ရန်ကုန် မင်္ဂလာဒုံပန်းခြံအနီး ကျိုက်ထီးရိုး ဘုရားဖူးကားမှောက်လို့ ၁၂ ယောက်ဒဏ်ရာရ
ဇန်နဝါရီ ၈
ရန်ကုန်တိုင်း၊မ င်္ဂလာဒုံမြို့နယ်၊ခရေပင်လမ်းခွဲနဲ့တညင်းကုန်လမ်းဆုံကြား၊ ခရေပင်လမ်းမပေါ်၊ မင်္ဂလာဒုံပန်းခြံအနီးမှာ ဇန်နဝါရီ ၇ရက်နေ့ညနေပိုင်းက ကျိုက်ထီးရိုးဘုရားဖူးကနေပြန်လာတဲ့ ဘုရားဖူးလိုက်ထရပ်ကားတစီး သစ်ပင်ကိုဝင်တိုက်မိပြီး ကလေးအပါလူ ၁၂ ယောက်ထိခိုက် ဒဏ်ရာရရှိခဲ့တယ်လို့သိရပါတယ်။
ထိခိုက်ဒဏ်ရာရရှိသူတွေထဲမှာ ကလေးနှစ်ယောက်၊ အမျိုးသမီးငါးယောက်နဲ့အမျိုးသားငါးယောက်တို့ဖြစ်ပြီး အဲဒီထဲကမှ အသက်ကြီးပိုင်းအမျိုးသမီးကြီးတယောက်ကတော့ လက်ထိခိုက်ဒဏ်ရာ၊ ဦးခေါင်းဒဏ်ရာတွေနဲ့စိုးရိမ်ရတဲ့အခြေအနေရှိတယ်လို့သိရပါတယ်။
" အသက်ကြီးအမျိုးသမီးကတော့ ကားပေါ်ကနေလွင့်သွားပြီး ဒဏ်ရာပြင်းတယ်။ခေါင်းကနေ သွေးတွေထွက်နေတယ်။အတွင်းကြေပုံစံဖြသ်နေတယ်။လက်ကလည်း ရစရာမရှိအောင်ဖြစ် သွားတယ်။ ကားကအရှိန်များပြီး လမ်းဘေးသစ်ပင်ကိုဝင်တိုက်မိတာ။ကားကလည်းစုတ်ပြတ်သွားတယ်။" လို့ ကူညီကယ်ဆယ်ရေးလုပ်ခဲ့တဲ့ မြသီတာလူမှုကူညီရေးအသင်းအဖွဲ့ဝင်ကပြောပါတယ်။
ယာဥ်တိုက်မှု ဖြစ်ပွားပြီးနောက် ထိခိုက်ဒဏ်ရာရရှိသူ အားလုံးကို အင်းစိန်ဆေးရုံကိုပို့ဆောင်ပေးခဲ့ကြောင်း ၊ ဘုရားဖူးကားပေါ်ပါသူတွေက အင်းစိန်မြို့နယ်နေထိုင်သူတွေဖြစ်တယ်လို့သိရပါတယ်။
လက်ရှိ ပြည်တွင်းက နေရာဒေသအများစုမှာတိုက်ပွဲတွေဖြစ်ပွားနေတာကြောင့် နေရာအများစုကိုခရီးသွားလာနိုင်ခြင်းမရှိတဲ့အတွက် နယ်မြေအေးချမ်းတယ်လို့ယူဆရတဲ့ ပုဂံဒေသနဲ့ ကျိုက်ထီးရိုးဘုရားကို ခရီးသွားဧည့်သည်တွေသွားလာမှုများပြားနေတာဖြစ်ပါတယ်။
ဇန်နဝါရီလ ၁ ရက်နေ့ က လည်း ရန်ကုန်-မန္တလေးအမြန်လမ်းမကြီး၊ မိုင်တိုင်အမှတ် (၁၁၇/၀)နဲ့(၁၁၇/၁)ကြားမှာ ဘုရားဖူးကား တိမ်းမှောက်ပြီး တယောက်သေကာ ၃၄ယောက်ထိခိုက်ဒဏ်ရာရရှိခဲ့တယ်လို့သိရပါတယ်။
Photo -မြသီတာလူမှုကူညီရေးအသင်း
#သတင်းဟင်းလေးအိုးကြီး
