လေယာဉ် ကွင်းရောက်တဲ့ ခါ
လေယာဉ်နဲ့ ပတ်သက်တဲ့ အဂ်လိပ်လို အခေါ်ဝေါ်တွေ

#crd

ဘင်္ဂလားဒေ့ရှ်တွင် သွေးလွန်တုပ်ကွေးဖြင့် ‌ေ-သဆုံးသူ ၄၀၀ ကျော်လာ

အပူချိန် မြင့်တက်ခြင်း၊ မိုးရာသီကာလရှည်ကြာခြင်းတို့ကြောင့် ဘင်္ဂလားဒေ့ရှ်နိုင်ငံတွင် သွေးလွန်တုပ်ကွေးရောဂါ ကူးစက်မှုများမြင့်တက်ခဲ့ပြီး နှစ်များစွာအတွင်း ရောဂါဖြစ်ပွားမှု သည် အဆိုးဆုံးအခြေအနေရောက်ရှိနေကာ ‌ေ-သဆုံးသူ ၄၀၀ ကျော်လာခဲ့သည်။ ယင်းအခြေအနေကြောင့် ဆေးရုံများသည် ကုသရေး၌ မနိုင်မနင်းဖြစ်‌နေပြီး အထူးအားဖြင့် မြို့ပြ ဒေသများရှိ ဆေးရုံများမှာ အခက်အခဲတွေ့နေရသည်။

၂၀၂၄ ခုနှစ်တွင် တစ်နိုင်ငံလုံးအတိုင်းအတာအရ ဆက်စပ်ရောဂါဝေဒနာများဖြင့် ‌ေ-သဆုံးခဲ့သူ ၄၀၇ ဦးထက်မနည်း ရှိနေပြီး ဆေးရုံတက်ရောက်ရသူ ၇၈,၅၉၅ ဦး ရှိခဲ့သည်ဟု နောက်ဆုံးထုတ်ပြန်သော ကိန်းဂဏန်းများတွင် ဖော်ပြထားသည်။

နိုဝင်ဘာလလယ်တွင် ဆေးရုံတက်ရောက်ကုသမှုခံရသူ ၄,၁၇၃ ဦးရှိခဲ့ရာ၌ မြို့တော်ဒါကာမှ ၁,၈၃၅ ဦးဖြစ်ပြီး ၂,၃၃၈ ဦးမှာ အခြားဒေသများမှဖြစ်သည်။

“အောက်တိုဘာလမှာတောင် မိုးရာသီလိုမျိုး မိုးရွာသွန်းတာတွေကို ကျွန်တော်တို့ တွေ့ခဲ့ရတယ်၊ ဒါက ပုံမှန်မဟုတ်ပါဘူး” ဟု Jahangimagar တက္ကသိုလ်မှ သတ္တဗေဒပါမောက္ခ ကာဘီရူလ် ဘာရှားက ပြောဆိုသည်။

ရာသီဥတုပြောင်းလဲမှုကြောင့် ဖြစ်ပေါ်သော ရာသီပုံစံများ ပြောင်းလဲခြင်းသည် ရောဂါပိုး အဓိကသယ်ဆောင်သူဖြစ်သော အေဒီးစ်ခြင်မျိုးအတွက် သင့်တော်သော အခြေအနေကို ပေးစွမ်းသည်ဟု သူက ဆက်လက်ပြောဆိုခဲ့သည်။

“ဒီလို ရာသီအပြောင်းအလဲတွေက ခြင်တွေ ပေါက်ဖွားဖို့ရာ အကောင်းဆုံးအခြေအနေတွေကို ဖြစ်ပေါ်စေပါတယ်” ဟု ဆိုသည်။

လူဦးရေထူထပ်သော မြို့ကြီးများတွင် ရောဂါပျံ့နှံ့မှု အဆိုးဆုံးအခြေအနေကို ဇွန်လမှ စက်တင်ဘာလအထိ မိုးရာသီအတွင်း အဖြစ်များလေ့ရှိသော်လည်း ယခုနှစ်တွင် ယင်းပုံမှန်ကာလထက် ကျော်လွန်ကာ ပျံ့နှံ့ဖြစ်ပွားနေခဲ့သည်။

အိန္ဒိယ၏ ဟိုက်ပါဆောနစ်ဒုံးကျည် စမ်းသပ်အောင်မြင်

ပြည်တွင်း၌ တီထွင်ထုတ်လုပ်ခဲ့သော တာဝေးပစ် အသံထက်မြန်သော ဟိုက်ပါဆောနစ် ဒုံးကျည်ကို အောင်မြင်စွာ စမ်းသပ်နိုင်ခဲ့သည်ဟု အိန္ဒိယက တနင်္ဂနွေနေ့(နိုဝင်ဘာ ၁၇) တွင် ထုတ်ဖော်ပြောကြားလိုက်ပြီး စစ်ဘက်ဆိုင်ရာ ဖွံ့ဖြိုးတိုးတက်မှုတွင် အဓိကမှတ်တိုင်တစ်ခုကို ရောက်ရှိခဲ့ပြီဖြစ်ကာ ခေတ်မီနည်းပညာပိုင်ဆိုင်သည့် အနည်းငယ်သော နိုင်ငံအုပ်စုတွင် ပါဝင်လာခဲ့သည်။

