Tesla ထက် နှစ်ဆမြန်တဲ့ အားသွင်းနည်းပညာ BYD ကြေညာ

၅ မိနစ်အားသွင်းရုံနဲ့ မိုင် ၂၅၀ နီးပါး သွားနိုင်မယ့် EV charging နည်းပညာသစ်ကို BYD က ချပြလိုက်ပါတယ်။

ဒီနည်းပညာကို Super e-Platform အားသွင်းနည်းပညာလို့ ခေါ်ပြီး charging speed အနေနဲ့ 1000kW အထိ ထွက်မှာပါ။ Tesal ရဲ့ အသစ်ထွက်လာမဘ့် V4 Superchargers တောင် 500kW ပဲ ထွက်မှာ ဖြစ်လို့ BYD နည်းပညာက နှစ်ဆပိုမြန်တယ်လို့ ပြောနိုင်ပါတယ်။

" EV အားသွင်းလောကမှာ အားသွင်းပါဝါအနေနဲ့ Megawatt ထွက်တာ ဒါက ပထမဆုံးအကြိမ်ပါပဲ" လို့ BYD တည်ထောင်သူ ဝေါင် ချွမ်းဖူက ပြောပါတယ်။

BYD ရဲ့ Super e-Platform charging သစ်ကို ယွမ် ၂၇၀၀၀၀ ဝန်းကျင်တန် BYD Han L sedan နဲ့ Tang L SUV ယာဉ်တွေမှာ ပထမဆုံး သုံးသွားမှာပါ။ လောလောဆယ် BYD ကားပိုင်ရှင်အများစုက အားသွင်းဖို့ third-party charging network တွေ သုံးနေရတာပါ။

ဒီအခက်အခဲကို ဖြေရှင်းဖို့ တရုတ်နိုင်ငံတလွှား မြန်နှုန်းမြင့် အားသွင်းရုံ ၄၀၀၀ ကျော်လည်း တည်ဆောက်ဖို့လည်း BYD က ပြင်ဆင်နေပါတယ်။ မကြာသေးခင်ကလည်း BYD ဟာ DJI ဒရုန်းကုမ္ပဏီနဲ့ ပေါင်းပြီး ကားပေါ်မှာ ဒရုန်းလွှင့်နိုင်တဲ့ ယွမ် ၁၆၀၀၀ တန် roof-mounted launcher စနစ် မိတ်ဆက်ထားပါတယ်။

`အရွယ်ရောက်ခဲ့သော ပျော်ရွှင်ခြင်းများ´
ကလေးဘဝတုန်းက
မနက်ဖြန်အတွက် ရင်ခုန်စွာ
စောင့်မျှော်ရင်း အိပ်ပျော်နိုင်ခဲ့ကြသလို
အရွယ်ရောက်လာတဲ့အခါ
မနက်ဖြန်ရောက်ဖို့ကိုဘဲ
ထိတ်လန့်စွာ ငါတို့အိပ်မပျော်နိုင်ခဲ့ကြ ။
#ဂန္ဓမာ

ထားရေ ...
တစ်ချို့အရာတွေကျတော့
ထိုင်ပြီးငေးကြည့်နေခွင့်ရတာကိုက အရသာ
ဥပမာဆိုရရင် တုံးခုလို့မှ မမှီတဲ့ လမင်းကြီးကို
ဝါးထရံပေါက်လေးကနေတဆင့်
ချောင်းကြည့်နေရသလိုမျိုးပေါ့ ။
#တက္ကသိုလ်ဘုန်းနိုင်

"ပြီးခဲ့တဲ့ရက်ပိုင်းက ကျွန်တော် ဘောလုံးပြန်ကစားခွင့်ရပြီးနောက် သူငယ်ချင်းတွေ ၊ အသင်းဖော်ဟောင်းတွေအများကြီး မင်း ဘယ်အသင်းမှာ ကစားမှာလဲဆိုပြီး လာမေးကြတယ်။ အဲ့လူတွေကပဲ ကျွန်တော် တားမြစ်ဆေးနဲ့ပိတ်ပင်ခံရချိန်မှာ တခွန်းမှ အားပေးစကားမပြောခဲ့ကြသလို အဖက်လည်းမလုပ်ကြပါဘူး" 😢💔

