“အသုံးဝင်လွန်းတဲ့အခါ တန်ဖိုးကျသွားတတ်တယ်။ ”.

ကျွန်တော်လေတစ်ယောက်တည်း ဆက်လျှောက်ခဲ့တယ်
ဒါပေမယ့်..
မင်းမွေးနေ့ကို ငါမှတ်မိနေသေးတယ်။
ကျွန်တော့ကဲ့ ပြခန်းထဲတွင်
မင်းရဲ့ ဓာတ်ပုံ‌လေးတွေ ရှိနေတုန်းပဲ
မင်းရဲ့အသံကို ငါခုထိမှတ်မိနေတုန်းပဲ
ကျွန်တော်တို့ရဲ့ စကားဝိုင်းဟောင်းကို
အခုထိ ကျွန်တော်ပြန်ပြန်ဖတ်နေတုန်းပါပဲ။
မင်းနာမည်ကြားတဲ့အခါ ငါ့နှလုံးသားက ခုန်နေတုန်းပဲ။
ဒီအရာတွေသည် ကျွန်တော်ဘဝမှာ အစဉ်ထာဝရရှိနေမှာပါ

#1997b

တိုနေးကိုခေါ်ရန် စဉ်းစားခဲ့ဟု အန်ဂျီ ပြော
---------------------
စပါးအသင်းရဲ့နည်းပြ အန်ဂျီ ပိုစတီကော့ဂလူက ပြီးခဲ့တဲ့နွေရာသီ အပြောင်းအရွှေ့မှာ ဆိုလန်ကီကို မခေါ်ယူခင် ဘရန့်ဖို့ဒ်တိုက်စစ်မှူးဟောင်း တိုနေးကို ခေါ်ယူဖို့အတွက် စဉ်းစားခဲ့တယ်လို့ စက်တင်ဘာလ(၂၀)ရက်နေ့က ပြောကြားခဲ့ပါတယ်။

ဘရန့်ဖို့ဒ်တိုက်စစ်မှူးဟောင်း တိုနေးဟာ ပြီးခဲ့တဲ့အပြောင်းအရွှေ့မှာ ပရီးမီးယားလိဂ် ကလပ်အသင်းကြီးတွေနဲ့ သတင်းထွက်ခဲ့ပေမယ့် ဆော်ဒီကလပ် အယ်အာလီအသင်းကို ပြောင်းရွှေ့ခဲ့တာပါ။ စပါးနည်းပြအန်ဂျီက တိုနေးကိုခေါ်ယူဖို့ စိတ်ကူးခဲ့ပေမယ့် အဲဒီအချိန်က ဆိုလန်ကီဟာ အသင်းရဲ့ကစားကွက်နဲ့ ပိုပြီးတော့သင့် တော်မယ်လို့ ထင်တဲ့အတွက်ကြောင့် ဆိုလန်ကီကိုပဲ ခေါ်ယူခဲ့တာလို့ ပြောကြားသွားခဲ့ပါတယ်။

ဆိုလန်ကီဟာ စပါးအသင်းအတွက် ကစားခဲ့တဲ့ ပရီးမီးယားလိဂ်ပွဲစဉ်(၂)ပွဲမှာ ဂိုးမသွင်းနိုင်ခဲ့တာကြောင့် ပရိသတ် တွေရဲ့ဝေဖန်မှုတွေကို ခံနေရတာဖြစ်ပါတယ်။ အခုအချိန်မှာ ဆိုလန်ကီအနေနဲ့ ဂိုးပေါက်ပျောက်ဆုံးနေခဲ့ပေမယ့် သွင်းဂိုးတွေကို ရရှိဖို့မျှော်လင့်သလို ခြေစွမ်းပြနိုင်ဖို့အတွက် အချိန်ပေးစောင့်ကြည့်ရမယ်လို့ စပါးနည်းပြ အန်ဂျီက ဆက်လက်ပြောကြားခဲ့ပါတယ်။

