ဒုတိယအကြိမ်မြောက် ကမ္ဘာလုံးဆိုင်ရာဗုဒ္ဓညီလာခံဖွင့်ပွဲကို သာသနာရေးနှင့် ယဉ်ကျေးမှုဝန်ကြီးဌာန ဒု-ဝန် ကြီးဒေါ်နုမြဇံတက်ရောက်

Collective Wisdom and United Voice of Social Harmony”ခေါင်းစဉ်အောက်တွင် ပါဝင်ဆွေးနွေးခဲ့
အိန္ဒိယနိုင်ငံ၊ ယဉ်ကျေးမှုဝန်ကြီးဌာနနှင့် International Buddhist Confederation တို့ပူးပေါင်း၍ ဒုတိယအကြိမ်မြောက် ကမ္ဘာလုံးဆိုင်ရာဗုဒ္ဓညီလာခံဖွင့်ပွဲကို ဇန်န ဝါရီ ၂၄ ရက်နံနက်ပိုင်းက နယူးဒေလီမြို့၌ကျင်းပရာ သာသနာရေးနှင့် ယဉ်ကျေးမှုဝန်ကြီးဌာန ဒု-ဝန်ကြီးဒေါ်နုမြဇံတက်ရောက်ခဲ့ကြောင်း သိရသည်။
အဆိုပါ အခမ်းအနားကို "Collective Wisdom, United Voice, and Mutual Coexistence"ဆောင်ပုဒ်ဖြင့်ကျင်းပခြင်းဖြစ်ကာ ဒု-ဝန်ကြီးဒေါ်နုမြဇံနှင့် ကိုယ်စားလှယ်အဖွဲ့ဝင်များက "Collective Wisdom and United Voice of Social Harmony"ခေါင်းစဉ်အောက်တွင်ပါဝင်ဆွေးနွေးခဲ့ကြကြောင်း သိရသည်။
ထို့ပြင် အိန္ဒိယနိုင်ငံဆိုင်ရာ မြန်မာသံအမတ်ကြီးဦးဇော်ဦးမှလည်း အိန္ဒိယနိုင်ငံ၊ International Buddhist Confederation ၏ဖိတ်ကြားချက်အရ ဖွင့်ပွဲအခမ်းအ နားတက်ရောက်ခဲ့ကာ အိန္ဒိယနိုင်ငံ၊ ယဉ်ကျေးမှုဝန်ကြီးဌာန ဝန်ကြီး H.E. Mr. Shri Gajendra Singh Shekhawat နှင့် ပါလီမန်ရေးရာဝန်ကြီးဌာန ဝန်ကြီး H.E. Mr. Shri Kiren Rijiju တို့ကအမှာစကားများပြောကြားခဲ့ကြကြောင်း သိရသည်။
ပထမအကြိမ် ကမ္ဘာလုံးဆိုင်ရာ ဗုဒ္ဓညီလာခံအား ၂၀၂၃ ခုနှစ် ဧပြီ ၂၀ ရက်နှင့် ၂၁ ရက်တို့က အိန္ဒိယနိုင်ငံ၊ နယူးဒေလီမြို့တွင်ကျင်းပခဲ့ကာ မြန်မာနိုင်ငံမှ သီတဂူဆရာတော်ကြီးဦးဆောင်သည့် ဆရာတော်များတက်ရောက်တော်မူခဲ့ကြပြီး အိန္ဒိယနိုင်ငံဝန်ကြီးချုပ်မှလည်း အထူးဧည့်သည်တော်အဖြစ်တက်ရောက်ခဲ့ကြောင်း သိရသည်။

