ကျွန်းတစ်ကျွန်းလုံးက ခရမ်းရောင်။

ကမ္ဘာတဝှမ်းမှာ အလှပဆုံးသောနေရာတွေကို ကြည့်လိုက်မယ်ဆိုရင်တော့ အရောင်အသွေးဟာ အရေးပါဆုံး အခန်းကဏ္ဍကနေ ကူညီပံ့ပိုးပေးနေတာကို တွေ့ရမှာပါ။

ဒေသတစ်ခုလုံး၊ မြို့တစ်မြို့လုံး၊ ကျွန်းတစ်ကျွန်းလုံးမှာ အရောင်တစ်ရောင်ပဲရှိတယ်ဆိုရင် စာဖတ်သူတို့ ယုံနိုင်ပါ့မလား။

အခုပြောပြပေးသွားမှာကတော့ ကျွန်းတစ်ကျွန်းလုံးက ခရမ်းရောင်တစ်ရောင်ပဲရှိတဲ့ နေရာလေးအကြောင်းပါ။

"ခရမ်းရောင်ကျွန်းများ" လို့ လူသိများကြတဲ့ Banwol ကျွန်းနဲ့ Bakji ကျွန်းတို့ဟာ တောင်ကိုရီးယားရဲ့ အနောက် တောင်ဘက်၊ Shinan စီရင်စုက ကမ်းခြေမှာ တည်ရှိနေပါတယ်။

မူလက ဤကျွန်းရဲ့ အဓိက ၀င်ငွေရင်းမြစ်တွေကို သူတို့ရဲ့ လယ်ယာလုပ်ငန်းအသိုင်းအဝိုင်းမှသာ ရရှိခဲ့သော်လည်း ဒေသခံတွေဟာ

သူတို့ရဲ့ကျွန်းတစ်ကျွန်းလုံးက နေရာလွတ်မကျန် ခရမ်းရောင် အနုအရင့် အမျိုးမျိုးကို ဆေးခြယ်ခဲ့ခြင်းအားဖြင့်

ကမ္ဘာ့အကျော်ကြားဆုံး နေရာတွေထဲက တစ်ခု ပြောင်းလဲနိုင်ခဲ့ပါတော့တယ်။

ဒီဒေသရဲ့ ကျော်ကြားမှုတွေက ခရမ်းရောင်ဆိုတဲ့ စကားလုံးနဲ့တင်ကို ပြီးပြည့်စုံခဲ့ပြီး ကမ္ဘာတဝှမ်းက ခရီးသွားတွေကို ဆွဲဆောင်နိုင်စေခဲ့သလို

ကိုရီးယားရဲ့ အဓိက ဆွဲဆောင်ရာ နေရာတစ်ခုအဖြစ်လည်း သူတို့ရဲ့ ကိုယ်ပိုင်လက္ခဏာကို ပြောင်းလဲနိုင်ခဲ့ပါတယ်။

ဤဆုံးဖြတ်ချက်ဟာလည်း မြို့များနဲ့ ဒေသခံများရဲ့ဘဝကို ပြန်လည်ဆန်းသစ်စေခဲ့ပြီး

ကျွန်းတစ်ကျွန်းလုံးရဲ့ ထောင့်တိုင်းမှာ ပြီးပြည့်စုံတဲ့ ဓာတ်ပုံရိုက်ချက် အကွက်များကို ဖန်တီးပေးခဲ့ပါတယ်။
သမိုင်းကြောင်းအစကို ကြည့်မယ်ဆိုရင်တော့ ဒီလိုမျိုး ကျွန်းတစ်ခုလုံးကို ခရမ်းရောင်အဖြစ် စတိုးဆိုင်များမှ တံတားများအထိ ပြောင်းလဲရန်အတွက် Shinan စီရင်စုဟာ

ဒီအစီအစဉ်ကို အကောင်အထည်ဖော်ရန်အတွက် ဝမ် ၄.၈ ဘီလီယံ (ဒေါ်လာ ၄.၂၅ သန်း) ကျော် ရင်းနှီးမြှုပ်နှံထားခဲ့ရပါတယ်။

