၁) သနပ်ခါးလိမ်းခြင်း
ဘာကိုရည်ရွယ်ပြီး လိမ်းနေကျလည်း မသိပေမယ့် ကလေးအသားရည်အတွက် လုံးဝ မသင့်တော်ဖူး။ အရေပြားနုနုလေးတွေမှာ အဆင်မပြေတဲ့ သနပ်ခါးတွေ လိမ်းနေရုံနဲ့ ကလေးလည်း ထူးမလှလာသလို ဒီကအမှုန်တွေကြောင့် ရင်ကြပ်တာတွေ ချောင်းဆိုးတာတွေဖြစ်လာကျရော။ ပြီးရင် ချောင်းဆိုးပါတယ် ရင်ကြပ်ပါတယ်ဆိုပြီး ဆေးတွေလျောက်လိမ်းလျောက်လုပ်နဲ့ မုန့်လုံးစက္ကူကပ်နေကျတာပါ။ စိတ်ချပါ သနပ်ခါးလိမ်းလို့ အသားမဖြူပါဖူး။ ကိုယ့်ပဲ ကြည့်မွေးကတည်း လိမ်းလာတယ် ၁၀ တန်းအထိ ခု အသက်သာ ၃၃ ပြည့်တော့မယ် မဲတုန်းပဲ။
(၂) ရေတိုက်တာ။
ကိုယ်တိုင်လည်း ရေတိုက်ခံလာရတာပဲ။ ဘာဖြစ်လည်းဆို ဘာမှမဖြစ်ဖူး။ တကယ်လည်း ဘာမှမဖြစ်ဖူး အမှန်ပဲကို။ ဒါပေမယ့် ဖြစ်သွားတဲ့လူတွေရှိတယ်။ ပြသနာတွေရှိကိုရှိလို့ နောင်ပိုင်း ၆ လထိ နို့တမျိုးတည်းတိုက်ရမယ်မှာလာတာ။ ရပ်ကွက်ထဲကလို နင်တို့တုန်းကလည်း ဒီလိုပဲနဲ့ မဟုတ်ဖူး။ အဆင့်ဆင့် လူပေါင်းများစွာကို နှစ်ပေါင်းများစွာ စမ်းသပ်တယ် စစ်ဆေးတယ် လေ့လာပြီးမှ ဒီအဖြေတွေရလာတာ။ ကိုယ့်ကလေးမှ မဖြစ်ပဲ စိတ်ချတိုက်လို့ရတယ်ဆိုပြီး သူများကလေးဖြစ်နေရင် ကိုယ့်ပယောဂ မကင်းတာကို လက်ခံရမယ်။
(၃) မြန်မာဆေးတွေ
သက်သေပြထားတာရှိရင် အဆင်ပြေရာသုံးပါ။ ဒါပေမယ့် ခေါင်းစ ခြေအဆုံး ဆေးတမျိုးတည်းနဲ့ပျောက်ရင် လိမ်တာပဲ။ မေမေတွေပြောရင် မေမေတွေလိမ်တယ်။ ရောင်းတဲ့လူပြောရင် ရောင်းတဲ့လူလိမ်တယ်။ ကျွန်တော်ပြော ကျွန်တော်လိမ်တယ်ပဲ။ ဒီလောက်ခေါင်းစခြေဆုံးပျောက်တဲ့ ဆေးကိုသိနေပြီး ကမ္ဘာမှာမြန်မာက ဘာလို့ ကျန်းမာရေး ဘိတ်ချေးဖြစ်နေလည်း။ ဒီလောက်ကောင်းပါတယ်ဆိုတဲ့ ဆေးတွေနဲ့ ၅ နှစ်အောက်ကလေးသေဆုံးမှုတွေက အများဆုံးဖြစ်နေရတာလည်း။ မေးခွန်းတွေက အများကြီးပါ။ ကိုယ်တွေတောင် ဆေးတခုပေးတော့မယ်ဆို မပေးခင် တွက်လိုက်ရတာ ပေးသင့် မသင့်စဉ်းစားရလိုက်တာ။ ဗမာဆေးအများစုက နဖူးက ခြေမထိရောဂါ အကုန်ပျောက်နေတာ မဟုတ်သေးပါဖူး။