ရွေးကောက်ပွဲဖြင့်ငြိမ်းချမ်းရန်၊ရင်ကြားစေ့ရန်တရုတ်ကပံ့ပိုးမည်

အထွေထွေရွေးကောက်ပွဲမှတစ်ဆင့် ပိုမိုကျယ်ပြန့်၍ ပိုမိုခိုင်မာပြီး ရေရှည်တည်တံ့သော ငြိမ်းချမ်းရေးနှင့် ပြန်လည်သင့်မြတ်ရေးရရှိရန် မြန်မာနိုင်ငံရှိ အဖွဲ့အားလုံးကို တင်းမာနေသောအခြေအနေကို စောစီးစွာ အရှိန်ကျအောင် အဖွဲ့ အားလုံးကို တရုပ်က ကူညီပံ့ပိုးမည်ဖြစ်ကြောင်း တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူက တနင်္လာနေ့က ကျင်းပပြုလုပ်သော ပုံမှန်သတင်းစာရှင်းလင်းပွဲတွင် ပြောကြားခဲ့သည်။
မြန်မာနိုင်ငံ အထွေထွေရွေးကောက်ပွဲ တတိယအဆင့် မဲခွဲမှုအပြီး မေးမြန်းမှုအပေါ် ပြောရေးဆိုခွင့်ရှိသူ ဂေါင် ဂျီခွန်က ယခု ကဲ့သို့မှတ်ချက်ပေးခဲ့ခြင်းဖြစ်သည်။
"တရုတ်၊ ရုရှား၊ အိန္ဒိယ၊ သက်ဆိုင်ရာအာဆီယံနိုင်ငံတွေနဲ့ နိုင်ငံတကာအဖွဲ့အစည်းတွေက ရွေးကောက်ပွဲ စောင့်ကြည့်လေ့လာဖို့ လူတွေကို စေလွှတ်ခဲ့ပါတယ်။ မဲဆန္ဒရှင်တွေ တက်ကြွစွာ ပါဝင်ဆင်နွှဲခဲ့ကြလို့ ချောမွေ့ပြီး စနစ်ကျတဲ့ လုပ်ငန်းစဉ်ဖြစ်ခဲ့လို့ တရုတ်နိုင်ငံအနေနဲ့ အခုလို ဂုဏ်ပြုစကား ပြောကြားလိုက်ပါတယ်" ဟု ဂေါင်မက ပြောကြားခဲ့သည်။
မြန်မာလူမျိုးများ၏ ရွေးချယ်မှုကို လေးစားကြရန်နှင့် မြန်မာနိုင်ငံ ငြိမ်းချမ်းရေး၊ တည်ငြိမ်ရေးနှင့် ဖွံ့ဖြိုးတိုးတက်ရေး ပြန်လည်ထူထောင်ရေးတို့အတွက် အပြုသဘောဆောင်သော အကူအညီများကို ဆက်လက်ပံ့ပိုးပေးရန် တရုတ်နိုင်ငံအနေဖြင့် နိုင်ငံတကာအသိုက်အဝန်းနှင့် လက်တွဲဆောင်ရွက်သွားရန် ဆန္ဒရှိကြောင်း ၎င်းက ပြောကြားခဲ့သည်။

တရုတ်နိုင်ငံတွင် ပြင်းအား ၅.၅ အဆင့်ရှိ ငလျင်လှုပ်၊ ထိခိုက်‌ေ-သဆုံးမှုမရှိ

တရုတ်နိုင်ငံ အနောက်မြောက်ပိုင်း ဂန်စု ပြည်နယ်၌ ယနေ့ ၂း၅၆ နာရီတွင် ပြင်းအား ၅.၅ အဆင့်ရှိ ငလျင် လှုပ်ခဲ့သည်ဟု တရုတ်ငလျင်ကွန်ရက်စင်တာ (CENC) က ပြောကြားခဲ့သည်။
မွန်းလွဲ ၃ နာရီ ၃၀ မိနစ်အထိ ထိခိုက်‌ေ-သဆုံးမှုမရှိကြောင်း သိရသည်။ အချို့သော အဆောက်အအုံများတွင် အက်ကွဲကြောင်းများ တွေ့ရှိခဲ့ရကြောင်း ဒေသဆိုင်ရာ အာဏာပိုင်များက ပြောကြားခဲ့သည်။ စီရင်စုသည် ငလျင်ဘေးအန္တရာယ်အတွက် အဆင့် ၃ အရေးပေါ်တုံ့ပြန်မှုကို စတင်ခဲ့သည်။
လက်ရှိတွင် တီဘို ကောင်တီသည် အန္တရာယ်ရှိနေရာများမှ လူများကို အရေးပေါ်နေရာရွှေ့ပြောင်းရန် စီစဉ်နေသည်။ ငလျင်ကြောင့် ပျ-က်စီးမှုအတိုင်းအတာကို အပြည့်အဝအကဲဖြတ်ရန် လုပ်ဆောင်နေပြီး ပဏာမ စုံစမ်းစစ်ဆေးမှုများအရ ခရိုင်အတွင်းရှိ ငလျင်ဗဟိုချက်အနီးတွင် လှုပ်ခတ်မှုများ ခံစားခဲ့ရကြောင်းနှင့် ရေဘေးသင့်ဒေသရှိ လျှပ်စစ်ဓာတ်အား ပေးဝေမှု၊ ဆက်သွယ်ရေးနှင့် ရေဝန်ဆောင်မှုများသည် ပုံမှန်ရှိနေဆဲဖြစ်ကြောင်း သိရသည်။
ဤခရိုင်အတွင်း နေထိုင်သူအများအပြား၏ ပြောကြားချက်အရ ငလျင်သည် ပြင်းပြင်းထန်ထန် လှုပ်ခတ်ခဲ့ပြီး ဘေးကင်းရေးအတွက် လူများသည် ရင်ပြင်များဆီ အပြေးအလွှား သွားခဲ့ကြသည်ဟု ဆိုသည်။ အဆောက်အအုံများပျ-က်စီးမှု ကို သိသိသာသာ မတွေ့ရကြောင်းသိရသည်။
ငလျင်လှုပ်ခတ်ပြီးနောက် ဂန်နန်း မီးသ-တ်နှင့် ကယ်ဆယ်ရေးအဖွဲ့မှ စုစုပေါင်း ကားအစီးရေ ၂၀ နှင့် ဝန်ထမ်း ၁၂၀ ကို စုစည်း ဆောင်ရွက်ခဲ့သည်။ ထို့အပြင် အနီးနား လင်ရှာ ဟွေ့ ကိုယ်ပိုင်အုပ်ချုပ်ခွင့်ရစီရင်စုရှိ မီးသတ်ဌာနမှ ယာဉ် ၁၀ စီး၊ လူ ၁၂၀ နှင့် ရှာဖွေရေးခွေး ၃ ကောင်တို့ ပါဝင်သော လန်ကျိုး မီးသ-တ်နှင့် ကယ်ဆယ်ရေးအဖွဲ့မှ အကြီးစားအဖွဲ့တစ်ဖွဲ့ကို စုစည်းထားသည်။ လန်ကျိုးသည် ဂန်စု၏မြို့တော်ဖြစ်သည်။
ငလျင်ဗဟိုချက်သည် မြောက်လတ္တီကျု ၃၄.၀၆ ဒီဂရီနှင့် အရှေ့လောင်ဂျီကျု ၁၀၃.၂၅ ဒီဂရီတွင် ဖြစ်သည်။ မြေအောက်အနက် ၁၀ ကီလိုမီတာတွင် လှုပ်ခတ်ခဲ့ကြောင်း CENC က ထုတ်ပြန်သည့် အစီရင်ခံစာတွင် ဖော်ပြထားသည်။

