တောင်ကြီးမြို့ မဟာဘုံကထိန်ပွဲတော် လှည့်လည်နေမှု မြင်ကွင်းများ

ဓာတ်ပုံ - Lin Lin(TGI)

#သတင်းဟင်းလေးအိုးကြီး

ရှမ်းတောင်မှာ ကြက်သွန်နီဈေး နှစ်ဆနီးပါးခုန်တက်လာပြီး အာလူးအကြော်သီးတွေ ပစ္စည်းပြတ်နေ

နိုဝင်ဘာ ၁၄

ရှမ်းပြည်နယ်တောင်ပိုင်းရဲ့ ကုန်စိမ်းဈေးကွက်ဖြစ်တဲ့ အောင်ပန်းကုန်စည်ဈေးကွက်မှာ အခုနိုဝင်ဘာလ၊ ဒုတိယပါတ်အတွင်း ကြက်သွန်နီဈေး နှစ်ဆဆနီးပါးခန့် ခုန်တက်လာခဲ့ပြီး အာလူးအကြော်သီးတွေဟာ ပစ္စည်းပြတ်သလောက် နီးပါးဖြစ်နေတယ်လို့ အောင်ပန်းကုန်စည်အမျိုးမျိုးရောင်းဝယ်ရေး-အောင်ပန်းကုန်စိမ်းပွဲရုံထံကနေ သိရပါတယ်။

အောင်ပန်းကုန်စိမ်းဈေးကွက်မှာ နိုဝင်ဘာလ၊ ပထမပါတ်အတွင်းက ကြက်သွန်နီတစ်ပိဿကို ၂၇၀၀ကျပ်ကနေ ၃၀၀၀ကျပ်ဝန်းကျင်အထိသာ ပေါက်ဈေးရှိခဲ့ပေမယ့် အခုနိုဝင်ဘာလ၊ ဒုတိယပါတ်အတွင်း ရုတ်တရက် ဈေးတက်သွားခဲ့ပြီး တစ်ပိဿကို ၅၀၀၀ကျပ်ကနေ ၆၀၀၀ကျပ်ဝန်းကျင်အထိ ပေါက်ဈေးရှိနေပြီ ဖြစ်တယ်လို့ သိရပါတယ်။

“အဓိကကတော့ ကုန်စည်ထွက်ရှိမှုနဲ့ ဝယ်လိုအားက မမျှမတဖြစ်နေတော့ ဈေးတက်လာတာပေါ့။ ဘာတွေ အခက်အခဲဖြစ်လာနိုင်လဲဆိုရင် ပြည်သူတွေက ကုန်ဈေးနှုန်းကြီးမြင့်တဲ့ဒဏ်ကို ပိုခံရမှာပေါ့။ Demand နဲ့ Supply မမျှတဲ့အချိန်မှာ ဘယ်ကုန်သီးနှံမဆို ဈေးတက်လေ့ရှိပါတယ်။ အောက်ပြည်ဖက်က ကုန်စိမ်းတချို့ ထွက်ရှိလာမှပဲ ကုန်စိမ်းဈေးနှုန်းက ပြန်ကျမယ့်သဘောရှိပါတယ်”လို့ ပွဲရုံပိုင်ရှင်တယောက်က ပြောပါတယ်။

အာလူးတွေလည်း အောင်ပန်းကုန်စိမ်းဈေးကွက်ကို ပစ္စည်းအဝင်နည်းနေပြီး စျေးအအမြင့်ဆုံး ရောက်ရှိနေသလို အကြော်သီးတပိဿာကို ၈၅၀၀ကျပ်အထိ ပေါက်ဈေးရှိနေပြီး ပစ္စည်းပြတ်သလောက်နီးပါး အခြေအနေရှိနေတာကြောင့် အောင်ပန်းက နာမည်ကြီး အာလူးကြော်လုပ်ငန်း အများစုဟာ လုပ်ငန်းရပ်နားထားရတယ်လို့ သူက ဆက်ပြောပါတယ်။

