ထားဝယ်နှင့်ပုလော ရှိ နေရပ်စွန့်ခွာရွှေ့ပြောင်းနေထိုင်ရသူများကို ကြက်ခြေနီက အခြေခံစားသောက်ကုန်များ ကူညီ

တနင်္သာရီတိုင်း၊ ထားဝယ်နှင့် ပုလောရှိ ယာယီနေရပ်စွန့်ခွာရွှေ့ပြောင်းနေထိုင်သူများကို PTTEP ၏ ကူညီပံ့ပိုးပေးမှုဖြင့် ကြက်ခြေနီအသင်းက အခြေခံစားသောက်ကုန်များ ကူညီခဲ့ကြောင်း သိရသည်။

ကူညီမှုအနေဖြင့် တစ်အိမ်ထောင်လျှင် ဆန်တစ်အိတ်၊ဆီ(၅) ဘူး အပါအဝင် အခြေခံစားသောက်ကုန်များထောက်ပံ့ကူညီခဲ့ခြင်း ဖြစ်ပြီး အိမ်ထောင်စု (၂၀၀၀) ကို ကူညီနိုင်ခဲ့ခြင်း ဖြစ်သည်။

ထားဝယ်မြို့နယ်မှ အိမ်ထောင်စု (၁၃၀၀) စု၊ ပုလောမြို့နယ်မှ အိမ်ထောင်စု (၇၀၀)စုတို့ကို မြန်မာနိုင်ငံကြက်ခြေနီအသင်း ဘေးအန္တရာယ်ဆိုင်ရာစီမံခန့်ခွဲမှုဌာနမှ ဝန်ထမ်းများနှင့် ဒေသခံကြက်ခြေနီစေတနာလုပ်အားရှင်များသည် နိုဝင်ဘာလ (၂၂)ရက်မှ (၂၄)ရက်အထိ သွားရောက်ထောက်ပံ့ပေးခဲ့ခြင်း ဖြစ်သည်။

ထားဝယ်နှင့်ပုလော ရှိ နေရပ်စွန့်ခွာရွှေ့ပြောင်းနေထိုင်ရသူများကို ကြက်ခြေနီက အခြေခံစားသောက်ကုန်များ ကူညီ

တနင်္သာရီတိုင်း၊ ထားဝယ်နှင့် ပုလောရှိ ယာယီနေရပ်စွန့်ခွာရွှေ့ပြောင်းနေထိုင်သူများကို PTTEP ၏ ကူညီပံ့ပိုးပေးမှုဖြင့် ကြက်ခြေနီအသင်းက အခြေခံစားသောက်ကုန်များ ကူညီခဲ့ကြောင်း သိရသည်။

ကူညီမှုအနေဖြင့် တစ်အိမ်ထောင်လျှင် ဆန်တစ်အိတ်၊ဆီ(၅) ဘူး အပါအဝင် အခြေခံစားသောက်ကုန်များထောက်ပံ့ကူညီခဲ့ခြင်း ဖြစ်ပြီး အိမ်ထောင်စု (၂၀၀၀) ကို ကူညီနိုင်ခဲ့ခြင်း ဖြစ်သည်။

ထားဝယ်မြို့နယ်မှ အိမ်ထောင်စု (၁၃၀၀) စု၊ ပုလောမြို့နယ်မှ အိမ်ထောင်စု (၇၀၀)စုတို့ကို မြန်မာနိုင်ငံကြက်ခြေနီအသင်း ဘေးအန္တရာယ်ဆိုင်ရာစီမံခန့်ခွဲမှုဌာနမှ ဝန်ထမ်းများနှင့် ဒေသခံကြက်ခြေနီစေတနာလုပ်အားရှင်များသည် နိုဝင်ဘာလ (၂၂)ရက်မှ (၂၄)ရက်အထိ သွားရောက်ထောက်ပံ့ပေးခဲ့ခြင်း ဖြစ်သည်။

