အခုလို သောကြာနေ့တွေမှာ night out ဖြစ်တာကတော့ သူငယ်ချင်းတွေကြောင့်လို့ပဲပြောရမှာပဲ

ရက်ရှ်ဖို့ဒ်၏ အကောင်းဆုံးခြေစွမ်း မြင်တွေ့ရတော့မည်မဟုတ်ဟု ရွိုင်ကိန်း သုံးသပ်

မန်ယူအသင်းမှာ တိုက်စစ်မှူး ရက်ရှ်ဖို့ဒ်ရဲ့ အကောင်းဆုံးခြေစွမ်း ပြန်လည်မြင်တွေ့ရတော့မှာ မဟုတ်ကြောင်း မန်ယူအသင်းဂန္ထဝင် တိုက်စစ်မှူး ရွိုင်ကိန်းက ပြောသွားပါတယ်။

အင်္ဂလန်တိုက်စစ်မှူးဟာ ပြီးခဲ့တဲ့ရက်ပိုင်းက စိန်ခေါ်မှုအသစ်တွေအတွက် မန်ယူကနေ ထွက်ခွာဖို့ရှိကြောင်း ထုတ်ဖော်ပြောပြသွားတာပါ။

အင်္ဂလန်ကစားသမားဟာ မန်ယူအသင်းရဲ့ နောက်ဆုံးနှစ်ပွဲဆက်တိုက် လူစာရင်းကနေ ချန်လှပ်ခံထားရသူပါ။

ရက်ရှ်ဖို့ဒ်ဟာ နိုင်ပွဲဆာလောင်ပြင်းပြမှုလည်း မရှိတော့ဘဲ အသင်းပြောင်းရွှေ့မှသာ ပုံစံကောင်းပြန်ရနိုင်ပြီး မန်ယူအသင်းမှာတော့ အရင်လို ခြေစွမ်းပြရဖို့ ခက်ခဲသွားပြီဖြစ်ကြောင်း ရွိုင်ကိန်းက ပြောပါတယ်။

ရက်ရှ်ဖို့ဒ်ဟာ ၂၀၂၂-၂၀၂၃ ရာသီက တရာသီအတွင်း ဂိုး ၃၀ သွင်းယူခဲ့သူဖြစ်ပြီး အခုနှစ်ရာသီ ပရီးမီးယားလိဂ် ၁၅ ပွဲမှာ ၄ ဂိုး သွင်းယူထားပါတယ်။
DVB

ဗန်ကောက်မြို့၌ ကျင်းပပြုလုပ်သည့် အလွတ်သဘောဆွေးနွေးပွဲတွင် နယ်စပ်ဒေသတည်ငြိမ်အေးချမ်းရေးနှင့် လုံခြုံရေးဆိုင်ရာပူးပေါင်းဆောင်ရွက်မှုကိစ္စရပ်များဆွေးနွေး

နေပြည်တော်၊ ဒီဇင်ဘာ ၂၀

ထိုင်းနိုင်ငံ၊ နိုင်ငံခြားရေးဝန်ကြီး မစ္စတာ မာရစ်ဆတ်ငီရမ်ဖုန် ၏ ဖိတ်ကြားချက်အရ ဒုတိယဝန်ကြီးချုပ်နှင့် နိုင်ငံခြားရေးဝန်ကြီးဌာန၊ ပြည်ထောင်စုဝန်ကြီး ဦးသန်းဆွေသည် ထိုင်းနိုင်ငံ၊ ဗန်ကောက်မြို့၌ ၂၀၂၄ ခုနှစ်၊ ဒီဇင်ဘာလ ၁၉ ရက်တွင် ကျင်းပပြုလုပ်ခဲ့သည့် မြန်မာနိုင်ငံနှင့် အိမ်နီးချင်းနိုင်ငံများဖြစ်သည့် ဘင်္ဂလားဒေ့ရှ်၊ တရုတ်၊ အိန္ဒိယ၊ လာအိုနှင့် ထိုင်းနိုင်ငံတို့မှ နိုင်ငံခြားရေးဝန်ကြီးများ၏ အလွတ်သဘောညှိနှိုင်းဆွေးနွေးပွဲသို့ ပါဝင်တက်ရောက်ခဲ့ကြောင်း သိရသည်။

