Wrong Place (2022)
==================

Action, Crime, Thrillerကတုံးမင်းသားကြီး Bruce Willis ပါ၀င်ထားတဲ့ အက်ရှင်
ဇာတ်ကြမ်းကားသစ်လေးပါ။ဇနီးဖြစ်သူကို ကားမတော်မဆမှုမှာ ဆုံးရှုးလိုက်ရတဲ့ ရဲမှူးကြီး
ဖရန့်( Bruce Willis)ဟာ ရဲဘ၀ကနေ အနားယူပြီး ကင်‌ဆာ
ရောဂါသည် သမီး‌ကို စောင့်ရှောက်ရင်းနဲ့ ဘ၀ကို‌ဇာတ်မြှုပ်နေခဲ့ပါ
တယ်။ ဒါပေမယ့် မူးယစ်ဂိုဏ်းတစ်ခုရဲ့ ရန်ပွဲတစ်ခုကိုမျက်မြင်တွေ့
လိုက်ပြီး ၀င်ရောက်ပတ်သတ်မိသွားပါတယ်။ အဲ့ဒီတော့ ဖရန့်ရဲ့ ဘ၀
ထဲကို အန္တာရာယ်တွေ တစ်ဖန်ပြန်လည်ကျရောက်လာတဲ့အခါ တရား
ဥပဒေဘက်တော်သားပီပီ ကိုင်တွယ်ဖြေရှင်းပုံကို ပရိတ်သတ်ကြီးကပဲ ဆက်လက်စောင့်ကြည့်ရမှာပါ.....

ကိုယ်ချစ်တဲ့သူအတွက် အချိန်သာ နောက်ပြန်ဆုတ်လို့ရမယ်ဆိုရင် ကိုယ်မှားခဲ့တဲ့ အမှားတွေ အတွက် ပြင်ဆင်နိုင်မယ်လို့ ထင်လား။အရင်နှစ်ကမှ ထွက်ရှိထားတဲ့ အချစ်ရုပ်ရှင်ကားကောင်းလေးတစ်ခုဖြစ်တာမလို့ ဒီနေ့အတွက် ပြောပြချင်ပါတယ်။
ကူးယိရွှမ်း ဆိုတဲ့ကောင်လေးကတော့ ငယ်ငယ်ကတည်းက အမေမရှိတော့တဲ့ အပြင် အဖေကပါ အမြဲ မူးနေတဲ့သူတစ်ယောက်ဖြစ်ပါတယ်။အဲ့တာကြောင့် သူ့မွေးနေ့ကို တစ်ယောက်တည်းဖြတ်သန်းဖို့ ဆုံးဖြတ်ထားပေမယ့်လည်း ရှုရန်ဆိုတဲ့ ကောင်မလေးက
ကူးယိရွမ်းမွေးနေ့ကို အဖော်လုပ်ပေးခဲ့ပါတယ်။ဒီလိုနဲ့ တစ်ယောက် နှင့် တစ်ယောက် သိသွားကြပေမယ့်လည်း သူတို့နှစ်ယောက်ကွဲသွားကြပါတယ်။ဒါပေမယ့် သူတို့ နှစ်ယောက်ကကို ရေစက်ပါနေတော့လည်း အရွယ်ရောက်လာချိန်မှာတော့ ပြန်တွေ့ကြပါတယ်။ပြီးတော့ အချစ်ကားတွေ ထုံးစံအတိုင်း ချစ်မိသွားကြတာပေါ့။ပြီးဝောာ့ ချစ်သူတွေ သ‌ဘာ၀ တစ်ယောက်နဲ့ တစ်ယောက် နားလည်မှုတွေအပြည့်နဲ့ ပျော်ပျော်ရွှင်ရွှင်ဖြတ်သန်းနေကြတာပေါ့။ဒါပေမယ့်လည်း သူတို့ရဲ့ ပျော်ရွှင်မှုက ကြာရှည်မခံခဲ့ပါဘူး။သူတို့နှစ်ယောက် စကားများရန်ဖြစ်ကြရင်း ရှုရန် က ကားမတော်တဆ တစ်ခုဖြစ်သွားရင်း အသက်ပါ ဆုံးရှုံးသွားရပါတယ်။ဒီလိုနဲ့ နောင်တတွေ အပြည့်နဲ့ ယိရွမ်းက ရှုရန် လုပ်ပေးထားခဲ့တဲ့ ကိတ်မုန့်လေးကို ဖယောင်းတိုင်လေးထွန်းပြီး သူ့ချစ်သူကောင်မလေး ရှုရန်ကိုပြန်ရပါစေလို့ ဆုတောင်းလိုက်ပါတယ်။နောက်နေ့ မနက် ယိရွမ်း အိပ်ရာထလာတော့ ရှုရန် ကိုမဆုံးရှုံးရသေးခင် တစ်ရက်အလို အချိန်ကိုပြန်ရောက်သွားပါတယ်။အဲ့ဒီမှာပဲ အခြား အချစ်ကားတွေနဲ့ မတူတဲ့ အနှစ်သရ တစ်ခုကို ပေးသွားမှာဖြစ်ပါတယ်။ဒီလိုနဲ့ ယိရွမ်းတစ်ယောက်
ရှုရန်ကို ပြန်အသက်ရှင်လာအောင် ကယ်ဆယ်နိုင်မလား....
ဇာတ်ကားကတော့ ကြည့်တဲ့သူတွေ မျက်ရည် ဘူးသီးလောက်ကျအောင် ရိုက်ကူးထားတာမလို့ စိတ်ညစ်နေတဲ့သူတွေတော့ မကြည့်ဘဲ ပျော်နေတဲ့ ကိုယ့်သူငယ်ချင်းတွေကို စိတ်ညစ်သွားအောင် ကူညီပေးလိုက်ပါ :3။ရုပ်ရှင်နာမည်လေးကတော့ "Yesterday Once More (2023) ဖြစ်ပြီး မတူတဲ့ အနှစ်ရသကို ပေးတဲ့ အချစ်ကားကောင်းလေးတစ်ခုကို ကြည့်ရှုဖို့ တိုက်တွန်းလိုက်ပါတယ်ခင်ဗျာ။