ပွဲအပြီးမှာ ဒဏ်ရာတွေနဲ့ အင်တာဗျူးဖြေခဲ့တဲ့ ပက်ဂွာဒီယိုလာ

👉မနေ့ညက ချန်ပီယံလိဂ်ပွဲစဉ်အဖြစ် ယှဉ်ပြိုင်ကစားခဲ့တဲ့ မန်စီးတီးအသင်းနဲ့ ဖီယင်နု အသင်းတို့ရဲ့ပွဲစဉ်မှာ စီးတီးအသင်းက ပြိုင်ဘက်အသင်းကို ၇၅ မိနစ်ထိ (၃)ဂိုးပြတ်ဦးဆောင်ထားနိုင်ခဲ့ပြီးမှ ချေပဂိုး တွေပြန်လည်ခွင့်ပြုခဲ့ရကာ သရေကျခဲ့ပါတယ်။

👉ဒီနေ့ပွဲမတိုင်ခင် ၅ ပွဲဆက်အရှုံးကိုရင်ဆိုင်ထားရတဲ့ စီးတီးအသင်းအတွက် နိုင်ပွဲမဖြစ်မနေလိုအပ်ခဲ့တာပါ။ ဒါပေမဲ့လည်း (၆)ပွဲဆက်နိုင်ပွဲပျောက်ခြင်းကိုသာ ရင်ဆိုင်ခဲ့ရပါတယ်။

👉ပွဲအပြီးမှာ နည်းပြကြီး ပက်ဂွာဒီယိုလာတစ်ယောက် မျက်နှာပေါ်က ဒဏ်ရာအချို့နဲ့အတူ ပွဲပြီးအင်တာဗျူးကိုဖြေကြားခဲ့ပါတယ်။

"မေး။ ။ဒဏ်ရာတွေက ဘယ်လိုဖြစ်တာလဲ?

ဖြေ။ ။ ငါ့လက်သည်း နဲ့ ငါ့ကိုယ်ငါ ကုတ်ခြစ်ထားတာပါ။ ငါအခုလောလောဆယ်ငါ့ကိုယ်ငါ နာကျင်အောင်လုပ်ချင်နေတယ်။ "

👉ဒီလို ဒဏ်ရာတွေနဲ့ပတ်သက်ပြီး ပရိတ်သက်တွေဘက်က ထင်မြင်ယူဆချက်များစွာရှိလို့နေပါတယ် ။ ယူဆချက်အချို့ကိုဖော်ပြလိုက်ပါတယ်။

ပရိတ်သက် ၁- ဒါက အဝတ်လဲခန်းက ပြဿနာဖြစ်နိုင်တယ်။

ပရိတ်သက် ၂- ဒါက စိတ်အားထက်သန်မှုပြင်းထန်လို့အားမလိုအားမရဖြစ်တာပဲ။

ပရိတ်သက် ၃- ဂွာဒီယိုလာ ဖိအား နဲ့ နာကျင်မှုတွေရင်ဆိုင်နေရပါပြီ။

ပရိတ်သက် ၄- သူ စိတ်ပိုင်းဆိုင်ရာဆရာဝန် နဲ့တိုင်ပင်သင့်ပြီ ။

စာဖတ်နေတဲ့ ဘရားသားတို့ရော ဂွာဒီယိုလာဘာကြောင့်လုပ်တယ်ထင်လဲ ?

အိမ်ပြန်တော့မယ် လုပ်စရာတွေအများကြီးရှိသေးတယ်
အိမ်ရောက်သောအခါ မိမိ :