တရုတ်၊ ရုရှား၊ အမေရိကန်ပြည်ထောင်စုတို့နှင့်အတူ ခေတ်မီတာဝေးပစ်ဒုံးကျည်များ တီထွင်ထုတ်လုပ်နိုင်ရန် ကြိုးပမ်းနေသည့် အိန္ဒိယကဲ့သို့ နိုင်ငံအချို့၏ အားထုတ်မှုများကြောင့် ဟိုက်ပါဆောနစ်လက်နက်များ ပိုင်ဆိုင်မှုတိုးလာမည့် ကမ္ဘာလုံးဆိုင်ရာ တွန်းအားကိုဖြစ်စေသည်။

နိုင်ငံပိုင် ကာကွယ်ရေး သုတေသနနှင့် ဖွံ့ဖြိုးတိုးတက်ရေးအဖွဲ့နှင့် စက်မှုလုပ်ငန်းမိတ်ဖက်များက တီထွင်ထုတ်လုပ်သည့် အိန္ဒိယဒုံးကျည်သည် လက်နက်ကိုင်တပ်ဖွဲ့အတွက် အကွာအဝေး မိုင် ၉၃၀ အထိ ဝန်(ထိပ်ဖူး) ကို သယ်ဆောင်ပေးသွားရန် ရည်ရွယ်ထားသည်ဟု ထုတ်ပြန်ချက်တွင် အစိုးရက ပြောဆိုခဲ့သည်။

ပျံသန်းမှုအချက်အလက်အရ အောင်မြင်သော လမ်းကြောင်းပဲ့ထိန်းမှု၊ တိကျမှု မြင့်မားသော အကျိုးသက်ရောက်မှုတို့ကို အတည်ပြုခဲ့သည်ဟုလည်း ဆက်လက်ပြောဆိုခဲ့သည်။

ဒုံးကျည်စမ်းသပ် ပစ်လွှတ်မှုကို သြရစ်သျှပြည်နယ် အရှေ့ပိုင်း ကမ်းရိုးတန်းကမ်းလွန်ရှိ ဒေါက်တာ အေပီဂျေ အဗ္ဗဒူကလမ်ကျွန်းမှ စနေနေ့တွင် လုပ်ဆောင်ခဲ့ခြင်းဟု ဆိုခဲ့သည်။

ကာကွယ်ရေးဝန်ကြီး ရာ့ဂျ်နတ်သ်ဆင်းက အဆိုပါ စမ်းသပ်မှုကို သမိုင်းဝင် အောင်မြင်မှုအဖြစ် X ပေါ်တွင် ရေးသားခဲ့ပြီး အိန္ဒိယသည် ယင်းကဲ့သို့ အရေးပါပြီး ခေတ်မီသော နည်းပညာများ ပိုင်ဆိုင်သည့် လက်ရွေးစင်နိုင်ငံများအုပ်စုတွင် ပါဝင်ခဲ့ပြီဟု ပြောဆိုခဲ့သည်။

မနေ့ညက ကစားခဲ့တဲ့ UEFA Nations League. ပွဲစဥ် အင်္ဂလန်(၅-၀)အိုင်ယာလန်ပွဲဟာ အင်္ဂလန်လက်ရွေးစင်အသင်းကို ယာယီနည်းပြ လီကာစလေကိုင်တွယ်ခဲ့တဲ့ နောက်ဆုံးပွဲဖြစ်ပါတယ်။

အင်္ဂလန်အသင်းဟာ ယာယီနည်းပြလီကာစလေကိုင်တွယ်တဲ့ နောက်ဆုံးပွဲစဉ်မှာ စံချိန်မှတ်တမ်းကောင်းတစ်ခုကို ရရှိခဲ့ပါတယ်။

အဲဒါကတော့ အသင်းသမိုင်းတစ်လျှောက် ဒုတိယပိုင်းမှာဂိုးအပြတ်ဆုံးနိုင်ပွဲတစ်ပွဲကိုရရှိခဲ့တာဖြစ်ပါတယ်။

ဘန်ကောက်လေဆိပ်တွင် လူဝင်မှုကြီးကြပ်ရေးကို လုံခြုံရေးမြှင့်တင်

ဘန်ကောက်၊ နိုဝင်ဘာ ၁၈

ထိုင်းနိုင်ငံ၏ လူဝင်မှုဗျူရို (I က သုဝဏ္ဏဘူမိ (Suvarnabhumi ) လေဆိပ်တွင် ထိုင်းလူဝင်မှုစနစ် (TIS) အပါအဝင် နည်းပညာသစ်တစ်ခုကို အကောင်အထည်ဖော်ပြီး လူဝင်မှုရေးရာ လုံခြုံရေးလုပ်ငန်းစဉ်များကို တိုးမြှင့်ရန် ရည်ရွယ်ထားကြောင်း ဘန်ကောက်ပို့စ်မှ ဖော်ပြခဲ့သည်။

