အုတ်အုတ်ရယ်

ထိုင်ဝမ်အနီးမှာ တရုတ်စစ်တပ်ရဲ့ အကြီးစားစစ်ရေးလေ့ကျင့်မှု ရက်ပိုင်းအတွင် ပြုလုပ်လာနိုင်

ဒီဇင်ဘာ ၆

တရုတ်စစ်တပ်ဟာ ယခုသီတင်းပတ်ကုန်ပိုင်းမှာ ထိုင်ဝမ်အနီး အကြီးစားစစ်ရေးလေ့ကျင့်နိုင်တာကြောင့် တရုတ်လေယာဉ်တင်သင်္ဘောတစင်းရဲ့ လှုပ်ရှားမှုတွေကို စောင့်ကြည့်နေတယ်လို့ ထိုင်ဝမ်ကာကွယ်ရေး ဝန်ကြီးဌာနက ဒီကနေ့မှာ ပြောပါတယ်။

တရုတ်နိုင်ဟာ ထိုင်ဝမ်ကို ပိုင်ဆိုင်ကြောင်း အခိုင်အမာပြောဆိုထားပြီး ပြည်မကြီးနဲ့ ပြန်လည်ပေါင်းစည်းဖို့ လိုအပ်ရင် စစ်အင်အားသုံးမယ်လို့ ပြောဆိုထားပါတယ်။ ယခုနှစ်အတွင်း ကျွန်းအနီးမှာ အကြီးစားစစ်ရေးလေ့ကျင့်မှု နှစ်ကြိမ်ပြုလုပ်ခဲ့ပြီး စစ်ရေးလှုပ်ရှားမှုတွေ နေ့စဉ်ပြုလုပ်နေပါတယ်။

ခွဲထွက်ရေးသမားအဖြစ် တရုတ်က တံဆိပ်ကပ်ထားတဲ့ ထိုင်ဝမ်သမ္မတ လိုင်ချင်းတီဟာ ဟာဝိုင်အီနဲ ဂူအမ်ကျွန်းအပါအဝင် ပစိဖိတ်ဒေသခရီးစဉ်ကြောင်း တရုတ်စစ်တပ်ဟာ ယခုသီတင်းပတ်အတွင်း ထိုင်ဝမ်အနီးမှာ စစ်ရေးလေ့ကျင့်မှု လုပ်နိုင်တယ်လို့ သတင်းရင်းမြစ်တွေက ပြောပါတယ်။

တရုတ်လေယာဉ်တင်င်သင်္ဘော ရှောင်နင်းဟာ ဘယ်နေရာမှာရှိတယ်ဆိုတာ ထိုင်ဝမ်ကာကွယ်ရေးဝန်ကြီးဌာနက သိရှိထားပေမယ့် အသေးစိတ်ကိုတော့ ပြောရေးဆိုခွင့်ရှိသူက မပြောပါဘူး။ လေယာဉ်တင်သင်္ဘော ရှောင်နင်းဟာ အောက်တိုဘာလအတွင်း တရုတ်စစ်တပ်ရဲ့ စစ်ရေးလေ့ကျင့်မှုမှာ ပါဝင်ခဲ့ပါတယ်။

ထိုင်ဝမ်ကာကွယ်ရေးဝန်ကြီးဌာနအနေနဲ့ အခြေအနေတွေကို အနီးကပ်စောင့်ကြည့်ပြီး ခိုင်ခိုင်မာမာပြင်ဆင်နေတာကြောင့် ခြိမ်းခြောက်မှုတွေကု မကြောက်ဘူးလို့ ပြောရေးဆိုခွင့်ရှိသူက ပြောပါတယ်။ စစ်ရေးလေ့ကျင့်မှုနဲ့ပတ်သက်ပြီး တရုတ်စစ်တပ်ကတော့ မှတ်ချက်ပေးပြောကြားတာမျိုးမရှိပါဘူး။

ထိုင်ဝမ်သမ္မတ လိုင်ချင်းတီကို လာရောက်ခွင့်ပေးတဲ့အတွက် အမေရိကန်ကို တရုတ်က ဝေဖန်ပြောဆိုနေပါတယ်။ လိုင်ချင်းတီကတော့ ထိုင်ဝမ်ကို တရုတ်ကပိုင်တယ်ဆိုတာ ငြင်းဆိုထားပေမယ့် တရုတ်နဲ့ ငြိမ်းချမ်းရေးကိုလိုလားတယ်လို့ ပြောဆိုထားပြီး ဆွေးနွေးပွဲတွေ အကြိမ်ကြိမ် ကမ်းလှမ်းခဲ့ပေမယ့် တရုတ်က ပယ်ချခဲ့တယ်လို့ ဆိုပါတယ်။

