ကြက်သားမွန်ဟင်း

ပါဝင်ပစ္စည်း
၁။အိမ်ကြက် နုနု တစ်ခြမ်း ၃၀သား
၂။မရမ်းသီး အစိမ်း အရွယ်တော် ၆လုံး(မရမ်းပြားခြောက်ရရင် မရမ်းပြားခြောက်သုံးပါ။)
၃။စိမ်းစားငပိ လက်ဖက်စားဇွန်း ၁ဇွန်း
၄။စပါးလင် ၂ပင်
၅။ကြက်သွန်နီ ဥကြီး ၁ဥ
၆။ကြက်သွန်ဖြူ ၁ဥ
၇။ဆား လက်ဖက်ရည်ဇွန်း လေးပုံတစ်ပုံ
၈။ဟင်းခတ်မှုန့် လက်ဖက်ရည်ဇွန်း ၁ဇွန်း၊
၉။ရှမ်းနံနံ ၃ရွက်
၁၀။ငရုတ်သီးစိမ်း အတောင့်၂၀(အစပ်စားနိုင်ရင်ပိုထည့်ပါ)
၁၁။နေကြာဆီ ထမင်းစားဇွန်း ၃ဇွန်း
၁၂။နနွင်း လက်ဖက်ရည်ဇွန်း တစ်ဝက်

ပြင်ဆင်ပုံ

၁။ကြက်သားကို အနေတော်တုံး ဆား၊ ဟင်းခတ်မှုန့် ၊နနွင်း ၊စိမ်းစားငပိတို့နဲ့ အရသာဝင်အောင် ရောနယ်ထားပါ။
၂။ကြက်သွန်နီ ကြက်သွန်ဖြူ စပါးလင်၁ပင်ပါးပါးလှီး ညက်အောင်ထောင်းထားပါ ။
၃။မရမ်းသီး ကို ထက်ခြမ်းခြမ်းပြီး အစေ့ထုတ်ထားပါ။
၄။ငရုတ်သီးစိမ်း ကို ဒါးနဲ့ထက်ခြမ်းအရာပေးခွဲထားပါ။
၅။ရှမ်းနံနံ ကို ရေဆေးထားပါ။
၆။အရသာနယ်ထားသော ကြက်သားကို ကြက်သွန်ဖြူနီစပါးလင်ထောင်းထားတာနဲ့ မရမ်းသီးပါထည့် နေကြာဆီ ထမင်းစားဇွန်း ၃ဇွန်းပါ ရောနယ်ထားပါ။

ချက်ပြုတ်ပုံ

ဒယ်ထဲကြက်သားနယ်ထားတာထည့် အဖုံးအုပ်ပြီး မီးအနေတော်နဲ့ တည်ပါ။ ဆီသံဖြစ်ဖြစ်မြည်လာရင် အဖုံးဖွင့် အိုးမကပ်အောင်မွှေပေးပါ။
အိုးအရမ်းကပ်ရင် ငရုတ်ဆုံကျင်းထားတဲ့ရေကို နဲနဲချင်းထည့်ပေးပါ။
ကြက်သားအသားကျစ်လာတဲ့အထိလုံးပါ။
ကြက်သားအသားကျစ်လာရင် ဆုံကျင်းရေထည့် အသားနူးသည်အထိတည်ပါ။
အသားနူးရင် အရသာမြည်း ဟင်းအရည်ကို ကိုယ်ကြိုက်နှစ်သက်သလောက်ထားပါ။
အရည်လဲအနေတော် အရသာလဲ အနေတော်ရင် စပါးလင်တစ်ပင်ကို ထုံးချည်ပြီးထည့်လိုက်ပါ။
ပြီးနောက် မီးပိတ်၍ ငရုတ်သီးစိမ်း ထည့်၊ ရှမ်းနံနံ ကို လက်နဲ့ခြွေထည့်ပါ။
ရပါပြီ အရသာ ချိုချဉ်ငံစပ်လေးနဲ့ စပါးလင်နံ့မွှေးမွှေး ကြက်သားမွန်ဟင်း လေးပါ။ ခံတွင်းပျက်သူတွေ ထမင်းစားမမြိန်သူတွေ စားကြည့်ပါ။ ဒီဟင်းတစ်ခွက်ထဲနဲ့တင် ထမင်းမြိန်သွားမှာ အသေအချာ။

ယနေ့ ရွှေစျေး ဒေါ်လာစျေး ဘတ်စျေးနှင့် အခြားနိုင်ငံခြားငွေ စျေးနှုန်းများ

(5.Sep.24) 12:15pm
ပြင်ပစျေးကွက်၌ ဖြစ်ပေါ်နေသော အမေရိကန်ဒေါ်လာနှင့် အခြားနိုင်ငံခြားငွေ စျေးနှုန်းများ..

