ရှာဖွေပါ။ ပို့စ်များExplore captivating content and diverse perspectives on our Discover page. Uncover fresh ideas and engage in meaningful conversations
ဘဝဟာ ရေတစ်ခွက်ဆိုရင်တောင်
ကိုယ်ထပ်ဖြည့်ချင်တဲ့ အရာက
ရောင့်ရဲတတ်တဲ့ စိတ်ဖြစ်ပြီး
လျှံကျချင်တဲ့အရာက မေတ္တာတရားပါ။
အဝေးကြီးက လရောင်မှ
လှတာ မဟုတ်ပါဘူး။
ကိုယ့်ရင်ထဲသာတဲ့ ကြယ်လေးတွေလည်း
ကျေနပ်ကြည်နူးတတ်တဲ့စိတ်နဲ့ဆို
တစ်ကိုယ်စာတော့ လင်းပါတယ်။
အများကြီးတော့
မျှော်လင့်မထားတာအမှန်ပါ။
မနက်ဖြန်ဆိုတာက
မတည်မြဲတတ်ဘူးလေ။
ပြောင်းလဲတတ်တဲ့အရာတွေကို
အလိုက်သင့် လက်ခံ
ပြိုလဲတတ်တဲ့ သဘောတွေကို
အပြုံးမပျက် စောင့်ကြည့်
ငြိတွယ်တတ်တဲ့ နှောင်ကြိုးတွေကို
ဖြည်းဖြည်းချင်း ဖြေလျှော့ရင်း
လောကဓံ အရိုက်အခတ်တွေကို
သတိရိုးတံလေးနဲ့ ပြန်ပြန်မတ်နေရတယ်။
နေဝင်ချိန်မှာ အတ္တကင်းကင်းနဲ့
ပျော်ရွင်သော ဘဝလေးကိုပဲ
ပိုင်ဆိုင်ထားချင်တယ်။
နောက်ဆုံးချိန်
ရနံ့သင်းသင်းနဲ့ ရိုးရိုးသားသားလေးနဲ့ပဲ
ဘဝကို ဖြတ်ကျော်သွားချင်တယ်။
(မူရင်းရေးသားသူအားလေးစားစွာဖြင့်)
#credit
ကြိုက်တယ်။
မှတ်ချက်
မျှဝေပါ။
မျိုးသုဉ်းမှုအန္တရာယ်နှင့်ရင်ဆိုင်ကြုံတွေ့နေရသည့် မျိုးစိတ်များ အင်းလေးကန်တောရိုင်းတိရစ္ဆာန်ဘေးမဲ့တောတွင် ကျက်စားနေ
ဖေဖော်ဝါရီ ၃
အင်းလေးကန်တောရိုင်းတိရစ္ဆာန်ဘေးမဲ့တောတွင် မျိုးသုဉ်းမှုအန္တရာယ်နှင့်ရင်ဆိုင်နေရသည့် မျိုးစိတ်၊ မျိုးသုဉ်းမှုအန္တရာယ်ကျရောက်နိုင်သော မျိုးစိတ်နှင့် မျိုးသုဉ်းရန်အန္တရာယ် ကျရောက်လုနီးပါး မျိုးစိတ်များ ကျက်စားနေ သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန၏ ထုတ်ပြန်ချက်အရ သိရသည်။
အင်းလေးကန်သဘာဝထိန်းသိမ်းရေးနယ်မြေအတွင်းနှင့် ဆက်စပ်ဒေသများအတွင်း လစဉ် ငှက်မျိုးစိတ်စာရင်းကောက်ယူခြင်းနှင့်ဆန်းစစ်ခြင်းလုပ်ငန်းများကို ပုံမှန်ဆောင်ရွက်လျက်ရှိရာ စာရင်းကောက်ယူမှုမှတ်တမ်းများအရ သစ်တောငှက်(၂၇၃)မျိုး၊ ရေပျော်ငှက်(၁၀၂)မျိုး စုစုပေါင်း (၃၇၅)မျိုးကို မှတ်တမ်းတင်ထားရှိပြီးဖြစ်ကြောင်း ထုတ်ပြန်ချက်အရ သိရသည်။