"လူဝင်မှုရေးရာ လုပ်ငန်းစဉ်တွေမှာ မြန်မြန်ဆန်ဆန် ဝန်ဆောင်မှုပေးဖို့နဲ့ အမျိုးသားလုံခြုံရေးကို မြှင့်တင်တာကို ဟန်ချက်ညီညီ လုပ်ဆောင်သွားဖို့ အဓိက အာရုံစိုက်ထားပါတယ်" လူဝင်မှုကြီးကြပ်ရေးဌာန(၂) မှ အကြီးအကဲ ဖြစ်သူ ချောင်ဂရွန်(Choengron Rimpadee) က ပြောကြားခဲ့သည်။

၎င်း၏ ဌာနသည် သုဝဏ္ဏဘူမိ၊ ဒွန်မောင်း (Don Mueang) ၊ ဖူးခက် (Phuket) ၊ ချင်းမိုင် (Chiang Mai) နှင့် ဟတ်ယိုင် (Hat Yai) အပြည်ပြည်ဆိုင်ရာ လေဆိပ်များရှိ လူဝင်မှု စစ်ဆေးရေးဂိတ်များအတွက် တာဝန်ယူ ရသည့်ဌာန ဖြစ်သည်။

လက်ရှိ အကောင်အထည်ဖော်နေဆဲဖြစ်သည့် TIS စနစ်သည် လေဆိပ်များတွင် လူဝင်မှုကြီးကြပ်ရေးရဲတပ်ဖွဲ့၏ ဝန်ဆောင်မှုပေးသည့် အခန်းကဏ္ဍအတွက် အဓိကကျသည့် နေရာက ပါဝင်လာလိမ့်မည်ဟု ရဲချုပ် ချောင်ဂရွန်က ပြောသည်။

သုဝဏ္ဏဘူမိလေဆိပ်သည် အရှေ့တောင်အာရှတွင် မဟာဗျူဟာကျသည့် နေရာတွင် တည်ရှိသဖြင့် အစိုးရအဖွဲ့ သည် လာမည့် ၅ နှစ်အတွင်း သုဝဏ္ဏဘူမိလေဆိပ်ကို ကမ္ဘာ့အကောင်းဆုံးလေဆိပ် ၂၀ စာရင်းတွင် ပါဝင်ရန် ရည်မှန်းထားကြောင်း ၎င်းက ပြောသည်။

ထိုအချိန်သို့ ရောက်ရှိချိန်တွင် သုဝဏ္ဏဘူမိလေဆိပ်သည် တစ်နှစ်လျှင် ခရီးသည် သန်း ၁၅၀ ခန့် အဝင်/အထွက် ပြုလုပ်နိုင်လိမ့်မည်ဟု တာဝန်ရှိသူများက ခန့်မှန်းထားသည်။

လက်ရှိတွင် သုဝဏ္ဏဘူမိလေဆိပ်သည် တစ်ရက်လျှင် ခရီးသည် ၁၂၀,၀၀၀ ပျမ်းမျှအတွက် ဝန်ဆောင်မှုပေးနိုင်ပြီး ထိုပမာဏသည် တစ်ရက်လျှင် ခရီးသည် ၆၀,၀၀၀ မှ ၇၀,၀၀၀ ကို ဝန်ဆောင်မှု ပေးနိုင်သည့် ဒွန်မောင်းလေဆိပ် ထက် ၂ ဆ ပိုမိုများပြားသည်။

"အခုနှစ် ကုန်ပိုင်းမှာတော့ ကျနော်တို့ဟာ တစ်ရက်ကို ခရီးသွားအရေအတွက် ၁၂,၀၀၀ ကနေ ၁၃,၅၀၀ အထိ ဝန်ဆောင်မှု ပေးနိုင်လိမ့်မယ်လို့ ခန့်မှန်းထားပါတယ်" ဟု ချောင်ဂရီက ပြောကြားခဲ့သည်။

Source: ဘန်ကောက်ပို့စ်

ပုံ - ထိုင်းလေဆိပ်ကို တွေ့ရစဥ်

#centralnewsnaypyitaw

အင်္ဂလန်လူငယ်တွေက တူချယ်လ်ကို ရွေးချယ်မှုပေးတယ်လို့ ဟာရီကိန်းပြော

နိုဝင်ဘာ ၁၈

အင်္ဂလန်အသင်းခေါင်းဆောင် ဟာရီကိန်းက လူငယ်ကစားသမားတွေ အများအပြား ပေါ်ထွက်လာတာဟာ နည်းပြ သစ် တူချယ်လ်အတွက် ရွေးချယ်မှုပေးတယ်လို့ အိုင်ယာလန်အသင်းကို အနိုင်ရခဲ့တဲ့ နေးရှင်းလိဂ် အုပ်စု နောက်ဆုံးပွဲစဉ်အပြီးမှာ ပြောခဲ့ပါတယ်။