တရုတ်သည် ၂၀၂၆တွင်ပြင်းထန်သောရာသီဥတုကိုပိုမိုခန့်မှန်းနိုင်‌စေမည်

တရုတ်နိုင်ငံသည် ပြင်းထန်သော ရာသီဥတုနှင့် ရာသီဥတုဆိုင်ရာ ဖြစ်ရပ်များကို ကြိုတင်ခန့်မှန်းနိုင်မှုနှင့် သတိပေးနိုင်မှုတို့၌ တိုးတက်စေရန်အတွက် ကြိုတင်ခန့်မှန်းမှုစနစ်သစ်ကို အရှိန်မြှင့်လုပ်ဆောင်သွားမည်ဖြစ်ကြောင်း တနင်္လာနေ့က ဖွင့်လှစ်ခဲ့သည့် နိုင်ငံလုံးဆိုင်ရာ မိုးလေဝသဆိုင်ရာ ညီလာခံ အရ သိရသည်။
တရုတ်နိုင်ငံ၏ မိုးလေဝသ ဌာန အကြီးအကဲ ချန် ဇန်လင်က နိုင်ငံသည် မကြာမီ ကျရောက်တော့မည့် ရာသီဥတု သတိပေးစနစ်ကို ရှေ့ပြေးစမ်းသပ်ရန်၊ တိုက်ဖွန်းမုန်တိုင်း နှင့် မိုးသည်းထန်စွာရွာသွန်းမှု ခန့်မှန်းချက်များကို ပိုမိုကောင်းမွန်စေရန် ဥာဏ်ရည်တုကို အသုံးပြုကာ ပြင်းထန်သော ရာသီဥတုအတွက် ကြိုတင်ခန့်မှန်းသည့် ကိရိယာအသစ်များကို တီထွင်သွားမည်ဟု ပြောကြားခဲ့သည်။
ချန် သည် လွန်ခဲ့သည့်နှစ်တွင် တရုတ်နိုင်ငံသည် ရေကြီးရာသီကြိုတင်ခန့်မှန်းချက်များနှင့် တိုက်ဖွန်းမုန်တိုင်းခန့်မှန်းမှုအမှားများကို လျှော့ချခြင်းဖြင့် ပြင်းထန်သောရာသီဥတုဘေးအန္တရာယ်များကို ထိရောက်စွာတုံ့ပြန်ခဲ့ကြောင်း ချန်က မှတ်ချက်ပြု ပြောကြားခဲ့သည်။ မိုးလေဝသအာဏာပိုင်များသည် သဘာဝဘေးအန္တရာယ်အတွက် ကြိုတင်ပြင်ဆင် ပြီးဖြစ်မှုနှင့် အရင်းအမြစ်စီမံခန့်ခွဲမှုကို မြှင့်တင်ရန် အခြားအစိုးရဌာနများနှင့် ညှိနှိုင်းဆောင်ရွက်မှုကို ပိုမို ကောင်း မွန်စေသည်။
၂၀၂၆ တွင် စိုက်ပျိုးရေးအတွက် မိုးလေဝသဝန်ဆောင်မှုစနစ်အသစ်တစ်ခု အရှိန်အဟုန်မြှင့်တင်ရန်နှင့် စိုက်ပျိုးရေးရာသီဥတုအရင်းအမြစ်များကို ကျယ်ကျယ်ပြန့်ပြန့် စစ်တမ်းကောက်ယူခြင်းနှင့် ဇုန်ခွဲခြင်းတို့ကိုလည်း အလေးပေးလုပ်ဆောင်သွားမည်ဖြစ်ကြောင်း ချန်က ပြောကြားခဲ့သည်။