🗣️ပေါလ်ပေါ့ဘာ

Google ကနေ Starlink နဲ့အပြိုင် အင်တာနက်ကုမ္ပဏီတစ်ခု ခွဲထွက်
Starlink ကို ယှဉ်ဖိုက်မယ့် အင်တာနက်ကုမ္ပဏီတစ်ခု Google အောက်ကနေ ထွက်လာပါတယ်။
Taara ဆိုတဲ့ ဒီကုမ္ပဏီက Google မြေတောင်မြှောက်ပေးထားတဲ့ အင်တာနက်ပရောဂျက်တစ်ခု ဖြစ်ပြီး အခုက လွတ်လပ်တဲ့ကုမ္ပဏီတစ်ခုအဖြစ် ခွဲထွက်တော့မှာပါ။ Taara ပရောဂျက်က Google ရဲ့ အင်တာနက်မိုးပျံပူဖောင်းပရောဂျက် Loon ကနေ မြစ်ဖျားခံတယ်လို့ ပြောနိုင်ပါတယ်။
Loon အတွက် ပူဖောင်းတွေ လွှင့်တာက အစိုးရဘက်ကရော ဥပဒေသမားတွေကပါ လက်မခံရာကနေ Loon ပ‌‌ရောဂျက် ပျက်သွားခဲ့ပြီး Taara ပ‌ရောဂျက်ကို Google က ပံ့ပိုးလာတာပါ။ Series X Capital ကနေ ရံပုံငွေနဲ့ ထောင်ထားတဲ့ Taara မှာ Google (Alphabet) က minority stake လို့ ခေါ်တဲ့ ကုမ္ပဏီဆုံးဖြတ်ချက်တွေ ချပိုင်ခွင့်မရှိတဲ့ အနည်းစုရှယ်ယာပိုင်ရှင်အဖြစ် ဆက်ပါနေဦးမှာပါ။
Taara မှာ သုံးတဲ့နည်းပညာက လေဆာနည်းပညာသုံးပြီး အချက်အလက်တွေ ပို့လွှတ်တာပါ။ Taara မှာက လမ်းမီးတိုင်အရွယ်အစားရှိတဲ့ Taara Lightbridge ဆိုတဲ့ ကြိုးမဲ့ဆက်သွယ်နေ‌ရေးတိုင်တွေ ရှိပါတယ်။ Taara Lightbridge တွေက users ရဲ့ web traffic ကို laser beam တစ်ခုမှာ encode လုပ်ပြီး ၁၂ မိုင်ကျော်အကွာအဝေးက နောက် terminal တစ်ခုကို 20Gbps နဲ့ ထပ်ပို့ပါတယ်။
လိုင်းဆွဲအားငြိမ်နေဖို့ ဒေတာသယ်တဲ့ laser beam တွေကို lens နဲ့ sensors တွေ ပါတဲ့ chip နဲ့ ထိန်းပါတယ်။ ဒီ chip က အလင်းထုတ်တဲ့ emitters ရာပေါင်းများစွာပါတဲ့ array တစ်ခုကို သုံးပြီး laser beams ထုတ်တာပါ။ နောက်အသစ်ထွက်မယ့် Taara Chip မှာဆို emitter ထောင်ချီ ပါမှာ ဖြစ်လို့ bandwidth သိသိသာသာ ပိုမြင့်လာမယ်လို့လည်း ပြောပါတယ်။

