ယနေ့ ရွှေဈေးနဲ့ နိုင်ငံခြားငွေလဲနှုန်းများ

ဒီဇင်ဘာ ၄

#ရွှေဈေး

-ကမ္ဘာ့ရွှေဈေး
တအောင်စ ၂၆၄၅ ဒေါ်လာ

ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း

- အကယ်ဒမီ မီးလင်းရွှေ တကျပ်သား
၅၃၇၆၄၈၀ ကျပ်

ပြင်ပရွှေဈေးနှုန်း

-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၆၀၈၀၀၀၀ ကျပ်
ဝယ်ဈေး ၆၀၅၀၀၀၀ ကျပ်

-၁၅ ပဲရည် တကျပ်သား
ရောင်းဈေး ၅၈၈၀၀၀၀ ကျပ်
ဝယ်ဈေး ၅၈၅၀၀၀၀ ကျပ်

“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”

(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)

#နိုင်ငံခြားငွေလဲလှယ်နှုန်း

-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၂၁၀၀ ကျပ်

ပြင်ပပေါက်စျေး

-အမေရိကန်ဒေါ်လာ‌
ရောင်းဈေး - ၄၄၄၀ ကျပ်
ဝယ်ဈေး - ၄၃၄၀ ကျပ်

-စင်္ကာပူဒေါ်လာ
ရောင်းဈေး - ၃၃၆၀ ကျပ်
ဝယ်ဈေး - ၃၂၉၀ ကျပ်

-ယူရို
ရောင်းဈေး - ၄၇၁၀ ကျပ်
ဝယ်ဈေး - ၄၅၉၀ ကျပ်

-ထိုင်းဘတ်
ရောင်းဈေး - ၁၃၀.၇၀ ကျပ်
ဝယ်ဈေး - ၁၂၇.၃၀ ကျပ်

-မလေးရှားရင်းဂစ်
ရောင်းဈေး - ၁၀၀၅ ကျပ်
ဝယ်ဈေး - ၉၈၀ ကျပ်

-တရုတ်ယွမ်
ရောင်းဈေး - ၆၁၅ ကျပ်
ဝယ်ဈေး - ၆၀၀ ကျပ်

-ဂျပန်ယန်း
ရောင်းဈေး - ၂၉.၉၀ ကျပ်
ဝယ်ဈေး - ၂၉.၁၀ ကျပ်

-အိန္ဒိယရူပီး
ရောင်းဈေး - ၅၂.၉၄ ကျပ်
ဝယ်ဈေး - ၅၁.၅၉ ကျပ်

-ကိုရီးယားဝမ်
ရောင်းဈေး - ၃.၁၉ ကျပ်
ဝယ်ဈေး - ၃.၁၀ ကျပ်

-စတာလင်ပေါင်
ရောင်းဈေး - ၅၆၉၀ ကျပ်
ဝယ်ဈေး - ၅၅၄၅ ကျပ်

-ဩစတြေးလျဒေါ်လာ
ရောင်းဈေး - ၂၈၉၀ ကျပ်
ဝယ်ဈေး - ၂၈၁၀ ကျပ်

-ကနေဒါဒေါ်လာ
ရောင်းဈေး - ၃၁၉၀ ကျပ်
ဝယ်ဈေး - ၃၁၁၀ ကျပ်

-ဟောင်ကောင်ဒေါ်လာ
ရောင်းဈေး - ၅၇၆ ကျပ်
ဝယ်ဈေး - ၅၆၂ ကျပ်

-ယူအေအီး
ရောင်းဈေး - ၁၂၂၀ ကျပ်
ဝယ်ဈေး - ၁၁၉၀ ကျပ်

ငွေလဲနှုန်းများ အချိန်နှင့်အမျှ ပြောင်းလဲနိုင်သည်။

Credit - VOM NewsAgency

#သတင်းဟင်းလေးအိုးကြီး

တရုတ်နိုင်ငံမှ မြန်မာနိုင်ငံနှင့် နိုင်ငံရေးအရအပြန်အလှန်ယုံကြည်မှုတိုးမြှင့်ရန်ဆန္ဒရှိဟု တရုတ်သံမှူးပြော

စတုတ္တသုံးလပတ် တရုတ်-မြန်မာ မီဒီယာတွေ့ဆုံပွဲကို ဒီဇင်ဘာ ၂ ရက်က ကျင်းပစဉ် တရုတ်နိုင်ငံမှ မြန်မာနိုင်ငံနှင့် နိုင်ငံရေးအရအပြန်အလှန်ယုံကြည်မှုကိုတိုးမြှင့်၍ မဟာဗျူဟာမြောက်ပူးပေါင်းဆောင်ရွက်မှုကိုမြှင့်တင်ကာ နှစ်နိုင်ငံပြည်သူများကို ပိုမိုကောင်းမွန်စွာအကျိုးပြုရန်ဆန္ဒရှိသည်ဟု မြန်မာနိုင်ငံဆိုင်ရာ တရုတ်သံရုံး၏ သံမှူး Dr. Zheng Zhihong က ထုတ်ဖော်ပြောကြားခဲ့သည်။