Ref:Reuters
Photo:AFP

#သတင်းဟင်းလေးအိုးကြီး

အိန္ဒိယနိုင်ငံထဲမှာ ဘင်္ဂလားဒေ့ရှ်ကောင်စစ်ဝန်ရုံး တိုက်ခိုက်ခံရတဲ့အတွက် နှစ်နိုင်ငံဆက်ဆံရေးတင်းမာ
………………………………………

နိုင်ငံတကာ၊ ဒီဇင်ဘာ ၆

ဘင်္ဂလားဒေ့ရှ်မှာ ဟိန္ဒိူလူနည်းစုတွေ ဖိနှိပ်ခံရမှုနဲ့ ပတ်သက်ပြီး ဆက်ဆံရေးတင်းမာနေတဲ့အချိန်မှာ အိန္ဒိယနိုင်ငံ အရှေ့မြောက်ပိုင်း ထရီပူရပြည်နယ်မှာရှိတဲ့ အဂ္ဂါတာလာမြို့မှာ ဘင်္ဂလားဒေ့ရှ်ကောင်စစ်ဝန်ရုံးတစ်ခုကို ဟိန္ဒိူ ဆန္ဒပြသူတွေက တနင်္လာနေ့က ဝင်ရောက်တိုက်ခိုက်ခဲ့ပါတယ်။

ဘင်္ဂလားဒေ့ရှ်ဝန်ကြီးချုပ်ဟောင်းရှိတ်ဟာဆီနာ အိန္ဒိယနိုင်ငံကို ထွက်ပြေးသွားပြီးနောက် အိန္ဒိယ-ဘင်္ဂလားဒေ့ရှ် ဆက်ဆံရေး အေးစက်လာခဲ့ရာကနေ ဘင်္ဂလားဒေ့ရှ်နိုင်ငံမှာ ဟိန္ဒိူလူနည်းစုတွေကို ဖိနှိပ်တယ်ဆိုတဲ့ စွပ်စွဲချက်နဲ့ မကြာသေးခင်ရက်တွေအတွင်း နှစ်နိုင်ငံဆက်ဆံရေး ပိုမိုဆိုးရွာလာခဲ့ပါတယ်။

ဒီကြားထဲမှာ ပြီးခဲ့တဲ့သီတင်းပတ်က ဟိန္ဒိူဘုန်းတော်ကြီးချင်းမွိုင်ခရစ္စရှနားဒက်စ်ကို နိုင်ငံတော်အကြည်ညိုပျက် စေမှုနဲ့ ဘင်္ဂလားဒေ့ရှ်အာဏာပိုင်တွေက ဖမ်းဆီးလိုက်တဲ့အတွက် အိန္ဒိယနိုင်ငံ လေးငါးနေရာမှာ ဆန္ဒပြမှုတွေ ပေါ်ထွက်လာခဲ့ပြီး နှစ်နိုင်ငံဆက်ဆံရေး အခြေအနေတွေ ပိုမိုဆိုးရွားလာခဲ့ပါတယ်။

ကောင်စစ်ဝန်ရုံးတိုက်ခိုက်ခံရပြီး နောက်နေ့မှာတော့ ဘင်္ဂလားဒ့ရှ်နိုင်ငံမှာရှိတဲ့ အိန္ဒိယသံအမတ်ကို ဘင်္ဂလား ဒေ့ရှ်အစိုးရက ဆင့်ခေါ်ခဲ့ပါတယ်။

