Mediatek Dimensity 9400e ပထမဆုံးသုံးမယ့် အကြမ်းဆုံးဖုန်း
Mediatek Dimensity 9400e ကို ပြီးခဲ့တဲ့ မေလ 14 ရက်တုန်းက မိတ်ဆက်ခဲ့တာ။ မိတ်ဆက်ပြီးပြီးချင်းကနေ လက်ရှိအချိန်အထိ Android Chips ထဲမှာ အကြမ်းဆုံးလို့ မှတ်ချက်ပေးနေကြပါတယ်။ အဲဒီအကြမ်းဆုံးဆိုတဲ့ Chips ကြီးကို မကြာခင်မိတ်ဆက်တော့မယ့် realme GT7 မှာ ပထမဆုံးထည့်သွင်းလာမယ်လို့ သတင်းတွေ ထွက်လာပါပြီ။
Mediatek Dimensity 9400e က ကြမ်းတယ်လို့ ပြောနေကြသလိုပဲ သူက Flagship SOC ပါ။ မိတ်ဆက်ခဲ့တုန်းက ဖော်ပြချက်တွေအရ Dimension 9400e ဟာဆိုရင် TSMC ၏ 3rd-generation 4nm နည်းပညာနဲ့ ဖန်တီးထားတာဖြစ်ပြီး Gaming, AI, connectivity နဲ့ imaging ပိုင်းတွေအတွက် မြင့်မားတဲ့စွမ်းဆောင်ရည်များကို ပံ့ပိုးပေးနိုင်တယ်လို့ ဆိုထားပါတယ်။


တရုတ်မှာ မိတ်ဆက်ခဲ့တဲ့ realme GT7 မှာတော့ Dimensity 9400+ ကို သုံးထားတာပါ။ Global ဖြန့်မယ့် realme GT7 မှာတော့ Mediatek Dimensity 9400e ကို သုံးသွားမှာဖြစ်ပါတယ်။ Dimensity 9400e သုံးထားတဲ့ realme GT 7 ကတော့ လူကြိုက်အများဆုံးဂိမ်းအမြင့်ပေါင်း ၂၀ (ဥပမာ - Mobile Legends: Bang Bang, Honor of Kings စတဲ့ ဂိမ်းတွေ) ကို 120fps နဲ့ အဆက်မပြတ်ကစားနိုင်တယ်လို့ ကုမ္ပဏီက အာမခံထားပါတယ်။

■ ရီးရဲလ်မက်ဒရစ်အသင်းဟာ ဘုန်းမောက်အသင်းနောက်ခံလူ ဒင်းဟိုက်ဆန်ကို စာချုပ်ဖျက်သိမ်းကြေး(Release Clause)ပေါင်သန်း(၅၀)နဲ့ ခေါ်ယူဖို့ သဘောတူညီမှုရရှိခဲ့ပါတယ်။ ရီးရဲလ်မက်ဒရစ်အသင်းဟာ ပုဂ္ဂိုလ်ရေးသဘောတူညီမှုရရှိပြီးသားဖြစ်တဲ့ ဒင်းဟိုက်ဆန်ကို နွေရာသီမှာကျင်းပမယ့် ၂၀၂၅ ဖီဖာကလပ်ကမ္ဘာ့ဖလားပြိုင်ပွဲမတိုင်မီ အပြီးသတ်ခေါ်ယူချင်နေတာဖြစ်ပါတယ်။

ဒီဘရိုင်းနားကို ယူရို(၁၂)သန်းနဲ့ (၂)နှစ်စာချုပ်ကမ်းလှမ်းဖို့ နာပိုလီအသင်းပြင်ဆင်

Foldable ဖုန်းတွေက အနာဂါတ်မှာ ပိုပြီးခေတ်စားလာမလား?

ခလုပ်နှိပ်ဖုန်းကနေတစ်ဆင့် Touch လုပ်ရတဲ့ဖုန်း၊ အဲ့ကနေတစ်ဆင့် တစ်ဖြည်းဖြည်း ဖုန်းဘေးဘောင်တွေကိုဖုန်းကုမ္ပဏီတွေက အပြိုင်အဆိုင် သေးအောင်လုပ်ကြရင်း Bazeless၊ Underdisplay Camera, Fingerprint နောက်ပိုင်း ​Notch ခုတော့ ခေါက်ဖုန်းတွေရဲ့ခေတ်လားလို့ မေးစရာပါပဲ။