ထို့ကြောင့် မီဒီယာများအနေဖြင့် တရုတ်-မြန်မာ ကူးလူးဆက်ဆံမှုနှင့် ပူးပေါင်းဆောင်ရွက်မှုဆိုင်ရာသတင်းများကိုတင်ဆက်ခြင်းဖြင့် ပြည်သူအချင်းချင်း ချစ်ကြည်ရင်းနှီးမှုကိုမြှင့်တင်ပြီး တရုတ်-မြန်မာ အေးအတူပူအမျှ အသိုက်အဝန်း ခိုင်မာအားကောင်းလာစေရန် ပတ်ဝန်းကျင်ကောင်း ဖန်တီးနိုင်လိမ့်မည်ဟုလည်း ပြောကြားခဲ့သည်။

ထို့ပြင် တရုတ်သံမှူးမှ တရုတ်နိုင်ငံ၏ စီးပွားရေးအခြေအနေများနှင့် ပြုပြင်ပြောင်းလဲမှုဘက်စုံနက်ရှိုင်းစေရေး အစီအမံများကိုလည်း ထည့်သွင်းပြောကြားသည်။

အလားတူ တရုတ်နိုင်ငံ၏ တံခါးဖွင့်လှစ်မှုသည် ဒေသတွင်းကိုဦးစားပေးထောက်ပံ့ပြီး အကျိုးဖြစ်ထွန်းစေကြောင်းတို့ကိုလည်း ရှင်းလင်းပြောကြားခဲ့သည်။

ကုန်ဈေးနှုန်းကြီးမြင့်မှုအပေါ် အစိုးရအဖွဲ့များအနေဖြင့် စနစ်တကျစိစစ်ကြပ်မတ်ဆောင်ရွက်ရန် နစကဥက္ကဋ္ဌ မှာကြား

ဒီဇင်ဘာ ၄

ကုန်ဈေးနှုန်းကြီးမြင့်မှုများအပေါ် ပြည်ထောင်စုအဆင့်နှင့် တိုင်းဒေသကြီးနှင့် ပြည်နယ်အစိုးရအဖွဲ့များအနေဖြင့် စနစ်တကျ စိစစ်ကြပ်မတ်ဆောင်ရွက်ရန် ယမန်နေ့က နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံး အစည်းအဝေးခန်းမ၌ ကျင်းပသည့် ပြည်ထောင်စုအစိုးရအဖွဲ့အစည်းအဝေးတွင် နိုင်ငံတော်စီမံအုပ်ချုပ်ရေး ကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်က မှာကြားလိုက်သည်။

နိုင်ငံတော်စီမံအုပ်ချုပ်ရေးကောင်စီဥက္ကဋ္ဌက “အသား၊ ငါးနဲ့ အခြေခံစားကုန် ကုန်ဈေးနှုန်း ကြီးမြင့်လာမှုတွေ ဖြစ်ပေါ်နေတာကို တွေ့နေရပါတယ်။ ကုန်ထုတ်လုပ်တဲ့ လုပ်ငန်းရှင်တွေအနေနဲ့ ပြည်သူတွေရဲ့ အခြေခံ စားကုန်တွေနဲ့ ပတ်သက်ပြီး သင့်တင့်လျောက်ပတ်တဲ့ အမြတ်ကိုပဲ တင်ပြီး ရောင်းချသွားဖို့ လိုပါတယ်။ ပြည်သူတွေကို ရောင်းချရာမှာ အမြတ်ငွေနည်းနည်းနဲ့ ပမာဏများများရောင်းချနိုင်ခြင်းဖြင့် ပြည်သူလူထု သက်သာချောင်ချိမှုရှိအောင် ဆောင်ရွက်ပေးကြဖို့ ဖြစ်ပါတယ်။ ကုန်ဈေးနှုန်းကြီးမြင့်မှုတွေအပေါ် ပြည်ထောင်စုအဆင့်နဲ့ တိုင်းဒေသကြီးနဲ့ ပြည်နယ်အစိုးရအဖွဲ့တွေ အနေနဲ့ စနစ်တကျ စိစစ်ကြပ်မတ် ဆောင်ရွက်ကြဖို့ လိုပါတယ်။ ဖြစ်သင့်ဖြစ်ထိုက်တဲ့ ကုန်ဈေးနှုန်းတွေ ဖြစ်စေဖို့ စေတနာထားပြီး အပင်ပန်းခံဆောင်ရွက်ကြစေလိုပါတယ်။” ဟု ပြောသည်။

