နှစ်ခါပြန်ပြန်ကြည့်ရတယ်😇

မိန်းမ ယောကျားမရွေး ကြွေခဲ့ရတဲ့ မြန်မာ IT Girl အဆိုတော် - ကြိုးကြာ
2000s မှာ မြန်မာ It Girl ရှိလား ဆိုရင် ရှိပါတယ် ။ ကြိုးကြာပါ ။ ကြိုးကြာရဲ့ စန်းက အရမ်းကြီးပါတယ် ။ သူ့လောက်ပေါက်တဲ့သူမရှိဘူးရယ်တော့မဟုတ် ရှိပါတယ် ။ ဒါပေမယ့် ကြိုးကြားဟာ တစ်ကိုယ်တော်အခွေ မရှိ အတွဲခွေတွေမှာပဲ တစ်ပုဒ်စီဆိုရင်းနဲ့ကို သူ့စန်းက အရမ်းပေါက်တာပါ ။
အဲ့ဒီ့အချိန်မှာ Teenage Popstar ဒီမှာ ရှားတာလဲ ပါပါမယ်။ အသံလေးက ချစ်စရာ ရုပ်လေးက ချောချော အသက်လေးက ငယ်ငယ် ဆိုတော့ လူငယ်တွေကြား လွှတ်ကို နာမည်ကြီးခဲ့တာပါပဲ ။ Powerhouse မဟုတ်လို့ လာခဲ့ ဘယ်သီချင်းမဆိုဖြဲမယ်ဟေ့ ဆိုတာမျိုးမဟုတ်ပေမယ့် ဟာမိုနီ ဆိုတဲ့သူမို့ အဆိုတော်နပ်ပြီး အသံလေးကလည်း အတော်လှပါတယ် ။ အဆိုတော်လုပ်နေပြီးဟာမိုနီမဆိုတတ်သူတွေ ဒီမှာ အများကြီးရှိပါတယ် ။
အဲ့ဒီ့အချိန်တုန်းကတော့ စနောက်တဲ့စကား အခုချိန်အခေါ်အရတော့ Memes အနေနဲ့လည်း ကြိုးကြာနဲ့ပတ်သက်ပြီး ပြောခဲ့ကြပါသေးတယ် ။ " သူ့ကို သူ့အမေက စင်နောက်မှာ ကြိမ်လုံးနဲ့ စောင့်ပြီး ဆိုခိုင်းတာလားမသိဘူး " ဆိုတာပါ ။ အကြောင်းကတော့ ကြိုးကြာဟာ သီချင်းဆိုရင် စင်ပေါ်မှာ အရုပ်လေးတင်ထားသလို မလှုပ်မယှက် နဲ့ ပါးစပ်လေးမပွင့်တပွင့်ဆိုတတ်လို့ပါ ။
မပြီးသေးပါဘူး။ ပရိတ်သတ်နဲ့ သူနဲ့ သိပ်အသက်မကွာတော့ ယောကျားမိန်းမမရွေးသဘောကျကြပါတယ် ။ " သားကြီး ငါကြိုးကြာနဲ့တူတဲ့စော်လေးကိုတွဲချင်တာ ဘာညာ ရှိသလို " မိန်းကလေးတွေကလည်း သူဝတ်သလိူလိုက်ဝတ်ကြပါတယ် ။ ဦးထုပ်ဖောင်းဖောင်းလေး T Shirt ခါးတိုလေးကို ဂျင်းဘောင်းဘီလေး နဲ့တွဲ မာဖလာလေးပတ် ရပြီ ဒါကြိုးကြာဖက်ရှင်ပဲ လိုက်ဝတ်လိုက်ကြတာဆိုတာကို ။
နာမည်ကျော်နေစဥ်မှာပဲ ဆက်မဆိုတော့ပဲ အနားယူလိုက်တာ နှမြောစရာပါ ။ လတ်တလောမှာတော့ သူအနားယူသွားတာ မမှန်ကန်တဲ့ကောလဟာလတွေကြောင့် စိတ်ညစ်ပြီး အနုပညာပြန်မလုပ်တော့တာလို့ သူ့အစ်မ စင်ဒီက ဆိုပါတယ်
#crd

ယနေ့ ရွှေဈေးနဲ့ နိုင်ငံခြားငွေလဲနှုန်းများ

ဒီဇင်ဘာ ၃ ရက်

#ရွှေဈေး

-ကမ္ဘာ့ရွှေဈေး
တအောင်စ ၂၆၃၅ ဒေါ်လာ

ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း

- အကယ်ဒမီ မီးလင်းရွှေ တကျပ်သား
၅၃၇၆၄၈၀ ကျပ်

ပြင်ပရွှေဈေးနှုန်း

-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၆၀၅၀၀၀၀ ကျပ်
ဝယ်ဈေး ၆၀၁၀၀၀၀ ကျပ်

-၁၅ ပဲရည် တကျပ်သား
ရောင်းဈေး ၅၈၅၀၀၀၀ ကျပ်
ဝယ်ဈေး ၅၈၁၀၀၀၀ ကျပ်

“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”

(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)