တစ်ကမ္ဘာလုံးအနေနဲ့ကြည့်မယ်ဆိုရင် Samsung ရဲ့ Z Flip နဲ့ Z Fold တွေကို တရုတ်၊ မြောက်အမေရိက၊ ဥရောပ၊ တောင်ကိုရီးယားစတဲ့ နိုင်ငံတွေက အစဥ်လိုက်နေရာယူထားပါတယ်။​ တစ်ကမ္ဘာလုံးဈေးကွက်နဲ့ယှဥ်ရင်တော့ ဒီဖုန်းတွေက တစ်နှစ်ကို ၁၀ ရာခိုင်နှုန်းတောင်မကျော်သေးပါဘူး။

ပုံမှန်ဖုန်းတွေက ပုံစံတစ်ခုတည်းဖြစ်နေတဲ့အချိန်မှာ Fold, Flip တွေက ခေါက်လို့ရ၊ လှန်လို့ရ ဒေါင့်ပေါင်းစုံထားလို့ရတယ်ဆိုတဲ့ အားသာချက်ရှိပါတယ်။ နောက်တစ်ခုက သယ်ရလွယ်ပြီး ကျစ်ကျစ်လစ်လစ်ဖြစ်တာပါ။ ပုံမှန် Noti ကြည့်တာလောက်၊ သီချင်းဖွင့်တာလောက်ကို ဖုန်းတစ်ခုလုံးသုံးစရာမလိုပဲ Secondary Display ကိုပဲသုံးပြီး အလုပ်လုပ်လို့ရတာက အားသာချက်ဖြစ်ပါတယ်။

ဒါပေမယ့် အားနည်းချက်အနေနဲ့ကတော့ Screen Fold နည်းပညာက သူရဲ့ Peak Condition ကိုမရောက်သေးတာပါပဲ။ ခေါက်တာများရင် ကျိုးသွားတာ၊ Durable မခံသေးတာအပြင် သာမန် LCD Glass Display တွေရှိတဲ့ Durability တွေကိုတော့ မမှီသေးတာပါပဲ။ နောက်တစ်ခုက Hinge နည်းပညာကလည်း ခုထိဖွံ့ဖြိုးဆဲဖြစ်နေတုန်းပါ။ ဈေးနှုန်းတွေကလည်း Z Flip 5 မှာဆိုရင် ကျမသွားသေးလို့ လူတိုင်းလက်လှမ်းမှီတဲ့ နည်းပညာတော့မဟုတ်သေးပါဘူး။

အဲ့တော့ ခေါက်ဖုန်းတွေက အနာဂါတ်မှာ ပိုပြီးခေတ်စားလာဦးမလားမေးရင်တော့ တိုးတက်နေဆဲနည်းပညာဖြစ်လို့ ပိုပြီးခေတ်စားလာမှာသေချာပါတယ်။ ဒါပေမယ့် ဖုန်းတိုင်းကခေါက်တဲ့နည်းပညာကို Standard ထားပြီးထုတ်လာနိုင်မလားဆိုရင်တော့ မသေချာဘူးလို့ ပြောရပါမယ်။ ပိုကောင်းတဲ့ Display၊ ပိုကောင်းတဲ့ Hinge တွေပေါ်လာရင်တော့ Flip & Fold တွေရွှေခေတ်ဖြစ်လာဦးမှာပါပဲ။

မီးမမှန်တဲ့အခါ ဖုန်းအားခြွေတာနည်းများ
မီးကတစ််ရက်ကို ၁၂ နာရီတောင်ပြည့်အောင်မလာ၊ လာတုန်းလည်း မီးအားကမပြည့်ဆိုရင် ဖုန်းတွေကို Power Bank တွေဝယ်၊ မီးစက်တွေဝယ်ပြီး သုံးရပါတယ်။ ဒါပေမယ့် ဒီဆီဈေးနဲ့ဆိုရင် မီးစက်ကို ရေထည့်နှိုးနိုင်မှပဲ သုံးရတာတန်မှာပါ။ မီးပျက်နေတုန်း ဖုန်းအားကြာကြာခံဖို့ဘယ်လိုလုပ်ရမလဲဆိုတာကို ပြောပြပေးပါ့မယ်

