ဖာဘရီဂတ်စ်ကို နည်းပြအဖြစ်ခန့်အပ်ဖို့ စတုဂတ်ပစ်မှတ်ထား

ဖေဖော်ဝါရီ ၈

ဘွန်ဒက်လီဂါကလပ် စတုဂတ်အသင်းဟာ နည်းပြဖြစ်သူ ဟိုးနက်စ်အသင်းကနေ ထွက်ခွာဖို့ ချိတ်ဆက်မှုတွေ ရှိနေတာကြောင့် ကိုမိုအသင်းကို ကိုင်တွယ်နေတဲ့ ဖာဘရီဂတ်စ်ကို နည်းပြအဖြစ် ခန့်အပ်ဖို့ ပစ်မှတ်ထားနေပါ တယ်။

အသက် ၄၂ နှစ်အရွယ်ရှိ ဟိုးနက်စ်ဟာ စတုဂတ်အသင်းကို ရလဒ်ကောင်းတွေ ရယူပေးထားပေမယ့် နွေရာသီမှာ ထွက်ခွာဖွယ်ရှိတဲ့ အလားအလာအတွက် ဂျာမနီကလပ်က နည်းပြသစ်ရှာဖွေဖို့ပြင်ဆင်နေတာပါ။

စတုဂတ်အသင်းဟာ ဒီရာသီ ဘွန်ဒက်လီဂါပြိုင်ပွဲမှာ အမှတ်ပေးဇယား အဆင့် ၅ နေရာ ရပ်တည်နေပြီး ချန်ပီယံလိဂ် ဝင်ခွင့်နေရာအတွက် ၁ မှတ်သာ ကွာဟနေတာ ဖြစ်ပါတယ်။

ဒေါ့မွန်၊လေဗာကူဆင်နဲ့ လိုက်ပ်ဇစ်အသင်းတို့ဟာ ဟိုးနက်စ်ကို နည်းပြအဖြစ် ခန့်အပ်ဖို့ စိတ်ဝင်စားနေကြတာပါ။

ဒါပေမယ့် ဒေါ့မွန်အသင်းဟာ မကြာသေးခင်က ကိုဗက်ကို နည်းပြသစ်အဖြစ် ခန့်အပ်ထားတာကြောင့် ဟိုးနက်စ် ကို စိတ်ဝင်စားတဲ့ အသင်းတစ်သင်း လျော့သွားခဲ့တာ ဖြစ်ပါတယ်။

ဂျာမန်သတင်းစာ BILD က စတုဂတ်အသင်းဟာ နွေရာသီမှာ နည်းပြဟိုးနက်စ် ထွက်ခွာသွားခဲ့ရင် သူ့ရဲ့နေရာမှာ အစားထိုးဖို့အတွက် နည်းပြစာရင်းတွေကို ပြုစုထားတယ်လို့ ဖော်ပြထားတာပါ။

စတုဂတ်အသင်းရဲ့ နည်းပြစာရင်းထဲမှာ ကိုမိုအသင်းကို ကိုင်တွယ်နေတဲ့ ဖာဘရီဂတ်စ်က ထိပ်ဆုံးနေရာမှာ ရပ်တည်နေတာ ဖြစ်ပါတယ်။

ဖာဘရီဂတ်စ်ဟာ စီးရီးအေ တန်းတက် ကိုမိုအသင်းကို ကိုင်တွယ်နေတဲ့ ပထမဆုံးရာသီမှာ အမှတ်ပေးဇယား အဆင့် ၁၅ နေရာ ရပ်တည်အောင် ကိုင်တွယ်ပေးနေတာပါ။

ဖာဘရီဂတ်စ်ဟာ ပရီးမီးယားလိဂ် ကစားသမားဟောင်း ဒယ်လီအလီကို ကိုမိုအသင်းအတွက် ခေါ်ယူထားတာ ဖြစ်ပါတယ်။

ဖာဘရီဂတ်စ်နဲ့ ကိုမိုအသင်းတို့ရဲ့ စာချုပ်ဟာ ၂၀၂၈ ခုနှစ် နွေရာသီအထိရှိနေပြီး စတုဂတ်အသင်း အနေနဲ့ ဖာဘရီဂတ်စ်ကို နည်းပြအဖြစ် ခန့်အပ်မယ်ဆိုရင် စာချုပ်ဖျက်သိမ်းကြေးပေးရမှာပါ။

ဒါပေမယ့် ကလပ်အသင်း တစ်သင်းက နည်းပြဟိုးနက်စ်နဲ့ စတုဂတ်အသင်းတို့ရဲ့ စာချုပ်ကို ချိုးဖောက်ခဲ့ရင် ဂျာမန်ကလပ်ဟာ ယူရို ၆ သန်းရရှိမှာဖြစ်လို့ ဖာဘရီဂတ်စ်အတွက် ကိုမိုအသင်းထံ စာချုပ်ဖျက်သိမ်းကြေးပေးဖို့ အခက်အခဲမရှိနိုင်ပါဘူး။