#နိုင်ငံခြားငွေလဲလှယ်နှုန်း

-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၂၁၀၀ ကျပ်

ပြင်ပပေါက်စျေး

-အမေရိကန်ဒေါ်လာ‌
ရောင်းဈေး - ၄၄၅၀ ကျပ်
ဝယ်ဈေး - ၄၃၅၀ ကျပ်

-စင်္ကာပူဒေါ်လာ
ရောင်းဈေး - ၃၃၇၀ ကျပ်
ဝယ်ဈေး - ၃၃၀၀ ကျပ်

-ယူရို
ရောင်းဈေး - ၄၇၀၀ ကျပ်
ဝယ်ဈေး - ၄၅၈၀ ကျပ်

-ထိုင်းဘတ်
ရောင်းဈေး - ၁၂၉.၈၇ ကျပ်
ဝယ်ဈေး - ၁၂၆.၅၈ ကျပ်

-မလေးရှားရင်းဂစ်
ရောင်းဈေး - ၁၀၀၁ ကျပ်
ဝယ်ဈေး - ၉၇၅ ကျပ်

-တရုတ်ယွမ်
ရောင်းဈေး - ၆၁၄ ကျပ်
ဝယ်ဈေး - ၅၉၉ ကျပ်

-ဂျပန်ယန်း
ရောင်းဈေး - ၂၉.၈၇ ကျပ်
ဝယ်ဈေး - ၂၉.၁၁ ကျပ်

-အိန္ဒိယရူပီး
ရောင်းဈေး - ၅၃.၂၅ ကျပ်
ဝယ်ဈေး - ၅၁.၉၀ ကျပ်

-ကိုရီးယားဝမ်
ရောင်းဈေး - ၃.၁၉ ကျပ်
ဝယ်ဈေး - ၃.၁၁ ကျပ်

-စတာလင်ပေါင်
ရောင်းဈေး - ၅၆၆၅ ကျပ်
ဝယ်ဈေး - ၅၅၂၀ ကျပ်

-ဩစတြေးလျဒေါ်လာ
ရောင်းဈေး - ၂၈၉၅ ကျပ်
ဝယ်ဈေး - ၂၈၂၀ ကျပ်

-ကနေဒါဒေါ်လာ
ရောင်းဈေး - ၃၁၈၇ ကျပ်
ဝယ်ဈေး - ၃၁၀၅ ကျပ်

-ဟောင်ကောင်ဒေါ်လာ
ရောင်းဈေး - ၅၇၆ ကျပ်
ဝယ်ဈေး - ၅၆၂ ကျပ်

-ယူအေအီး
ရောင်းဈေး - ၁၂၂၀ ကျပ်
ဝယ်ဈေး - ၁၁၉၀ ကျပ်

ငွေလဲနှုန်းများ အချိန်နှင့်အမျှ ပြောင်းလဲနိုင်သည်။

Credit - VOM News Agency

#သတင်းဟင်းလေးအိုးကြီး

ယူကရိန်း နျူကလီးယားလက်နက်ပိုင်ရှင်ဖြစ်လာအောင် ဆောင်ရွက်ပေးမှာမဟုတ်ကြောင်း အမေရိကန်ပြော

နိုင်ငံတကာ၊ ဒီဇင်ဘာ ၂

ဆိုဗီယက်ပြည်ထောင်စုပြိုကွဲပြီးနောက် ယူကရိန်းနိုင်ငံက နျူကလီးယားလက်နက်တွေ စွန့်လွှတ်ခဲ့ပြီး ဖြစ်တဲ့အတွက် ယူကရိန်းနိုင်ငံ နျူကလီးယားလက်နက်တွေကိုပြန်ပိုင်ဆိုင်တဲ့နိုင်ငံဖြစ်လာအောင် ဆောင်ရွက် ပေးဖို့ အမေရိကန်ပြည် ထောင်စုက စဉ်းစားမှာ မဟုတ်ကြောင်း အိမ်ဖြူတော် အမျိုးသားလုံခြုံရေး အကြံပေးအရာရှိ ဂျိတ်ဆူလီဗန်က ဒီဇင်ဘာ ၁ ရက်နေ့က ပြောကြားလိုက်ပါတယ်။

အမေရိကန်သမ္မတဂျိုးဘိုင်ဒန် အိမ်ဖြူတော်ကမထွက်ခွာမီ ယူကရိန်းကို နျူကလီးယားလက်နက်တွေ ပေးသွားနိုင်တယ်ဆိုပြီး အမည်မဖော်လိုတဲ့ အနောက်နိုင်ငံကအရာရှိတွေက ပြောဆိုခဲ့တာကို New York Times ဆောင်းပါးမှာ ဖော်ပြခဲ့ တာနဲ့ ပတ်သက်လို့ မေးမြန်းတဲ့အခါ ဆူလီဗန်က အခုလို ဖြေကြားခဲ့တာ ဖြစ်ပါတယ်။

“ဒီကိစ္စကို လုံးဝ မစဉ်းစားပါဘူး။ ကျွန်တော်တို့ စဉ်းစားနေတာက ယူကရိန်းတွေ ကိုယ့်ကိုယ်ကိုယ် ခုခံကာကွယ် ပြီး ရုရှား တပ်တွေကို တိုက်ထုတ်နိုင်အောင် သမရိုးကျလက်နက်ပေါင်းစုံကို ထောက်ပံ့ရေးအတွက် စဉ်းစား နေတာပါ။ သူတို့ကို နျူ ကလီးယားလက်နက်တွေ ထောက်ပံ့ဖို့ မပါပါဘူး။” လို့ ၎င်းက ABC သတင်းဌာနကို ပြောပါတယ်။