ကြက်သားအာပူလျှာပူလေးပါ
ပြုလုပ်နည်း👇👇👇
အနေတော်ခုတ်ထားတဲ့
မြန်မာကြက် ၃၅ ကျပ်သားကို ဆား ဆနွင်း နှစ်သက်ရာဟင်းခတ်မှုံ့ ငါးငံပြာရည်နဲ့နယ်
ရေနဲ့ထည့်ပြု တ်ထားတယ်
ပွက်ပွက်ဆူလာရင် ထောင်းထားတဲ့ ငြု တ်သီးစိမ်းအစိမ်း+အနီတောင့် ၅ကျပ်သား(စားနိုင်သလောက်)ထည့်
ထောင်းထားတဲ့ ကြက်သွန်ဖြူ တစ်လုံး+အနီ(ကြီး၁/သေး၂)ထည့်
ဂျင်းဓားပြားရိုက်ထည့်
စပါးလင်ဥ ဖြတ်ထည့် အရွက် ထု စည်းထည့်တယ်
အရည်သောက်မို့ ဆား ဟင်းခတ်မှုံ့ ငါးငံပြာရည်လိုသလိုထည့်ပါတယ်
အသားကျက်ရင် သရက်ပြား/မရမ်းပြား/မန်ကျည်းသီးစိမ်း/မန်ကျည်းမှည့်ဖျော်ထည့်တယ်
အသားနူးအိသွားရင် ရှမ်းနံနံ နံနံပင် ငြု တ်ကောင်းလှော်မှုံ့ခပ်ပြီး မီးပိတ်နိုင်ပါပြီရှင်
သရက်စတာတွေ မထည့်ချင်ရင် စားခါနီးမှ သံပုရာသီး/ရှောက်ရည်ညှစ်စားလဲ ရပါတယ်
ခံတွင်းမြိန်စေတဲ့ ဆီလွတ် အရည်သောက် ကြက်သားအာပူလျှာပူလေးပါ

ဒေါ်နယ်ထရန့်နဲ့ မြောက်ကိုရီးယားခေါင်းဆောင် ကင်ဂျုံအန် တိုက်ရိုက်ဆွေးနွေးဖို့ ကြိုးပမ်းနေ

နိုဝင်ဘာ ၂၇

အမေရိကန်ရွေးကောက်ခံသမ္မတ ဒေါ်နယ်ထရန့်ရဲ့ မြောက်ကိုရီးယားခေါင်းဆောင် ကင်ဂျုံအန်တို့အကြား တိုက်ရိုက်တွေ့ဆုံဆွေးနွေးနိုင်ခြေကို ထရန့်ရဲ့ အသွင်းကူးပြောင်းရေးအဖွဲ့က ကြိုးပမ်းနေတယ်လို့ ရိုက်တာသတင်းဌာနက ဖော်ပြထားပါတယ်။

ဒါပေမယ့်လည်း ဒေါ်နယ်ထရန့်ကတော့ အပြီးသတ်ဆုံးဖြတ်ချက်ကို မချရသေးဘူးလို့ တာဝန်ရှိသူတွေကို ကိုးကားပြီး ရိုက်တာက ဆိုပါတယ်။ထရန့်ဘက်က ကနဦးရည်မှန်းချက်ကတော့ အခြေခံအားဖြင့် မြောက်ကိုရီးယားနဲ့ ပြန်လည်ထိတွေ့ဆက်ဆံဖို့ဖြစ်တယ်လို့ ဒီကိစ္စကိုသိရှိတဲ့ သတင်းရင်းမြစ်က ပြောပါတယ်။

မြောက်ကိုရီးယားအရေးနဲ့ ပတ်သက်ပြီး နောက်ထပ်မူဝါဒ ရည်မှန်းချက် သို့မဟုတ် ခေါင်းဆောင်နှစ်ဦးတွေ့ဆုံဖို့အတွက် တိကျတဲ့ အချိန်ဇယား သတ်မှတ်ထားတာမရှိသေးဘူးလို့ သတင်းရင်းမြစ်တွေက ပြောပါတယ်။

ဒါပေမယ့်လည်း ဒီကိစ္စဟာ ယူကရိန်းအရေးနဲ့ အရှေ့အလယ်ပိုင်းတို့လို ပိုမိုဖိအားများတဲ့ နိုင်ငံခြားရေးမူဝါဒတွေကြောင့် နောက်ပြန်ဆုတ်သွားနိုင်တယ်လို့လည်း သတင်းရင်းမြစ်တယောက်က ရိုက်တာကို ပြောပါတယ်။

