“အကောင်းဆုံးလူတွေက မမျှော်လင့်ဘဲ ရောက်လာကြတယ်.. ”.

ဆက်ဇနီနှင့် ဘာစီလိုနာအသင်း ဆွေးနွေးနေ
----------------------
ဘာစီလိုနာအသင်းဟာ ဒဏ်ရာကြောင့် ကာလရှည်အနားယူရတော့မယ့် ဂိုးသမား တာစတီဂန်ရဲ့နေရာအတွက် ပိုလန်ဂိုးသမား ဆက်ဇနီနဲ့ ဆွေးနွေးမှုတွေ ပြုလုပ်နေပေမယ့် စက်တင်ဘာ ၂၆ ရက်နေ့အထိ အပြီးသတ် သဘော တူညီမှု မရသေးဘူးလို့ သိရပါတယ်။ ဂျာမနီဂိုးသမား တာစတီဂန်ဟာ ဗီလာရီးရဲလ်ကို အနိုင်ရတဲ့ပွဲမှာ ပြင်းထန်တဲ့ ဒူးဒဏ်ရာရခဲ့ပြီးနောက် ကာလရှည်အနားယူရဖို့ ဖြစ်လာခဲ့တာပါ။

ဘာစီလိုနာအသင်းမှာ အရန် ဂိုးသမား ပီနာ ရှိနေပေမယ့် နည်းပြ ဟန်ဆီဖလစ်ခ်က အတွေ့အကြုံပိုရှိတဲ့ ဂိုးသမား တစ်ယောက်ကို အလိုရှိတယ်လို့ ပြောကြား ထားတာဖြစ်ပါတယ်။ ပိုလန်ဝါရင့်ဂိုးသမား ဆက်ဇနီကတော့ ပြီးခဲ့တဲ့ ဩဂုတ်လကမှ ကစားသမားဘဝကနေ အနားယူထားသူဖြစ်ပြီး ဘာစီလိုနာအသင်းဘက်က ကမ်းလှမ်းမယ်ဆိုရင် ပြန်ကစားမယ်လို့ ပြောခဲ့ပြီးနောက် နှစ်ဖက်အကြား ဆွေးနွေးမှုတွေ ပြုလုပ်နေခဲ့တာ ဖြစ်ပါတယ်။

နောက်ဆုံးသိရတဲ့ သတင်းတွေအရတော့ ဆက်ဇနီ ဘက်က တောင်းဆိုတဲ့ တချို့အချက်အလက်တွေကို ဘာစီလို နာအသင်းဘက်က လိုက်လျော မပေးနိုင်လို့ ဆွေးနွေးမှုက အပြီးသတ်တဲ့အထိ မရောက်သေးတာဖြစ်တယ်လို့ ဆိုပါတယ်။ ဂျုဗင်တပ်အသင်းနဲ့အတူ စီးရီးအေချန်ပီယံဆု ၃ ကြိမ်ရရှိထားတဲ့ ဆက်ဇနီဟာ ပိုလန်လက်ရွေးစင် အသင်းအတွက်လည်း ပွဲပေါင်း ၂၅၀ ကျော် ပါဝင်ကစားပေးထားသူ ဖြစ်ပါတယ်။

မေး =ဘာလို့လမ်းခွဲတာလဲ ??
ဖြေ = ဆံပင်ကေ မကြိုက်လို့ ။

ငါးဖယ်သုပ်
°°°°°°°°°°°

ငါးဖယ်ခြစ်.................၁၀ကျပ်သား
ကြက်သွန်နီ................၂လုံး
ကြက်သွန်ဖြူ................၃တက်
ငရုတ်သီးစိမ်း..............၅တောင့်
သံပုရာသီး.................၁လုံး
နံနံပင်(သို့)ရှောက်ရွက်..အနည်းငယ်

ငါးဖယ်ခြစ်ကိုဇလုံတစ်ခုအတွင်းသို့ထည့်ပါ။

ငါးငံပြာရည်၊ဟင်းခတ်မှုန့်၊ အရောင်တင်မှုန့်၊
နနွင်းမှုန့်အနည်းငယ်ထည့်ကာစေးထန်းနေအောင်နယ်ပါ။

