ပြော င် ပြော င့် ဘ ဝ🥲

မြန်မာ့ပြည်တွင်း ပဋိပက္ခကြောင့် အိန္ဒိယ-မြန်မာ-ထိုင်း သုံးနိုင်ငံအဝေးပြေးလမ်းမကြီးစီမံကိန်း ရပ်ဆိုင်းနေရဟု အိန္ဒိယအစိုးရ ပြော

ဖေဖော်ဝါရီ ၂၆

မြန်မာနိုင်ငံမှာ ဆက်လက်ဖြစ်ပွားနေတဲ့ ပြည်တွင်းပဋိပက္ခတွေကြောင့် ကီလိုမီတာ ၁၄၀၀ အရှည်ရှိတဲ့ အိန္ဒိယ- မြန်မာ-ထိုင်း အဝေးပြေးလမ်းမစီမံကိန်းဟာ မပြီးစီးနိုင်ဘဲ ရပ်တန့်နေရတယ်လို့ အိန္ဒိယပြည်ပရေးရာဝန်ကြီး ဒေါက်တာ အက်စ် ဂျိုင်းရှန်ကာက ဂူဝါဟတီမြို့မှာ ၂ ရက်ကြာ ကျင်းပနေတဲ့ ၂၀၂၅ ခုနှစ် ရင်းနှီးမြှုပ်နှံမှုနဲ့ အခြေခံအဆောက်အဦဆိုင်ရာ အာသံထိပ်သီးအစည်းအဝေးမှာ ဖွင့်ဟပြောကြားလိုက်ပါတယ်။.

အိန္ဒိယ-မြန်မာ-ထိုင်း အဝေးပြေးလမ်းမကြီး India-Myanmar-Thailand Trilateral (IMTT) ဟာ အိန္ဒိယအရှေ့ဘက်ခြမ်းနဲ့ အရှေ့တောင်အာရှဒေသအကြား ချိတ်ဆက်မှုနဲ့ စီးပွားရေးဖွံ့ဖြိုးတိုးတက်မှုအတွက် Game Changer တစ်ခုအဖြစ် ပြောင်းလဲသွားမှာဖြစ်ပေမဲ့ ရပ်တန့်နေရတဲ့အပေါ် ဒေါက်တာ အက်စ်ဂျိုင်းရှန်ကာက “အစစ်အမှန် ပြောင်းလဲဖို့က အိန္ဒိယ- မြန်မာ-ထိုင်း သုံးနိုင်ငံ အဝေးပြေးလမ်းမကြီး ပြီးစီးဖို့ပါ။ စီမံကိန်းတိုးတက်မှုက လက်ရှိမှာ မြန်မာနိုင်ငံရဲ့ ပြည်တွင်းရေးပဋိပက္ခတွေကြောင့် စိန်ခေါ်မှုတွေ ရှိနေပေမဲ့ အရမ်းအရေးကြီးတဲ့ အရာတစ်ခုကို ပိတ်ဆို့ဖို့ ခွင့်မပြုနိုင်ပါဘူး။ ဒီတိုးတက်မှု သေချာစေဖို့ လက်တွေ့ကျတဲ့ ဖြေရှင်းနည်းတွေ ရှာဖွေရပါမယ်”လို့ ပြောပါတယ်။

အိန္ဒိယနိုင်ငံ၊ မိုးရေးမြို့နဲ့ ထိုင်းနိုင်ငံ မဲဆောက်မြို့ကို ချိတ်ဆက်ဖို့ မြန်မာနိုင်ငံကို ဖြတ်သန်းသွားမယ့် ဒေသတွင်း အရေးပါတဲ့ အိန္ဒိယ- မြန်မာ-ထိုင်း သုံးနိုင်ငံ အဝေးပြေးလမ်းမကြီးစီမံကိန်းဟာ အိန္ဒိယနဲ့ ထိုင်းနိုင်ငံဘက်ခြမ်းမှာတော့ ပြီးစီးနေပြီဖြစ်ပြီး မြန်မာနိုင်ငံဘက်ခြမ်းမှာတော့ ပဋိပက္ခတွေကြောင့် ရှေ့မဆက်နိုင်ဖြစ်နေရပါတယ်။