(၄) ခြေဆန့်၊ နှာရိုးဆွဲ၊ နဖူးဖိတာတွေ
ဘယ်အရာမှ ပြင်လို့မရဖူး။ အရိုးပြင်မယ်ဆို ချိုးမှရမယ်။ အပြင်ကောငိးပြီး ကျိူးလာတာလည်း တပုံကြီး။ ကိုယ့်လည်း နဖူးတွေဖိကျတာပဲ။ ခုကောရလား မရဖူး မို့မောက်နေရော (တွေ့ဖူးတဲ့ လူတွေသိတယ်)။
(၅) ခေါင်းရိတ်တာ
ဘယ်ကစလိုက်တဲ့ ဂျင်းလည်းတော့မသိ ဆံပင်သန်တယ်ဆိုကြီး ကတုံးတုံးလိုက်ရတာ။ ၃ နှစ်လောက်ထိ အပြောင်ပဲ။ ကြီးလာတော့ ဆံပင်သန်လား။ ဝေးစွ နဖူးမှာ လေဆိပ်ဆောက်လို့ရတယ်။ ဒါတွေအကုန်က မျိုးရိုးအရပဲသွားမှာ။ ဘာမှပြင်လို့မရပါဖူး။
(၆) အစားရှောင်ခိုင်းတာ
သေအောင်ပြောယူရတဲ့ ကိစ္စပဲ။ စားကျပါ စားကျပါ ဘယ်လောက်ပြောပြော နောက်နေ့ဘာစားလည်း မေးကြည့် ၁၀ ယောက်မှာ ၈ ယောက်က ဟင်းခါးနဲ့ ငါးကြော်ဆိုတာကြီးပဲ။ ဒါတောင် တခြားလူတွေမဟုတ်ဖူးနော် ကိုယ်နဲ့လာမွေးတဲ့ မေမေတွေ။ စားပါ အကုန်စားပါ မေမေတွေရှောင်လို့ မေမေတွေဘာမှမဖြစ်ပါဖူး။ မေမေတွေနို့က အာဟာရမရပဲ ကလေးကဖြစ်တာပါ။ မေမေတွေခံနိုင်ပေမယ့် ကလေးတွေမခံနိုင်ပဲ beri beri တွေနဲ့ သေကျပါတယ်။ အဲ့ကျတော့လည်း သူငယ်နာတဲ့။ တကယ်ပဲ စန်းကြယ်တဲ့ မီယန်မာနိုင်ငံ နို့တိုက်ရမယ့် မေမေတွေကျ အငတ်ထားပြီး နို့ပဲသောက်ရမယ့် ကလေးတွေကျ အတင်းအစာကျွေးတဲ့နိုင်ငံ 🥴🥴
အဲ့တော့ ဘာမှလုပ်ဖို့ မလိုတာတွေကို မလုပ်ခိုင်းကျပါနဲ့။ လုပ်ပြီးမှ ကလေးတခုခုမှ ဆရာဝန်တွေဆီလာတော့ ဆရာဝန်တွေလည်း မကြိုက်တော့ဆဲရော။ အဲ့ကျ အပေါက်ဆိုးတယ်ဖြစ်ကျရော။ ကျန်းမာရေး အဆင့်ကနောက်ဆုံးရောက်နေပြီ ဆရာဝန်တွေလည်း ကြိုးစာရမှာဖြစ်သလို မေမေတွေလည်း အရာအာလုံးကို လက်ခံပြောင်းလဲဖို့လိုတယ်။ မဆုပ်ကိုင်ထားသင့်တာကို ဆက်ကိုင်နေရင်တော့ ဘာမှမထူးပါဖူး။