၁. Phone Brightness တွေလျော့ထားပါ
ဖုန်းရဲ့ အားအကုန်ဆုံးနေရာကို ပြောပါဆိုရင် Screen Britghtness ပါပဲ။ မသိမသာကုန််နေတဲ့နေရာဖြစ်ပေမယ့် တစ်ကယ်လို့ Screen Brightness ကိုလျော့လိုက်မယ်ဆိုရင် ဖုန်းအားကုန်တာသိသိသာသာ လျော့သွားမှာပါ။ ဖြစ်နိုင်ရငင် Auto Brightness ဖွင့်ထားတာ အကောင်းဆုံးပါပဲ။

၂.Background App တွေကိုပိတ်ထားပါ
Background App တွေတစ်သီးကြီးဖွင့်ထားတဲ့အခါ Battery ကနောက်ကွယ်ကနေ အားတွေကုန်နေရပါတယ်။ ဒါ့ကြောင့်ဖြစ်နိုင်ရင် Recent App တွေရှင်းထားပါ။ သီချင်းဖွင့်ထားတာလောက် ကိစ္စမရှိပေမယ့် Game တွေ run ထားတာမျိုးကတော့ အားကုန်စေပါတယ်။

၃.Battery Saver ဖွင့်ထားပါ
အရင်တုန်းကဖုန်းတွေမှာတော့ Battery Saver ပါဝင်ပေမယ့်ခုဖုန်းတွေမှာတော့ Built-in Battery Saver ပါနေပြီးသားမို့သပ်သပ် Download လုပ်စရာမလိုတော့ပါဘူး။ Battery Saver က မလိုအပ်တဲ့ Serviceတွေကို ပိတ်ပေးလို့ ဖုန်းအားကုန်တာကို သက်သာစေပါတယ်။

၄.Wifi, Bluetooth တွေပိတ်ထားပါ
ဒီ Service တွေကလည်း နောက်ကွယ်မှာ ပွင့်နေရင် အားအကုန်မြန်စေပါတယ်။ ဒါကြောင့် မသုံးတဲ့ Wifi, Bluetooth, GPS တွေပိတ်ထားပေးခြင်းအားဖြင့် အားကုန်သက်သာစေပါတယ်။၅.Airplane mode on ထားပါ
တစ်ကယ်လို့ ဖုန်းသုံးစရာလုံးဝမလိုသေးရင် Airplane Mode ဖွင့်ထားပေးပါ။ Airplane mode က ဖုန်းမှာရှိသမျှ Connection တွေကို ဖြတ်ပေးလိုက်တာမို့ ဖုန်းနဲ့သုံးနေတဲ့ တစ်ချို့ Software တွေကလွဲရင် ဖုန်းအားကို ခြွေတာပြီးသားဖြစ်ပါလိမ့်မယ်။

၆.Original Charger နဲ့ Certified ဖြစ်တဲ့ Charger တွေကိုပဲသုံးပါ
Original မဟုတ်သလို၊ Certified မဟုတ်တဲ့ Third-party Charger တွေသုံးတဲ့အခါ Input Watt မမှန်လို့ Battery နာတတ်ပါတယ်။ ဒါ့အပြင် အားသွင်းရင်း မီးအားမမှန်လို့ အခန့်မသင့်ရင် ဖုန်းပါပျက်တတ်ပါတယ်။

၇.အားသွင်းရင်း ဖုန်းသုံးတာရှောင်ပါ
ဒီဖက်ခေတ်မှာတော့ ဒီလိုသုံးတာအကျင့်လိုကိုဖြစ်နေကြပါပြီ။ ဒါပေမယ့် ဖြစ်နိုင်ရင် အားသွင်းရင်း ဖုန်းသုံးတာကို တတ်နိုင်သမျှရှောင်စေချင်ပါတယ်။

Tech
အားလပ်ချိန််မှာ အကျိုးရှိရှိ အသုံးချနိုင်မယ့် Website ၆ ခု
အားလပ်ချိန်မှာ အချိန်ကိုအကျိုးရှိရှိ အသုံးချရင််း အပျင်းလည်းပြေ ဗဟုသုတလည်းရ နိုင်မယ့် Website တွေကို ဖော်ပြလိုက်ရပါတယ်။

၁. BrainPOP

Animation Video တွေနဲ့ သိပ္ပံ၊ လူမှုသိပ္ပံ၊ သင်္ချာ အစရှိတဲ့ GED လိုမျိုး အခြေခံပညာရေးတွေကနေ ကလေးတွေအတွက် KG Level အတန်းပေါင်းစုံအတွက်ထိ Animation Video တွေကို ထုတ်လုပ်ပေးနေတဲ့ Website ပါ။ ပိုက်ဆံပေးရပေမယ့် အခမဲ့ရနိုင်တဲ့ Content တွေလည်းရှိလို့ စမ်းသုံးကြည့်ဖို့ အကြံပေးချင်ပါတယ်
၂. Geogusser