၂၀၁၄ ခုနှစ်မှာ ချမှတ်ခဲ့တဲ့ အိန္ဒိယနိုင်ငံရဲ့ အိမ်နီးချင်းဦးစားပေးမူဝါဒအရ ဘင်္ဂလားဒေ့ရှ်၊ ဘူတန်၊ နီပေါနဲ့ မြန်မာနိုင်ငံတို့ ဆက်စပ်မှုမှာ သိသာထင်ရှားတဲ့ တိုးတက်မှုများစွာ ရရှိခဲ့သလို လမ်းသစ်တွေ၊ စစ်ဆေးရေးဂိတ်တွေ၊ မီးရထားလိုင်းတွေ၊ ရေလမ်း၊ မဟာဓာတ်အားလိုင်း၊ လောင်စာဆီ ပိုက်လိုင်းတွေ၊ အိမ်နီးချင်းနိုင်ငံတွေနဲ့ အထူးသဖြင့် နိုင်ငံရဲ့ အရှေ့နဲ့ အရှေ့မြောက်ဘက်မှာ ဖြတ်သန်းသွားလာနိုင်တဲ့ အဆောက်အဦများစွာ ဖြစ်ထွန်းလာခဲ့သလို ကိုဗစ်ကပ်ရောဂါ စိန်ခေါ်မှုတွေနဲ့ ယူကရိန်းပဋိပက္ခနောက်ပိုင်းမှာလည်း အိန္ဒိယနိုင်ငံဟာ ကာကွယ်ဆေးထောက်ပံ့မှု၊ ဆန်စပါးထောက်ပံ့မှု၊ ဓာတ်မြေသြဇာနဲ့ လောင်စာရရှိမှုတို့ကို အိမ်နီးချင်းနိုင်ငံတွေအတွက် လျင်မြန်စွာ ထောက်ပံ့ဆောင်ရွက်ခဲ့တယ်လို့လည်း အိန္ဒိယ ပြည်ပရေးရာဝန်ကြီးက ပြောခဲ့ပါတယ်။

ဒါ့အပြင် အိန္ဒိယ ပြည်ပရေးရာဝန်ကြီးက ဒီအာရှလမ်းမကြီးသာပြီးစီးသွားမယ်ဆိုရင် စုစုပေါင်းပြည်တွင်းထုတ်လုပ်မှုတန်ဖိုး GDP ဒေါ်လာ ၄ ဒသမ ၂၅ ထရီလျံရှိပြီး အိန္ဒိယနိုင်ငံရဲ့လူဦးရေ ထက်ဝက်လောက်ပမာဏဖြစ်တဲ့ လူဦးရေ သန်း ၇၀၀ နီးပါးရှိတဲ့ အရှေ့တောင်အာရှဟာ ကြီးမားတဲ့ အကျိုးဆက်ရဲ့ မိတ်ဖက်ဖြစ်လာမှာဖြစ်သလို သာယာဝပြောရေးနဲ့ တိုးတက်မှုကို ဦးတည်တဲ့ ခရီးလမ်းမှာ အပြန်အလှန် ဖေးမကူညီနိုင်မှာလို့လည်း ဆက်လက်ပြောပါတယ်။

