အဂ်လိပ်စကားလုံးတိုများ မှတ်ထားရအောင်🥰🥰

#englisheverywhere

🌟တစ်ပတ်တာသင်္ချာဗေဒဟောကိန်း🌟

(၁)ဂဏန်းသမားများ ( ၁၊ ၁၀၊ ၁၉၊ ၂၈ ရက်မွေးသူများ)
စီးပွားရေး နှင့်ငွေကြေးအခြေအနေအသင့်အတင့်ရှိပြီးဝင်ငွေနဲ့ထွက်ငွေညီမျှနေပါလိမ့်မည်။ပညာရေးတွင်လမ်းပျောက်နေတတ်သော်လည်းအတွေအမြင်အသစ်များရရှိနိုင်ပြီးမိမိနှင့်သင့်တော်သောလမ်းကြောင်းသစ်ပေါ်လာပါလိမ့်မည်။ကျန်းမာရေး အနေဖြင့်ကိုယ်လက်ကိုက်ခဲနာကျဥ်ခြင်းအရိုးအဆစ်များကိုက်ခဲခြင်းကိုသတိပြုသင့်ပါတယ်။အချစ်ရေးနှင့်ပါတ်သက်၍စိတ်အလိုမကျဖြစ်တတ်ပြီးအချင်းချင်းပြိုင်ဆိုင်တင်းမာမှုများဖြစ်တတ်သောကြောင့်မိမိ၏စိတ်ခံစားချက်နှင့်ဦးနှောက်ကိုမျှတစွာတွေးခေါ်သင့်ပါတယ်။

(၂) ဂဏန်းသမားများ ( ၂၊ ၁၁၊ ၂၀၊ ၂၉) ရက်မွေးသူများ
စီးပွားရေး နှင့်ငွေကြေးတွင်မိမိ၏ဝင်ငွေထွက်ငွေကိုထိန်းညှိစီမံနိုင်ပါကပို၍အဆင်ပြေပါလိမ့်မည်။ပညာရေးတွင်ကံဇာတာကောင်းမွန်ပြီးတီထွင်ဆန်းသစ်မှုများပြုလုပ်သင့်သောကာလဖြစ်ပါတယ်။ကျန်းမာရေး အနေနဲ့ခါးအောက်ပိုင်းဆိုင်ရာဝေဒနာများသတိထားဖို့လိုပါတယ်။အချစ်ရေးတွင်ကံအသင့်အတင့်ရှိပြီးမိမိမာနကြောင့်နာလည်မှုလွဲနိုင်ခြင်းကိုသတိပြုရပါမည်။
 
(၃) ဂဏန်းသမားများ ( ၃၊ ၁၂၊ ၂၁၊ ၃၀) ရက်မွေးသူများ
စီးပွားရေးအနေဖြင့်စီးပွားရေးနှင့်ငွေကြေးအခက်အခဲများစတင်ပြေလည်လာပါလိမ်မည်။ပညာရေးကံအထူးကောင်းမွန်သောကာလဖြစ်သဖြင့်ပညာသစ်များဆည်းပူးသင့်သောကာလဖြစ်သည်။ကျန်းမာရေး တွင်ခါးအထက်ပိုင်းနှင့်မျက်စိအမြင်ဆိုင်ရာကိုပိုသတိထားသင့်ပါသညိ။အချစ်ရေးတွင်တစ်ဖက်၏လွှမ်းမိုးမှုကိုခံရတတ်သောကြောင့်သူဘက်ကိုယ့်ဘက်အပြောအဆိုဆင်ခြင်သင့်ပါသည်။

(၄)ဂဏန်းသမားများ  (၄၊ ၁၃၊ ၂၂၊ ၃၁) ရက်မွေးသူများ
စီးပွားရေး နှင့်ငွေကြေးပိုင်းတွင်ကြပ်တည်းနေနိုင်သော်လည်းကာလတိုသာဖြစ်၍ပြေလည်လာပါလိမ့်မယ်။ပညာရေးပိုင်းတွင်အသင့်အတင့်ရှိပြီးစိတ်အာရုံစူးစိုက်မှုအားနဲနေတတ်ပါတယ်။ကျန်းမာရေး အနေဖြင့်စိတ်နှင့်ဦးခေါင်းပိုင်းဆိုင်ရာများကိုအထူးသတိထားရပါမယ်။ သွေးအားနဲခြင်းကိုလဲသတိထားရန်လိုအပ်ပါတယ်။အချစ် ရေးကံအနေနဲ့အနှောက်အယှက်များပြီးစိတ်ခံစားလွယ်နေတတ်ပါတယ်။အချင်းချင်း ပြောဆိုဆက်ဆံရာတွင်သတိထား၍ပြောဆိုရန်လိုပါလိမ့်မယ်။