ဒီဂိမ််းကတော့ ကစားသူကို Google Street Map တစ်နေရာမှာ ကျပန်းချပေးထားပြီး မိမိရောက်နေတဲ့နေရာကို ခန့်မှန်းရမယ့် ကစားနည်းမျိုးဖြစ်ပါတယ်။
၃. Archive(dot)org

Non Profit Internet Library တစ်ခုဖြစ်ပြီး စာအုပ်တွေ၊ videoတွေ၊ အသံဖိုင်တွေ၊ Software တွေအစရှိတဲ့ Resource တွေပေါင်းစုံကို ဒီမှာအခမဲ့ရယူနိုင်ပါတယ်။
၄. Drawbox

ပုံဆွဲကျင့််ချင်သူ အနုပညာရှင်တွေအနေနဲ့ အခြေခံပုံဆွဲနည်းတွေကို လေ့လာနိုင်တဲ့ Website ဖြစ်ပါတယ်။​ ပုံဆွဲဖို့လိုအပ်တဲ့ ပစ္စည်းတွေကအစ ညွန်းပေးလို့ Beginner တွေအတွက်ရှယ်ပါပဲ။
၅. Kongregate

Internet နဲ့ Browser ရှိယုံနဲ့ဆော့လို့ရမယ့် Minigame တွေစုထားတဲ့ Website ပဲဖြစ်ပါတယ်။ Mini Game ဖြစ်လို့ Data လည်းမစားပါဘူး။ အပျင်းပြေဆော့ဖို့အတွက် ကွက်တိပါပဲ။
၆. Sporcle

Geography, history နဲ့ pop culture အကြောင်း Quiz တွေဖြေချင်ရင်တော့ ဒီ Website ကသင့်အကြိုက်ဖြစ်လာမှာပါ။ Articles တွေလည်းဖတ်နိုင်တာမို့ တော်တော်လေးစုံတယ်လို့ ပြောနိုင်ပါတယ်။

ဒီ Website ၆ ခုကတော့ အားလပ်ချိန်တွေမှာ အပျင်းပြေအချိန်ဖြုန်းရင် အကျိုးရှိနိုင်မယ့် Website တွေပဲဖြစ်ပါတယ်။

သဘာဝဘေးအန္တရာယ်တွေ စောင့်ကြည့်လို့ရမယ့် Website များ
ဖုန်းတိုင်းမှာ Weather App တွေပါပေမယ့် ယုံကြည်ရတဲ့ Third-party Source တွေကိုလည်း ဖော်ပြလိုက်ပါတယ်။ မုန်တိုင်း၊ ရေဘေး၊ ငလျင် စတဲ့ အချက်အလက်တွေကို အခမဲ့ရော၊ ပိုက်ဆံပေးပြီး ကြည့်လို့ရတဲ့ Website တွေပဲဖြစ်ပါတယ်။

1. Windy

လက်ရှိ ပညာရှင်တွေအတော်များများ သုံးနေတဲ့ Source တစ်ခုပါ။ မုန်တိုင်း၊ အပူလှိုင်း၊ အအေးလှိုင်း၊ ပင်လယ်ရေလှိုင်းအမြင့်၊ UV Index အချက်အလက် အတော်လေးစုံတဲ့နေရာပါ။

2. AccuWeather

ဖုန်းအတော်များများရဲ့ Weather App တွေမှာ Source အဖြစ်သုံးပါတယ်။ အခမဲ့သုံးလို့ရပါတယ်။

3. Weather Underground

နောက်ထပ် မုန်တိုင်းနဲ့ ရာသီဥတုကိုပတ်သတ်လို့ ခန့်မှန်းချက်တွေ၊ သတင်းတွေ အခမဲ့ကြည့်လို့ရတဲ့ Source တစ်ခုပါ။ ရာသီဥတုနဲ့ပတ်သတ်တဲ့ သတင်းတွေလည်းဖတ်လို့ရပါတယ်။