အဲဒီအတွေးအခေါ်ဟာ “လုံးဝ စိတ်ဖောက်ပြန်ရူးသွပ်တဲ့အတွေးအခေါ်” ဖြစ်ပြီး ရုရှားတပ်တွေကို ယူကရိန်းကို စေလွှတ် ရတဲ့ အကြောင်းရင်းတွေထဲက တစ်ခုဟာ အဲဒီလို အနာဂတ်ဖြစ်နိုင်ခြေကို ကာကွယ်ခြင်းဖြစ်ကြောင်း ရုရှားအစိုးရက ပြီးခဲ့တဲ့သီတင်းပတ်က ပြောပါတယ်။

ယူကရိန်းအစိုးရဟာ ၁၉၉၁ ခုနှစ် ဆိုဗီယက်ပြည်ထောင်စုပြိုကွဲစဉ် နျူကလီးယားလက်နက်တွေကို အမွေဆက်ခံရရှိခဲ့ပေမဲ့ ၁၉၉၄ ခုနှစ် ဘူဒါပက်စ်သဘောတူညီချက်အရ နျူကလီးယားလက်နက်အားလုံးကို စွန့်လွှတ်ခဲ့ပါတယ်။

အပြန်အလှန်အားဖြင့် ဘူဒါပက်စ်သဘောတူညီချက်အရ ယူကရိန်းနိုင်ငံရဲ့ လုံခြုံရေးကို ရုရှား၊ အမေရိကန် ပြည်ထောင်စု နဲ့ ဗြိတိန်နိုင်ငံတို့က အာမခံရပါတယ်။

Ref: US Will Not Return Nuclear Weapons to Ukraine

#centralnewsnaypyitaw

ကြွက်သားဒဏ်ရာကြောင့် ဟာရီကိန်း ၂ ပတ်ကြာ အနားယူရဖွယ်ရှိ

ဒီဇင်ဘာ ၃

ဘိုင်ယန်မြူးနစ်အသင်း တိုက်စစ်မှူး ဟာရီကိန်းဟာ ဒေါ့မွန်အသင်းနဲ့ ၁ ဂိုးစီ သရေကျခဲ့တဲ့ ဘွန်ဒက်လီဂါပွဲစဉ်မှာ ရရှိခဲ့တဲ့ ကြွက်သားဒဏ်ရာကြောင့် ၂ ပတ်ကြာ အနားယူရဖွယ်ရှိနေပါတယ်။

ဟာရီကိန်းဟာ ဒေါ့မွန်အသင်းနဲ့ပွဲစဉ်မှာ ရရှိခဲ့တဲ့ ဒဏ်ရာကို စကန်ဖတ် စစ်ဆေးမှုတွေ ခံယူအပြီးမှာ ကြွက်သား ဒဏ်ရာ ရရှိခဲ့တယ်လို့ ဘိုင်ယန်မြူးနစ်အသင်းက အတည်ပြုခဲ့တာပါ။

အဲဒါကြောင့် အသင်းဟာ လက်ရှိအချိန်မှာ တိုက်စစ်မှူး ဟာရီကိန်း မပါဝင်ဘဲ အလုပ်လုပ်ရမယ်လို့ ဘိုင်ယန်မြူးနစ်အသင်းရဲ့ ထုတ်ပြန်ချက်ထဲမှာ ဖော်ပြထားပေမယ့် ဘယ်လောက်ကြာကြာ အနားယူရ မလဲဆိုတာတော့ မပါဝင်ခဲ့ပါဘူး။

ဂျာမန်သတင်းစာ Bild က ဟာရီကိန်းဟာ ဒဏ်ရာကြောင့် ၂ ပတ်ကြာ အနားယူရမယ်လို့ ဖော်ပြထားပါတယ်။

ဘိုင်ယန်မြူးနစ်အသင်းဟာ ၂၀၂၄ ခုနှစ်ထဲမှာ ပွဲစဉ် ၅ ပွဲကစားဖို့ ရှိနေပြီး ဟာရီကိန်းဟာ ဒီဇင်ဘာ ၂၀ ရက်မှာ ကစားမယ့် ဒီနှစ်ရဲ့ နောက်ဆုံးပွဲစဉ်ဖြစ်တဲ့ လိုက်ပ်ဇစ်အသင်းနဲ့ပွဲစဉ်မှသာ ပြန်လည် ပါဝင်နိုင်ဖွယ်ရှိနေတာပါ။

ဟာရီကိန်းဟာ ဒီရာသီမှာ ဘိုင်ယန်မြူးနစ် အသင်းအတွက် ၁၉ ပွဲ ပါဝင်ကစားထားတာမှာ ဂိုး ၂၀ အထိသွင်းပြီး ခြေစွမ်းပြသနေတာ ဖြစ်ပါတယ်။

အသင်းရဲ့ ထိပ်တန်း ဂိုးသွင်းရှင်ဖြစ်တဲ့ ဟာရီကိန်း ပွဲအချို့ လွဲချော်မှာက ဘိုင်ယန်မြူးနစ် အသင်းအတွက် ထိုးနှက်ချက် ဖြစ်လာနိုင်တာပါ။