နိုင်ငံအတွင်း ဝင်ငွေနှင့် ထွက်ငွေကိုလည်း မျှတအောင် ဆောင်ရွက်နိုင်ရန်လိုကြောင်း၊ ထို့ကြောင့် ကုန်ထုတ်လုပ်မှုကို မဖြစ်မနေတိုးမြှင့်ဆောင်ရွက်၍ ပြည်ပသို့တင်ပို့ရောင်းချနိုင်ရန်လိုကြောင်း၊ လက်ရှိတင်ပို့နေသည်ထက် နှစ်ဆခန့်ပိုမိုတင်ပို့နိုင်ရန်လိုကြောင်း၊ ကုန်ထုတ်လုပ်မှု ကိုယခုထက်တိုးမြှင့် ဆောင်ရွက်နိုင်ရန်အတွက် အလုပ်အကိုင်များ ဖန်တီးပေးခြင်းနှင့် ကုန်ထုတ်လုပ်ငန်းများအပေါ် incentive များပေးရန်လိုကြောင်း၊ အလုပ်အကိုင်များဖန်တီးရာတွင် လိုအပ်သည့်သွင်းအားစုများကိုလည်း လုံလောက်စွာ ရရှိအောင် ဆောင်ရွက်ပေးရမည်ဖြစ်ကြောင်း၊ ကုန်ထုတ်လုပ်မှုနှင့်ပတ်သက်၍ ထုတ်လုပ်မှုကို မဖြစ်မနေ တိုးမြှင့်ဆောင်ရွက်သွားရန်လိုအပ်မည်ဖြစ်ပြီး “မှတစ်ပါး အခြားမရှိ” ကြောင်း၊ ထုတ်လုပ်မှုများ ဆောင်ရွက်ရာ တွင် ဈေးကွက်ရှိပြီး အရည်အသွေးပြည့်မီသည့် ကုန်ပစ္စည်းများဖြစ်ရန်လိုကြောင်း၊ ကုန်ပစ္စည်းချင်းတူပါက ဈေးသက်သာရမည်၊ ဈေးချင်းတူပါက အရည်အသွေးကောင်းမွန်ရမည်ဖြစ်ကြောင်း၊ ယင်းအချက်နှစ်ချက်ဖြင့် ဆောင်ရွက်ပါက အောင်မြင်နိုင်မည်ဖြစ်သဖြင့် တိုင်းဒေသကြီးနှင့် ပြည်နယ်ဝန်ကြီးချုပ်များ၊ သက်ဆိုင်ရာဝန်ကြီး ဌာနများအနေဖြင့် စဉ်းစားဆောင်ရွက်ကြရန် ပြောကြားလိုကြောင်း နိုင်ငံတော်စီမံအုပ်ချုပ်ရေးကောင်စီဥက္ကဋ္ဌက ပြောသည်။

နိုင်ငံတော်စီမံအုပ်ချုပ်ရေးကောင်စီဥက္ကဋ္ဌက တိုင်းဒေသကြီးနှင့် ပြည်နယ်ဝန်ကြီးချုပ်များ၏ တင်ပြချက်များအရ စိုက်ပျိုးမွေးမြူရေးထွက်ကုန်များအား ပြည်သူလူထုသို့ သက်သာသောဈေးနှုန်းများဖြင့် မည်ကဲ့သို့ ရောင်းချပေး လျက်ရှိသည်၊ ဆန်ဖူလုံမှု၊ ဆန်ဖူလုံမှု မည်မျှရှိသည်တို့ကို ရာခိုင်နှုန်းများဖြင့် တင်ပြကြသည်ကိုတွေ့ရကြောင်း၊ ဒေသအလိုက် ဝမ်းစာဖူလုံရေးနှင့်ပတ်သက်၍ အစိုးရကဆောင်ရွက်ပေးမှမဟုတ်ဘဲ လူတိုင်းက လုပ်ဆောင်ကြရန်လိုကြောင်း၊ တိုင်းဒေသကြီးနှင့် ပြည်နယ်များအလိုက် ဖူလုံမှုများရှိနေသည်ဟုဆိုပါက အခြေခံစားကုန်များ ကုန်ဈေးနှုန်းကြီးမြင့်ရန် အကြောင်းမရှိကြောင်း၊ ထို့ကြောင့် အခြေခံစားကုန်ဖူလုံရေးကို အဓိကထားဆောင်ရွက်ကြရန်လိုကြောင်းဖြင့် ပြောကြားသည်။