My Fri:နင်တို့ရပ်ကွက်ကလူတော်တော်များများနဲ့ ခင်လား?
Me:😋

ဒညင်းသီးတွေလက်ဆောင်ရထားတော့😊
အဲ့လိုလေးအစပ်ကြော်စားပါတယ်နော်😋
ဒညင်းသီးကိုပြုတ်ပီးလှီးထားပါ။
ကြက်သွန်ဖြူ၊အနီငရုပ်သီးစိမ်ထောင်းထားပါ။
ဆီပူရင်ထောင်းထားတာထည့်မယ်ဆီသတ်ပါ။
လှီးထားတဲ့ဒညင်းသီးကိုထည့်မယ်။
အရသာမှုန့်၊ခရုဆီ၊ငံပြာရည်လေးနည်းနည်းထည့်။
ခနတော့ကြော်ပေးပီးချခါနီးငရုပ်သီးအကျက်မှုန့်ထည့်ပေးပီးရင်တော့စားလို့ရပါပီးနော်😋😋😋

လောကမှာငွေ
---------------
“ငွေသည် မကောင်းမှုအားလုံး၏ အရင်းခံဖြစ်သည်” ဆိုသော အဆိုတစ်ခုကို မကြိုက်ပါ။ ငွေသည် မကောင်းမှု၏ တရားခံဖြစ်သည်ဆိုလျှင် အဘယ်ကြောင့် ထိုငွေကြေးစနစ်ကို တီထွင်ခဲ့ကြရသနည်း။ လူတိုင်း ငွေရှာကြသည်။ ငွေကို တန်ဖိုးထားပြီး သိမ်းဆည်းကြသည်။ စုဆောင်းကြသည်။ အဘယ်ကြောင့် ငွေသည် မကောင်းမှု၏ အရင်းအမြစ်ဖြစ်ရမည်နည်း။

ငွေကို မကောင်းမြင်ခြင်းမှာ

ငွေရှိပါလျက် ကျန်းမာရေးအတွက် မသင့်သော အစားအစာများကို ဝယ်စားသည်။ ထိုကြောင့် ကျန်းမာရေး ပျက်စီးသည်။ ငွေရှိသောကြောင့်ဟု အကြောင်းပြသည်။

ငွေရှိလာသည့်အခါ ဆေးလိပ်တွေ၊ အရက်တွေ၊ မူးယစ်ဆေးဝါးတွေကို ဝယ်လာနိုင်သည်။ ထိုမကောင်းမှုတွေကို လုပ်ပြီး ကျန်းမာရေးထိခိုက်သည်။ ငွေကို အကြောင်းပြသည်။

ငွေရှိလာသည့်အခါ ဇိမ်ခံမှုတွေ အမျိုးမျိုး လုပ်လာသည်။ ကောင်းကောင်းနေ၊ ကောင်းကောင်းစား ဇိမ်နှင့် နေထိုင်ပြီး ကျန်းမာရေး လိုက်စားမှု နည်းလာသည်။ ရောဂါထူပြောလာသည်။

ငွေရှိလာသောအခါ ပျော်ချင်ပါးချင်လာသည်။ ပြည်တန်ဆာတွေနှင့် ပျော်ပါးချင်လာသည်။ အငယ်အနှောင်း ထားချင်လာသည်။ ရောဂါတွေရလာသည်။ ငွေရှိတာကို အကြောင်းပြကြသည်။

ငွေရှိလာသည့်အခါတွင် ဘာမဆို လုပ်ချင်တာတွေ လုပ်နိုင်သည့် အခွင့်အလမ်းတွေ ရလာသည်။ ငွေမရှိလျှင် မည်သည့် မကောင်းမှုကိုမျှ ကျူးလွန်နိုင်မည်မဟုတ်။