ဘိုင်ယန်မြူးနစ်အသင်းဟာ ဒီရာသီ ဘွန်ဒက်လီဂါပြိုင်ပွဲမှာ အမှတ်ပေးဇယား အဆင့် ၂ နေရာမှာ ရပ်တည်နေတဲ့ ဖရန့်ဖတ်အသင်းကို ၄ မှတ်အသာနဲ့ အဆင့် ၁ နေရာမှာ ရပ်တည်နေပါတယ်။

ဘိုင်ယန်မြူးနစ်အသင်းဟာ ကြားရက်မှာ လေဗာကူဆင်အသင်းနဲ့ ဂျာမန်ဖလားပွဲစဉ် ယှဉ်ပြိုင်မှာဖြစ်ပြီး ဒီပွဲပြီးရင် ဟိုင်ဒမ်ဟိုင်းအသင်းနဲ့ ဘွန်ဒက်လီဂါ ပွဲစဉ်ယှဉ်ပြိုင်ရမှာ ဖြစ်ပါတယ်။

ပုံ - ဟာရီကိန်းကို တွေ့ရစဉ်

#သတင်းဟင်းလေးအိုးကြီး

တရုတ်ဘက်ကို တန်းစီ မဲနှိုက်စနစ်နဲ့သာ ဝင်/ထွက်ခွင့်ပြုပြီး မြို့တွင်း စားသောက်ဖို့ ဟင်းသီးဟင်းရွက်နဲ့ သားငါးကိုသာ သယ်ဆောင်ခွင့်ရ

ဒီဇင်ဘာ ၃

ရှမ်းပြည်နယ် (မြောက်ပိုင်း)၊ မူဆယ် ဆင်ဖြူဂိတ်ကနေ တရုတ်နိုင်ငံဘက်ကို ဝင်ရောက်ရာမှာ မဲနှိုက်စနစ်နဲ့သာ ဝင်ထွက်ခွင့်ပြုပြီး စားသောက်ကုန်သာပဲ တင်ဆောင်ခွင့်ရတာဖြစ်တယ်လို့ သိရပါတယ်။

အဲ့ဒီလို ဝင်/ထွက်ခွင့်ကိုလည်း ဆိုင်ကယ် အစီးရေ (၂၀၀)နဲ့ ကားအစီးရေ (၅၀)ကိုသာ နေ့စဉ် ဝင်ထွက်ခွင့်ပြုတာ ဖြစ်တဲ့အတွက် ဝင်ရောက်လိုသူတွေအနေနဲ့ သက်ဆိုင်ရာကို စာရင်းပေးသွင်းရမှာ ဖြစ်တယ်လို့ သိရပါတယ်။

“တန်းစီ စနစ်နဲ့ မဲပေါက်မှာ တရုတ်ဘက်ကိုဝင်ရမယ်ပြောတယ်။ ဝင်ခွင့်ပေါက်တယ်ဆိုရင်လဲ စားဖို့သောက်ဖို့ ဟင်းသီးဟင်းရွက်နဲ့ သားငါးလောက်ပဲ သယ်ဆောင်ခွင့်ပြုတာလို့”ဒေသခံ တစ်ဦးက ပြောပါတယ်။

တရုတ်ဘက်ကနေ မူဆယ်ဘက်ကို ပစ္စည်းတင်ဆောင်ရာမှာ မူဆယ်မြို့တွင်း စားသုံးနိုင်ဖို့အတွက် မီးဖိုးချောင်သုံး အသီးအနှံ၊ အသားနဲ့ငါးများကိုသာ ဆိုင်ကယ်နဲ့ သယ်ဆောင်ခွင့်ပြုတာလို့ သိရပါတယ်။

အခြား ကား၊ လက်တွန်းလှည်း၊ စက်ဘီး၊ လက်တွန်းလှည်းတို့နဲ့ ကုန်ပစ္စည်း တင်ဆောင်ခွင့် လုံးဝ (လုံးဝ) ကန့်သတ်ထားတယ်လို့ သိရပါတယ်။

#centralnewsnaypyitaw

ထိုင်းနိုင်ငံတွင် စက်ဘီးဖြင့်အလုပ်သို့သွားစဉ် ယာဉ်တိုက်ခံရသည့် မြန်မာလူငယ်ဇနီးမောင်နှံနှစ်ဦး ပွဲချင်းပြီး သေဆုံး

ဒီဇင်ဘာ ၃

ထိုင်းနိုင်ငံ၊ စမွတ်ဆာခွန်ခရိုင်၊ ကထုန့်ဘဲင်မြို့နယ်ရှိ စက်ရုံတစ်ခုတွင် အလုပ်လုပ်ကိုင်နေသည့် မြန်မာဇနီး မောင်နှံ လူငယ်နှစ်ဦးသည် နိုဝင်ဘာ ၂၈ ရက် နံနက် ၇ နာရီ မိနစ် ၄၀ အချိန်ခန့်က စက်ဘီးဖြင့် အလုပ်သို့ သွားရောက်စဉ် ယာဉ်တိုက်ခံရကာ ပွဲချင်းပြီးသေဆုံးခဲ့ကြောင်း သိရသည်။

