MySPACE

6 d - Translate

မြန်မာ့ရိုးရာ လှည်းယဥ်ကျော့ နွားလှည်းနှင့် နွားအလှပြိုင်ပွဲကို တပ်ကုန်း တန်ဆောင်တိုင်တွင် ထည့်သွင်းကျင်းပ

ယခုနှစ် နေပြည်တော်ကောင်စီနယ်မြေ၊ တပ်ကုန်းမြို့နယ်၏ တန်ဆောင်တိုင်ပွဲတော်တွင် မြန်မာ့ရိုးရာ လှည်းယဥ်ကျော့ နွားလှည်းနှင့် နွားအလှပြိုင်ပွဲကို ထည့်သွင်းကျင်းပခဲ့ကြောင်း သိရသည်။

ယင်းပြိုင်ပွဲကို နေပြည်တော်ရှိ မြို့မအားကစားကွင်းတွင် ကျင်းပခဲ့ခြင်းဖြစ်ပြီး ပထမဆု (၅၀)သိန်း ၊ ဒုတိယဆု (၄၀) သိန်း ၊ တတိယဆု (၃၀)သိန်းချီးမြှင့်မည်ဖြစ်ကြောင်း တန်ဆောင်တိုင်ဖြစ်မြောက်ရေး ကော်မတီထံမှ သိရှိရသည်။

Comment

6 d - Translate

" ပံ့သကူ ဆိုတာ "

🔸ဒီဘက်ခေတ်မှာ လူငယ်တော်တော်များများ
မကြားဖူးတော့ဘဲ တိမ်မြုပ် ပျောက်ကွယ်လာပြီ
ဖြစ်တဲ့ အလေ့တစ်ခုပါ။

🔸မိမိ လှူချင်၊ တန်းချင်တဲ့ ပစ္စည်း ၊ ငွေကြေး ၊ အသုံးအဆောင် ပစ္စည်း တစ်ခုခု ကို အိတ်တစ်လုံးထဲမှာ ထည့်ပါ။

🔸ပြီးရင် လူ မမြင်နိုင်တဲ့ အချိန်မှာ လမ်းနေရာတစ်ခုခု မှာ သွားပြီး ချထားပါ။

🔸ခြွင်းချက် နည်းနည်း ရှိပါတယ်။ အဲဒီလို ချထားတဲ့အခါမှာ ဘယ်သူ မှ သိလို့ မဖြစ်ပါဘူး ။ ကိုယ် တစ်ယောက် သာ သိရပါမယ်။

🔸လူသွားလမ်း နဲ့ လူတွေ တွေ့မြင်နိုင်တဲ့ နေရာမျိုးလည်း ဖြစ်ရပါမယ်။ အလှူဆိုပြီး ရေထဲ ပစ်ချလိုက်သလို မျိုးတော့ မဖြစ်ရပါဘူး။

🔸နောက် တစ်ရက်မှာ မိမိ လှူလိုက်တဲ့ ပစ္စည်း ကို ရသွားတဲ့ လူ က ကောင်းချီးမင်္ဂလာ ပေးတဲ့အခါ မှာ ကုသိုလ် ရပါလိမ့်မယ်။

🔸 အဲဒီ ကုသိုလ် ဟာ ( ရှေး အရင် က ရဟန်းတွေ ဟာ လှည့်လည် အလှူခံခြင်း မပြုဘဲ ၊ အမှိုက်ပုံ ..စတဲ့ နေရာတွေကနေ အ၀တ်စုတ်၊ တွေ ကောက်ယူပြီး သင်္ကန်း ချုပ်၀တ်လေ့ရှိပါတယ်။ အ၀တ်ကောင်းကောင်း လေး ရပြီဆိုရင် အဲဒီ ရဟန်းအဖို့ တစ်နွေစာ တရားအားထုတ်လို့ ရနိုင်ပြီပေါ့)ခုန ရဟန်းတစ်ပါး ဟာ အ၀တ်ကောင်းကောင်း လေး တစ်ခု ရသွားတဲ့ အခါ မှာ ဖြစ်တဲ့ ပီတိ နဲ့ အလားတူပါတယ်။ ကုသိုလ်ရပုံချင်းလည်း တူပါတယ်။