ထို့ကြောင့် ငွေကို ဘာကြောင့် ရှာသနည်းဆိုသည်ကို ပြန်မေးခွန်းထုတ်သင့်သည်။

ငွေကို သုံးဖို့ရှာသလား

ငွေကို ဖြုန်းဖို့ရှာသလား

အကယ်၍သာ ဉာဏ်ပညာအမြော်အမြင်ရှိသူ ဖြစ်ပါက ကိုယ်ရှာဖွေစုဆောင်းထားသည့် ငွေကို

ချစ်သူခင်သူတွေအတွက် မျှဝေသုံးမည်။ မုန်းသူတွေကို ရှောင်ဖယ်နိုင်ရန်သုံးမည်။

မိသားစုပျော်ရွှင်ရေးအတွက် ရင်းနှီးမြှုပ်နှံမည်။ အနာဂတ်ကို ကြိုတွေပြီး အကွက်ချနိုင်မည်။

ကောင်းကောင်းစားတာထက် ကျန်းမာအောင်စားပြီး ကျန်းမာရေးကို တည်ဆောက်နိုင်မည်။

ဇိမ်ခံရန်ထက် ကျန်းမာရန်ကို ပိုပြီး ဂရုစိုက်မည်။

ကိုယ့်ထက် နိမ့်ပါးသူတွေကို လှူဒါန်းပြီး ကြည်နူးကုသိုလ်ယူနိုင်မည်။

“ငွေသည် မကောင်းမှုအားလုံး၏ အရင်းခံဖြစ်သည်” ဟုသဘောပိုက်ကာ ငွေမရှာလျှင် အကျိုးထက် အပြစ် ဖြစ်ရန်သာများသည်။ ငွေမရှိလျှင် ကျန်းမာရန် ဆေးဝါးကအစမဝယ်နိုင်။ ကျန်းမာရန် မစားသောက်နိုင်။ ရှိခြင်းထက် မရှိခြင်းက ပိုပြီး အပြစ်ဖြစ်စေနိုင်သည်။

ငွေကို အကောင်းထက် အဆိုးမြင်ခြင်းမှာ မိမိအတွင်းဓာတ်ခံစိတ်ထားနှင့်လည်း ဆိုင်သည်။ မကောင်းတာ လုပ်ရန်ငွေရှာလျှင် မကောင်းတာဖြစ်မည်။ ငွေကို ကောင်းတာလုပ်ရန်ရှာသည်ဆိုလျှင် ကောင်းမှုတွေကိုသာ လုပ်ဆောင်ပေလိမ့်မည်။ ထို့ကြောင့် ငွေသည် မကောင်းမှုမဟုတ်။ ငွေရှာသောသူ၏ မကောင်းသောစိတ်ကသာ ငွေကို ကောင်းခြင်း၊ မကောင်းခြင်း ဖြစ်စေနိုင်သည်။

ထို့ကြောင့်

ငွေကို မကောင်းမှုရင်းမြစ်ဆိုကာ ရှောင်ရန်မဟုတ်။

မကောင်းသောစိတ်ဖြင့် မသုံးစွဲပါဆိုကာ ဉာဏ်ဖြင့် ဆင်ခြင်ပြီး ရှာဖွေသုံးစွဲရန်သာဖြစ်သည်။

ငွေသည် မီးနှင့်တူသည်။ သုံးတတ်လျှင် မိတ်ဆွေ၊ မသုံးတတ်လျှင် ရန်သူ။

အဲ့2ယောက်ကိုမေ့ဖို့ ကြိုးစားနေတုန်း3ယောက်မြောက်ကိုချစ်မိသွား🥹

စျေးဦးမပေါက်သေးပါဘူးဆိုမှ နင်ကတစ်မျိုး😒

♦️ဗောက်ထတာ သက်သာစေဖို့❓

ကုတ်လိုက်တိုင်း ဗောက်တွေကဖွေးဖွေးလှုပ်။ ခေါင်းဖြီးလိုက်တိုင်း ဆံပင်တွေကျွတ်နဲ့ စိတ်ကိုညစ်နေတာပဲ။ ဘာလုပ်လို့လုပ်ရမလဲသိဘူးဆိုတဲ့သူတွေများရှိလား❓