ထရန့်ဟာ သူ့ရဲ့ ပထမဆုံးအကြိမ်သမ္မတသက်တမ်းအတွင်းမှာ ကိုရီးယားကျွန်းဆွယ် နျူးကလီးယားကင်းစင်ရေး ရည်ရွယ်ပြီး မြောက်ကိုရီးခေါင်းဆောင်ကင်ဂျုံအန်နဲ့ သုံးကြိမ်တိုင် လူချင်းတွေ့ဆုံ ထိပ်သီးဆွေးနွေးခဲ့ကြပါတယ်။

ဒါပေမယ့်လည်း နှစ်ဘက်အကြား သဘောထားကွဲလွဲမှုတွေကြောင့် ရည်မှန်းချက်တွေ အောင်မြင်ခဲ့ခြင်းမရှိပါဘူး။ ထရန့်ရဲ့ အစိုးရသစ်မှာ နိုင်ငံခြားရေးဝန်ကြီးဌာန အရာရှိဟောင်း အဲလက်ဝေါင်ဟာ အမျိုးသားလုံခြုံရေး လက်ထောက်အကြံပေးအဖြစ် ထရန့်က ရွေးချယ်ထားပြီး သူဟာ ကင်ဂျုံအန်နဲ့ ထရန့်တို့ရဲ့ ထိပ်သီးဆွေးနွေးပွဲတွေအတွက် စေ့စပ်ညှိနှိုင်းမှုမှာ ပါဝင်ခဲ့ဖူးသူဖြစ်ပါတယ်။

Ref:NHK
Photo:AFP

#centralnewsnaypyitaw

လာမည့်လဆန်းမှ စတင်၍ မူဆယ်နယ်စပ်ဆင်ဖြူဂိတ်မှ ကုန်ပစ္စည်းတင်ဆောင်မည့် ယာဉ်နှင့် ဆိုင်ကယ်များ သက်ဆိုင်ရာခွင့်ပြုမိန့်ပါရှိရမည်

နိုဝင်ဘာ ၂၇

ရှမ်းပြည်နယ်(မြောက်ပိုင်း) မူဆယ်မြို့နယ်စပ်ရှိ ဆင်ဖြူဂိတ်မှ ကုန်ပစ္စည်းတင်ဆောင်မည့် ယာဉ်နှင့် ဆိုင်ကယ်များ ၂၀၂၄ ခုနှစ် ဒီဇင်ဘာ ၁ ရက်မှစ၍ သက်ဆိုင်ရာမှ သတ်မှတ်ထားသော ခွင့်ပြုမိန့်များ ပါရှိရမည်ဖြစ်ကြောင်း သိရသည်။

မူဆယ်မြို့နယ်အတွင်း စားသုံးရန်ဖြစ်သော မီးဖိုချောင်သုံးအသီးအနှံများ၊ အသားနှင့် ငါးများကိုသာ ခွင့်ပြုမည်ဖြစ်ပြီး၊ အေးခဲသားများ အပါအဝင် အခြားလူသုံးကုန်ပစ္စည်းများ တင်ဆောင်ခွင့်မပြုတော့ကြောင်း သိရသည်။

အိမ်စီးကားများဖြင့် ကုန်ပစ္စည်းတင်ဆောင်ခြင်း၊ စက်ဘီး၊ လက်တွန်းလှည်းများဖြင့် တင်ဆောင်ခြင်းများကို လုံးဝ(လုံးဝ)ခွင့်မပြုတော့ကြောင်း၊ ဆိုင်ကယ်များဖြင့် ကုန်ပစ္စည်းများ တင်ဆောင်ရာတွင်လည်း စားသုံးရန် ဖြစ်သော မီးဖိုချောင်သုံးအသီးအနှံများ၊ အသားနှင့် ငါးများကိုသာခွင့်ပြုမည်ဖြစ်ပြီး၊ အလွန်အကျွံတင်ခြင်း ခွင့်မပြုဘဲ နောက်တွင် တစ်ထုပ်၊ ရှေ့တွင် တစ်ထုပ်သာ ခွင့်ပြုမည်ဖြစ်ကြောင်း သိရသည်။

