Freelancer တွေအတွက် အကောင်းဆုံး Freelance Platform ၅ ခု
-----------------------------------------------
ဒီနေ့ခေတ်မှာ Freelance အလုပ်လုပ်ချင်သူတွေအတွက် Platform တွေ အများကြီးရှိပါတယ်။ ဒါ့ကြောင့် မျှဝေချင်တာကတော့ ကမ္ဘာပေါ်မှာ နာမည်အကြီးဆုံးနဲ့ အကောင်းဆုံး Platform ၅ ခုအကြောင်းပါ။ တစ်ခုကြိုပြီး ပြောထားချင်တာကတော့ တစ်ချို့ Platform တွေက မြန်မာနိုင်ငံက Payment တွေကိုတော့ ရချင်မှာရမှာမို့ Payment တစ်ခုခုတော့ ကြိုပြီးစီစဥ်ထားဖို့လိုပါမယ်။

Upwork
Freelance Platform တွေထဲမှာ နာမည်အကြီးဆုံးတစ်ခုဖြစ်တဲ့ Upwork ဟာ အလုပ်အမျိုးအစား အားလုံးနီးပါးကို Freelance လုပ်လို့ရတာပါပဲ။ Web Development, Graphic Design, Content Writing, Digital Marketing စတဲ့ နယ်ပယ်အသီးသီးက Project တွေကို တွေ့နိုင်ပါတယ်။ အစပိုင်းမှာ Upwork ရဲ့ Proposal system နဲ့ ရင်းနှီးဖို့ လိုပေမယ့် တစ်ခါရင်းနှီးသွားရင်တော့ ဝင်ငွေကောင်းကောင်းရှာနိုင်တဲ့ Platform တစ်ခုပါ။

Fiverr
Fiverr ဟာ Freelancer တွေအတွက် သူတို့ရဲ့ ဝန်ဆောင်မှုတွေကို Gig အနေနဲ့ ရောင်းချနိုင်တဲ့ Platform တစ်ခုပါ။ Upwork နဲ့မတူတာက Client တွေက Freelancer တွေဆီကို တိုက်ရိုက်လာရွေးချယ်တာဖြစ်ပါတယ်။ ကိုယ့်ရဲ့ Portfolio ကိုကောင်းကောင်းပြင်ဆင်ထားပြီး၊ ဈေးစကားသေချာပြောနိုင်ရင် အလုပ်အခွင့်အလမ်းပေါတဲ့နေရာတစ်ခုပါ။

Toptal
နောက်တစ်ခုကတော့ Toptal ပါ။ ဒီ Platform မှာ ဝင်ရောက်ဖို့ စိစစ်မှုတွေ တင်းကြပ်ပေမယ့် တစ်ခါဝင်ရောက်နိုင်ပြီဆိုရင်တော့ လစာကောင်းကောင်းပေးတဲ့ Project တွေကို ရရှိနိုင်ပါတယ်။ အထူးသဖြင့် Software Development, Design နဲ့ Finance နယ်ပယ်တွေမှာ အခွင့်အလမ်းကောင်းတွေ အများကြီးရှိပါတယ်။

Freelancer(.)com
Freelancer.com ဟာ Project အရေအတွက် အများဆုံးရှိတဲ့ Platform တစ်ခုဖြစ်ပါတယ်။ ဒီမှာ အလုပ်ရှာတဲ့အခါ ပြိုင်ဆိုင်မှုများပေမယ့် Project အမျိုးအစားစုံတာကြောင့် အလုပ်ရှာရတာ အဆင်ပြေပါတယ်။ Feelance အတွေ့အကြုံ အများကြီးမရှိသေးသူတွေအတွက် အသေးစား Project လေးတွေကနေ စတင်ပြီး အတွေ့အကြုံရယူနိုင်ပါတယ်။

PeoplePerHour
ဥရောပအခြေစိုက် Platform တစ်ခုဖြစ်တဲ့ PeoplePerHour ဟာလည်း Freelancer တွေအတွက် စိတ်ဝင်စားစရာကောင်းတဲ့ Platform တစ်ခုပါ။ Fiverr လိုပဲ ဝန်ဆောင်မှုပုံစံတွေနဲ့ အလုပ်လက်ခံနိုင်သလို၊ Project တွေကိုလည်း တိုက်ရိုက်လျှောက်ထားနိုင်ပါတယ်။ ယူရို၊ ပေါင်နဲ့ ငွေပေးချေမှုတွေ လက်ခံတာကြောင့် နိုင်ငံတကာ Client တွေနဲ့ အလုပ်လုပ်ဖို့ အဆင်ပြေပါတယ်။

အဆိုပါ Platform တွေမှာ အလုပ်လုပ်တဲ့အခါ ကိုယ့်ရဲ့ Profile ကို ပရော်ဖက်ရှင်နယ်ကျကျ ပြင်ဆင်ထားတာမျိုး၊ Portfolio ကောင်းကောင်း ပြင်ဆင်ထားတာ၊ Client တွေနဲ့ ဆက်သွယ်ရာမှာ ပရော်ဖက်ရှင်နယ်ကျကျ စကားပြောတတ်ဖို့နဲ့ ကိုယ့်ရဲ့ အချိန်ကို စနစ်တကျ စီမံခန့်ခွဲနိုင်ဖို့နဲ့ အရေးကြီးပါတယ်။