အာရှရေ ပျော်ငှက်စာရင်း (Asian Waterbird Census-AWC) လုပ်ငန်းကို နှစ်စဉ် ဇန်နဝါရီလ ဒုတိယပတ်အတွင်း ကောက်ယူ ဆန်းစစ်လျက် ရှိရာ ပြီးခဲ့သည့်နှစ် ဇန်နဝါရီ (၇)ရက် ကောက်ယူမှုမှတ်တမ်းအရ ရေပျော်ငှက်မျိုးစိတ် (၄၈) မျိုးနှင့် အကောင်ရေ (၁၁၄၅၈) ကောင်ကို တွေ့ရှိရကြောင်း သိရသည်။
ထို့ပြင် ယခုနှစ်၊ ဇန်နဝါရီ (၈)ရက်နေ့တွင် ကောက်ယူတွေ့ရှိမှု မှတ်တမ်းအရ ရေပျော်ငှက်မျိုးစိတ် (၄၂) မျိုး နှင့် အကောင်ရေ (၁၃၉၈၀) ကောင်တို့ကို ဆန်းစစ် တွေ့ရှိရပြီး သဘာဝနယ်မြေအတွင်းရှိဆက်စပ်ဒေသများဖြစ်သည့် စံကားအင်းနှင့်ဖယ်ခုံအင်း ဒေသများတွင် စာရင်းကောက်ယူနိုင်မည်ဆိုပါက မျိုးစိတ်နှင့်ကောင်ရေ တိုးမြှင့်လာနိုင်မည် ဖြစ်ကြောင်း ထုတ်ပြန်ထားသည်။
အဆိုပါ အင်းလေးကန်ဒေသအတွင်း ကျရောက်ကျက်စားလျက်ရှိသည့် ရေပျော်ငှက်မျိုးစိတ် (၁၀၂) မျိုးတွင် အောက်တိုဘာလမှဧပြီလအတွင်း ပြောင်းရွှေ့ကျက်စားရောက်ရှိလာသည့် ဆောင်းခို ငှက်မျိုးစိတ် (၄၁) မျိုး နှင့် သစ်တောဆောင်းခိုငှက် (၁၂)မျိုးတို့ကို စာရင်းကောက်ယူ တွေ့ရှိရကြောင်း ထုတ်ပြန်ချက်အရ သိရသည်။
ရေပျော် ဆောင်းခိုငှက်များတွင် မျိုးသုဉ်းမှုအန္တရာယ်နှင့် ရင်ဆိုင်နေရသည့် မျိုးစိတ်များ ဖြစ်သည့် ပို့ချပ်ဘဲ ခေါင်းစိမ်း (Baer's Pochard)၊ မျိုးသုဉ်းမှုအန္တရာယ်ကျရောက်နိုင်သော မျိုးစိတ်ဖြစ်သည့် ကြိုးကြာ ခေါင်းနီ (Sarus Crane)၊ Common Porchard ၊ အမောက်ပါ တစ်တီတူး (Northern Lapwing) မျိုးစိတ် နှင့် မျိုးသုဉ်းရန်အန္တရာယ် ကျရောက်လုနီးပါး မျိုးစိတ် ဖြစ်သည့် Ferruginous Duck၊ Black-headed Ibis စသည်တို့ ကျရောက်ကျက်စားနေသည်ကို တွေ့ရှိရကြောင်း သိရသည်။
ထို့ပြင် သစ်တောဆောင်းခိုငှက်များတွင် ကမ္ဘာလုံးဆိုင်ရာ မျိုးသုဉ်းမှုအန္တရာယ်နှင့် ရင်ဆိုင်နေရသည့် မျိုးစိတ်များဖြစ်သည့် စာဝါကြား ကောင်ရေ (၅၀၀) ကျော်နှင့် ကျေးငှက်မျိုးစိတ် (Grey-headed Parakeet ) ကောင်ရေ (၁၀၀) ခန့် ကျရောက်ကျက်စားလျက် ရှိသည်ကို ဆန်းစစ်တွေ့ရှိရကြောင်း သိရသည်။