တရားဝင် မှတ်ပုံတင်ထားသော မြန်မာနိုင်ငံ နံပါတ်တပ် ယာဉ်များသာ တရုတ်နိုင်ငံဘက်သို့ ဆင်ဖြူဂိတ်မှ တဆင့် စားသောက်ကုန်ပစ္စည်းများ သွားရောက်ဝယ်ယူရန် ခွင့်ပြုရန် ကုန်းလမ်းပို့ဆောင်ရေးညွှန်ကြားမှု ဦးစီးဌာနမှ ညွှန်ကြားထားကြောင်း သိရသည်။

မူဆယ်မြို့နယ်စပ်ရှိ ဆင်ဖြူနယ်စပ်ဂိတ်မှတဆင့် မြန်မာနိုင်ငံဘက်သို့ တပိုင်တနိုင် ကုန်သယ်ယူခွင့်ကို တရုတ်နိုင်ငံဘက်မှ ပြီးခဲ့သည့် နိုဝင်ဘာလ ၁၁ ရက်တွင် ပိတ်ပင်ခဲ့ပြီး နိုဝင်ဘာလ ၁၉ ရက်တွင် ဆင်ဖြူနယ်စပ်ဂိတ်အား ပြန်လည်ဖွင့်လှစ်ပေးခဲ့သည်။

#centralnewsnaypyitaw

ချန်ပီယံလိဂ် သွင်းဂိုး ၁၀၀ ကျော်တဲ့စာရင်းထဲ လီဝန်ဒေါစကီး ဝင်ရောက်

နိုဝင်ဘာ ၂၇

ဘာစီလိုနာအသင်းတိုက်စစ်မှူး လီဝန်ဒေါစကီးဟာ ချန်ပီယံလိဂ်ပြိုင်ပွဲမှာ ရော်နယ်ဒို၊ မက်ဆီတို့နဲ့အတူ သွင်းဂိုး ၁၀၀ ကျော်သွင်းယူနိုင်တဲ့ စာရင်းထဲကို ဝင်ရောက်လာခဲ့ပါတယ်။

လီဝန်ဒေါစကီးဟာ ဘာစီလိုနာအသင်းက ဘရက်စ်အသင်းကို ၃ ဂိုး-ဂိုးမရှိနဲ့ အနိုင်ရခဲ့တဲ့ ချန်ပီယံလိဂ်ပြိုင်ပွဲမှာ ၂ ဂိုး သွင်းယူပြီးနောက် သူ့ရဲ့ကစားသမားဘဝမှာ ချန်ပီယံလိဂ်သွင်းဂိုး ၁၀၁ ဂိုးအထိ ရှိလာခဲ့တာပါ။

အဲဒါကြောင့် ဘာစီလိုနာအသင်း တိုက်စစ်မှူး လီဝန်ဒေါစကီးဟာ ချန်ပီယံလိဂ်ပြိုင်ပွဲမှာ သွင်းဂိုး ၁၀၀ ကျော်တဲ့ တတိယမြောက် ကစားသမားအဖြစ် ရော်နယ်ဒို၊ မက်ဆီတို့ရဲ့ အနောက်ကို ရောက်ရှိလာခဲ့တာဖြစ်ပါတယ်။

ပေါ်တူဂီအသင်းခေါင်းဆောင် ရော်နယ်ဒိုက ၁၄၀ ဂိုးနဲ့ ချန်ပီယံလိဂ်ပြိုင်ပွဲရဲ့ ဂိုးသွင်းအများဆုံး ကစားသမားအဖြစ် ရပ်တည်နေပြီး အာဂျင်တီးနားအသင်းခေါင်းဆောင် မက်ဆီက ၁၂၉ ဂိုးနဲ့ ဒုတိယနေရာမှာ ရပ်တည်နေတာပါ။