Ref: Hindustan Times

Credit - Myanmar Transparency News Agency

#သတင်းဟင်းလေးအိုးကြီး

ထိုင်ဝမ်က တရုတ်ကုန်တင်သင်္ဘောကို ဖမ်းဆီး

တိုင်ပေ၊ ဖေဖော်ဝါရီ ၂၆

ထိုင်ဝမ်ရေလက်ကြားအတွင်းရှိ ပန်ဂူ (Penghu) ကျွန်းစုသို့ ဆက်သွယ်ထားသည့် ရေအောက်ကေဘယ်ကြိုး ပြတ်တောက်ခဲ့ပြီးနောက် ထိုကျွန်းအနီးတွင် တွေ့ရှိခဲ့သည့် တရုတ်နှင့် အဆက်အသွယ်ရှိသော ကုန်တင်သင်္ဘော တစ်စင်းကို ထိုင်ဝမ်ကမ်းခြေစောင့်တပ်ဖွဲ့က ဖေဖော်ဝါရီ ၂၅ ရက်တွင် ဖမ်းဆီးခဲ့သည်ဟု ရိုက်တာမှ ဖော်ပြခဲ့သည်။

ထိုင်ဝမ်ကမူ ၎င်းတို့ ကျွန်းအနီးဝန်းကျင်တွင် တရုတ်၏ လှုပ်ရှားမှုများသည် စစ်ပွဲဖြစ်ပွားမှု အခြေအနေနှင့် ပတ်သက်ပြီး သေချာရေရာမှု မရှိသည့် အညိုရောင်ဇုန် တစ်ခုကို ဖန်တီးနေကြောင်း ပြောကြားခဲ့သည်။

တရုတ်၏ လှုပ်ရှားမှုများသည် တိုက်ရိုက် ရင်ဆိုင်တွေ့ခြင်း မဟုတ်ဘဲ မိုးပျံပူဖောင်းများကို ထိုင်ဝမ်အနီးသို့ စေလွှတ်ခြင်း၊ ပင်လယ်ပြင်အတွင်းရှိ သဲများကို တူးဖော်ခြင်းကဲ့သို့ ဖိအားပေးသည့် ပုံစံမျိုးဖြင့် လုပ်ဆောင်နေ ကြောင်း ထိုင်ဝမ်က ပြောသည်။

ယခုနှစ် အစောပိုင်းကလည်း တရုတ်နှင့် ဆက်နွှယ်သည့် သင်္ဘောတစ်စင်းသည် ထိုင်ဝမ်၏ ရေအောက် ကေဘယ် ဆက်ကြိုးကို ထိခိုက်စေရန် လုပ်ဆောင်ခဲ့သည်ဟု သံသယရှိခဲ့ကြောင်း ထိုင်ဝမ်က ပြောကြားခဲ့သည်။

ထို့ကြောင့် ထိုင်ဝမ်နှင့် အခြားနိုင်ငံများကို ဆက်သွယ်ရာတွင် အဓိကကျသည့် ရေအောက် အင်တာနက် ဆက်သွယ်ရေး ကေဘယ်ကြိုးများအား ကာကွယ်မည့် အစီအမံများ တိုးမြှင့်လုပ်ဆောင်ရန် ထိုင်ဝမ်က ရေတပ်နှင့် အခြားသက်ဆိုင်ရာ အေဂျင်စီများကို ညွှန်ကြားခဲ့သည်။

တိုင်ဝမ်စစ်တပ်ကမူ တိုဂိုနိုင်ငံတွင် မှတ်ပုံတင်ထားသည့် တရုတ်သင်္ဘောသားများ လိုက်ပါလာသော Hong Tai 58 ကုန်တင်သင်္ဘောကို ဖမ်းဆီးရန် ကမ်းခြေစောင့်တပ်ဖွဲ့ သင်္ဘော ၃ စင်းကို ဖြန့်ကြက်ချခဲ့ကြောင်း ပြောကြားခဲ့ သည်။

ထိုင်ဝမ် အနောက်တောင်ဘက် ကမ်းလွန်ရေပြင်ရှိ ရေအောက်ကေဘယ်ကြိုး ပြတ်တောက်ချိန်တွင် ထိုကုန်တင် သင်္ဘောသည် ကေဘယ်ကြိုးအနီး၌ ကျောက်ချရပ်နားခဲ့သည်ကို တွေ့ရကြောင်း ထိုင်ဝမ်ကမ်းခြေစောင့်တပ်ဖွဲ့က ထုတ်ပြန်ခဲ့သည်။

