FA ဖလား ဖိုင်နယ်ပွဲ - မန်ယူ (၂-၁) စီးတီး ..(GGMU)
.....................
ဒီပွဲ ပြီးရင် တန်ဟတ်ကို ထုတ်မယ် ဆိုလို့လား မသိဘူး၊ ယူနိုက်တက်က တစ်သင်းလုံး မခိုမကပ်ပဲ အင်အားပြည့် ကစားသွားခဲ့တယ်။ ဒဏ်ရာရ လူစာရင်းကလည်း နည်းသွားလို့ တန်ဟတ် အနေနဲ့ လူစာရင်းကို အတော်လေး အဆင်ပြေအောင် ထုတ်နိုင်ခဲ့တာပါ။
ပွဲကို ကြည့်ရင်း မော်ရင်ဟိုရဲ့ အင်တာနဲ့ ပက်ပ်ရဲ့ ဘာစီလိုနာ ပွဲကိုတောင် သတိရစရာပါပဲ။ မန်ယူက လုပ်သင့်တာ လုပ်သွားတယ်၊ကွင်းလယ်ချင်း ယှဥ်မဆော့ပဲ စီးတီးကို စိတ်ကြိုက် ဘောလုံး ပေးကိုင်ပြီး လျင်မြန် တိကျတဲ့ counter တွေနဲ့ ဒုက္ခ ပေးသွားခဲ့တာပါ။ စီးတီးက ဘောလုံးပိုင်ဆိုင်မှု ၇၀% ရှိပြီး မန်ယူက ပွဲနိုင်တယ်။
ခြေစွမ်းက စီးတီးသာပြီး နည်းဗျူဟာပိုင်းကတော့ မန်ယူ သာတဲ့ ပွဲလို့ပဲ ဆိုရမယ်။
ဘရူနိုရဲ့ မိုင်နူးရဲ့ သွင်းဂိုးအပေါ် ဖန်တီးမှုကတော့ ဘောလုံးအမြင်က မက်ဆီ ဝင်စားသလား ထင်ရလောက်အောင် ကောင်းလွန်းလှတယ်၊ လက်ဖျားခါလောက်တဲ့ ဖန်တီးမှုပါပဲ။
ဟာလန်းကတော့ ဖိုင်နယ်ပွဲတွေ၊ ပွဲကြပ်တွေ ၊ အသင်းအတွက် တကယ် အရေးကြီးနေချိန်မှာ သူ့အရည်အသွေးက ဘာလဲ ဆိုတာ ထပ်ပြီး ပြသွားပါပြီ၊ အသင်းကောင်းပြီး ဖန်တီးမှုတွေ ကောင်းနေလို့သာ ဟာလန်း ဂိုးတွေ ရနေတာပါ၊ တိုးအားနဲ့ ပါဝါ ကောင်းတာပဲ ရှိတယ် ..ခြေစွမ်းက သာမန်ပါပဲ။
ဒီပွဲ ရလဒ်က ဘောလုံးဖန်တွေအတွက်လည်း ကျေနပ်စရာပါ၊ ပြောချင်တာက အပေါ်အသင်းတွေပဲ နိုင်နေရင် ပျင်းစရာကြီး၊ ခုလို အောက်အသင်းလည်း နိုင်ချင် နိုင်သွားမယ် ဆိုတာမျိုးက ဘောလုံးရသပါ။ မကြားရတာ ကြာပြီ ဖြစ်တဲ့ GGMU သီချင်းသံတွေတောင်မှ ညံကုန်ပါပြီ။
ဒီပွဲမှာ မန်ယူ နိုင်သွားတဲ့ အတွက်မန်ယူက ယူရိုပါလိဂ် ဝင်ခွင့် ရသွားပါပြီ။ ချယ်ဆီးကတော့ ယူရိုပါလိဂ်နဲ့ လွဲချော်ခဲ့ပြီး ရိုပါကွန်းဖရန့်လိဂ်လ် ကိုပဲ ကန်ခွင့် ရပါတယ်။
ကဲ.. ယူနိုက်တက် တာဝန်ရှိသူတွေ တန်ဟတ်ကို ထုတ်မှာလား .. ဘာလုပ်မှာလဲ.. အတော်လေး အကြပ်ရိုက်သွားပါပြီ။
Soe Nae Thit