လီဝန်ဒေါစကီးက “ကျနော် အရမ်းကျေနပ်သလို အရမ်းလည်း ပျော်ပါတယ်။ ချန်ပီယံလိဂ်ပြိုင်ပွဲမှာ ဒီလို အထင်ကြီးစရာကောင်းတဲ့ ကိန်းဂဏန်းတွေ ကျနော် ရရှိမယ်ဆိုတာကို မယုံကြည်ဖူးပါဘူး။ ရော်နယ်ဒို၊ မက်ဆီတို့ နဲ့အတူ ဒီစာရင်းထဲကို ဝင်ရောက်ခွင့်ရတာဟာ အလွန်ကောင်းပါတယ်။ ကျနော့်အတွက် အရေးကြီးဆုံးက ပွဲတိုင်း ကို အနိုင်ရအောင် ကြိုးစားဖို့နဲ့ ကျနော့် ဂိုးသွင်းနိုင်ရင် ဒါက ပြီးပြည့်စုံတဲ့အဖြေပါ”လို့ Movistar ကို ပြောခဲ့ပါ တယ်။

အသက် ၃၆ နှစ်အရွယ်ရှိ လီဝန်ဒေါစကီးဟာ ဒီရာသီမှာ ဘာစီလိုနာအသင်းအတွက် ခြေစွမ်းပြသနေပြီး ပြိုင်ပွဲစုံ ၁၉ ပွဲကစားထားတာမှာ ၂၂ ဂိုးအထိ သွင်းယူထားတာပါ။

ဘာစီလိုနာအသင်းဟာ ဘရက်စ်အသင်းကို အနိုင်ရခဲ့တာကြောင့် ဒီရာသီ ချန်ပီယံလိဂ်ပွဲစဉ် ၅ ပွဲကစားအပြီးမှာ ရမှတ် ၁၂ မှတ်နဲ့ အဆင့် ၂ နေရာမှာ ရပ်တည်နေတာ ဖြစ်ပါတယ်။

ဘာစီလိုနာအသင်းအနေနဲ့ လက်ရှိပုံစံကို ဆက်ထိန်းသိမ်းနိုင်ရင် ချန်ပီယံလိဂ် ၁၆ သင်းအဆင့်ကို တိုက်ရိုက် တက်ရောက်နိုင်မှာပါ။

လာလီဂါပြိုင်ပွဲမှာလည်း ထိပ်ဆုံးနေရာ ရပ်တည်နေတဲ့ ဘာစီလိုနာအသင်းဟာ ဒီတစ်ပတ် လိဂ်ပွဲစဉ်အဖြစ် လက်စ်ပါးမက်စ်အသင်းနဲ့ ယှဉ်ပြိုင်ရမှာဖြစ်ပါတယ်။

ပုံ - လီဝန်ဒေါစကီးကို တွေ့ရစဉ်

#သတင်းဟင်းလေးအိုးကြီး

ပါကစ္စတန်တွင် ဆူပူအုံကြွမှုများ ဖြစ်ပွား

နိုဝင်ဘာ ၂၇

ပါကစ္စတန်နိုင်ငံတွင် ဝန်ကြီးချုပ်ဟောင်း အီမရန်ခမ်း(Imran Khan) ကို ထောက်ခံသူများက နိုဝင်ဘာ ၂၆ ရက် တွင် ခမ်းအား ပြန်လည်လွှတ်ပေးရန် တောင်းဆိုဆန္ဒပြခဲ့ကြပြီး လုံခြုံရေးတပ်ဖွဲ့ဝင်များနှင့် ခိုက်ရန်ဖြစ်ပွားခဲ့ကြောင်း Nikkei Asia မှ ဖော်ပြခဲ့သည်။