“အဂ္ဂါတာလာမြို့က လုပ်ရပ်ဟာ ၁၉၆၁ ခုနှစ် သံတမန်ဆက်ဆံရေးဆိုင်ရာ ဗီယင်နာကွန်ဗန်းရှင်းမှာ ဖော်ပြထား တဲ့ သံတမန်အဖွဲ့ အစည်းတွေကို တိုက်ခိုက်ခြင်းမပြုရဘူးဆိုတဲ့ စည်းကမ်းချက်ကို ချိုးဖောက်လိုက်တဲ့ လုပ်ရပ်ပဲ ဖြစ်ပါတယ်။ အိန္ဒိယအစိုးရအနေနဲ့ ဒီဖြစ်စဉ်အတွက် စုံစမ်းစစ်ဆေးဖို့တောင်းဆိုပါတယ်။” လို့ ဘင်္ဂလားဒေ့ရှ် နိုင် ငံခြားရေးဝန်ကြီးဌာနက ထုတ်ပြန်ကြေညာခဲ့ပါတယ်။

အဆိုပါတိုက်ခိုက်မှုနဲ့ပတ်သက်ပြီး အလွန်ဝမ်းနည်းရပါကြောင်း အိန္ဒိယအစိုးရက ထုတ်ပြန်ခဲ့ပြီး အဲဒီတိုက်ခိုက်မှု ဖြစ်စဉ်မှာ ဆက်နွယ်တဲ့ အရပ်သား ၇ ဦးနဲ့ ရဲအရာရှိ ၃ ဦးကို အိန္ဒိယအာဏာပိုင်တွေက ဖမ်းဆီးထားပါတယ်။

ဟိန္ဒိူဘုန်းတော်ကြီး ဒက်စ်ကို ဖမ်းဆီးမှုဟာ တင်းမာမှုရဲ့နောက်ဆုံးအကြောင်းရင်းဖြစ်နိုင်ပေမဲ့ ဝန်ကြီးချုပ် ဟောင်းဟာဆီနာကို အိန္ဒိယက နိုင်ငံရေးခိုလှုံခွင့်ပေးလိုက်ကတည်းက နှစ်နိုင်ငံဆက်ဆံရေးက တဖြည်းဖြည်း အေးစက်တင်းမာလာတာဖြစ်ပါတယ်။

အမြင်မတူတဲ့သူတွေကို ဖိနှိပ်ပြီး လူ့အခွင့်အရေးချိုးဖောက်မှုတွေ ကျူးလွန်ခဲ့တဲ့ ဟာဆီနာအစိုးရကို ၁၅ နှစ်တိုင် တိုင် ထောက်ခံခဲ့တဲ့ အိန္ဒိယအစိုးရကို ဘင်္ဂလားဒေ့ရှ်အတိုက်အခံတွေနဲ့ တက်ကြွလှုပ်ရှားသူတွေက ဒေါသထွက် နေတာ ကြာပြီဖြစ်ပါတယ်။

နိုဘယ်ငြိမ်းချမ်းရေးဆုရှင် မိုဟာမက်ယူနွတ်ဦးဆောင်တဲ့ ကြားဖြတ်အစိုးရအဖွဲ့ကို အိန္ဒိယနိုင်ငံထဲကနေ ဟာဆီ နာက ဝေဖန်တိုက်ခိုက်ခဲ့တဲ့ သြဂုတ်လကစပြီး ဘင်္ဂလားဒေ့ရှ်နိုင်ငံထဲမှာ အိန္ဒိယဆန့်ကျင်ရေးစိတ်ဓာတ်တွေ မြင့် တက်လာခဲ့တာဖြစ်ပါတယ်။

သံတမန်မီးပုံထဲကို ဓာတ်ဆီလောင်းထည့်တဲ့ လူမျိုးတုန်းသတ်ဖြတ်မှုထဲမှာ မိုဟာမက်ယူနွတ်ပါဝင်ပတ်သက်နေ တယ်လို့ ဟာဆီနာက ဒီဇင်ဘာ ၄ ရက်နေ့က စွပ်စွဲလိုက်ပါတယ်။

Ref: Bangladesh mission in India attacked: Why are ties in freefall?