အင်းလေးကန်တောရိုင်းတိရစ္ဆာန်ဘေးမဲ့တောသဘာဝထိန်းသိမ်းရေးနယ်မြေသည် အင်းလေး ကန်၊ စံကားအင်းနှင့် ဖယ်ခုံအင်း စသည့် ရေဝပ်ဒေသကြီး (၃)ခုနှင့် ဘီလူးချောင်းတို့ တစ်ဆက် တစ်စပ်တည်း ပါဝင်တည်ရှိနေသည့် ရေဝပ်ဒေသဂေဟစနစ်ထိန်းသိမ်းရေးနယ်မြေတစ်ခု ဖြစ်ကြောင်း သိရသည်။ ထို့ပြင် အင်းလေးကန်အပိုင်းကို မြန်မာနိုင်ငံ၏ ပဉ္စမမြောက် ရမ်ဆာရေဝပ်ဒေသ (၂၀၁၈) အဖြစ် သတ်မှတ်ထားပြီး အရှေ့အာရှ-ဩစတြေးလျငှက်ပျံသန်းရာလမ်းကြောင်း ၏ ကွန်ရက်နယ်မြေ တစ်ခု ဖြစ်ကြောင်း သိရသည်။
#centralnewsnaypyitaw
ကြိုက်တယ်။
မှတ်ချက်
မျှဝေပါ။
သရုပ်ဆောင် နန်းမြတ်ဖြိုးသင်း ရဲ့ အရမ်း ချစ်စရာကောင်းတဲ့ သမီးလေး ဂျူးဂျူး❤️❤️❤️
#celenews
ကြိုက်တယ်။
မှတ်ချက်
မျှဝေပါ။
တရုတ်မယားအဖြစ် တရုတ်နိုင်ငံသို့ပို့ဆောင်ရန် စီစဉ်ခဲ့သည့် တရုတ်လူမျိုး(၂)ဦးနှင့် မြန်မာလူမျိုး (၂) ဦးတို့ကို အလုပ်နှင့်ထောင်ဒဏ်များ ချမှတ်
ဖေဖော်ဝါရီ ၃
တရုတ်မယားအဖြစ် တရုတ်နိုင်ငံသို့ ပို့ဆောင်ရန်စီစဉ်ခဲ့သည့် တရုတ်လူမျိုး(၂)ဦး နှင့် မြန်မာလူမျိုး (၂)ဦးတို့ကို အလုပ်နှင့် ထောင်ဒဏ်များ ချမှတ်ခဲ့ကြောင်း နိုင်ငံတော်စီမံအုပ်ချုပ်ရေးကောင်စီ၏ သတင်းထုတ်ပြန်ချက်အရ သိရသည်။
ရခိုင်ပြည်နယ်၊ စစ်တွေမြို့၊ ရွာကြီးမြောက် ရပ်ကွက်နေ ရွှေနုစိန်နှင့် မိမိခိုင်တို့သည် ရခိုင်ပြည်နယ်၊ စစ်တွေမြို့နေ အသက် (၂၀)၊ (၂၂) နှင့် (၂၉) နှစ်အရွယ် အမျိုးသမီး(၃)ဦးကို တရုတ်နိုင်ငံတွင် တရုတ်အမျိုးသားနှင့်လက်ထပ်ပါက ငွေကျပ်သိန်း (၇၀) ရရှိမည်ဖြစ်ပြီး ကလေးယူပြီးပါက နေရပ်သို့ပြန်ရမည်၊ ကား၊ ခြံနှင့် နေရမည်ဟု စည်းရုံးပြောဆိုခဲ့ကြောင်း သိရသည်။
ထိုသို့ ပြောဆိုစည်းရုံးပြီး တရုတ်နိုင်ငံသို့ ပို့ဆောင်ရန် စီစဉ်ဆောင်ရွက်ခဲ့သဖြင့် စစ်တွေနယ်မြေရဲစခန်းတွင် (ပ) ၂၈/ ၂၀၂၄၊ လူကုန်ကူးမှုတားဆီးနှိမ်နင်းရေး ဥပဒေပုဒ်မ ၃၅/၄၄ ဖြင့် အမှုဖွင့်လှစ်ခဲ့ကြောင်း သိရသည်။
အဆိုပါအမှုအား စစ်တွေခရိုင်တရားရုံးသို့ တရားစွဲတင်ပို့ခဲ့ရာ ဇန်နဝါရီလ ၂၇ ရက်တွင် တရားခံ ရွှေနုစိန်ကို လူကုန်ကူးမှုတားဆီးနှိမ်နင်းရေးဥပဒေပုဒ်မ(၃၅)အရ အလုပ်နှင့်ထောင်ဒဏ် (၁၅) နှစ် ကျခံစေရန် အမိန့်ချမှတ်ခဲ့ကြောင်း သိရသည်။