ဆန္ဒပြသူများသည် ရဲတပ်ဖွဲ၏ တားဆီးမှုကို ဖီဆန်ပြီး အစ္စလာမ်မာဘက် (Islamabad ) မြို့တော် ခန်းမအနီး ဝင်ရောက်လာချိန်တွင် လုံခြုံရေးတပ်ဖွဲ့များနှင့် ခိုက်ရန်ဖြစ်ပွားမှုကြောင့် လုံခြုံရေးတပ်ဖွဲ့ဝင် ၄ ဦး သေဆုံးခဲ့သည်။

ကျောက်ခဲများ၊ လေးခွများ ကိုင်ဆောင်ထားသည့် သောင်းနှင့်ချီသည့် ဆန္ဒပြသူများက ရဲတပ်ဖွဲ့ကို တိုက်ခိုက်ခဲ့ပြီး မြို့တော်ခန်းမကို စီးနင်းရန် ကြိုးပမ်းခဲ့ကြသည်ဟု ဆိုသည်။

ခမ်းသည် ဖေဖော်ဝါရီလက ပြုလုပ်ခဲ့သည့် ရွေးကောက်ပွဲတွင် ဝင်ရောက်ယှဉ်ပြိုင်ခွင့် ပိတ်ပင်ခံခဲ့ရပြီး ထိုရွေးကောက်ပွဲ၌ အကွက်ဆင်မှုရှိခဲ့သည်ဟု လေ့လာစောင့်ကြည့်သူများက ယူဆခဲ့သည်။

ထို့ပြင် ခမ်းသည် နိုင်ငံရေးလောကသို့ ပြန်လည်ဝင်ရောက်ခွင့် တားမြစ်ခံရနိုင်သည့် ဒါဇင်နှင့်ချီသော တရားရေး အမှုအခင်းများနှင့် ရင်ဆိုင်နေရသည်။

ခမ်း၏ PTI ပါတီကမူ အစိုးရ၏ ဖြိုခွင်းမှုများကို ဖီဆန်ပြီး စုရုံးဆန္ဒပြမှုများကို ပုံမှန်ပြုလုပ်ခဲ့သည်။

ထို့နောက် နိုဝင်ဘာ ၂၆ ရက်က ပြုလုပ်သည့် ဆန္ဒပြမှုသည် ၂၀၂၃ ခုနှစ်၊ ဩဂုတ်လက ခမ်း အကျဉ်းချခံခဲ့ရ ပြီးနောက် အစ္စလာမ်မာဘက်မြို့တွင် ပြုလုပ်သည့် အကြီးဆုံး ဆန္ဒပြမှုဖြစ်သည်။

ထိုဆန္ဒပြမှုအတွင်း အရံတပ်ဖွဲ့ဝင် ၄ ဦး သေဆုံးခဲ့သည့် ဖြစ်စဉ်တွင် ပါဝင်ပတ်သက် သူများသည် တရားဥပဒေကို ဆန့်ကျင်သူများဖြစ်ကြောင်း ပြည်ထဲရေးဝန်ကြီး မိုရှင် နက်ဗီ (Mohsin Naqvi) က ပြောကြားခဲ့သည်။

ထိုလုံခြုံရေး တပ်ဖွဲ့ဝင်များသည် ကားတစ်စီးဖြင့် အတိုက်ခံခဲ့ရခြင်းဖြစ်ကြောင်း ပါကစ္စတန်ဝန်ကြီးချုပ် ရှာဘက် ရှရစ်ဖ် (Shehbaz Sharif) က ပြောကြားခဲ့သည်။

နိုဝင်ဘာ ၂၄ ရက်ကလည်း ဆန္ဒပြသူများနှင့် လုံခြုံရေးတပ်ဖွဲ့ဝင်များအကြား ခိုက်ရန်ဖြစ်ပွားမှုကြောင့် ရဲအရာရှိ ၁ ဦး သေဆုံးကာ ၉ ဦး ဒဏ်ရာရခဲ့ကြောင်း အစိုးရက ပြောကြားခဲ့သည်။

