တရားမဝင် ဝင်ရောက်သူတွေကို အစုလိုက်အပြုံလိုက်နှင်ထုတ်မယ့်အစီအစဉ်မှာ အမေရိကန်စစ်တပ်ကို အသုံးပြုသွားမှာဖြစ်ကြောင်း ထရမ့် ထပ်လောင်းပြောကြား
နိုင်ငံတကာ၊ နိုဝင်ဘာ ၁၉
အမျိုးသားအရေးပေါ်အခြေအနေတစ်ရပ် ကြေညာပြီး တရားမဝင်ရွှေ့ပြောင်းသူတွေကို နို်င်ငံတွင်းက နှင်ထုတ် သွားဖို့အတွက် အမေရိကန်စစ်တပ်ကို အသုံးပြုသွားမှာဖြစ်ကြောင်း ပြောဆိုရင်း တရားမဝင်ရွှေ့ပြောင်းသွားလာ သူတွေအရေး ကိုင်တွယ်ဆောင်ရွက်သွားဖို့ ၎င်းရဲ့ ကတိကဝတ်ကို ရွေးကောက်ခံအကြိုသမ္မတဒေါ်နယ်ထရမ့် က ထပ်လောင်းပြောကြားလိုက်ပါတယ်။
တရားမဝင်ရွှေ့ပြောင်းသူတွေကို နို်င်ငံတွင်းက အစုလိုက်အပြုံလိုက်နှင်ထုတ်ရာမှာ စစ်တပ်ကိုအသုံးပြုသင့် ကြောင်း အကြံပြုထားတဲ့ပို့စ်တစ်ခုကို ထောက်ခံရင်း ထရမ့်က ၎င်းရဲ့ Truth Social လူမှုကွန်ရက်ကတစ်ဆင့် တနင်္လာနေ့ (နိုဝင်ဘာ ၁၈ ရက်နေ့) က အခုလို ထပ်လောင်းပြောကြားလိုက်တာဖြစ်ပါတယ်။
ကွန်ဆာဗေးတစ်အုပ်စုတစ်ခုဖြစ်ပြီး NGO အဖွဲ့တစ်ဖွဲ့ဖြစ်တဲ့ Judicial Watch အဖွဲ့ရဲ့ ခေါင်းဆောင် တွမ်ဖစ်တန် ဖော်ပြထားတဲ့ အစီအစဉ်တွေကို ထရမ့်က လူမှုကွန်ရက်ကနေ အတည်ပြုထောက်ခံခဲ့တာဖြစ်ပါတယ်။
တရားမဝင်ဝင်ရောက်သူတွေ တိုင်းပြည်ကနှင်ထုတ်ဖို့အတွက် အရေးပေါ်အခြေအနေကြေညာပြီး စစ်တပ်ကို အသုံးပြုသင့်ကြောင်း ဖစ်တန်က အခုလအစောပိုင်းက ရေးသားခဲ့တာဖြစ်ပါတယ်။
ထရမ့် ပထမသက်တမ်းကာလတုန်းက နယ်စပ်ခြံစည်းရိုးခတ်ဖို့အတွက် စစ်ဘက်ဆိုင်ရာရန်ပုံငွေတွေကို ပြောင်း လဲအသုံးပြုခဲ့သလိုမျိုး အမေရိကန်သမ္မတရဲ့ အရေးပေါ်အခြေအနေကြေညာဆောင်ရွက်ခွင့်ထဲမှာ ရန်ပုံငွေတွေ ကို ခေါင်းစဉ်ပြောင်းလဲသုံးစွဲခွင့်နဲ့ စစ်ဘက်ဆိုင်ရာရင်းမြစ်တွေကို အသုံးပြုခွင့် သီးသန့်အခွင့်အာဏာ ပေးအပ် ထားပါတယ်။
ဒီတစ်ကြိမ်မှာတော့ နိုင်ငံတွင်းက နှင်ထုတ်မယ့် တရားမဝင်ဝင်ရောက်သူတွေကို ဖမ်းဆီးထိန်းသိမ်းထားရမယ့် နေရာတွေအတွက် ရန်ပုံငွေတွေကို အဓိကသုံးစွဲသွားနိုင်ဖွယ်ရှိကြောင်း ထရမ့်ရဲ့ လူဝင်မှုကြီးကြပ်ရေးအကြံပေး အရာရှိ စတီဗင်မယ်လာက ပြောပါတယ်။
ပြည်တွင်းလုံခြုံရေးဝန်ကြီးဌာနက ကြီးကြပ်မယ့် အဆိုပါ ထိန်းသိမ်းထားမယ့်နေရာ/အဆာက်အဦတွေဟာ တရားမဝင်ဝင်ရောက်သူတွေ နိုင်ငံတွင်းကနှင်ထုတ်မှုအစီအစဉ်ကို ပိုမို လျင်မြန်စွာဆောင်ရွက်နိုင်အောင် အ ထောက်အကူပြုသွားမှာဖြစ်ကြောင်း မယ်လာက ပြောပါတယ်။