စီရင်စုရဲ့ အဆိုအရ ၂၀၁၉ ခုနှစ်မှာ တရားဝင်စတင်ခဲ့တဲ့ ဒီစီမံကိန်းဟာ လူပေါင်း ၄၈၇,၀၀၀ ကျော်ကို ဆွဲဆောင်နိုင်ခဲ့ပါတယ်။

ကျွန်းများရှိ စားသောက်ဆိုင်များဟာ ခရမ်းရောင်ဆန်ဆန်ကို ပေးစွမ်းနေကြပြီး

ခရမ်းရောင် ပန်းကန်ပြားများပေါ်မှာ အစားအသောက်တွေကို တည်ခင်း ကျွေးမွေးကြပါတယ်။

ကျွန်းများသို့ဝင်ရောက်ရန် ဝင်ခွင့်ကြေးမှာ အရွယ်ရောက်ပြီးသူများအတွက် ဝမ် ၃,၀၀၀ (ဒေါ်လာ ၂.၇၀)၊ ဆယ်ကျော်သက်များအတွက် ဝမ် ၂,၀၀၀ (ဒေါ်လာ ၁.၈၀) နဲ့ ကလေးများအတွက် ဝမ် ၁,၀၀၀ (ဒေါ်လာ ၁.၀၀) ဖြစ်ပါတယ်။

ဒါပေမဲ့ သင်ဟာ ခရမ်းရောင်နဲ့ ခရမ်းရောင် တွဲဖက်ပစ္စည်းများကို ၀တ်ဆင်လာပါက ဝင်ကြေးကို အခမဲ့ ဖန်တီးပေးထားပါတယ်။ တကယ့်ကို အမိုက်စားပါပဲ။

ကျွန်းများရဲ့ အဓိက ဆွဲဆောင်မှုဟာလည်းပဲ ခရမ်းရောင်နေရာများကို ကြည့်ရှုစေနိုင်ခြင်းပါ။

ဒီလို ကြည့်ရှုဖို့အတွက်လည်း စုစုပေါင်း ၆.၂ ကီလိုမီတာ ဝန်းကျင်ရှိတဲ့ ဧရိယာတစ်ဝိုက်မှာ ရိုးရှင်းစွာ လမ်းလျှောက်ခြင်းဖြင့် ဒေသတစ်ခုလုံးကို ကြည့်ရှုနိုင်ပါတယ်။

အဓိကနေရာများထဲမှတစ်ခုမှာ Banwol ကျွန်းနဲ့ Bakji ကျွန်းတို့ကို ဆက်သွယ်ထားတဲ့ အထင်ကရ Cheonsa တံတားဖြစ်ပါတယ်။

ဖြတ်သွားစဉ် လေနုအေးနဲ့ ရေစီးသံများကို ခံစားကြည့်ပါက တကယ့်ကို အံ့ဩစရာ အတွေ့အကြုံတစ်ခုပါ။

သဘာဝတရားနဲ့ ချိတ်ဆက်ရတာကို နှစ်သက်သူတွေအတွက်တော့ မြို့တွေရဲ့ အကောင်းဆုံး ရှုခင်းတွေနဲ့ ခရမ်းရောင် ရှုခင်းတွေကို ရနိုင်တဲ့ Eoggae တောင်ပေါ် ခရီးထွက်လိုက်ပါ။

ဒါဟာလည်း ရင်သပ်ရှုမောဖွယ်ရာ အတွေ့အကြုံတစ်ခုဖြစ်ပြီး ဘယ်လိုမျိုး ဓာတ်ပုံတွေအတွက်မဆို ပြီးပြည့်စုံတဲ့ နောက်ခံမြင်ကွင်းတစ်ခုဖြစ်နေမှာပါ။

ဒီဒေသကို လာရောက်ခဲ့ကြသူ တော်တော်များများက သူတို့ရဲ့ ခရီးစဉ်ကို စိတ်ကူးယဉ်ဆန်ဆန်နဲ့ ဒဏ္ဍာရီဆန်ဆန်အဖြစ် ဖော်ပြကြပါတယ်။

#ကျွန်း
#ခရမ်းရောင်

နင်တို့သူငယ်ချင်းတွေဘာလို့ပေါင်းလို့ရတာလဲ
ငါတို့...