အမေရိကန်ဒေါ်လာ 5550 – 5700
စင်ကာပူဒေါ်လာ 4050 – 4200
ဥရောပယူရို 5870 – 6070
ဂျပန်ယန်း 36.80 – 37.98
တောင်ကိုရီးယားဝမ် 3.98 – 4.11
အိန္ဒိယရူပီး 62.50 – 64.52
မလေးရှားရင်းဂစ် 1200 – 1260
တရုတ်ယွမ် 750 – 780
ထိုင်းဘတ် 156.25 – 161.29

ပြင်ပ ရွှေဈေးကွက်မှာတော့..

၁၆ ပဲရည် မီးလင်း
ရောင်းစျေး 7,200,000
ဝယ်စျေး 7,150,000

၁၅ ပဲရည်
ရောင်းစျေး 6,750,000
ဝယ်စျေး 6,700,000

ရွှေကုန်သည်အသင်း (YGEA) သတ်မှတ်စျေးကတော့..

၁၆ ပဲရည် မီးလင်း - 5,015,000
၁၅ ပဲရည် - 4,703,000
ကမ္ဘာ့ရွှေဈေးနှုန်းမှာ တအောင်စ 2496 ဒေါ်လာ ဖြစ်သည်။

#ရွှေစျေး
#ဒေါ်လာစျေး
#ဘတ်စျေး

အမြင့် ၅၃၆၄ မီတာမှာရှိတဲ့ ဧဝရက်တောင်အခြေစိုက်စခန်းကို ရောက်အောင် တက်နိုင်ခဲ့တဲ့ ၈ နှစ်သားလေး

အသက် ၈ နှစ်အရွယ် ဖရန့်ကီ မက်မီလန်ဆိုတဲ့ ကောင်လေးဟာ ၉ ရက်ကြာ ခြေလျင်တောင်တက်ခရီးထွက်ခဲ့ပြီးနောက် ဧဝရက်တောင်ရဲ့အခြေစိုက်စခန်းကို ရောက်အောင် တက်နိုင်ခဲ့ပါတယ်။ သူဟာ ပြီးခဲ့တဲ့နှစ်က ဂရိနိုင်ငံရဲ့Olympus တောင်ကို တက်ခဲ့တဲ့ အသက်အငယ်ဆုံးဗြိတိန်နိုင်ငံသားဖြစ်ခဲ့ပါတယ်။

ပြီးခဲ့တဲ့လက ဖရန့်က အမြင့်၁၇၅၉၈ ပေ (၅၃၆၄ မီတာ) ရှိတဲ့ ဧဝရက်တောင်အခြေစိုက်စခန်းကို ရောက်အောင် တက်နိုင်ခဲ့တာပါ။ သူဟာ အသက် ၁၀ နှစ်ကျရင် ဧဝရက်တောင်ထိပ်ကို ရောက်အောင်တက်ဖို့ စီစဉ်ထားပါတယ်။

ဖရန့်က သူ့မိခင်ဖြစ်သူ ဘာဆီယာနဲ့အတူ တောင်တက်ခဲ့တာပါ။ သူ့အမေကတော့ ဒီခရီးက မမေ့နိုင်စရာအတွေ့အကြုံဖြစ်ခဲ့ပြီး သူ့သား အခြေစိုက်စခန်းကို ရောက်တာကြည့်နေရတာ၊ သူ့အိပ်မက်တွေ အမှန်တကယ်ဖြစ်လာတာကို ကြည့်နေရတာ မဂုဏ်ယူဘဲမနေနိုင်ဘူးလို့ ဆိုပါတယ်။

ဖရန့်က ကမ္ဘာ့တိုက်ကြီး ၇ တိုက်မှာရှိတဲ့ အမြင့်ဆုံးတောင်တွေကို တဖြည်းဖြည်းချင်း တက်သွားချင်တယ်လို့ ပြောပါတယ်။ ဖရန့်တို့သားအမိက ပရဟိတအဖွဲ့အစည်း Make-A-Wish UK အတွက် ရန်ပုံငွေရှာပေးဖို့ အခုလိုတောင်တက်ခဲ့တာဖြစ်ပါတယ်။

လူတစ်ယောက်ကို မအိပ်ခင်သတိရပြီး
အိပ်ယာနိုးလာလည်း သတိရတယ် ဆိုရင်
သူ့ကိုမေ့ဖို့ အချိန် ၇ နှစ် ကြာ သ တဲ့ ...