အချုပ်ပြောရရင် Work From Home နဲ့ Remote Job တွေခေတ်စားနေတဲ့အချိန်မှာ Freelance အလုပ်တွေက စမ်းလုပ်ကြည့်သင့်တဲ့ အလုပ်တွေပါပဲ။ ဒါပေမယ့် တစ်ခုသတိထားရမှာ Freelance ဆိုတာ အလုပ်ရှိချိန်မှာ မအား၊ အလုပ်မရှိရင် လုံးဝအားတဲ့ပုံစံမျိုးဖြစ်တဲ့အတွက် အရေးအကြီးဆုံးက Time Management ဆိုတာပါ။ Deadline တွေကိုလည်း သေချာအဆင်ပြေအောင် ကိုင်တွယ်ဖို့အရေးကြီးပါတယ်။ အစပိုင်းမှာ အခက်အခဲတွေ ရှိနိုင်ပေမယ့် ဇွဲရှိရှိနဲ့ ကြိုးစားသွားမယ်ဆိုရင် အဆင်ပြေသွားဖို့များပါတယ်။

နောက်ဆုံးစကားချပ်အနေနဲ့ ပြောချင်တာကတော့ မြန်မာနိုင်ငံက Freelancer တွေနဲ့ Payment တွေကို Platform။ တွေက အသိမပေးပဲ ပိတ်ပစ်တတ်တဲ့ ကိစ္စတွေရှိတတ်တာကြောင့် International Payment ရတဲ့ Secondary Payment တစ်ခုကိုတော့ အသင့်ဆောင်ထားသင့်ကြောင်း သတိပေးချင်ပါတယ်။

အားလုံးပဲ Work Life Balance ညီတဲ့ Freelancers တွေဖြစ်ကြပါစေဗျား....

Part-1
*ယနေ့ခေတ် ကျင့်သုံးသည့် တိုက်ရိုက် ဒီမိုကရေစီ နည်းလမ်းများ

ယနေ့ခေတ်၌ ဒီမိုကရေစီနိုင်ငံ အတော်များများမှာပင် ကိုယ်စားပြု ဒီမိုကရေစီစနစ်၌ကျန်ရှိ နေသည့် ဟာကွက်များကို ဖြည့်စွက်ရန် သို့မဟုတ် အရေးကြီးသော ကိစ္စရပ်များ၌ အများပြည်သူတို့ ကိုယ်တိုင် ပါဝင် ဆုံးဖြတ်ခွင့်ရရှိရန် ချမှတ် လုပ်ဆောင်ထားသည့် အစီအစဉ်များ ရှိကြသည်။
ယင်းအနက် အရေးကြီးဆုံးတစ်ခုက ပြည်သူတို့ စတင်သည့် အဆို ပြုချက်များပေါ်တွင် လူထုတစ်ရပ်လုံး ဆန္ဒမဲပေး ရွေးချယ် ဆုံးဖြတ်သည့် စနစ်ဖြစ်သည်။
citizens' initiative; popular initiative; citizen initiated referendum စသဖြင့် ခေါ်ဝေါ်ကြသည့် ၎င်းစနစ်၌ လူထုအနေနှင့် လွှတ်တော်က ပြဋ္ဌာန်းခဲ့သည့် ဥပဒေတစ်ရပ်ကို ပြင်ဆင်/ဖျက်သိမ်း လိုလျှင်ဖြစ်စေ၊ ဖွဲ့စည်းပုံ အခြေခံဥပဒေတွင် ပြင်ဆင်ချက်တစ်ရပ်ရပ် ထည့်သွင်းစေလိုလျှင်ဖြစ်စေ၊ သတ်မှတ်ထားသော အရေအတွက် (ဥပမာ၊ငါးသောင်း၊ တစ်သိန်း စသဖြင့်) ရှိသည့် မဲဆန္ဒရှင်တို့ လက်မှတ်ရေးထိုး တင်သွင်းလျှင်၊ ၎င်းဥပဒေ သို့မဟုတ် ဖွဲ့စည်းပုံ ပြင်ဆင်ချက်ကို လက်ခံမခံ လူထုဆန္ဒခံယူပွဲ (referendum) ကျင်းပ၍ ဆုံးဖြတ်ပေးရသည်။ တိုက်ရိုက် ဒီမိုကရေစီကို ရာစုနှစ်များစွာ တည်ဆောက် ကျင့်သုံးလာခဲ့သည့် ဆွစ်ဇာလန်နိုင်ငံ၌ ပြီးခဲ့သည့် နှစ် ၁၂ဝ အတွင်း လူထုတောင်းဆိုမှုကြောင့် ကျင်းပပေးရသည့် ဆန္ဒခံယူပွဲပေါင်း ၂၄၀ မျှ ရှိခဲ့သည်ဟု ဆိုသည်။
လူထုအနေနှင့် လွှတ်တော်များက ပြဋ္ဌာန်းသည့် ဥပဒေများအတွက် သာမဟုတ်၊ အစိုးရပိုင်းက ချမှတ် အကောင်အထည် ဖော်နေသည့် ကိစ္စရပ်များ၊ သို့မဟုတ် အများအတွက် ပြဿနာဖြစ်လာသည့် ကိစ္စကြီးများ တွင်လည်း အလားတူ လက်မှတ်များ စုစည်းကာ မိမိတို့ဆန္ဒကိုတင်ပြခြင်းဖြင့် အာဏာမဏ္ဍိုင်တို့ ၎င်းကိစ္စကို အရေးတယူပြု စဉ်းစားကာ လိုအပ်သလို ပြုပြင် ဆောင်ရွက်လာအောင် တိုက်တွန်းခြင်း ဖိအားပေးခြင်း များလည်း ပြုလုပ်နိုင်ပေသည်။
တစ်ဖန်
လူထုဆန္ဒခံယူပွဲ (referendum) များကို လူထုက စတင်သည့် အဆိုပြုချက်များအတွက် ကျင်းပသကဲ့သို့၊ လွှတ်တော်များ အစိုးရများက စတင်၍လည်း မိမိတို့ ရေးဆွဲသည့် ဖွဲ့စည်းပုံအခြေခံဥပဒေသစ်များ၊ အခြေခံဥပဒေ ပြင်ဆင်ချက်များ၊ အရေးကြီးသော ဥပဒေသစ်များအပြင်၊ ခွဲရေးတွဲရေးကဲ့သို့ နိုင်ငံလုံးချီသော ကိစ္စရပ်များတွင်ပါ လူထု အဆုံးအဖြတ် ခံယူရန် ကျင်းပပေးခြင်းမျိုးလည်း ရှိပါသည်။