ဆီကိုအပူပေးပြီးငါးဖယ်တွေကိုမိမိစိတ်ကြိုက်ပုံစံ
ပြုလုပ်၍ကြော်ကာဆီစစ်အအေးခံထားပါ။

ထိုစဉ်အချိန်အတွင်းကြက်သွန်နီ၊ကြက်သွန်ဖြူ ၊ငရုတ်သီးစိမ်း၊နံနံပင်(သို့)ရှောက်ရွက်တို့ကိုပါးပါးလှီးပါ။

ငါးဖယ်ကြော်ကိုလည်းပါးပါးလှီးပြီးပါဝင်ပစ္စည်းအားလုံးရောကာပဲဆီမွှေး၊ ငါးငံပြာရည်၊ဟင်းခတ်မှုန့်ထည့်ကာသံပုရာသီးညှစ်ကာခပ်ဖွဖွလေး
နယ်ပေးပါ။

27.9.2024(12:30 PM) Update Exchange Rate

မြန်မာငွေ တန်ဖိုး ဆက်လက်မြင့်တက်ပြီး
ဒေါ်လာစျေး သိသိသာသာကျဆင်းလာ

#ငွေလဲလှယ်နူန်း
#ဘတ်စျေး
#ဒေါ်လာစျေး
#ငွေစျေး

အရောင်းအ၀ယ် မကောင်းရတဲ့ ကြားထဲ သခွားသီးနဲ့ ပစ်ပေါက်ပြန်ရင်လည်း အရင်းကပြုတ်အုံးမယ်

ရုပ်ပဲချော တာ

"သိဟ်ရာသီဖွားတွေနဲ့ သူတို့ရဲ့ဖက်ရှင်"

ရာသီခွင် (၁၂) မျိုးရှိတဲ့အနက် သိဟ်ရာသီဖွား (Leo) ဆိုတာ ဇူလိုင်လ ၂၃ရက်ကနေ သြဂုတ်လ ၂၂ရက်အတွင်း မွေးဖွားသူတွေပဲ ဖြစ်ပါတယ်။ ♌️

🥀သိဟ်ရာသီဖွားတွေရဲ့ဖက်ရှင် Taste

သိဟ်ရာသီဖွားတွေဟာ ကြုံလာသမျှအခက်အခဲတွေကို ဘာမှမမှုပဲ ရင်ဆိုင်ဖြေရှင်ဖို့အသင့်ရှိနေတဲ့ သဘောသဘာဝအရ ဖက်ရှင်ပိုင်းမှာလည်း ရဲရင့်တဲ့သူတွေပါ။ သူတို့ဟာ ကာလာအဆန်းတွေ၊ ထူးခြားတဲ့ ဒီဇိုင်းတွေ ဝတ်ဖို့ မတွန့်ဆုတ်သလို အခြားလူတွေက ကိုယ်ဒီလိုဝတ်ထားလို့ ငါ့ကိုကြည့်နေမလားဆိုတဲ့ စိတ်မျိုးလည်း မရှိတတ်ကြပါဘူး။ 😎

တစ်နည်းပြောရရင် အမြဲတမ်းကိုယ့်ကိုကိုယ်ယုံကြည်မှုရှိရှိနေတတ်တဲ့ သိဟ်ရာသီဖွားတွေဟာ ဖက်ရှင်ပိုင်းဆိုင်ရာဆိုရင်လည်း သူတို့ဆင်မြန်းထားတာနဲ့ပတ်သက်ပြီး ယုံကြည်မှုအပြည့်ရှိနေသူတွေလို့ ဆိုရပါလိမ့်မယ်။🙌

ဒီရာသီဖွားတွေအနေနဲ့ ကိုယ်သဘောကျနှစ်ခြိုက်ပြီဆိုရင် ထူးခြားဆန်းပြားတဲ့ဒီဇိုင်းမျိုးတွေလည်း ဝတ်ရဲတယ်ဆိုပေမယ့် ခုဘာခေတ်စားနေသလဲဆိုပြီး trend နောက်လိုက်ပြီး ဝတ်တာမျိုးတော့ မဟုတ်ပါဘူး။ ဒါကတော့ သူတို့ရဲ့ထူးခြားချက်တစ်ခုပါ။ ✨ဖက်ရှင်နဲ့ပတ်သက်ပြီး သူတို့ရဲ့ထူးခြားတဲ့နောက်ထပ်အချက်တစ်ချက် ကတော့ ဒီဇိုင်နာထုတ် အဆင်တန်ဆာတွေကို သဘောကျနှစ်ခြိုက်ကြပြီး၊ ဒီဇိုင်နာထုတ် ဖက်ရှင်ဒီဇိုင်းတွေဆိုလည်း ငွေကုန်ကြေးကျခံကာ ဝယ်ယူလေ့ရှိတာပါတဲ့။ 🤗