မြန်မာရွှေ့ပြောင်းအလုပ်သမား အသက် ၂၃ နှစ်အရွယ် ကိုဆန်းမျိုးအောင်နှင့် အသက် ၁၉ နှစ်အရွယ် မခိုင်သဇင်တို့ ဇနီးမောင်နှံနှစ်ဦးက ထိုင်းနိုင်ငံသားတစ်ဦး စီးနင်းလာသည့် ဆိုင်ကယ်ဖြင့် ထာ့ဆောင်ဘုန်းကြီး ကျောင်းအနီးတွင် တိုက်မိခဲ့ခြင်းဖြစ်ပြီး ပွဲချင်းပြီး သေဆုံးခဲ့ကြခြင်း ဖြစ်ကြောင်း သိရသည်။

အဆိုပါသေဆုံးသူဇနီးမောင်နှံနှစ်ဦးရုပ်အလောင်းများကို ဒီဇင်ဘာ ၁ ရက်က စမွတ်ဆာခွန်ခရိုင်၊ ကထုန့်ဘဲင်မြို့နယ်ရှိ ထာ့ဆောင်ဘုန်းကြီးကျောင်းတွင် ဗုဒ္ဓဘာသာဓလေ့ထုံးတမ်းနှင့်အညီ သရဏဂုံတင် အမျှဝေ၍ မီးသင်္ဂြိုဟ်ခဲ့ကြကြောင်း သိရသည်။

“ကျွန်တော်တို့ရွာနဲ့နီးနီးလေးပါ။ သူတို့ခမျာ မင်္ဂလာပြန်လာဆောင်ကြမလို့ မိဘတွေစီစဉ်တုန်းပဲရှိသေး။ ခုလိုစိတ်မကောင်းစရာ ဖြစ်သွားရတယ်။ မိသားစုတွေနဲ့ထပ်တူစိတ်မကောင်းဖြစ်ရပါတယ်”ဟု လူမှုကွန်ရက်အသုံးပြုသူတစ်ဦးက ရေးသားထားသည်။

ကျန်ရစ်သူမိသားဝင်များ ထိုက်သင့်သောနစ်နာကြေးငွေများ ရရှိရန်အတွက် ထိုင်းရောက်မြန်မာလုပ်သားများ အရေးကူညီစောင့်ရှောက်ပေးနေသည့် M.H.A.C မဟာအဖွဲ့ထံ ဆက်သွယ်အကူအညီတောင်းခံသည့်အတွက် ရုံးအဖွဲ့က အမှုကိစ္စကို လိုက်ပါကူညီဆောင်ရွက်ပေးလျက်ရှိကြောင်း အဆိုပါ အဖွဲ့ခေါင်းဆောင် အေအေစီ ကိုရဲမင်းထံမှ သိရသည်။

Credit - MT News Agency

#သတင်းဟင်းလေးအိုးကြီး

❝ညီညွတ်ရေးနှင့် ဖွံ့ဖြိုးတိုးတက်ရေးပါတီကို နိုင်ငံရေးပါတီအဖြစ် မှတ်ပုံတင်ခွင့်ပြု❞

ဒီဇင်ဘာ ၃

ညီညွတ်ရေးနှင့် ဖွံ့ဖြိုးတိုးတက်ရေးပါတီ [ Unity and Development Party (UADP) ] ကို နိုင်ငံရေးပါတီအဖြစ် မှတ်ပုံတင်ခွင့်ပြုလိုက်ကြောင်း ပြည်ထောင်စုရွေးကောက်ပွဲကော်မရှင် (UEC) က ကြေညာချက်အမှတ် (၈/၂၀၂၄ ) ဖြင့် ဒီဇင်ဘာ ၂ ရက်တွင် အသိပေးထုတ်ပြန်ခဲ့သည်။

အဆိုပါ ညီညွတ်ရေးနှင့် ဖွံ့ဖြိုးတိုးတက်ရေးပါတီ [ Unity and Development Party (UADP) ] ကို ၂၀၂၄ ခုနှစ်၊ ဒီဇင်ဘာလ ၂ ရက်နေ့မှစ၍ နိုင်ငံရေးပါတီများမှတ်ပုံတင်ခြင်း ဥပဒေ ပုဒ်မ ၉ နှင့်အညီ မှတ်ပုံတင်ခွင့်ပြုကြောင်း ဖော်ပြထားသည်။

ယင်းပါတီသည် ရန်ကုန်တိုင်းဒေသကြီး၊ သာကေတမြို့နယ်၊ ACE အိမ်ရာ၊ စိန်ပန်းလမ်း၊ ခြံအမှတ်(၂၆) တွင် ပါတီရုံးချုပ်ဖွင့်လှစ်ထားရှိသည်ဟု သိရပြီး ပါတီ၏ မှတ်ပုံတင်အမှတ်မှာ ( ၅၅ ) ဖြစ်သည်ဟုလည်း သိရသည်။

#centralnewsnaypyitaw

ရုရှားကို လာမယ့်နှစ်ကစပြီး မြန်မာလုပ်သားတွေ စေလွှတ်ဖို့ရှိ

ဒီဇင်ဘာ ၃

ရုရှားနိုင်ငံရဲ့ အလုပ်သမားလိုအပ်ချက်ကို ဖြေရှင်းနိုင်ဖို့ လာမယ့် ၂၀၂၅ ခုနှစ်အတွင်း ပထမဆုံးအကြိမ်အဖြစ် မြန်မာလုပ်သားတွေ စတင်စေလွှတ်ဖို့ ရှိနေတယ်လို့ မြန်မာပြည်ပအလုပ်အကိုင် ဝန်ဆောင်မှု လုပ်ငန်းရှင်များအသင်း (MOEAA) ဥက္ကဋ္ဌ ဦးချားလ်မျိုးသန့်က ပြောပါတယ်။