(၅) ဂဏန်းသမားများ (၅၊ ၁၄၊ ၂၃) ရက်မွေးသူများ
  စီးပွားရေး နှင့်ငွေကြေးအသင့်အတင်ရှိပြီးပုံမှန်ဝင်ငွေများရရှိပါလိမ့်မည်။ပညာရေးတွင်မိမိလျှောက်သောလမ်းနှင့်မိမိဝါသနာကိုက်ညီမှုမရှိဖြစ်တတ်ပါသည်။ကျန်းမာရေး ကောင်းမွန်ပြီးစိတ်ခံစားခိက်နှင့်အာရုံကြောပိုင်းဆိုင်ရာကိုသတိပြုသင့်ပါသည်။အချစ်ရေးကံအသင့်အတင့်ရှိပြီးကာလတိုပျော်ရွှင်မှုမျိုးခံစားရပါလိမ့်မည်။စိတ်အတက်အကျများသောကြောင့်မိမိဆုံးဖြတ်ချက်များကိုသတိပြုရန်လိုအပ်ပါသည်။
 

(၆) ဂဏန်းသမားများ ( ၆၊ ၁၅၊ ၂၄) ရက်မွေးသူများ
စီးပွားရေး နှင့်ငွေကြေးကံကောင်းမွန်သော်လည်းလိမ်လည်လှည့်ဖြားမှုခံရခြင်း ဆုံးဖြတ်ချက်မှားခြင်းစသည်တို့နှင့်ပါတ်သက်၍သတိထားရန်လိုပါလိမ့်မယ်။ပညာရေးပိုင်းတွင်မိမိလျှောက်နေသောလမ်းနှင့်မိမိအတွက်သင့်တော်သောလမ်းကိုက်ညီမှုမရှိဖြစ်တတ်ပါတယ်။ကျန်းမာရေး ကံကောင်းမွန်ပြီးစိတ်ခံစားချက်နှင့်အာရုံကြောပိုင်းဆိုင်ရာရောဂါများသတိပြုရပါမယ်။အချစ်ရေးမှာသင့်တင့်သောကံရှိသော်လည်းမိမိ၏စိတ်လိုက်မာန်ပါပြောဆိုခြင်းတဇွတ်ထိုးဆန်ခြင်းတို့ကြောင့်မဖြစ်သင့်သောပြသနာများကြုံလာရတတ်ပါတယ်။

(၇) ဂဏန်းသမားများ(၇၊ ၁၆ ၊ ၂၅) ရက်မွေးသူများ
စီးပွားရေး ကံ အသင့်အတင့်ကောင်းမွန်ပြီးမိမိလုပ်ငန်းနှင့်ဆိုင်သော  သို့  ငွေကြေးနှင့်ပါတ်သက်ပြီး စကားပြောရတတ်ပါတယ်။မိမိရရှိသောဝင်ငွေထက်လုပ်အားပိုရပါလိမ့်မယ်။ပညာရေးတွင်အပြိုင်အဆိုင်ရှိတတ်ပြီးတွေးခေါ်မှုမှားယွင်းခြင်းကဲ့သို့သောအခက်အခဲများကြုံတွေ့ရနိုင်ပါတယ်။ကျန်းမာရေး အနေနဲ့ခါးအထက်ပိုင်းနှင့်အာရုံကြောဆိုင်ရာရောဂါများသတိပြုရပါမယ်။အချစ်ရေးတွင် ပြိုင်ဆိုင်သူများပြီးမထင်မှတ်ထားသောအကြောင်းအရာငယ်များနှင့်ပါတ်သက်၍ငြင်းခုန်ရတတ်ပါတယ်။
 

(၈) ဂဏန်းသမားများ ( ၈၊ ၁၇ ၊ ၂၆) ရက်မွေးသူများ
စီးပွားရေး နှင့်ငွေကြေးကံသင့်တင့်သော်လည်းမိမိ၏ဝင်ငွေထွက်ငွေကိုထိန်းညှိရန်လိုအပ်ပါတယ်။ပညာရေးတွင်မိမိစိတ်ပါသောလမ်းကြောင်းများကိုဦးစားပေးသင့်သောကာလဖြစ်ပါတယ်။ကျန်းမာရေး အနေဖြင့်ကောင်းမွန်ပြီးအရိုးအဆစ်နှင့်ဆိုင်ရာရောဂါများသတိပြုသင့်ပါတယ်။အချစ်ရေးတွင်အချင်းချင်းသူ့ဘက်ကိုယ့်ဘက်တွေးပေးတတ်ပါကအဆင်ပြေပါလိမ့်မယ်။