#centralnewsnaypyitaw

ကွာရှင်းခြင်းရဲ့နောက်ကွယ် အပိုင်း-၂
ကွာရှင်းခြင်းရဲ့နောက်ကွယ် အပိုင်း-၂

နစကဥက္ကဋ္ဌနှင့် ရုရှားနိုင်ငံ ဒူးမားလွှတ်တော်ဒုဥက္ကဋ္ဌတို့တွေ့ဆုံ၊ ရွေးကောက်ပွဲကျင်းပချိန်တွင် ရုရှားမှ လေ့လာရေးအဖွဲ့များ ဖိတ်ခေါ်သွားမည့်အခြေအနေများ ဆွေးနွေး

ဒီဇင်ဘာ ၄

နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်ထံသို့ ရုရှားဖက်ဒရေးရှင်းနိုင်ငံ၊ ဒူးမားလွှတ်တော် ဒုတိယဥက္ကဋ္ဌ H. E. Mr. Sholban Kara-Ool ဦးဆောင်သည့် ကိုယ်စားလှယ်အဖွဲ့က ယမန်နေ့နံနက်ပိုင်းတွင် နေပြည်တော်ရှိ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံး၊ သံတမန်ဆောင်ဧည့်ခန်းမ၌ တွေ့ဆုံခဲ့သည်။

ထိုသို့ တွေ့ဆုံရာတွင် မြန်မာနိုင်ငံ၏ နိုင်ငံရေးဖြစ်ပေါ်ပြောင်းလဲမှုများအပေါ် နိုင်ငံတကာမျက်နှာစာတွင် ရုရှားနိုင်ငံအနေဖြင့် ခိုင်ခိုင်မာမာရပ်တည်ပေးလျက်ရှိမှုနှင့် မြန်မာနိုင်ငံအနေဖြင့်လည်း ရုရှားနိုင်ငံ၏ နိုင်ငံရေးဖြစ်ပေါ်ပြောင်းလဲမှုများအပေါ် ခိုင်ခိုင်မာမာရပ်တည်ပေးလျက်ရှိမှုအခြေအနေများ၊ မြန်မာနိုင်ငံ၌ လွတ်လပ်၍ တရားမျှတသည့် ရွေးကောက်ပွဲကျင်းပနိုင်ရေး ကြိုတင်ပြင်ဆင်ဆောင်ရွက်လျက်ရှိမှုနှင့် ရွေးကောက်ပွဲကျင်းပချိန်တွင် ရုရှားနိုင်ငံမှ လေ့လာရေးအဖွဲ့များ ဖိတ်ခေါ်သွားမည့်အခြေအနေများ၊ ဥပဒေပိုင်းဆိုင်ရာများတွင် ပူးပေါင်းဆောင်ရွက်နိုင်သည့်အခြေအနေများ၊ ကုန်ထုတ်လုပ်မှုလုပ်ငန်းများ၊ စိုက်ပျိုးရေးလုပ်ငန်းများတွင် နည်းပညာပူးပေါင်းဆောင်ရွက်မှုများ တိုးမြှင့်ဆောင်ရွက်နိုင်သည့်အခြေအနေများ၊ စိုက်ပျိုးရေးလုပ်ငန်းများအတွက် လိုအပ်သည့် ဓာတ်မြေဩဇာများ ထုတ်လုပ်နိုင်ရေးနှင့် စက်မှုလုပ်ငန်းများ တိုးတက်စေရေး ပူးပေါင်းဆောင်ရွက်နိုင်သည့်အခြေအနေများ၊ လျှပ်စစ်ဓာတ်အားထုတ်လုပ်မှုလုပ်ငန်းများ၊ စွမ်းအင်ထုတ်လုပ်ရေးလုပ်ငန်းများနှင့် အခြားကဏ္ဍပေါင်းစုံတွင် ပူးပေါင်းဆောင်ရွက်မှုများ မြှင့်တင်ဆောင် ရွက်နိုင်မှုအခြေအနေများနှင့်စပ်လျဉ်းပြီး ဆွေးနွေးခဲ့ကြသည်။