#ဆက်ရန်ရှိ

ပြီးခဲ့တဲ့ရက်ပိုင်းတုန်းက မန်ချက်စတာလေဆိပ်ကို စီရော်နယ်ဒိုပိုင်ဆိုင်တဲ့ CR7 Private Jet ဆင်းသက်လာခဲ့ပါတယ်။ အကြောင်းအရင်းကတော့ ပျံသန်းနေစဉ် လေယာဉ်ပြတင်းမှန်ကနေ အက်ကွဲကြောင်းပေါ်ခဲ့လို့ အရေးပေါ်ဆင်းသက်ခဲ့တာဖြစ်ပြီး လေယာဉ်ပြုပြင်လို့ပြီးတဲ့အထိ မန်ချက်လေဆိပ်မှာ ဆက်လက်ဆိုက်ကပ်နေမှာဖြစ်ပါတယ်။ 🔴🛬
[TheSun]

Part-4
*“ရှားရှားပါးပါး ဒေါသ”

ကျွန်တော် ရဟန်းဝါ (၁၈-ဝါ)ရပြီဆိုတော့ ကျွန်တော့်ထက် အသက်ကြီးတဲ့ ဆရာနိုးတို့က အသက်(၉၀)တွင်း ချင်းနင်းဝင်ရောက်လာကြပြီ။ အသက်ကြီးပြီ ဆိုတော့ ခန္ဓာကိုယ်ကြီးက ကားအိုကြီးလို ဟိုကပျက် ဒီကပျက်နဲ့ ပျက်စီးစပြုပြီ။
လွန်ခဲ့တဲ့ တစ်နှစ်ကျော်လောက်ကတော့ ကားအိုကြီး မရွေ့နိုင်တော့သလို ဆရာနိုးလည်း အိပ်ရာပေါ်မှာ လှဲနေရပြီ။
ဆရာနိုး အိပ်ရာပေါ်က မထနိုင်တော့ဘူးလို့ သတင်းကြားတာနဲ့ ဦးဇင်းကြီး လည်း အိမ်က ဒကာမကြီးရယ်၊ သမီး မီမီအေးရယ် စားသောက်ဖြစ်မယ့် အင်ရှူးဝါး နဲ့ မုန် ့တို့ကိုယူပြီး သွားခဲ့ကြတယ်။
ဦးဇင်းကြီးတို့ ဆရာနိုးတို့တိုက်ခန်းကို (၈)နာရီခွဲရောက်အောင်သွားခဲ့ကြ တယ်။ အကြောင်းကတော့ မီးက (၉)နာရီပိတ်မှာ၊ မီးပိတ်ရင် ဓာတ်လှေကားက တက်လို့မရတော့ဘူး။ ဓာတ်လှေကားအမီ (၈)နာရီခွဲရောက်အောင် သွားခဲ့တယ်။ ဦးဇင်းကြီးတို့ရောက်တော့ ဆရာနိုးက အိပ်တုန်း။ မလေးနွယ်က ပြောတယ် သူက (၁၁)နာရီလောက်မှနိုးတယ်၊ သူနိုးတော့မှ ရေမိုးချိုး၊ အဝတ်အစားလဲ၊ တိုက်စရာ ဆေး၊ ကျွေးစရာအစာတို့ကို တိုက်ရကျွေးရတယ်တဲ့။
ဦးဇင်းကြီးတို့ကလည်း ကျောင်းကို ဆွမ်းစားအမီ ပြန်ကြွရမှာဆိုတော့ အဲဒီ အချိန်ထိအောင် စောင့်နေလို့တော့ မရဘူး။ ပြီးတော့ ရောက်တဲ့အခိုက် “ဗောဇ္ဈင် သုတ်” ပရိတ်တော်လေးလည်း ရွတ်ပေးခဲ့ချင်တယ်ဆိုလို့ မလေးနွယ်က တစ်ဖက် လှည့်အိပ်နေတဲ့ ဆရာနိုးမျက်နှာကို ဦးဇင်းကြီးတို့ဘက် လှည့်စောင်းပေးတယ်။ ဦးဇင်းကြီးလည်း ဆရာနိုးအနားသွားပြီး “ဗောဇ္ဈင်သုတ်”ပရိတ်တော် ရွတ်ပေး မယ်လို့ ဆရာ့အားပြောပြီး ရွတ်ပေးခဲ့ပါတယ်။
“ဗောဇ္ဈင်သုတ်”အချပိုဒ်မှာ “သောတ္ထိတေ ဟောတု သဗ္ဗဒါ”ဆိုတဲ့ ဆုတောင်း ဂါထာလေးပါတယ်။ အဲဒီ “တေ”ဆိုတဲ့နေရာမှာ “ကျောက်ဆောက်သာနိုး”လို့ ထည့်ရွတ်ပေးလိုက်တယ်။ သဘောကတော့ “သောတ္ထိ ကျောက်ဆောက်သာနိုး ဟောတု သဗ္ဗဒါ”လို့ ရွတ်ပေးလိုက်တော့ အိပ်ပြီးမှိန်းနေတဲ့မျက်နှာက ပြုံးပြီး မျက်စိ ပွင့်လာတယ်။ စကားတွေလည်း သမီး မီမီအေးနဲ့ ပြောကြတယ်။ သမီး ပြန်ပြောပြ တာကတော့ သူ ကြည်နူးဝမ်းသာပီတိ ဖြစ်မိတယ်တဲ့။
ဦးဇင်းကြီးတို့လည်း မလေးနွယ် ရှယ်လုပ်ထားတဲ့ ဘူးသီးကြော်နဲ့ အချဉ်ရေ ကို အားပေးပြီး ပြန်လာခဲ့ကြပါတယ်။
နောက်တစ်လလောက်အကြာ ဝါဆိုလပြည့်နေ့ ည(၈)နာရီလောက်မှာ မီမီအေးက မျက်နှာညှိုးငယ်စွာနဲ့ သတင်းလာပြောတယ်။ ဆရာနိုး မရှိတော့ဘူးတဲ့။