လက်ရှိအချိန်မှာတော့ တရားမဝင်ရွှေ့ပြောင်းသူတွေကို နို်င်ငံတွင်းက အစုလိုက်အပြုံလိုက်နှင်ထုတ်ဖို့အတွက် လူဝင်မှုကြီးကြပ်ရေးနဲ့ အကောက်ခွန်ဌာနတွေမှာ နေရာ/အဆောက်အဦတွေ ကန့်သတ်မှုရှိနေတာက ကြီးမား တဲ့စိန်ခေါ်မှုတွေ ဖြစ်ပါတယ်။
ဒီစိန်ခေါ်မှုတွေကို ကိုင်တွယ်ဆောင်ရွက်ဖို့အတွက် ထရမ့်အဖွဲ့ဟာ အလုပ်တွင်စေတဲ့ လုပ်ထုံးလုပ်နည်းများ ဖယ် ရှားရေး တိုးချဲ့ဆောင်ရွက်ဖို့နဲ့ အရေးပေါ်ပုန်ကုန်ထကြွမှုအက်ဥပဒေ (Insurrection Act) အရ ရဲတပ်ဖွဲ့တွေ၊ အမျိုးသားအစောင့်တပ်ဖွဲ့တွေနဲ့ တပ်မတော်သားတွေကို ယာယီပြန်လည်တာဝန်ချထားဖို့ စီစဉ်နေပါတယ်။
ဒါ့အပြင် ထရမ့်အဖွဲ့ဟာ တရားမဝင်ရွှေ့ပြောင်းမိဘတွေက မွေးဖွားလာတဲ့ကလေးတွေကို နိုင်ငံတွင်း မွေးဖွား တာနဲ့ နိုင်ငံသားအခွင့်အရေးပေးတဲ့အစီအစဉ်ကို ကန့်သတ်ထားပြီး လူမှုဖူလုံရေးကတ်လို တရားဝင်အထောက် အထားတွေ ထုတ်ပေးတာမျိုးကိုလည်း ရပ်တန့်ထားဖို့ ရည်ရွယ်ထားပါတယ်။
ထရမ့်အဖွဲ့ရဲ့ အစီအစဉ်တွေကို ရွှေ့ပြောင်းနေထိုင်သူတွေအရေး ကူညီဆောင်ရွက်ပေးနေတဲ့ အဖွဲ့တွေက ပြင်း ပြင်းထန်ထန် ပြစ်တင်ဝေဖန်နေကြပါတယ်။
“အကြိုသမ္မတထရမ့်ရဲ့ ဆိုးရွားလှတဲ့စိတ်ကူးယဉ်အိပ်မက်တွေဟာ ရွှေ့ပြောင်းနေထိုင်သူတွေအတွက်ဖြစ်စေ နိုင်ငံတွင်းမွေးဖွားတဲ့သူတွေအတွက်ဖြစ်စေ အလွန်ကြောက်စရာကောင်းအောင်လုပ်နေတဲ့ စိတ်ကူးယဉ်အိပ် မက်တွေဖြစ်ပါတယ်။” လို့ Justice Action Center ရဲ့ ညွှန်ကြားရေးမှူး ကရင်တမ်မလင်းက ပြောပါတယ်။
အဲဒီလို အပြုအမူဆောင်ရွက်ချက်တွေဟာ ဥပဒေနဲ့ မညီဘဲ အမေရိကန်တန်ဖိုးတွေနဲ့ ဆန့်ကျင်ဘက်ဖြစ်နေ ကြောင်း ၎င်းက ပြောပါတယ်။
အထက်လွှတ်တော်အမတ် တွမ်မီဆတူဘာဗေးလ်နဲ့ အောက်လွှတ်တော်အမတ်ချိပ်ရွိင်းတို့လို ထောက်ခံသူတွေ ရှိနေသလို ဥပဒေရေးရာကျွမ်းကျင်သူတွေနဲ့ ပင်တဂွန်စစ်ဌာနချုပ်ကလည်း သတိပေးနေပါတယ်။
အခုအဆိုပြုချက်တွေဟာ အသေးစိတ် ထဲထဲဝင်ဝင် ဆန်းစစ်လေ့လာဖို့ လိုအပ်တဲ့ “စိတ်ကူးယဉ်အနုမာန အယူအဆတွေ” ဖြစ်ကြောင်း ပင်တဂွန်စစ်ဌာနချုပ် ပြောခွင့်ရပုဂ္ဂိုလ်တစ်ဦးက ပြောပါတယ်။
Ref: Trump confirms plans to use the US military to help in mass deportations
#centralnewsnaypyitaw
