#နိုင်ငံတကာသတင်း
◼ တာလီဘန်အစိုးရကို အသိအမှတ်ပြုသော ကမ္ဘာ့ပထမဆုံးနိုင်ငံ ရုရှားဖြစ်လာ
အာဖဂန်နစ္စတန်နိုင်ငံ၏ သံအမတ်ကြီးသစ် ခန့်အပ်လွှာအား လက်ခံလိုက်ကြောင်း ရုရှားက ယမန်နေ့က ပြော ကြားလိုက်သဖြင့် တာလီဘန်အစိုးရအား အသိအမှတ်ပြုသော ကမ္ဘာ့ပထမဆုံးနိုင်ငံဖြစ်လာခဲ့သည်။
နှစ်ဖက်ဆက်ဆံ‌‌ရေး ဖွံ့ဖြိုးတိုးတက်စေရေး အလားအလာ‌ကောင်းများကို မော်စကိုက မြင်တွေ့ထားကြောင်း နှင့် လုံခြုံ‌‌ရေး ၊ အကြမ်းဖက်ဝါဒတိုက်ဖျက်ရေး နှင့် မူးယစ်ဆေးဝါးဆိုင်ရာပြစ်မှု နှိမ်နင်းခြင်းများတွင် ကဘူးလ်ကို ဆက်လက် ကူညီပေးသွားမည်ဖြစ်ကြောင်း ရုရှားနိုင်ငံခြားရေးဝန်ကြီးဌာန က ထုတ်ပြန်ပြောကြားသည်။
မော်စကို က ကဘူးလ် နှင့် ဆက်ဆံ‌ရေးတွင် ကုန်သွယ်ရေး နှင့် စီးပွားရေးအခွင့်အလမ်းများကိုလည်း မြင် တွေ့ ထားပြီး အထူးသဖြင့် စွမ်းအင်၊ သယ်ယူပို့ဆောင်ရေး၊ စိုက်ပျိုးရေး နှင့် အခြေခံအဆောက်အအုံ ကဏ္ဍများတွင် ဖြစ်ကြောင်း ရိုက်တာသတင်းက ဖော်ပြသည်။
အာဖဂန်နစ္စတန်အစ္စလာမ်မစ်နိုင်ငံတော် အစိုးရအဖွဲ့အား တရားဝင်အသိအမှတ်ပြုခြင်းက နှစ်နိုင်ငံကြား နယ် ပယ်ပေါင်းစုံတွင် အကျိုးဖြစ်ထွန်းသော ပူးပေါင်းဆောင်ရွက်မှုကို အုတ်မြစ်ချပေးမည်ဟု မိမိတို့ ယုံကြည်ကြောင်း ရုရှားနိုင်ငံခြား‌ရေးဝန်ကြီးဌာနက ဆက်ပြောသည်။
ရုရှားနိုင်ငံ၏ သတ္တိရှိသော ခြေလှမ်းကို မိမိတို့ တန်ဖိုးထားကြောင်း နှင့် ယင်းမှာ အခြားလူများအတွက် နမူနာ ဖြစ်နိုင်ကြောင်း အာဖဂန်နိုင်ငံခြား‌‌ရေးဝန်ကြီး အာမေးခန်မူတာကီ က ထုတ်ပြန်ပြောကြားသည်။
နှစ်ပေါင်း ၂၀ စစ်ဆင်နွဲပြီး အမေရိကန်က ယင်းနိုင်ငံမှ ဝရုန်းသုန်းကား ဆုတ်ခွာခဲ့စဉ် ၂၀၂၁ ခုနှစ် ဩဂုတ်လတွင် အာဖဂန်နစ္စတန်နိုင်ငံတွင် အာဏာရယူခဲ့သော တာလီဘန်အစိုးရကို ယခုအချိန်အထိ မည်သည့်နိုင်ငံကမျှ အသိ အမှတ် မပြုသေးကြောင်း သိရသည်။
သို့ရာတွင် တရုတ်၊ ယူအေအီး၊ ဥဇဘက်ကစ္စတန် နှင့် ပါကစ္စတန်တို့က ကဘူးလ်မြို့တွင် သံအမတ်ကြီး အ ဖြစ် လျာထားသူများအား ထားရှိပြီးဖြစ်ရာ တရားဝင်အသိအမှတ်ပြုရန် ခြေလှမ်းထားခြင်းဖြစ်သည်။
ရုရှား၏လုပ်ရပ်မှာ နိုင်ငံတကာကအသိအမှတ်ပြုမှုရရှိရန် ကြိုးစားနေသော တာလီဘန်အစိုးရအတွက် ကြီး မား သောမှတ်တိုင်တစ်ခုဖြစ်သွားခဲ့ကြောင်း ရိုက်တာသတင်းက ဆိုသည်။
သို့သော်ယင်းလုပ်ရပ်ကို ဝါရှင်တန်က အနီးကပ်စောင့်ကြည့်နေဖွယ်ရှိပြီး အာဖဂန်နစ္စတန်ဗဟိုဘဏ်၏ ပိုင်ဆို င်မှုဖြစ်သော ကန်ဒေါ်လာ ဘီလီယံပေါင်းများစွာကို ထိန်းချုပ်ထားကာ တာလီဘန်အဖွဲ့ ထိပ်တန်း ခေါင်း ဆောင်များအပေါ်လည်း တားဆီးပိတ်ဆို့မှုများ ချမှတ်ထားကြောင်း သိရသည်။
သတင်း-ရဲမင်း
ကိုးကား-Reuters

$700 လောက်နဲ့သာ ရောင်းရင် တခြားဘာမှမရွေးနဲ့တော့ပဲ 🫠
.