Source - Nikkei Asia

ပုံ - ပါကစ္စတန်မှာ ဆန္ဒပြနေကြသူများကို တွေ့ရစဉ်

#centralnewsnaypyitaw

ကျောက်ဆည်မှာ ငွေကျပ် (၁၄) ဘီလီယံကျော် တန်ဖိုးရှိတဲ့ မူးယစ်ဆေး၀ါးတွေကို လွှဲပြောင်း သယ်ဆောင်သူ (၁၀)ဦးနဲ့ အတူ ဖမ်းဆီးရမိ

နိုဝင်ဘာ ၂၇

မန္တလေး၊ ကျောက်ဆည်မြို့နယ်ထဲမှာ ငွေကျပ် ၁၄ ဒသမ ၅ ဘီလီလံကျော် တန်ဖိုးရှိတဲ့ မူးယစ်ဆေး၀ါးတွေကို လွှဲ ပြောင်းသယ်ဆောင်သူ (၁၀)ဦးနဲ့ အတူ ဖမ်းဆီးရမိခဲ့တယ်လို့ နစက ကနေ ပြောပါတယ်။

နိုဝင်ဘာ ၁၇ ရက်နေ့က ကျောက်ဆည်မြို့နယ်၊ တောင်တော် ကျေးရွာ၊ မြောက်ဘက် (၃)ဖာလုံအကွာ မြောင်းဘေးမှာ မူးယစ်ဆေး၀ါး လွှဲပြောင်း သယ်ဆောင်မယ့် သတင်းအရ သွားရောက်ရှာဖွေ စစ်ဆေးရာ မူးယစ်ဆေး၀ါးတွေနဲ့ အတူ (၂)ဦးကို ဖမ်းဆီးရမိခဲ့တယ်လို့ သိရပါတယ်။

ဖမ်းဆီးရမိသူတွေရဲ့ ထွက်ဆိုချက်အရ မူးယစ်ဆေး၀ါး သယ်ဆောင်ရာ လမ်းကြောင်းမှာ ဆက်စပ်သူတွေနဲ့ ဘိန်းဖြူတွေ၊ စိတ်ကြွရူးသွပ်ဆေးပြားတွေကို ထပ်မံဖမ်းဆီးရမိခဲ့တာပဲ ဖြစ်ပါတယ်။

သူတို့တွေနဲ့ အတူ မူးယစ်ဆေး၀ါး သယ်ဆောင်ရာဆက်သွယ် အသုံးပြုတဲ့ CANTER မော်တော်ယာဉ် (၁)စီး၊ DONGFENG တွဲယာဉ် (၁)စီး၊ ALPHARD မော်တော်ယာဉ် (၁)စီး၊ MARK II မော်တော်ယာဉ် (၁)စီး၊ SURF မော်တော်ယာဉ် (၁)စီး၊ ကုန်တင်ယာဉ်ကြီး (၁)စီးနဲ့ ဆိုင်ကယ် (၂)စီးတို့လည်း ဖမ်းဆီးရမိခဲ့တယ်လို့ သိရပါတယ်။

ကွင်းဆက် ပြစ်မှုကျူးလွန်သူတွေကို ဆက်လက် စစ်ဆေးဖော်ထုတ်လျက်ရှိပြီး ဖမ်းဆီးရမိသူတွေရဲ့ မူးယစ်ဆေး၀ါး သယ်ဆောင်ရောင်းဝယ်ရာကနေ ရရှိတဲ့ ငွေကြေး အကျိုးအမြတ်တွေ၊ ပိုင်ဆိုင်မှုတွေကို ပြည်သူ့ ဘဏ္ဏာအဖြစ် သိမ်းဆည်းနိုင်ဖို့ ငွေကြေး ခဝါချမှု တိုက်ဖျက်ရေး ဥပဒေနဲ့ ဆက်လက် လုပ်ဆောင်နေတယ်လို့ သိရပါတယ်။


#သတင်းဟင်းလေးအိုးကြီး