#centralnewsnaypyitaw

Ha Ha

ငယ်သူငယ်ချင်းနှစ်ယောက်ဖြစ်တဲ့ Kafka နဲ့ Mina တို့ရဲ့ မြို့ငယ်လေးကို သတ္တဝါဆိုးကြီးတွေဖျက်စီးတာခံလိုက်ရပြီးနောက်ပိုင်းမှာ ကြီးပြင်းလာတဲ့အချိန်ကျရင် သတ္တဝါဆိုးတွေနှိမ်နင်းတဲ့အဖွဲ့ရဲ့ခေါင်းဆောင်တွေဖြစ်လာရမယ်ဆိုပီး ကတိထားခဲ့ကြပါတယ်။ ဒါပေမယ့်လည်း ကံမကောင်းရှာတဲ့ Kafka တစ်ယောက်ကတော့ တိုက်ပွဲအပြီးသန့်ရှင်းရေးလုပ်ရတဲ့အဖွဲ့မှာသာ အလုပ်ရခဲ့ပီး သူငယ်ချင်း Mina ကတော့ နှိမ်နင်းရေးအဖွဲ့ခေါင်းဆောင်ဖြစ်လာခဲ့ပါတယ်။ ကံကောင်းထောက်မပြီးနှိမ်နင်းရေးအဖွဲ့ဝင်ဖြစ်ခါနီးမှ မတော်တဆမှုတစ်ခုကြောင့်သူကိုယ်တိုင် သတ္တဝါဆိုးတစ်ပိုင်းလူတစ်ပိုင်းဖြစ်လာတဲ့အချိန်မှာ သူဖြစ်ချင်ခဲ့တဲ့ အိမ်မက်ကိုပဲလက်လွှတ်ဆုံးရှုံးခံမလား၊ လူမသိအောင်အဖွဲ့ဝင်အဖြစ်နေသွားမလားကိုတော့ Action, Drama, Comedy ရသအစုံနဲ့ခံစားရမှာမလို့ မကြည့်ရသေးတဲ့ Anihuber တွေကိုကြည့်ဖို့ ဒီတစ်ပတ်မှာ Recommend ပေးလိုက်ရပါတယ်။

Anime Link - https://shorturl.at/Zu8MU

အပတ်တိုင်း Anime Facts တွေနဲ့ Review တွေဆက်တိုက်တင်ပေးနေမှာမလို့ Page လေးကို Like လုပ်ပေးသွားကြပါဦးနော်...

#anihub
#admin_hidan

နေပြည်တော်ရှိ mm-link ရုံးဝန်းထဲတွင် ရုံးဝန်ထမ်းအမျိုးသားတစ်ဦး ကြိုးဆွဲချ၍ သေဆုံး

နေပြည်တော်၊ ဒီဇင်ဘာ ၆

နေပြည်တော်ကောင်စီနယ်မြေ၊ ပျဉ်းမနားမြို့၊ ဦးမင်းဒင်ရပ်ကွက်ရှိ mm-link ရုံးဝန်းထဲတွင် ရုံးဝန်ထမ်းအမျိုး သားတစ်ဦး ဝိုင်ဖိုင်ကြိုးဖြင့် ကြိုးဆွဲချ၍ မိမိကိုယ်ကိုအဆုံးစီရင်၍ သေဆုံးမှုဖြစ်ပွားကြောင်း သိရသည်။

ယနေ့ ဒီဇင်ဘာလ ၆ ရက် နံနက် ၂ နာရီ ၅၂ မိနစ်အချိန်တွင် ရုံးဝန်ထမ်းတစ်ဦး ကြိုးဆွဲချ၍ သေဆုံးကြောင်း သတင်းရရှိသောကြောင့် ဖြစ်စဉ်နေရာသို့ ဒေသခံလူမှုကူညီရေးအသင်းမှ ရုပ်အလောင်းကို ကုတင် ၂၀၀ ဆန့်ပြည်သူ့ဆေးရုံကြီးသို့ ပို့ဆောင်လိုက်ကြောင်း သိရသည်။

“ဝိုင်ဖိုင်ကြိုးနဲ့ ကြိုးဆွဲချသေတာ။ သူ့မှာ မိန်းမနဲ့ ကလေးရှိတယ်” လို့ ပျဉ်းမနားမြို့ရှိ mm-link ရုံးနှင့်အနီးဝန်း ကျင်တွင် နေထိုင်သူတစ်ဦးထံမှ သိရသည်။

ထိုကြိုးဆွဲချ၍ သေဆုံးသည့် အမျိုးသားမှာ အသက် (၃၀) ဝန်းကျင်ရှိပြီး ၎င်းမှာမည်သည့်ကိစ္စကြောင့် သေဆုံးသည်ကို သိရှိရခြင်းမရှိကြောင်း သိရသည်။