(၉) ဂဏန်းသမားများ(၉၊ ၁၈၊ ၂၇) ရက်မွေးသူများ
ဒီရာသီဖွားများအနေနဲ့လတ်တလောတွင်တဇွတ်ထိုးဆန်နေတတ်သောကြောင့်အမှားများတတ်ပါတယ်။စီးပွားရေး ကံ အသင့်အတင့်ကောင်းမွန်ပါတယ်။ပညာရေးတွင် အ‌‌တွေးအမြင်သစ်အကြံအစည်သစ်‌များ ရရှိပြီးအဆင်ပြေကောင်းမွန်ပါလိမ့်မယ်။ ကျန်းမာရေး အနေနဲကြီးကြီးမားမားရောဂါမရှိပါ။အချစ်ရေးတွင် ပြိုင်ဆိုင်သူများပြီးရွေးချယ်စရာများနေပါလိမ့်မယ်။


#tarotqueen

Part-1
ဒီမိုကရေစီ ဟူသည် (၁)
ဒီမိုကရေစီဟူသည်ကား ပြည်သူ့အုပ်စိုးမှု ဖြစ်သည်။
ဒီမိုကရေစီနိုင်ငံများတွင် အချုပ်အခြာ အာဏာကိုပြည်သူတို့ပိုင်ဆိုင်၍၊ ပြည်သူသည် အစိုးရနှင့် လွှတ်တော်တို့၏ အထက်တွင် ရှိသည်။
ဒီမိုကရေစီနိုင်ငံ တစ်ခုနှင့်တစ်ခုကြား မသိမသာ အသွင်ကွဲမှုများရှိတာ မှန်သော်လည်း ဒီမိုကရေစီနိုင်ငံတိုင်းမှာပင် အောက်တွင် ဖော်ပြသည့် နိုင်ငံရေးစနစ် (မူဝါဒ)များနှင့် လက်တွေ့လုပ်ဆောင်ပုံများ တွေ့ရှိရမည် ဖြစ်သည်။
၁။ ဒီမိုကရေစီ နိုင်ငံများတွင် နိုင်ငံသားတို့သည် တိုက်ရိုက်နည်းဖြင့် လည်းကောင်း၊ ကိုယ်စားလှယ်များမှတစ်ဆင့် လည်းကောင်း၊ နိုင်ငံရေး အာဏာကို ကျင့်သုံးကြသကဲ့သို့၊ ရပ်ရေးရွာရေး နိုင်ငံရေးဆိုင်ရာ ပြည်သူ့ ဝတ္တရားများကိုလည်း ထမ်းဆောင်ကြသည်။
၂။ ဒီမိုကရေစီနိုင်ငံတွင် လူသား၏ လွတ်လပ်ခွင့်များကို ကာကွယ် စောင့်ရှောက်သည့် မူဝါဒများ ချမှတ်ထားပြီး၊ ၎င်းအတိုင်း လက်တွေ့ ဆောင်ရွက်သည်။ တစ်နည်းပြောသော် လွတ်လပ်ခွင့်ကို လူ့အဖွဲ့အစည်း၏ အမှတ်လက္ခဏာတစ်ရပ်ဖြစ်အောင် ထုံးဓလေ့ အစဉ်အလာများအားဖြင့် အခိုင်အမာပြုခြင်း ဖြစ်သည်။
၃။ ဒီမိုကရေစီသည်လူများစုအုပ်စိုးမှုနှင့် လူနည်းစု သို့မဟုတ် လူတစ်ဦးချင်း တို့၏ အခွင့်အရေးကို အသိအမှတ်ပြုမှုတို့ တွဲဖက်ထားသော စနစ်ဖြစ်သည်။ ဒီမိုကရေစီ နိုင်ငံတိုင်းတွင် အများစု၏ ဆန္ဒကို အလေးထားသည်။ သို့သော် လူနည်းစု သို့မဟုတ် လူတစ်ဦးချင်းတို့၏ အခြေခံ အခွင့်အရေးများကိုလည်း အခိုင်အမာ ကာကွယ်စောင့်ရှောက်သည်။
၄။ ဒီမိုကရေစီနိုင်ငံများတွင် အာဏာကို ဗဟိုအစိုးရ တစ်ခုတည်း လက်တွင် စုစည်းမထားဘဲ ဒေသန္တရများသို့ ဖြန့်ခွဲပေးနိုင်အောင် သတိပြု လုပ်ဆောင် ကြသည်။ ဒေသန္တရ အစိုးရများသည်လည်း ပြည်သူတို့ အလှမ်းမီ ထိတွေ့ နိုင်ပြီး၊ ပြည်သူ့သဘောဆန္ဒကို အလေးထား ဆောင်ရွက်ကြရသော သဘောရှိသည်။
၅။ ဒီမိုကရေစီအစိုးရများအနေနှင့် အခြေခံ လူ့အခွင့်အရေးများဖြစ်သော လွတ်လပ်စွာ ပြောဆိုခွင့်၊ လွတ်လပ်စွာ ကိုးကွယ်ခွင့်၊ ဥပဒေ၏ ကာကွယ် စောင့်ရှောက်မှုကို တန်းတူညီမျှ ရရှိခွင့်၊ နိုင်ငံရေး စီးပွားရေး ယဉ်ကျေးမှု ရေးရာများနှင့် စပ်လျဉ်း၍ စည်းရုံးဆော်သြခွင့်၊ ပါဝင်ဆောင်ရွက်ခွင့် စသည်တို့အား ကာကွယ်စောင့်ရှောက်ဖို့သည် မိမိတို့၏ အရေးကြီးသော တာဝန်တစ်ရပ်ဖြစ်ကြောင်း ကောင်းစွာ သိမှတ်ကြသည်။