အဆိုပါ အလွတ်သဘော ညှိနှိုင်းဆွေးနွေးပွဲအတွင်း တက်ရောက်လာကြသော နိုင်ငံခြားရေးဝန်ကြီးများ၊ ဒုတိယဝန်ကြီးနှင့် ကိုယ်စားလှယ်များသည် နယ်စပ်ဒေသ တည်ငြိမ်အေးချမ်းရေးနှင့် လုံခြုံရေးဆိုင်ရာ ပူးပေါင်းဆောင်ရွက်မှုကိစ္စရပ်များ၊ နယ်စပ်ဖြတ်ကျော်ရာဇဝတ်မှုများ တိုက်ဖျက်နှိမ်နင်းရေးဆိုင်ရာ ပူးပေါင်းဆောင်ရွက်မှုကိစ္စရပ်များအပေါ် ဆွေးနွေးခဲ့ကြောင်း သိရသည်။

ပြည်ထောင်စုဝန်ကြီးသည် ဆွေးနွေးပွဲအတွင်း နိုင်ငံတော်အစိုးရ၏ ငြိမ်းချမ်းရေး၊ ဖွံ့ဖြိုးတိုးတက်ရေးနှင့် ဒီမိုကရေစီဖော်ဆောင်ရေးအတွက် ကြိုးပမ်းဆောင်ရွက်နေမှုများနှင့် မြန်မာနိုင်ငံ၏ လက်ရှိဖြစ်ပေါ်တိုးတက်မှု အခြေအနေများကို တက်ရောက်လာကြသည့်နိုင်ငံများမှ ကိုယ်စားလှယ်အဖွဲ့ ခေါင်းဆောင်များအား ရှင်းလင်း ပြောကြားခဲ့သည်။

ပြည်ထောင်စုဝန်ကြီး ဦးသန်းဆွေသည် တရုတ်ပြည်သူ့သမ္မတနိုင်ငံ၊ နိုင်ငံခြားရေးဝန်ကြီးဌာန ဒုတိယဝန်ကြီး မစ္စတာ စွန်းဝေတုန်း၊ ဘင်္ဂလားဒေ့ရှ် ပြည်သူ့သမ္မတနိုင်ငံ နိုင်ငံခြားရေးဝန်ကြီးဌာန၊ အကြံပေးပုဂ္ဂိုလ် မစ္စတာ မိုဟာမက် တိုဟိဒ် ဟူစိန်၊ လာအိုပြည်သူ့ဒီမိုကရက်တစ်သမ္မတနိုင်ငံ နိုင်ငံခြားရေးဝန်ကြီး မစ္စတာ ထောင်ဆာ ဗန် ဖုန်ဗီဟေး၊ အိန္ဒိယသမ္မတနိုင်ငံ ပြည်ပရေးရာဝန်ကြီးဌာန နိုင်ငံခြားရေးအတွင်းဝန် မစ္စတာ ရှရီ ဗစ်ခရမ် မစ်ဆရီနှင့် ဖိလစ်ပိုင်သမ္မတနိုင်ငံ၊ နိုင်ငံခြားရေးဝန်ကြီး မစ္စတာ အန်ရစ်အေမန်နလိုတို့နှင့် ဗန်ကောက်မြို့ရှိ Capella ဟိုတယ်၌ သီးခြားစီတွေ့ဆုံဆွေးနွေးခဲ့ကြောင်း သိရသည်။

ထိုသို့တွေ့ဆုံရာတွင် ပြည်ထောင်စုဝန်ကြီး ဦးသန်းဆွေက နယ်စပ်ဒေသများ တည်ငြိမ်အေးချမ်းရေးနှင့် နယ်စပ်ဖြတ်ကျော်မှုခင်းများ တားဆီးနှိမ်နင်းရေးတို့တွင် ပူးပေါင်းဆောင်ရွက်မှု တိုးမြှင့်ရေး၊ နှစ်နိုင်ငံ ဆက်ဆံရေး ပိုမိုတိုးတက်ခိုင်မာရေးနှင့် ပူးပေါင်းဆောင်ရွက်မှုမြှင့်တင်ရေး၊ နှစ်နိုင်ငံနယ်စပ်ဒေသ တည်ငြိမ် အေးချမ်းမှု ထိန်းသိမ်းရန်အတွက် ဆက်လက်ပူးပေါင်းဆောင်ရွက်သွားရေးတို့နှင့်စပ်လျဉ်း၍ ဆွေးနွေးခဲ့ကြောင်း သိရသည်။

