တစ်နေ့မှာ ငါတို့ချစ်ရတဲ့ လူတွေဟာ
ငါတို့ဘေးကနေ ထွက်ခွာသွားကြမှာ
တချို့က ရုတ်တရက် ပျောက်ကွယ်သွားကြတယ်
တချို့က တဖြည်းဖြည်း တိတ်ဆိတ်ရင်း
ပျောက်ဆုံးသွားကြတယ် ။
အဲဒီလို အဆုံးသတ်မရောက်ဖို့
ဘယ်လိုနည်းနဲ့ တားပါစေ
အဲဒီတစ်နေ့ ရောက်လာမှာပါပဲ ။
ရုတ်တရက်တော့ သိပ်နာကျင်ရတာပေါ့ ။ တစ်ယောက်တည်းဖြစ်သွားတဲ့ ခံစားချက်မျိုး
ငါ ဒီလောက် ကောင်းပေးရဲ့သားနဲ့
စွန့်ပစ်ခံလိုက်ရသလိုမျိုး ။
ဒါပေမဲ့ လက်လွှတ်ပေးလိုက်ပါ
ငါတို့ဘဝထဲကနေရော ငါတို့စိတ်ထဲကနေပါ
ထွက်သွားခွင့်ပေးလိုက်ပါ
တကယ်နွေးထွေးပေးတဲ့သူ ရောက်လာဦးမှာပါ ။
တစ်ခါတလေကျ
ဒီလူကိုပဲ ချစ်လွန်း တွယ်တာလွန်းတာကြောင့်
ကျန်တဲ့ လူတွေကို
တံခါးပိတ်မိထားတာမျိုး ဖြစ်တတ်တယ် ။
တခြားလူတွေနဲ့ စပြီး စကားပြောရင်းနှီးပါ
သူ့ကြောင့် သေးငယ်ထားတဲ့
ကိုယ့်ကမ္ဘာလေးကို ဖွင့်လိုက်ရင်း
ပျော်ပျော်ရွှင်ရွှင်နဲ့ လူတချို့ထပ်ဝင်လာဖို့
ခွင့်ပြုလိုက်ပါ။
တိုတောင်းတဲ့ ဘဝလေးထဲမှာ
လူတချို့ကို အမြဲရှိဖို့
ငါတို့ ဘယ်လိုတတ်နိုင်ပါ့မလဲ
ထပ်ချစ်ပါ ထပ်ခင်တွယ်ပါ
ထပ်ပြီး လက်လွှတ်လိုက်ပါ ။
ဒီလူတစ်ယောက်တည်းအတွက် မရှင်သန်ပါနဲ့
တစ်ရက်ပဲ နာကျင်ခံစားလိုက်ပြီးရင်
Move on ။
ငါတို့ဖြစ်တည်မှုတွေကို
တကယ် ချစ်ပေးတဲ့သူတွေ ရဦးမှာပါ ။
သေချာပေါက် ပျော်ရွှင်ရဦးမှာ
အမှတ်တရတွေ ထပ်ဖန်တီးနိုင်ဦးမှာပါ ။
#lavenderpen #အညိုရောင်မေပလ်ရွက်လေးသို့

လူတစ်ယောက်ကို ကိုယ်ဖြစ်စေချင်သလို သူ မဖြစ် ၊ ကိုယ်နေစေချင်သလို သူ မနေတတ်လည်း နားလည်ပေးလိုက်ပါ။ နားလည်ပေးလိုက်ရင် သူလည်း ကိုယ့်ကြောင့် စိတ်မွန်းကျပ်တာ ၊ စိတ်ရှုပ်တာ ၊ စိတ်ပင်ပန်းဆင်းရဲတာ ၊ အနေအထိုင် အပြောအဆို ခက်တာမျိုးတွေ မဖြစ်တော့သလို ကိုယ်လည်း သူ့ကြောင့် စိတ်ရှုပ်တာ ၊ စိတ်ပင်ပန်းဆင်းရဲတာ ၊ စိတ်လေးနေတာမျိုးတွေ မဖြစ်တော့ပါဘူး ။ သူလည်း စိတ်သက်သာရာရသွားသလို ကိုယ်လည်း စိတ် သက်သာရာ ရပါတယ် ။ နားလည်ပေးတယ်ဆိုတာ ကိုယ်ချင်းစာပေးတာပါ ။ သူ့နေရာမှာ ကိုယ်စား ဝင်ခံစားပေးတာပါ ။ သူ့နေရာမှာ ကိုယ်သာဆိုရင် ကိုယ်လည်း သူလိုပဲ ဖြစ်တတ်ပါတယ်ဆိုတဲ့ စာနာစိတ်လေး ထားပေးပါ ။ သူ့အပေါ်မှာ သနားငဲ့ညှာပေးတာပါ ။ သူ့ရဲ့အားနည်းချက်ကို လက်ခံဖြည့်တွေးပေးတာပါ ။ လူတစ်ကိုယ် စိတ်တစ်မျိုး သူကမှ ကိုယ် မဟုတ်တာ ၊ သူ့အနေနဲ့ ကိုယ့်အလိုကျတော့ ဘယ်နေနိုင်ပါ့မလဲလို့ တွေးကာ ဆင်ခြင်သတိထား ဖြေသိမ့်နိုင်သွားတာပါ ။
#မောင်ဘုန်း (သပြု)