4. Flood Map

ရေကြီးမယ့်နေရာတွေကို ခန့်မှန်းချက်တွေ ထုတ်ပြန်ပေးတဲ့ Source ပဲဖြစ်ပါတယ်။ မုန်တိုင်းရဲ့နောက်ဆက်တွဲ ရေကြီးမှုတွေကို သတိထားနိုင်ဖို့ အချက်အလက်တွေပြပေးပါတယ်။

5. Earthquake Tracker

ငလျင်တွေကိုလည်း သဘာဝဘေးအန္တရာယ်ထဲမှာ လျော့တွက်ထားလို့မရပါဘူး။ ဒီ Website မှာ တစ်ကမ္ဘာလုံးကငလျင်တွေကို အချိန်နဲ့တစ်ပြေးညီ Up-to-date သိနိုင်ပါတယ်။

အားလုံးပဲ ဘေးကင်းကြပါစေ။

IEM နားကြပ်ဆိုတာဘာလဲ

IEM ဆိုတာ In Ear Monitor Earphone တွေကိုဆိုလိုပါတယ်။ နားကြပ်အတွင်းပိုင်းထိ ဝတ်ဆင်ရတဲ့ နားကြပ်လို့ဆိုနိုင်ပါတယ်။ ပုံမှန်နားကြပ်တွေမှာ နားအခေါင်းထဲထိ တပ်ဆင်တာမျိုးမဟုတ်ပဲ နားအပြင်ပိုင်းမှာ တပ်ဆင်ရတဲ့နားကြပ်တွေများပါတယ်။ Headphone တွေကတော့ နားတစ်ခုလုံးကိုအုပ်ပြီး တပ်ဆင်ရတာပါ။ IEM တွေကို အဆိုတော်တွေ၊ Music Producer တွေနဲ့ Film Production ပိုင်းတွေမှာ အများဆုံးအသုံးပြုကြပါတယ်။

IEM တွေက နားအတွင်းပိုင်းကိုပိတ်ပြီး ပြင်ပအသံတွေကို မကြားရအောင်လုပ်ထားလို့ နားကြပ်ကလာတဲ့ အသံတွေကို ကွဲကွဲပြားပြား ကြားနိုင်ပါတယ်။ ဒါ့အပြင် နားကြပ်အတွင်းကလာတဲ့အသံကို အပြင်ကိုလည်း မထွက်ပဲ နားစည်ကိုတိုက်ရိုက်ပို့ပေးလို့ အသံတွေကို စစ်ဆေးတဲ့ကိစ္စရပ်တွေမှာလည်း IEM တွေကိုပဲ သုံးကြပါတယ်။

IEM တွေရဲ့ အများစု အသံတွေက Flatter ဖြစ်တဲ့အသံတွေများပါတယ်။ ဘာလို့ Flat ဖြစ်လဲဆိုတော့ သံစဥ်တွေထဲက ဘယ်တီးလုံးကိုမှ အထူးပြုပြီး တိုးထားခြင်း၊ ကျယ်ထားခြင်း မရှိလို့ပါ။ ဒါမှ Music Producer တွေအနေနဲ့ ကိုယ့်သံစဥ်ရဲ့ တီးလုံးတိုင်းကို အမှန်အတိုင်းကြားနိုင်မှာဖြစ်ပါတယ်။

IEM တွေရဲ့ အားသာချက်လို့ ပြောလို့ရတဲ့နောက်တစ်ချက်က ကိုယ့်နားအတွင်းပိုင်းနဲ့ကိုက်တဲ့ Earbuds တွေပြောင်းတပ်လို့ရတဲ့အချက်ပါ။ ဒါပေမယ့် အချိန်အကြာကြီးတပ်ထားရင်တော့ နားနာတာနဲ့ အကြားအားရုံထိခိုက်နိုင်တဲ့ ပြဿနာရှိနိုင်ပါတယ်။

နာမည်ကြီးတဲ့ IEM Brand တွေကတော့ Audio Technica, Sennheiser, Shure, InEar တွေဖြစ်ပြီး တစ်ခြားနာမည်ကြီး Brand တွေလည်းအများကြီးရှိပါတယ်။ မိတ်ဆွေက သီချင်းသံတွေကို ဘာ Equalizer မှမပါပဲ မူရင်းအတိုင်းခံစားချင်တယ်ဆိုရင်တော့ IEM တွေကိုစမ်းသုံးကြည့်ပါလို့ အကြံပေးချင်ပါတယ်။ Review ကြည့်ချင်ရင်တော့ YouTube မှာ Crinacle လို့ရိုက်ရှာပြီး ကြည့်ကြည့်ပါ။

