#tattooideas

#tattooideas

#tattooideas

အော်စကာဆုရ မင်းသမီး မီရှဲလ်ယိုးရဲ့ ဟားဗဒ်တက္ကသိုလ်မှာ ပြောကြားခဲ့တဲ့ ကျရှုံးမှုကိုတန်ပြန်အောင်မြင်နိုင်တဲ့ အချက်သုံးချက်
Stay loose ( ပြောင်းလဲနိုင်လွယ်ဖြစ်ပါစေ )
မီရှဲယိုးဟာ အက သင်တန်းကျောင်းတက်နေတုန်း ကျောရိုးမှာ ဒဏ်ရာရှရှိခဲ့ပြီး အကပညာရှင်ဖြစ်ဖို့ ရည်မှန်းချက်ပျက်ခဲ့ရတယ်။ အဲဒီအချိန်တုန်းက
အကသင်တန်းကျောင်းအုပ်ရဲ့ စိတ်ဓာတ်မကျသွားနဲ့ ဆက် ကြိုးစားဆိုတဲ့ အားပေးမှုတွေဟာ
သူမကို နောင်တချိန်မှာ စိတ်တောင်မကူးရဲတဲ့ ဘဝကိုရရှိဖို့တွန်းအားတွေဖြစ်ခဲ့တယ်။
လူတွေဟာကျရှုံးပြီဆိုတာကိုသိတာနဲ့ ကျရောက်လာမယ့်ဆုံးရှုံးမှုတွေကိုခံနိုင်ပါ့မလားဆိုပြီး ကြောက်ရွံ့ဝပ်ပြားပြီး မလုပ်ရဲ မကိုင်ရဲတဲ့ စိတ်အ ခြေအနေကို ရောက်ရှိသွားလေ့ရှိတယ်။ တကယ်တမ်းဖြစ်သင့်တာက ကျရှုံးမှုကို အတတ်နိုင်ဆုံးတည်တည်ငြိမ်ငြိမ်ရင်ဆိုင်ရမယ်။
ပြောင်းလဲသွားတဲ့ ကိုယ့်ပတ်ဝန်းကျင်ကို စူးစမ်းလေ့လာရမယ်။
မိန်းကလေးဆန်ဆန် ပျော့ပျော့ပြောင်းပြောင်းလုပ်ရတဲ့ အကပညာရှင် မဖြစ်နိုင်တော့တဲ့အခါ ယောကျာ်းလေးတွေလုပ်တဲ့ တိုက်တိုက်ခိုက်ခိုက် လှုပ်လှုပ်ရှားရှား စတန့်သရုပ်ဆောင်မှုတွေကိုလုပ်ဖို့ကြိုးစားခဲ့တယ်။
ရလာတဲ့အခွင့်အရေးကိုအဆုံးရှုံးမခံဘဲ အောင်မြင်အောင် အစွမ်းကုန်ကြိုးစားခဲ့တယ်။
မိန်းကလေးတစ်ယောက် ခုန်ပျံကျော်လွှား တိုက်ခိုက်သတ်ပုတ် သရုပ်ဆောင်တာကို ကံကောင်းစွာနဲ့ပဲ ပရိသတ်က လက်ခံခဲ့တယ်။
Know your limits ( သင့်ရဲ့ အတိုင်းအတာ ကိုသိပါ )