#centralnewsnaypyitaw

ယူကရိန်းကိုထောက်ပံ့ရန် ဥရောပသမဂ္ဂ ယူရို ၁၃၀ ဘီလီယံသုံးစွဲပြီးဖြစ်

ဥရောပသမဂ္ဂသည် ယူကရိန်းကို ထောက်ပံ့ရန်အတွက် ယူရို ၁၃၀ ဘီလီယံကျော် သုံးစွဲထားပြီးဖြစ်ကြောင်း ဥရောပကော်မရှင်ဥက္ကဋ္ဌ အာဆူလာ ဗွန် ဒါ လီယန်က ဘယ်လ်ဂျီယံနိုင်ငံ ဘရပ်ဆဲလ်တွင်ကျင်းပသည့် ဥရောပကောင်စီအစည်းအဝေးအပြီးတွင် သတင်းထောက်များအား ပြောကြားခဲ့သည်။

“နောက်ကြောင်းပြန်ကြည့်ရင် ဥရောပဟာ အခုအချိန်အထိ ယူကရိန်းကို ယူရို ၁၃၀ ဘီလီယံနီးပါး ထောက်ပံ့ပေးခဲ့ပါတယ်” ဟု သူမက ပြောကြားခဲ့သည်။

သူမ၏စကားအရဆိုလျှင် ဥရောပသမဂ္ဂသည် ယူကရိန်းကို အမေရိကန်ထက် လက်နက်များ ပိုမိုပေးအပ်ခဲ့သည်။ ဗွန် ဒါ လီယန် ၏ အဆိုအရ ဥရောပသမဂ္ဂသည် ယူကရိန်းသို့ ပေးပို့သော လက်နက်များ၏ ၄၇ ရာခိုင်နှုန်းကို ပေးအပ်ထားခြင်းဖြစ်ပြီး ၄၀ ရာခိုင်နှုန်းမှာ အမေရိကန်က ထောက်ပံ့ပေးခြင်းဖြစ်သည်။

ဘယ်လ်ဂျီယံနိုင်ငံသည် လာမည့်နှစ်တစ်ခုတည်းတွင် ယူကရိန်းနိုင်ငံသို့ ငွေကြေးအကူအညီ ယူရို ၃၀ ဒသမ ၆ ဘီလီယံ ခွဲဝေပေးရန် အဆင်သင့်ဖြစ်နေပြီဟု ဗွန် ဒါ လီယန်က ဆက်လက်ပြောကြားပြီး အဆိုပါ ငွေကြေးပမာဏတွင် လက်နက်များ ပေးအပ်ခြင်းမပါဝင်ကြောင်း ပြောကြားခဲ့သည်။

နေတိုးအဖွဲ့ဝင်နိုင်ငံများထံမှ လ-က်နက် ၉၈ ရာခိုင်နှုန်းကို ယူကရိန်းနိုင်ငံသည် အစောပိုင်းကပင်လျှင် လက်ခံထားပြီးဖြစ်ကြောင်း နေတိုးအဖွဲ့ အတွင်းရေးမှူးချုပ် မာ့ခ်ရုတ် ကပြောသည်။

အစိုးရဓမ္မာစရိယစာမေးပွဲတွင် အောင်မြင်ခဲ့သူများကို "မဟာဘွဲ့နှင်းသဘင် အခမ်းအနား" ဖြင့် အောင်လက်မှတ်များ ပေးအပ်မည်

သာသနာရေးနှင့် ယဉ်ကျေးမှုဝန်ကြီးဌာန သာသနာရေးဦးစီးဌာနက ကျင်းပသည့် ၂၀၂၄ ခုနှစ် အစိုးရဓမ္မာစရိယစာမေးပွဲတွင် အောင်မြင်ခဲ့သူများကို "မဟာဘွဲ့နှင်းသဘင်အခမ်းအနား" ဖြင့် အောင်လက်မှတ်များ ပေးအပ်သွားမည်ဖြစ်ကြောင်း သိရသည်။

ယင်းစာမေးပွဲတွင် အစိုးရဓမ္မာစရိယ အထူးအောင်(၃)ပါး၊ ပါဠိဂုဏ်ထူးအောင် (၆)ပါး၊ မြန်မာဂုဏ်ထူးအောင်(၃)ပါး၊ အစိုးရ ဓမ္မာစရိယ သုံးကျမ်းအောင် (၁၄၄၃) ပါး၊ ပါဠိပထမ ပြန်အထူးအောင် (၁၆) ပါး၊ နိကာယ်အထူးအောင် (၁၃) ပါး၊ မဟာဝိဒူအောင် (၁၅) ပါး၊ အဘိဓမ္မာနှင့် ဝိသုဒ္ဓိမဂ် အထူးအောင် (၉)ဦးတို့အား ဘွဲ့တံဆိပ်တော်များနှင့် အောင်လက်မှတ်များ ဆက်ကပ်လှူဒါန်းသည့် မဟာဘွဲ့နှင်းသဘင်အခမ်း အနားကို ၁၃၈၆ ခုနှစ် တပို့တွဲလပြည့်ကျော် (၂) ရက်၊ ၂၀၂ ၅ ခုနှစ် ဖေဖော်ဝါရီ (၁၄) ရက်၊ နေ့လယ် (၁၂) နာရီတွင် ပြုလုပ်သွားမည်ဖြစ်သည်။