🥀ထူးခြားတဲ့အချက်

ကိုယ့်အဝတ်အစား၊ အဆင်တန်ဆာနဲ့ပတ်သက်ရင် ပေါချောင်ကောင်းတွေ ဝတ်တဲ့အထဲ သိဟ်ရာသီဖွားတွေ ဘယ်တော့မှမပါဝင်ပါဘူး။ အနည်းဆုံးကိုယ်က brand တွေ၊ ဈေးသိပ်ကြီးတာတွေမဝယ်နိုင်ဘူးဆိုရင်တောင် ကိုယ်တတ်နိုင်တဲ့ ပမာဏနဲ့အကောင်းဆုံးဆိုတာကိုပဲ ဝယ်ယူဆင်မြန်းလေ့ရှိကြသူတွေပါ။ 💯
သိဟ်ရာသီဖွားတွေရဲ့ဖက်ရှင်ဟာ သူတစ်ပါးနဲ့ခြားနားနေတဲ့အချက်တစ်ချက်ရှိပါသေးတယ်။ အဲ့ဒါကတော့ အားလုံးက ဒီနှစ်မှာ ဘာခေတ်စားတယ်ဆိုတာမျိုးအတိုင်း လိုက်ဆင်မြန်းကြရင် သိဟ်ရာသီဖွားက အဲ့ဒါရဲ့ ဆန့်ကျင်ဘက်ကိုအမြဲသွားတတ်လို့ပါ။ ဥပမာ ပွဲတစ်ပွဲကို အခြားလူတွေအများစုက ဒေါက်မြင့်ဖိနပ်တွေစီးပြီး တက်ကြတဲ့အချိန် သိဟ်ရာသီဖွားမဒီကတော့ သိပ်မမြင့်တဲ့ဖိနပ်လေးနဲ့သာ ပွဲတက်ပါလိမ့်မယ်။ သူများနဲ့ကွဲပြားလွန်းတဲ့ ဖက်ရှင်ကြောင့်ပဲ အများကြားမှာ အမြဲထင်ရှားနေသူတွေဟာ သိဟ်ရာသီဖွားတွေပါပဲ။✨

ဒါ့အပြင် သူတို့တွေဟာ ရုံးတက်တဲ့အခါ၊ အလုပ်သွားရတဲ့အချိန်တွေမှာတောင် suit တွေဘာတွေနဲ့ သပ်သပ်ရပ်ရပ် ဝတ်စားတတ်သူတွေမို့ အားလုံးကြားမှာ စမတ်ကျလွန်းတဲ့ ရာသီဖွားဆိုရင်လည်း မမှားပါဘူး။

🥀ရွေးချယ်သင့်တဲ့အရောင်နဲ့ clothing itemsများ

သိဟ်ရာသီဖွားတွေအနေနဲ့ ရွေးချယ်ဆင်မြန်းသင့်တဲ့အရောင်တွေကတော့ ရွှေရောင်နဲ့ငွေရောင်ပဲ ဖြစ်ပါတယ်။ လက်ဝတ်လက်စား အဆင်တန်ဆာအနေနဲ့ဆိုရင်တော့ ကျောက်မျက်ရတနာတွေထဲမှာ စိန်ကို ရွေးချယ်ဝတ်ဆင်ဖို့ တိုက်တွန်းထားသလို ရွှေကလည်း သိဟ်ရာသီဖွားတွေအတွက် သင့်တော်ပါတယ်တဲ့။ 💁အဝတ်အစားဒီဇိုင်းတွေထဲမှာ သိဟ်ရာသီဖွားတွေနဲ့ လိုက်ဖက်တဲ့စတိုင်ကတော့ sexy ဖြစ်တဲ့ဘက်သွားတဲ့ စတိုင်လ်နဲ့ အဝတ်အစားတွေပါပဲ။ Dress အမိုက်စားလေးတွေကလည်း သိဟ်ရာသီဖွားတွေ ရွေးချယ်သင့်တဲ့ အရာတွေလို့ ဆိုပါတယ်။