ပြီးခဲ့တဲ့ စက်တင်ဘာလအတွင်းဖြစ်ပွားခဲ့တဲ့ ရှမ်းတောင်မှာ ရေကြီးရေလျှံမှုဖြစ်စဉ်တွေ မတိုင်ခင်က တပိဿကို ၂၅၀ကျပ်ဝန်းကျင်သာ ပေါက်ဈေးရှိခဲ့လို့ လွှင့်ပစ်ခဲ့ရတဲ့ ခရမ်းချဉ်သီးတွေ ဟာလည်း လက်ရှိမှာ တပိဿကို ၆၈၀၀ကျပ်ကနေ ၇၀၀၀ကျပ်ဝန်းကျင်အထိ ပေါက်ဈေးရှိလာနေသလို တလအတွင်း ဈေးထပ်တက်မယ့် အနေအထားရှိတယ်လို့လည်း ကုန်စိမ်းပွဲရုံတွေထံကနေ သိရပါတယ်။

ဓာတ်ပုံ-Aungban Trading

#centralnewsmyanmar

၂၀၂၄ ခုနှစ်ရဲ့ နှစ်လယ် မြန်မာ့ကျောက်မျက်ရတနာပြပွဲ ကျင်းပပြုလုပ်မည်

နိုဝင်ဘာ ၁၄

၂၀၂၄ ခုနှစ်ရဲ့ နှစ်လယ် မြန်မာ့ ကျောက်မျက်ရတနာ ပြပွဲကို နိုဝင်ဘာ ၁၈ ရက်နေ့ကနေ စတင်ပြီး ၂၇ ရက်နေ့ အထိ နေပြည်တော် မဏိရတနာ ကျောက်စိမ်းခန်းမမှာ ကျင်းပပြုလုပ်သွားမယ်လို့ ပြပွဲ ဗဟိုကော်မတီ ကပြောပါတယ်။

ပြပွဲကို မြန်မာ့ကျောက်မျက်ရတနာ ဉပဒေနဲ့အညီ ခွင့်ပြုမိန့်ရရှိထားတဲ့ နိုင်ငံသား ကျောက်မျက်ရတနာ လုပ်ငန်းရှင်၊ လိုင်စင်ရယူပြီး ကျောက်မျက်ရတနာ ရောင်းဝယ်တဲ့ လုပ်ငန်း လုပ်ဆောင်နေတဲ့ နိုင်ငံသား လုပ်ငန်းရှင်တွေကို တက်ရောက်ခွင့်ပြုမှာလို့ သိရပါတယ်။

တက်ရောက်ဝယ်ယူခွင့်နဲ့ ပတ်သက်တဲ့ ကိစ္စရပ်တွေကို ပြပွဲ ဗဟိုကော်မတီ၊ မြန်မာ့ ကျောက်မျက်ရတနာ ရောင်းဝယ်ရေး လုပ်ငန်းရုံးချုပ် (နေပြည်တော်)၊ မြန်မာ့ပုလဲထုတ်လုပ်ရေးနဲ့ ရောင်းဝယ်ရေးလုပ်ငန်း ရုံးချုပ် (နေပြည်တော်) တို့မှာ စုံစမ်းနိုင်တယ်လို့လည်း သိရပါတယ်။

#သတင်းဟင်းလေးအိုးကြီး

ဂိုး ၁,၀၀၀ သွင်းယူနိုင်ဖို့ အချိန်မလုံလောက်တော့ဘူးလို့ ရော်နယ်ဒိုပြော

နိုဝင်ဘာ ၁၄

ပေါ်တူဂီအသင်းခေါင်းဆောင် ရော်နယ်ဒိုက သူဟာ ကစားသမားဘဝ သွင်းဂိုး ၁,၀၀၀ ပြည့်နိုင်ဖို့ ရည်မှန်းထားဆဲ ဖြစ်ပေမယ့် ဒီမှတ်တိုင် ရောက်ရှိဖို့အတွက် သူ့မှာ အချိန်အလုံအလောက် မရှိတော့ဘူးဆိုတာ လက်ခံခဲ့ပါတယ်။

ရော်နယ်ဒိုက “ကျနော်ဟာ လက်ရှိအခိုက်အတန့်ကိုပဲ တွေးနိုင်ပြီး ရေရှည် မတွေးနိုင်တော့ပါဘူး။ သွင်းဂိုး ၁,၀၀၀ ရောက်ချင်တယ်လို့ လူသိရှင်ကြား ပြောခဲ့တာကိုလည်း ကျနော် မတွေးနိုင်တော့ပါဘူး။ ကျနော်ဟာ လက်ရှိအချိန် မှာ ဒီအခိုက်အတန့်တွေကိုပဲ ပျော်ရွှင်စွာ ဖြတ်သန်းပြီး လာမယ့်နှစ် အနည်းငယ်အတွင်းမှာ ကျနော့် ခြေထောက် တွေကပေးမယ့် တုန့်ပြန်မှုကို မြင်တွေ့ရမှာပါ။ ဂိုး ၁,၀၀၀ ပြည့်ရင်တော့ အလွန်ကောင်းမှာဖြစ်ပေမယ့် ဒီလိုမဖြစ်ခဲ့ ရင်လည်း ကျနော်ဟာ သမိုင်းတစ်လျှောက် ဂိုးအများဆုံးသွင်းယူတဲ့သူ ဖြစ်နေပြီးပါပြီ”လို့ ပြောခဲ့တာပါ။