#ဆက်ရန်ရှိ

မွေးကင်းစကလေးငယ်တွေ အတော်များများဟာ မွေးပြီးရက်အနည်းငယ်အတွင်းမှာ အသားဝါ တဲ့ ပြသနာကို ကြုံတွေ့နေကြရပါတယ်။ မွေးကင်းစကလေးငယ်များ အသားဝါ ခြင်းဟာ တစ်ခါတစ်လေမှာ သူ့ဘာသာ ပျောက်သွားနိုင်ပေမယ့် တစ်ခါတစ်လေမှာ အဝါဓာတ်က ဦးနှောက်ထဲထိရောက်သွားတဲ့အခါ မသန်မစွမ်းဖြစ်တာ၊ ဉာဏ်ရည်ချို့တဲ့တာတွေကို ဖြစ်လာစေနိုင်ပါတယ်။ ဒါ့ကြောင့် မိမိကလေးမှာ အသားဝါလာတယ်၊ မျက်သားအဖြူနေရာမှာ ဝါလာတယ်ဆိုရင်တော့ မပေါ့လျော့ဘဲ ကလေးဆရာဝန်နဲ့ သေသေချာချာ တိုင်ပင်ဆွေးနွေးသင့်ပါတယ်။
မွေးကင်းစကလေးငယ်များ အသားဝါ ရတဲ့ အကြောင်းရင်း
မွေးကင်းစကလေးငယ်များ အသားဝါ ရခြင်းဟာ ကလေးငယ်လေးရဲ့ ခန္ဓာကိုယ်ထဲမှာ အဝါဓာတ်ကို ဖြစ်စေတဲ့ billirubin လို့ခေါ်တဲ့ ပစ္စည်းတွေများလာတာကြောင့်ပါ။
မွေးကင်းစအရွယ် အသားဝါခြင်းကို
၁။ ဇီဝကမ္မ ဖြစ်စဉ်အရ အသားဝါခြင်း( physiological jaundice)နဲ့
၂။ရောဂါ တစ်ခုခုကြောင့် ဖြစ်ရတဲ့ အသားဝါခြင်း (Pathological jaundice) ဆိုပြီး နှစ်မျိုးခွဲခြားထားပါတယ်။
၁။ ဇီဝကမ္မ ဖြစ်စဉ်အရ အသားဝါ ခြင်း( physiological jaundice)
ပုံမှန်ဖြစ်စဉ်အရ အသားဝါခြင်းဟာ မွေးပြီး ၃ရက်မြောက်မှာ စဖြစ်တတ်ပြီး ၅ရက်မြောက်နေ့မှာ အဝါဆုံးအခြေအနေကို ရောက်သွားလေ့ရှိပါတယ်။ ပုံမှန်ကလေးတွေမှာ ၇ရက်မြောက်နေ့ဆိုရင်တော့ ပျောက်သွားလေ့ရှိပြီး လမစေ့ဘဲ မွေးတဲ့ကလေးလေးတွေမှာတော့ ၉ ရက်မြောက်နေ့မှာ ပျောက်သွားတတ်ပါတယ်။
ပုံမှန်အားဖြင့် ခန္ဓာကိုယ်အတွင်း သွေးနီဥတွေ ပြိုကွဲတဲ့အခါ အဲဒီ billirubin လို့ခေါ်တဲ့ ပစ္စည်းလေးတွေထွက်လာပါတယ်။ အဲဒီ ပစ္စည်းတွေကို ခန္ဓာကိုယ်ပြင်ပ ကို စွန့်ပစ်ဖို့အတွက် အသည်းက တာဝန်ယူလုပ်ဆောင်ရပါတယ်။ မွေးကင်းစ ကလေးငယ်လေးတွေမှာ အသည်းအပါအဝင် အခြားခန္ဓာကိုယ်အစိတ်အပိုင်းတွေ အားလုံးက နုနယ်ပြီး လုပ်ငန်းကောင်းကောင်း မလုပ်နိုင်သေးတာကြောင့် billirubin ကို မချေဖျက်နိုင်ဘဲ အဝါဓာတ်တွေ ဖြစ်လာစေပါတယ်။ အခြား အကြောင်းအရင်းတွေကတော့ မွေးကင်းစကလေးငယ်လေးတွေမှာ သွေးနီဥ သက်တမ်းတိုသေးတာရယ်၊ သွေးနီဥတွေကို အထုတ်များတာကြောင့်ရယ် ဖြစ်ပါတယ်။
၂။ရောဂါ တစ်ခုခုကြောင့် ဖြစ်ရတဲ့ အသားဝါခြင်း (သို့) Pathological Jaundice