Food is Medicine

တောင်ကိုရီးယား ယာယီသမ္မတက ဘိုင်ဒင်နှင့် ဖုန်းပြော

တောင်ကိုရီးယားနိုင်ငံ ယာယီသမ္မတ ဟန်ဒပ်ခ်ဆိုးသည် တနင်္ဂနွေနေ့တွင် အမေရိကန်သမ္မတ ဂျိုးဘိုင်ဒင်နှင့် ဖုန်းဆက်သွယ်ပြောဆိုခဲ့သည်ဟု ဟန်၏ရုံးက ထုတ်ပြန်ပြောဆိုသည်။

တောင်ကိုရီးယားနိုင်ငံသည် ၎င်း၏ နိုင်ငံခြားရေးနှင့် လုံခြုံရေး မူဝါဒများကို အနှောင့်အယှက်မရှိစေဘဲ အကောင်အထည်ဖော်သွားမည်ဖြစ်ကာ တောင်ကိုရီးယား-အမေရိကန် မဟာမိတ်ပြုမှုကို ဆက်လက်ထိန်းသိမ်း၍ တည်ငြိမ်စွာ ဖွံ့ဖြိုးတိုးတက်စေရန် ကြိုးပမ်းသွားမည်ဟု ယာယီသမ္မတဟန်က ပြောဆိုခဲ့သည်။

မငြိမ်သက်မှုများ ကြီးမားနေသည့်အချိန်တွင် စစ်အုပ်ချုပ်ရေးအမိန့်ကိုကြေညာကာ နိုင်ငံရေးမတည်ငြိမ်ဖြစ်အောင် ဖန်တီးသည်ဟု စွပ်စွဲခံခဲ့ရသည့် သမ္မတ ယွန်းဆွတ်ယိုးလ်ကို တောင်ကိုရီးယားလွှတ်တော်က စွပ်စွဲပြစ်တင်မှုလုပ်ခဲ့ပြီးနောက် ယခုဖြစ်ရပ်များပေါ်ပေါက်လာခြင်းဖြစ်သည်။

တောင်ကိုရီးယားကို အမေရိက,က ထောက်ခံကြောင်း သမ္မတဘိုင်ဒင်က ထပ်လောင်းပြောကြားခဲ့ပြီး မိမိတို့၏ ခိုင်မာသော မဟာမိတ်ပြုမှုသည် အပြောင်းအလဲမရှိကြောင်း ပြောသည်။ မိမိတို့၏ မိတ်ဖက်ဆက်ဆံရေးနှင့် တောင်ကိုရီးယား၊ ဂျပန်၊ အမေရိက သုံးနိုင်ငံ ပူးပေါင်းဆောင်ရွက်မှု ကိုခိုင်မာတိုးတက်စေရန်အတွက် အမေရိကသည် တောင်ကိုရီးယားနှင့် အတူတကွ ပူးပေါင်းဆောင်ရွက်သွားမည်ဖြစ်ကြောင်းလည်း ဘိုင်ဒင်က ပြေဆိုခဲ့သည်။

သူ၏ အချိန်တို စစ်အုပ်ချုပ်ရေးဥပဒေကို လွှတ်တော်အမတ်များက တားမြစ်ပယ်ချခဲ့ပြီးနောက် ယွန်ဆွတ်ယိုးလ်ကို ဒုတိယမြောက် စွပ်စွဲပြစ်တင်ခြင်းအဆိုကို လွှတ်တော်တွင် အတည်ပြုနိုင်ခဲ့သည်။ ယွန်း၏သမ္မတအာဏာ ကိုဆက်လက်ရပ်ဆိုင်းထားမည်ဖြစ်ပြီး ဖွဲ့စည်းပုံအရ ဝန်ကြီးချုပ်က သမ္မတတာဝန် လွှဲပြောင်းယူထားစဉ်တွင် ယင်းကို ကျင့်သုံးနိုင်မည်မဟုတ်ပေ။

MNDAA ၊ TNLA ၊ AA အဖွဲ့များ၏ လုပ်ဆောင်ချက်များသည် တိုင်းရင်းသားပြည်သူများ၏ လူမှုစီးပွားအခြေအနေများကို ပိုမိုဆိုးရွားစေခဲ့