ကလပ်တွေနဲ့ နိုင်ငံအသင်းအတွက် ဂိုးပေါင်း ၉၀၈ ဂိုး သွင်းယူထားတဲ့ ရော်နယ်ဒိုဟာ လာမယ့်နှစ် ဖေဖော်ဝါရီမှာ အသက် ၄၀ နှစ်ပြည့်ပြီ ဖြစ်ပါတယ်။

ရော်နယ်ဒိုဟာ လက်ရှိအချိန်ထိ အမြင့်ဆုံးအဆင့်မှာ ကစားနိုင်ကြောင်းကို ပြသထားပေမယ့် ကစားသမားဘဝ အဆုံးသတ်ဖို့က နီးစပ်လာပြီဖြစ်တာပါ။

ရော်နယ်ဒိုဟာ ပြီးခဲ့တဲ့ရက်ပိုင်းမှာ ပေါ်တူဂီဘောလုံးအဖွဲ့ချုပ်က ကစားသမားတွေကို ပေးအပ်တဲ့ အမြင့်ဆုံးဆုကို ရရှိခဲ့တာဖြစ်ပါတယ်။

ရော်နယ်ဒိုနဲ့ အယ်လ်နာဆာအသင်းတို့ ချုပ်ဆိုထားတဲ့ စာချုပ်ဟာ ၂၀၂၅ ခုနှစ်၊ ဇွန်လဆိုရင် ကုန်ဆုံးပြီဖြစ်ပေမယ့် ဆော်ဒီပရိုလိဂ်ကလပ်က သူ့ကို စာချုပ်သက်တမ်းတိုးနိုင်ဖို့ စီစဉ်နေတာပါ။

ပေါ်တူဂီအသင်းနဲ့ နေးရှင်းလိဂ်ပွဲတွေကစားဖို့ ပြင်ဆင်နေတဲ့ ရော်နယ်ဒိုဟာ ၂၀၂၆ ကမ္ဘာ့ဖလားပြိုင်ပွဲအထိ ကစား ဖို့ ရည်ရွယ်ထားတာ ဖြစ်ပါတယ်။

ရော်နယ်ဒိုဟာ ပေါ်တူဂီအသင်းအတွက် ၂၀၀၃ ခုနှစ်မှာ စတင်ပွဲထွက်ခဲ့ပြီး လက်ရှိအချိန်ထိ ၂၁၆ ပွဲပါဝင်ကစားကာ ၁၃၃ ဂိုးသွင်းယူထားတာပါ။

ရော်နယ်ဒိုက နိုင်ငံအသင်းအတွက် ကစားပေးရတာထက် ပိုကောင်းတဲ့ အရာဘာမှမရှိဘူးလို့ ပြောခဲ့ပြီး ပေါ်တူဂီကို ကိုယ်စားမပြုချင်တဲ့ ကစားသမားအချို့ကို စိတ်ပျက်မိတယ်လို့လည်း ပြောထားပါတယ်။

ပေါ်တူဂီအသင်းဟာ နေးရှင်းလိဂ် A အုပ်စု နောက်ဆုံးပွဲစဉ်တွေအဖြစ် နိုဝင်ဘာ ၁၅ ရက်မှာ ပိုလန်၊ ၁၈ ရက်မှာ ခရိုအေးရှားအသင်းတို့နဲ့ ယှဉ်ပြိုင်ရမှာဖြစ်ပါတယ်။

