ခုလို ပိတ်ရက်မှာတော့ အလေးအနက် စဉ်းစားရတဲ့ ရုပ်ရှင်တွေထက် ပေါ့ပေါ့ပါးပါးနဲ့ ကြည့်လို့ကောင်းမယ့် ရုပ်ရှင်လေးတစ်ခုကို ပြောပြချင်ပါတယ်။မင်းသားဂျက်ကီချန်းပါဝင်ပြီးတော့ Hollywood ရုပ်ရှင်လေးဖြစ်ပါတယ်။မင်းသား ဂျက်ကီချန်းဆိုတဲ့အတိုင်း သူများနဲ့မတူတဲ့ Action တွေပါမယ် ပြီးတော့ ဟာသလေးတွေနဲ့အတူ မိသားစုအငွေ့အသက်လေးပါ ခံစားရစေမှာဖြစ်ပါတယ်။
ဇာတ်လမ်းကတော့ Bob ho ( ဂျက်ကီချန်း ) ဟာ အထူးအေးဂျင့်စပိုင် တစ်ယောက်ဖြစ်ပါတယ်။ဒါကြောင့်အခြားသူတွေမသိအောင် လျှို့ဝှက်ထားပြီး အများကတော့ သူ့ကို ဘောပင်ရောင်းတဲ့သူလို့ပဲ သိထားကြပါတယ်။Bob ဟာ အိမ်ဘေးမှာ Gillian နဲ့ရည်းစားတွေဖြစ်ပါတယ်။ Gillian မှာ သားတစ်ယောက် နဲ့ သမီး နှစ်ယောက်ရှိပြီး သူတို့အဖေကတော့ နိုင်ငံခြား ထွက်သွားပြီး ပြန်မလာတော့ပါဘူး။သူတို့က Bob ကို သူ့တို့အမေ နဲ့ ကြိုက်နေတာ ကိုသဘောမကျလို့ Bob နှင့် Gillian တို့နှစ်ယောက် ရှေ့ဆက်လို့်မရဖြစ်နေပါတယ်။ပြီးတော့ Gillian ကလည်း Bob ကို စပိုင်ဆိုတာမသိပါဘူး။
တစ်ရက်တော့ Gillian က သူ့မိဘတွေစီပြန်သွားတော့ သူ့သားသမီးတွေကို Bob နဲ့ရင်းနှီအောင်လို့ သူ့ကလေးတွေကို ထားခဲ့လိုက်ပါတယ်။ဒီလိုနဲ့ပဲ Bob လည်း ကလေးတွေနဲ့ ရင်းနှီအောင် ကြိုးစားရင်း သူ့စပိုင်အလုပ်ရဲ့ နောက်ဆုံးအလုပ်ကို လုပ်ပြီး အနားယူလိုက်ပါတယ်။နောက်တော့ Bob က စပိုင်အလုပ်ကနေ နားလိုက်ပြီး ကလေးတွေကိုပဲ အချိန်ပေးဖို့ လုပ်နေတုန်း စပိုင်အလုပ်ကရန်သူတွေက သူအိမ်အထိရောက်လာပါတယ်။ဒီလိုနဲ့ Bob တစ်ယောက် ကလေးတွေကိုကာကွယ်ပေးရင်း ရန်သူတွေကို ဘယ်လိုဖြတ်ကျော်သွားမလဲဆိုတာကို ရုပ်ရှင်ထဲမှာ ကြည့်ရှုရမှာဖြစ်ပါတယ်။
ဂျက်ကီချန်းရဲ့ ဇာတ်ကားတွေအတိုင်း ပေါ့ပေါ့ပါးပါးလေး နဲ့ ဟာသတွေအပြင် မိသားစု နဲ့အတူ ကြည့်လို့အဆင်ပြေတဲ့ ရုပ်ရှင်တစ်ခုဖြစ်ပါတယ်။ဒါကြောင့် ဒီနေ့အတွက် 2010 ခုနှစ်က ထွက်ရှိခဲ့တဲ့ "The Spy Next Door" ရုပ်ရှင်ကို ကြည့်ရှုခံစားကြဖို့ တိုက်တွန်းလိုက်ပါတယ်ခင်ဗျာ။