2011 ခုနှစ်က ထွက်ရှိထားတဲ့ ရုပ်ရှင်တစ်ခုကိုဖြစ်ပြီး IMDB 8.5 တောင်ရရှိထားတဲ့ ရုပ်ရှင်တစ်ခုဖြစ်တာမလို့ ဒီနေ့အတွက် ပြောပြချင်ပါတယ်။

ဇာတ်လမ်းကတော့ မီလီယံ သူဌေးကြီး ဖီးလစ် ဟာ လေထီးခုန်ချရင်း မတော်တဆ တစ်ခုဖြစ်ပြီး ဒဏ်ရာအကြီးအကျယ် ရသွားပါတယ်။ဒီ မတော်တဆမှု ကြောင့် သူဌေးကြီး ဖီးလစ် ဟာ ခန္ဓာကိုယ် အောက်ပိုင်းကို ဆုံးရှုံးလိုက်ရပြီး သူ့ကျန်ရှိတဲ့ တစ်ဘ၀လုံးကို ဝှီးကျဲပေါ်မှာပဲ ရှင်သန်ရပါတော့တယ်။သူဌေးကြီး ဖီးလစ်ရဲ့ လူနာစောင့် အလုပ်ခေါ်တော့ ဒရစ် ဆိုတဲ့ကောင်လေး ရောက်လာပါတယ်။ဒရစ်က လူမဲ ထောင်ထွက်တစ်ယောက်ဖြစ်ပြီးဝောာ့ သူမိသားစု‌အတွက် ကြိုးစားရုန်းကန်နေရတဲ့ကောင်လေးတစ်‌ယောက်ဖြစ်ပါတယ်။ဒီလိုနဲ့ မီလီယံ သူဌေးကြီး ဖီးလစ် နှင့် လူမဲ ဒရစ်တို့ တစ်ယောက်နဲ့တစ်ယောက် စိတ်သန့်သန့်နဲ့ ဆက်ဆံကြတဲ့အခါ သူတို့ဘ၀ရဲ့ အတွေ့အကြုံ အမြင်တွေကို စိတ်၀င်တစား ကြည့်ရှုရမှာဖြစ်ပါတယ်။

ဒီလိုရုပ်ရှင်တွေကြည့်ရတာ အတွေးတစ်ခုမဟုတ် တစ်ခု‌တော့ ကျန်ခဲ့တာပါပဲ။ဟာသလေးတွေရောပြီး ရင်ထဲရောက်အောင် ရိုက်ပြထားတဲ့ ရုပ်ရှင်တစ်ခုဖြစ်တာမလို့ "The Intouchables (2011)" ကို ကြည့်ရှုခံစားဖို့ တိုက်တွန်းလိုက်ပါတယ်ခင်ဗျာ။