Apple ကနေ လောလောဆယ်မှာ M4 Chip နဲ့ MacBook Air ကို $999 စျေးနဲ့ ရောင်းနေတယ်။ ဒီစျေးက Laptop တစ်လုံးအနေနဲ့ သက်သာတယ်လို့ ပြောလို့ရပေမယ့် Apple ကနေ မကြာခင်မှာ ဒီထက် စျေးသက်သာတဲ့ MacBook အသစ်တစ်လုံးကို မိတ်ဆက်ဖို့ စီစဥ်နေပြီလို့ သတင်းတွေထွက်လာပြီ။
ဒီသတင်းကို Bloomberg Media က Analyst Ming-Chi Kuo ကနေ ပြောခဲ့တာပါ။ အခု စျေးသက်သာတဲ့ MacBook အသစ်ရဲ့ ထူးခြားချက်က လက်ရှိ M Series Chip တွေမသုံးပဲ iPhone 16 Pro ဖုန်းတွေက A18 Pro Chip ကိုပဲ အသုံးပြုထားမှာဖြစ်ပါတယ်။
ဒါက ပြောရရင် လက်ရှိ Qualcomm ကနေ Snapdragon X Elite လိုမျိုး X Series ဆိုပြီး ARM-based လည်းဖြစ်၊ Snapdragon Mobile Chipset တွေနဲ့ ဆင်တူတဲ့ Processor တွေကို Laptop တွေမှာ သုံးနေတာနဲ့ ပိုတူတယ်။ Snapdragon X Series Processor တွေက Apple M Series ကို ယှဥ်ဖို့ အသစ်ထုတ်ခဲ့တာဖြစ်ပေမယ့် Apple က MacBook မှာပါ iPhone က A18 Pro Chip လို Mobile Chip ထည့်သုံးလည်း အေးဆေးပဲ ဆိုပြီး ပြန် Flex ပြတဲ့ ပုံစံပဲ။​
ဒီ A18 Pro Chip သုံးထားမယ့်အပြင် MacBook အသစ်က 13-inch Screen Size ကို သုံးပေးထားမယ်။ MacBook Air 13-inch နဲ့ Size ရော၊ ပုံစံရော ဆင်တူနိုင်တယ်။
အရောင်တွေအနေနဲ့ လောလောဆယ်မှာ Apple ကနေ Silver ၊ Blue ၊ Pink နဲ့ Yellow ဆိုပြီး (၄) မျိုးထုတ်ဖို့ စီစဥ်နေတယ်လို့ သိရတယ်။ Budget ဖြစ်တော့ လက်ရှိ iPad (A16) လိုမျိုး Fun ဖြစ်တဲ့အရောင်တွေနဲ့ ထွက်လာမယ့်ပုံစံပဲ။
Apple က လက်ရှိ MacBook တွေက ရောင်းအားကောင်းနေပေမယ့် အခုလို Budget MacBook ထပ်ထုတ်တာက လာမယ့် ၂၀၂၆ ခုနှစ်မှာ 2020 - COVID ကြောင့် Work From Home ကိစ္စတွေနဲ့ ရောင်းအားအမြင့်ဆုံးဖြစ်ခဲ့တဲ့ တစ်နှစ်တာ MacBook ရောင်းအား - အလုံးရေ ၂၅ သန်းလောက်အထိ ရောင်းအား ပြန်တက်ဖို့ ရည်ရွယ်ပြီး ထုတ်မယ်လို့ သိရတယ်။ လက်ရှိ ၂၀၂၅ အတွက် MacBook ရောင်းအားက အလုံးရေ သန်း ၂၀ ဝန်းကျင်ရှိနေတယ်။ အခု A18 Pro Chip နဲ့ MacBook အသစ်ကိုလည်း ၂၀၂၆ အတွင်းမှာ အလုံးရေ ၅ သန်းကနေ ၇ သန်းအထိ ရောင်းရဖို့ ခန့်မှန်းထားတယ်ဆိုပဲ။​
ဆိုတော့ A18 Pro Chip နဲ့ MacBook အသစ်ကို ဘယ်အချိန်မြင်ရမလဲဆိုတော့ အခု ၂၀၂၅ နှစ်ကုန်ပိုင်း၊ ဒါမှမဟုတ် ၂၀၂၆ နှစ်စပိုင်းမှာ မိတ်ဆက်ဖို့ ပြင်ဆင်နေတယ်လို့ သိရတယ်။​