Part-1
*စကားပြောဆိုရာတွင် လိုက်နာရမည် ပထမဥပဒေသ၊ နားထောင်ပါ

စကားပြောဆိုရာ၌ လိုက်နာရမည့် ပထမဆုံး ဥပဒေမှာ ဤသို့ဖြစ် သည်။ ကျွန်တော်အနေဖြင့် စကားပြောနေလျှင် ဘာမျှထူးပြီး ပညာ မတိုးပွားပေ။ နံနက်တိုင်း ကျွန်တော်ပြောသည့် မည်သည့်အရာကမျှ ကျွန်တော့်ကို တစ်ခုခု အသိဉာဏ်ပညာ တိုးပွားစေရန် မဆောင်ရွက်ပေးနိုင်။ ထို့ကြောင့် ကျွန်တော့်အနေဖြင့် ယနေ့များစွာ လေ့လာဆည်းပူးမည်ဆိုလျှင် ထိုလေ့လာဆည်းပူးသည့် အလုပ်ကို နားထောင်ခြင်းဖြင့်သာ ဆောင်ရွက် ရမည်ဖြစ်သည်။ ဤကိစ္စနှင့်ပတ်သက်၍ သိသာထင်ရှားဆုံးအချက်မှာ နေ့စဉ် တွေ့ကြုံနေရသည့် လူအများစုသည် နားမထောင်ကြသည်ကို တွေ့ရ သည်။ သင်၏ မိသားစုကိုသော်လည်းကောင်း၊ မိတ်ဆွေကိုသော်လည်း ကောင်း သင်စီးနင်းလိုက်ပါလာမည့် လေယာဉ်ပျံသည် ၈ နာရီအချိန်တွင် ဆိုက်ရောက်မည်ဖြစ်ကြောင်း ပြောပြပါ။ စကားမဆုံးမီ၌ပင် သူတို့က ပြန်မေးကြလိမ့်မည်။ လေယာဉ်ပျံ ဘယ်အချိန်ဆိုက်မယ်လို့ ပြောလိုက် တာလဲ။ အလားတူပင် တစ်စုံတစ်ယောက်က “ခင်ဗျားပြောတာ ကျွန်တော် မေ့သွားပြီ” ဟု ပြောသည့် အကြိမ်မည်မျှများသည်ကို ခန့်မှန်းကြည့်ပါ။
အခြားသူများပြောသည်ကို နားမထောင်လျှင် သူတို့ကလည်း သင် ပြောသမျှကို နားထောင်မည်ဟု မမျှော်လင့်နိုင်ပေ။ မြို့ငယ်များ၊ ကျေးလက် ဒေသများက ရထားလမ်းဆုံများတွင် ဆိုင်းဘုတ်များ တပ်ထားသည်ကို တွေ့ ရသည်။ ထိုဆိုင်းဘုတ်များ၌ “ရပ်ပါ၊ ကြည့်ပါ၊ နားထောင်ပါ” ဟူ၍ ရေးထားသည်ကို တွေ့ရသည်။ သင်နှင့်စကားပြောနေသည့် လူအများကို သူတို့ပြောနေသည့် အကြောင်းအရာများကို စိတ်ဝင်စားကြောင်း ပြသပါ။ ထိုသို့ပြလျှင် သူတို့ကလည်း အလားတူပင် တုံ့ပြန်ကြပါလိမ့်မည်။
စကားပြောကောင်းသည့် သူတစ်ယောက်ဖြစ်ရန်အတွက် နားထောင် ကောင်းသည့် သူတစ်ယောက် ဖြစ်ရန်လိုသည်။ သင်၏ စကားပြောဖက်ကို စိတ်ဝင်စားကြောင်း ပြသရုံနှင့်မပြီးသေးပါ။ သေသေချာချာ နားထောင် ခြင်းအားဖြင့် ကောင်းကောင်းမွန်မွန် တုံ့ပြန်နိုင်သည်။ မိမိစကားပြောသည့် အလှည့်ရောက်သည့်အခါ စကားပြောကောင်းသူတစ်ယောက် ဖြစ်နိုင်သည်။ ထိုအကြောင်းအရာ ပတ်သက်၍ ဆက်စပ်မေးခွန်းများကို မေးခြင်းသည် စကားပြောကောင်းသူ တစ်ယောက်၏ အမှတ်အသားဖြစ်သည်။
ဘာဘရာဝေါလ်တာ၏ အင်တာဗျူးများကို ကျွန်တော်ကြည့်သည့် အခါ မကြာခဏ စိတ်ပျက်ရသည်။ အဘယ်ကြောင့်ဆိုသော် သူမအနေဖြင့် “အဲဒီတော့ဘာဖြစ်လဲ” ဆိုသော မေးခွန်းများကို အမေးများလေ့ရှိသည် “ရှင် ပြန်လာနိုင်ရင် ဘယ်လိုဖြစ်ချင်သလဲ” ဟူ၍ မေးလေ့ရှိသည်။ ကျွန်တော်၏ အမြင်တွင် ဘာဘရာအနေဖြင့် ထိုကဲ့သို့မေးခွန်းများကို လျှော့မေးပြီး အကြောင်းအရာနှင့် ဆီလျော်သည့် ဆက်စပ်မေးခွန်းများကို မေးနိုင်လျှင်၊ သူမ၏ ယခင်မေးခွန်းအပေါ်မှရသော အဖြေကို ချဲ့ထွင်၍မေးနိုင်လျှင် ပို၍ ကောင်းမည်ဟု ယူဆသည်။ ထိုသို့ မေးနိုင်ရန်မှာ နားထောင်မှုရှိရန်လိုသည်။ လွန်ခဲ့သည့်နှစ်အနည်းငယ်က တိုင်းမ်မဂ္ဂဇင်းမှ တက်ကစ်ပယ် ပြောခဲ့သည့် အရာတစ်ခုကို ကျွန်တော်သဘောကျသည်။ “လယ်ရီက သူ့ ဧည့်သည်တွေ စကားပြောတာကို နားထောင်တယ်၊ သူတို့ ဘာတွေပြောတယ်ဆိုတာကို အာရုံစိုက်တယ်၊ အင်တာဗျူးသမား တော်တော်များများဟာ အဲဒီလိုလုပ်လေ့ မရှိဘူး”ဟု သူက ဝေဖန်ခဲ့သည်။ ကျွန်တော့်ကို စကားပြောသူဟု လူအများ သိကြသော်လည်း ကျွန်တော်ယခုကဲ့သို့ အောင်မြင်ရခြင်းမှာ ပထမဦးဆုံးအနေဖြင့် နားထောင်ခြင်းကြောင့် ဖြစ်သည်ဟု ယူဆသည်။