📍ဗောက်ဆိုတာ

ဗောက်ပြဿနာကို ရင်ဆိုင်နေရတဲ့သူက ကမ္ဘာ့လူဦးရေ ၅၀ ရာခိုင်နှုန်းလောက်က ဗောက်ပြဿနာကိုခံစားနေရပါတယ်။ဗောက်ကဦးရေပြား ပြဿနာတစ်ခုပါ။ ဦးရေပြားခြောက်သွေ့ မှုကနေဖြစ်ပေါ်လာတဲ့ အရေပြားပြဿနာတစ်ခုပေါ့။

📍ဗောက်က ဘာတွေဖြစ်စေနိုင်လဲ…..❓
ဗောက်ဖြစ်တဲ့အခါ...

✅ဦးရေပြားက ယားယံမယ်
✅ခြောက်သွေ့မယ်
✅နီမြန်းရောင်ရမ်းမယ်။

📍ဗောက်ဖြစ်စေတဲ့အကြောင်းအရင်း

ဗောက်ဖြစ်စေနိုင်တဲ့ အကြောင်းအရင်းက တစ်ခုမကရှိနေပါတယ်။
✅ဦးရေပြားက အဆီပြန်တာ
✅ခေါင်းသေချာမလျှော်တာ
✅မှိုပိုးကူးစက်ခံရတာ
✅အသားအရေခြောက်သွေ့တာ
✅ဆံသားသုံး ပစ္စည်းတွေနဲ့ မတည့်တာ
✅အရေပြားပြဿနာတစ်ခုခု ခံစားနေရတာ
✅အသက်အရွယ်ကြောင့်ဖြစ်တာ
✅အမျိုးသားဖြစ်နေတာ
✅ရောဂါအခံတစ်ခုခုရှိနေတာကြောင့် ဗောက်ထနိုင်ပါတယ်။

📍ဗောက်က ဆံပင်ကျွတ်စေနိုင်လား…….❓

ဗောက်က ဆံပင်ကျွတ်စေနိုင်လားဆိုတော့ ကျွတ်စေနိုင်ပါတယ်။ အကြောင်းကတော့ ဗောက်ဖြစ်တဲ့အခါ ဦးရေပြားကယားယံတယ်။ ယားယံတာကို သက်သာစေဖို့ လက်သည်းနဲ့ဖြစ်ဖြစ် ဘီးလိုမျိုးအရာတွေနဲ့ဖြစ်ဖြစ် ဦးရေပြားကို ကုတ်ခြစ်မိပါမယ်။ ဒီလိုကုတ်ခြစ်မိတာက ဦးရေပြားကို နီမြန်းရောင် ရမ်း စေနိုင်သလို ဆံသားတွေရဲ့ သန်စွမ်းမှုကို ထိခိုက်စေနိုင်ပြီး ဆံသားအမြစ်တွေရဲ့ ကျန်းမာမှုကို အားနည်းစေနိုင်ပါတယ်။ ဒါကြောင့် ဗောက်ထတာက ဆံပင်ကျွတ်စေပါတယ်။

ဗောက်က ဆံသားတွေကိုအာဟာရစုပ်ယူမှုကိုလည်း အဟန့်အတားဖြစ်စေနိုင်ပါတယ်။ နောက်တစ်ချက်က ဗောက်ထတဲ့အခါ ဗောက်သက်သာအောင်ဆိုပြီး ဗောက်ပျောက်တဲ့ ခေါင်းလျှော်ရည်ကို သုံးကြတယ်နော်။ ဒီခေါင်းလျှော်ရည်တွေက ခဏခဏသုံးတဲ့အခါ ဦးရေပြားကို ခြောက်သွေ့စေသလို ဆံသားကျန်းမာမှုကိုပါထိခိုက်စေလာနိုင်ပါတယ်။ ဒီတော့ ဗောက်ပြဿနာနဲ့ ဆံပင်ကျွတ်တဲ့ပြဿနာက သံသရာလည်နေတဲ့ ပြဿနာပေါ့။ ဒီတော့ အကောင်းဆုံးကာ့ ဗောက်ထလာပြီဆိုရင် ဦးရေပြားကို သံလွင်ဆီလူးပေးတာ၊ သံပရာရည်အသုံးပြုပေးတာ၊ စပါးလင်အဆီအသုံးပြုပေးတာမျိုးလုပ်ပေးပါ။ ခေါင်းကို တစ်ပတ် နှစ်ကြိမ်ပုံမှန်လျှော်ပေးတာ၊တွေလုပ်ပေးသင့်ပါတယ်။