ရောဂါ တစ်ခုခုကြောင့် ဖြစ်ရတဲ့ အသားဝါခြင်းဆိုရင်တော့ မွေးပြီး တစ်ရက် နှစ်ရက်အတွင်းမှာကတည်းက စဖြစ်နိုင်ပြီး နှစ်ပတ်ကျော် လောက်အထိ ကြာတတ်ပါတယ်။ ဆီးအရောင်ရင့်ပြီး ဝမ်းဖြူဖြူတွေလည်း သွားနိုင်ပါတယ်။ အကြောင်းအရင်းတွေကတော့
ကလေးနဲ့ အမေ သွေးအုပ်စုမတည့်ခြင်း။
သွေးအုပ်စုမှာမှ A,B,O အုပ်စု မတည့်ခြင်းနဲ့ Rh မတည့်ခြင်းဆိုပြီး နှစ်မျိုးဖြစ်နိုင်ပါတယ်။ အမေက O သွေးအမျိုးအစားဖြစ်ပြီး ကလေးက A (သို့) B တစ်ခုခုဖြစ်နေတဲ့ အခါ (သို့) အမေက Rh အနှုတ်သွေး နဲ့ ကလေးက အပေါင်းသွေးဖြစ်နေခဲ့မယ်ဆိုရင် သွေးအုပ်စု မတည့်ခြင်းတွေဖြစ်ပြီး သွေးနီဥတွေပျက်စီးလာပါတယ်။ ဒါကြောင့် အဝါဓာတ်တွေများလာပါတယ်။
ကလေးငယ်လေးမှာ G6PD ဓာတ်ချို့တဲ့ရောဂါ ဖြစ်နေခြင်း။
G6PD ချို့တဲ့တဲ့ ကလေးတွေမှာလည်း သွေးနီဥတွေ ပေါက်ကွဲလွယ်တာကြောင့် အသားဝါတတ်ပါတယ်။
မွေးတဲ့ အချိန်မှာ ထိခိုက်ဒဏ်ရာရသွားခြင်း နဲ့ ရောဂါပိုးဝင်ခြင်း။
မိခင်နို့ကို လုံလုံလောက်လောက် မရခြင်း။
သည်းခြေပြွန်ရောင်ခြင်း၊ ပိတ်ခြင်း၊ အသည်းပိုးဝင်ခြင်း နဲ့ အသည်းရောင်ခြင်း။
ဆီးလမ်းကြောင်းပိုးဝင်ခြင်း။
စတဲ့ ရောဂါတွေ၊ အခြအနေတွေကြောင့်လည်း မွေးကင်းစကလေးငယ် အသားဝါခြင်းပြသနာကိုဖြစ်စေနိုင်ပါတယ်။
ရောဂါလက္ခဏာနှင့် ကုသနိုင်သော နည်းလမ်းများ။
ကလေးရဲ့ မျက်နှာ ၊ မျက်လုံး က စပြီး ဝါလာပြီး နောက်ပိုင်းမှာ ခြေတွေလက်တွေ အထိ ဝါလာနိုင်ပါတယ်။ ဒါ့အပြင် ကလေးက မှိန်းနေပြီး ဂျီကျတာမျိုးတွေလည်း ဖြစ်နိုင်ပါတယ်။ ဦးနှောက်ကို ထိခိုက်သွားမယ်ဆိုရင်တော့ တက်တာ၊ ခန္ဓာကိုယ်က တောင့်တင်းတာ (သို့) ပျော့ခွေသွားတာ၊ စူးဝါးတဲ့ အသံနဲ့ ငိုတာ၊ ပုံမမှန်တဲ့ လှုပ်ရှားမှုတွေ ရှိလာတာ စတဲ့ လက္ခဏာတွေ ဖြစ်လာနိုင်ပါတယ်။
ကလေးငယ်ရဲ့ အခြေအနေနဲ့ အဝါဓာတ် ပမာဏအရ ဆရာဝန်က မီးချောင်းပြတာ၊ ပြင်းထန်မယ်ဆိုရင် သွေးလဲတာ စတဲ့ ကုသမှုတွေ လုပ်ဆောင်ပေးနိုင်ပါတယ်။
မွေးကင်းစကလေးငယ်များ အသားဝါ တာက ပေ့ါဆမယ်ဆိုရင် အဝါဓာတ်က ဦးနှောက်ထဲထိ ရောက်သွားနိုင်ပြီး မသန်မစွမ်းဖြစ်ခြင်း ၊ဉာဏ်ရည်ချို့တဲ့ခြင်း တွေအထိ ဖြစ်သွားစေနိုင်တာကြောင့် မိဘတွေအနေနဲ့ ဂရုစိုက်ကြဖို့ အကြံပေးချင်ပါတယ်။