Jerry 🤣😅🤣

Adult coloring book တွေရဲ့ ကျန်းမာရေးအပေါ် အကျိုးကျေးဇူးများ

အခုအချိန်မှာ Adult coloring book တွေကို တော်တော်များများအသုံးပြုလာကြပါပြီ။ ရောင်စုံခြယ်တဲ့စာအုပ်လေးတွေဟာ ကလေးတွေအတွက် သာမဟုတ်တော့ပဲ လူကြီးတွေအတွက်ပါ ရည်စူးထုတ်လုပ်လာကြတာပါ။

သုတေသနပညာရှင်နဲ့ အနုပညာရှင်တွေက ဆယ်စုနှစ် တစ်ခုကျော်ကြာအောင် လေ့လာခဲ့ကြပြီး ရလဒ်ကောင်းတွေ တွေ့ရှိခဲ့ကြပါတယ်။ ရောင်စုံခြယ်ခဲတံတွေကိုလည်း Adult coloring book တွေမှာ သုံးနိုင်အောင် ကျယ်ကျယ်ပြန့်ပြန့်ထုတ်လုပ်လာကြပါတယ်။ ဒါကလည်း ဈေးကွက်တစ်ခုဖြစ်လာပါတယ်။

တကယ်တော့ နိုင်ငံခြားမှာ ၂၀၁၂ လောက်ကစပြီး အတော်ကျယ်ပြန့်စွာ အသုံးပြုခဲ့ကြတာပါ။ မြန်မာနိုင်ငံမှာတော့ ၂၀၁၅ လောက်မှာမှစပြီး တွင်ကျယ်လာတာကိုတွေ့ရပါတယ်။ အမေရိကန်အနုပညာနဲ့ ကုစားခြင်းအဖွဲ့အစည်းက အနုပညာနဲ့ကုစားခြင်းဟာ စိတ်ပိုင်းဆိုင်ရာကိုကောင်းမွန်စေပြီး ခံစားချက်တွေကို ရှာဖွေနိုင်ခြင်း၊ ပြင်းပြတဲ့ခံစားချက် ရှုပ်ထွေးမှုတွေကို ပြန်လည်ညှိနှိုင်းပေးနိုင်ခြင်း၊ ကိုယ့်ကိုယ်ကိုယ်ဂရုပြု ဂရုစိုက်မိစေခြင်း၊ အပြုအမူတွေကို ထိန်းသိမ်းနိုင်ခြင်း၊ လူမှုဆက်ဆံရေးနယ်ပယ်တွေမှာ ပိုမိုအဆင်ပြေခြင်း၊ လက်ရှိဘဝကို ပိုနှစ်သက်တတ်လာခြင်း၊ စိုးရိမ်စိတ်တွေကို လျှော့ချနိုင်ခြင်းနဲ့ ကိုယ့်ကိုယ်ကိုယ်ယုံကြည်မှု တိုးတက်လာနိုင်ခြင်းစတဲ့ အကျိုးကျေးဇူးတွေကို ရနိုင်တယ်လို့ဆိုပါတယ်။

ရောင်စုံခြယ်တာက လုံးဝကြီးအနုပညာ သက်သက်တော့ မဟုတ်ပေမယ့် ဒီကုစားခြင်းရဲ့ အကျိုးကျေးဇူးကို ရရှိနိုင်ပါတယ်။ အရောင်တွေခြယ်ပြီး ကုစားပေးခြင်းကို ၉၀ ခုနှစ်အလည်ပိုင်းတွေမှာ စတင်ခဲ့တယ်လို့ သိရပါတယ်။ စိုးရိမ်စိတ်နဲ့သောကတွေကို လျှော့ချပေးနိုင်ပြီး အာရုံစိုက်နိုင်စွမ်းနဲ့ စိတ်စွမ်းအားကို မြှင့်တင်ပေးနိုင်ပါတယ်။ အဝန်းအဝိုင်းပုံစံတွေနဲ့ မြေမျက်နှာသွင်ပြင်ပုံစံ သျှက္ကရ(Sanskrit-Mandala) ပုံစံတွေကို အရောင်ခြယ်တာက စိုးရိမ်စိတ်တွေကိုလျှော့ချနိုင်ပါတယ်။ အရောင်ခြယ်ခြင်းဖြင့် ဦးနှောက်ရဲ့အတွေးတွေကို ထိန်းချုပ်နိုင်ပြီး တစ်ခုထဲကိုအာရုံစိုက်စေပါတယ်။ ဒါက စိတ်သောကတွေကို သက်သာစေပါတယ်။

