MySPACE

1 w - Translate

ဆောင်းသီးနှံအတွက် ချေးငွေများ ထုတ်ချေးပေးနေ

၂၀၂၄ ခုနှစ် ဆောင်းသီးနှံအတွက် ချေးငွေများကို စတင်ထုတ်ချေးပေးလျက်ရှိကြောင်း မြန်မာ့လယ်ယာဖွံ့ဖြိုးရေးဘဏ်ရုံးချုပ်မှ သိရသည်။

၂၀၂၄ ခုနှစ်၊ အောက်တိုဘာလမှ ၂၀၂၅ ခုနှစ်၊ ဇန်နဝါရီလကုန်အထိ ငွေကျပ်(၁၄၀ ဒသမ ၀၅)ဘီလီယံ ထုတ်ချေးပေးသွားမည်ဖြစ်ပြီး မိုးစပါးသီနှံအတွက် တိုင်းဒေသကြီးနှင့်ပြည်နယ် (၁၄) ခုရှိ ဘဏ်ခွဲ (၄၀) မှငွေကျပ် (၃၁၂၁) သန်းထုတ်ချေးပေးခဲ့ပြီးဖြစ်ကြောင်း သိရသည်။

ဆောင်းသီးနှံတွင် နွေစပါး၊ ဆီထွက်သီးနှံ၊ ချည်မျှင်၊ ပဲမျိုးစုံ၊အစေ့ထုတ်ပြောင်းနှင့် ကြက်သွန်တို့ပါဝင်ပြီး စပါးတစ်ဧကလျှင် ကျပ် (၁)သိန်းခွဲ၊ အခြားသီးနှံတစ်ဧကလျှင် ကျပ် (၁)သိန်းဖြင့် ထုတ်ချေးပေးသွားမည်ဖြစ်ကြောင်း သိရသည်။

ဆောင်းသီးနှံ ချေးငွေကာလမှာ ၂၀၂၅ ခုနှစ် မေလမှ အောက်တိုဘာလအထိ သတ်မှတ်ထားကြောင်း သိရသည်။

Comment

1 w - Translate

ချန်းကျိုမြို့ရှိ ကျောက်မီးသွေးမှ ဓာတ်မြေဩ ဇာထုတ်လုပ်သည့်စက်ရုံကို ဝန်ကြီးဦးကိုကိုလွင် သွားရောက်လေ့လာ

ချန်းကျိုမြို့ရှိ ကျောက်မီးသွေးမှ ဓာတ်မြေဩ ဇာထုတ်လုပ်သည့်စက်ရုံ Lu An Chemical Plant ကို စွမ်းအင်ဝန်ကြီးဌာန ပြည်ထောင်စုဝန်ကြီးဦးကိုကိုလွင်မှ ပြီးခဲ့သည့် နိုဝင်ဘာ ၉ ရက်က သွားရောက်လေ့လာခဲ့သည်။

စက်ရုံအတွင်း၌ ထုတ်လုပ်မှုလုပ်ငန်းစဥ်အဆင့် ဆင့်ဆောင်ရွက်မှုများကို ပြည်ထောင်စုဝန်ကြီးအား စက်ရုံတာဝန်ရှိသူများက ရှင်းလင်းတင်ပြခဲ့ကြသည်။

ထို့ပြင် ဝန်ကြီးဦးကိုကိုလွင်သည် နိုဝင်ဘာ ၁၀ ရက်ကလည်း ပေကျင်းမြို့ရှိ Aerospace Museum နှင့် CETEC (Changzheng Engineering Technology Co., Ltd.)၏ Research and Development Center တို့ကိုလေ့လာခဲ့ပြီး CETEC ရုံးချုပ်၌တာဝန်ရှိသူများနှင့်တွေ့ဆုံခဲ့သည်။

ထိုသို့ တွေ့ဆုံပြီးနောက် ကျောက်မီးသွေးမှ ဓာတ်မြေဩဇာထုတ်လုပ်ရာတွင် အဓိကကုန်ကြမ်းဖြစ်သောကျောက်မီးသွေးကို အရည်အသွေးပြည့်မီစွာ စဉ်ဆက်မပြတ်ရရှိရန် အကြိုလေ့လာဆန်းစစ်မှုများအား တိကျသေချာစွာစိစစ်ဆောင်ရွက်ရေး၊ Clean Coal Technology (CCT)ကဲ့သို့ အဆင့်မြင့်နည်းပညာများအသုံးပြုခြင်းဖြင့် ပတ်ဝန်းကျင်ထိခိုက်ညစ်ညမ်းမှုဖြစ်ပေါ် စေမှုအားလျှော့ချနိုင်ရေးဆွေးနွေးခဲ့သည်။

ထို့အတူ သဘာဝပတ်ဝန်းကျင်ထိခိုက်မှုမရှိစေရန် နိုင်ငံတကာစံချိန်စံနှုန်းနှင့်အညီ ဆောင်ရွက်နိုင်ရေး၊ စီမံကိန်းအကောင်အထည်ဖော်ရာတွင် အသုံးပြုမည့်အဆင့်မြင့်နည်းပညာများအား စနစ်တကျလွှဲပြောင်းရရှိရေး၊ Human Resourses (HR)မြင့်မားစေရေးအတွက် စာတွေ့၊ လက်တွေ့သင်တန်းများဖွင့်လှစ်၍ လေ့ကျင့်သင်ကြားပေးနိုင်ရေးတို့ကိုလည်း ဆွေးနွေးခဲ့ကြသည်။