နိုင်ငံတော် ယာယီသမ္မတမှ မြန်မာနိုင်ငံဆိုင်ရာ ထိုင်းနိုင်ငံသံအမတ်ကြီးအားလက်ခံတွေ့ဆုံ

မြန်မာနိုင်ငံ၏ ရွေးကောက်ပွဲကို လွတ်လပ်ပြီးတရားမျှတသည့်ရွေးကောက်ပွဲ၊ သန့်ရှင်းသည့် ရွေးကောက်ပွဲအဖြစ်ကျင်းပနိုင်ခဲ့မှုကိုဆွေးနွေး
နိုင်ငံတော် ယာယီသမ္မတ၊ နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ၊ ဗိုလ်ချုပ်မှူးကြီးမင်းအောင်လှိုင်သည် တာဝန်ပြီးဆုံး၍ပြန်လည်ထွက်ခွာမည့် မြန်မာနိုင်ငံဆိုင်ရာ ထိုင်းနိုင်ငံသံအမတ်ကြီး H.E. Mr. Mongkol Visiststump အား ယနေ့ ဇန်နဝါရီ ၂၆ ရက်မွန်းလွဲပိုင်းက လက်ခံတွေ့ဆုံခဲ့သည်။
တွေ့ဆုံစဥ် မြန်မာ-ထိုင်း နှစ်နိုင်ငံသံတမန်ဆက်ဆံရေးနှင့် ချစ်ကြည်ရေးဆိုင်ရာများ၊ မြန်မာနိုင်ငံ၏ရွေးကောက်ပွဲအား နိုင်ငံတကာမှရွေးကောက်ပွဲစောင့်ကြည့်လေ့လာရေးအဖွဲ့များနှင့်အတူ ထိုင်းနိုင်ငံမှပါဝင်လေ့လာခဲ့မှုနှင့် မဲဆန္ဒရှင်များအနေဖြင့် မည်သည့်တိုက် တွန်းချက်မှမပါဘဲ ၎င်းတို့၏ ကိုယ်ပိုင်သဘောဆန္ဒအလျောက်လာရောက်ဆန္ဒမဲများပေးကြသည်ကိုတွေ့ရှိရမှု၊ ရွေးကောက်ပွဲကို လွတ်လပ်ပြီးတရားမျှတသည့် ရွေးကောက်ပွဲ၊ သန့်ရှင်းသည့်ရွေးကောက်ပွဲအဖြစ်ကျင်းပနိုင်ခဲ့မှုတို့ကို ဆွေးနွေးခဲ့ကြသည်။
ထို့ပြင် နှစ်နိုင်ငံကုန်သွယ်မှု၊ ကုန်စည်စီးဆင်းမှုများ ပြန် လည်ကောင်းမွန်ရေးအတွက် နယ်စပ်ဒေသတည်ငြိမ်အေးချမ်းရေးကို နှစ်နိုင်ငံအစိုးရနှင့်တပ်မတော်နှစ်ရပ်ကြားပူးပေါင်းဆောင်ရွက်ရန်လိုအပ်မှု၊ အွန်လိုင်းလိမ်လည်လောင်းကစားမှုများနှင့် မူးယစ်ဆေးဝါးတို-က်ဖျ-က်ရေးလုပ်ငန်းစဉ်များကို မြန်မာနိုင်ငံအစိုးရအနေ ဖြင့် အမျိုးသားရေးတာဝန်တစ်ရပ်အဖြစ်ခံယူ၍ အင်တိုက်အားတိုက်ဆောင်ရွက်လျက်ရှိမှုတို့ကိုလည်း‌ ဆွေးနွေးခဲ့ကြသည်။
ထို့အတူ နှစ်နိုင်ငံနယ်စပ်ဒေသပတ်ဝန်းကျင် ထိန်းသိမ်းရေးလုပ်ငန်းများ ပူးပေါင်းဆောင်ရွက်လျက်ရှိမှုကိုလည်း ဆွေးနွေးခဲ့ကြသည်။

မြန်မာ-ပါကစ္စတန်နှစ်နိုင်ငံ နိုင်ငံခြားရေးဝန်ကြီးဌာနကြား မူဝါဒရေးရာညှိနှိုင်းဆွေးနွေးပွဲတည်ထောင်ခြင်းဆိုင်ရာအစီအစဉ်ကိုလက်မှတ်ရေးထိုး