လက်ရှိမှာ မြန်မာအလုပ်သမားတွေ စေလွှတ်ဖို့အတွက် အလုပ်သမားဝန်ကြီးဌာနကို အလုပ်ကမ်းလှမ်းစာ (Demand Letter) တင်ထားပြီးဖြစ်ကာ ရုရှား - မြန်မာ အစိုးရချင်း နှစ်နိုင်ငံသဘောတူစာချုပ် (MoU) ရေးထိုးနိုင်ဖို့ စီစဉ်ဆောင်ရွက်နေတယ်လို့ ဦးချားလ်မျိုးသန့်က ပြောပါတယ်။

“အခုက အစီအစဉ်တွေ ရေးဆွဲနေတုန်းပေါ့။ ဟိုဘက်နဲ့ နှစ်နိုင်ငံ MoU ထိုးဖို့ကလည်း မူကြမ်းအဆင့်ပဲ ရှိသေးတယ်။ ဒီဘက်ကတော့ အလုပ်သမားဝန်ကြီးဌာနကို Demand တင်တဲ့သူကတော့ တင်ထားပြီးသွားပြီ။ ဒါနဲ့ပတ်သက်လို့ ခွင့်ပြုမိန့်ကတော့ သူတို့ဘက်ကနေ အားလုံး process ပြီးသွားလို့၊ draft တွေဘာတွေ ပြီးသွားရင်တော့ လွှတ်ပါလိမ့်မယ်။ ဒါပေမယ့် ဒီလထဲမှာတော့ လွှတ်ဖို့မရှိဘူး။ လာမယ့် ၂၀၂၅ ခုနှစ်လောက်မှပဲ လွှတ်ပါလိမ့်မယ်” လို့ သူက ပြောပါတယ်။

ရုရှားနိုင်ငံအနေနဲ့ စိုက်ပျိုးရေး၊ မွေးမြူရေး၊ ဆောက်လုပ်ရေးနဲ့ ကုန်ထုတ်စက်ရုံ၊ အလုပ်ရုံ လုပ်ငန်းတွေအတွက် မြန်မာအလုပ်သမားတွေကို ခေါ်ယူဖို့ ကမ်းလှမ်းထားတာဖြစ်ပြီး လတ်တလော အစီအစဉ်အရ ဆောက်လုပ်ရေးလုပ်ငန်းအတွက် စတင်စေလွှတ်ဖို့ ရှိနေတယ်လို့ သူက ပြောပါတယ်။

ရုရှားနိုင်ငံကို သွားရောက်မယ့် အလုပ်သမားတွေအနေနဲ့ ရုရှားဘာသာစကား ကျွမ်းကျင်ရမှာဖြစ်ပြီး သင်တန်းတွေလည်း တက်ရောက်ရဦးမှာ ဖြစ်တယ်လို့ ဆိုပါတယ်။

“လုပ်သားအရေအတွက် ဘယ်လောက် လွှတ်မယ်ဆိုတာကတော့ သတ်မှတ်ထားခြင်းတော့ မရှိပါဘူး။ သူတို့ရဲ့ Demand ပေါ်မှာမူတည်ပါတယ်။ သူတို့ဆီက ခေါ်တဲ့အပေါ်မှာ အခုလောလောဆယ် အယောက် ၂၀ ၊ ၃၀ ဒီလောက်ထိပဲရှိပါတယ်။ မွေးမြူရေးတဲ့ပတ်သက်ပြီး ခေါ်တာတွေကတော့များတယ်။ ဒါပေမယ့် အဲဒါတွေကတော့ လောလောဆယ် မဖြစ်နိုင်သေးဘူး။ ဒီဘက်က သွားမယ့်သူရှိရင်လည်း သင်တန်းတွေ တက်ရဦးမှာလေ။ ရုရှားစကားသင်တန်း တက်ရဦးမှာ ဖြစ်တဲ့အတွက်ကြောင့်မို့လို့ သူတို့အနေနဲ့ ချက်ချင်းကြီးတော့ သွားလို့မရဘူး။ တချို့ကျတော့လည်း စကားပြောသင်တန်း တက်ရမယ်ဆိုရင် မသွားချင်တော့ဘူး။ သွားချင်တဲ့သူရှိသလို မသွားချင်တဲ့သူလည်း ရှိတယ်။ ဘာသာစကား သင်ရမယ်ဆိုတော့ တချို့ကတော့ သိပ်စိတ်မဝင်စားတော့ဘူး” လို့ ဦးချားလ်မျိုးသန့်က ပြောပါတယ်။

ဆောက်လုပ်ရေး လုပ်ငန်းခွင်အတွက် လုပ်ခလစာအနေနဲ့ ရိုးရိုး General Worker တယောက်ကို အမေရိကန်ဒေါ်လာ ၇၀၀ ဝန်းကျင် ရရှိမှာဖြစ်ပြီး ကျွမ်းကျင်အဆင့် ဆိုရင်တော့ ဒေါ်လာ ၂၀၀၀ ကနေ ၂၅၀၀ အထိ ရရှိနိုင်မယ်လို့ ဆိုပါတယ်။