လူတစ်တယောက် ရဲ့ လုပ်နိုင်စွမ်း အတိုင်းအတာ ကိုသိရှိအသုံးပြုခြင်း မှာ အတွင်းနဲ့ အပြင် ဆိုပြီးနှစ်မျိုးရှိတယ်။
သင့်စိတ်တွင်းမှာ သင့်ရဲ့လုပ်နိုင်စွမ်းအတိုင်းအတာကိုသိရှိနားလည်ခြင်းအားဖြင့် နှိမ့်ချမှုရှိခြင်း ၊ စိတ်ခွန်အားပြည့်ခြင်း ၊ ပန်းတိုင်ကိုစူးစိုက်မှုရှိစေခြင်း တို့ကို ရရှိစေတယ်။
အပြင်မှာဆိုရင် သင်နဲ့ ထိတွေ့ဆက်ဆံရတဲ့ လူတွေက သင့်လုပ်နိုင်စွမ်းက ဒီလောက်ပါပဲ ဒီထက်မပိုပါဘူးလို့ သူတို့ထင်မြင်ချက်နဲ့ သင့်ကို လာတိုင်းထွာရင် သူတို့ကို ပြန်လည်တုံ့ပြန်နိုင်စွမ်းရှိတယ်ဆိုတာကို သင်ပြတ်ပြတ်သားသားသိတယ်။
ကျွန်မလုပ်နိုင်တာထက်နိမ့်တဲ့ အရံသဘောမျိုး နေရာတွေ ပေးလာရင်၊ကျွန်မကို မလုပ်နိုင်ပါဘူးလို့ ငြင်းပယ်ခံရရင်၊ ကျွန်မကို လျှော့တွက်တဲ့ သဘောမျိုးတွေလုပ်လာရင် ကိုယ်ဘယ်လောက်အထိလုပ်နိုင် တယ်ဆိုတာကို သိတဲ့အတွက် သူများထင်မြင်ချက်တွေကိုတန်ပြန်လုပ်ပြနိုင်ဖို့ စိတ်ခွန်အားတွေ စွမ်းအားအသစ်တွေ အမြဲရတယ်လို့ မီရှ်လ်ယိုက ဆိုတယ်။
Find your people ( သင့်နဲ့ ပူးပေါင်းလုပ်ကိုင်နိုင်မယ့်သူကိုရှာပါ )
ဘ၀ က အမြဲတမ်း ခေါင်းနဲ့ပန်း အရှုံးနဲ့အနိုင် နှစ်ဘက်ပဲရှိတဲ့ ကစားပွဲလိုမျိုးမဟုတ်ဘူး။ နိုင်တဲ့သူတိုင်းအတွက် ရှုံးတဲ့သူရှိပေးနေစရာမလိုဘူး။ တကယ်တမ်းကျတော့ အောင်မြင်မှုအတော်များများဟာ အနိုင်အရှုံးပွဲထက် ပူးပေါင်းလုပ်ဆောင်မှုတွေပေါ်အခြေခံတာကိုတွေ့ရလိမ့်မယ်။ ကျွန်မ ဘဝရဲ့အောင်မြင်မှုကိုလဲ ကျွန်မ တစ်ယောက်တည်း လုပ်ယူပြီးရခဲ့တာမဟုတ်ဘူးဆိုတာတော့ အသေအချာပဲ။