မြန်မာ-ပါကစ္စတန်နှစ်နိုင်ငံ နိုင်ငံခြားရေးဝန်ကြီးဌာနကြား မူဝါဒရေးရာညှိနှိုင်းဆွေးနွေးပွဲတည်ထောင်ခြင်းဆိုင်ရာအစီအစဉ်ကို ယနေ့ ဇန်နဝါရီ ၂၆ ရက်က နိုင်ငံ ခြားရေးဝန်ကြီးဌာန ပြည်ထောင်စုဝန်ကြီးဦးသန်းဆွေနှင့် ပါကစ္စတန်နိုင်ငံ ဒု-ဝန်ကြီးချုပ်နှင့် နိုင်ငံခြားရေးဝန် ကြီး မစ္စတာမိုဟာမက် အီရှပ်ဒါးတို့ လက်မှတ်ရေးထိုးခဲ့ကြသည်။
ပြည်ထောင်စုဝန်ကြီးဦးသန်းဆွေသည် ပါကစ္စတန်နိုင်ငံ ဒု-ဝန်ကြီးချုပ်နှင့် နိုင်ငံခြားရေးဝန်ကြီး မစ္စတာမိုဟာမက် အီရှပ်ဒါး၏ ဖိတ်ကြားချက်အရ ပါကစ္စတန်နိုင်ငံသို့ တရားဝင်ခရီးစဉ်ရောက်ရှိနေစဥ် နှစ်နိုင်ငံအစည်းအဝေးကျင်းပပြီးနောက် လက်မှတ်ရေးထိုးခဲ့ကြခြင်းဖြစ် သည်။
ထို့ပြင် အစည်းအဝေး၌ မြန်မာ-ပါကစ္စတန် နှစ်နိုင်ငံ နိုင်ငံခြားရေးဝန်ကြီးဌာနများကြား ပူးပေါင်းဆောင်ရွက်ရေး၊ နှစ်နိုင်ငံကြား စီးပွားရေး၊ စိုက်ပျိုးရေး၊ မွေးမြုရေး၊ ကုန်စည်ထုတ်လုပ်ရေးနှင့် ကုန်သွယ်ရေးကဏ္ဍများတွင် ပူးပေါင်းဆောင်ရွက်ရေး၊ နည်းပညာ၊ ကျန်းမာရေးနှင့် ယဉ်ကျေးမှုကဏ္ဍတို့တွင် ပူးပေါင်းဆောင်ရွက် ရေးနှင့် ကုလသမဂ္ဂ၊ အာဆီယံ၊ ရှန်ဟိုင်းပူးပေါင်းဆောင်ရွက်ရေးအဖွဲ့(SCO)၊ အာဆီယံ ဒေသဆိုင်ရာဖိုရမ်(ARF)တို့အပါအဝင် အပြည်ပြည်ဆိုင်ရာအဖွဲ့အစည်းများတွင် ပူးပေါင်းဆောင်ရွက်ရေးတို့ကို ဆွေးနွေးခဲ့ကြသည်။
ထို့နောက် ပြည်ထောင်စုဝန်ကြီးဦးသန်းဆွေနှင့် ပါကစ္စတန်နိုင်ငံ ဒု-ဝန်ကြီးချုပ်နှင့် နိုင်ငံခြားရေးဝန်ကြီး မစ္စတာမိုဟာမက် အီရှပ်ဒါးတို့သည် နှစ်နိုင်ငံပူးတွဲသတင်းစာရှင်းလင်းပွဲတက်ရောက်ခဲ့သည်။

၂၀၂၅-၂၀၂၆ ခုနှစ် ဘဏ္ဍာရေးနှစ်အတွင်း ဆေးသု တေသနလုပ်ငန်းများဆောင်ရွက်ရန် ဘဏ္ဍာငွေကျပ်(၁ ဒသမ ၅)ဘီလီယံခွင့်ပြုပေးခဲ့