အခုအခါမှာတော့ စူပါမားကတ်တွေ စတိုးဆိုင်တွေမှာ Adult coloring book တွေကို အလွယ်တကူဝယ်ယူရရှိနေပြီဖြစ်ပါတယ်။ အားလပ်ချိန်မှာ ဖုန်းတွေ ကွန်ပျူတာတွေခဏ ဘေးချိတ်ပြီး စာအုပ်လေးနဲ့ရောင်စုံခဲတံလေးယူပြီး ခြယ်ကြည့်ပါ။ ဒါက စိတ်ငြိမ်တဲ့ယောဂကျင့်တာမျိုးနဲ့ ဆင်တူပါတယ်။ အာရုံကိုတစ်ခုထဲမှာ စူးစိုက်နေစေပြီး စိတ်ငြိမ်စေပါတယ်။ စိတ်ငြိမ်လာတာနဲ့အမျှ ပတ်ဝန်းကျင်အပေါ် ဒါမှမဟုတ် ပြဿနာတစ်ခုခုအပေါ် မြင်တဲ့အမြင်တွေက ပိုကောင်းလာနိုင်ပါတယ်။ စိတ်ကိုလည်း ကြည်လင်စေပြီး လူမှုပတ်ဝန်းကျင်မှာလည်း ပေါင်းသင်းဆက်ဆံမှုတွေ တိုးတက်လာနိုင်ပါတယ်။

တောင်သူတစ်ဦးက ပိုလျှံနေတဲ့ အာလူးသန်းချီကို လိုအပ်နေသူတွေအတွက် လှူဒါန်း

ကနေဒါနိုင်ငံမှ တောင်သူတစ်ဦးဟာ ပိုလျှံနေတဲ့ အာလူးသန်းချီကို လိုအပ်နေသူတွေအတွက် လှူဒါန်းပေးခဲ့ပါတယ်။ မာနီတိုဘာမြို့မှာ နေထိုင်တဲ့တောင်သူ ဟိုဖာဟာ အခုနှစ် အာလူးထွက်ချိန်မှာ အာလူး အလွန်အထွက်တိုးပြီး အလေးချိန် ပေါင် ၁၀ သန်းလောက်အထိ ပိုလျှံနေခဲ့လို့ ကြံရာမရ ဖြစ်ခဲ့ပါတယ်။

အဲဒီနောက်မှာတော့ The Farmlink Project နဲ့ ဆက်သွယ်ပြီး ပိုလျှံနေတဲ့ အာလူးတွေကို လိုအပ်နေသူတွေထံ လှူဒါန်းပေးနိုင်ခဲ့တာပါ။ လွန်ခဲ့တဲ့ ၄ နှစ်မှာ စတင်တည်ထောင်ခဲ့တဲ့ The Farmlink Project ဟာ တောင်သူတွေရဲ့ ပိုလျှံနေတဲ့ သီးနှံတွေကို လိုအပ်နေသူတွေထံ ဖြန့်ဖြူးပေးတဲ့ အဖွဲ့အစည်းပါ။ အမေရိကန်နိုင်ငံနဲ့ မြောက်အမေရိကတိုက်တစ်ဝန်းမှာ ပိုလျှံနေတဲ့ ထွက်ကုန်ပစ္စည်း အလေးချိန် ပေါင်သန်း ၂၂၀ ကို လိုအပ်နေသူတွေထံ ပို့ဆောင်ပေးနိုင်ခဲ့ပြီး အဲဒီပမာဏက အိမ်ထောင်စုတွေအတွက် အစားအစာအနပ်ပေါင်း ၁၈၃ သန်းနဲ့ ညီမျှပါတယ်။

Ref: Manitoba Farmer Gives Away Millions Of Potatoes To People In Need

အိန္ဒိယနိုင်ငံရဲ့ တောအုပ်ကြီးတစ်ခုကို ကာကွယ်ပေးနိုင်ခဲ့လို့ စိမ်းလန်းရေးနိုဘယ်ဆု ရခဲ့သူ