သင့်ကလေးကိုစမတ်ဖုန်းပေးမသုံးခင်သိထားသင့်တဲ့အချက်များ

1. Social media တွေရဲ့အန္တာရယ်တွေကိုသင်ပေးပါ။

Social Media တွေရဲ့ဆိုးကျိုးတွေကိုဒီနေ့ကမ္ဘာပေါ်မှာမိမိကလေးကိုဖုန်းစပေးကိုင်တဲ့မိဘတိုင်းသတိထားနေရပါပြီ။မသမာသူတွေကလည်းအသက်မပြည့်သေးတဲ့ကလေးတွေကိုလည်းပစ်မှတ်ထားလာကြပါတယ်။ social media တွေပေါ်ကနေတစ်ဆင့်ပိုက်ဆံအလိမ်ခံရတာ.ကလေးတွေပေါ်ကိုလိင်အမြတ်ထုတ်ခံရတာအပြင်,ပြန်ပေးဆွဲတာတွေအထိတောင်ဖြစ်နိုင်ပါတယ်။ထို့ကြောင့်ကိုယ့်ကလေးနဲ့ပွင့်ပွင့်လင်းလင်းတိုင်ပင်ပြီး အသက်အရွယ်တစ်ခုရောက်လာတဲ့အထိ online ပေါ်မှာသိတဲ့လူတိုင်းကိုမယုံဖို့နဲ့တစ်ခုခုမသင်္ကာစရာရှိပြီဆိုရင်လူကြီးတွေကိုလာပြောဖို့အမြဲမှာထားပါ။နောက်ပြီး social media ပေါ်ကသတင်းအမှားတွေရဲ့အန္တာရယ်ကိုလည်းသင်ပေးထားဖို့လိုပါတယ်။

မဖြစ်မနေပေးသုံးတော့မယ်ဆိုရင်လည်း parental controls ပါဝင်တဲ့ messenger kids, တို့ youtube kidsတို့မျိုးနဲ့စပြီးမိတ်ဆက်ပေးသင့်ပါတယ်။

2. App limit ထားပါ။

နောက်ပြီး social media တွေဟာအသုံးပြုသူတွေကိုစွဲလမ်းစေတဲ့ ပြသမှုတွေအတွက် AI ကိုအသုံးပြုထားတာကြောင့် ဖုန်းပေါ်ကနေမျက်လုံးမခွာနိုင်တာမျိုးလည်းဖြစ်တက်ပါတယ်။အဲ့အတွက်အမြဲတမ်း App limit ထားပေးပါ။ တစ်နေ့ကိုဘယ်လောက်ပဲပေးသုံးမယ်ဆိုတာ screen time ကနေတစ်ဆင့် သတ်မှတ်လို့ရပါတယ်။ App တစ်ခုချင်းဆီအလိုက်လည်းကန့်သတ်လို့ရသလိုဖုန်းတစ်လုံးလုံးကိုလည်း down time သတ်မှတ်ပြီးဘယ်အချိန်ကနေဘယ်အချိန်ထိပဲပေးသုံးမယ်ဆိုတာကို passcode နဲ့သတ်မှတ်ထားလို့ရပါတယ်။ ဥပမာ ကျောင်းကနေအိမ်ပြန်ရောက်တဲ့အချိန်မှာပေးမသုံးချင်ဘူးဆိုရင်ကျောင်းတက်တဲ့အချိန် မနက် ၇ နာရီကနေ 12 နာရီအပြင်ဘက်ကို downtime သတ်မှတ်ထားလို့ရပါတယ်။ဒီ feature ဟာ Android မှာရော IOS မှာရောပါတဲ့ Feature ဖြစ်ပါတယ်။

3. Dark web အကြောင်းကလေးတွေရှေ့မှာလုံးဝမပြောမိပါစေနဲ့

ကလေးတွေဆိုတာသဘာဝအရစူးစမ်းလေ့လာလိုစိတ်ရှိတာကြောင့်အန္တာရယ်များတဲ့ dark web အကြောင်းသူတို့မသိတာအကောင်းဆုံးပါပဲ။အသက်ကြီးလာမှသာသူတို့ဘာသာသူတို့စဉ်းစားချင့်ချိန်နိုင်တဲ့အရွယ်ရောက်မှသိပါစေ။ဘာဖြစ်လို့လဲဆိုတော့ dark web ထဲမှာဥပဒေနဲ့မညီတဲ့လုပ်ငန်းတွေဖြစ်တဲ့ credit card အတုလုပ်တာ ,လူ့ခန္ခာကိုဘ်အစိတ်အပိုင်းရောင်းတာတွေအပြင် , မမြင်သင့်မမြင်အပ်တာတွေလည်းပြည့်နှက်နေလိုပါ။ dark web ကြောင့်ဒုက္ခရောက်ရတဲ့ ဆယ်ကျော်သက်တွေလည်းနိုင်ငံခြားမှာဒုနဲ့ဒေးပါ။