အဆိုပါတွေ့ဆုံပွဲသို့ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ်နှင့်အတူ ကောင်စီ အတွင်းရေးမှူး ဗိုလ်ချုပ်ကြီး အောင်လင်းဒွေး၊ ကောင်စီအဖွဲ့ဝင်များဖြစ်ကြသည့် ဗိုလ်ချုပ်ကြီး မြထွန်းဦးနှင့် ဦးဝဏ္ဏမောင်လွင်၊ ပြည်ထောင်စုရွေးကောက်ပွဲကော်မရှင်ဥက္ကဋ္ဌ ဦးကိုကို၊ ပြည်ထောင်စုဝန်ကြီးများဖြစ်ကြသည့် ဒေါက်တာကံဇော်၊ ဒေါက်တာသီတာဦး၊ ဦးတင်ဦးလွင်၊ ဦးကိုကိုလွင်နှင့် တာဝန်ရှိသူများ တက်ရောက်ကြပြီး ရုရှားဖက်ဒရေးရှင်းနိုင်ငံ၊ ဒူးမားလွှတ်တော် ဒုတိယဥက္ကဋ္ဌနှင့်အတူ မြန်မာနိုင်ငံဆိုင်ရာ ရုရှားဖက်ဒရေးရှင်းနိုင်ငံ သံအမတ်ကြီး H.E.Mr. Mr. Iskander Azizov နှင့် ကိုယ်စားလှယ်အဖွဲ့ဝင်များ တက်ရောက်ကြသည်။

#သတင်းဟင်းလေးအိုးကြီး

တောင်ကိုရီးယား သမ္မတရဲ့ စစ်အုပ်ချုပ်ရေးကြေညာချက် နာရီပိုင်းအတွင်း ပြန်လည်ရုပ်သိမ်းလိုက်ရ

ဒီဇင်ဘာ ၄

တောင်ကိုရီးယားသမ္မတက သူရုတ်တရက်ကြေညာလိုက်တဲ့ စစ်အုပ်ချုပ်ရေးအမိန့်ကို ပြန်လည်ရုပ်သိမ်းလိုက်ပြီးနောက် ဒီကနေ့မနက်အစောပိုင်းမှာတော့ ဆန္ဒပြသူတွေဟာ ပါလီမန်ပြင်ပမှာ အောင်ပွဲခံနေကြပါတယ်။

မနေ့ကည နှောင်းပိုင်းမှာ သမ္မတ ယွန်းဆွတ်ခ်ယိုးလ်က မြောက်ကိုရီးယားရဲ့ ခြိမ်းခြောက်မှုတွေကို ကာကွယ်ဖို့နဲပ နိုင်ငံကို ဆန့်ကျင်ဖျက်ဆီးနေသူတွေကို နှိမ်နှင်းဖို့ လိုအပ်တာကြောင့် စစ်အုပ်ချုပ်ရေး ကြေညာတယ်လို့ ရုပ်မြင်သံကြားကနေ ရုတ်တရက် ကြေညာခဲ့ပါတယ်။

စစ်အုပ်ချုပ်ရေး ကြေညာပြီးနောက် နှစ်နာရီအကြာမှာတော့ ပါလီမန်အမတ်တွေဟာ သမ္မတရဲ့ အမိန့်ကိုဖီဆန်ပြီး အမျိုးသားလွှတ်တော်မှာစုဝေး မဲခွဲကြပြီး ဒါဟာ အခြေခံဥပဒေနဲ့ မညီဘူးလို့ ဆုံးဖြတ်ခဲ့ကြပါတယ်။ ပါလီမန်ကို ချီတက်လာကြတဲ့ ဆန္ဒပြသူတွေနဲ့ ရဲတွေအကြား အဓိကရုဏ်းတွေ ဖြစ်ပွားခဲ့ပါတယ်။

မကြာသေးမီက အရေးပေါ်အခြေအနေကို ရုပ်သိမ်းဖို့ အမျိုးသားလွှတ်တော်ရဲ့ တောင်းဆိုချက်တခုကြောင့် စစ်အုပ်ချုပ်ရေးအတွက် တပ်စွဲထားတဲ့ စစ်တပ်ကို ရုပ်သိမ်းလိုက်ပြီလို့ သမ္မတယွန်းဆွတ်ခ်ယိုလ်းက ဒီနေ့မနက် ၄ နာရီခွဲမှာ ကြေညာခဲ့ပါတယ်။

ဒါဟာ နိုင်ငံရေးအတိုက်အခံတွေကို တန်ပြန်ဖို့ နည်းဗျူဟာဖြစ်တယ်လို့ စောင့်ကြည့်လေ့လာသူတွေက ပြောပါတယ်။ သမ္မတရဲ့ People Power ပါတီကလည်း ဒီလုပ်ရပ်ဟာ မှားယွင်းတဲ့လုပ်ရပ်လို့ ထုတ်ပြန်ကြေညာထားပါတယ်။

