အဓိကအသုံးပြုနေကြ ခြင်းဖြစ်ပြီး ၎င်းဆီနေရာတွင် RON-68 ဆီကို ထည့်သွင်းအသုံးပြုမည်ဆိုပါက ရေရှည်တွင် ယာဉ်၏ အင်ဂျင်ပိုင်းကို ထိခိုက်စေနိုင်ကြောင်း ထောက်ပြကြသည်။

သို့သော် လက်ရှိ ရောင်းချပေးနေသည့် နှုန်းထားအရ သာမန်မော်တော်ယာဉ်များအတွက် အထောက်အပံ့ ဖြစ်စေ ကာ ရေတိုအတွက်တော့ ကောင်းမွန်ကြောင်း ဘဏ်ရေးရာကျွမ်းကျင်သူ ဦးဋ္ဌေးအောင်ကြည်က ပြောသည်။

“အ‌ထောက်အကူအနည်းနဲ့အများတော့ဖြစ်တာပေါ့။ 68 ဆိုတာ 92 ကြတော့ နားလည်တဲ့သူတွေ ပြောကြတာပေါ့ လေ။ 95 ပေါ့ ပြင်ပဆီထက်စာရင် 92, 95 က qualified မမီဘူးပြောကြတာကို။ 68 ဆိုတာတော့ 68 နဲ့ အဆင်ပြေ တဲ့ အင်ဂျင်တွေ လည်ပတ်မှုတွေအတွက်တော့ အဆင်ပြေတာပေါ့။ ကျနော်လည်း အင်ဂျင်နီယာ မဟုတ်တော့ နားမလည်ဘူး 68 ကို 92 ထဲ ထည့်မောင်းလို့ရလား၊ မရလား ကျနော်မသိဘူး။ တကယ်လို့ မောင်းလို့ရခဲ့ရင်တော့ ရေရှည်မှာ အင်ဂျင်ထိတာတို့ ဘာတို့ ဖြစ်တာပေါ့။ ဒါပေမယ့် လောလောဆယ် အနေအထားအရ မရှိတာထက် စာရင် ရောင်းပေးတယ်ဆိုတော့ တော်ရုံတန်ရုံ vehicle တွေ မော်တော်ယာဉ်တွေကတော့ သူတို့အတွက် supportive ဖြစ်တာပေါ့ ဒါတော့ ကောင်းပါတယ်။ လောလောဆယ် အနေအထားအတွက် ပြောတာလေ။ ကာလရှည်ကို ပြောတာမဟုတ်ဘူး” ဟု ၎င်းက ပြောသည်။

စက်သုံးဆီထဲတွင် RON-100 မှာ အကောင်းဆုံးဟု သတ်မှတ်ထားခြင်းဖြစ်ပြီး RON-88 ကို အနိမ့်ဆုံးဟု သတ်မှတ် ထားခြင်းဖြစ်သည်။

ထို့ကြောင့် ယခုရောင်းချပေးသည့် RON-68 သည် အနိမ့်ဆုံးဟု သတ်မှတ်ထားသည့် RON-88 ထက် ၂၀ လျော့ကျ နေသဖြင့် မိမိတို့၏ ယာဉ်များ၊ စက်ပစ္စည်းများမှာ မည်သည့် RON အမျိုးအစားကို အသုံးပြုရမည်ဆိုသည်ကို သိရှိအောင် ဦးစွာလုပ်သင့်ကြောင်းလည်း ထောက်ပြကြသည်။

စွမ်းအင်ဝန်ကြီးဌာနမှ ယခုကဲ့သို့ ထုတ်ရောင်းလာခြင်းသည် ၎င်းတို့အနေဖြင့် လုပ်နိုင်စွမ်းရှိသည်ကို ချပြလိုသည့် သဘောဖြစ်နိုင်ကြောင်းလည်း စီးပွားရေးလုပ်ငန်းရှင်များက သုံးသပ်ကြသည်။

ထို့ကြောင့် အစိုးရဌာနဆိုင်ရာအနေဖြင့်လည်း မိမိတို့ ရောင်းချပေးသည့် RON-68 သည် မည်သည့် ယာဉ် အမျိုး အစားအတွက်သာ အသုံးပြု၍ရကြောင်းကို အရောင်းဆိုင်များတွင် ရေးသားပြသထားသင့်ကြောင်း စီးပွားရေး လုပ်ငန်းရှင် ဦးအောင်ပြည့်စုံက ပြောသည်။