#ဆက်ရန်ရှိ

Part-2
ကဗျာဆရာ မောင်သိင်္ဂါ
မလင်းပြာဆိုတာရော အဓိပ္ပာယ်သိလား။ လင်းပြာဆိုတာ ချိုးလင်းပြာလို့ ပြောတာ။ သဘောကောင်းတဲ့၊ အေးဆေးတဲ့ ငြိမ်းချမ်းရေး ချိုးမလေးလို့ အဓိပ္ပာယ် ရတယ်။ ကျီးကန်းတို့၊ ဆက်ရက်တို့(ဇရက်)တို့လို မစွာဘူး မပျာယာဘူးပေါ့။
မလင်းပြာ
မလင်းပြာ
မင်းဘာကြောင့် မိုက်ချင်တယ်
မလင်းပြာ
မင်းဘာကြောင့် စိမ်းရတယ်
မလင်းပြာ
ငါ့လက်တံ လက်မောင်းတွေဟာ
တရကြမ်း ချီလာနေတဲ့
သံချပ်ကာ တင့်ကားကြီးကို
ကာဆီးဟန့်တား
ဆွဲကိုင်ရပ်ထားနိုင်အောင် သန်မာရမယ်။

မလင်းပြာ
ငါ့ရင်ကိုခွဲ
ငါ့အသည်းနှလုံးကိုထုတ်
နောက်တစ်လှမ်းဆုတ်
ရှေ့တအားပစ်သွင်းလိုက်ရင်
“မရင်းတပ်သားတွေ အတုံးအရုံး ဗုန်းခနဲ ဗုန်းခနဲ
လဲသေစေနိုင်ရမယ်။
မလင်းပြာ
ငါမလွမ်းချင်ဘူး
မလင်းပြာ
ငါမငိုချင်ဘူး။
ငါ မပျော့ချင်ဘူးကွယ်။
ငါ ခုပဲ စစ်ထွက်ရတော့မယ်
မလင်းပြာ
ငါ ဗီယက်နမ်ကို သွားရမယ် အဲဒီမှာ ရွှံ့ရည်ညစ်ညစ်
သလုံးသားနှစ်တဲ့ လယ်တရိုးမှာ
ပျိုးနုတ်နေသူ လုံမရဲ့
ကျောက ရိုင်ဖယ်ကိုယူ
ကျူးလာသူ လေယာဉ်မှန်သမျှ ငါစောင့်ပစ်ပေးရမယ်။

#ဆက်ရန်ရှိ

ထရမ့်နှင့် ကင်မ်အတွက် တောင်ကိုရီးယားက လမ်းပြမြေပုံရေးမည်

ဆိုးလ်၊ ဒီဇင်ဘာ ၁၉

တောင်ကိုရီးယားသည် အမေရိကန်ရွေးကောက်ခံသမ္မတ ဒေါ်နယ်ထရမ့် (Donald Trump) နှင့် မြောက်ကိုရီးယား တို့အတွက် လမ်းပြမြေပုံတစ်ခု ရေးဆွဲရန် စီစဉ်နေကြောင်း တောင်ကိုရီးယားနိုင်ငံခြားရေးဝန်ကြီး ချိုတေးယူလ် (Cho Tae-yul) က ပြောကြားခဲ့ကြောင်း ရိုက်တာမှ ဖော်ပြခဲ့သည်။

တောင်ကိုရီးယားတွင် နိုင်ငံရေး အခြေအနေ မတည်မငြိမ် ဖြစ်နေချိန်တွင် ထရမ့်က မြောက်ကိုရီးယားနှင့် နျူကလီးယား ဆွေးနွေးမှုများ ပြန်လည်ပြုလုပ် လာနိုင်ခြေရှိသည်။

ထိုအခြေအနေအတွက် ကြိုတင်ပြင်ဆင်ရန် လမ်းပြမြေပုံတစ်ခု ရေးဆွဲရန် စီစဉ်ခဲ့ခြင်း ဖြစ်သည်ဟု ချိုက ပြော သည်။