📍ဗောက်ပျောက်စေဖို့ ဘာတွေလုပ်မလဲ……❓

♦️စိတ်ဖိစီးမှုတွေကိုဖြေလျော့ပါ ♦️

စိတ်ဖိစီးမှုကြောင့် ဦးရေပြားမှာဗောက်ထနိုင်ပါတယ်။ ဒါကြောင့် စိတ်ဖိစီးစရာတွေကို ဖြေလျော့နိုင်မယ့် နည်းလမ်းလေးတွေရှာထားပါ။

♦️မကြာခဏ ခေါင်းလျှော်ပေးပါ♦️

ဦးရေပြားအဆီပြန်တတ်တဲ့သူတွေအနေနဲ့တော့ခေါင်းကိုပုံမှန်လေးလျှော်ပေးပါ။ခေါင်းလျှော်တဲ့အခါမှာလည်း တွေ့ကရာခေါင်းလျှော်ရည်နဲ့လျှော်တာမျိုးမလုပ်ဘဲဗောက်သက်သာတဲ့ခေါင်းလျှော်ရည်မျိုးနဲ့လျှော်ဖို့ပြောပါရစေ။ခေါင်းလျှော်ရည်ရွေးချယ်တဲ့အခါ ဆံသားနဲ့ကိုက်ညီမယ့် အမျိုးအစားကို သတိထားရွေးချယ်ဖို့က မမေ့သင့်ပါဘူး။ ဗောက်ထနေတာအတွက် ထုတ်ထားတဲ့ခေါင်းလျှော်ရည်တွေထဲမှာမှ အမျိုးသားသုံးနဲ့အမျိုးသမီးသုံးဆိုပြီးကွာပါသေးတယ်။ ဒါကြောင့်ခေါင်းလျှော်ရည်ကို ဂရုတစိုက်ရွေးချယ်ဖို့ လိုပါလိမ့်မယ်။

♦️နေရောင်ခြည်နဲ့ထိတွေ့ပါ ♦️

ဦးရေပြားကိုနေရောင်ခြည်ထိတွေ့ပေးတာကလည်းဗောက်သက်သာစေတဲ့ နည်းလမ်းတွေထဲကတစ်ခုပါ။

♦️လက်ဖက်ဆီ♦️

လက်ဖက်ဆီကဗောက်ပျောက်အောင်လုပ်ဆောင်ပေးနိုင်ပါတယ်။ ဦးရေပြားကို လက်ဖက်ဆီလူးပြီးနှိပ်နယ်ပေးပါ။

♦️ဒိန်ချဉ်နဲ့ သံပရိုသီး♦️

ဒိန်ချဉ်ထဲကို သံပရိုသီးနည်းနည်းလောက်ညှစ်ထည့်ပြီး ဆံပင်ကိုပေါင်းတင်ပေးမယ်ဆိုရင် ဗောက်ထတာကိုရော ဆံပင်ကျွတ်တာကိုပါ သက်သာစေနိုင်ပါတယ်။

♦️ဆီအပူပေးပြီး နှိပ်နယ်ပါ ♦️

သံလွင်ဆီ ဒါမှမဟုတ် အုန်းဆီကို အပူပေးပြီး ခဏအအေးခံလိုက်ပါ။ပြီးရင် ဦးရေပြားနဲ့ ဆံသားမှာလူးပြီး ညင်ညင်သာသာလေးနှိပ်နယ်ပေးပါ။