MNDAA ၊ TNLA ၊ AA အဖွဲ့များ၏ လုပ်ဆောင်ချက်များသည် တိုင်းရင်းသားပြည်သူများ၏ လူမှုစီးပွားအခြေအနေများကို ပိုမိုဆိုးရွားစေခဲ့သည်ဟု နစက ဥက္ကဋ္ဌ၊ နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်မှ ယနေ့ ဒီဇင်ဘာ ၁၅ ရက်တွင်ကျရောက်သည့် နှစ်(၅၀)ပြည့် ရွှေရတုအထိမ်းအမှတ် ရခိုင်ပြည်နယ်နေ့သို့ ပေးပို့သည့် သဝဏ်လွှာတွင် ထည့်သွင်းပြောကြားခဲ့သည်။

နစက အနေဖြင့် ရခိုင်ပြည်နယ်၌ ကဏ္ဍစုံဖွံ့ဖြိုးတိုးတက်စေရန် ရခိုင်ပြည်နယ်တည်ငြိမ်အေးချမ်းရေးနှင့် ဖွံ့ဖြိုးတိုးတက်ရေးဗဟိုကော်မတီဖွဲ့စည်းကာ ဆောင်ရွက်ပေးလျက်ရှိပြီး အစိုးရအဆက်အဆက် ယခုအချိန်အထိ ဆောင်ရွက်ခဲ့မှုများကြောင့် ယခင်ထက် အဆပေါင်းများစွာတိုးတက်ပြောင်းလဲလာခဲ့သည်ဟု ပြောသည်။

ထိုသို့ တိုးတက်ပြောင်းလဲလာခဲ့သော်လည်း ၂၀၂၃ ခုနှစ်၊ အောက်တိုဘာလမှစတင်ခဲ့သည့် MNDAA ၊ TNLA ၊ AA အဖွဲ့များ၏ လုပ်ဆောင်ချက်များကြောင့် တိုင်းရင်းသားပြည်သူများ၏ လူမှုစီးပွားအခြေအနေများပိုမိုဆိုးရွားလာခဲ့သည်ဟု ပြောသည်။

" လက်နက်ကိုင်အဖွဲ့တွေရဲ့ အဖျက်အမှောင့်လုပ်ရပ်တွေကြောင့် အပြစ်မဲ့ပြည်သူပေါင်းများစွာ ဆင်းရဲဒုက္ခရောက်ခဲ့ကြရပါတယ်။ ခေတ်အဆက်ဆက် လက်နက်ကိုင်တိုက်ခိုက်မှုတွေဟာ နိုင်ငံရေးကိုအကြောင်းပြပြီး လွဲမှားသောအယူအဆတွေဖြစ်ပါတယ်"ဟု နစက ဥက္ကဋ္ဌကပြောသည်။

၎င်းတို့သည် ပါတီစုံဒီမိုကရေစီလမ်းကြောင်းပေါ်တွင်လျှောက်လှမ်းပြီး ပြည်ထောင်စုကြီးကို အတူတကွတည်ဆောက်ရန်ထက် တသီးတခြားရပ်တည်လိုစိတ်ကိုသာ ရှေ့တန်းတင်လာသည်ကို တွေ့ရှိရသည်ဟုဆိုသည်။

ထို့ကြောင့် လက်နက်ကိုင်လမ်းစဉ်ဖြင့် လိုလားချက်ကိုတောင်းဆို၍မရနိုင်ဘဲ နိုင်ငံရေးစားပွဲဝိုင်းသို့ရောက်လာပြီး ငြိမ်းချမ်းစွာဖြေရှင်းသောနည်းဖြင့်သာ ပဋိပက္ခများကိုပြေလည်စေမည်ဟုပြောသည်။