ဒါပဲ

သတ္တိဆိုတာ ငယ်ငယ်ရွယ်ရွယ်ကတည်းက တဖြည်းဖြည်းချင်း မွေးယူမှရတယ်။ ငယ်ငယ်ကတည်းက သတ္တိမရှိဘဲနဲ့ ကြီးလာကာမှ ချက်ချင်း သတ္တိကို မွေးပါဆိုလို့ မရတော့ဘူး။ ဦးကျိုးသလို ဖြစ်သွားတာကိုး။
ကလေးဟာ ငယ်တုန်းမှာတော့ သူ့ဘဝထဲကို မိဘတွေက နေရာအပြည့်ဝင်ယူထားရတယ်။ သူ့အတွက် အစစအရာရာ အကုန် လုပ်ပေးရတယ်။ ဒါပေမယ့် ဒီကလေးဟာ တဖြည်းဖြည်း တဖြည်းဖြည်း ကြီးလာတဲ့အခါ မိဘက ယူထားတဲ့နေရာကို လျှော့ပေးရတော့မယ်။ သားသမီးရဲ့ဘဝထဲမှာ နေရာအပြည့်ကြီး ဝင်ယူထားလို့ မဖြစ်တော့ဘူး။ ကလေးဟာ သူ့ဘဝနဲ့သူ ဖြစ်ရတော့မှာ။ ကိုယ့်စိတ်နဲ့သူ့ကိုယ် နေသွားလို့ မဖြစ်ဘူး။ သူ့စိတ်နဲ့သူ့ကိုယ် နေသွားရတော့မှာ။
ကလေးတွေရဲ့သဘာဝကို သေသေချာချာကြည့်ရင် ကလေးတွေဟာ နဲနဲလေးကြီးလာပြီဆိုတာနဲ့ သူတို့ကိုယ်တိုင် လုပ်ချင်တယ်၊ စားတာသောက်တာကအစ ဇွန်းလေး ပန်းကန်လေး ပေးလိုက်ရင် သူတို့ဟာသူတို့ စားချင်တယ်။ သွားစရာရှိရင် သူတို့ခြေထောက်နဲ့သူတို့ သွားချင်တယ်။
ဒီထက်နဲနဲကြီးလာပြီဆိုရင် (အထူးသဖြင့် ၁၄-၁၅ နှစ်အရွယ်) လူကြီးဆန်ချင်လာပြီ။ မိဘတွေပြောတိုင်း နားမထောင်ချင်ဘူး။ နဲနဲ အာခံချင်တယ်လို့ ဆိုရမယ်နော်။ အမှန်တော့ မိဘတွေက အာခံတယ်လို့ အဓိပ္ပာယ်ကောက်တာပါ။ တကယ်‌တော့ အာခံတာ မဟုတ်ပါဘူး၊ လူကြိးဖြစ်ချင်တာပါ။ ဒါဟာ သဘာဝပဲ။
မိဘတွေက ဒါကောင်းတယ်ဆိုရင် သူက မကောင်းဘူးလို့ ပြောချင်ပြောမှာပဲ။ မိဘက မသွားနဲ့လို့ ပြောရင် သူသွားချင်မှာပဲ။ ဒီလိုဖြစ်လာတာဟာ သူ့ရဲ့လွတ်လပ်မှု၊ ကိုယ့်အားကိုယ်ကိုးနိုင်မှုကို ရ‌အောင် ကြိုးစားနေတာပါ။ လွှမ်းမိုးမှုအောက်ကနေ လွတ်မြောက်ဖို့ ကြိုးစားနေတာပါ။ ဒါဟာ အင်မတန်သဘာဝကျတယ်။ အင်မတန် ဖြစ်သင့်ပါတယ်။
ဒီလိုပြောလို့ ဘုန်းကြီးက မိဘကိုအာခံတာ ကောင်းတယ်လို့ ပြောနေတယ်လို့ မယူဆစေချင်ဘူး။ သူ့လွတ်လပ်မှု သူရှာနေတာကို မိဘတွေက မေတ္တာကရုဏာအပြည့်နဲ့ ကောင်းတဲ့နည်းနဲ့ အထောက်အကူ ပေးလိုက်ပါ။ ဒါကြောင့် တကယ်ချစ်ရင် လူကြီးဖြစ်ခွင့်ပေးရမယ်။ သူ့အတိုင်းအတာလေးနဲ့သူ တဖြည်းဖြည်း လူကြီးဖြစ်လာအောင် နည်းမျိုးစုံနဲ့ အကူအညီပေးရမယ်။
တစ်နေ့ မိဘတွေ မရှိတော့တဲ့အခါမှာ သူ့အားသူကိုးပြီးတော့ သူ့အသိဉာဏ်နဲ့သူ စဉ်းစားပြီး ဆုံးဖြတ်ပြီး သူ့စားဝတ်နေရေး၊ သူ့မိသားစု စားဝတ်နေရေးကို သူ့ဟာသူ လုပ်သွားရမှာ။ အဲဒါကို ဘယ်အချိန်ကစပြီး ပြင်ဆင်ရသလဲဆိုတော့ အဲ့ဒီ ၁၄-၁၅ နှစ်အရွယ်က စပြီး ပြင်ဆင်လိုက်ရတာပဲ။
တကယ်စဉ်းစားတတ်လာအောင်၊ သွားရဲလာရဲအောင်၊ သွားသင့် မသွားသင့် စဉ်းစားတတ်အောင်၊ ဆုံးဖြတ်တတ်အောင်၊ ပြောရဲဆိုရဲ ဖြစ်အောင် သင်ပေးပါ။ ကလေးကို အပြစ်မတင်ပါနဲ့။ ဦးကျိုးသွားမယ့်စကားတွေ မပြောမိပါစေနဲ့။ အဲ့ဒီလို သင်ပေးမှသာ မေတ္တာအစစ်လို့ ပြောလို့ရမှာ။ စိတ်မချလို့၊ မယုံကြည်လို့ မသွားရဲ မလာရဲအောင် လုပ်နေရင် မေတ္တာအစစ် မဟုတ်တော့ဘူး။
***တကယ်ချစ်ရင် လူကြီးဖြစ်ခွင့်ပေးရမယ်***
#ဆရာတော်ဦးဇောတိက
#မဟာမြိုင်တောရ