July လ 25 ရက်နေ့မှာဇာတ်သိမ်းမယ်လိုကြေညာလာပြီဖြစ်တဲ့ Vinland Saga manga

September လ 19 ရက်နေ့ ဂျပန်မှာစတင်ရုံတင်ပြသမယ့် Chainsaw Man – The Movie: Reze Arc

မိန်းကလေး တစ်ယောက် အချစ်ခံရတဲ့ ခံစားချက်ကို ပြသထားတဲ့အပြင် Relationship တစ်ခုကို အကောင်းဆုံးဖော်ပြထားတဲ့ ရုပ်ရှင်တွေထဲက တစ်ခုကို ပြပါဆိုရင် "The Vow" ရုပ်ရှင်ကို ပြောရပါလိမ့်မယ့်။ကိုယ်ကလည်း Relationship တစ်ခုကို ပိုင်ဆိုင်ထားတယ်ဆိုရင် ကြည့်သင့်တဲ့ ရုပ်ရှင်တစ်ခုဖြစ်ပါတယ်။
လက်ထပ်ပြီးတာ မကြာသေးတဲ့ လီယို နှင့် ပိခ်ျ့ တို့နှစ်ယောက် တစ်ယောက်ကို တစ်ယောက် နား‌လည်မှု အပြည့်နဲ့ပေါ့။လီယို ကအသံသွင်း studio တစ်ခုထောင်ထားပြီး ပိချ့်ကတော့ အိမ်က အတင်းထားတဲ့ ဥပဒေ တက္ကသိုလ်ကနေ ထွက်ပြီး ပန်းပု အနပညာ တက္ကုသိုလ်ကို ပြောင်းတက်နေပါတယ်။
သိပ်မကြာခင်မှာပဲ နှစ်ယောက်လုံး ကားမတော်တဆ ဖြစ်ပြီး ဆေးရုံတင်လိုက်ရပါတယ်။လီယို ကတော့ ဘာမှသိပ်မဖြစ်ပေမယ့် ပိခ်ျ့ကတော့ လီယိုနဲ့ လက်မထပ်ခင် အချိန်အထိပဲ မှတ်မိပါတော့တဲ့ မှတ်ဉာဏ်နဲ့ အတိတ်မေ့သွားပါတယ်။ဒီ‌တော့ လီယိုကို သူ့ချစ်သူမှန်းတောင် မသိတော့တဲ့အပြင် သူလုပ်နေတဲ့ ပန်းပု အနုပညာတွေကိုလည်း ဘာမှမမှတ်မိဘဲ ဥပဒေ ကျောင်းခဲ့တဲ့အချိန်ထိပဲ မှတ်မိပါတော့တယ်။
“ကိုယ်အရမ်းသဘောကျတဲ့ စာအုပ်လေးကို မဖတ်ဖူးတဲ့ သူတစ်ယောက်တစ်နေနဲ့ နောက်တစ်ခေါက်ပြန်ဖတ်ချင်လိုက်တာလို့ တွေးမိဖူးလား ပိခ်ျ့ ”
“ကိုယ်တို့လည်း အဲ့လိုတွေးသင့်တယ်။ကိုယ်တို့ရဲ့ အကောင်းဆုံး အချိန်တွေကို နောက်တစ်ကြိမ် ပြန်တွေ့ရမယ်ဆိုရင် ဘယ်လောက်တောင်ကောင်းလိုက်မလဲလို့ ကိုယ်တွေးနေတာ”
လီယိုတစ်ယောက် သူတို့နှစ်ယောက်စတွေ့တဲ့ နေရာလေးကစပြီး ပိခ်ျ့သူ့ကို ပြန်ချစ်လာစေဖို့ လိုက်ပြပေးတာလေးတွေကို ကြည့်ရတာ တကယ်ကို ရိုမန့်တစ်ဆန်လွန်းပါတယ်။ဒါပေမယ့်လည်း နောက်ဆုံးမှာ ပိခ်ျ့တစ်ယောက် အတိတ်တွေကို ပြန်သတိရပြီး လီယိုကို အရင်အတိုင်း ပြန်ချစ်သွားမှာလား၊အတိတ်မေ့နေတဲ့ ပိခ်ျ့ နှင့် လီယို တို့နှစ်ယောက်ကို ကံကြမ္မာက မျက်နာသာ ပေးပါ့မလားဆိုတာကို စိတ်၀င်တစားကြည့်ရှုဖို့
"The Vow”ဆိုတဲ့ အချစ်ဇာတ်ကား‌ကောင်းလေးကို မိတ်ဆက်ပေးလိုက်ပါတယ်ခင်ဗျာ။
Author : JinX