ချိုသည် ဘဏ္ဍာရေးဝန်ကြီး ချွဲဆန်မွတ် (Choi Sang-mok ) နှင့်ပြုလုပ်သည့် ပူးတွဲသတင်းစာ ရှင်းလင်းပွဲတွင် သမ္မတယွန်းဆော့ရွဲ (Yoon Suk Yeo) ၏ အောင်မြင်ခဲ့ခြင်းမရှိသည့် စစ်အုပ်ချုပ်ရေးအမိန့် ကြေညာခဲ့ပြီး နောက်ပိုင်း စျေးကွက်ကို တည်ငြိမ်စေရန်နှင့် မဟာမိတ်များနှင့်ဆက်ဆံရေးကို ထိန်းသိမ်းရန် ကြိုးပမ်းနေကြောင်း ပြောကြားခဲ့သည်။

တောင်ကိုရီးယားသည် ထရမ့်၏ မဲဆွယ်စည်းရုံးရေးအဖွဲ့နှင့် ကွန်ရက်တစ်ခု တည်ဆောက်ပြီး ဆက်သွယ်ရေး လမ်းကြောင်းများကို တည်ထောင်ခဲ့သော်လည်း ယွန်း၏ စစ်အုပ်ချုပ်ရေးအမိန့် ကြေညာမှုသည် ထိုဆက်သွယ်ရေး လမ်းကြောင်းများကို အနှောင့်အယှက် ဖြစ်စေခဲ့ကာ နှစ်နိုင်ငံအကြား နိုင်ငံရေးအရှိန်အဟုန်ကို လျော့ကျစေခဲ့သည် ဟု ချိုက ပြောသည်။

ထရမ့်သည် ၎င်း၏ ထောက်လှမ်းရေး အကြီးအကဲဟောင်းကို မြောက်ကိုရီးယား မူဝါဒ အပါအဝင် အထူးမစ်ရှင်များ အတွက် သံတမန်အဖြစ် ရွေးချယ်ခဲ့သဖြင့် အမေရိကန်နှင့် မြောက်ကိုရီးယားအကြား ဆွေးနွေးပွဲများ ပြန်လည် စတင်မည့် အလားအလာရှိနေကြောင်း တောင်ကိုရီးယားအရာရှိများက ပြောကြားခဲ့သည်။

ထိုအခြေအနေအတွက် တောင်ကိုရီးယားဘက်က ကြိုတင်ပြင်ဆင်ရန် နိုင်ငံခြားရေးဝန်ကြီး ချို၏ အဖွဲ့သည် လမ်းပြမြေပုံတစ်ခု ရေးဆွဲနေကြောင်း နိုင်ငံခြားရေးဝန်ကြီးဌာနက ထုတ်ပြန်ခဲ့သည်။

"ထရမ့်က မြောက်ကိုရီးယား နျူကလီးယား ပြဿနာကို လျစ်လျှူရှုမထားတဲ့ အထောက်အထားတွေ ရှိနေတာ ကြောင့် ကျနော်တို့က ဒီအစီအစဉ်ကို လုပ်ဆောင်ခဲ့တာပါ။ ကျနော်တို့အနေနဲ့ ဖြစ်လာမှ တုန့်ပြန်တာထက် ကြိုတင်ပြင်ထားဖို့ လိုတယ်လို့ ထင်ပါတယ်" ဟု ချိုက ပြောကြားခဲ့သည်။

"မြောက်ကိုရီးယားနဲ့ ကျနော်တို့ရဲ့ ဆက်ဆံရေးဟာ ပြတ်တောက်သွားခဲ့ပါတယ်။ ဒါပေမယ့် ကျနော်တို့ဟာ နျူကလီးယားကိစ္စ အပါအဝင် မြောက်ကိုရီးယားနဲ့ ဆွေးနွေးဖို့ အခွင့်အလမ်း အားလုံးကို ဖွင့်ထားပါတယ်" ဟု ၎င်းက ပြောသည်။

မြောက်ကိုရီးယားသည် ကြိုတင်သတ်မှတ်ချက်များ မပါဘဲ ဆွေးနွေးမှုများ ပြုလုပ်လိုသည့် လက်ရှိ အမေရိကန် သမ္မတ ဂျိုးဘိုင်ဒန် (Joe Biden)၏ ကမ်းလှမ်းချက်ကို ၄ နှစ်လုံးလုံး လျစ်လျှူရှုခဲ့သည်။