မြန်မာ့ပြောင်းဆံ တန်ချိန် ၂ သိန်း ထိုင်း ဝယ်မည်
ရန်ကုန်၊ ဖေဖော်ဝါရီ ၂၁
ထိုင်းစီးပွားရေးလုပ်ငန်းရှင်တွေက မြန်မာနိုင်ငံက စိုက်ပျိုးထွက်ရှိတဲ့ ပြောင်းဆံတန်ချိန် ၂ သိန်းကို ဝယ်ယူသွားဖို့ရှိကြောင်း သိရပါတယ်။
ထိုင်း-မြန်မာနှစ်နိုင်ငံ ကုန်သည်လုပ်ငန်းရှင်တွေအကြား Business to Business (B to ပြောင်းအရောင်းအဝယ် နားလည်မှုဆိုင်ရာ သဘောတူစာချုပ် (MOU) ကို ဖေဖော်ဝါရီလ ၆ ရက်နေ့မှာ လက်မှတ်ရေးထိုးခဲ့ကြောင်း စီးပွား/ကူးသန်းက သတင်းထုတ်ပြန်ပါတယ်။
အဆိုပါ MOU အတွင်း စာချုပ် ၄၃ ခု ပါဝင်ကာ မြန်မာနိုင်ငံဘက်မှ ကုမ္ပဏီ ၂၃ ခုနဲ့ ထိုင်းနိုင်ငံဘက်မှ ကုမ္ပဏီ ၉ ခုတို့ ပါဝင်လက်မှတ်ရေးထိုးခဲ့ပြီး ပြောင်းတန်ချိန် ၂ သိန်းတိတိ စာချုပ်ချုပ်ဆိုနိုင်ခဲ့ပါတယ်။
အခုလို MOU ရေးထိုးနိုင်ခဲ့လို့ ဈေးကွက်ခိုင်မာမှုရှိခြင်း၊ ဝယ်လိုအားများတဲ့ ကာလမှာ တစ်ဖက်နိုင်ငံဝယ်ယူသူတွေဘက်မှ ဈေးကစားမှုတွေ မဖြစ်ပေါ်နိုင်တော့ကြောင်း စီးပွား/ကူးသန်းက ထုတ်ပြန်ပြောကြားထားပါတယ်။
ယခုနှစ်အတွင်း မြန်မာ့ပြောင်းဆံတွေကို ထိုင်းဈေးကွက်ထံ အများဆုံးတင်ပို့သွားဖို့ရှိပြီး ထိုင်းနိုင်ငံပြီးမှ တရုတ်၊ ဖိလစ်ပိုင်၊ ဗီယက်နမ်နဲ့ ဘင်္ဂလားဒေ့ရှ်နိုင်ငံတွေထံ တင်ပို့သွားမှာပါ။
လက်ရှိမှာ တရုတ်နိုင်ငံကနေ မြန်မာ့ပြောင်းဆံကို ဝယ်ယူဖို့ ကမ်းလှမ်းနေပြီး အိန္ဒိယနိုင်ငံကလည်း ထပ်တိုးဝယ်ယူနိုင်ဖို့ ကမ်းလှမ်းမှုတွေ ပြုလုပ်ထားတယ်လို့ မြန်မာနိုင်ငံ ပြောင်းလုပ်ငန်းအသင်းကနေ သိရပါတယ်။
ကမ္ဘာ့ဈေးကွက်မှာတော့ ပြောင်းဆံတစ်တန်ဈေး အမေရိကန်ဒေါ်လာ ၄၉၈ ရှိပြီး ဘုရင်နောင်ကုန်စည်ဒိုင်မှာတော့ ပြောင်းဆံတစ်ပိဿာကို ၁၆၈၀ -၁၇၀၀ ကျပ် ဈေးဖွင့်ထားပါတယ်။
ပြောင်းတင်ပို့မှုအနေနဲ့ ၂၀၂၄-၂၅ ဘဏ္ဍာနှစ်၊ ဧပြီလမှ နိုဝင်ဘာလအတွင်းမှာ ပြောင်းတန်ချိန် ၁.၈၈ သန်း၊ တန်ဖိုးအနေနဲ့ အမေရိကန် ဒေါ်လာ ၄၄၇ သန်းကျော်ဖိုး တင်ပို့နိုင်ခဲ့ပါတယ်။

သဘောကျတယ်
ရှေ့တိုးခွင့်မရလည်း သဘောကျတယ်
အတူရှိခွင့်မရလည်း သဘောကျတယ်---"

အပြုံးတွေကိုအဝေးကပဲ ငေးခွင့်ရလည်း
သဘောကျပါတယ် မပိုင်ရဘူးဆိုတာကို
အတိအကျသိပြီးထိတိုင်---"

ကိုယ်ကဆက်ပီး သဘောကျရပါတယ်
တစ်မိုးအောက်တည်း အတူတူရှင်သန်ခွင့်ရ
နေတာလေးကိုပဲကိုယ့်မှာ သဘောကျနေရတယ်---"🌻🍁

နာကျင်မှုကို ရှောင်လွှဲလို့ မရဘူး၊
ဒါပေမဲ့ နာကျင်မှုကို ဘယ်လိုသက်သာအောင်
လုပ်မလဲဆိုတာကိုတော့ ရွေးချယ်လို့ရတယ်။

