𝐹𝓁𝑜𝓌𝑒𝓇𝓈 💖⚡

𝐹𝓁𝑜𝓌𝑒𝓇𝓈 💖⚡

𝐹𝓁𝑜𝓌𝑒𝓇𝓈 💖⚡

𝐹𝓁𝑜𝓌𝑒𝓇𝓈 💖⚡

𝐹𝓁𝑜𝓌𝑒𝓇𝓈 💖⚡

𝐹𝓁𝑜𝓌𝑒𝓇𝓈 💖⚡

𝐹𝓁𝑜𝓌𝑒𝓇𝓈 💖⚡

𝐹𝓁𝑜𝓌𝑒𝓇𝓈 💖⚡

တိုက်ဖွန်း Kong rey နီးကပ်လာ၍ရှန်ဟိုင်း၌ အရေးပေါ်ပြင်ဆင်

ပေကျင်း၊နိုဝင်ဘာ ၁

တိုက်ဖွန်းမုန်တိုင်း Kong rey နီးကပ်လာသဖြင့် တရုတ်နိုင်ငံ၊ရှန်ဟိုင်းမြို့၌ အဆင့် ၄ သတ်မှတ်ချက်သတိပေးချက်များ ကို ထုတ်ပြန်ကာ အရေးပေါ်ပြင်ဆင်မှုများကို ပြုလုပ်လျက်ရှိကြောင်း ပြည်နယ်ရေလွှမ်းမိုးမှု ထိန်းချုပ်ရေးနှင့် မိုးခေါင်ရေရှားမှု ကယ်ဆယ်ရေး ဌာနချုပ်ကပြောကြားခဲ့သည်။

တိုက်ဖွန်း Kong-rey ကြောင့် ကြာသပတေးနေ့ညမှ သောကြာညအထိ ရှန်ဟိုင်းမြို့၌ မိုးသည်းထန်စွာရွာသွန်းနိုင်သည်ဟု အရေးပေါ်စီမံခန့်ခွဲမှုဝန်ကြီးဌာန၏ သတင်း ထုတ်ပြန်ချက်အရ သိရသည်။

တိုက်ဖွန်းမုန်တိုင်း Kong rey သည် ထိုင်ဝမ်ကျွန်းကိုဖြတ်ပြီး ထိုင်ဝမ်ရေလက်ကြားသို့ဝင်ရောက်ခဲ့ကာ သောကြာနေ့ညတွင် ရှီကျန်းပြည်နယ်ကမ်းရိုးတန်းမှ အရှေ့မြောက်ဘက်သို့ ဦးတည်ရွေ့လျားမည်ဟုလည်း မိုးလေဝသပညာရှင်များကခန့်မှန်းထားကြသည်။

ရမှတ် (၃) မှတ်စီဖြင့် ဗိုလ်လုပွဲယှဥ်ပြိုင်ရမည့် ရှမ်းယူနိုက်တက်နှင့် တိုင်နန်စီးတီး

AFC Challenge League ပြိုင်ပွဲ ရမှတ် (၃)မှတ်စီဖြင့် ဗိုလ်လုပွဲယှဥ်ပြိုင်ကစားရမည့် ရှမ်းယူနိုက်တက်နှင့် တိုင်နန်စီးတီးအသင်းတို့ လာမည့် နိုဝင်လာ (၂)ရက်နေ့ ညနေပိုင်းအချိန်၌ ရန်ကုန်မြို့သုဝဏ္ဏအားကစားကွင်းအတွင်း ယှဉ်ပြိုင်ကစားသွားမည်ဖြစ်သည်။

မြန်မာနိုင်ငံက အိမ်ရှင်အဖြစ်လက်ခံကျင်းပနေသည့် (၃) သင်းအုပ်စုပတ်လည် AFC Challenge League ပြိုင်ပွဲတွင် ရှမ်းယူနိုက်တက်အသင်းက YOUNG ELEPHANTS အသင်းကို (၂)ဂိုးပြတ်ဖြင့် အနိုင်ရရှိကာ ကွာတားဖိုင်နယ်အဆင့်သို့ တက်ရောက်ထားသည်။

"ကျွန်တော်တို့ ရှမ်းယူနိုက်တက် အသင်းက ကိုယ့်မြေကိုယ့်ရေ ကိုယ့်ပရိသတ်ရှေ့မှာ တိုင်နန်စီးတီးကိုအနိုင်ကစားဖို့ ကြိုးစားနေပါတယ်။ ပရိသတ်ကြီး လာရောက်အားပေးကြပါဦး ခင်ဗျာ"ဟု အသင်းက အသိပေးထုတ်ပြန်ထားသည်။

အာရှဘောလုံးအဖွဲ့ချုပ် ကလပ်အသင်းများပြိုင်ပွဲ( AFC Challenge League 2024 )ကို မြန်မာ၊ လာအို၊ တိုင်ပေ သုံးသင်းအုပ်စု ပတ်လည် ယှဉ်ပြိုင်ကစားနေကြခြင်းဖြစ်သည်။

ရှမ်းယူနိုက်တက်အသင်းကို ရှုံးနိမ့်ထားသည့် YOUNG ELE PHANTS FC နှင့် TAINAN CITY FC တို့ အောက်တိုဘာ (၃၀) ရက်က ယှဉ်ပြိုင်ကစားသည့် ပွဲစဉ်တွင် TAINAN CITY FC က (၃) ဂိုး(၂) ဂိုးဖြင့် အနိုင်ရရှိထားသည်။

ပုံစာ- ရှမ်းယူနိုက်တက်အသင်းနှင့် YOUNG ELEPHANTS အသင်းတို့၏ ပုံရိပ်အချို့