Source: ESPN

ပုံ - ရော်နယ်ဒိုကို တွေ့ရစဉ်

#centralnewsnaypyitaw

ညစ်ည-မ်းစာများဖော်ပြသည့် ပုံနှိပ်တိုက်နှင့် ထုတ်ဝေသူကို အရေးယူထား

၂၀၁၄ ခုနှစ်၊ ပုံနှိပ်ခြင်းနှင့် ထုတ်ဝေခြင်းလုပ်ငန်း ဥပဒေပုဒ်မ (၈)၊ ပုဒ်မခွဲ (ဂ) ပါ စည်းကမ်းချက်ကို ဖောက်ဖျက်၍ ညစ်ည-မ်းစာများဖော်ပြသည့်ပုံနှိပ်တိုက်နှင့် ထုတ်ဝေသူကို အရေးယူထားကြောင်း ပြန်ကြားရေးဝန်ကြီးဌာနမှ အသိပေးထုတ်ပြန်ထားသည်။

ပြန်ကြားရေးဝန်ကြီးဌာနသည် ပုံနှိပ်ခြင်းနှင့်ထုတ်ဝေခြင်းလုပ်ငန်းဥပဒေ ပုဒ်မ (၈) ပါ စည်းကမ်းချက်တစ်ရပ်ရပ်နှင့် ငြိစွန်းသည်ဟု သံသယရှိသော ထုတ်ဝေစာကို ပုံနှိပ်၊ ထုတ်ဝေခဲ့ကြောင်း ခိုင်လုံသော အထောက်အထားဖြင့် သတင်းပေးပို့ခြင်းကို လက်ခံရရှိလျှင်သော်လည်းကောင်း၊ ကိုယ်တိုင်သိရှိလျှင်သော်လည်းကောင်း သတ်မှတ်ချက်နှင့်အညီ စစ်ဆေးပြီး ငြိစွန်းကြောင်းတွေ့ရှိပါက လုပ်ငန်းအသိအမှ တ်ပြုလက်မှတ်ကို ပြန်လည်ရုပ်သိမ်းခြင်း သို့မဟုတ် ကာလအကန့်အသတ်ဖြင့် ရပ်ဆိုင်းခြင်းပြုနိုင်ကြောင်း ပုံနှိပ်ခြင်းနှင့်ထုတ်ဝေခြင်းလုပ်ငန်းဥပဒေပုဒ်မ (၆) တွင် ပြဋ္ဌာန်းထားရှိသည်။

ယင်းတွင် ပုံနှိပ်သူ ဦးရာဇာရဲထွဋ် (Right ပုံနှိပ်တိုက် -၀၁၃၃၇) နှင့် ထုတ်ဝေသူ ဒေါ်စိန်ကြည် (The Destiny Book House- ၀၃၂၆၆) တို့မှ ပုံနှိပ်ထုတ်ဝေသောစာရေးသူ Mahuyar ရေးသားသည့် "1500 Miles to you" နှင့် “အမုန်းနဲ့ပျိုးတဲ့ ချစ်ခြင်းအလင်္ကာ” စာအုပ်များတွင် ပုံနှိပ်ခြင်းနှင့်ထုတ်ဝေခြင်း လုပ်ငန်းဥပဒေပုဒ်မ (၈)၊ ပုဒ်မခွဲ (ဂ) ပါ စည်းကမ်းချက်ကို ဖောက်ဖျက်၍ ဟီရိဩတ္တပ္ပကင်းသော၊ မြန်မာ့လူ့အဖွဲ့အစည်းက လက်မခံသော၊ လူငယ်များ၏ တွေးခေါ်မြော်မြင်မှုနှင့်ခံစား နားလည်မှုကို လွဲမှားစေနိုင်သော ညစ်ည-မ်းစာများ ဖော်ပြပါရှိကြောင်း ထုတ်ပြန်ကြေညာချက်အရ သိရသည်။

သို့ဖြစ်ပါ၍ ၂၀၁၄ ခုနှစ်၊ ပုံနှိပ်ခြင်းနှင့်ထုတ်ဝေခြင်းလုပ်ငန်းဥပဒေပုဒ်မ (၈)၊ ပုဒ်မခွဲ (ဂ) ပါ စည်းကမ်းချက်ကို ဖောက်ဖျက်၍ ပုံနှိပ်၊ ထုတ်ဝေဖြန့်ချိခဲ့သည့် ၎င်းတို့၏ လုပ်ငန်းအသိအမှတ်ပြု လက်မှတ်များကို ၂၀၂၄ ခုနှစ်၊ နိုဝင်ဘာလ (၆) ရက်တွင် ရုပ်သိမ်းခဲ့ပြီး ယင်းစာအုပ်များအား တရားမဝင်ထုတ်ဝေစာဖြစ်ကြောင်း ထုတ်ပြန်ကြေညာခဲ့ပြီးဖြစ်ကြောင်း သိရသည်။