#knowledge #ဗဟုသုတ

❝ မ သေ သေး တဲ့ ငါ ❞
ငါ့ရဲ့မိတ်ဆွေတွေက သေကုန်ပြီး
ငါက မသေသေးတာဟာ
ကံကောင်းလို့သာ ဖြစ်တယ်။
ဒါကို ငါ သိပါတယ်။
ဒါပေမဲ့ မနေ့ညက အိပ်မက်ထဲမှာ
အဲဒီမိတ်ဆွေတွေက ပြောတယ်။
❛ လိုက်လျောညီထွေ နေနိုင်တဲ့ကောင်
ကျန်တာပေါ့တဲ့ ❜
ငါ့ကိုယ်ငါ မုန်းလိုက်တဲ့ဖြစ်ခြင်း ။
▪️ ဘားတော့ထ် ဘရက်(က်ရှ်ထ်)
▫️I, the Survivor
by Bertolt Brecht (Germany)
▪️ မောင်ဒေး - မြန်မာပြန်
▫️နိုင်ငံတကာ ကဗျာ ၁၀၀

#knowledge #ဗဟုသုတ

❛ ဘုရားသခင်ကိုစိန်ခေါ်သူ ❜
× × × × × ×
❛ လောကမှာ အသက်ရှင်ကျန်ရစ်ဖို့
အသန်မာဆုံး ဥာဏ်အကောင်းဆုံး
သက်ရှိမျိုးစိတ်ဖြစ်စရာမလိုဘူး
ပတ်ဝန်းကျင်နဲ့ လိုက်လျောညီထွေ
ပြောင်းလဲနိုင်ဖို့သာလိုအပ်တယ်
• ချားလ်စ်ဒါဝင် •
_ _ _ _ _ _ _ _ _ _ _ _
ကျွန်တော်တို့ဟာ ပုံပြင်တွေကိုနှစ်သက်တယ်။ အထူးသဖြင့် နားလည်ရလွယ်ကူသော
ပုံပြင်တွေပေါ့။ အာဒံ ဧဝ ပုံပြင်မှာ
ဘုရားသခင် ဟာ လူအပါအဝင်
ဝေနေယျ သတ္တဝါ အလုံးစုံကို
ဖန်ဆင်းတော်မူတယ်။ ဗြဟ္မာကြီးပုံပြင်မှာ
ဗြဟ္မာကြီးတွေ စုတေရာမှ လူသားတွေ
ဖြစ်တည် လာတယ်လို့ ဆိုထားတယ်။
ထိုပုံပြင်တွေဟာ နားထောင်လို့
သိပ်ကောင်း တယ်။ ဘာကြောင့်ဆိုတော့
နားဝင်လွယ်တာကိုး။ နားထောင်သူအဖို့
ကာယ၊ ဉာဏ အထူးတလည် ကြိုးစား
စိုက်ထုတ်စရာ မလိုဘူး။ ထိုပုံပြင်တွေအပေါ်
ယုံကြည် သက်ဝင်နေဖို့သာ လိုအပ်တယ်။
ဆင့်ကဲဖြစ်စဉ်ဟာ
အထက်ပါ ပုံပြင်တွေနဲ့ မတူဘူး။
လူဟာ မျောက်မှ ဆင်းသက်လာတယ်
ပြောတိုင်း မျက်စိစုံမှိတ်
ယုံကြည်လိုက်တာမျိုး မဟုတ်ဘူး။
သိပ္ပံနည်းကျလေ့လာ
ဆန်းစစ်တယ်။ လက်တွေ့ စမ်းသပ်ချက်တွေ
ပြုလုပ်တယ်။ ကျောက်ဖြစ်ရုပ်ကြွင်းတွေ၊
မျိုးရိုးဗီဇတွေထဲ အဖြေရှာတယ်။
ဒါကြောင့် ဆင့်ကဲဖြစ်စဉ်ဟာ
အချက်အလက်ပေါ် အခြေခံသော
သိပ္ပံနည်းကျ သီအိုရီတစ်ခု ဖြစ်တယ်။
_ _ _ _ _ _ _ _ _ _
❛ ဘုရားသခင်ကိုစိန်ခေါ်သူ ❜
▫️ခန့်စိုးနိုင်▫️