ထိုကုန်တင်သင်္ဘောပေါ်တွင် လိုက်ပါလာသည့် သင်္ဘောသား ၈ ဦးစလုံးသည် တရုတ်နိုင်ငံသားများဖြစ်ပြီး ထိုဖြစ်စဉ်သည် တရုတ်အစိုးရ၏ လုပ်ဆောင်ချက် ဟုတ်၊မဟုတ်ကို ထည့်သွင်း စဉ်းစားရမည်ဖြစ်ကြောင်း၊ စုံစမ်း စစ်ဆေးမှုများ ပြုလုပ်ရန်လိုအပ်ကြောင်း ထိုင်ဝမ်ကမ်းခြေစောင့်တပ်ဖွဲ့က ပြောကြားခဲ့သည်။

ထိုအကြောင်းအရာနှင့်ပတ်သက်ပြီး ရိုက်တာသတင်းဌာနက တရုတ်၏ ထိုင်ဝမ်ရေးရာရုံးကို ဆက်သွယ်ခဲ့သော် လည်း ထိုင်ဝမ်ရေးရာရုံးက မှတ်ချက်ပေးခဲ့ခြင်းမရှိပေ။

Source: ရိုက်တာ

ပုံ - ကုန်တင်သင်္ဘောကို ထိုင်ဝမ်က ဖမ်းနေစဉ်

#centralnewsnaypyitaw

ဒါဟာ အမေရိကန်ပြည်ထောင်စု၊ တက္ကဆက်ပြည်နယ်၊ ဝင်ဘာလေမြို့မှာရှိတဲ့ Jacob's Well လို့ခေါ်တဲ့ လှပပြီး လျှို့ဝှက်ဆန်းကြယ်တဲ့ သဘာဝရေထွက်ပေါက်ကြီးတစ်ခု ဖြစ်ပါတယ်။
အော်စတင်မြို့ကနေ ကီလိုမီတာ ၆၀ လောက်အကွာမှာ တည်ရှိပြီး ရေကူးသူတွေ၊ ရေအောက်လှိုဏ်ဂူ စူးစမ်းလေ့လာသူတွေကြားမှာ ရေပန်းစားတဲ့ နေရာတစ်ခုပါ။
Jacob's Well ကို အပေါ်စီးကနေ ကြည့်လိုက်ရင်တော့ အချင်း ၁၂ ပေလောက်ရှိတဲ့ ရေကန်ဝိုင်းလေးတစ်ခုလို ထင်ရပေမယ့်၊
တကယ်တမ်းမှာတော့ အဲ့ဒီအဝကနေ မီတာ ၄၀ (ပေ ၁၃၀ ကျော်) လောက်အထိ နက်ရှိုင်းတဲ့ ရေအောက်လှိုဏ်ဂူတွေဆီကို ဆက်သွယ်ထားတာပါ။
လှိုဏ်ဂူတွေဟာ ရှုပ်ထွေးတဲ့ ပုံသဏ္ဌာန်တွေနဲ့ အလျား လိုက် ဆက်လက်တည်ရှိနေပြီး၊ အချို့နေရာတွေမှာဆိုရင် ပေ ၁၀၀ ကျော်အထိ နက်ရှိုင်းတယ်လို့တောင် ဆိုကြပါတယ်။
ဒါကြောင့်လည်း အတွေ့အကြုံရင့် ရေငုပ်သမားတွေအတွက်တောင် စိန်ခေါ်မှုတစ်ခုဖြစ်နေတာပါ။
ကြည်လင်သန့်ရှင်းနေတဲ့ ရေတွေကလည်း Jacob's Well ရဲ့ ဆွဲဆောင်မှုတစ်ခုပါပဲ။ တစ်နှစ်ပတ်လုံး စီးဆင်းနေတဲ့ သဘာဝစမ်းရေတွေကြောင့် ရေတွေက အမြဲတမ်း ကြည်လင်နေပြီး၊ ရေအောက်က ရှုခင်းတွေကိုတောင် ထင်ထင်ရှားရှား မြင်နိုင်ပါတယ်။
ဒါပေမယ့် ဒီအလှတရားတွေရဲ့ နောက်ကွယ်မှာ အန္တရာယ်တွေလည်း ရှိနေပါတယ်။
Jacob's Well ဟာ အမေရိကန်မှာ အန္တရာယ်အများဆုံး ရေငုပ်နေရာတွေထဲက တစ်ခုအဖြစ် သတ်မှတ်ခံထားရပြီး၊ အတိတ်မှာ ရေငုပ်သမားတွေ အသက်ဆုံးရှုံးခဲ့ရတဲ့ ဖြစ်ရပ်တွေလည်း ရှိခဲ့ပါတယ်။
ဒါကြောင့်လည်း လက်ရှိအချိန်မှာတော့ အထူးခွင့်ပြုချက်ရထားတဲ့ သူတွေကလွဲရင် နက်ရှိုင်းတဲ့ ရေငုပ်ခြင်းကို တားမြစ်ထားတယ်လို့ဆိုပါတယ်။
#knowledge