တောင်ကိုရီးယားမှာ စစ်အာဏာသိမ်းမှုတခုအတွင်း စစ်အာဏာရှင်ပတ်ချုံဟီး လုပ်ကြံခံရပြီးနောက် ၁၉၇၉ ခုနှစ်တွင် စစ်အုပ်ချုပ်ရေးကို နောက်ဆုံးအကြိမ် အသုံးပြုခဲ့ပြီး ၁၉၈၇ ခုနှစ် အရပ်သားအုပ်ချုပ်ရေးသို့ ပြန်လည်ရောက်ရှိ ချိန်မှစလို့ ကျင့်သုံးခဲ့ခြင်း မရှိပါဘူး။

Ref:BBC
Photo:AFP

#centralnewsnaypyitaw

မောင်သာနိုး (သို့မဟုတ်) အဖြီးအဖြန်း မကြိုက်သူ (Part-1)
လူပုံပန်းက အရပ်အမောင်း ခပ်လတ်လတ်၊ အသားအရေက အညာသွေး ညိုညို၊ မျက်နှာက မချို၊ ခပ်တင်းတင်း၊ အသံသြဇာက ကောင်းကောင်း၊ တစေ့ တစောင်း အကဲခတ်ရရင် မာနသံ၊ ရာဇမာန် ပေါက်ဟန်ရှိ။
အဲဒါဟာ မန်းတက္ကသိုလ်ကျောင်းသားခေါင်းဆောင် နာမည်ကျော် မောင်သာနိုး ရဲ့ ရုပ်ပုံလွှာပါပဲ။ အင်္ဂလိပ်စာတတ်တယ်၊ သတ္တိဗျတ္တိရှိတယ်။ မဟုတ်မခံ တော်လှန် ရဲတဲ့စိတ်ရှိတယ်လို့ နာမည်ကြီးတယ်။
သူ့အဘိုးက တိုင်တားမင်းကြီး။ သီပေါခေတ်မှာ တန်ခိုးကြီးတဲ့ ဝန်ကြီး၊ ခက်ထန်တယ်လို့ ကျော်စောတယ်။ မောင်သာနိုးဟာ တိုင်တားမင်းကြီးရဲ့ဓာတ်ပုံနဲ့ တော်တော်ဆင်တယ်။
“ကံကောင်းလို့ပေါ့ဗျာ...ကုန်းဘောင်ခေတ်မှာသာ ကျွန်တော်တို့ လူဖြစ်ခဲ့ရင် မောင်သာနိုးရဲ့တံတောင်နဲ့ အထောင်းခံရမယ့်ကိန်းပဲဗျ’လို့ ကျွန်တော်တို့ကပြောရင် ပြုံးစေ့စေ့လုပ်နေတတ်တယ်။
တကယ်တမ်းကျတော့ မောင်သာနိုးဟာ အနေအထိုင် စည်းကမ်းကြီးတယ်။ ဖြစ်ကတတ်ဆန်း မနေတတ်။ လောကွတ်စကား မဆိုတတ်။ စကားကို တိုတို ပြတ်ပြတ် ပြောတတ်တယ်။ တိတိကျကျ ပြောတတ်တယ်။ တောင်စဉ်ရေမရ ပြောတာကို မကြိုက်။ မကြိုက်ရင် ဟန်မဆောင်။ ငေါက်တတ်တယ်။ သူ့ကို ကြည်ညိုကြပေမဲ့ အနီးအနား ရဲရဲမကပ်ဝံ့။ စိတ်တိုင်းမကျရင် ဟောက်လိုက် ငေါက်လိုက်မှာကို ကြောက်ကြတယ်။
သူက ကျောင်းသားညီညွတ်ရေးတပ်ဦးစည်းရုံးရေးအတွက် ရည်စူးပြီး တက္ကသိုလ်အင်္ဂလိပ်စာ ပြဋ္ဌာန်းစာအုပ်တွေကို သင်ပေးတယ်။ အင်္ဂလိပ်စာ နိုင်တဲ့ နယ်ကျောင်းသားတွေ တိုးမပေါက်အောင် စာလိုက်ကြတယ်။ တ.က.သ ခန်းမကြီးတောင် မဆံ့ဘူး။
စာသင်ပုံကလည်း ရှင်းလင်းပြတ်သားတိကျတယ်။ သူရေးပေးတဲ့ အမေး အဖြေတွေကလည်း ကောင်းတယ်။ ကျောင်းသားဘဝကတည်းက ‘ဆရာဦးသာနိုး’ လို့ ဟိုးဟိုးကျော်နေပြီ။