“တကယ်လို့သူက လုပ်ငန်းကိုင်ငန်းကျွမ်းတယ်၊ welder (ဝရိန်ဆော်ခြင်း) ကို ကောင်းကောင်းမွန်မွန်နဲ့ လုပ်နိုင်တယ် ဆိုလို့ရှိရင် သူရဲ့လစာက ဒေါ်လာ ၂၀၀၀ ၊ ၂၅၀၀ အထိ ရမယ်။ အဲဒါကြောင့်မို့လို့ သွားမယ့်သူကတော့ နည်းနည်း စိတ်ဝင်စားမှုတော့ ရှိတယ်” လို့ သူက ပြောပါတယ်။

ဒါအပြင် ရုရှားနိုင်ငံမှာ သွားရောက် အလုပ် လုပ်ကိုင်မယ့်သူတွေအနေနဲ့ အလုပ်သမားအခွင့်အရေး အပြည့်အဝ ရရှိနိုင်မှာဖြစ်ပြီး ဒါနဲ့ပတ်သက်လို့ ရုရှား NGO အဖွဲ့ (အစိုးရမဟုတ်သော အဖွဲ့အစည်း) လာရောက် တွေ့ဆုံချိန်မှာ ဆွေးနွေးမှုတွေ လုပ်ဆောင်ပြီးဖြစ်တယ်လို့ ဆိုပါတယ်။

“ပြီးခဲ့တဲ့ မေလအတွင်းကထင်တယ်၊ ရုရှား NGO အဖွဲ့ လာရောက်တဲ့အချိန်မှာလည်း ပြောသွားတာရှိတယ်။ သူတို့ဆီ မြန်မာအလုပ်သမားတွေ ရောက်လာဖို့ရှိတယ်။ အဲဒီအခါမှာ အလုပ်ရှင်၊ အလုပ်သမားသော်လည်းကောင်း၊ တစုံတခု ပြဿနာဖြစ်ခဲ့ရင်သော်လည်းကောင်း၊ ဖြစ်လာလို့ရှိရင် ဘယ်သူ့ကို ဆက်သွယ်ရမလဲဆိုတဲ့၊ ဒီမှာကလည်း MOEAA ရှိတယ်ဆိုတဲ့ အတွက်ကြောင့်မို့လို့ ဒီလိုမျိုးတွေအတွက် link ချိတ်ပြီး အကြောင်းကြား ဖြေရှင်းရရင် ဖြစ်နိုင်မလားဆိုပြီးတော့ လာဆွေးနွေးဖူးတာရှိတယ်။ ဒါပေမယ့် ဒါက pre အနေနဲ့လာတွေ့တာ။ သူတို့ဘက်က အသေးစိတ်ကို ပြင်ဆင်ပြီးလို့ရှိရင်တော့ MOEAA နဲ့ စာချုပ် ချုပ်မယ်” လို့ သူက ပြောပါတယ်။

လက်ရှိ သွားရောက်မယ့်စနစ်ဟာ အစိုးရချင်း အခမဲ့စနစ် (Zero - Cost) ဖြစ်လို့ မြန်မာနိုင်ငံမှ သွားရောက် အလုပ်လုပ်ကိုင်မယ့် သူတွေအနေနဲ့ အခြေခံကုန်ကျစရိတ် အနည်းငယ်သာ ကုန်ကျမှာဖြစ်တယ်လို့ ပြည်ပအလုပ်အကိုင် အေဂျင်စီလုပ်ငန်း လုပ်ကိုင်သူတယောက်က ပြောပါတယ်။

“ရုရှားက အလုပ်ရှင်တွေက အကုန်အကျခံပြီး ခေါ်မှာပါ။ ဒါက မြန်မာအလုပ်သမားတွေအတွက် စျေးကွက်အသစ်တခု ဖြစ်လာမှာပါ။ ရုရှားမှာက သူတို့နိုင်ငံရဲ့ လတ်တလော အခြေအနေအရ အခြေခံ အလုပ်သမားတွေ မရှိတော့ဘူး ဖြစ်နေတာ။ လုပ်သားရင်းမြစ် ရှားပါးနေတာပေါ့။ အဲဒါကြောင့် မြန်မာအပါအဝင် အရှေ့တောင်အာရှ နိုင်ငံတွေနဲ့ တခြား အလျဉ်းသင့်တဲ့ နိုင်ငံတွေကနေ လုပ်သားတွေခေါ်ယူဖို့ စီစဥ်နေတာ” လို့ သူက ပြောပါတယ်။

လက်ရှိမှာ ရုရှားအစိုးရဘက်မှ လုပ်သားသစ်တွေ စုဆောင်းခြင်းအတွက် ဘာသာစကားသင်တန်းတွေ စတင်နေပြီဖြစ်ကာ မြန်မာနိုင်ငံအနေနဲ့ ပြည်ပကို MoU စနစ်နဲ့ လုပ်သားစေလွှတ်မှုတွေမှာ ထိုင်း၊ ဂျပန်နဲ့ ကိုရီးယားနိုင်ငံတို့အပြင် ရုရှားနိုင်ငံလည်း ပါဝင်လာပြီဖြစ်တယ်လို့ သိရပါတယ်။