ဟာရီကိန်းက “တူချယ်လ်မှာ ရွေးချယ်စရာ ကစားသမားတွေ အများကြီးရှိပါတယ်။ ဝင်ရောက်လာပြီး ကောင်းမွန် စွာ ကစားပြခဲ့ကြတဲ့ လူငယ်ကစားသမားတွေနဲ့ ဒဏ်ရာကြောင့် မပါဝင်နိုင်ခဲ့တဲ့ အတွေ့အကြုံရင့် ကစားသမား တွေ ပြန်ပါဝင်လာခဲ့ရင် ဟန်ချက်ကောင်းသွားမှာပါ။ တူချယ်လ်က လူတိုင်းကို စောင့်ကြည့်နေမယ်ဆိုတာ သေချာ ပါတယ်။ လူငယ် ကစားသမားသစ်တွေအတွက် အခွင့်အလမ်း အသစ်တွေအကြောင်း ကျနော်တို့ ပြောခဲ့ကြပြီး သူတို့တွေဟာ အလွန်ကောင်းမွန်တဲ့ အရာအချို့ကို ပြသနိုင်ခဲ့တယ်”လို့ ITV ကို ပြောခဲ့တာပါ။

အင်္ဂလန်အသင်းဟာ နေးရှင်းလိဂ် B အုပ်စု နောက်ဆုံးပွဲစဉ်အဖြစ် ကစားခဲ့တဲ့ အိုင်ယာလန်အသင်းနဲ့ပွဲစဉ်မှာ ၅ ဂိုး-ဂိုး မရှိနဲ့ ဂိုးပြတ် အနိုင်ရရှိခဲ့ပါတယ်။

အင်္ဂလန်အသင်းအတွက် ဂိုးတွေကို ဟာရီကိန်း၊ ဂေါ်ဒွန်၊ ဂယ်လာဂါ၊ ဘိုဝင်နဲ့ ဟားဝုဒ်တို့က သွင်းယူခဲ့တာပါ။

အင်္ဂလန်အသင်းဟာ ဒီနိုင်ပွဲကြောင့် အုပ်စုပထမနဲ့ နေးရှင်းလိဂ် B ကနေ A ကို တိုက်ရိုက် တန်းတက်နိုင်ခဲ့ပါတယ်။

အင်္ဂလန်အသင်းဟာ နောက်ဆုံး ကစားခဲ့တဲ့ နေးရှင်းလိဂ် ၂ ပွဲ မတိုင်ခင်မှာ အဓိက ကစားသမားအပြား ဒဏ်ရာ ကြောင့် နုတ်ထွက်ခဲ့တဲ့အတွက် ယာယီနည်းပြ လီကာစလေဟာ လူငယ်ကစားသမား အများအပြားကို သူတို့ တွေရဲ့နေရာမှာ အစားထိုးခဲ့တာပါ။

အင်္ဂလန်လူငယ် ကစားသမားတွေဟာ နိုင်ငံအသင်းကြီးအတွက် ပွဲဦးထွက် ပါဝင်ခွင့်ရချိန်မှာ ခြေစွမ်းပြသ နိုင်ခဲ့ပါတယ်။

အဲဒါကြောင့် အင်္ဂလန်အသင်း ခေါင်းဆောင် ဟာရီကိန်းက လူငယ်ကစားသမားတွေဟာ နည်းပြသစ် တူချယ်လ်ကို လူစာရင်းအတွက် ရွေးချယ်မှုတွေပေးတယ်လို့ ပြောခဲ့တာပါ။

အင်္ဂလန်အသင်းကို ယာယီနည်းပြအဖြစ် အိုင်ယာလန် အသင်းနဲ့ပွဲစဉ်မှာ နောက်ဆုံး ကိုင်တွယ်ခဲ့တဲ့ လီကာစလေ ဟာ အင်္ဂလန် ယူ-၂၁ နည်းပြရာထူးကို ပြန်လည်ရယူသွားမှာဖြစ်ပါတယ်။

လီကာစလေက အင်္ဂလန်အသင်း နည်းပြသစ် တူချယ်လ်အနေနဲ့ သူ့ရဲ့ပထမဆုံး လူစာရင်းရွေးချယ်မှုမှာ အမှန်တကယ် စိန်ခေါ်မှုတစ်ခုကို ရင်ဆိုင်ရလိမ့်မယ်လို့ ပြောခဲ့တာပါ။