အဆိုပါ အခမ်းအနားကို ရန်ကုန်မြို့ သီရိမင်္ဂလာကမ္ဘာအေးကုန်းမြေ ဆဋ္ဌသင်္ဂါယနာ မဟာပါသာဏလိုဏ်ဂူသိမ်တော်ကြီး၌ ရန်ကုန်တိုင်းဒေသကြီး အစိုးရအဖွဲ့၏ ဦးဆောင်မှုဖြင့် ကျင်းပမည်ဖြစ်ကြောင်း သိရသည်။

ယင်းမဟာဘွဲ့နှင်းသဘင်အခမ်းအနားသို့ အချိန်မီကြွရောက်ရန်သက်ဆိုင်ရာ အထူးအောင်ပုဂ္ဂိုလ်များနှင့် ပင့်သံဃာတော်များကို ပင့်စာများ ပေးပို့ဆက်ကပ်ပင့်ဆောင်မည်ဖြစ်ပြီး ပင့်စာများကို အချိန်မီမရရှိပါကလည်း ကြွရောက်တော်မူကြပါရန်နှင့် ၂၀၂၅ ခုနှစ် ဖေဖော်ဝါရီ (၁၂) ရက်မှစ၍ ရုံးချိန်အတွင်း ရန်ကုန်မြို့ ကမ္ဘာအေးကုန်းမြေ သာသနာရေးဦးစီးဌာန စာမေးပွဲဌာနခွဲသို့ ဆက်သွယ်သတင်းပေးပို့ကြရန် သာသနာရေးဦးစီးဌာနက ပင့်လျှောက်ထားကြောင်း သိရသည်။

❝စစ်မှုထမ်းစာရင်းထဲမပါအောင် လုပ်ပေးမယ်ဆိုပြီး ငွေတောင်းတဲ့ မန္တလေးကအမျိုးသမီးကို သက်ဆိုင်ရာဖမ်းဆီး❞

ဒီဇင်ဘာ ၁၃

စစ်မှုထမ်းစာရင်းထဲ မပါအောင် ပြုလုပ်ပေးမယ်လို့ ပြောဆိုပြီး မန္တလေးမြို့ပေါ် ရပ်ကွက်အချို့မှာ ငွေကြေးလိမ်လည်တောင်းခံနေတဲ့ အမျိုးသမီးတစ်ဦးကို သက်ဆိုင်ရာတာဝန်ရှိသူတွေက ဖမ်းဆီးလိုက်ပြီလို့ လုံခြုံရေးအသိုင်းအဝိုင်းနဲ့ နီးစပ်သူတွေဆီက သိရပါတယ်။

အဆိုပါအမျိုးသမီးကို ဒီဇင်ဘာ ၁၉ ရက်နေ့က ဖမ်းဆီးနိုင်ခဲ့တာလို့ သိရပါပြီး ယင်းအမျိုးသမီးဟာ ရပ်ကွက်ထဲကလူတွေကို စစ်မှုထမ်းစာရင်းထဲမပါအောင် လုပ်ပေးမယ်၊ ဧည့်စာရင်းလာမစစ်အောင်လည်း လုပ်ပေးမယ်ဟုဆိုကာ ငွေတွေကို အရစ်ကျတောင်းယူနေတာလို့ ဆိုပါတယ်။

❝သူက ပထမအရစ်သုံးသိန်း၊ နောက်ထပ်အရစ်ကျ နှစ်သိန်းခွဲစသည်ဖြင့်ပေါ့ တောင်းခံနေတာကြာပြီ။ ပေးထားတဲ့သူတောင် ဆယ်ဦးလောက်ရှိတယ်လို့သိရတယ်။ နောက်တော့ မခံမရပ်နိုင်သူတွေကရပ်ကွက်ရုံးကိုအကြောင်းကြားလိုက်တာမှာ တာဝန်ရှိတဲ့သူတွေက စောင့်ပြီးဖမ်းဆီးလိုက်တာ❞ လို့ ဖြစ်စဥ်ကိုသိရှိသူ ဒေသခံက ပြောပါတယ်။