" မိမိတို့နိုင်ငံရဲ့ ငြိမ်းချမ်းရေးကိုဖော်ဆောင်ရာမှာ ပြည်ပစွက်ဖက်မှုနဲ့ပြည်တွင်းပယောဂကင်းကင်းနဲ့ ပြည်ထောင်စုစိတ်ဓာတ်အရင်းခံပြီး နိုင်ငံရေးနည်းလမ်းအရ တွေ့ဆုံဆွေးနွေးအဖြေရှာမှသာအောင်မြင်နိုင်မှာပါ။ နိုင်ငံတော်အနေနဲ့လည်း ဆွေးနွေးမှုတွေကိုဖိတ်ခေါ်ပြီး ငြိမ်းချမ်းရေးတံခါးကို အမြဲဖွင့်ကြိုဆိုနေပါတယ်"ဟု နစက ဥက္ကဋ္ဌကပြောသည်။

ပြည်ထောင်စုကြီးငြိမ်းချမ်းရေးအတွက် NCA လမ်းကြောင်းအတိုင်းလျှောက်လှမ်းခြင်းသာလျှင် မိမိတို့အားလုံးမျှော်လင့်ထားသည့် အေးချမ်းသာယာသော နိုင်ငံတော်ကြီးကို တည်ဆောက်နိုင်မည်ဟု နစက ဥက္ကဋ္ဌကပြောကြားခဲ့သည်။

𝗕𝗥𝗘𝗔𝗞𝗜𝗡𝗚

မန်စီးတီးအသင်းက ပေါ့ဘာကို အလွတ်ပြောင်းရွှေ့ကြေးနဲ့ခေါ်ယူဖို့ စိတ်ဝင်စားနေပါတယ်။ ဒါပေမဲ့ ကစားသမားက စီးတီးကိုပြောင်းဖို့ တွန့်ဆုတ်နေတယ်လို့သိရပါတယ်။

ကိုယ်ပိုင်တဲ့အရာပဲခိုးစား
အန္တရာယ်ကင်းတယ်

ဒါတောင် အမေ့ တံမြတ်စည်းရိုးရှောင်တတ်ဖို့လိုသေးတယ်🙃

♨️ ချဥ်ချဥ်စပ်စပ်‌လေးနဲ့ ထမင်းမိန်စေတဲ့ မျှစ်ချဉ်ကြော်♨️

ပါဝင်ပစ္စည်း
◾မျှစ်ချဉ်၊ ပုဇွန်ခြောက်၊ ငပိစိမ်းသား
◾ငရုပ်သီးအကြမ်းဖက်၊ ကြက်သွန်ဖြူ/နီ
◾ဆား၊ အချိုမှုန့်၊ ဆီ၊ နနွင်း၊ အရောင်တင်မှုန့်။

⬛ မျှစ်ချဉ်ကိုရေတစ်ထပ်ဆေးပြီး အနေတော်တုံးထားပါ။ မျှစ်ချဉ်ကို ဆား၊ အချိုမှုန့်ထည့်နယ်ထားပါ။ ကြက်သွန်ဖြူ/နီ ဆီသတ်ပါ။ နနွင်းမှုန့်၊ ဆား၊ အချိုမှုန့် ထည့်ပြီး ကြက်သွန်ရဲလာပါက အရောင်တင်မှုန့်နဲ့ ငရုပ်သီးအကြမ်းဖက် ထည့်မွှေပါ။ ပြီးလျှင် ပုဇွန်ခြောက်နဲ့ ငပိစိမ်းသားရေဖျော်ထည့်ပါ။ မျှစ်ချဉ်တွေထည့်ပြီးဆီပြန်အောင်လုံးပါ။ ဆီပြန်သွားပါကရေထည့်ပြီး မျှစ်ချဉ်နူးတဲ့ထိတည်ထားပါ။ ဆီပြန်ပြီးမျှစ်ချဉ်နူးပြီဆိုရင် သုံးဆောင်နိုင်ပါပြီ။

ချန်ပီယံပြေးလမ်းကြောင်းထဲ ဝင်ရောက်လာသူ သို့မဟုတ် ချယ်လ်ဆီး

ဒီဇင်ဘာ ၁၅

ချယ်လ်ဆီးအသင်းဟာ နောက်ဆုံးကစားခဲ့တဲ့ ပရီးမီးယားလိဂ် ပွဲစဉ်မှာ စပါးအသင်းကို ၂ ဂိုးပြတ် အရှုံးကနေ အနိုင်ရအောင် ကစားနိုင်ခဲ့ပြီးနောက် ချန်ပီယံဆုအတွက် ပြေးလမ်းကြောင်းထဲ ဝင်ရောက်လာပြီလို့ ပြောလို့ရတဲ့ အနေအထားကို ရောက်ရှိလာခဲ့ပါတယ်။