ဂျာမန်လူမျိုးနည်းပြ တူချယ်လ်ဟာ အင်္ဂလန်အသင်းကို ၂၀၂၅ ခုနှစ်၊ ဇန်နဝါရီ ၁ ရက်မှာ နည်းပြသစ်အဖြစ် တရားဝင် စတင်ကိုင်တွယ်သွားမှာ ဖြစ်ပါတယ်။

Source: ESPN

ပုံ - အင်္ဂလန်အသင်းကို တွေ့ရစဥ်

Credit - Myanmar Sport Report

#သတင်းဟင်လေးအိုးကြီး

ရုရှားနိုင်ငံအတွင်းပိုင်းထဲကို အမေရိကန်လက်နက်အသုံးပြုတိုက်ခိုက်ဖို့ ယူကရိန်းကို ဘိုင်ဒန်အစိုးရခွင့်ပြု

နိုင်ငံတကာ၊ နိုဝင်ဘာ ၁၈။

ရုရှားနိုင်ငံအတွင်းပိုင်းထဲအထိ တိုက်ခိုက်ရာမှာ အမေရိကန်ထုတ်လက်နက်တွေကို အသုံးပြုတိုက်ခိုက်ဖို့ သမ္မတဂျိုးဘိုင်ဒန်ဦးဆောင်တဲ့ အမေရိကန်အစိုးရက ယူကရိန်းနိုင်ငံကို ခွင့်ပြုလိုက်ကြောင်း အမေရိကန်အရာရှိ နှစ်ဦးနဲ့ သမ္မတရုံးနဲ့ နီစပ်တဲ့ သတင်းရင်းမြစ်တစ်ဦးက တနင်္ဂနွေနေ့ (နိုဝင်ဘာ ၁၇ ရက်နေ့) က ပြောကြားလိုက်ပါတယ်။

ယူကရိန်းနိုင်ငံက လာမယ့်ရက်ပိုင်းအတွင်းမှာ တာဝေးပစ်လက်နက်တွေနဲ့ စတင်ပစ်ခတ်တိုက်ခိုက်ဖို့ စီစဉ်နေပြီ ဖြစ်ကြောင်း အဆိုပါ အမည်မဖော်လိုတဲ့ သတင်းရင်းမြစ်က ပြောပေမဲ့ စစ်ဆင်ရေးသတင်းလုံခြုံမှုအရ အသေး စိတ်ပြောဆိုခြင်းမရှိပါဘူး။ ရုရှားနိုင်ငံအတွင်းပိုင်းအထိ တိုက်ခိုက်ဖို့အတွက် အမေရိကန်လက်နက်တွေကိုအသုံးပြုခွင့်ပေးဖို့ ယူကရိန်း သမ္မတ ဗလာဒီမာဇီလန်စကီးက လပေါင်းများစွာကြာအောင် တောင်းဆိုခဲ့ရာမှာ လာမယ့်နှစ် ဇန်နဝါရီ ၂၀ ရက် နေ့ ရွေးကောက်ခံအကြိုသမ္မတဒေါ်နယ်ထရမ့် စတင်တာဝန်မထမ်းဆောင်မီ နှစ်လအလိုမှာ ဂျိုးဘိုင်ဒန်က အခု လိုခွင့်ပြုလိုက်တာဖြစ်ပါတယ်။

ယူကရိန်းစစ်ပွဲမှာ ဝင်ရောက်တိုက်ခိုက်ဖို့အတွက် မြောက်ကိုရီးယားတပ်တွေကို ရုရှားနိုင်ငံမှာ တပ်ဖြန့်ချထား တာကို တုံ့ပြန်တဲ့အနေနဲ့ အခုလို ဆုံးဖြတ်ချက်ပြောင်းလဲလာတာဖြစ်ကြောင်း အမေရိကန်အရာရှိတစ်ဦးနဲ့ သ တင်းရင်းမြစ်တစ်ဦးက ပြောပါတယ်။ ဒုံးကျည်တွေနဲ့ ပတ်သက်ပြီး အထူးရှင်းပြစရာမလိုကြောင်း သမ္မတဇီလန်စကီးက ညနေပိုင်းပြောကြားတဲ့ မိန့် ခွန်းထဲမှာ ထည့်သွင်းပြောကြားပါတယ်။

“ဒီကနေ့အချိန်မှာ သင့်လျော်တဲ့ တိုက်ခိုက်မှုတွေနဲ့ ပြန်လည်တုံ့ပြန်တိုက်ခိုက်ဖို့ ကျွန်တော်တို့ ခွင့်ပြုချက်ရပြီဆို တာကို မီဒီယာတွေမှာ ပြောနေကြပါတယ်။ ဒါပေမဲ့ တိုက်ခိုက်မှုဆိုတာ ပါးစပ်အပြောနဲ့ လုပ်မှာမဟုတ်ဘူး။ အဲဒီ လို တိုက်ခိုက်မှုတွေကို ကြေညာမှာ မဟုတ်ပါဘူး။” လို့ ၎င်းက ပြောပါတယ်။