အိန္ဒိယနိုင်ငံရဲ့ အကြီးဆုံးတောအုပ်ကြီးတစ်ခုကို ကျောက်မီးသွေး မိုင်းတွင်းအဖြစ် ပြောင်းလဲမယ့် အခြေအနေကနေ ကာကွယ်တားဆီးနိုင်ခဲ့တဲ့ အမျိုးသားဟာ ၂၀၂၄ ခုနှစ်အတွက် Goldman Prize ဆု ချီးမြှင့်ခံခဲ့ရပါတယ်။ အိန္ဒိယနိုင်ငံဟာ လျှပ်စစ်ထုတ်လုပ်ဖို့အတွက် ကျောက်မီးသွေး သုံးစွဲမှုအများဆုံး နိုင်ငံတစ်နိုင်ငံဖြစ်ပြီး ဆတ္တိံသဂြဟပြည်နယ်ရဲ့ အဆုတ်လို့ တင်စားကြတဲ့ Hasdeo Aranya သစ်တောကြီးဟာ ကျောက်မီးသွေး မိုင်းတွင်းတွေ တူးဖော်ခံရမယ့် အခြေအနေ ကြုံခဲ့ပါတယ်။

၆၅၇ စတုရန်းမိုင် ကျယ်ဝန်းတဲ့ သစ်တောကြီးမှာ ဌာနေတိုင်းရင်းသား ၁၅၀၀၀ ဝန်းကျင် မှီတင်းနေထိုင်ကြပြီး သားရဲတိရစ္ဆာန်ပေါင်းများစွာ ကျင်လည်ကျက်စားတဲ့နေရာ ဖြစ်ပါတယ်။ အဲဒီသစ်တောထဲမှာ ကျောက်မီးသွေး မိုင်းတွင်း ၂၁ တွင်း တူးဖော်ဖို့ အဆိုပြုထားတဲ့အပေါ် ပြည်နယ်အစိုးရအဖွဲ့က ချင့်ချိန်စဉ်းစားနေချိန်မှာ အလော့ရှုခလာက ကန့်ကွက်ဆန္ဒပြမှုတွေ လုပ်ခဲ့တာပါ။

ဌာနေတိုင်းရင်းသားတွေနဲ့ သဘာဝပတ်ဝန်းကျင်ကို ထိန်းသိမ်းကာကွယ်ပေးရမယ်ဆိုတဲ့ အိန္ဒိယနိုင်ငံရဲ့ အခြေခံဥပဒေကို အစိုးရက လိုက်နာရမယ်လို့ ရှုခလာက ထောက်ပြခဲ့ပြီး ဒီအကြောင်းကို မီဒီယာတွေမှာ ဖော်ပြခံရအောင် ကြိုးပမ်းခဲ့ပါတယ်။ သူဟာ Save Hasdeo Aranya Resistance ကော်မတီကို တည်ထောင်ခဲ့ပြီး ဌာနေတိုင်းရင်းသားတွေနဲ့အတူ ဆတ္တိံသဂြဟပြည်နယ်ရဲ့ အဝေးပြေးလမ်းမှာ ဆန္ဒပြခဲ့ပါတယ်။ သူတို့ဟာ မိုင် ၁၆၀ အကွာအဝေးအထိ ချီတက်ဆန္ဒပြဖို့ စီစဉ်ခဲ့ကြပြီး ခရီးစဉ်တစ်ဝက်မှာတောင် ပြည်နယ်အစိုးရက ကျောက်မီးသွေး မိုင်းတွင်းတွေ တူးဖော်ရေးကိစ္စကို ဖျက်သိမ်းလိုက်ပြီလို့ သတင်းထုတ်ပြန်ခဲ့တာပါ။

Hasdeo Aranya သစ်တောကြီးကို ကာကွယ်ပေးနိုင်ခဲ့တဲ့ ရှုခလာဟာ ဘရာဇီး၊ အမေရိကန်၊ တောင်အာဖရိက၊ သြစတြေးလျ၊ စပိန် အစရှိတဲ့ နိုင်ငံ(၅)နိုင်ငံမှ အခြားဆုရသူ (၅)ဦးနဲ့အတူ ၂၀၂၄ ခုနှစ်အတွက် Goldman Environmental ဆု ဆွတ်ခူးခဲ့တာ ဖြစ်ပါတယ်။ Goldman Environmental ဆုဟာ ဂုဏ်သတင်းကြီးမားလှတဲ့ ဆုတစ်ခုဖြစ်ပြီး စိမ်းလန်းရေးနိုဘယ်ဆုလို့လည်း တင်စားကြပါတယ်။

Ref:He Saved One of the Largest Forests in India from Coal Mining–and Was Honored With 2024 Goldman Prize