ထို့ပြင် ဝန်ကြီးဦးကိုကိုလွင်အား ပေကျင်းမြို့ရှိ WISDRI Engineering & Research Incorporation Limited အစည်းအဝေးခန်းမ၌ ကျောက်မီးသွေးမှ ဓာတ်မြေဩဇာထုတ်လုပ်မှုနည်းစဉ်များတွင် အဓိကအသုံးပြုမည့် အအေးလွန်နည်းပညာအသုံးပြုကာ အောက်ဆီဂျင်နှင့် နိုက်ထရိုဂျင်ကိုထုတ်ယူသည့်နည်းပညာဆိုင်ရာများ၊ လိုအပ်သည့်လျှပ်စစ်ဓာတ်အားကို ကျောက်မီးသွေးမှတစ်ဆင့်ထုတ်လုပ်ခြင်းဆိုင်ရာ နည်းပညာများကို သက်ဆိုင်ရာပညာရှင်များက ရှင်းလင်းတင်ပြခဲ့ကြသည်။

Comment

1 w - Translate

မကာအိုမှ စီးပွားရေးလုပ်ငန်းရှင်များက မြန်မာတွင် နည်းပညာကဏ္ဍနှင့် ဆေးဝါးကဏ္ဍတို့၌ ရင်းနှီးမြှုပ်နှံလို

နိုဝင်ဘာ (၁၀) ရက်က မြန်မာ - တရုတ် ချစ်ကြည်ရေးအသင်း (ဗဟို) နှင့် မကာအို - မြန်မာချစ်ကြည်ရေးအသင်းတို့ UMFCCI တွင် တွေ့ဆုံစဉ် ထိုသို့ ပြောကြားခဲ့ခြင်း ဖြစ်သည်။

မကာအို - မြန်မာချစ်ကြည်ရေးအသင်းအနေဖြင့် ကျန်းမာရေး၊ ပညာရေးနှင့် ယဉ်ကျေးမှုတို့ကို အဓိကထား ဆောင်ရွက်နေပြီး အသင်းတွင် စီးပွားရေးလုပ်ငန်းရှင်များလည်း ပါဝင်သဖြင့် IT ကဏ္ဍ၊ ဆေးဝါးကဏ္ဍ မှစ၍ နယ်ပယ်ပေါင်းစုံတွင် ရင်းနှီးမြှုပ်နှံ ပူးပေါင်းဆောင်ရွက်လိုကြောင်း အသင်းဥက္ကဋ္ဌ Mr. Jose Wong ကပြောကြားခဲ့ခြင်း ဖြစ်သည်။

လာမည့်နှစ်သည် မကာအို - တရုတ် ချစ်ကြည်ရေးဆောင်ရွက်မှု (၁၀) နှစ်ပြည့်မည်ဖြစ်ပြီး အဆိုပါ (၁၀) နှစ်ပြည့် အခမ်းအနားကို မကာအိုတွင် ခမ်းနားစွာကျင်းပရန်ရှိသည့်အတွက် မြန်မာ - တရုတ် ချစ်ကြည်ရေးအသင်း (ဗဟို) ဥက္ကဋ္ဌနှင့် အဖွဲ့ဝင်များကို ဖိတ်ခေါ်ကြောင်းလည်း မကာအို - မြန်မာ ချစ်ကြည်ရေးအသင်း ဥက္ကဋ္ဌက ပြောကြားသွားသည်။

လက်ရှိတွင် မကာအို၌ မြန်မာပြည်ဖွား တရုတ် (၁)သိန်း ခန့်အထိရှိနေပြီး မြန်မာမှ အလုပ်လာရောက်လုပ်ကိုင်နေသူ (၅) ထောင်ခန့် နှင့် ကျောင်းလာတက်နေသူ တက္ကသိုလ်ကျောင်းသား (၂၀)ခန့်ရှိကာ ကျောင်းသားများကို ကူညီထောက်ပံ့ပေးနေကြောင်းလည်း ၎င်းက ဆိုသည်။

ထို့ပြင် ထပ်မံ၍ ပညာလာရောက်သင်ကြားလိုသူများကိုလည်း ဖိတ်ခေါ်ကြောင်းနှင့် လိုအပ်သည်များ ကူညီပံ့ပိုးစောင့်ရှောက်ပေးမည် ဖြစ်ကြောင်းလည်း ၎င်းက ဆိုသည်။

အဆိုပါ တွေ့ဆုံပွဲသို့ မြန်မာ - တရုတ် ချစ်ကြည်ရေးအသင်း (ဗဟို) ဥက္ကဋ္ဌ ဦးတင်ဦး ဦးဆောင်သောအဖွဲ့ဝင်များ မကာအို - မြန်မာ ချစ်ကြည်ရေးအသင်းမှ ဥက္ကဋ္ဌ Mr. Jose Wong ဦးဆောင်သော ကိုယ်စားလှယ်အဖွဲ့ဝင်များ တက်ရောက်ခဲ့ကြကြောင်း သိရသည်။