#ဆက်ရန်ရှိ

𝐎𝐅𝐅𝐈𝐂𝐈𝐀𝐋🚨🔵
ကိုးလ်ပါးလ်မားဟာ ပြီးခဲ့တဲ့အပတ် ထရိန်နင်တုန်းက ရခဲ့တဲ့ ဒဏ်ရာကြောင့် အင်္ဂလန်လက်ရွေးစင်အသင်းကို မလိုက်ဘဲ ချဲလ်ဆီးမှာသာကျန်ခဲ့ပါတယ်။ ❌

နော်

ဆုံနေရက်နဲ့လွမ်းလေခြင်း - ဂျူး
" ဒါဟာ အချစ်လား မဟုတ်ပါဘူးနော်
ဒါဟာ မေတ္တာသာ ဖြစ်ပါသည် "
နှလုံးသားရဲ့အလိုဆန္ဒ ကို ဦးနှောက်ရဲ့ ထိန်းချုပ်
မှုကြောင့် ရပ်တန့်ပစ်လိုက်ရတဲ့အချိန်တိုင်း
အမှတ်ရနေမိတဲ့ ဇာတ်ကောင်ဟာ
" အင်ကြင်းဝေ " တဲ့ ။
ဧရာဝတီမြစ်ရေလျှံတဲ့နေ့မှာ စတွေ့ခဲ့ကြတဲ့
ဆုံတွေ့မှုတစ်ခု ။ ချောင်းထဲကျသွားတဲ့
စာအုပ်လေးကို လိုက်ဆယ်ပေးခဲ့တဲ့ ကလေးလေး
တစ်ယောက် နဲ့ ကလေးလေးခြေထောက် ငုတ်စူးသွားလို့ စိတ်ပူခဲ့တဲ့ အသက် ၇ နှစ်ကြီးတဲ့
ကလေးမလေးတစ်ယောက် ။
မောင်သက်ဝေ နဲ့ အင်ကြင်းဝေ တဲ့ ။
"အင်ကြင်းဝေ"ဆိုတာ စိတ်ပညာကိုလေ့လာနေတဲ့ ကျောင်းဆရာမတစ်ဦးရဲ့ သမီး ။
"မောင်သက်ဝေ"လေးက အမေမရှိတော့ဘဲ ဘုန်းကြီးကျောင်းမှာကပ်နေရတဲ့ ကလေးလေး ။
ပိုးတုံးလေးကနေ လှပတဲ့လိပ်ပြာကလေး
ဖြစ်အောင် မောင်သက်ဝေ ဘဝကို ပြောင်းလဲ
ပေးချင်တဲ့ အင်ကြင်း ။ စိတ်နှလုံးသားနူးညံ့အောင် ကဗျာတွေ စာတွေပေးဖတ် ပြောပြပြီး
လူတော်လေးဖြစ်အောင် လုပ်ပေးခဲ့တဲ့ အင်ကြင်း။မောင်လေးတစ်ယောက်လို
ချစ်မြတ်နိုးစွာဂရုစိုက်ပြုစုခဲ့တဲ့ အင်ကြင်း ။
" မမ ကျနော် မမနဲ့ မင်္ဂလာဆောင်ချင်လိုက်တာ "
" မမ နဲ့ ကျနော် တစ်အိမ်တည်းနေရရင်
ကောင်းမှာပဲနော် "
အဖေရဲ့ မေတ္တာအကြင်နာကို မရခဲ့တဲ့
သက်ဝေဟာ အင်ကြင်းရဲ့ အကြင်နာတွေ​ကို
ခံစားခဲ့ရပါတယ် ။ အဲ့ဒါကြောင့် သူ သိပ်ချစ်ရတဲ့သူဟာ မမ ။
မမ အင်ကြင်းကို တွေ့ချင်လို့ အင်ကြင်းတို့
အိမ်နားက ပွဲရုံတွေမှာ အလုပ်ဝင်လုပ်ခဲ့တဲ့
သက်ဝေ ။
" ဘာဖြစ်လို့ ဂုဏ်ရောင်လမ်းက ပွဲရုံတွေမှာ ကျွန်ခံချင်ရတာလဲဆိုရင် မမရဲ့ အိမ်ရှိလို့ပေါ့ " တဲ့လေ ။