၂၀၂၅-၂၀၂၆ ခုနှစ် ဘဏ္ဍာရေးနှစ်အတွင်း ဆေးသု တေသနလုပ်ငန်းများဆောင်ရွက်ရန် ဘဏ္ဍာငွေကျပ်(၁ ဒသမ ၅)ဘီလီယံကို နိုင်ငံတော်ကခွင့်ပြုပေးခဲ့သည်ဟု နိုင်ငံတော် ယာယီသမ္မတ၊ နိုင်ငံတော်လုံခြုံရေးနှင့် အေး ချမ်းသာယာရေးကော်မရှင်ဥက္ကဋ္ဌ၊ ဗိုလ်ချုပ်မှူးကြီးမင်းအောင်လှိုင်မှ ဇန်နဝါရီ ၂၆ ရက်ကကျင်းပသည့် (၅၄)ကြိမ်မြောက် မြန်မာနိုင်ငံကျန်းမာရေးဆိုင်ရာ သု တေသနညီလာခံဖွင့်ပွဲတွင် ပြောကြားခဲ့ခြင်းဖြစ်သည်။
" ၂၀၂၅-၂၀၂၆ ခုနှစ်၊ ဘဏ္ဍာရေးနှစ်အတွင်းမှာ နိုင်ငံ တော်က ဆေးသုတေသနဦးစီးဌာနအပြင် တခြားဦးစီး ဌာနတွေ ဆေးနဲ့ ဆေးနှီးနွှယ်တက္ကသိုလ်တွေမှာ သုတေ သနလုပ်ငန်းတွေဆောင်ရွက်ဖို့အတွက် ဘဏ္ဍာငွေကျပ် (၁ ဒသမ ၅)ဘီလီယံခွင့်ပြုပေးခဲ့ပါတယ်"ဟု နိုင်ငံတော် ယာယီသမ္မတက ပြောသည်။
ထို့ပြင် ကျန်းမာရေးဝန်ကြီးဌာန၏ ဦးဆောင်ပံ့ပိုးမှုနှင့် ဆေးသုတေသနဦးစီးဌာန၊ ပြည်သူ့ကျန်းမာရေးဦးစီးဌာ နနှင့် ကုသရေးဦးစီးဌာနတို့ပူးပေါင်း၍ "မြန်မာနိုင်ငံအ တွင်းရှိ အခြေခံပညာအထက်တန်းကျောင်းများမှ ဆယ် ကျော်သက် ကျောင်းသား၊ ကျောင်းသူများတွင် ကျန်း မာရေးနှင့်ပတ်သက်သော အကြောင်းအရာများကို လေ့ လာခြင်းသုတေသန"အား တစ်နိုင်ငံလုံးအတိုင်းအတာနှင့် ဆောင်ရွက်ခဲ့ပြီးဖြစ်သည်ဟု ပြောသည်။
" ဆယ်ကျော်သက်အရွယ် ကျောင်းသား၊ ကျောင်းသူတွေဟာ အနာဂတ်နိုင်ငံတော်ရဲ့မျိုးဆက်သစ်တွေဖြစ်တဲ့အတွက် အခုဆောင်ရွက်ခဲ့တဲ့ သုတေသနရလဒ်တွေအပေါ်အခြေခံပြီး ပိုမိုကောင်းမွန်တဲ့ ကျောင်းကျန်းမာ ရေးစောင့်ရှောက်မှုပြုလုပ်ပေးဖို့ တိုက်တွန်းပြောကြားလိုပါတယ်"ဟု နိုင်ငံတော် ယာယီသမ္မတက ပြောသည်။
ထို့ပြင် ဒေသတွင်းဖြစ်ပွားတတ်သော ကူးစက်တတ်သည့်ကပ်ရောဂါများ၊ ရာသီအလိုက်ဖြစ်ပွားတတ်သည့်ရောဂါများ ကာကွယ်ထိန်းချုပ်ရေးနှင့် ကင်ဆာရောဂါကိုစောစီးစွာသိရှိစေနိုင်ပြီး ကုသမှုများအောင်မြင်အောင်အထောက်အကူပြုနိုင်သော သုတေသနများကိုလည်းဆောင်ရွက်ရမည်ဖြစ်ကာ ယင်း ဒီသုတေသနများကို နိုင်ငံတကာနှင့်ပူးပေါင်းပြီး ခေတ်မီဓာတ်ခွဲ နည်းပညာများ၊ သုတေသနနည်းစနစ်များကျင့်သုံးဆောင်ရွက်လျက်ရှိရာ ယခုထက်ပိုပြီး ထိထိရောက်ရောက်ကျယ်ကျယ်ပြန့်ပြန့်ဆောင်ရွက်စေလိုသည်ဟု ပြောသည်။
ထို့အတူ မိမိတို့ပြည်သူများ အခြေခံကျန်းမာရေးကောင်းမွန်ပြီး သက်ရှည်ကျန်းမာစွာနေထိုင်နိုင်ရန် အာ ဟာရဆိုင်ရာသုတေသနများ၊ အစားအသောက်ဘေးကင်းလုံခြုံမှုဆိုင်ရာသုတေသနများ၊ ကျန်းမာရေးနှင့် ညီညွတ်စွာနေထိုင်ပြုမူရေးပတ်သက်သော လက်တွေ့အသုံးချကျန်းမာရေးသုတေသနများကိုတိုးမြှင့်ဆောင် ရွက်ပြီး သုတေသနတွေ့ရှိချက်များကို ပြည်သူလူထုအ တွင်း ကျယ်ကျယ်ပြန့်ပြန့်သိရှိနိုင်ရန် ကျန်းမာရေးဆိုင် ရာကြိုတင်ကာကွယ်မှုပညာပေးလုပ်ငန်းများကိုပါဆောင်ရွက်ပေးရမည်ဟု ပြောသည်။
ထို့အတူ ဆေးကုသရေးဆိုင်ရာသုတေသနလုပ်ငန်းများ ၊ ဆေးရုံအုပ်ချုပ်စီမံခန့်ခွဲမှုဆိုင်ရာသုတေသနလုပ်ငန်းများကိုလည်း တိုးမြှင့်ဆောင်ရွက်ရမည်ဖြစ်ပြီး ကျန်း မာရေးဆိုင်ရာသုတေသနလုပ်ငန်းများဆောင်ရွက်ရာ တွင် ကျန်းမာရေးဝန်ကြီးဌာနရှိ ဆေးနှင့် ဆေးနှီးနွှယ် တက္ကသိုလ်များ၊ ဆေးရုံများ၊ ရောဂါတိုက်ဖျက်ရေးစီမံချက်များ၊ အခြေခံကျန်းမာရေးဝန်ထမ်းများ၊ ပြည်သူ လူထုအခြေပြုအဖွဲ့များနှင့် ပူးပေါင်းဆောင်ရွက်ရမည်ဟု နိုင်ငံတော် ယာယီသမ္မတက ပြောကြားခဲ့သည်။