သို့သော် ထရမ့်တို့ အဖွဲ့ကမူ မြောက်ကိုရီးယားခေါင်းဆောင် ကင်မ်ဂျုံအန် (Kim Jong Un) နှင့် တိုက်ရိုက် ဆွေးနွေးမှုများ ပြုလုပ်ရန် ကြိုးပမ်းလျက်ရှိသည်။

Source: ရိုက်တာ

ပုံ - ဒေါ်နယ်ထရမ့်နဲ့ ကင်မ်ဂျုံအန်ကို တွေ့ရစဉ်

#centralnewsnaypyitaw

တရားမဝင်မြန်မာနိုင်ငံသားများ တင်ဆောင်လာသည့် ပစ်ကပ်ကား (၃) စီးက စစ်ဆေးရေးဂိတ်ကို ဝင်တိုက်၍ မောင်းပြေးရာက ထိုင်းရဲတပ်ဖွဲ့ဝင် ၁ ဦးသေဆုံးကာ ၁ ဦးဒဏ်ရာ

ဒီဇင်ဘာ ၁၉

တရားမဝင်မြန်မာနိုင်ငံသားများ တင်ဆောင်လာသည့် ပစ်ကပ်ကား (၃) စီးက စစ်ဆေးရေးဂိတ်ကိုဝင်တိုက်၍ မောင်းပြေးခဲ့ရာမှ ထိုင်းရဲတပ်ဖွဲ့ဝင် ၁ ဦးသေဆုံးကာ ၁ ဦးဒဏ်ရာရခဲ့မှု ဖြစ်ပွားခဲ့ကြောင်း သိရသည်။

အဆိုပါဖြစ်စဥ်မှာ ဒီဇင်ဘာလ ၁၇ ရက် ည ၁၀ နာရီခန့်က တရားမဝင်မြန်မာနိုင်ငံသားများလိုက်ပါလာသည့် ပစ်ကပ်ကား (၃) စီး ထိုင်း-မြန်မာ နယ်စပ်၊ တာ့ခ်ခရိုင်၊ ဝမ်ကျောက်မြို့နယ်မှ ကန်ဖယ်ဖစ်ခရိုင်၊ မူယန်င်မြို့နယ်ဘက်သို့ ဝင်ရောက်လာခဲ့ရာ ကန်ဖယ်ဖစ်ခရိုင်၊ မူယန်င်မြို့နယ်၊ နာဘော်ခမ်ကျေးရွာအနီးရှိ နောင်ဒဲင် -နာဘော်ခမ် ကားလမ်းပေါ် စစ်ဆေးရေးဂိတ်တွင် စစ်ဆေးရန် ရပ်တန့်ခိုင်းသည်ကို မရပ်ဘဲ ဝင်တိုက် မောင်းပြေးခဲ့ခြင်း ဖြစ်ကြောင်း သိရသည်။

စစ်ဆေးရေးဂိတ်ကိုတိုက်၍ မောင်းပြေးခဲ့သောကြောင့် ယင်းဂိတ်တွင်တာဝန်ကျနေသည့် အသက် (၂၈)နှစ်အ ရွယ် ထိုင်းရဲတပ်ဖွဲ့ဝင်တစ်ဦး ထိခိုက်ဒဏ်ရာများရကာ အခင်းဖြစ်နေရာတွင် ပွဲချင်းပြီးသေဆုံးသွားခဲ့သည့်အပြင် အသက်(၃၂)နှစ်အရွယ်ရှိ ထိုင်းရဲတပ်ဖွဲ့ဝင်တစ်ဦးတွင်လည်း ခြေထောက် ထိခိုက်ဒဏ်ရာရရှိခဲ့ကြောင်းနှင့် ရဲကားတစ်စီးပျက်စီး ဆုံးရှုံးခဲ့ကြောင်း သိရသည်။

အဆိုပါ ကား (၃) စီးကစစ်ဆေးရေးဂိတ်ကို ဝင်တိုက်ပြီးမောင်းနှင်ထွက်ပြေးသွားခဲ့၍ ထိုင်းရဲတပ်ဖွဲ့ဝင်များက လိုက်လံ၍ ဖမ်းဆီးခဲ့ရပြီး ဖမ်းဆီးရမိပြီးနောက် စစ်ဆေးမှုများပြုလုပ်ရာ ထိုင်းနိုင်ငံသား ကားမောင်းသူ (၃)ဦး ၊ထိုင်းနိုင်ငံအတွင်းသို့ တရားမဝင် ဝင်‌ရောက်လာသည့် မြန်မာနိုင်ငံသား(၁၉)ဦးတို့ကို ဖမ်းဆီးရမိခဲ့ကြောင်း သိရသည်။