အိမ်ဖြူတော်နဲ့ အမေရိကန်နိုင်ငံခြားရေးဝန်ကြီးဌာနကတော့ ဒီကိစ္စနဲ့ ပတ်သက်ပြီး မှတ်ချက်ပြုပြောကြားခြင်း မရှိပါဘူး။ အမေရိကန်လက်နက်တွေအသုံးပြုပြီး တိုက်ခိုက်လာရင် စစ်ရှိန်မြင့်တက်လာမယ်လို့ သတိပေးခဲ့တဲ့ ရုရှားအစိုးရ ကြတော့ လောလောဆယ် တုံ့ပြန်ပြောဆိုခြင်း မရှိသေးပါဘူး။

ရုရှားအထက်လွှတ်တော် နိုင်ငံတကာရေးရာကော်မတီရဲ့ ဒုတိယအကြီးအကဲ (၁) ဖြစ်တဲ့ ဗလာဒီမာ ဒက်ဗာ ရော့ဗ်ကတော့ ရုရှားနိုင်ငံအတွင်းပိုင်းအထိ တိုက်ခိုက်ဖို့အတွက် ဝါရှင်တန်က အမေရိကန်လက်နက်တွေကို အသုံးပြုခွင့်ပေးလိုက်တာဟာ တတိယကမ္ဘာစစ် ဖြစ်သွားစေနိုင်ကြောင်း ပြောပါတယ်။

“အနောက်အုပ်စုက အခုလို စစ်ရှိန်မြင့်တက်စေမယ့်အဆင့်အထိ ဆုံးဖြတ်ချက်ချလိုက်တာဟာ ယူကရိန်းနိုင်ငံ ကို တစ်မနက်တည်းနဲ့ လုံးဝဥဿုံပျက်သုန်းသွားစတေဲ့အထိ အဆုံဖြတ်သွားအောင် လုပ်လိုက်တာပဲဖြစ်တယ်။” လို့ ရုရှားအထက်လွှတ်တော် ဖက်ဒရေးရှင်းကောင်စီ ထိပ်တန်းအဖွဲ့ဝင် အန်းဒရီးကလစ်ရှာက တယ်လီဂရမ်ပို့စ် မှာရေးသားထားပါတယ်။

ယူကရိ်န်းနိုင်ငံရဲ့ ပထမဦးဆုံး တာဝေးလက်နက်အသုံးပြုတိုက်ခိုက်မှုမှာ မိုင် ၁၉၀ (ကီလိုမီတာ ၃၀၆) အထိ ပစ် ခတ်နိုင်တဲ့ ATACMS ရော့ကက်တွေကို အသုံးပြု တိုက်ခိုက်လာနိုင်ကြောင်း သတင်းရင်းမြစ်တွေက ပြောပါ တယ်။

Ref: Biden allows Ukraine to use US arms to strike inside Russia: Reuters

#သတင်းဟင်းလေးအိုးကြီး

တာချီလိတ်မြို့နယ်ရှိ First Rate Mobile ဖုန်းဆိုင်အား လုယက်ရာတွင် အသုံးပြုခဲ့သည့် ဆိုင်ကယ်နှစ်စီးနှင့် လက်နက်ခဲယမ်းများ ထပ်မံသိမ်းဆည်းရမိ

နိုဝင်ဘာ ၁၈

ရှမ်းပြည်နယ်(အရှေ့ပိုင်း)၊ တာချီလိတ်မြို့နယ်၊ ရန်အောင်မြေရပ်ကွက်ရှိ First Rate Mobile ဖုန်းဆိုင်အား လုယက်မှုကျူးလွန်ရာတွင် အသုံးပြုခဲ့သည့် ဆိုင်ကယ်နှစ်စီးနှင့် လက်နက်ခဲယမ်းများ ထပ်မံသိမ်းဆည်းရမိခဲ့ကြောင်း သိရသည်။

နိုဝင်ဘာလ ၁၃ ရက်နေ့ နံနက် ၁၀ နာရီ ၄၅ မိနစ်တွင် တာချီလိတ်မြို့နယ်၊ ရန်အောင်မြေရပ်ကွက်၊ ဗိုလ်ချုပ်လမ်းမဘေးရှိ First Rate Mobile ဖုန်းဆိုင်သို့ အမျိုးသား ၄ ဦး(စိစစ်ဆဲ) က သေနတ်များ ကိုင်ဆောင်ဝင်ရောက်လာပြီး ဆိုင်ဝန်ထမ်း တစ်ဦးအား သေနတ်ဖြင့် ပစ်ခတ်သတ်ဖြတ်၍ ဆိုင်အတွင်းရှိ iPhone အမျိုးအစား လက်ကိုင်ဖုန်း ၂၀ လုံး၊ တန်ဘိုးငွေ ၁၁၂၁ သိန်းကျပ်ခန့်အား လုယက်ယူဆောင် ထွက်ပြေးသွားခဲ့ခြင်းဖြစ်သည်။