#စာတို

ဘေဘီလေးကို ကျွေးလို့ရမယ့် သစ်သီး နဲ့ ဟင်းသီးဟင်းရွက်တွေ
💕👶🏻💕
👶🏻 မွေးလာတုန်းက ဘေဘီလေးကို မေမေ့နို့ပဲတိုက်တာဆိုတော့ မေမေကအစားဆင်ခြင်ရင် အဆင်ပြေပြီပေါ့။ သိပ်အများကြီးတွေးစရာမလိုဘူးပေါ့။ ဒီလိုနဲ့ ဘေဘီလေးက ၅ လကျော် ၆ လထဲရောက်လာတယ်။ အစားစကျွေးပြီး ထမင်းကိုကြိတ်ကျွေးတာ၊ အာဟာရမှုန့်ကျွေးတာဆိုပြီး အမျိုးမျိုးရှိမယ်။ ဒီလိုနဲ့ တဖြည်းဖြည်း အသီးအရွက်လေးတွေနည်းနည်းချင်းစီထည့်ကျွေးလာမယ်။
👶🏻 ဒီလိုကနေ နောက်တော့ သစ်သီးလေးတွေကျွေးဖို့ စဉ်းစားလာမယ်။ ဒီအချိန်မှာက နည်းနည်းတော့အတွေးကြပ်ပြီနော်။ ဘေဘီလေးက လူကြီးတွေစားသမျှ စားလို့မှမရသေးတာလေ။ ဒီတော့ ဘေဘီလေးကို အသီးအနှံတွေကျွေးချင်တယ်။ ဘာတွေများကျွေးလို့ရမလဲဆိုပြီး မေမေတို့ အတွေးရကြပ်နေတဲ့ပြဿနာကို ဒီဆောင်းပါးလေးထဲကနေ အဖြေထုတ်ပေးမယ်နော်။
👶🏻 ဘေဘီလေးကို ကျွေးလို့ရမယ့် သစ်သီး နဲ့ ဟင်းသီးဟင်းရွက်တွေ က ဘာတွေများလဲ……💕👶🏻💕
ဘေဘီလေးကို အာဟာရပြည့်ဝမျှတစွာရရှိစေဖို့ဆိုရင်
မုန်လာဥနီ 🥕🥕🥕
👶🏻 အပင်ကနေရရှိတဲ့ ဗီတာမင် A တစ်မျိုးဖြစ်တဲ့ beta-carotene ကြွယ်ဝစွာပါဝင်နေပါတယ်။ သဘာဝအချိုကိုလည်းရရှိစေမှာဖြစ်သလို ဘေဘီလေး အမြင်အာရုံဖွံ့ဖြိုးစေဖို့လည်း အကောင်းဆုံးထောက်ပံ့ပေးနိုင်မှာပါ။
ကန်စွန်းဥ 🍠🍠🍠
👶🏻 ကန်စွန်းဥက ချိုချိုလေးနဲ့ အရောင်အသွေးလှလို့ ဘေဘီတော်တော်များများ မငြင်းနိုင်တဲ့ အစားအစာလေးတစ်ခုဆိုလည်း မမှားပါဘူး။ ကန်စွန်းဥမှာ ပိုတက်ဆီယမ်၊ ဗီတာမင် C၊ အမျှင်ဓာတ်နဲ့ beta-carotene တို့ကြွယ်ဝစွာပါဝင်နေပါတယ်။ အမြင်အာရုံရော အသားအရေကိုပါကျန်းမာစေနိုင်သလို အစာခြေစနစ်အတွက်လည်း အကောင်းဆုံးထောက်ပံ့ပေးနိုင်ပါတယ်။ ကင်ဆာကာကွယ်ပေးနိုင်စွမ်းလည်းရှိပြီး ဘေဘီလေးတွေရဲ့ ကြီးထွားဖွံ့ဖြိုးမှုအတွက်လည်း အကောင်းဆုံး အားဖြည့်ပေးနိုင်မှာပါ။
ပန်းဂေါ်ဖီစိမ်း 🌳🌳🌳
👶🏻 ဘေဘီလေးတွေအတွက် မပါမဖြစ်အသီးအနှံတွေထဲကတစ်ခုပါ။ အကြောင်းကတော့ ပန်းဂေါ်ဖီစိမ်းမှာ ဘေဘီလေးတွေ ကြီးထွားဖွံ့ဖြိုးမှုအတွက်အရေးပါတဲ့ အာဟာရဓာတ်တွေဖြစ်တဲ့ ဗီတာမင် C၊ beta-carotene၊ ဖောလစ်အက်ဆစ်၊ သံဓာတ်၊ ပိုတက်ဆီယမ် တို့ကြွယ်ဝစွာပါဝင်နေတာကြောင့်ပါ။
အာလူး 🥔🥔🥔
👶🏻 အာလူးမှာ ဗီတာမင် C နဲ့ ပိုတက်ဆီယမ်ကြွယ်ဝစွာ ပါဝင်နေပြီး ဘေဘီလေးကို အာဟာရပြည့်ဝစေသလို ကျန်းမာရေးကောင်းစေမှာ အသေအချာပါ။
အခုပြောခဲ့တဲ့ အသီးအနှံလေးတွေကို နူးအိနေအောင်ပြုတ်လို့ ကြိတ်ခြေပြီး ဘေဘီလေးတို့ကိုကျွေးပေးလို့ရပါတယ်။
👶🏻 ဘေဘီလေးအတွက် အသင့်တော်ဆုံး သစ်သီးတွေကရော ဘာတွေများလဲ 💕👶🏻💕