ချယ်လ်ဆီးအသင်းဟာ ထိပ်ဆုံးနေရာက လီဗာပူးလ်အသင်းနဲ့ အမှတ်ကွာဟချက်ရှိပေမယ့် နောက်ဆုံးကစားခဲ့တဲ့ ပရီးမီးယားလိဂ် ၄ ပွဲစလုံး အနိုင်ရပြီး အနီးကပ် ဖိအားပေးနေတာပါ။

ချယ်လ်ဆီးအသင်းနည်းပြ မာရက်စ်ကာကတော့ အသင်းဟာ ချန်ပီယံဆုအတွက် ပြိုင်ဆိုင်ဖို့ အဆင်သင့် မဖြစ် သေးဘူးလို့ အကြိမ်ကြိမ် ပြောနေတာ ဖြစ်ပါတယ်။

ပုံ - ချယ်လ်ဆီးအသင်းသားတွေကို တွေ့ရစဉ်

#centralnewsnaypyitaw

YBS ယာဉ်လိုင်းတွေထဲ လျှပ်စစ် စွမ်းအင်သုံး EV City Bus တွေ ထည့်သွင်းပြေးဆွဲဖို့ စီစဉ်နေ

ဒီဇင်ဘာ ၁၅

အများပြည်သူသယ်ယူပို့ဆောင်ရေးလုပ်ငန်း ဖြစ်တဲ့YBSယာဉ်လိုင်းပြေးဆွဲမှုတွေထဲ လျှပ်စစ် စွမ်းအင်သုံး EV City Busတွေ ထည့်သွင်းပြေးဆွဲဖို့ ကိုလာမယ့် ၂၀၂၅ခုနှစ် အတွင်းစီစဉ်သွားမယ်လို့ ပုဂ္ဂလိကယာဉ်လိုင်း ကုမ္ပဏီ တွေထံကနေသိရပါတယ်။

YBSယာဉ်လိုင်းတွေထဲ EV City Busတွေ ထည့်သွင်းပြေးဆွဲဖို့ကို ကနဦး ရှေ့ပြေးစီမံချက်တွေအနေနဲ့ ပြုလုပ်မှာဖြစ်ရာလာမယ့် ၂၀၂၅ ခုနှစ် အတွင်းတော့ အကောင်အထည်ပေါ်ပေါက်လာနိုင်မယ်လို့ဆိုပါတယ်။

EV city bus များပြေးဆွဲနိုင်ရန် သက်ဆိုင်ရာပို့ေဆာင်ဆက်သွယ်ရေးဝန်ကြီးဌာနကို ပြီးခဲ့တဲ့ စက်တင်ဘာလက စီမံချက် တင်ပြခဲ့ပြီး လိုအပ်တဲ့ အချက်အလက်များကို ထပ်မံတင်ပြနိုင်အောင် ဆောင်ရွက်နေသလို လက်ရှိအသုံးပြုနေတဲ့ CNG စွမ်းအင်သုံး YBSယာဉ်လိုင်းတွေ အတိုင်းယာဉ်စီးခ ကောက်ခံဖို့ဖြစ်နိုင် မဖြစ်နိုင်ကိုလည်း ဆွေးနွေးတာတွေရှိနေတယ်လို့သိရပါတယ်။

" YBSထဲ EV city bus ထည့်သွင်းပြေးဆွဲပေးဖို့က စနစ်ကောင်းတစ်ခုပါ။ယာဉ်စီးခအနေနဲ့ကတော့ လက်ရှိပြေးဆွဲနေတဲ့ကားတွေအတိုင်းသတ်မှတ်ရမလား အဲဒီ့ထက် ဈေးပိုသတ်မှတ်ရမလားဆိုတာကတော့ EV busကိုပိုင်တဲ့ပြေးဆွဲပေးမယ့်ယာဉ်လိုင်းနဲ့ သက်ဆိုင်ရာအဖွဲ့တွေဆက်ဆွေးနွေးရမှာပါ"လို့ ရန်ကုန်တိုင်းဒေသကြီး ပုဂ္ဂလိကသယ်ယူပို့ဆောင်ရေးကြီးကြပ်မှုကော်မတီ (YRTC)က တာဝန်ရှိသူတယောက်က ပြောပါတယ်။