ထို့ကြောင့် တာချီလိတ် မြို့မရဲစခန်းတွင် အမှုဖွင့်လှစ်ကာ တရားခံများဖမ်းဆီးရမိနိုင်ရေး လုံခြုံရေး တပ်ဖွဲ့ဝင်များက လုယက်မှု ကျူးလွန်သူတရားခံများ ခိုအောင်းရောက်ရှိနေထိုင်လျက်ရှိသည့် အငှားနေအိမ်လိုင်းခန်းသို့ ဝင်ရောက်စီးနင်းရှာဖွေခဲ့ရာ တရားခံများက သေနတ်များဖြင့် စတင်ပစ်ခတ်ကာ ထွက်ပြေးရန် ကြိုးစားသဖြင့် ပြန်လည်ခုခံပစ်ခတ်ဖမ်းဆီးခဲ့ရသည်။

လုယက်မှုကျူးလွန်ခဲ့သူ တရားခံ ဖန်လီ(၃၄)နှစ် (ဘ)ဦးဖန်ကျင်းလျှမ်ပါ အမျိုးသား ၄ ဦးအား လုယက်မှုကျူးလွန်စဉ် အသုံးပြုခဲ့သည့် ပစ္စတို သေနတ် ၄ လက်နှင့် ဆက်စပ်ပစ္စည်းများ၊ မော်တော်ယာဉ်တစ်စီး၊ လုယက်မှုကျူးလွန်ရာမှရရှိသည့် လက်ကိုင်ဖုန်း ၁၂ လုံးတို့နှင့်အတူ အသေပစ်ခတ်ဖမ်းဆီးရမိခဲ့ကြောင်းကို သက်ဆိုင်ရာက သတင်းထုတ်ပြန်ခဲ့ပြီးဖြစ်သည်။

အမှုမှ လူသတ်လုယက်မှုကျူးလွန်စဉ် တရားခံများအသုံးပြုခဲ့သည့် ဆိုင်ကယ်နှစ်စီးအား သိမ်းဆည်းရမိနိုင်ရေး နိုဝင်ဘာလ ၁၄ ရက်နေ့ ညနေ ၅ နာရီတွင် တာချီလိတ်မြို့၊ ရန်အောင်မြေ ရပ်ကွက်ရှိ ဒေါ်တွမ်ရွှေရှန်း(စိစစ်ဆဲ) ပိုင်ဆိုင်သည့် အိမ်အမှတ်(ပလ-၂/၆၆၂)အား သတင်းအရ ဝင်ရောက်ရှာဖွေခဲ့ရာ ၎င်းနေအိမ်၌ လူနေထိုင်ခြင်း မရှိဘဲ ဧည့်ခန်းအတွင်းမှ လုယက်မှုကျူးလွန် ရာတွင် အသုံးပြုခဲ့သည့် SHN/10109 Wave-110 ဆိုင်ကယ်နှင့် SHN/10543 Wave-110 ဆိုင်ကယ် ၂ စီးတို့အား တွေ့ရှိသိမ်းဆည်းရမိခဲ့ကြောင်း သိရသည်။

နေအိမ်အား အသေးစိတ်စစ်ဆေးရှာဖွေခဲ့ရာ အိပ်ခန်း အတွင်းရှိ အိမ်သာမျက်နှာကြက်ပေါ်မှ အမေရိကန်နိုင်ငံ ထုတ် M-4 Carbine CAL 5.56 MM အမျိုး အစားသေနတ် ၄ လက်၊ ၎င်းကျည် ၁၃၀ တောင့်၊ ကျည်အိမ် ၂ ခု၊ ချက်နိုင်ငံထုတ် CZECH REPUBLIC 9MM CZ အမျိုးအစားသေနတ် ၁ လက်၊ ၎င်းကျည် ၁၇ တောင့်၊ ကျည်အိမ် ၁ ခု၊ AK- 47 အမျိုးအစားသေနတ် ၁ လက်၊ ၎င်းကျည် ၇၈ တောင့်၊ ကျည်အိမ် ၃ ခု၊ လက်ထိပ် ၃ ကွင်း၊ ပြောက်ကြားအစိမ်းရောင်ယူနီဖောင်း ၃ စုံ၊ ပြောက်ကြား ဦးထုပ်ဝိုင်း ၅ လုံး၊ အစိမ်းရောင်လည်တို ဖိနပ် ၂ ရံ၊ ပြောက်ကြားအစိမ်းရောင်မိုးကာ ၅ ထည်၊ အနက်ရောင်ခေါင်းစွပ် ၂ ခု၊ သေနတ်တိုက်တံ ၂ ချောင်း၊ သေနတ်တိုက်ဆီ ၄ ဘူးတို့အား ထပ်မံတွေ့ရှိသိမ်းဆည်းရမိခဲ့သဖြင့် ဥပဒေနှင့်အညီ ဆက်လက်ဆောင်ရွက် လျက်ရှိကြောင်း သိရသည်။