ဘေဘီလေးက ၆ လကျော်လာပြီဆိုရင် အစားစစားပြီဖြစ်လို့ ထမင်းအပြင် သစ်သီးလေးတွေပါကျွေးချင်တယ်ဆိုရင် ဒီအသီးလေးတွေက အဆင်ပြေမှာပါ။
ပန်းသီး 🍎🍎🍎
👶🏻 အစာကြေဖို့လွယ်ကူပြီး ဘေဘီလေးအစာခြေစနစ်မှာ အကျိုးပြုဘက်တီးရီးယားတွေတိုးပွားစေဖို့ အကောင်းဆုံးထောက်ပံ့ပေးနိုင်ပါတယ်။ ပန်းသီးမှာပါတဲ့ အမျှင်ဓာတ်က ဘေဘီကို ဝမ်းချုပ်မှုမရှိအောင်လည်း ကာကွယ်ပေးပါတယ်။
ငှက်ပျောသီး 🍌🍌🍌
👶🏻 ခန္ဓာကိုယ်အတွက်လိုအပ်တဲ့ အာဟာရကိုထောက်ပံ့ပေးသလို ဝမ်းပျက်ဝမ်းလျှောဖြစ်တာ ဝမ်းချုပ်တာလိုမျိုး ဝမ်းနဲ့ပတ်သက်တဲ့ ပြဿနာတွေကိုကင်းစေနိုင်ပါတယ်။
သင်္ဘောသီး 🍐🍐🍐
👶🏻 ဗီတာမင် C၊ beta-carotene နဲ့ ပျော်ဝင်လွယ်တဲ့အမျှင်ဓာတ်တို့ကြွယ်ဝစွာပါဝင်နေပါတယ်။ သင်္ဘောသီးမှာပါတဲ့ အင်ဇိုင်းက အစာကြေစေနိုင်ပြီး ဘေဘီလေးဝမ်းမှန်စေဖို့လည်း အကောင်းဆုံးထောက်ပံ့ပေးနိုင်မှာပါ။
ပန်းသစ်တော်သီး 🍏🍏🍏
👶🏻 အမျှင်ဓာတ်၊ ဗီတာမင် C နဲ့ ရေဓာတ်တို့ကြွယ်ဝစွာပါဝင်နေမှုက ဘေဘီလေးကို ကိုယ်ခံအားကောင်းစေပြီး ဝမ်းမှန်စေနိုင်မှာပါ။
တရုတ်ဇီးသီး 🍒🍒🍒
👶🏻 တရုတ်ဇီးသီးမှာ သံဓာတ်၊ပိုတက်ဆီယမ်၊ အမျှင်ဓာတ်နဲ့ beta-carotene တို့ကြွယ်ဝစွာပါဝင်နေမှုက ဘေဘီလေးတို့အတွက် သင့်တော်တဲ့ သစ်သီးတစ်မျိုးဖြစ်ရတဲ့ အကြောင်းအရင်းပေါ့။
သခွားမွှေး 🍈🍈🍈
👶🏻 သခွားမွှေးမှာ အမျှင်ဓာတ်နဲ့ beta-carotene တို့ပါဝင်နေသလို သံဓာတ်နဲ့ ပိုတက်ဆီယမ်တို့လည်းကြွယ်ဝစွာပါဝင်နေပါတယ်။ သွေးအားနည်းရောဂါ မဖြစ်အောင်ကာကွယ်ပေးနိုင်သလို ဘေဘီလေးအစာခြေစနစ်ကိုလည်း ကျန်းမာနေစေမှာပါ။
ဘလူးဘယ်ရီ 🍇🍇🍇
👶🏻 ဗီတာမင် C နဲ့ beta-carotene တို့ပါဝင်နေသလို ဓာတ်တ်ုးဆန့်ကျင်အာနိသင်လည်းကြွယ်ဝစွာပါဝင်နေပါတယ်။ ကင်ဆာကာကွယ်ပေးနိုင်သလို ဘေဘီလေး ကျန်းမာပျော်ရွှင်စွာကြီးပြင်းလာစေဖို့ အကောင်းဆုံးထောက်ပံ့ပေးနိုင်ပါတယ်။
မက်မွန်သီး 🍑🍑🍑
👶🏻 မက်မွန်သီးမှည့်မှည့်လေးက အစာကြေလွယ်သလို ဘေဘီလေးအတွက်လိုအပ်တဲ့ ဗီတာမင် C ကိုအကောင်းဆုံးထောက်ပံ့ပေးနိုင်မှာပါ
ဘာတွေကျွေးလို့ရသေးလဲ
🍚🥛🍖🥓🐟
အခုပြောခဲ့တာတွေအပြင် ဘေဘီလေး ၆ လကျော်လာပြီဆိုရင် ထမင်း၊ ဂျုံ၊ အုတ်ဂျုံတို့ကျွေးလို့ရပါတယ်။ နွားနို့၊ ဆိတ်နို့တို့တိုက်ပေးလို့ရပါတယ်။ အရေခွံမပါတဲ့ ကြက်သား၊ အဆီမပါတဲ့ အနီရောင်အသား၊ မာကျူရီမပါတဲ့ ငါး၊တို့ကိုကျွေးလို့ရပါတယ်။
ဒီလိုကနေ ဘေဘီလေးက ၉ လလောက်ရောက်လာပြီဆိုရ်ငတော့ ကြက်ဥပြုတ်🥚 ၊ ဒိန်ချဉ်🍨 တို့စကျွေးလို့ရပါပြီနော်။ ပေါင်မုန့်🍞 ၊ကိတ်မုန့်🥐 ၊ ပူတင်း🍮 တို့ကို မိတ်ဆက်ပေးလို့လည်းရပါပြီ။ ဒါတွေနဲ့အတူ မိခင်နို့ကိုလည်း ၂ နှစ်ပြည့်တဲ့အထိဆက်တိုက်ပေးဖို့လိုပါမယ်။
#crd_to_owner_with_respect