ဒီတစ်ခါလွဲရင် ပြန်မဆုံနိုင်မှန်းသိသိနဲ့
မင်းလည်း..ငဲ့မကြည့်ခဲ့ ။
ငါလည်း..လှည့်မကြည့်ခဲ့ ။
အလွယ်အစားထိုးလို့ရတဲ့အရာတွေလို့
တွေးထားသရွေ့..ကမ္ဘာကြီးဟာ
လမ်းကျဥ်းလေးတစ်ခုဖြစ်ရင်တောင်
နောက်တစ်ကြိမ်ဘယ်တော့မှ
ဝင်တိုက်မိကြမှာမဟုတ်ဘူး ။
ဘယ်ရထားမှာ လွဲခဲ့ကြလဲ ?
ဘယ်ရထားစီးရင် ပြန်ဆုံနိုင်လဲ ?
တစ်ယောက်ဟာ...
စီးလက်စ ရထားဟောင်းကြီးပေါ်မှာ
ပိုင်ရှင်မဲ့အိမ်မက်တွေတစ်ပွေ့တစ်ထုပ်ကြီးနဲ့
အပြင်ကို ခေါင်းတပြူပြူ ?
တစ်ယောက်မှာ ?
တက်လက်စ ရထားသစ်ကြီးပေါ်မှာ
အပျော်တွေ တစ်ပွေ့တစ်ပိုက်ကြီးနဲ့
ရင်ခွင်သစ်ထဲ ခေါင်းတပြူပြူ ။
တစ်ယောက်ဟာ လမ်းလွဲကြတယ်သိ၍
ဆက်လက်မျှော် ။
တစ်ယောက်မှာ လမ်းခွဲကြတယ်သိ၍
ဆက်လက်ပျော် ။
ခုဆို...
လမ်းလွဲတာလား ?
လမ်းခွဲတာလား သဲကွဲပြီမို့
ရှေ့လျှောက် မေ့ပစ်ပါစို့ ။
ဝေးလက်စနဲ့မို့..
ဆက်လက်၍ မေ့လိုက်ကြပါစို့ ။
#ခွန်းနောင်သစ်