ဒု-ဗိုလ်ချုပ်မှူးကြီးစိုးဝင်းနှင့် မြန်မာနိုင်ငံဆိုင်ရာ ထိုင်းနိုင်ငံသံအမတ်ကြီးတို့တွေ့ဆုံ

နယ်စပ်ဒေသတည်ငြိမ်အေးချမ်းရေးကို နှစ်နိုင်ငံအစိုး ရနှင့် တပ်မတော်နှစ်ရပ်ကြား ပူးပေါင်းဆောင်ရွက်ရန်ဆွေးနွေး
နိုင်ငံတော်လုံခြုံရေးနှင့်အေးချမ်းသာယာရေးကော်မ ရှင်ဒု-ဥက္ကဋ္ဌ၊ ဒု-ဗိုလ်ချုပ်မှူးကြီးစိုးဝင်းနှင့် တာဝန်ပြီး ဆုံး၍ ပြန်လည်ထွက်ခွာမည့် မြန်မာနိုင်ငံဆိုင်ရာ ထိုင်းနိုင်ငံသံအမတ်ကြီး H.E. Mr. Mongkol Visitstump တို့ ဇန်နဝါရီ ၂၆ ရက်မွန်းလွဲပိုင်းကတွေ့ဆုံခဲ့ကြသည်။
တွေ့ဆုံစဉ် မြန်မာ-ထိုင်း နှစ်နိုင်ငံအစိုးရနှင့်တပ်မတော်နှစ်ရပ်ကြား ချစ်ကြည်ရင်းနှီးမှုနှင့် ပူးပေါင်းဆောင်ရွက်မှုများ ၊ နှစ်နိုင်ငံ နယ်စပ်ဒေသတစ်လျှောက်ဖြစ်ပွားလျက်ရှိသည့် အွန်လိုင်းလိမ်လည်လောင်းကစားမှုများ၊ မူးယစ်ဆေးဝါးများနှင့် တရားမဝင်ကုန်သွယ်မှုတိုက်ဖျက်ရေးလုပ်ငန်းများကို အမျိုးသားရေးတာဝန်တစ်ရပ်အဖြစ်ဆောင်ရွက်လျက်ရှိမှုတို့ကို ဆွေးနွေးခဲ့ကြသည်။
ထို့ပြင် နှစ်နိုင်ငံကုန်သွယ်မှု၊ ကုန်စည်စီးဆင်းမှုများပြန် လည်ကောင်းမွန်ရေးအတွက် နယ်စပ်ကုန်သွယ်ရေးလမ်းကြောင်းများ အမြန်ဆုံးပြန်လည်ဖွင့်လှစ်နိုင်ရေးနှင့် နယ်စပ်ဒေသတည်ငြိမ်အေးချမ်းရေးတို့ကို နှစ်နိုင်ငံအစိုးရနှင့် တပ်မတော်နှစ်ရပ်ကြားပူးပေါင်းဆောင်ရွက်ရေး၊ ရွေးကောက်ပွဲအောင်မြင်စွာကျင်းပပြီးစီးခဲ့မှုတို့ကိုလည်း ဆွေးနွေးခဲ့ကြသည်။
တွေ့ဆုံပွဲသို့ ဒု-ဗိုလ်ချုပ်မှူးကြီးစိုးဝင်းနှင့်အတူ နိုင်ငံ ခြားရေးဝန်ကြီးဌာန ဒု-ဝန်ကြီးဦးကိုကိုကျော်နှင့် ညွန်ကြားရေးမှူးချုပ်ဦးသက်ဝင်း၊ ထိုင်းနိုင်ငံသံအမတ်ကြီးနှင့်အတူ သံရုံးဒု-ယာယီတာဝန်ခံနှင့် တာဝန်ရှိသူများ တက်ရောက်ခဲ့ကြသည်။

အွန်လိုင်းလိမ်လည်လောင်းကစားမှုများတွင် ပါဝင်သည့်မြန်မာနိုင်ငံသားများအား တတိယအသုတ်အဖြစ် ထပ်မံပြန်လည်ခေါ်ဆောင်

