အပိုလူ ဖြစ်နေပြီလား ???
တစ်ခါတလေမှာ ကျွန်တော်တို့ဟာ
လူတစ်ယောက် ဒါမှမဟုတ် လူတစ်စုရဲ့ဘဝမှာ
အပိုလူ ဖြစ်နေတတ်ပါတယ်။
ကိုယ့်ရဲ့ဂရုစိုက်မှုတွေ၊
ချစ်ခင်ကြင်နာမှုတွေ၊
တန်ဖိုးထားမှုတွေက
သူတို့တွေအတွက် အရေးမပါတာမျိုး ဖြစ်နေတတ်ပါတယ်။
သူတို့ အမှားတော့မဟုတ်ပါဘူး။
ကိုယ်ပေးချင်တာကို သူတို့ဘက်က မလိုအပ်တာပါ။
ကိုယ်က သူတို့အတွက် အပိုလူတစ်ယောက်ပေါ့။
ကိုယ့်ရဲ့ ရှိခြင်း၊ မရှိခြင်းဟာ
သူတို့အတွက် ဘာမှပြောင်းလဲမှု မရှိပါဘူး။
ကျွန်တော့်အတွေ့အကြုံလေးတွေကို ပြောပြပါမယ်။
ကျွန်တော် လူတစ်ယောက်ရဲ့ ဘဝမှာ အပိုလူဖြစ်ခဲ့ဖူးတယ်။ လွန်ခဲ့တဲ့ ၆ နှစ်လောက်တုန်းက ကျွန်တော့် crush တစ်ယောက်ကို ချစ်ခွင့်ပန်ခဲ့တယ်။ သူက ကိုယ့်ကို အပြတ်တော့မငြင်းဘူး။ ဒါပေမယ့် ပြန်လည်း မချစ်ဘူး။ ကျွန်တော်ကတော့ အဖြေကိုစောင့်ရင်း သူ့ကို ဂရုစိုက်ပေးတယ်။ မကိုင်တဲ့ ဖုန်းတွေခေါ်တယ်။ Seen မပြတဲ့ message တွေပို့တယ်။ သူနဲ့နီးစပ်ခွင့်ရဖို့ အမျိုးမျိုးကြိုးစားတယ်။ ဒါပေမယ့် သူ့အတွက်ကတော့ အပိုတွေသက်သက်ပါပဲ။
ကျွန်တော့်မှာ Facebook စသုံးခါစတုန်းက သူငယ်ချင်းတစ်ဖွဲ့ ရှိခဲ့ဖူးတယ်။ ကျွန်တော်တို့အဖွဲ့ ခဏခဏတွေ့ကြတယ်။ သူတို့နဲ့ရှိနေတဲ့ကာလမှာ ကျွန်တော်ကို သိသိသာသာ လျစ်လျူရှုတာတွေ၊ အရေးမပါသလို ဆက်ဆံတာတွေ၊ နှိုင်းယှဉ်အပြစ်တင်တာတွေနဲ့ ကြုံခဲ့ရတယ်။ ဒါပေမယ့်လည်း ကိုယ်က သူတို့နဲ့ ဆက်ပြီးခင်မင်ချင်တဲ့အတွက် သူတို့ ကောင်းကောင်းမဆက်ဆံလည်း မသိချင်ယောင်ဆောင်ပြီးနေခဲ့တယ်။ ရူးသလို ပေါသလိုနဲ့ တွယ်ကပ်ခဲ့တယ်။ သူတို့အတွက် အပိုလူအဖြစ် ရှိနေခဲ့ရပါတယ်။
အဲ့သလို အဖြစ်မခံပါနဲ့။
အပိုလူဘဝကနေ ရုန်းထွက်ပါ။
ကျွန်တော်လည်း ရုန်းထွက်ခဲ့ပါတယ်။
ကိုယ့်ကို မလိုအပ်တဲ့သူတွေ၊
ကိုယ့်ကို တန်ဖိုးမထားတဲ့သူတွေဆီမှာ
ကြိတ်မှိတ် နေထိုင်နေစရာမလိုပါဘူး။
ပတ်ဝန်းကျင်ကို တစ်ချက်လောက် ကြည့်လိုက်ပါဦး။
ကိုယ့်ကို တကယ်တန်ဖိုးထားတဲ့ သူတွေရှိပါတယ်။
အဲ့ဒီလူတွေဆီကို မသွားဘဲနဲ့
ဘာဖြစ်လို့ တခြားသူတွေရဲ့ဘဝမှာ
အပိုလူ အဖြစ်ခံနေမှာလဲ။
ပျော်ရွှင်မှုဆိုတာ ကိုယ်တိုင်ရှာဖွေရပါတယ်။
အပိုလူဖြစ်ခြင်းက ပျော်စရာ မဟုတ်ပါဘူး။
ကျွန်တော်တို့က အပိုလူဖြစ်ဖို့
မွေးဖွားလာတာ မဟုတ်ပါဘူး။
ဘယ်သူ့အတွက်မှ အပိုလူ အဖြစ်မခံတော့တဲ့နောက်ပိုင်း
ပိုပြီးအေးချမ်းလာပါလိမ့်မယ်။
ပိုပြီးပျော်ရွှင်လာပါလိမ့်မယ်။
ပိုပြီးအောင်မြင်လာပါလိမ့်မယ်။
AD
#crd