Photo - Credit

#centralnewsnaypyitaw

ဒဂုံအရှေ့စက်မှုဇုန် မီးလောင်မှု ရှစ်နာရီကျော်ကြာ မီးငြှိမ်းသတ်ခဲ့ရ

ဒီဇင်ဘာ ၆

ရန်ကုန်တိုင်း၊ ဒဂုံမြို့သစ် (အရှေ့ပိုင်း) မြို့နယ်၊ ဒဂုံအရှေ့စက်မှုဇုန် မီးလောင်မှု Level 2 အဆင့်နဲ့ ရှစ်နာရီကျော်ကြာ မီးငြှိမ်းသတ်ခဲ့ရတယ်လို့ မြန်မာနိုင်ငံမီးသတ်တပ်ဖွဲ့မှ သိရပါတယ်။

မနေ့ ဒီဇင်ဘာ ၅ ရက်၊ ညနေ ၆ နာရီ၊ ၅၇ မိနစ်ဝန်းကျင်က မီးလောင်ကျွမ်းမှု စတင် ဖြစ်ပွားခဲ့တာမှာ ဒီကနေ့ ဒီဇင်ဘာ ၆ ရက်၊ မနက် ၃ နာရီ၊ ၄၁ မိနစ်ဝန်းကျင် ရောက်မှသာ မီးငြှိမ်းသတ်နိုင်ခဲ့တာဖြစ်တယ်လို့ သိရပါတယ်။

“မီးလောင်တဲ့ စက်ရုံက ကော်စေ့စက်ရုံပါ။ တရုံလုံးကုန်သွားလား၊ မကုန်သွားတော့ မပြောတတ်ဘူး။ ဟိုဘက်မှာလည်း ရုံတွေရှိသေးတယ်။ ညမိုးချုပ်နေတော့ ဘာမှလည်း မမြင်ရဘူးလေ။ မီးလောင်ချိန်ကတော့ တော်တော်ကြာတယ်။ လူထိခိုက်မှုတော့ မရှိဘူး” လို့ မီးငြှိမ်းသတ်ရာမှာ သွားရောက် ကူညီခဲ့သူတယောက်က ပြောပါတယ်။

Level 1 အဆင့်နဲ့ စတင်ခဲ့တဲ့ အဲဒီ မီးလောင်ကျွမ်းမှုကို ည ၉ နာရီခွဲအချိန်မှာ Level 2 ယာဉ်အုပ်စုတွေ ထွက်ခွာ ငြှိမ်းသတ်ခဲ့ရတာဖြစ်ပြီး လက်ရှိမှာ မီးလောင်ရတဲ့ အကြောင်းရင်းနဲ့ ပျက်စီးဆုံးရှုံးမှုတန်ဖိုးကို သက်ဆိုင်ရာ တာဝန်ရှိသူတွေက စုံစမ်း စိစစ်နေဆဲဖြစ်တယ်လို့ သိရပါတယ်။

ပြီးခဲ့တဲ့ ဩဂုတ်လ ၁၈ ရက်နေ့ကလည်း လှိုင်သာယာ (အနောက်ပိုင်း) မြို့နယ်၊ ငွေပင်လယ်စက်မှုဇုန်ရှိ Sewell Garmentအထည်ချုပ်စက်ရုံမှာ Level 2 အဆင့် မီးလောင်ကျွမ်းမှု ဖြစ်ပွားခဲ့ပြီး ပေ ၁၀၀ ကျော်ပတ်လည်ရှိ အထည်ချုပ်စက်ရုံအဆောက်အဦ တခုလုံးနဲ့ စက်ပစ္စည်းတွေ၊ အထည်ကုန်ကြမ်းတွေ အားလုံး မီးလောင်ဆုံးရှုံးသွားခဲ့တယ်လို့ သိရပါတယ်။

အဲဒီလိုပဲ ပြီးခဲ့တဲ့ မတ်လ ၂၈ ရက်နေ့ကလည်း ရန်ကုန်မြို့၊ မြောက်ဥက္ကလာပမြို့နယ်၊ ရွှေပေါက္ကံစက်မှုဇုန်ရှိ SHIN SUNG အထည်ချုပ်စက်ရုံမှာ မီးလောင်မှု ဖြစ်ပွားခဲ့ပါသေးတယ်။

Photo:MFSD

credit - VOM News Agency
#သတင်းဟင်းလေးအိုးကြီး

ဆင်တူယိုးမှား စကားလုံးများ 📒

#crd