ယခုအခါဖမ်းဆီးရမိသူ မြန်မာနိုင်ငံသား ၁၉ ဦးနှင့် ထိုင်းကားသမား(၃)ဦးတို့အား ထိုင်းရဲတပ်ဖွဲ့ဝင်များက ကန်ဖယ်ဖစ်ရဲစခန်းသို့ ပို့ဆောင်ပေးခဲ့ကြပြီးနောက် ဥပဒေအရ ထိရောက်စွာအရေးယူသွားမည်ဖြစ်ကြောင်း ထိုင်းဒေသတွင်း သတင်းများက ဖော်ပြကြသည်။

Credit - MT News Agency

#သတင်းဟင်းလေးအိုးကြီး

ဗိုလ်ချုပ်ကြီးတင်အောင်စန်းနှင့် ဗိုလ်ချုပ်ကြီးမောင်မောင်အေးကို ရာထူးပြောင်းရွှေ့

ဒီဇင်ဘာ ၁၉

ဗိုလ်ချုပ်ကြီး တင်အောင်စန်းနှင့် ဗိုလ်ချုပ်ကြီး မောင်မောင်အေးကို ရာထူး/တာဝန် အပြောင်းအလဲ လုပ်သည်ကို နစက-က ၂၀၂၄ ခုနှစ်၊ ဒီဇင်ဘာ ၁၈ ရက်နေ့က ထုတ်ပြန် ကြေညာခဲ့သည်။

ဗိုလ်ချုပ်ကြီးတင်အောင်စန်းကို ကာကွယ်ရေးဝန်ကြီး တာဝန်ကနေ နိုင်ငံတော်ဝန်ကြီးချုပ်ရုံး ဒုတိယဝန်ကြီးချုပ်နှင့် ပြည်ထောင်စုဝန်ကြီးအဖြစ် ပြောင်းရွှေ့ တာဝန်ပေးလိုက်ကြောင်း နစက-က သတင်းထုတ်ပြန်ခဲ့သည်။

ထို့နောက် တပ်မတော်ညှိနှိုင်းကွပ်ကဲရေးမှူး(ကြည်း၊ရေ၊လေ) တာဝန်ယူထားသည့် ဗိုလ်ချုပ်ကြီး မောင်မောင်အေး ကို ဒုတိယဝန်ကြီးချုပ်နှင့် ကာကွယ်ရေးဝန်ကြီးအဖြစ် ပြောင်းလဲ ခန့်အပ် တာဝန်ပေးလိုက်ကြောင်း နစက-က သတင်းထုတ်ပြန်ခဲ့သည်။

ဗိုလ်ချုပ်ကြီး တင်အောင်စန်းသည် ၂၀၁၅ ခုနှစ်၊ ဩဂုတ် ၁၁ ရက်မှ ၂၀၂၁ ခုနှစ်၊ ဖေဖော်ဝါရီလအထိ ကာကွယ်ရေး ဦးစီးချုပ်(ရေ)အဖြစ် တာဝန်ထမ်းဆောင်ခဲ့ပြီး ၂၀၂၁ ခုနှစ်၊ ဖေဖော်ဝါရီ ၃ ရက်မှ ၂၀၂၃ ခုနှစ်၊ ဩဂုတ် ၃ ရက်အထိ ပို့ဆောင်ရေးနှင့် ဆက်သွယ်ရေးဝန်ကြီးအဖြစ်လည်းကောင်း၊ ၂၀၂၃ ခုနှစ်၊ ဩဂုတ် ၃ ရက်မှ ၂၀၂၄ ခုနှစ်၊ ဒီဇင်ဘာ ၁၇ ရက်အထိ ကာကွယ်ရေးဝန်ကြီးအဖြစ်လည်းကောင်း အသီးသီး တာဝန် ထမ်းဆောင်ခဲ့သူ ဖြစ်သည်။

လက်ရှိအချိန်မှာလည်း နစက အဖွဲ့ဝင်အဖြစ်လည်း တာဝန်ထမ်းဆောင်လျက်ရှိသည်။

ဗိုလ်ချုပ်ကြီး မောင်မောင်အေးသည် ၂၀၂၁ ခုနှစ်၊ ဖေဖော်ဝါရီ ၁ ရက်မှ ၂၀၂၄ ခုနှစ်၊ ဒီဇင်ဘာ ၁၇ ရက်နေ့အထိ တပ်မတော် ညှိနှိုင်းကွပ်ကဲရေးမှူး (ကြည်း၊ရေ၊လေ)အဖြစ် တာဝန်ထမ်းဆောင်ခဲ့သလို ၂၀၂၃ ခုနှစ်၊ စက်တင်ဘာ ၂၅ ရက်မှ လက်ရှိအချိန်ထိ နစကအဖွဲ့ဝင်အဖြစ် တာဝန်ထမ်းဆောင်ခဲ့သည်။