❛ ဟိုအရင်ကတော့
လူဆင်းရဲတွေ
ချမ်းအားကြီးလို့ မအိပ်နိုင်ရင်
ထပြီးမီးလှုံနေကြရတယ်၊
ရေနွေးကျို သောက်နေကြရတယ်ဆိုတာမျိုး
လုပ်တတ်ကြသေး တယ်။ ခုတော့
မီးလှုံစရာ၊ ရေနွေးကျိုစရာ
ထင်းတို့ မီးသွေးတို့ကလည်း ရှားပါဘိသနဲ့။
အဲဒီတော့ အမေက
အမေချမ်းလို့ အဝတ်ထူ တွေ
အထပ်ထပ် ဝတ်နေရတဲ့အခါ
ငါ့လို မဝတ်နိုင် ရှာကြသူတွေ
ချမ်းရှာကြလိမ့်မယ်၊ ဖျားကြ၊ နာကြ၊
နှာစေး၊ ချောင်းဆိုးကြ ရှိကြလိမ့်မယ်လို့
သတိရပြီး စိတ်မကောင်းဖြစ်ရတယ် ❜
• ကျောဘက်အဖုံးမှ •
× × ×
❛ အမေ့ရှေးစကားများ ❜
▫️လူထုဒေါ်အမာ▫️

❛ ဗုဒ္ဓရဲ့ လမ်းစဉ်ဟာ
မိမိကိုယ်ကိုယ် နားလည်ခြင်းဖြစ်ပါတယ်။
မိမိကိုယ်ကိုယ် နားလည်ဖို့
မိမိကိုယ်ကို ခွင့်လွှတ်နိုင်ရပါမယ်။
မိမိကိုယ်ကိုယ် ခွင့်လွှတ်နိုင်ဖို့
မသိမှုကနေ နိုးထနိုင်ဖို့ လိုပါတယ် ❜
▫️ဒိုဂန် - ဂန်ဂျိုကိုအန်

ရှံကာရ၊ ဝေဒန္တနဲ့ ဟိန္ဒူတွေက
ဒီလောကကို မာယာလို့ ပြောကြပါတယ်။
အိပ်မက်ဘုံလို့ ခေါ်ကြပါတယ်။
အိပ်မက်ထဲမှာ ခင်ဗျားဟာ
ငါအိပ်မက်မက် နေတာလားလို့ ဘယ်တော့မှ
သံသယမေးခွန်း မမေးမိပါဘူး။
သံသယ ဝင်လိုက်တာနဲ့ အိပ်မက်ဆိုတဲ့
စည်းမျဉ်းဟာ ကျိုးပျက်သွားပါပြီ။
ရုတ်တရက် လန့်နိုးသွားပြီး အိပ်မက်ဟာ
ပျောက်ပြယ်သွားပါပြီ။ လောကဟာလည်း
အိပ်မက်ဘုံ တစ်ခုပါပဲ။
ခင်ဗျား သံသယမဝင်မချင်း
အိပ်မက်မှန်း မသိပါဘူး။
နိုးကြားလာတော့မှသာ အိပ်မက်ဟာ
ရုတ်တရက် ပျောက်ကွယ်သွားပြီး
တကယ့်အစစ်အမှန်ဘဝထဲကို
ရောက်သွားမှာပါ။
နိုးကြားသွားတဲ့ ဗုဒ္ဓအားလုံးဟာ
ဉာဏ်အလင်းပွင့်သွားတဲ့အချိန်မှာ
ရယ်ကြပါတယ်။ သူတို့ရဲ့ ရယ်သံဟာ
ကေသရာဇာ ခြင်္သေ့မင်းရဲ့
ဟိန်းဟောက်သံနဲ့ တူပါတယ်။
သူတို့ ခင်ဗျားကိုရယ်တာ
မဟုတ်ပါဘူး။ စကြဝဠာကြီးရဲ့
ဟာသပြက်လုံးကို ရယ်မောကြတာပါ။
ဟီရာကလိုက်တပ်ဟာ
ဒီအချက်တွေကို ရှင်းပြချင်ခဲ့တာပါ။
× × × × × × × × × ×
❛ ပုန်းကွယ်နေတဲ့ သဟဇာတဖြစ်မှု ❜
▫️ကက်စပါဇော်▫️

သမိုင်းဆိုင်ရာရုပ်ဝါဒ
_ _ _ _ _ _ _ _ _ _ _ _ _
ဒါပေမဲ့ ကျမ
❛ ကိုအောင်ချိမ့်ကို မေတ္တာမမျှနိုင်ပါ ❜ ... ဟု ။
• အောင်ချိမ့် •