ဆိတ်ပျော်ဖို့အဓိက ဆိတ်ပျော်ရင်အရာရာအဆင်ပြေတယ်

ကန္တာရ သဲကြောင် - Sand Cat
ကမ္ဘာ့ပေါ်မှာ ထူးဆန်းအံ့ဖွယ် တိရစ္ဆာန်တွေ အများကြီးရှိတဲ့အထဲမှာမှ သဲကြောင်ဟာလည်း တစ်မျိုးအပါအဝင် ဖြစ်ပါတယ်။
သဲကြောင် (Sand Cat) တွေကို အာဖရိကမြောက်ပိုင်းနဲ့ အာရှအနောက်တောင်ပိုင်းက သဲကန္တာရတွေမှာ တွေ့ရတက်ပြီး၊ အယ်လ်ဂျီးရီးယား၊ လစ်ဗျား၊ တူနီးရှားနိုင်ငံတွေနဲ့ အာရေဗျကျွန်းဆွယ်မှာလည်း နေထိုင်ကြတယ်လို့ သိရပါတယ်။
သဲကြောင်တွေဟာ သာမန်အိမ်ကြောင်တွေနဲ့ မတူဘဲ သီးသန့် "မျိုးရိုးစစ်" ကြောင်တွေ ဖြစ်ပါတယ်။ တခြားကြောင်မျိုးစိတ်တွေနဲ့ မိတ်လိုက်ခြင်း မရှိပါဘူး။
နေ့ဘက်မှာတော့ တွင်းထဲမှာ ခိုအောင်းပြီး ညဘက်ရောက်မှသာ အစာရှာထွက်လေ့ ရှိပါတယ်။ သူတို့ရဲ့ အဓိက အစာတွေကတော့ ကြွက်လို သတ္တဝါငယ်လေးတွေ၊ ပိုးကောင်မွှားကောင်လေးတွေ၊ တွားသွားသတ္တဝါလေးတွေ၊ ငှက်ငယ်လေးတွေနဲ့ အဆိပ်ရှိတဲ့ မြွေတွေ ဖြစ်ပါတယ်။
သဲကြောင်တွေရဲ့ အမဲလိုက်ပုံက ထူးခြားပါတယ်။ သားကောင်ကို တွေ့တာနဲ့ လျှပ်စီးလို လျင်မြန်စွာ ခေါင်းကို ရိုက်ချလိုက်ပါတယ်။
ပြီးရင်တော့ လည်ပင်းကို အားနဲ့ ကိုက်ခဲပြီး သားကောင် သေဆုံးတဲ့အထိ မလွှတ်တမ်း ကိုက်ထားတတ်ပါတယ်။ သားကောင်ကြီးတွေကို ဖမ်းမိရင်တော့ သဲထဲမှာ မြှုပ်ထားပြီး ဗိုက်ဆာတဲ့အခါမှ ပြန်တူးဖော် စားသောက်တတ်ပါတယ်။
ရေကို သီးသန့် သောက်သုံးဖို့ မလိုဘဲ သားကောင်တွေဆီက ရတဲ့ အရည်တွေနဲ့ပဲ အသက်ရှင် ရပ်တည်နိုင်ပါတယ်။
သဲကြောင်တွေမှာ ထူးခြားတဲ့ အကြားအာရုံ ရှိပါတယ်။