ကျောင်းသားအရေးတွေကို တစ်ဖက်က ရဲရဲဝံ့ဝံ့ထမ်းဆောင်တယ်။ တစ်ဖက်က လူထုသတင်းစာမှာလည်း အချိန်ပိုင်း အယ်ဒီတာလုပ်တယ်။ မောင်သိင်္ဂါအမည်နဲ့ ဝတ္ထုတိုကလေး ကဗျာကလေးတွေရေးတယ်။ မော်စီတုန်းရဲ့ ပဋိပက္ခကျမ်း စသည်တို့ ကိုလည်း ဘာသာပြန်တယ်။
၁၉၅၇ ခုနှစ်က ကျွန်တော်နဲ့ မောင်သိန်းနိုင်(ဂုဏ်ထူး)တို့ မောင်သာနိုးကို ကိုယ်တိုင်မိတ်ဆက်ဖို့သွားကြတယ်။ အဲဒီတုန်းက ကိုသာနိုးက မေမြို့ က ကိုစိန်မောင် (ပန်းချီ)နဲ့ ရွှေပြည်အေးဆောင်မှာ နေတာကိုး။
ကျွန်တော်တို့ သူ့အခန်းထဲဝင်သွားတော့ စာကူးစက်တစ်လုံးနဲ ့ သူက 'Fighting Peacock' ဆိုတဲ့ အင်္ဂလိပ်လို နံရံကပ်စာစောင် ရေးနေတုန်း။
ကိုသိန်းနိုင်က ကျွန်တော့်ကိုယ်စား မိတ်ဆက်ပေးတယ်။ လူထုဂျာနယ်မှာ “ကန်မြဲနန်းမြင့်နွယ်”ဆိုတဲ့ နာမည်နဲ့ ကဗျာရေးသူပါလို ့ပြောတော့ “အဲ...ခင်ဗျာ့ ကဗျာတွေကို လူထုအယ်ဒီတာ ကိုသူရ(ရှမ်းပြည်)က သိပ်ကြိုက်တာပေါ့ဗျာ။ ကျွန်တော်ကတော့ ကလောင်နာမည်မြင်တာနဲ့ မဖတ်ချင်တော့ဘူးဗျ”လို ့ ပွင့်ပွင့် လင်းလင်း ဒဲ့ဒိုးပြောချလိုက်ပါတယ်။ ဒီလိုနည်းနဲ့ ခင်မင်ရင်းနှီးသွားကြတာပါ။
#ဆက်ရန်ရှိ

~~~ အမှတ်တရ ~~~ { ၃ }
#ဂျူး
မောင်က
လိုက်ခဲ့ဟု
ခေါ်တုန်းကလည်း
မောင့်ဘေးမှာ ကျွန်မပါသည်။
မောင်က
နေရစ်ခဲ့ဟု
ဆိုပြန်တော့လည်း
မောင် စိတ်အနှောင့်အယှက်ဖြစ်မည့်
စာတစ်စောင်
စကားတစ်ခွန်းမျှ
မောင် မကြားရစေဘဲ
ကျွန်မ ငြိမ်သက်စွာ
နေရစ်ခဲ့တာ အမှန်ပါပဲ။
အဲသည်အထိ
ကျွန်မ မောင့်ကို
ချစ်မြတ်နိုးခဲ့ပါသည် မောင်။
~~~~~~~
အခန်း-၃
တစ်ခုသော တောင်ပေါ်မြို့ငယ်လေးတစ်မြို့မှာ မောင် နေထိုင်လျှက် ရှိသည်။ လှပဆန်းကျယ်သည် ဆိုသော မောင့်မြို့ကလေးကို ကျွန်မ ရုပ်ရှင်ထဲမှာသာ တစ်ခါ မြင်ဖူးပါသည်။
ခြံတံခါး တစ်ဘက်တစ်ချက်၌ ထင်းရှူးပင်နှစ်ပင် ယှဉ်၍ပေါက်နေသော တစ်ထပ်တိုက်ပုပုလေးကို မြင်လိုက်ရတုန်းကဆိုလျှင် “ဒါ မောင် နေတဲ့ အိမ်ကလေးများလား” ဟု လွမ်းဆွတ်ခြင်းကြီးစွာ အမှတ်ရလိုက်မိ သေးသည်။ ဒီပုံစံဟာ မောင်သိပ်ကြိုက်တဲ့ တိုက်အိမ်ပုံစံမျိုးပဲ။
မောင် အဲသည် မြို့ကလေးမှာ ရှိနေခြင်းကိုလည်း သတင်းစာထဲမှာ လက်ထပ်ပြီးစီးခြင်း ကြော်ငြာပါလာမှ သိရသည်။ တစ်ချိန်ချိန်၌ မလွဲမသွေ ရင်ဆိုင်ဖို့ မျှော်လင့်ထားသော သတင်းဖြစ်သော်လည်း တကယ်တမ်း တေ့တေ့ဆိုင်ဆိုင် ရင်ဆိုင်လိုက်ရသောအခါ ကျွန်မ မျက်လုံးများ ပြာဝေသွားခဲ့သည်။ ဆုံးရှုံးရပြီဟု သိလိုက်ရသော အချိန်မှာ ကျွန်မ မျက်ရည်ကျ၍ မဖြစ်သော နေရာဒေသဖြစ်နေ၍ တော်ပါသေးသည်။