အင်ကြင်းကို မမတစ်ယောက်ထက် ပိုပြီး
ချစ်မိခဲ့တဲ့ မောင်သက်ဝေ ။ မမဟာ သူ့အတွက်အစစအရာ ဂရုစိုက်ပေးခဲ့တော့ ပြန်ချစ်မှာပဲ
ထင်ပြီး မမဖြစ်စေချင်သလို ပညာတတ်ဖြစ်အောင် အင်္ဂလိပ်စာကျွမ်းအောင် လုပ်ခဲ့တာ ။
မောင်လေးတစ်ယောက်လို ချစ်မိရာက
သည်ထက်ပိုပြီး ချစ်မိဖို့ရာ ရှေ့ဆက်မတိုးရဲတော့တဲ့ အင်ကြင်း ။
" ကိုယ့်ထက် အသက်ငယ်တဲ့သူတွေကို
မချစ်ရဘူးတဲ့ ။ သမီးနဲ့သူဟာ မထိုက်တန်ဘူး ။ "
ပတ်ဝန်းကျင်နဲ့ ကိုယ် ကိုယ်တိုင်ရဲ့ ကန့်သတ်ချက်တွေကြားမှာ ရှေ့ဆက်မရတော့တဲ့ အဖြစ် ။
သိပ်ကို နာကျင်စရာ ကောင်းလှပါတယ် ။
မမက လာဗင်ဒါပန်းကြိုက်တယ်ဆိုလို့ လာဗင်ဒါပန်းခင်းဆီအရောက်ပို့ပေးခဲ့တဲ့ မောင်လေး ။
မောင်လေးဘဝကို မြင့်စေချင်တယ်ဆိုလို့
အမွှေးရနံ့ကုထုံးပညာရှင်ဖြစ်တဲ့အထိ မမ ဖြစ်စေချင်သလို ကြိုးစားခဲ့တဲ့ မောင်လေး ။
မေတ္တာ နဲ့ ချစ်ခြင်းကြားက အလွှာလေး ။
ဒီအလွှာလေးကို မကျော်နိုင်လို့ ရပ်တန့်လိုက်ရတဲ့ အချစ်တစ်ခုလေ ။ ဒီအဖြစ်ကို မမေ့နိုင် ဘယ်တော့မှ မမေ့ ။
ချစ်နေပေမဲ့ မေတ္တာပါလို့ ခေါင်းစဉ်းပြောင်းတပ်ပြီး နေရတာ ဘယ်လောက် အသည်းနှလုံးက နာကျင်စရာကောင်းပါလိမ့် ။ အင်ကြင်းဝေ ရဲ့ ခံစားချက်ကို ရင်နာနာနဲ့ နားလည်ခဲ့ရတာ ။
လာဗင်ဒါပန်းခင်းတွေမြင်တိုင်း ချစ်နေပေမဲ့
မဆုံဖြစ်ခဲ့ကြတဲ့ သက်ဝေ နဲ့ အင်ကြင်းတို့ကို
မြင်ယောင်နေမိတော့တာ ။
" တချို့အချစ်တွေက မဆုံစည်းခဲ့ကြပေမယ့်
မချစ်ခဲ့ကြတာ မဟုတ်ပါဘူး "
ဖတ်မိတိုင်း ရှေ့ဆက်မတိုးနိုင်တဲ့ အင်ကြင်းဝေရဲ့ အဖြစ်ကိုသိပြီး စိတ်မောခဲ့ရတာ ။ တခါတခါ အင်ကြင်းဝေရဲ့ ခံစားချက်ကို နားလည်ပြီး
တခါတခါ ချစ်နေတာပဲ ပတ်ဝန်းကျင်ကို
ဂရုမစိုက်နေပါနဲ့လို့ ပြောချင်နေမိတာ ။ ဒါပေမဲ့
ဒီလိုလုပ်ဖို့ကလည်း သိပ်ကို ခက်ခဲလှပါတယ် ။
" မနက်လည်းဆုံ ညလည်းဆုံ
ဆုံနေရက်နဲ့လွမ်းလေခြင်း "

ပွေးတောင်ကုန်း (အမြင့်ပေ ၆၀၀၀ ကျော်)