သဲအောက် မြေတွင်းထဲမှာ ပုန်းနေတဲ့ ကြွက်တွေရဲ့ အသံသေးသေးလေးတွေကိုတောင် ကြားနိုင်စွမ်း ရှိပါတယ်။ အဲဒီအသံကို နားထောင်ပြီး သဲတွေကို တူးဖော်ကာ သားကောင်ကို ဖမ်းယူတတ်ပါတယ်။
ရန်သူကို ထောက်လှမ်းတဲ့အခါမှာလည်း ထူးခြားတဲ့ နည်းလမ်းကို အသုံးပြုပါတယ်။ လည်ပင်းကို သဲနဲ့ ကပ်၊ နားရွက်နှစ်ဖက်ကို မြေကြီးနဲ့ ပြားကပ်ထားပြီး ရေဒါစနစ်တွေလိုပဲ အလျားလိုက် ရှာဖွေစစ်ဆေးတာတွေ ပြုလုပ်တယ်လို့ သိရပါတယ်။
ဒါ့အပြင် သူတို့ရဲ့ အရောင်ဟာ ပတ်ဝန်းကျင် သဲကန္တာရနဲ့ ရောထွေးနေတာကြောင့် သားကောင်တွေ သတိမထားမိဘဲ အလွယ်တကူ ဖမ်းယူနိုင်တာ ဖြစ်ပါတယ်။
သဲကြောင်တွေဟာ သဲကန္တာရရဲ့ ကြမ်းတမ်းတဲ့ ရာသီဥတုဒဏ်ကို အံတုရင်း ရှင်သန်နေထိုင်နိုင်ဖို့ သဘာဝတရားကြီးက ဖန်တီးပေးထားတဲ့ အံ့ဖွယ်သတ္တဝါလေးတွေ ဖြစ်ပါတယ်။ သူတို့ရဲ့ ထူးခြားတဲ့ အပြုအမူတွေ၊ ရှင်သန်နေထိုင်မှုပုံစံတွေဟာ လေ့လာစရာတွေ အများကြီး ရှိနေပါသေးတယ်။
သို့သော်လည်း စိတ်မကောင်းစရာအချက်မှာ သဲကြောင်တွေဟာ နေထိုင်ရာဒေသများ ပျက်စီးခြင်း၊ အမဲလိုက်ခံရခြင်းနဲ့ တရားမဝင် အိမ်မွေးတိရစ္ဆာန်အဖြစ် ကုန်ကူးခံရခြင်းတို့ကြောင့် မျိုးသုဉ်း‌ေတာ့မယ့်အန္တရာယ်နဲ့ ရင်ဆိုင်နေရပါတယ်။
#knowledge

တစ်ယောက်ထဲနေရတာအေးချမ်းတယ်🥹

伊洛瓦底省 ，勃生区，Ngaputaw 村（ ငပုတောမြို နယ်），

​မော်တင်စွန်း စေတီဘုရား 🙏🙏🙏

伊洛瓦底省 ，勃生区，Ngaputaw 村（ ငပုတောမြို နယ်），

​မော်တင်စွန်း စေတီဘုရား 🙏🙏🙏

伊洛瓦底省 ，勃生区，Ngaputaw 村（ ငပုတောမြို နယ်），

​မော်တင်စွန်း စေတီဘုရား 🙏🙏🙏