4. အင်တာနက်ပေါ်မှာရှာဖွေနိုင်တာတွေကိုကန့်သတ်ပါ။

ဒီ feature ကဖုန်းနဲ့အင်တာနက်အသုံးပြုတဲ့အခါမှာ parental control ထည့်ပြီးသင့်ကလေးဝင်ကြည့်နိုင်တဲ့ site တွေကိုထိန်းချုပ်တာဖြစ်ပါတယ်။ 18+ website တွေကို Block လို့ရသလို ကိုယ်ကြည့်ခွင့်ပေးထားတဲ့ website တွေပဲဝင်ကြည့်လို့ရအောင်လည်းထိန်းချုပ်နိုင်ပါတယ်။အရမ်းအသုံးဝင်တဲ့အတွက်ကိုယ့်ကလေးကိုဖုန်းပေးသုံးတော့မယ်ဆိုရင်မဖြစ်မနေအသုံးချသင့်တဲ့လုပ်ဆောင်ချက်ပဲဖြစ်ပါတယ်။

5. ဖုန်းကိုကောင်းကောင်းကာကွယ်နိုင်တဲ့ကာဗာများအသုံးပြုပါ။

ကလေးမှန်ရင်ဆော့တက်တဲ့အတွက်ကိုယ့်ကလေးကိုဘယ်လိုဖုန်းပဲပေးကိုင်ပေးကိုင်မာကျောတဲ့ကာဗာနဲ့မှန်ကပ်များအသုံးပြုသင့်ပါတယ်။ဆော့ရင်းနဲ့မှန်ကွဲသွားတာတို့ဘောင်တွေအနောက်တွေကွဲသွားတာတို့ဆိုရင်ခဏခဏဝယ်ပေးရတာနဲ့မကာမိပါဘူး။အဲ့တာကြောင့်ကလေးကိုလည်းမထိခိုက်စေမဲ့အပြင်ဖုန်းကိုလည်းကောင်းကောင်းကာကွယ်နိုင်မဲ့အရည်အသွေးကောင်းတဲ့ကာဗာ,မှန်ကပ်မျိုးအသုံးပြုသင့်ပါတယ်။

2010 ခုနှစ်စီက မြန်မာ့အင်တာနက်ခေတ်

ဟိုနေ့က ၂၀၁၀ ခုနှစ်တွေစီက အင်တာနက်ခေတ် အကြောင်းတင်တော့ ထည့်ရေးဖို့လိုသွားတဲ့ အကြောင်းအရာတစ်ချို့ရှိတယ်။ ကိုယ်တိုင်ကနယ်မှာ ကြီးပြင်းလာတဲ့ IT ကြောင်းစိတ်ဝင်စားတဲ့ ကလေးဆိုတော့ နယ်ဖက်မှာက နည်းပညာဆိုတာ၊ အင်တာနက်ဆိုတာက တွေ့ရဖို့အင်မတန်ရှားတာကိုး... ဒါတောင် ကိုယ်နေခဲ့တဲ့မြို့က ရုံးတွေအခြေစိုက်မို့လို့ နည်းနည်းပါးပါးခေတ်မှီတယ်ပြောရမယ်။

ပထမတစ်ခု မှတ်မှတ်ရရပြောရရင် ငယ်ငယ်က အင်တာနက်ကြိုက်သလို၊ ဂိမ်းလည်းအသည်းအသန်ဆော့တယ်။ တစ်ကဒ်မှာ ဂိမ်း ၁၈ ခုလောက်ပါတဲ့ 8-bit Character ကဒ်ထိုးဂိမ်းစက်ကို ဘဝမှာ ၂ တန်းလောက်က စပြီးလက်ဆောင်ရပါလေရော၊ ဘုမသိဘမသိ စဆော့တာက Mario, ဆိုင်ကယ်မောင်း, တစ်ခြားဂိမ်းအသေးလေးတွေ, နောက်ပြီး TV Screen ကိုချိန်ပြီး ဘဲကို သေနတ်နဲ့ပစ်ရတာ၊ ဘဲသေသွားရင် ခွေးကယူလာပြီး ပြရင်ပျော်နေရော၊ မုန့်ဖိုးလေး ခြစ်ကုတ်စုပြီး ဂိမ်းခွေအသစ်သွားဝယ်လို့ ဆော့ပြီးသား ဂိမ်းပြန်ပါလာရင် ငိုရတာအမော...:"