▫️သူငယ်ချင်း ။ ။
▪️၁၀တန်း ဖြေပီးသွားလို့ နောင်နှစ်တွေ ကြာလာတဲ့အခါ facebook ပေါ်ဝယ် state ကျောင်းတုန်းက ငယ်သူငယ်ချင်းတွေနဲ့ ပြန်ဆုံဖြစ်ကြတယ်
▪️တစ်ချို့တွေကတော့ တစ်ကူးတစ်က လာနှုတ်ဆက် ဖော် ရကြတယ် တစ်ချို့တွေကတော့ သွား add တာတောင် လက်ခံချင်တဲ့ ပုံ မပေါ်
▪️တစ်ချို့တွေကတော့ အခုချိန်ထိ best friend အဖြစ် ပေါင်းနေကြဆဲပဲ တစ်ချို့တွေကတော့ ခင်မင်မှုတွေမေ့ပီး သူငယ်ချင်း အသစ်တွေနဲ့ ပျော်ပါးနေလေရဲ့
▪️တစ်ချို့တွေကတော့ ရင့်ကျက်ပီမို့ ကိုယ့်အထာနဲ့ ကိုယ် နေကြတဲ့ အရွယ် တစ်ချို့တွေက ကျောင်းတုန်းကလို ပေါတောတော ပြောင်ချော်ချော် ကလေးစတိုင်လ် ဖမ်းနေတုန်း
▪️တစ်ချို့တွေကတော့ Relationship တွေကိုယ်စီနဲ့ ကြည်နူးနေကြတဲ့အချိန် တစ်ချို့တွေကတော့ ရည်းစားဦးကိုမမေ့နိုင်လို့ single ဘဝနဲ့ အရိုးထုတ်နေလေပီ
▪️အကယ်၍ မင်းတို့လာနှုတ်ဆက်ကြတဲ့ အချိန် ငါမမှတ်မိဘူးလို့ ပြန်ပြောတဲ့အခါ ငါ့ကို စိတ်မဆိုးကြပါနဲ့
▪️ငါတို့ဝေးသွားခဲ့တဲ့ နှစ်တွေဆိုတာလည်း နည်းမှ မနည်းတော့ပဲကိုး ။ ။
#crd_to_owner_with_respect #မေတ္တာဖြင့်ပြန်လည်မျှဝေလိုက်ပါသည်
#ကံကောင်းမေတ္တာဖြင့်မျှဝေသည်

ထိုင်းကို အန္တရာယ်များသည့် နိုင်ငံအဖြစ် ထိုင်ဝမ်သတ်မှတ်

ဘန်ကောက်၊ ဖေဖော်ဝါရီ ၁၈

ထိုင်ဝမ်ပြည်ထဲရေးဝန်ကြီးဌာနသည် ထိုင်းနိုင်ငံကို ခရီးသွားများအတွက် အန္တရာယ်များသည့် အရှေ့တောင်အာရှ ၅ နိုင်ငံစာရင်းတွင် ထည့်သွင်းသတ်မှတ်ခဲ့ကြောင်း The Nation မှ ဖော်ပြခဲ့သည်။

ထိုင်ဝမ်မှ ထိုင်း၊ ဗီယက်နမ်၊ မြန်မာ၊ ကမ္ဘောဒီးယားနှင့် လာအို နိုင်ငံများသည် အန္တရာယ်များသည့် နိုင်ငံများအဖြစ် သတ်မှတ်ထားပြီး ထိုနိုင်ငံများသို့ ခရီးသွားမည့် ခရီးသည်များ၏ လေယာဉ် လက်မှတ်များပေါ်တွင် သတိပေး ချက်များကို မြင်တွေ့ရမည်ဖြစ်သည်။

ခရီးသွားလာရေးအတွက် လုံခြုံရေး အက်ပလီကေးရှင်းများကို ဒေါင်းလုပ်ဆွဲသွားရန်လည်း အကြံပြုထားကြောင်း Taiwan News မှ ဖေဖော်ဝါရီ ၁၄ ရက်တွင် ဖော်ပြခဲ့သည်။

“ပြီးခဲ့တဲ့ နှစ်အနည်းငယ်က ကမ္ဘောဒီးယား ဒါမှမဟုတ် မြန်မာနိုင်ငံတွေမှာရှိတဲ့ ကျားဖြန့်စင်တာတွေမှာ အလုပ်လုပ်ဖို့ ထိုင်ဝမ်ဒေသခံတွေ လိမ်ညာခေါ်ယူခံခဲ့ရတဲ့ ဖြစ်စဉ်တွေ ရှိခဲ့ပါတယ်” ဟု ထိုင်ဝမ် ပြည်ထဲရေး ဝန်ကြီးဌာနက ပြောကြားခဲ့သည်။