အလားတူ တရုတ်နိုင်ငံ၊ ရွှေလီမြို့၊ နောင်ငင်ရွာနေ နန်းဆိုင်ခမ်း (ခ) မားမား၊ တရုတ်နိုင်ငံ အန်းဟွေးပြည်နယ်၊ ဖုရန်းမြို့နေ Gao Fengying (ကောင်းဖိန်းရင်)၊ ပဲခူးတိုင်းဒေသကြီး၊ ပဲခူးမြို့၊ ရပ်ကွက်ကြီး (၁) နေ ဇင်သူခိုင်နှင့် မန္တလေးမြို့၊ ချမ်းမြသာစည်မြို့နယ်၊ သံလျက်မော်တောင်ရပ်ကွက်နေ မေထက်နိုင်ဦး (ခ) ထက်ထက်တို့ (၄) ဦးသည် နေပြည်တော်၊ လယ်ဝေးမြို့နယ်နေ အသက်(၁၉) နှစ်အရွယ် အမျိုးသမီးတစ်ဦးကို တရုတ်နိုင်ငံတွင် တရုတ်မယားအဖြစ် ဆောင်ရွက်ပါက ငွေကျပ်သိန်း (၁၀၀) ရရှိမည်၊ တစ်နှစ်နေပြီးပါက မြန်မာနိုင်ငံသို့ ပြန်လာရမည်။ ကလေးမွေးပေးရမည်ဟု စည်းရုံးပြီး တရုတ်မယားအဖြစ် ပို့ဆောင်ရောင်းစားရန် စီစဉ်ခဲ့ကြောင်း သိရသည်။
ထို့သို့ ပို့ဆောင်ရောင်းစားရန် စီစဉ်ခဲ့မှုကို လေဆိပ်နယ်မြေရဲစခန်းတွင် (ပ) ၂၃/ ၂၀၂၄၊ လူကုန်ကူးမှုတားဆီးနှိမ်နင်းရေးဥပဒေပုဒ်မ ၃၈ (က)/ ၄၄ ဖြင့် အမှုဖွင့်လှစ်ခဲ့ကြောင်း သိရသည်။
ထို့နောက် အဆိုပါအမှုကို တံတားဦးခရိုင်တရားရုံးသို့ တရားစွဲတင်ပို့ခဲ့ရာ ဇန်နဝါရီ ၃၀ ရက်တွင် တရားခံ နန်းဆိုင်ခမ်း (ခ) မားမားနှင့် ကောင်းဖိန်းရင်တို့ နှစ်ဦးအား လူကုန်ကူးမှုတားဆီးနှိမ်နင်းရေး ဥပဒေပုဒ်မ ၃၈ (က) အရ အလုပ်နှင့် ထောင်ဒဏ်နှစ် (၂၀) စီ ကျခံစေရန် အမိန့်ချမှတ်ခဲ့ကြောင်းလည်း သိရသည်။
ထို့အတူ တရုတ်နိုင်ငံ၊ ရွှေလီမြို့၊ နောင်ငင်ရွာနေ နန်းဆိုင်ခမ်း(ခ) မားမား၊ မကွေးတိုင်းဒေသကြီး ဆင်ပေါင်ဝဲမြို့နယ်နေ ချစ်ထူး၊ ပဲခူးတိုင်းဒေသကြီး၊ ပဲခူးမြို့၊ ရပ်ကွက်ကြီး (၁) နေ ဇင်သူခိုင်၊ မန္တလေးမြို့၊ ချမ်းမြသာစည်မြို့နယ်၊ သံလျက်မော်တောင်ရပ်ကွက်နေ မေထက်နိုင်ဦး (ခ) ထက်ထက်နှင့် မန္တလေးတိုင်းဒေသကြီး မဟာအောင်မြေမြို့နယ် သံလျက်မော်အရှေ့ရပ်ကွက်နေ ကောင်းထက်ကျော် (ခ) ဖိုးစည်တို့ ငါးဦးသည် ရှမ်းပြည်နယ်၊ ညောင်ရွှေမြို့နယ်နေ အသက်(၂၈) နှစ်အရွယ် အမျိုးသမီး တစ်ဦးနှင့် ရန်ကုန်တိုင်းဒေသကြီး၊ တောင်ဒဂုံမြို့နယ်နေ အသက် (၂၃) နှစ်အရွယ် အမျိုးသမီး (၂)ဦးကို တရုတ်မယားအဖြစ် ဆောင်ရွက်ပါက ငွေကျပ်သိန်း (၈၀) ရမည်၊ ပတ်စ်ပို့ပြုလုပ်ပေးမည်၊ ခရီးစရိတ်ကုန်ကျခံမည်ဟု ပြောဆိုစည်းရုံးခဲ့ကြောင်း သိရသည်။
#သတင်းဟင်းလေးအိုးကြီး
ကြိုက်တယ်။
မှတ်ချက်
မျှဝေပါ။
ညနေစောင်းလေးတခုမှာပေါ့😁
ကြိုက်တယ်။
မှတ်ချက်
မျှဝေပါ။
Showing 3749 out of 8137