ထို့ပြင် ပုံနှိပ်သူနှင့်ထုတ်ဝေသူတို့အား ပုံနှိပ်ခြင်းနှင့်ထုတ်ဝေခြင်းလုပ်ငန်းဥပဒေနှင့်အညီ တရားစွဲဆို အရေးယူဆောင်ရွက်သွားမည်ဖြစ်ကြောင်းလည်း သိသည်။

ဘောလုံးပွဲစဉ်တွေ များပြားနေခြင်းအတွက် ကစားသမားတွေက ဝေဖန်နေမှုအပေါ်
Aleksander Čeferin က

" ဖီဖာ နဲ့ ယူအီးအက်ဖ်အေ တို့ကို စောဒကတက်ဝေဖန်ရတာ အရမ်းကိုလွယ်ပါတယ် ။ ဒါပေမဲ့ ဒါက စဉ်းစားကြည့်ရင် ရှင်းရှင်းလေးပါ။ မင်းနည်းနည်းရင်းရင် နည်းနည်းရမယ်။ မင်းနည်းနည်းပဲကစားရင် နည်းနည်းပဲရမယ်။ "

လို့ပြောကြားလိုက်ပါတယ်။

ဝါးတီး 😁

ကြက်သားရခိုင်သုပ်
------------------------
ချဉ်ချဉ်စပ်စပ်အရသာလေးနဲ့ ထမင်းမြိန်စေမယ့် အသုပ်လေးတစ်မျိုးပါ။ လုပ်စားကြည့်ကြပါနော်။

ပါဝင်ပစ္စည်းများ
• ကြက်သား - ၂ဝဝ ဂရမ်
• ငရုတ်သီးစိမ်း/နီ - ၁၀ တောင့်
• ကြက်သွန်ဖြူ - ၆ မြွှာ
• သကြား - အနည်းငယ်
• ကြက်သွန်နီ - ၂ လုံး
• သံပရာသီး - ၂ လုံး
• ငံပြာရည် - စားပွဲဇွန်း ၁ ဇွန်း
• စိမ်းစားငါးပိ - လက်ဖက်ရည်ဇွန်း ၁ ဇွန်း
• ဆား - အနည်းငယ်
• ကြက်သွန်မြိတ် - ၃ ပင်ခန့်
• ခရမ်းချဉ်သီး - ၂ လုံး
• ရှောက်ရွက် - ၇ ရွက်ခန့်

ပြုလုပ်နည်း
ကြက်သွန်နီနှင့် ခရမ်းချဉ်သီးတို့ကို ပါးပါးလှီးထားပါ။ ကြက်သွန်မြိတ်ကို အနေတော် လှီးပြီး ရှောက်ရွက်ကို ပါးပါးလှီးပါ။ သံပရာသီးကို အရည်ညှစ်ရန်အတွက် လှီးထားပါ။ ပြီးလျှင် အိုးကို မီးဖိုပေါ်တင်ပြီး ကြက်သွန်ဖြူနှင့် ငရုတ်သီးစိမ်း/နီတို့ကို အနံ့မွှေးလာသည်အထိ
လှော်ပါ။ လှော်ထားတဲ့ ငရုတ်သီးစိမ်း/နီနှင့် ကြက်သွန်ဖြူတို့ကို ထောင်းပါ။ ထောင်းထားတဲ့ အထဲ စိမ်းစားငါးပိထည့်ပြီး သံပရာရည်ထည့်ပါ။ ဆား၊ သကြား၊ ငံပြာရည်ထည့်ပြီး
နှံ့စပ်အောင် နယ်ပါ။ ပြီးလျှင် ပြုတ်ပြီး ပြင်ထားတဲ့ ကြက်သား၊ ကြက်သွန်နီ၊ ရှောက်ရွက်၊ ကြက်သွန်မြိတ်နှင့် ခရမ်းချဉ်သီးတို့ကို ထည့်ပြီး နှံ့အောင်မွှေထားပါ။ အရသာပြည့်စုံပြီဆိုလျှင် ပန်းကန်မှာပြင်ပြီး သုံးဆောင်နိုင်ပါပြီ။

ယနေ့စက်သုံးဆီစျေးနှုန်း (၁၄-၁၁-၂၀၂၄)

ဒီနေ့မှာလည်း အပြောင်းအလဲမရှိသေးတဲ့ စက်သုံးဆီစျေးနှုန်းများ