♦️တမာရွက်နဲ့အုန်းဆီ ♦️

တမာရွက်က မှိုပိုးတွေကိုသေစေနိုင်ပြီး ဦးရေပြားယားယံတာကို သက်သာစေနိုင်ပါတယ်။ အုန်းဆီထဲကို တမာရွက်ထည့်စိမ်ပြီး လူးပေးလို့ရပါတယ်။

♦️ဆံသားပျော့ဆေး (conditioner) ♦️

ဗောက်ကင်းစင်ပြီး ဆံသားလည်းတောက်ပြောင်နေဖို့ဆိုရင်ခေါင်းလျှော်ပြီးတိုင်း Conditioner (ဆံသားပျော့ဆေး)ကိုအသုံးပြုသင့်ပါတယ်။ ရေကိုတော့ စင်အောင်ဆေး​ပေးပါ။

❤​ဦး​ရေပြား ကျန်းမာပြီး ​​ဗောက်​တွေ အမြန်ဆုံး ​ပျောက်ကင်းနိုင်ကြပါ​စေ

အသက်ရာပြည့်ကန်တော့ပွဲနှင့် ဓမ္မပူဇာ စာပေဆုချီးမြှင့်ပွဲပြုလုပ်
-------------------------
စာရေးဆရာကြီးဦးလေးမြိုင်ရဲ့အသက်(၁၀၀)ပြည့်ဂုဏ်ပြုကန်တော့ပွဲ၊ လေးမြိုင်ဓမ္မပူဇာစာပေဆုရရှိတဲ့ ဆရာ တော်တွေကို ဆုတွေဆက်ကပ်လှူဒါန်းပွဲနဲ့ ပိုသူလှူ လိုသူယူ စာအုပ်လှူဒါန်းပွဲအခမ်းအနားတွေကို စက်တင်ဘာ လ(၂၁)ရက် မနက်ပိုင်းက မြောက်ဥက္ကလာမြို့နယ်၊ မယ်လမုဘုရားဝင်းအတွင်းရှိ ဓမ္မာရုံမှာ ကျင်းပခဲ့ပါတယ်။ လေးမြိုင်ဓမ္မပူဇာစာပေဆု ချီးမြှင့်လာတာဟာ အခုဆိုရင် ဒသမအကြိမ်မြောက်အထိ ရောက်လာပြီ ဖြစ်တယ်လို့ သိရပါတယ်။

အခုနှစ်မှာ ဓမ္မပူဇာစာပေဆုအဖြစ် အရှင်ဓမ္မိက(လောင်းလုံး)ရဲ့ အမေဝမ်းမြောက်ပါလေတော့ ဝတ္တုတိုစုစာအုပ်၊ အရှင်ရေဝတ(သာသနာ့ပျိုးခင်း)ရဲ့စာသင်သားတို့၏ဘဝနှင့်အားမာန်(၂)စာအုပ်နဲ့ အရှင် အဘယာလင်္ကာရ (မဟာဝိဟာရပါသီ)ရဲ့လူငယ်များနှင့်မေးကြဖြေကြ ဓမ္မဝိနယစာအုပ်တို့က ရရှိခဲ့တာဖြစ်ပါတယ်။ အသက်ရာ ပြည့်ဂုဏ်ပြုကန်တော့ပွဲနဲ့ လေးမြိုင်ဓမ္မပူဇာစာပေဆုချီးမြှင့်ပွဲကို ကြွရောက်လာကြသူတွေက ဆရာကြီးဦးလေး မြိုင်ကို ဂုဏ်ပြုကန်တော့ကြပြီး ဆရာကြီးဦးလေးမြိုင်က ဆုပေး မေတ္တာစကားတွေ ပြန်လည် မြွက်ကြားခဲ့ပါ တယ်။