တလောတုန်းက M1 MacBook Air ကို $699 အထိ ဆင်းပြီး ရောင်းခဲ့ဖူးတော့ ဒီ A18 Pro နဲ့ MacBook ကိုလည်း $700 ဝန်းကျင်နဲ့ ရောင်းလိုက်ရင် လုံးဝကို အရမ်းတန်တဲ့ Laptop တစ်လုံးဖြစ်သွားမှာ အသေအချာပဲ 👀

#ပြည်တွင်းသတင်း
◼ လောက်ကိုင်၌ မိုးသည်ထန်ခြင်းကြောင့်ရေလှောင်တမံကျိုးပျက်၊ သုံးဦးသေဆုံးကာထိခိုက်ပျက်စီးမှုများရှိဟုဆို
ရှမ်းပြည်နယ်(မြောက်ပိုင်း)၊ လောက်ကိုင်မြို့၊ ကျင်းရှမ်ချိန်မြို့နယ်ရှိ ဆီအောကျေးရွာ၌ ယမန်နေ့ (ဇူလိုင် ၃ ရက်)မွန်းလွဲပိုင်းတွင် မိုးသည်းထန်စွာရွာသွန်းခြင်းကြောင့် ရေလှောင်တမံကျိုးပျက်ကာ ရေကြီးမှုဖြစ်ပွား၍ သုံးဦးသေဆုံးခဲ့ ကြောင်း ဒေသတွင်းသတင်းများအရသိရသည်။
အဆိုပါ ရက်မတိုင်မီ မိုးသည်းထန်စွာဆက်တိုက်ရွာသွန်းခဲ့၍ ကျေးရွာအတွင်းရှိလမ်းများတွင် ရေများပြည့်လျှံကာ ရေထုတ်စနစ်အရှိန်လွန်ကဲ၍လမ်းများပိတ်ဆို့ခဲ့ကြောင်း၊ ဇူလိုင် ၃ ရက် မွန်းလွဲပိုင်းတွင် ကျေးရွာအပေါ်ဘက်ရှိ ရေလှောင်တမံတစ်ခုတွင် ခံနိုင်ဝန်စံချိန်ထက် ရေအလွန် များပြားလာကာ ရေလှောင်တမံကျိုးပျက်၍ ရေကြီးမှုဖြစ်ပွားခဲ့ကြောင်း၊ ယင်းကျေးရွာရှိ လယ်ကွင်းများနှင့် မြစ်ကမ်းဘေးလမ်းများ၊ အိမ်များ ရေနစ်မြုပ်ခဲ့ကြောင်း ယင်းသတင်းများအရ သိရသည်။
ရေကြီးမှုကြောင့် မြစ်ကမ်းအနီးရှိ အနိမ့်ပိုင်းနေရာတွင်ရှိသည့် တဲအိမ်တစ်လုံးပြိုကျခဲ့ပြီး အဆိုပါ နေအိမ်တွင်နေထိုင်သည့် လယ်သမားဇနီးမောင်နှံနှင့် ၎င်းတို့၏မြေးဖြစ်သူတို့သည် ရေစီးဖြင့်မျောပါ သွားခဲ့ကြောင်း၊ ကယ်ဆယ်ရေးတပ်ဖွဲ့ဝင်များနှင့် ကျေးရွာနေထိုင်သူများကိုရှာဖွေကယ်ဆယ်ခဲ့ရာ ၎င်းတို့သုံးဦး၏ ရုပ်အလောင်းများကိုသာပြန်လည်တွေ့ရှိခဲ့ကြောင်း ထုတ်ပြန်ချက်အရသိရသည်။
မိုးသည်းထန်စွာဆက်တိုက်ရွာသွန်းမှုများကြောင့် လောက်ကိုင်မြို့တော်အနီးနှင့် အခြားခရိုင်များရှိ မြစ်ကမ်းနီးဒေသများတွင်နေထိုင်သူများအနေဖြင့် ကြိုတင်ကာကွယ်မှုများ ပြုလုပ်ထားရန်၊ အန္တရာယ် ရှိသောနေရာများသို့သွားရောက်ခြင်းမှ ရှောင်ကြဉ်ရန်လည်း သက်ဆိုင်ရာများက အသိပေးနှိုးဆော် ထားသည်။
သတင်း-အင်ကြင်း
ဓာတ်ပုံ- The Kokang

စေတနာနဲ့ တိုးပေးလာတာ 5000mAh တော့ ရောက်ပြီ 🫥
.