Photo:CJ

Credit - VOM News Agency

#သတင်းဟင်းလေးအိုးကြီး

အပြောင်းအရွှေ့အတွက် ပီအက်စ်ဂျီနဲ့ဆာလက် ဆွေးနွေး

ဒီဇင်ဘာ ၃

လီဗာပူးလ်အသင်း တောင်ပံကစားသမား ဆာလက်ဟာ ပီအက်စ်ဂျီအသင်းနဲ့ အပြောင်းအရွှေ့အတွက် ဆွေးနွေးမှု ပြုလုပ်နေတယ်လို့ ပြင်သစ်မီဒီယာတွေက ဖော်ပြထားပါတယ်။

ဆာလက်နဲ့ လီဗာပူးလ်အသင်းတို့ရဲ့ စာချုပ်ဟာ ဒီရာသီကုန်ရင် ကုန်ဆုံးပြီဖြစ်ပေမယ့် လီဗာပူးလ်အသင်းဟာ သူ့ကို စာချုပ်သစ် ကမ်းလှမ်းမှု ပြုလုပ်ရခြင်း မရှိသေးပါဘူး။

ဒါကြောင့် ဆာလက်ဟာ လာမယ့် နွေရာသီမှာ လီဗာပူးလ်အသင်းကနေ အလွတ်နဲ့ ထွက်ခွာရဖို့ရှိနေတာ ဖြစ်ပါတယ်။

ဆာလက်က လီဗာပူးလ်အသင်းဟာ သူ့ကို စာချုပ်သစ် ကမ်းလှမ်းရခြင်း မရှိသေးတာကြောင့် ဆက်ရှိဖို့ထက် ထွက်ခွာဖို့က ပိုပြီးဖြစ်နိုင်တယ်လို့ ပြောထားတာပါ။

ဒါအပြင် ဆာလက်ဟာ မန်စီးတီးအသင်းနဲ့ ပွဲအပြီးမှာလည်း ဒီပွဲဟာ လီဗာပူးလ်အသင်း ကစားသမားဘဝ အန်ဖီးလ်မှာ ကစားတဲ့ မန်စီးတီးအသင်းနဲ့ နောက်ဆုံးပွဲစဉ်လို့ ပြောခဲ့ပါတယ်။

ဒီအချိန်မှာ ပြင်သစ်သတင်းစာ L'Equipe က ဆာလက်ဟာ ပီအက်စ်ဂျီအသင်းနဲ့ ဆွေးနွေးမှု ပြုလုပ်ပြီးနောက် လာမယ့် နွေရာသီမှာ ပြင်သစ်ကလပ်ထံ ပြောင်းရွှေ့ဖို့ တံခါးဖွင့်ထားတယ်လို့ ဖော်ပြခဲ့ပါတယ်။

ပီအက်စ်ဂျီအသင်းဟာ အသင်းနဲ့ စာချုပ် ကုန်ဆုံးပြီးနောက် ရီးရယ်လ်အသင်းထံ ပြောင်းရွှေ့သွားခဲ့တဲ့ ဘတ်ပီရဲ့ နေရာကို အစားထိုးဖြည့်ဖို့ ရှာဖွေမှုတွေပြုလုပ်နေတာပါ။

ပြင်သစ်ကလပ်ဟာ ပြီးခဲ့တဲ့နွေရာသီမှာ ယူနိုက်တက်အသင်းက ဆန်ချိုနဲ့ နာပိုလီအသင်းက ကာဗီချာတို့ကို ခေါ်ယူဖို့ ကြိုးပမ်းခဲ့ပေမယ့် အဆင်မပြေခဲ့တာ ဖြစ်ပါတယ်။

ပီအက်စ်ဂျီအသင်းဟာ ဘီလ်ဘာအိုအသင်း တောင်ပံကစားသမား နီကိုဝီလီယံစ်ကို စိတ်ဝင်စားကြောင်းလည်း ပြသခဲ့ပေမယ့် လာမယ့်နွေရာသီမှာ ဆာလက်ကိုခေါ်ယူနိုင်ဖို့က သူတို့အတွက် အကောင်းဆုံး အခွင့်အရေးဖြစ်ဖို့ ရှိနေတာပါ။

လီဗာပူးလ်အသင်းဟာ နှစ်သစ် မစတင်ခင်မှာ ဆာလက်ကို စာချုပ်သက်တမ်း မတိုးနိုင်ခဲ့ရင် သူဟာ အင်္ဂလန် ပြင်ပကလပ် အသင်းတွေနဲ့ အပြောင်းအရွှေ့အတွက် လွတ်လပ်စွာ ဆွေးနွေးညှိနှိုင်းလို့ ရရှိမှာဖြစ်ပါတယ်။

ဆာလက်ဟာ လီဗာပူးလ်အသင်းကနေ ထွက်ခွာရဖို့ရှိနေပေမယ့် ဒီရာသီမှာ အသင်းနဲ့အတူ ဆုဖလား အောင်မြင်မှုတွေ ရယူနိုင်ဖို့ မျှော်လင့်ကြောင်း ပြောထားတာပါ။

အသက် ၃၂ နှစ်အရွယ်ရှိ ဆာလက်ဟာ ဒီရာသီမှာ လီဗာပူးလ်အသင်းအတွက် ပွဲပေါင်း ၂၀ ပါဝင် ကစားထားပြီး ၁၃ ဂိုး သွင်းယူကာ ဂိုးဖန်တီးမှု ၁၁ ကြိမ် ပြုလုပ်ထားတာ ဖြစ်ပါတယ်။

Source: Goal

ပုံ - ဆာလက်ကို တွေ့ရစဉ်

#centralnewsnaypyitaw