(ကျွန်မသည် မောင် ခဏခဏ ပြောသလို မျက်ရည်သိပ်လွယ်လေသည်။) ထိုအချိန်က ကျွန်မ သမဝါယမဆေးခန်းမှာ ရှိနေသည်။ ထိုနေ့က မျက်ရည်မကျခဲ့ပါ။
မောင့်ဘ၀နှင့် ကျွန်မဘ၀ကို တစ်ခုစီဟု ဘယ်တုန်းကမျှ မသတ်မှတ်ခဲ့ဖူးသော ကျွန်မသည် အဖြစ်အပျက်အမှန်ကို လက်ခံဖို့ လပေါင်းများစွာ အားယူခဲ့ရပါသည်။ နောက်တော့ မောင် အနီးအနားမှာ မရှိဘဲနဲ့ ကျွန်မ၏ သီးသန့်ဘ၀ကို အတားအဆီးမရှိ ဖြတ်ကျော် လာနိုင်ခဲ့သည်။
ကျွန်မက ဟန်ဆောင်ကောင်းပါသည်။
ကျွန်မသည် ပုံမှန်အတိုင်း သမဝါယမဆေးခန်းနှင့် ကိုယ်ပိုင်ဆေးခန်းတို့ကို စက်ရုပ်တစ်ခုကဲ့သို့ အချိန်မှန်စွာ လှုပ်ရှားအသက်၀င် နေခဲ့သည်။ အိမ်နှင့် ဆေးခန်းအကြားတွင် ကျွန်မ၌ အပူအပင်မျှ မရှိသလို ရယ်မော ပျော်ရွှင်နေသည်။ လူမှုရေးကိစ္စများတွင် သာမန်အတိုင်း ပါ၀င်လာခဲ့သည်။ ကျွန်မတို့နှစ်ယောက်၏ ကျောင်းသားဘ၀တုန်းက ရင်းနှီးမှုကို သိထားသော သူငယ်ချင်းများက ကျွန်မထံ စာဖြင့် လှမ်းရေးပြီး အံသြ သနားကြသည်။
မောင်ထားရစ်ခဲ့သော ကျန်ရစ်သူ တစ်ယောက်အဖြစ် ကရုဏာ သက်ကြသည်။ ကျွန်မ လာသမျှစာများကို လုံး၀မပြန်ခဲ့ပါ။
ဘယ်နှယ့်လုပ်ပြီး စာပြန်ရမလဲ။ မင်္ဂလာဆောင် ဖိတ်စာကလေးတောင် လှမ်းပို့မခံရဘဲ သတင်းစာမှတဆင့် သိရသောအကြောင်းကို ဘယ်သူ့သွားပြီး ရင်ဖွင့်ရန် လိုအပ်ပါသလဲ။
အများအမြင်တွင် ကျွန်မသည် ကျောင်းသူဘ၀အတိုင်း ဘာမျှ မပြောင်းလဲပါ။ နောက်ပြီး ကျွန်မ ယခုရောက်နေသော မြို့ကလေး၌ မောင်နှင့် ကျွန်မအကြောင်း ကြားဖူးသူ ရှိမည် မထင်ပါ။ ထို့ကြောင့်လည်း လူ့လောက ၀တ္တရားများကို သာမန်အတိုင်း ဆောင်ရွက် ကျင်လည်နေနိုင်ခဲ့၏။
တမ်းဆွတ် သတိရစိတ်များစွာ ပြည့်အန်လာသောအခါ ကျွန်မ မန္တလေးကို သွားမိမည်။ မောင် နေထိုင်ခဲ့သော နန်းရှေ့က တစ်ထပ် ပျဉ်အိမ်ကလေးဆီသို့ ကျွန်မ ရောက်လာတတ်မည်။ မောင်ထွက်သွားပြီးသည့်နောက် အိမ်လခ ကျပ် ၁၀၀ ဆိုသည်မှာ ကျောင်းသူဘ၀တုန်းက များပြားသလောက် ဆရာ၀န်ဘ၀တွင် နည်းပါးလှသဖြင့် ကျွန်မကပဲ တောင်းတောင်းပန်ပန်နှင့် ဆက်ငှားထားခဲ့မိသည်။
#ဆက်ရန်ရှိ

ပုဂံ (၁၉၀၉)
#oldburma
#ရှေးရှေးတုန်းကဗမာပြည်