ထို့နောက် နစက အဖွဲ့ဝင်အဖြစ်လည်းကောင်း၊ ဒုတိယဝန်ကြီးချုပ်နှင့် ကာကွယ်ရေးဝန်ကြီး တာဝန်များကိုလည်း ပူးတွဲ တာဝန်ထမ်းဆောင်မည်ဖြစ်သည်။

ပုံ - ဗိုလ်ချုပ်ကြီးတင်အောင်စန်းနဲ့ ဗိုလ်ချုပ်ကြီးမောင်မောင်အေးကို တွေ့ရစဉ်

#centralnewsnaypyitaw

ရုရှား ဓါတုတပ်ဖွဲ့ရဲ့ထိပ်တန်းဗိုလ်ချုပ်ကြီးတစ်ဦးကို လုပ်ကြံသတ်ဖြတ်ခဲ့သူကို ဖမ်းဆီး

ဒီဇင်ဘာ ၁၉

ရုရှားလုံခြုံရေးအဖွဲ့ဟာ ရုရှားဗိုလ်ချုပ်ကြီး အိုင်ဂေါ လုပ်ကြံခံရမှုနဲ့ပတ်သက်ပြီး အသက် ၂၉ နှစ်အရွယ်ရှိ ဥဇဘက်ကစ္စတန် နိုင်ငံသားတစ်ဦးကို ဖမ်းဆီးထားတယ်လို့ သတင်းထုတ်ပြန်လိုက်ပါတယ်။

ရုရှား ဓါတု နဲ့ ဇီ၀ကာကွယ်ရေးတပ်ဖွဲ့ရဲ့ခေါင်းဆောင်ဖြစ်တဲ့ ဗိုလ်ချုပ်ကြီးအိုင်ဂေါ ကီရီလောဗ့် နဲ့ တပည့်ဖြစ်သူတို့ ဟာ ဒီဇင်ဘာလ ၁၇ ရက်က ရုရှားနိုင်ငံ မော်စကိုမြို့မှာ ဖြစ်ပွားခဲ့တဲ့ ပေါက်ကွဲမှုအတွင်း သေဆုံးခဲ့တယ်လို့ သိရပါတယ်။

ရုရှားစုံစမ်းရေးကော်မတီက "၁၉၉၅ ခုနှစ်မှာ မွေးဖွားတဲ့ ဥဇဘက်ကစ္စတန်နိုင်ငံသားကို ရုရှားဗိုလ်ချုပ်ကြီးနဲ့ သူရဲ့ လက်ထောက်ဖြစ်သူတို့ သေဆုံးစေခဲ့တဲ့တိုက်ခိုက်မှုနဲ့ပတ်သက်ပြီး သံသယရှိတဲ့အတွက် ဖမ်းဆီးလိုက်တယ်။ အဲဒီ ဥဇဘက်ကစ္စတန်နိုင်ငံသားဟာ ယူကရိန်းအထူးတပ်ဖွဲ့ရဲ့လူသစ်စုဆောင်းခြင်းခံခဲ့ရသူဖြစ်တယ်" လို့ပြောပါတယ်။

ရုရှားဗိုလ်ချုပ်ကြီး လုပ်ကြံခံရခြင်းနောက်ကွယ်မှာ ယူကရိန်းနိုင်ငံ ပါဝင်ဆက်နွယ်နေပြီး ယူကရိန်းလုံခြုံရေး ဝန်ဆောင်မှုအဖွဲ့ (SBU) အဖွဲ့က ပစ်မှတ်ထားလုပ်ကြံခဲ့ခြင်းဖြစ်တယ်လို့ သတင်းများထွက်ပေါ်နေပါတယ်။

ယူကရိန်းဟာ ဥဇဘက်ကစ္စတန်နိုင်ငံသားကို လုပ်ကြံမှုအတွက် အမေရိကန်ဒေါ်လာ ၁ သိန်းအပြင် ဥရောပရှိ အခြားနိုင်ငံမှာ နေထိုင်ခွင့်ပေးမယ်လို့ ကတိပေးခဲ့တယ်လို့ သိရပါတယ်။ရုရှား နဲ့ ယူကရိန်းနိုင်ငံကြားစစ်ပွဲဖြစ်လာခဲ့ပြီးနောက် အပြန်အလှန်လုပ်ကြံမှုတွေဖြစ်လာခဲ့ပြီး လက်ရှိလုပ်ကြံခံရတဲ့ ဗိုလ်ချုပ်ကြီးဟာ စစ်ပွဲဖြစ်လာခဲ့ပြီးနောက်ပိုင်း ယူကရိန်းစစ်တပ်က လုပ်ကြံခဲ့တဲ့ အဆင့်မြင့်ဆုံး ပုဂ္ဂိုလ်ဖြစ်လာခဲ့ပါတယ်။

#သတင်းဟင်းလေးအိုးကြီး