ထိုင်ဝမ်အရေး ကြိုတွေးပြီး ဂျပန်ကျွန်းပေါ်မှာ အမေရိကန်ဒုံးကျည်တပ်ဖွဲ့တွေ တပ်ဖြန့်ချသွားမည်
နိုဝင်ဘာ၂၆
ထိုင်ဝမ်အရေး ကြိုတင်မျှော်လင့်ပြီး ဂျပန်နိုင်ငံ နန်းဆဲ့ကျွန်းပေါ်မှာ ဒုံးကျည်တပ်ဖွဲ့တွေ တပ်ဖြန့်ချထားနိုင်ရေး အတွက် အမေရိကန်အစိုးရက ယာယီစစ်စခန်းတွေတည်ဆောက်သွားမှာဖြစ်ကြောင်း သတင်းရင်းမြစ်တွေကို ကိုးကားပြီး Kyodo News က ရေးသားထားပါတယ်။
ဂျပန်နိုင်ငံ အိုကီနာဝါကျွန်းမှာ တပ်စွဲထားတဲ့ အမှတ် ၁၂ မရိန်းတပ်ရင်းကို ဂျပန်နိုင်ငံကျူရှူးကျွန်းကနေ ထိုင်ဝမ် ကျွန်းအထိ အနောက်တောင်ဘက်ကနေ ဆက်စပ်သွယ်တန်းနေတဲ့ အဆိုပါ နန်းဆဲ့ကျွန်းပေါ်မှာ တပ်ဖြန့်ချသွား မှာဖြစ်ကြောင်း Kyodo News က ပြောပါတယ်။
အမှတ် ၁၂ မရိန်းတပ်ရင်းဟာ ကုန်းရေနှစ်သွယ်သွားယာဉ်တွေ၊ ကမ်းထိုးယာဉ်တွေ၊ လှေငယ်တွေနဲ့ ကမ်းကပ် သွားလာပြီး ပင်လယ်ပြင်နဲ့ ဆက်စပ်တဲ့နယ်မြေတွေမှာ စစ်ဆင်ရေးဆောင်ရွက်နိုင်ဖို့ ဒီဇိုင်းရေးဆွဲဖွဲ့စည်းတည် ဆောက်ထားတဲ့ အမေရိကန်ကမ်းတပ် မရိန်းတပ်ရင်းနှစ်ရင်းထဲက တစ်ရင်းဖြစ်ပါတယ်။
ဒီတပ်ရင်းတွေဟာ ခံစစ်အားလျော့နည်းတဲ့ ရန်သူ့နေရာတွေကို တိတ်တဆိတ် အမြန်ချဉ်းကပ်ဝင်ရောက် တိုက် ခိုက်နိုင်ဖို့ ဖွဲ့စည်းထားတာလို့ဆိုပါတယ်။
ဒီဇင်ဘာလမှာ ကျင်းပမယ့် အမေရိကန်-ဂျပန် ပထမဦးဆုံးအကြိမ် ပူးတွဲစစ်ရေးလေ့ကျင့်မှုအစီအစဉ်ထဲမှာ ဒီ တပ်ရင်းတွေကို ထည့်သွင်းလေ့ကျင့်သွားမှာဖြစ်ကြောင်း Kyodo News က ပြောပါတယ်။
အဲဒီမရိန်းတပ်ဖွဲ့အတွက် လောင်စာဆီနဲ့ ခဲယမ်းတွေအပါအဝင် လော်ဂျစ်စတစ်ထောက်ပံ့မှုတွေကို ဂျပန်တပ်ဖွဲ့ ဝင်တွေက ဆောင်ရွက်ပေးသွားမှာဖြစ်ပါတယ်။
တပြိုင်တည်းမှာပဲ ဂျပန်ကျွန်းတွေကို ချဉ်းကပ်လာမယ့် စစ်သင်္ဘောတွေကို ပစ်မှတ်ထားတိုက်ခိုက်နိုင်ဖို့အတွက် ခရုစ်ဒုံးကျည် ဒီဇိုင်းရေးဆွဲထုတ်လုပ်ဖို့ ဂျပန်အစိုးရက ပြီးခဲ့တဲ့နှစ်က ခွင့်ပြုခဲ့ပါတယ်။
သမရိုးကျထိပ်ဖူးတွေနဲ့အတူ အဲဒီပြည်တွင်းထုတ် ခရုစ်ဒုံးကျည်ဟာ ပစ်မှတ်ကို တိကျစွာပစ်ခတ်နိုင်ဖို့အတွက် ကင်းထောက်နဲ့ radar-jamming တာဝန်တွေကိုလည်း ထမ်းဆောင်နိုင်စွမ်းရှိမှာ ဖြစ်ပါတယ်။
ဂျပန်နိုင်ငံဟာ ၎င်းတို့ပိုင် ကျွန်းတွေကို ကာကွယ်ဖို့အတွက် ကာမီကာဇေအသေခံဒရုန်းတွေကို ရာနဲ့ချီပြီး တပ် ဖြန့်ချထားဖို့လည်း စီစဉ်နေပါတယ်။
တစ်ချိန်တည်းမှာပဲ ထိုင်ဝမ်အရေးကို ကြိုတွေးပြီး အမေရိကန်ကြည်းတပ်ကလည်း ဖိလစ်ပိုင်နိုင်ငံမှာ နယ်ပယ်စုံ စစ်ဆင်ရေးတပ်ဖွဲ့ (Multi-Domain Task Force - MDTF ) ရဲ့ တာဝေးပစ်လက်နက်ကြီးတပ်ဖွဲ့တွေကို တပ်ဖြန့် ချသွားမှာ ဖြစ်ပါတယ်။ နယ်ပယ်စုံစစ်ဆင်ရေးတပ်ဖွဲ့ (MDTF) ဟာ ကြည်း၊ ရေ၊ လေ၊ အာကာသ၊ ဆိုက်ဘာနဲ့ သတင်းနယ်ပယ်အားလုံး မှာ စစ်ဆင်နိုင်စွမ်းရှိတဲ့ တပ်ဖွဲ့ဖြစ်ပါတယ်။
Ref: US to Deploy Missiles on Japanese Island Bases for Taiwan Conflict
#centraal newsnaypyitaw