Apple ကနေ ဒီနှစ် iPhone 17 Pro Max ဖုန်းမှာ အသုံးပြုလာမယ့် Battery Capacity အကြောင်း သတင်းတွေ ပေါက်ကြားလာပြီဖြစ်ပါတယ်။ အဆိုပါသတင်းအရ iPhone 17 Pro Max ရဲ့ Battery ဟာ 5000mAh ဝန်းကျင်ရှိမယ်လို့ သိရပါတယ်။
ဒါကြောင့် iPhone 17 Pro Max ဟာ လက်ရှိထုတ်ဖူးသမျှ iPhone တွေထဲမှာ Battery Capacity အများဆုံးဖြစ်လာမှာပါ။ နှိုင်းယှဥ်ရရင် iPhone 16 Pro Max တုန်းက 4676mAh Battery ပဲ​ပါဝင်ခဲ့တာဖြစ်ပါတယ်။ ဒါကိုမှ A19 Pro Chip က Battery Optimization ပိုကောင်းလာတာမျိုးလည်း ရှိနိုင်တာကြောင့် တကယ်သုံးတဲ့အချိန်မှာ သိသိသာသာ ပိုအားခံဖွယ်ရှိနေပါတယ်။
5000mAh ဖြစ်လာပြီဆိုပေမယ့် ကြိုးနဲ့အားသွင်းရင် 20W ပဲ​ဆိုရင်တော့ ထပ်အပြောခံရဦးမှာပဲ 🫥

#ယနေ့ထုတ်သတင်းစာ_သတင်း
◼ တရုတ်မော်ဒယ်တစ်ဦးကို မြန်မာဘက်ခြမ်းမှ ကယ်ထုတ်ခဲ့ရ
ပြည်ပအလုပ်အကိုင် အခွင့်အလမ်းတစ်ရပ်ဖြင့် လွန်ခဲ့သည့်လက ဖြားယောင်းခေါ်ဆောင်ခံခဲ့ရသော တရုတ်နိုင်ငံသား မော်ဒယ်တစ်ဦးကို မြန်မာပြည်တွင်းရှိ အွန်လိုင်းလိမ်လည်မှုလုပ်ငန်းတစ်ခုက ကယ်တင်နိုင်ခဲ့ကြောင်း တရုတ်မီဒီယာများက သတင်းထုတ်ပြန်ထားသည်။
အသက်(၂၅)နှစ်အရွယ် ကျောင်အမည်ရှိ အဆိုပါတရုတ်မော်ဒယ်သည် ယခုနှစ်ဇွန်လအတွင်း ပြည်ပအလုပ်အကိုင်အခွင့်အလမ်း တစ်ရပ်ဖြင့် ဖြားယောင်းခေါ်ဆောင်ခံခဲ့ရပြီး ဇွန် ၉ ရက်မှစ၍ ထိုင်းနိုင်ငံ၌ စတင်ပျောက်ဆုံးခဲ့ရသည်။
သို့ရာတွင် ၎င်းတရုတ်နိုင်ငံသားကို သက်ဆိုင်ရာတာဝန်ရှိသူများ ပူးပေါင်းဆောင်ရွက်မှုဖြင့် မြန်မာနိုင်ငံတွင်းမှ ဇူလိုင် ၄ ရက်တွင် ပြန်လည်ကယ်ထုတ်နိုင်ခဲ့ကြောင်း ထိုင်းနိုင်ငံဆိုင်ရာ တရုတ်သံရုံးက သတင်းထုတ်ပြန်ထားသည်။
အွန်လိုင်းလိမ်လည်မှုလုပ်ငန်းမှ ပြန်လည်ကယ်ထုတ်နိုင်ခဲ့သော အဆိုပါ တရုတ်မော်ဒယ်သည် တရုတ်နိုင်ငံတောင်ပိုင်း ကွမ်တုန်းပြည်နယ်၌ နေထိုင်သူဖြစ်ကြောင်း သိရသည်။
၎င်းပျောက်ဆုံးနေမှုကို၎င်း၏ညီမဖြစ်သူက သက်ဆိုင်ရာ တာဝန်ရှိသူများအား အသိပေးအကြောင်းကြားခဲ့ပြီးနောက် ပြန်လည်ကယ်ထုတ်နိုင်ရေးအတွက် ကြိုးပမ်းခဲ့ရခြင်း ဖြစ်ကြောင်း တရုတ်သံရုံး၏သတင်းထုတ်ပြန်ချက်၌ ဖော်ပြထားသည်။