Anime Adaptation လာဖိုကြေညာသွားတဲ့ Teenage Mercenary Manhwa

ထိုင်းရုပ်ရှင်တစ်ခု ရုံမှာတင်တုန်းကတည်းက သွားကြည့်တဲ့သူတော်တော်များများ ကြည့်နေရင်းကို မျက်ရည်တွေကျလာစေတဲ့ ရုပ်ရှင်တစ်ခုဆိုပြီး တော်တော်များများကြိုက်ခဲ့ကြပါတယ်။အဲ့ရုပ်ရှင်လေးကို ဒီနေ့အတွက် ပြောပြချင်ပါတယ်။

ဇာတ်လမ်းလေးကတော့ M ဆိုတဲ့ကောင်လေးနဲ့ စတင်ထားပါတယ်။ယောကျာ်းလေးလည်းဖြစ် ခုခေတ်လူငယ်တစ်ယောက်ဆိုတော့ ဂိမ်း‌လေးဆော့ပြီး အရာရာကို ဘာမှသိပ်စဉ်းစားမနေဘဲ ပေါ့ပျက်ပျက်နေတဲ့ ကောင်လေးတစ်ယောက်‌ပေါ့။ဒီလိုနဲ့ သူ့သူငယ်ချင်းတစ်ယောက် အမွေရတာကို ‌မြင်ပြီး M လည်း အားကျသွားပါတယ်။အဲ့တာကြောင့်ပဲ M ကလည်း သူ့အဖွားကိုပြုစုဖို့ သွားပါတော့တယ်။အကြောင်းကတော့ သူ့အဘွားက ကင်ဆာနောက်ဆုံး အဆင့်ကိုခံစားနေရပြီး သူသာ ပြုဆုပေးမယ်ဆိုရင် သူ့ကိုအမွေတွေပေးခဲ့မယ်လို့တွေးမိလို့ပါ။ဒီလိုနဲ့ပဲ လူ့လောကကြီးမှာ အချိန်အကြာကြီး ‌နေလာခဲ့တဲ့ အဘွား နှင့် အခုမှ လူ့လောကကြီးကို ဖြူသလားမဲသမလားမသိဘဲ ခြေစလှမ်းမယ့် မြေးတို့ရဲ့ အတွေးအမြင်တွေက ဘယ်လိုတွေရှိနေနိုင်မလဲ... ‌ကိုယ်သေဆုံးမယ့်နေ့ကို သိရက်နဲ့နေရတဲ့သူတစ်ယောက်အတွက်လည်း သူလုပ်ချင်တဲ့ နောက်ဆုံးဆန္ဒက ဘာများဖြစ်မလဲ... မြေးနဲ့အဘွားကြားက ပြောမပြတတ်အောင် လှပလွန်းတဲ့ မေတ္တာတရားတွေ လူ့လောကရဲ့ လက်ခံရမယ့်အချက်တွေ မိသားစုအကြောင်းတွေ ဒါတွေကိုကြည့်ရင်း ကျွန်တော်တို့ကိုပါ ဘ၀ရဲ့ အနှစ်သာရကို မှန်တစ်ချပ်လို ပြသသွားမှာဖြစ်ပါတယ်။ကိုယ်တိုင်ကလည်း အဘွားနဲ့အချိန်ကုန်ဆုံးခဲ့ဖူးတဲ့သူဆိုရင်တော့ မျက်ရည်တွေထိန်းဖို့ တစ်ရှုးဗူးလေးတစ်ခုတော့ လိုမယ်ထင်ပါတယ်။အဲ့တာကြောင့် 2024 ထွက် "How To Make Millions Before Grandma Dies " ရုပ်ရှင်ကိုကြည့်ရှုခံစားကြဖို့ တင်ဆက်ပေးလိုက်ပါတယ်ခင်ဗျာ။