အဲလိုနဲ့ PS2 ကိုစပြီးမိတ်ဆက်မိပါလေရော၊ အိမ်မှာပူဆာအတင်းဝယ်ခိုင်း စက်ဝယ်ပေးပေမယ့် ခွေဖိုးမတတ်နိုင်လို့ ဆိုင်မှာဆော့ရတာများတယ်။ နောက်တော့ ခိုးကူးခွေနဲ့ဆော့နည်းသိသွားတယ်။ အဲ့လိုနဲ့ ရမ်ဘိုဂျပု (Metal Slug), Smack Down, ကားသူခိုး(GTA), သံခမောက်၊ ကားတိုက်ပွဲ၊ ပြိုင်စက်ဘီး ပြောရရင် မဆုံးဘူး။ ဂိမ်းဆိုင်က GTA ခိုးနည်းစာရွက်ကို သွားပြီးကူးတာ မရလို့ ခိုးလည်းခိုးခဲ့ဖူးတယ်။ ခိုးတာလည်းမိခဲ့ဖူးတယ်။

နောက်ပြီး ဂိမ်းဆိုင်းအများစုက မှောင်ခိုဆိုင်လိုလို၊ ဘာလိုလိုနဲ့ဖွင့်တာ၊ နောက်ဖေးထဲဝင်သွားရတာမျိုးတို့၊ လိုက်ကာတွေကာထားတာမျိုးတို့၊ နယ်မှာကဂိမ်းဆိုင်ဆိုရင် ကလေးတွေကို ပျက်စီးအောင်လုပ်တဲ့နေရာလို့ ခံယူထားကြလို့ ဘယ်သူမှမကြည်ကြဘူးကိုး။ ကိုယ်တွေထိုင်နေကြဆိုင်မှာက ဆိုင်ပေါ်တင်ဖွင့်တယ်။ ဂိမ်းဆိုင်ကယမ်ယမ်ချဥ်စပ်ကြက်ဥကလည်းကောင်း၊ ဆိုင်ရှင်ဦလေးကြီး သမီး ၂ ယောက်ကလည်း အတော်ချောတာ...

နောက်တော့ အင်တာနက်ဂျာနယ်ဖတ်မိသွားတာ၊ ဘောလုံးသမားတွေ ဘောလုံးဂျာနယ် နောက်ဆုံးစာရွက်ကို ကြိုက်သလို ကျွန်တော်လည်း အင်တာနက်ဂျာနယ်မှာဆို App တွေ၊ Website တွေ Review ပေးတဲ့ စာရွက်ကို အကြိုက်ဆုံးပဲ အမြဲကြည့်ရတာ၊ နောက်တော့ မှ Blog၊ Forum တွေဖတ်ရကောင်းမှန်းသိလို့ ဂျာနယ်ဝယ်မဖတ်ဖြစ်တော့တာ...။ မြန်မာသားလေးနည်းပညာတို့၊ ဘယ်မြို့ကအညတရနည်းပညာသမားလေးတို့၊ မျိုးချစ်စိတ်အပြည့်နဲ့ Blog Site တွေဖတ်ရတာအမောပဲ။ Site တွေကလည်း ငစားရယ်၊ ဝင်ကြည့်လိုက်ရင် မြန်မာနိုင်ငံတော်သီချင်းဖွင့်တာတို့၊ ပဌာန်းတွေဖွင့်တာတို့၊ တစ်ကယ်အစားတွေကြီးပဲ

ဒါကတော့ ကျွန်တော်ကြုံခဲ့ဖူးတဲ့ ငယ်ငယ်က နည်းပညာနဲ့ ဂိမ်းအကြောင်းနဲနဲပါးပါးပေါ့။ နောပတ်တစ်ပတ်မှ Internet Gaming အကြောင်းဆက်မယ်။ မိတ်ဆွေတို့ရော ဘယ်လိုတွေကြုံခဲ့ဖူးလဲဗျ?