“လက်ရှိ ပြည်တွင်းမှာ အသုံးပြုနေတဲ့ ဆိုင်ကယ်က ထိုင်းနဲ့ တရုတ် နှစ်မျိုးရှိတယ်။ တရုတ်နိုင်ငံထုတ်တဲ့ အများစုကတော့ အနည်းဆုံး သတ်မှတ်ချက် RON-88, 90 လောက်သုံးမှ အဆင်ပြေနိုင်တယ်။ အဲဒီလိုမှမဟုတ်လို့ ကျခဲ့တယ်ဆိုရင် ၇၈ လောက်ပေါ့။ အခု ဒီ 68 ပဲရှိတဲ့ဆီကတော့ ဆီလို့ပြောရမှာတောင် တော်တော်ခက်ခက်ခဲခဲမှာ ဖြစ်တယ်။ ဒီလိုဟာမျိုးကို အစိုးရအနေနဲ့ ထုတ်ရောင်းတဲ့အခါမှာ မီးစက်တွေမှာ ထည့်မယ်ဆိုလည်း သူ့ထွက်နိုင်တဲ့ Watt ပေါ့နော် capacity။ load အားနဲ့ ဆီကပေးနိုင်တဲ့ ပေါက်ကွဲအားနဲ့ ဒီ မီးစွဲလောင်နိုင်မှုအနေအထားနဲ့က တကယ့်တကယ်မနိုင်မနင်းဖြစ်ရင် မီးစက်တွေပျက်နိုင်တဲ့အနေအထားဖြစ်တဲ့အတွက်ချင့်ချိန်ပြီး သုံးဖို့တော့ လိုတယ်။ နိမ့်တဲ့ဆီကိုသုံးပြီး ပုံမှန်ဆီကို ပြန်သုံးရင် တစ်ကြိမ်သုံးတာ ပြဿနာမရှိဘူး။ နှစ်ကြိမ်သုံးတာ ပြဿနာ မရှိဘူးဆိုပေမယ့် ကြာလာရင်တော့ ပြဿနာရှိတာပေါ့ ” ဟု ၎င်းက ပြောသည်။

RON-68 ဓာတ်ဆီအား နေပြည်တော်တွင် တစ်ဆိုင်၊ မန္တလေးမြို့တွင် နှစ်ဆိုင် ဖွင့်လှစ်ခဲ့ပြီး တောင်ငူမြို့ ဟင်းငုတ်ပင်ဓါတ်ဆီဆိုင်နှင့် ရှမ်းပြည်နယ် တောင်ပိုင်း လွိုင်လင်ဓါတ်ဆီအရောင်းဆိုင်တို့ကိုလည်း ဆက်လက် ဖွင့်လှစ်သွားမည်ဖြစ်ကြောင်း ထုတ်ပြန်ထားသည်။

ကျန် တိုင်းဒေသကြီးနှင့် ပြည်နယ်များတွင်လည်း ဆက်လက်တိုးချဲ့ဖွင့်လှစ်နိုင်ရန် ‌ဆောင်ရွက်နေကြောင်းလည်း သိရသည်။

ပုံ - စက်သုံးဆီအရောင်းဆိုင်တစ်ဆိုင်တွင် ဆိုင်ကယ်ဆီဖြည့်နေစဉ်

#centralnewsnaypyitaw

မန္တလာမင်းယာဉ်မှ ယာဉ်မောင်းနဲ့ ယာဉ်နောက်လိုက်ကို လက်နက်ကိုင်အဖွဲ့ဖမ်းဆီးမှု စုံစမ်းစစ်ဆေးနေ

ဇန်နဝါရီ ၈

မွန်ပြည်နယ်၊ မုဒုံမြို့နယ်မှာ မန္တလာမင်း ခရီးသည်တင်ယာဉ်မှ ယာဉ်မောင်းနဲ့ ယာဉ်နောက်လိုက် ဖမ်းဆီးခံရမှု ပြည်နယ်အခြေစိုက် အရှေ့တောင်တိုင်းစစ်ဌာနချုပ် (ရတခ) မှ စစ်ဆေးဆောင်ရွက်နေတယ်လို့ မန္တလာမင်းအဆင့်မြင့် ခရီးသည်နှင့် ကုန်စည်ပို့ဆောင်ရေးယာဉ်လိုင်းမှ တာဝန်ရှိသူတယောက်က ပြောပါတယ်။

ပြီးခဲ့တဲ့ ဇန်နဝါရီ ၅ ရက်၊ ညနေ ၅ နာရီဝန်းကျင်က မုဒုံမြို့ဘက်မှ သံဖြူဇရပ်မြို့ဘက်ကို မောင်းနှင်လာတဲ့ မန္တလာမင်း ခရီးသည်တင်မှန်လုံယာဉ်ကို လက်နက်ကိုင်အဖွဲ့တဖွဲ့က ရောင်းဒေါင်းကျေးရွာအနီး မုဒုံ - သံဖြူဇရပ် ကားလမ်းပေါ်မှာ တားဆီးစစ်ဆေးမှုတွေ လုပ်ဆောင်ခဲ့ပြီး ယာဉ်မောင်းနဲ့ ယာဉ်နောက်လိုက် ဖမ်းဆီး ခေါ်ဆောင်သွားခဲ့တာဖြစ်တယ်လို့ သိရပါတယ်။

“အဲဒီဖြစ်စဉ်ကတော့ မှန်ပါတယ်။ အခုလောလောဆယ်တော့ မွန်ပြည်နယ် စစ်တိုင်းဌာနက စစ်ဆေးဆောင်ရွက်နေပါတယ်။ ဖမ်းဆီးခံထားရတဲ့ ကားသမားတွေ အခြေအနေတော့ မသိရသေးပါဘူး” လို့ မန္တလာမင်းယာဉ်လိုင်းမှ တာဝန်ရှိသူတယောက်က ပြောပါတယ်။