ပြီးခဲ့သည့် သီတင်းပတ်တွင် မြန်မာနိုင်ငံသည် ကျားဖြန့်စင်တာတစ်ခုမှ ပြည်ပနိုင်ငံသား ၂၆၀ ကို ပြန်လွှတ်ပေး ခဲ့ပြီး ၎င်းတို့အနက် ထိုင်ဝမ်ဒေသခံ ၇ ဦး ပါဝင်ခဲ့သည်။ ၎င်းတို့သည် ထိုင်ဝမ်သို့ မပြန်မီ ထိုင်းရဲတပ်ဖွဲ့၏ စစ်ဆေးမေးမြန်းမှုကို ခံခဲ့ရသည်။

“အမျိုးသား လူဝင်မှုအေဂျင်စီနဲ့ လေကြောင်းရဲတပ်ဖွဲ့ဗျူရိုတို့ဟာ ထိုင်ဝမ်ခရီးသွားတွေကို ပြည်ပက ကျားဖြန့် စင်တာတွေဆီ မသွားဖို့အတွက် လေဆိပ်တွေမှာ လုံခြုံရေး လုပ်ထုံးလုပ်နည်းတွေကို အရှိန်မြှင့်တင်သွားမှာပါ” ဟု ထိုင်ဝမ်ပြည်ထဲရေးဝန်ကြီးဌာနက ထုတ်ပြန်ခဲ့သည်။

လေကြောင်းလိုင်းများကိုလည်း ထိုအားထုတ် ကြိုးပမ်းမှုတွင် ပူးပေါင်းပါဝင်ရန် တိုက်တွန်းသွားမည်ဖြစ်ပြီး အီလက်ထရောနစ် လက်မှတ်များပေါ်၌ သတိပေးချက်များ ဖော်ပြရန် ညွှန်ကြားထားသည်။

ထို့ပြင် ၂၀၂၂ ခုနှစ်ကတည်းက ထိုင်ဝမ်နိုင်ငံခြားရေးဝန်ကြီးဌာန၏ ခရီးသွားလာမှုဆိုင်ရာ လုံခြုံရေးလမ်းညွှန်ချက် များ ပါရှိသည့် အက်ပလီကေးရှင်း တစ်ခုကိုလည်း ဒေါင်းလုပ်ဆွဲရန် အာဏာပိုင်များက ခရီးသွားများကို အကြံပြု ထားသည်။