လက်ရှိမှာတော့ ဖမ်းဆီးရမိသူအမျိုးသမီးနဲ့ လိမ်လည်ခံရသူအချို့ကို သက်ဆိုင်ရာမှ ခေါ်ယူစစ်ဆေးနေတယ်လို့ သိရပါတယ်။

#centralnewsnaypyitaw

ဗဟိုဘဏ်မှ သွင်းကုန်လုပ်ငန်းရှင်များအတွက် ထိုင်းဘတ် ၂ သန်းခွဲခန့်နှင့် တရုတ်ယွမ် ၁ ဒသမ ၃ သန်းကျော် ထပ်မံထုတ်ရောင်း

ဒီဇင်ဘာ ၂၀

ဗဟိုဘဏ်မှ သွင်းကုန်လုပ်ငန်းရှင်များအတွက် ထိုင်းဘတ် ၂ ဒသမ ၄၈၃ သန်းနှင့် တရုတ်ယွမ် ၁ ဒသမ ၃၆၀ သန်း ထပ်မံထုတ်ရောင်းပေးခဲ့ကြောင်း မြန်မာနိုင်ငံတော်ဗဟိုဘဏ်မှ ဒီဇင်ဘာလ ၁၉ ရက် (ယမန်နေ့)တွင် ထုတ်ပြန်ထားသည့် စာရင်းအရ သိရသည်။

ယခုထပ်မံထုတ်ရောင်းသည့် ထိုင်းဘတ်နှင့် တရုတ်ယွမ်များအပါအဝင် ဒီဇင်ဘာလ ၂ ရက်မှ ၁၉ ရက်အထိ နှစ်ပတ်ကျော်အတွင်း ဗဟိုဘဏ်မှ ထိုင်းဘတ် ၃၁၄ ဒသမ ၉၁၄ သန်းနှင့် တရုတ်ယွမ် ၁၀ ဒသမ ၁၀၆ သန်းအထိ ထုတ်ရောင်းပေးခဲ့သလို ဒေါ်လာ ၁၃၉ သန်းခွဲကျော်အထိ ‌ထုတ်ရောင်းပေးထားသည်။

ယခုကဲ့သို့ ဗဟိုဘဏ်မှ ဒေါ်လာ၊ ထိုင်းဘတ်နှင့် တရုတ်ယွမ်တို့ကို ဆက်တိုက်ထုတ်ရောင်းပေးခဲ့၍ နှစ်သစ်ကူးရုံးပိတ်ရက်များကြောင့် သွင်းကုန်တင်သွင်းမှုများပြီး နိုင်ငံခြားငွေလိုအပ်ချက် မြင့်မားလေ့ရှိသည့် ဒီဇင်ဘာလအတွင်း နိုင်ငံခြားငွေဈေးနှုန်းများ မြင့်တက်လာမှုမရှိဘဲ ယနေ့တွင် တစ်ဒေါ်လာ ၄,၄၆၀ ကျပ်၊ ထိုင်းဘတ် တစ်ဘတ် ၁၃၀ ကျပ်နှင့် တရုတ်ယွမ် တစ်ယွမ် ၆၁၉ ကျပ် ဖြစ်ပေါ်ခဲ့ပြီး ဈေးနှုန်းတည်ငြိမ်လျက်ရှိသည်။

ဗဟိုဘဏ်အနေဖြင့် ပြီးခဲ့သည့် ဩဂုတ်လ ၁ ရက်မှ နိုဝင်ဘာလ ၂၉ ရက်အထိ လေးလအတွင်း ဒေါ်လာ ၃၃၅ သန်းကျော်၊ ထိုင်းဘတ် ၁ ဒသမ ၂၇၄ ဘီလျံကျော်နှင့် တရုတ်ယွမ် ၅၆ သန်းခန့်အထိ ထုတ်ရောင်းပေးထားပြီးဖြစ်သည့်အပြင် ယခုဘဏ္ဍာနှစ် ခုနစ်လအတွင်း စက်သုံးဆီ၊ စားသုံးဆီနှင့် သွင်းကုန်လုပ်ငန်းရှင်များအတွက် ဒေါ်လာတစ်ဘီလျံလည်း သီးသန့်ထုတ်ရောင်းပေးထားသည်။

Credit - Myanmar Transparency News Agency

#သတင်းဟင်းလေးအိုးကြီး