မေ့လွယ်ပျောက်လွယ်မဟုတ်တဲ့‌ အိန္ဒိယ အချစ်ဇာတ်လမ်းလေးတစ်ပုဒ်

ဒီအိန္ဒိယ ရုပ်ရှင်လေးကတော့ IMdb မှာလည်း 7.6 အထိ ရရှိထားပြီး တကယ်လည်းကြည့်လို့ကောင်းတဲ့ ရုပ်ရှင်လေးမလို့ ဒီနေ့အတွက် ပြောပြချင်ပါတယ်။

ဇာတ်လမ်းကတော့ ဘာသာရေး ကိုင်ရှင်းတဲ့မိသားစုတစ်ခုမှာ ဆာရူးဆိုတဲ့ သမီးတစ်ယောက်ရှိပါတယ်။သူက ရိုးလည်းရိုး၊ညာဏ်လည်းကောင်းပေမယ့် လည်လည်၀ယ်၀ယ်လည်းမရှိတဲ့ ကောင်မလေးဖြစ်ပါတယ်။ဆာရူးကို မိဘတွေက ယောကျာ်းပေးစားဖို့ ကြိုးစားပေမယ့်လည်း သူတို့ စိတ်တိုင်းကျတဲ့ မျိုးရိုးလည်းမြင့် ပညာအရည်အချင်း‌လည်း မနည်းတဲ့ သမက်မျိုးဆိုတော့ အဲ့လိုကောင်လေးတွေကလည်း ရိုးအ တဲ့ ဆာရူးကို မလိုချင်ပြန်ပါဘူး။ဆာရူး အောက်မှာတော့ နောက်ထပ် ညီမလေး တစ်ယောက်ရှိပါသေးတယ်။သူကတော့ သွက်သွက်လက်လက်နဲ့ ခေတ်ဆန်တဲ့ကောင်မလေးဆိုတော့ ကောင်လေးတွေက သဘောကျပေမယ့်လည်း အကြီးပြီးမှ အငယ်က မဂ်လာ ဆောင်ရတဲ့ အိန္ဒိယ ရဲ့ထုံးစံကြောင့် အငယ်မကတော့ ဆာရူးကို ကြည့်မရပါဘူး။ဆာရူးတို့ အငှားချတဲ့ တိုက်ခန်းမှာ အင်ဒါ ဆိုတဲ့ ခပ်ဆိုးဆိုးကောင်လေးတစ်ယောက်ရှိပါတယ်။နာမည်ဆိုး၊အကျင့်ဆိုး တွေရှိပေမယ့် ဗလတောင့်တောင့်နဲ့ ရုပ်ဖြောင့်တဲ့ကောင်လေးတစ်ယောက်ပေါ့။အဲ့လို ခပ်ဆိုးဆိုး ကောင်လေးတစ်ယောက် နဲ့မှ ဘာသာရေးကိုင်းရှိုင်းတဲ့ မိသားစုက ဆာရူးတို့ရဲ့ ဇာတ်လမ်းလေးတစ်ပုဒ်က မထင်မှတ်ပဲ ဖြစ်လာခဲ့ပါတယ်။ဒါပေမယ့်လည်း သူ့မိဘတွေရဲ့ ဘာသာရေး အစွဲကြီးမှု‌တွေကြောင့် ဆာရူးကို ခွင့်လွှတ်ပေးနိုင်ပါ့မလား ၊ အင်ဒါကရော သူရဲ့ ဖူးစာရှင်အစစ်များ ဖြစ်ပါ့မလား ဆိုတာကတော့ စိတ်၀င်တစား ကြည့်ရှုရမှာဖြစ်ပါတယ်။

တစ်ကားလုံး မျက်ရည်နဲ့မျက်ခွက် ကို တိပ်နဲ့ကပ်ထားသလို ၀မ်းနည်းရမယ့် ၊ကြည်နူးရမယ့် ရုပ်ရှင်လေးဖြစ်ပါတယ်။ဒါကြောင့် အိန္ဒိယက အချစ်ရုပ်ရှင်လေးဖြစ်တဲ့ "Sanam Teri Kasam(201" ကိုကြည့်ရှုခံစားဖို့ တိုက်တွန်းလိုက်ပါတယ်ခင်ဗျာ။

မွေးနေ့မှာ ခင်ပွန်းဖြစ်သူ ဆီက သိန်း ၅ သောင်းမကတန်တဲ့ နောက်ဆုံး ပေါ် ဂျက်လေယာဥ်တစ်စင်းရရှိခဲ့တဲ့ စမိုလ်း🥰🥰🥰
ကံကောင်းလိုက်တာ 🤍🤍🤍