လျှပ်စစ် စွမ်းအင်သုံး EV City Bus တွေရဲ့တန်ဖိုးက လက်ရှိ ပြေးဆွဲနေတဲ့ CNGဓာတ်ငွေ့သုံး ဘတ်စ်ကားတွေ ထက် တန်ဖိုးများနေ တဲ့အတွက် သက်ဆိုင်ရာ အစိုးရက အထောက်အပံ့ပြုလုပ်ပေးပါက ကောင်းမွန်တဲ့စနစ်ကို အခြားအိမ်နီးချင်းနိုင်ငံတွေနည်းတူ ပြုလုပ်နိုင်မယ်လို့ ဆိုပါတယ်။

" EVကားတွေကို ဘတ်စ်ကားသုံးမယ်ဆိုရင် ဘတ်စ်ကားကုမ္ပဏီတွေက လုပ်ဖို့အစီစဉ်တော့ရှိသလို YRTCကလည်း လမ်းညွှန်ထားတာရှိတယ်။ ခရီးသွားတွေ သက်တောင့်သက်သာစီးနိုင်ဖို့ကျွန်တော်တို့ကလည်း လုပ်ဖို့ရည်ရွယ်ချက်ရှိတယ်။ ဒါပေမယ့် အဲဒီကားတွေက သူ့ရဲ့ဆိုဒ်အလိုက် တစီးကို ဒေါ်လာ တသိန်းကျော်မယ်။ ကျပ်ငွေနဲ့တွက်ရင် ကားတစီးတန်ဖိုးက သိန်း ၄၆၀၀ နဲ့ ၄၅၀၀လောက်ကျသွားမယ်။အရင်းတန်ဖိုးများတယ်။ နောက်စက်သုံးဆီ ကုန်ကျစရိတ် မှာ လက်ရှိCNGကို သုံးတယ်။ EV bus က လျှပ်စစ်ယူနစ်သုံးတာ နည်းနည်းများတော့ CNGဖိုးထက်တော့ ပိုကုန်လိမ့်မယ်။ မသက်သာနိုင်ဘူး ။အဲဒါဆိုရင် အရင်းကြေကာလကြာမယ်။အခြားနိုင်ငံတွေမှာတော့အစိုးရပိုင်းက ချေးငွေပိုင်းစတဲ့ တနည်းတဖုံနဲ့ ထောက်ပံ့တာတွေရှိပါတယ်"လို့EV busနဲ့ပတ်သက်ပြီးPower Eleven ပုဂ္ဂလိကယာဉ်လိုင်းကုမ္ပဏီ ရဲ့တာဝန်ရှိသူ ကိုတရုတ်လေးက သုံးသပ်ပြောထားပါတယ်။

လက်ရှိမှာအဝေးပြေးယာဉ်လိုင်းအချို့တွင်လည်း EV Bus များကို အသုံးပြုနေလျက်ရှိသလို ရန်ကုန်၊ မန္တလေး၊ နေပြည်တော် တို့တွင်လည်း EV Taxi များပြေးဆွဲမှုရှိနေပါတယ်။

ရန်ကုန်မြို့အတွင်း နေ့စဉ် YBS ယာဉ်လိုင်းပေါင်း (၁၃၀) ကျော်မှ ယာဉ်စီးရေ (၃၅၀၀) ကျော်ဖြင့် ခရီးသည် ၁ ဒသမ ၄ သန်းကျော်ကို ပြေးဆွဲဝန်ဆောင်ပေးနေလျက်ရှိကြောင်း YRTC ရဲ့ စာရင်းများအရ သိရှိရပါတယ်။

Photo:CJ

Credit - VOM News Agency

#သတင်းဟင်းလေးအိုးကြီး