ရှင်သန်နေတဲ့နေ့ရက်တွေကို
တိတ်တိတ်လေးပဲ ကုန်ဆုံးသွားချင်တော့တယ် ။
ကိုယ့်အကြောင်းတွေကို
ဘယ်သူ့ကို ပေးမသိချင်သလို
ဘယ်သူ့အကြောင်းကိုမှလည်း
ကိုယ် စိတ်မဝင်စားဖြစ်တော့ဘူး ။
ဆက်နွယ်နေတဲ့ လူ့အသိုင်းအဝိုင်းကို
အတတ်နိုင်ဆုံး ချုံ့လိုက်ပြီး
တိတ်တိတ်လေးပဲ ရှင်သန်သွားချင်တယ် ။
ကိုယ် ဘယ်လိုလူမျိုးပါလို့
ရှင်းပြနေရမယ့်သူတွေထက်
ကိုယ် ဘယ်လိုလူမျိုးဖြစ်ဖြစ် လက်ခံပေးမယ့်
လူ့အသိုင်းအဝိုင်းလေးထဲမှာပဲ ရှင်သန်သွားချင်တယ် ။
ဘယ်အရာကိုမှ ပြိုင်မလုချင်သလို
ဘယ်အရာကိုမှလည်း ရှင်းပြမနေချင်တော့ဘူး ။
ဒီအတိုင်းလေးပဲ တိတ်တိတ်ဆိတ်ဆိတ်လေး ရှင်သန်ပြီး
တိတ်တိတ်ဆိတ်ဆိတ်လေး ပျောက်ကွယ်သွားချင်တယ် ။
ရှာတွေ့ချင်သူတွေ ရှာတွေ့လို့
ကြင်နာချင်သူတွေ ကြင်နာပြီး
ချန်ခဲ့ချင်သူတွေ ချန်ခဲ့ကြပါစေ ။
ဘာအရာကိုမှ မတောင်းဆိုချင်သလို
ဘာအရာကိုမှလည်း အပြစ်တင်နေမှာ မဟုတ်ပါဘူး ။
ကိုယ့်အတွက်တော့
တိတ်ဆိတ်ခြင်းဆိုတာ ပျော်မွေ့ရာ တစ်ခုပါပဲ ။
-ယူနိုရာ