#centralnewsnayptitaw

👑Miss Universe Crown ကို ရရှိခဲ့တဲ့ Denmark အလှမယ်အကြောင်း👑
မက္ကဆီကိုနိုင်ငံတွင် ပြုလုပ်ခဲ့သည့် Miss Universe 2024 ပြိုင်ပွဲတွင် ဒိန်းမတ်အလှမယ် Victoria Kjær Theilvig ကအနိုင်ရရှိခဲ့ပြီး Miss Universe သရဖူကိုဆောင်းနိုင်ခဲ့တဲ့ ပထမဆုံ: ဒိန်းမတ်အလှမယ်တစ်ဦးလဲ ဖြစ်ပါတယ်။
Victoria Kjær Theilvig ဟာ Lyngby Handelsgymnasium ကို တက်ရောက်ခဲ့ပြီး စီးပွားရေးနှင့် စျေးကွက်ရှာဖွေရေးတို့ကို လေ့လာခဲ့ပါတယ်။ နောက်ပိုင်းမှာ Kjær Theilvig ဟာ Profesional အကသမားတစ်ဦးဖြစ်လာပြီး စိ-တ်ကျန်းမာရေးအသိပညာပေးခြင်း၊ တိ-ရိ-စ္ဆာန်အခွင့်အရေးနှင့် အလှကုန်လုပ်ငန်းတွင် စွန့်ဦးတီထွင်မှုများအတွက် ထောက်ခံအားပေးသူဖြစ်လာတယ်။
သူမဟာ Miss Denmark 2022 မှာ second runner up ဆုရခဲ့ပြီး . Miss Grand International 2022 ကို ဝင်ရောက်ယှဥ်ပြိုင်ခဲ့ရာမှာ Top 20 ထိ ပါဝင်နိုင်ခဲ့တယ်...
ယခု မက္ကဆီကိုတွင် ပြုလုပ်သည့် Miss Universe 2024 အလှမယ်ပြိုင်ပွဲတွင် ပါဝင်ယှဥ်ပြိုင်ခဲ့ပြီး ပြိုင်ပွဲဝင် နိုင်ငံပေါင်း ၁၂၀ ကျော်ကို ကျော်ဖြ-တ်ကာ သူမက အနိုင်ရရှိခဲ့ပါတယ် ။
အသက် ၂၁ နှစ်အရွယ်သာ ရှိသေးတဲ့ Victoria Kjær Theilvig ဟာ Miss Universe Crown 👑 ကို ထိုက်တန်စွာ ရယူနိုင်ခဲ့တယ်...
သူမရဲ့အလှကို အခုပုံတွေမှာ မြင်နိုင်ပါတယ်👑

#zinschannel
#missuniverso2024
#credit

လှိုင်သာယာ သမကုန်းမီးပွိုင့်အနီးတွင် BOX ကား ယာဥ်တိုက်မှုဖြစ် အမျိုးသားတစ်ဦးဒဏ်ရာရ

နိုဝင်ဘာ ၁၈

ရန်ကုန်တိုင်း၊ လှိုင်သာယာ(အနောက်ပိုင်း)မြို့ နယ်တွင် ယနေ့ နိုဝင်ဘာ ၁၇ ရက်ည ၈ နာရီ ၂၀ မိနစ်ခန့်က BOX ကား ယာဥ်တိုက်မှုဖြစ်ပွားခဲ့ကြောင်း မီးသတ်တပ်ဖွဲ့ထံမှ သိရပါတယ်။

လှိုင်သာယာ(အနောက်ပိုင်း)မြို့နယ်၊ ရန်ကုန်-ပုသိမ်သွားလမ်းမပေါ်ရှိ သမကုန်းမီးပွိုင့်အနီးတွင် BOX ကား ယာဥ်တိုက်မှုဖြစ်ပွားကာလူညပ်နေသဖြင့် လှိုင်သာယာမြို့နယ်မီးသတ်စခန်းမှတပ်ဖွဲ့ဝင်များက ကူညီကယ်ဆယ်မှုများပြုလုပ်ခဲ့ကြပါတယ်။

ကားအတွင်းညပ်နေသည့် အမျိုးသားအားကယ်ထုတ်နိုင်ခဲ့ပြီး ထိခိုက်ဒဏ်ရာ(မစိုးရိမ်ရ)ရရှိထားသဖြင့် မေတ္တာအလင်းရောင်လူမှုကူ ညီရေးအသင်းက လှိုင်သာယာမြို့နယ်ပြည်သူ့ဆေးရုံသို့ ပို့ဆောင်ပေးခဲ့တယ်လို့ သိရပါတယ်။

Credit - Myanmar Update Newss

#သတင်းဟင်းလေးအိုးကြီး