🥀ရှောင်ရမယ့်အချက်များ

ဆောင်ရန်တွေပြီးတော့ သူများနဲ့မတူ တမူထူးခြားအောင် ဆင်မြန်းတတ်တဲ့ သိဟ်ရာသီဖွားတွေ ဖက်ရှင်ပိုင်းဆိုင်ရာမှာ အထူးသိထားရမယ့်အချက်ကတော့ စိတ်မပါလို့ဆိုပြီး ဖြစ်သလို မပြင်မဆင်ပဲ အပြင်ထွက်တာမျိုး မလုပ်သင့်ပါဘူး။🙅 ဒီရာသီဖွားတွေဟာ သေချာဝတ်စားထားမှသာ အားလုံးရဲ့အာရုံကို သိမ်းပိုက်နိုင်မယ့်သူတွေပါ။ ဒါ့ကြောင့် ကိုယ့်စတိုင်လ်ကို အမြဲဝံ့ဝံ့ကြွားကြွားနဲ့ အများငေးမောရအောင် ဆင်မြန်းတတ်ဖို့ အရေးကြီးပါတယ်။❣️

စပိန်တွင် အလုပ်ချိန်လျှော့ချရန် လုပ်ငန်းရှင်များကို တွန်းအားပေး
---------------------------
စပိန်အလုပ်သမားတွေ အလုပ်ချိန်လျှော့ချရေးအတွက် အစိုးရနဲ့ စီးပွားရေးလုပ်ငန်းတွေအကြား သဘောတူညီချက် တစ်ရပ်ကို တွန်းအားပေးဖို့ မက်ဒရစ်မှာ စက်တင်ဘာ ၂၆ ရက်က ရာနဲ့ချီတဲ့ အလုပ်သမားတွေက ဆန္ဒထုတ်ဖော် ခဲ့ကြပါတယ်။ UGT နဲ့ CCOO အလုပ်သမားသမဂ္ဂတွေ ဦးဆောင်တဲ့ ဆန္ဒထုတ်ဖော်သူတွေဟာ စပိန်ရဲ့ အဓိက အလုပ်ရှင်များအသင်းရုံးရှေ့မှာ စုရုံးပြီး အလုပ်ချိန်လျှော့ချဖို့ တောင်းဆိုကြွေးကြော်ခဲ့ကြပါတယ်။

ဝန်ကြီးချုပ် ပီဒရို ဆန်ချေ့ဇ်ရဲ့ ဆိုရှယ်လစ်တွေက ကုန်ထုတ်စွမ်းအားမြှင့်တင်ဖို့ ရည်ရွယ်ချက်နဲ့ ရက်သတ္တပတ် အလုပ်ချိန် နာရီ ၄၀ ထဲက ၂ နာရီခွဲ လျှော့ချမယ့် အစီအစဉ်ကို စီးပွားရေးလုပ်ငန်းတွေ လိုက်နာရေး ဆွဲဆောင်ဖို့ ကြိုးပမ်းနေကြ ပါတယ်။ အလုပ်ရှင်တွေအတွက် အစိုးရက ဝန်ထမ်း ၁၀ ယောက်အောက် လုပ်ငန်းငယ်တွေကို အလုပ်ခန့်ထားမှု အပိုဆုတွေ ပေးအပ်ထားပြီး တူညီတဲ့ဝန်ဆောင်မှုအဆင့်ကို ထိန်းသိမ်းပြီး အလုပ်ချိန် လျော့ချ မှုကို ထေမိဖို့ ညှိနှိုင်းထားတယ်လို့ ဆိုပါတယ်။

အစိုးရအနေနဲ့ အလုပ်ချိန်လျှော့ချမှုကို အလုပ်ရှင်တွေသဘောမပါဘဲ အတည်ပြု နိုင်ပြီး ၂၀၂၄ ခုနှစ် မကုန်ခင် အဲဒီ လိုလုပ်မယ်လို့ အစိုးရသတင်းရင်းမြစ်တစ်ခုက ပြောပါတယ်။ စပိန်လူမျိုးတွေဟာ ဥရောပသားအများစုထက် အလုပ်ချိန် ပိုများပါတယ်။ ၂၀၂၃ ခုနှစ်က ဥရောပသမဂ္ဂရဲ့ တစ်ပတ် ပျမ်းမျှအလုပ်ချိန် ၃၆ ဒသမ ၁ နာရီ ရှိချိန်မှာ စပိန်မှာ ပျမ်းမျှအလုပ်ချိန်က ၃၆ ဒသမ ၄ နာရီဖြစ်တယ်လို့ သိရပါတယ်။