အထက်ပါဖြစ်စဉ်ကြောင့် မြန်မာနိုင်ငံ နယ်စပ်တစ်လျှောက်ရှိအွန်လိုင်းလိမ်လည်မှုလုပ်ငန်းများ၏ ပြည်ပအလုပ်အကိုင် မက်လုံးများဖြင့် ဆွဲဆောင်ဖြားယောင်းမှုများကိုသတိထားကြရန် တရုတ်သံရုံးက သတိပေးချက် ထပ်မံထုတ်ပြန်ထားသည်။
စီအင်န်အေ

အခုမှ MacBook အသစ်ဝယ်ဖြစ်ရင် ဒီအချက် သတိထားပါ -
.
ကိုယ်တိုင်ဝယ်သုံးနေပြီး Review လုပ်ဖို့ စိတ်ကိုမရှိသေးတဲ့ Product ဆိုရင် M2 MacBook Air လည်း အပါအဝင်ပဲ။ အခုလည်း M2 MacBook Air အကြောင်း ပြောမှာမဟုတ်ပေမယ့် ကိုယ်တိုင် ၃ နှစ်နီးပါး သုံးပြီးမှ ဝယ်သုံးဖြစ်တဲ့၊ အစောကြီး ကြိုသုံးနေခဲ့ရင် လုပ်မိမယ့်အချက်လေးတစ်ခုကို ပြန်ပြီး Sharing လုပ်ချင်တာပါ -
အဲ့ဒါဘာလဲဆိုရင် M2 Air အပါအဝင် MacBook တိုင်းက Display Coating က ရေရှည်သုံးလို့ကောင်းလှတယ်မဟုတ်ပါဘူး။​
ဘာကြောင့်လဲဆိုရင် -
သုံးတာအချိန်ကြာလာတာနဲ့အမျှ Display မှာ Keyboard က အရာတွေ ထင်လာပါတယ်၊ ဒါက Lid ကို ပိတ်ထားတာနဲ့ ဖြစ်မှာပါ - အပေါ်က တစ်ခုခု ဖိထားမိလို့ ဖြစ်တာမျိုးမဟုတ်ဘူး - သုံးတာ နည်းနည်းကြာတာနဲ့ Display မှာ Keyboard ရာ ပေါ်လာတာပဲ။​​
ပြီးတော့ MacBook Keyboard တွေက Cleaning လုပ်ရတာ နည်းနည်း လက်ပေါက်ကပ်ပါတယ်၊ Apple ကိုယ်တိုင်က Keycap တွေ ခွာပြီး ဘယ်လို Cleaning လုပ်ရမယ်ဆိုတဲ့အဆင့်တွေရေးထားပေမယ့် Windows Laptop တွေလို စိတ်ကြိုက်ခွာ၊ ပြန်ကပ်လို့မရတာများတယ်။ ပြီးတော့ ဖုန်၊​ အမှုန်နဲ့ တစ်ခုခုဝင်ပြီး Key တွေ ကပ်တာ၊ နှိပ်မရတာမျိုးလည်း ဖြစ်နိုင်သေးတယ်။
ဒါကို ကာကွယ်ဖို့ဆိုရင် အလွယ်ဆုံးက Display ကို Tempered Glass ဒါမှမဟုတ် Protection Film ကပ်တာပါ။ ဒါက အမှန်အတိုင်းပြောရရင် ဖုန်းမဟုတ်တော့ ကပ်ဖို့ Recommend မပေးပါဘူး။
ဘယ်သူက Recommend မပေးတာလည်းဆိုရင် Apple ကိုယ်တိုင်က MacBook Display မှာ Protection Film တွေ မကပ်ဖို့ သတိပေးထားတာပါ။ ကပ်သုံးမယ်ဆိုရင် ပထမဆုံး Anti-Glare Coating ပျက်စီးမှာဖြစ်သလို နောက်ပိုင်းမှာ Display ကိုပါ ပျက်နိုင်တဲ့အထိ Interfere ဖြစ်နိုင်တယ်လို့ ဆိုထားတယ်။ At your own risk ပဲ။