Sanomia | Ref to Original | #ပံ့သကူ

Comment

6 d - Translate

ဒီနှစ် လာခိုးမယ့်သူမရှိလည်း
နောက်နှစ်တော့ လာခိုးမယ့်သူရှိပါစေနော်...🤭

#သူခိုးကြီးည
#တန်ဆောင်မုန်းလပြည့်ည

Comment

6 d - Translate

သူခိုးကြီးည သို့မဟုတ် ကျီးမနိုးပွဲ 🌝🌌

ရှေးမြန်မာ‌တွေရဲ့ ထိုးကွင်းထိုးကြတဲ့ ဓလေ့ကို သိကြမှာပါနော်။ အဲ့လို ထိုးကွင်းမှင်ကြောင်ထိုးကြတဲ့အခါ သီတင်းကျွတ်လပြည့်နေ့မှာ ထိုးလေ့ရှိကြပါတယ်။

တန်ဆောင်မုန်းလပြည့်ညရောက်တဲ့အခါ ကောင်းကင်ယံမှာ နက္ခတ် ၂၇ လုံး စုံညီတာမို့ ဆေးအာနိသင်တွေ နိုးကြွား ထက်မြက်တယ်လို့ ယူဆကြပြီး ဆေးအုပ်၊ မှော်ထပ်အုပ်ကြပါတယ်။

ဆေးဆရာကြီးတွေက ဆေးအုပ်ပြီး တန်ဆောင်မုန်းလပြည့်ကျော် ၁ ရက် နေ့ည‌ရောက်တာနဲ့ ထိုးကွင်း စွမ်း/မစွမ်း သိရဖို့ အိမ်ရှင်တွေမသိအောင် လျှောက်ခိုးခိုင်းပါတယ်။

ရလာတဲ့ပစ္စည်းတွေကို ရွာသူကြီးအိမ်ရှေ့မှာ ပုံထားရတယ်။ တကယ်လို့ ခိုးတာမိသွားတဲ့သူတွေကိုလဲ မှတ်ထားရတယ်။ နောက်နေ့မနက်မှာ ကိုယ့်ပစ္စည်းကို ရွာလူကြီးအိမ်မှာ ပိုက်ဆံနဲ့လာရွေးရတယ်။

ပစ္စည်းတန်ဖိုးအလိုက် ရတဲ့ငွေကို အလှူငွေလို့သတ်မှတ်ပြီး သင်္ဃန်းပရိက္ခရာ ဝယ်တယ်။ ပြီးရင် ခိုးလို့မိတဲ့သူတွေကို သာမေဏ ဝတ်ပေးကြတယ်။

တကယ်တော့ သူခိုးကြီးညမှာ ခိုးတယ်ဆိုတာက အကုသိုလ်ဖြစ်အောင် ခိုးကြတာမဟုတ်ပါဘူး။ ဆေးပေါင်းခတဲ့အချိန် နက္ခတ်စုံတဲ့ညမှာ ဆေးအုပ်တဲ့ ထိုးကွင်းအစွမ်း ထက်/မထက် စမ်းသပ်ရင်း ကုသိုလ်အဖြစ်လုပ်ကြတာပါ။

သူခိုးကြီးညကို တလွဲအယူတွေနဲ့ အကုသိုလ်ဖြစ်အောင်၊ သူတပါး စိတ်အနှောင့်အယှက်ဖြစ်အောင် မပြုလုပ်မိဖို့ ရည်ရွယ်ပြီး ရေးသား မျှဝေလိုက်ပါတယ်။

ညိုစမ့်က စာတွေရှာဖတ်ပြီး သိထားလေးကို ပြောပြတာပါ။ လိုတာရှိရင် ဖြည့်စွက်နိုင် အကြံပေးနိုင်ပါတယ်နော်။

နောက်လာမယ့်အရေးအသားတွေကိုလည်း ဝေဖန်ပေးကြပါလို့ မေတ္တာရှေ့ထား တောင်းဆိုလိုက်ရပါတယ်ရှင် .... 🙏🙏🙏

ညိုစိမ့်
နိုဝင်ဘာလ (၁၆)ရက် ၊ ၂၀၂၄ခုနှစ်

#ကျီးမနိုးပွဲ
#သူခိုးကြီးည