ကမ္ဘောဒီးယားနိုင်ငံရှိ အွန်လိုင်းလိမ်လည်လောင်းကစားမှုများတွင် အကြောင်းအမျိုးမျိုးကြောင့် ပါဝင်ပတ်သက်သူ မြန်မာနိုင်ငံသားများအား မြန်မာအစိုးရအနေဖြင့် တတိယအသုတ်အဖြစ် ထပ်မံပြန်လည်ခေါ်ဆောင်ခဲ့ကြောင်း သိရသည်။
ကမ္ဘောဒီးယားနိုင်ငံဆိုင်ရာ မြန်မာသံရုံးသို့ ကိုယ်တိုင်လာရောက်သတင်းပို့သည့် မြန်မာနိုင်ငံသားများနှင့် ကမ္ဘောဒီးယားနိုင်ငံမှ ရဲတပ်ဖွဲ့များနှင့် သက်ဆိုင်ရာဌာနများက လွှဲပြောင်းပေးအပ်ခဲ့သည့် မြန်မာနိုင်ငံသားများကို ပြန်လည်ခေါ်ယူခဲ့ခြင်းဖြစ်သည်။
ထိုသို့ခေါ်ယူခဲ့ရာတွင် မြန်မာနိုင်ငံသား ၁၆၃ ဦးကို တပ်မတော်လေယာဉ်ဖြင့် တတိယအသုတ်အဖြစ် ထပ်မံ၍ ပြန်လည်ခေါ်ဆောင်ပေးခဲ့ကြောင်း သိရသည်။
နိုင်ငံတော်အစိုးရအနေဖြင့် ကမ္ဘောဒီးယားနိုင်ငံ မြန်မာသံရုံးသို့ ရောက်ရှိနေသည့် မြန်မာနိုင်ငံသားအနက် ပထမအသုတ်အနေဖြင့် မြန်မာနိုင်ငံသား ၁၃၆ ဦးကို ဇန်နဝါရီ ၂၃ ရက်တွင် မြန်မာ့လေကြောင်းလိုင်း (MAI) ဖြင့် မြန်မာနိုင်ငံ၊ မန္တလေးမြို့ရှိ အပြည်ပြည်ဆိုင်ရာ လေဆိပ်သို့လည်းကောင်း၊ ဒုတိယအသုတ်အနေဖြင့် ၄၃၀ ဦးကို ဇန်နဝါရီ ၂၅ ရက်တွင် မြန်မာ့လေကြောင်းလိုင်း (MAI)နှင့် တပ်မတော်လေယာဉ်များဖြင့် မန္တလေးမြို့ရှိ အပြည်ပြည်ဆိုင်ရာလေဆိပ်နှင့် တနင်္သာရီတိုင်းဒေသကြီး၊ မြိတ်မြို့သို့လည်းကောင်း၊ တတိယအသုတ်အနေဖြင့် ၁၆၃ ဦးကို တပ်မတော်လေယာဉ်များဖြင့် တနင်္သာရီတိုင်းဒေသကြီး၊ မြိတ်မြို့သို့လည်းကောင်း ပြန်လည်ခေါ်ဆောင်ခဲ့ကြောင်း
သိရသည်။

တရုတ်နိုင်ငံသားများအပါအဝင် ပြည်ပနိုင်ငံသား(၂၇) ဦးကို ပြည်နှင်ရန်စစ်ဆေးခဲ့

ကရင်ပြည်နယ်၊ မြဝတီမြို့ဝန်းကျင်ရှိ ဆိုဒ်များအတွင်းသို့ တရားမဝင်လမ်းကြောင်းများမှတစ်ဆင့်ဝင်ရောက်နေသည့် တရုတ်နိုင်ငံသားများအပါအဝင် ပြည်ပနိုင်ငံ သား(၂၇)ဦးကို ထိန်းသိမ်းပြီးနောက် ပြည်နှင်ရန်အ တွက်စစ်ဆေးခဲ့ကြကြောင်း သိရသည်။
တရုတ်နိုင်ငံသား(၂၁)ဦး၊ နီပေါနိုင်ငံသား(၃)ဦး၊ အိန္ဒိယနိုင်ငံသား(၂)ဦးနှင့် နိုင်ဂျီးရီးယားနိုင်ငံသား(၁)ဦးတို့ကို မြန်မာနိုင်ငံတာဝန်ရှိသူများက ထပ်မံဖော်ထုတ်ထိန်း သိမ်းနိုင်ခဲ့ပြီးနောက် သက်ဆိုင်ရာနိုင်ငံများသို့ အမြန်ဆုံးပြန်လည်လွှဲပြောင်းပေးနိုင်ရန် ဌာနဆိုင်ရာပူးပေါင်းအဖွဲ့များက လိုအပ်သည့် ကိုယ်ရေးအချက်အလက်များနှင့် မှတ်တမ်းများစာရင်းကောက်ယူခြင်းတို့ကိုပြုလုပ်ခဲ့ကြကြောင်း သိရသည်။