ဖမ်းဆီးခံရတဲ့ ယာဉ်မောင်းနဲ့ ယာဉ်နောက်လိုက်တို့ရဲ့ သတင်းကို လက်ရှိအချိန်အထိ မကြားသိရသေးသလို မည်သည့် လက်နက်ကိုင်အဖွဲ့က ဘယ်လိုအကြောင်းအရာကြောင့် ဖမ်းဆီး ခေါ်ဆောင်သွားတယ် ဆိုတာကိုလည်း မသိရှိရသေးဘူးလို့ ဆိုပါတယ်။

လက်နက်ကိုင်အဖွဲ့ဟာ ရောင်းဒေါင်းကျေးရွာအနီး မုဒုံ - သံဖြူဇရပ် ကားလမ်းပေါ်မှာ ယာဉ်ကို စစ်ဆေးခဲ့ပြီးနောက် ခရီးသည်တွေကို ကားပေါ်ကဆင်းခိုင်းကာ ယာဉ်မောင်း၊ ယာဉ်နောက်လိုက်တို့နဲ့အတူ ခရီးသည်တင်ယာဉ်ကို ကွမ်လှာကျေးရွာဘက်ကို မောင်းနှင်သွားခဲ့တာဖြစ်တယ်လို့ ဒေသခံတွေက ပြောပါတယ်။

“လက်နက်ကိုင်အဖွဲ့က ယူနီဖောင်းတွေတော့ ဝတ်ထားတယ်။ ခရီးသည်တွေအကုန် ဆင်းခိုင်းပြီး ကားသမားတွေကိုပဲ ခေါ်သွားတာ။ ကားပြန်တွေ့တော့လည်း ပစ္စည်းတွေအကုန်လုံးက ဒီအတိုင်းပဲ။ ဘာတခုမှကို ယူမသွားဘူး” လို့ ဒေသခံတယောက်က ပြောပါတယ်။

အဲဒီခရီးသည်ယာဉ်မှာ GPS ပါတဲ့အတွက် ကားကိုရှာကြည့်ကြတဲ့အခါ ကွမ်လှာကျေးရွာရှိ သုဿာန်အနီးမှာ တွေ့ရှိရတာကြောင့် ဇန်နဝါရီ ၆ ရက်၊ မနက် ၁ နာရီဝန်းကျင်မှာ နစက လုံခြုံရေးတပ်ဖွဲ့ဝင် အင်အားအလုံးအရင်းနဲ့ ဝင်ရောက် စီးနင်းခဲ့ပြီး ခရီးသည်တင်ယာဉ်ကို မုဒုံမြို့မရဲစခန်းကို မောင်းနှင် ပို့ဆောင်ခဲ့တယ်လို့ သိရပါတယ်။

ကားအတွင်းရှိ ခရီးသည်တွေရဲ့ ကုန်ပစ္စည်းတွေကိုတော့ သံဖြူဇရပ်မြို့ရှိ မန္တလာမင်းကားဂိတ်သို့ ပြန်လည်ပို့ဆောင်ပေးခဲ့တယ်လို့ သိရပါတယ်။

အဲဒီ မန္တလာမင်း ခရီးသည်တင်ယာဉ်ပေါ်မှာ စာရင်းအရ သံဖြူဇရပ်မြို့ကို လိုက်ပါလာတဲ့ ခရီးသည် ရှစ်ယောက်နဲ့ လမ်းကနေ တက်လာတဲ့ ခရီးသည် နှစ်ယောက်၊ စုစုပေါင်း ၁၀ ယောက်ခန့် လိုက်ပါလာတယ်လို့ သိရပါတယ်။

Photo:CJ

Credit - Myanmar Voice News Agency

#သတင်းဟင်းလေးအိုးကြီး

2025မှာထွက်ရှိလာမဲ့ animeဇာတ်ကားများ part-3

2025မှာထွက်ရှိလာမဲ့ animeဇာတ်ကားများ part-3

2025မှာထွက်ရှိလာမဲ့ animeဇာတ်ကားများ part-3

2025မှာထွက်ရှိလာမဲ့ animeဇာတ်ကားများ part-3

2025မှာထွက်ရှိလာမဲ့ animeဇာတ်ကားများ part-3

2025မှာထွက်ရှိလာမဲ့ animeဇာတ်ကားများ part-3

သူ့ခေတ်သူ့ခါက ခေါင်းဆောင်မင်းသား ဖြစ်ခဲ့ပေမယ့် အ-သက်အရွယ်ရလာတော ဘုရင်မင်းကြီးအဖြစ်နဲ့ အကြီးအကဲနေရကနေ သရုပ်ဆောင်နေရတဲ့ နေတိုး 🤍🩶
သွားလေရာပါတဲ့ မိန်းမကို ပိုင်ဆိုင်ထားတာနော် 😍🤍