ဆိုတော့ MacBook သုံးနေတယ်၊ Display မှာလည်း Keyboard ရာမထင်ချင်ရင် အလွယ်ဆုံးက Display Lid မပိတ်ခင်မှာ ကြားထဲကို အပါး Film တစ်ခု ကြားခံပြီး ညှပ်တာပါ။
ဒီလို ညှပ်ဖို့က MacBook ဝယ်ရင် Original ပါတဲ့ Keyboard Cover Film ကို သုံးလို့ရတယ်၊ တကယ်လို့ မရှိတော့ရင် အလွယ်ဆုံး အစားထိုးနိုင်တာက A4 Size စက္ကူတစ်ရွက်ကို ခံပြီး ပိတ်တဲ့အကျင့်လုပ်လို့ရတယ်။ အဲ့ထက် ပိုပြီး Delicate ဖြစ်ချင်ရင် Tissue Paper သုံးလို့ရမယ်။
အခုကြတော့ ကျနော်တို့ တလောက လျှောက်မွှေနေရင်းနဲ့ MacBook Keyboard Protective Film ဆိုတာလေးတွေ့တာနဲ့ မှာပြီး သုံးနေဖြစ်လိုက်တယ်။ အဲ့ဒါက Microfiber အဝတ်ပဲ ဆိုပေမယ့် တော်တော်လေးပါးတော့ ကြားညှပ်ပြီး Lid ပိတ်လည်း ဟနေတာမျိုးမဖြစ်နေဘူး။ Microfiber ဖြစ်နေတော့ စက္ကူထက်လည်း ပိုအဆင်ပြေတယ် - အရေးကြုံရင် Cleaning တောင် လုပ်လို့ရသေး။
ဘာပဲဖြစ်ဖြစ် အခုအချိန်မှာ MacBook ဝယ်မယ်၊ ဝယ်ထားတယ်ဆိုရင် ဒီလို Display မှာ Keyboard ရာမထင်အောင် ကြိုတင်ကာကွယ်ကြပါ။ သတိရတုန်း Share ပေးလိုက်တာဆိုတော့ 🫠

Funny video

ဒီလောက်တော့ အပျော့

ဘာစီလိုနာ ၊ ဘိုင်ယန်မြူးနစ်အသင်းတွေနဲ့ သတင်းထွက်နေတဲ့ စပိန်လာလီဂါကလပ် အက်သလက်တစ် ဘီဘာအိုအသင်းရဲ့ တောင်ပံကစားသမားလေး နီကိုးလ် ဝီလ်ယံဟာ ၂၀၂၇ ခုနှစ်အထိ သက်တမ်းကျန်ရှိနေသေးတဲ့ သူ့ရဲ့ စာချုပ်ကို နောက်ထပ် ၈ နှစ်ထပ်တိုးပြီး ၂၀၃၅ ခုနှစ်အထိ စာချုပ်သစ်ချုပ်ဆိုလိုက်ပြီဖြစ်ပါတယ် ။
ဘာစီလိုနာအသိုင်းအဝိုင်းကြားမှာတော့ နီကိုးလ်ဝီလ်ယံဟာ ဘီဘာအိုအသင်းနဲ့ စာချုပ်သစ်တွေ ချုပ်ဆိုနိုင်ဖို့ ဘာစီလိုနာအသင်းကို ( ၂ ကြိမ်တိုင် ) အသုံးချသွားခဲ့တယ်လို့ ဝေဖန်ပြောဆိုနေကြပြီဖြစ်ပါတယ် ။

ဆီမီးဖိုင်နယ်အဆင့်ကို တက်လှမ်းသွားတဲ့ ဖလူမင်နီးစ်အသင်း
Club World Cup ကွာတားဖိုင်နယ်
ဖလူမင်နီးစ် 2-1 အယ်လ်ဟီလေ