Source: The Nation

ပုံ - ထိုင်ဝမ်လေဆိပ်မှာ သတိပေးဆိုင်းဘုတ်ကိုတွေ့ရစဉ်

#centralnewsnaypyitaw

သမိုင်းတစ်လျှောက် ကလေးအများဆုံးမိခင်
˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚
ကမ္ဘာ့သမိုင်းမှာ ထူးခြားအံ့သြဖွယ် ဖြစ်ရပ်တွေ အများအပြားရှိခဲ့ဖူးပါတယ်။ အဲဒီထဲကမှ မယုံနိုင်လောက်စရာ မိခင်တစ်ဦးအကြောင်းကတော့ ယနေ့တိုင် လူအများကို အံ့အားသင့်စေဆဲပါ။
သူမကတော့ ရုရှားနိုင်ငံက Valentina Vassilyeva ဖြစ်ပြီး၊ ဂင်းနစ်ကမ္ဘာ့မှတ်တမ်းစာအုပ်မှာ "သမိုင်းတစ် လျှောက် ကလေးအများဆုံးမိခင်" အဖြစ် မှတ်တမ်းဝင်ခဲ့သူပဲဖြစ်ပါတယ်။
Valentina Vassilyeva ဟာ ၁၇၀၇ ခုနှစ်မှာ မွေးဖွားခဲ့ပြီး ၁၇၈၂ ခုနှစ်မှာ ကွယ်လွန်ခဲ့ပါတယ်။ သူမဟာ Shuya မြို့က လယ်သမား Feodor Vassilyev ရဲ့ ပထမဇနီးဖြစ်ပြီး၊ သားသမီးမွေးဖွားခြင်းကို ဘာသာရေး နဲ့ လူမှုရေးအရ အားပေးတဲ့ ခေတ်ကာလတစ်ခုမှာ နေထိုင်ခဲ့သူပါ။
သန္ဓေတားနည်းပညာတွေ မထွန်းကားသေးတဲ့ အချိန်ကာလဖြစ်တာကြောင့် မိသားစုတွေမှာ သားသမီး အများအပြား မွေးဖွားကြတာဟာ ထူးဆန်းတဲ့ ကိစ္စတော့ မဟုတ်ပါဘူး။ ဒါပေမယ့် Valentina ရဲ့ ဖြစ်ရပ်ကတော့ အားလုံးကို အံ့အားသင့်စေခဲ့ပါတယ်။
Valentina ဟာ အသက်ရှင်နေစဉ်ကာလအတွင်း ကိုယ်ဝန် (၂၇) ကြိမ်ဆောင်ခဲ့ပြီး အမြွှာ (၁၆) စုံ၊ သုံးမြွှာ (၇) စုံ နဲ့ လေးမြွှာ (၄) စုံ မွေးဖွားခဲ့တယ်လို့ သိရပါတယ်။ စုစုပေါင်း ကလေး (၆၉) ယောက်အထိ ရှိခဲ့ပြီး၊ အဲဒီထဲက (၆၇) ယောက်ဟာ အသက်ရှင်ခဲ့တယ်လို့ ဆိုပါတယ်။
ဒီအချက်အလက်တွေကို ၁၇၈၂ ခုနှစ်မှာ မော်စကိုကို ပေးပို့ခဲ့တဲ့ Nikolsk ကျောင်းတိုက်ရဲ့ မှတ်တမ်းမှာ တွေ့ရှိရတာပါ။
သူမရဲ့ အမျိုးသား ဖြစ်သူ Feodor Vassilyev ဟာ လည်း နောက်ထပ် ဒုတိယအိမ် ထောင်ပြုခဲ့ပြီး အဲဒီအိမ်ထောင်ကနေလည်း ကလေး (၁၈) ယောက် ထပ်မံရရှိခဲ့တယ်လို့ သိရပါတယ်။
Valentina Vassilyeva ရဲ့ ဇာတ်လမ်းဟာ အလွန်ထူးခြားပြီး ဖြစ်တောင့်ဖြစ်ခဲ ကိစ္စတစ်ခုပါ။ ခေတ်သစ်ဆေးပညာရှုထောင့်အရ ဒီလောက်များပြားတဲ့ ကိုယ်ဝန်ဆောင်မှုတွေကို ကျန်းမာစွာနဲ့ ဘယ်လိုကျော်ဖြတ်နိုင်ခဲ့သလဲ ဆိုတာကတော့ ယနေ့တိုင်အဖြေရှာရခက်နေဆဲပါ။
တချို့က မျိုးရိုးဗီဇဆိုင်ရာ ထူးခြားမှုကြောင့် ဖြစ်နိုင်တယ်လို့ ယူဆကြပေမယ့် တိကျတဲ့အဖြေတော့ မရှိသေးပါဘူး။
Valentina Vassilyeva ရဲ့ အကြောင်းဟာ ဂင်းနစ်ကမ္ဘာ့မှတ်တမ်းမှာ တရားဝင် မှတ်တမ်းတင်ထားသလို၊ သမိုင်းမှတ်တမ်းအချို့မှာလည်း တွေ့ရတာကြောင့် တကယ့်ဖြစ်ရပ်မှန်လို့ ယေဘုယျအားဖြင့် သတ်မှတ်နိုင်ပါတယ်။
မည်သို့ပင်ဆိုစေကာမူ Valentina Vassilyeva ရဲ့ ဇာတ် လမ်းဟာ ကမ္ဘာ့သမိုင်းမှာ အံ့သြဖွယ်ရာ မှတ်တမ်းဝင်ခဲ့တဲ့ ထူးခြားဖြစ်စဉ်တစ်ခုအဖြစ် ဆက်လက်တည်ရှိနေဦးမှာ အသေအချာပါပဲ။
#knowledge