ဂျပန်ရေတပ်သင်္ဘော ရေလက်ကြားဖြတ်သန်းမှုကို တရုတ်ကန့်ကွက်
-----------------------
တောင်တရုတ်ပင်လယ်အတွင်း တရုတ်-တိုင်ပေ ရေလက်ကြားကိုဖြတ်ပြီး ဂျပန်ရေတပ်သင်္ဘောသွားလာမှုနဲ့ ပတ်သက်လို့ တရုတ်နိုင်ငံက ကန့်ကွက်ခဲ့ပြီး ရေလက်ကြားဖြတ်ကျော်တည်ငြိမ်ရေးကို အနှောင့်အယှက် မဖြစ် အောင် ထိန်းသိမ်းဖို့ ဂျပန်နိုင်ငံကို တရုတ်နိုင်ငံခြားရေးဝန်ကြီးဌာနက တိုက်တွန်းလိုက်ပါတယ်။

တရုတ် နိုင်ငံခြား ရေးဝန်ကြီးဌာန ပြောရေးဆိုခွင့်ရှိသူလင်ကျန်းက စက်တင်ဘာ ၂၆ ရက်မှာ တိုက်တွန်းခဲ့တာ ဖြစ်ပြီး ဂျပန်ရဲ့လုပ်ရပ် ဟာ တရုတ်တစ်နိုင်ငံတည်းမူဝါဒအပေါ် အပြန်အလှန်နားလည်မှုကို ဆန့်ကျင်တာမို့ တရုတ်တိုင်ပေအရေးနဲ့ ပတ်သက်တဲ့ ကတိကဝတ်တွေကို လေးစားလိုက်နာဖို့ ပြောဆိုခဲ့ပါတယ်။

တိုင်ပေရေ လက်ကြားကိုဖြတ်ပြီး ဂျပန်ကိုယ်ပိုင်ကာကွယ်ရေးတပ်ဖွဲ့ စစ်သင်္ဘောခုတ်မောင်းတာဟာ ပေကျင်းကို ဒေါသထွက် စေခဲ့တဲ့ သမိုင်းဝင် လှုပ်ရှားမှုတစ်ခုဖြစ်ပြီး ဒေသတွင်း တင်းမာမှုတွေ တိုးမြင့်လာတယ်လို့ တစ်ဖက်နဲ့ တစ်ဖက် အပြန်အလှန်စွပ်စွဲ နေတဲ့ အိမ်နီးချင်းတွေအကြား နောက်ဆုံးအငြင်းပွားမှုတစ်ခု ဖြစ်ပါတယ်။

ဂျပန်ဖျက်သင်္ဘော ဆာဇာနာမီဟာ အရှေ့တရုတ်ပင်လယ်ကနေ တရုတ်တိုင်ပေ ရေလက်ကြားကို စက်တင်ဘာ ၂၅ ရက် မနက်ပိုင်းက ဝင်ရောက်ခဲ့ ကြောင်း ဂျပန် ယိုမိုယူရီသတင်းစာက ကြာသပတေးနေ့မှာ ဖော်ပြခဲ့ပြီး လမ်းကြောင်းပြီးမြောက်ဖို့ တောင်ဘက်ကို ၁၀ နာရီကျော်ကြာ ခုတ်မောင်းခဲ့တယ်လို့ ဆိုပါတယ်။ တောင်တရုတ် ပင်လယ်မှာ ကြာသပတေးနေ့က စတင်ပြီး ဂျပန်၊ သြစတြေးလျနဲ့ နယူးဇီလန် သုံးနိုင်ငံရေတပ်တွေ ပူးတွဲစစ်ရေး လေ့ကျင့်မှု ပြုလုပ်ဖို့ စီစဉ်ထားတယ်လို့လည်း ယိုမိုယူရီသတင်းစာက ဖော်ပြခဲ့ပါတယ်။