ဖာဘရီဂတ်စ်ကတော့ လက်ရှိအချိန်မှာ ကိုမိုအသင်းကို ဒီရာသီ စီးရီးအေပြိုင်ပွဲမှာ ဆက်ပြီးရှိနေဖို့ကိုသာ အာရုံစိုက်နေတာပါ။

ကိုမိုအသင်းဟာ ဒီတစ်ပတ် စီးရီးအေပွဲစဉ်အဖြစ် ဂျူဗင်တပ်စ်အသင်းနဲ့ ယှဉ်ပြိုင်ရမှာဖြစ်ပါတယ်။

Source: Goal

ပုံ - ဖာဘရီဂတ်စ်ကို တွေ့ရစဉ်

#ဘောလုံးသတင်းစုံ

ရှမ်းပြည်နယ်၊ မိုင်းရယ်မြို့နယ်၊ မိုင်းဟဒေသအတွင်း ကျားဖြန့်များ ရှင်းလင်းစဥ် အလောင်း ၂ လောင်းနှင့် တရုတ်နိုင်ငံသားများအပါအဝင် ၈၁ ဦးဖမ်းမိ

ဖေဖော်ဝါရီ ၈

ရှမ်းပြည်နယ်(မြောက်ပိုင်း)၊ မိုင်းရယ်မြို့နယ်၊ မိုင်းဟဒေသအတွင်း တရားမဝင်အွန်လိုင်းကောင်းကစားနှင့် ငွေကြေးလိမ်လည်မှု(ကျားဖြန့်) ဆောင်ရွက်နေသူများအား ဖော်ထုတ်ဖမ်းဆီးရမိ၊ လိုအပ်သည့် စစ်ဆေးဖော်ထုတ်မှုများ ဆောင်ရွက်ပြီး သက်ဆိုင်ရာနိုင်ငံများသို့ လွှဲပြောင်းပေးအပ်သွားမည်ဖြစ်ကြောင်း သိရသည်။

နိုင်ငံတော်အစိုးရအနေဖြင့် တရားမဝင်အွန်လိုင်းလောင်းကစားနှင့် ငွေကြေး လိမ်လည်မှု(ကျားဖြန့်)လုပ်ငန်းလုပ်ကိုင်မှုများကို နိုင်ငံတကာနှင့်ပူးပေါင်း၍ ၎င်းဒုစရိုတ်မှု နှိမ်နင်းရေးကို တက်ကြွစွာ ဖော်ထုတ်အရေးယူဆောင်ရွက်လျက်ရှိသည်။

ထို့အပြင် တိုင်းဒေသကြီးနှင့် ပြည်နယ်များအလိုက် တာဝန်ရှိသူအဆင့်ဆင့်အနေဖြင့် မိမိတို့ဒေသများအတွင်း တရားမဝင်အွန်လိုင်းလောင်းကစားနှင့် ငွေကြေးလိမ်လည်မှု (ကျားဖြန့်)လုပ်ငန်းများအပါအဝင် အခြားဒုစရိုတ်လုပ်ငန်းများ မရှိစေရေး ဖော်ထုတ်ခြင်း၊ အရေးယူဆောင်ရွက်ခြင်းများကို ပြတ်ပြတ်သားသား ကိုင်တွယ်ဆောင်ရွက်ခြင်း၊ လုံခြုံရေးတပ်ဖွဲ့ဝင်များပါဝင်သည့် ပူးပေါင်းအဖွဲ့များက တင်းတင်းကြပ်ကြပ် စီစစ်ရှာဖွေဖော်ထုတ်ခြင်းများ ဆောင်ရွက်လျက်ရှိသည်။

ထိုသို့ ရှာဖွေဖော်ထုတ်ဖမ်းဆီးလျက်ရှိရာ ရှမ်းပြည်နယ်(မြောက်ပိုင်း)၊ မိုင်းရယ် မြို့နယ်အတွင်း တရားမဝင်အွန်လိုင်းလောင်းကစားနှင့် ငွေကြေးလိမ်လည်မှု(ကျားဖြန့်) လုပ်ငန်းများ ဆောင်ရွက်လျက်ရှိကြောင်း သတင်းအရ လုံခြုံရေးတပ်ဖွဲ့ဝင်များက ဝင်ရောက်ရှင်းလင်းခဲ့ရာ ဖေဖော်ဝါရီလ ၅ ရက်နေ့တွင် မိုင်းရယ်မြို့၏ အရှေ့တောင်ဘက် ဝန်းကျင်တွင် ကျားဖြန့်လုံခြုံရေးအဖွဲ့များနှင့် အပြန်အလှန်ထိတွေ့တိုက်ပွဲ ဖြစ်ပွားခဲ့သည်။ ဖြစ်စဉ်တွင် ကျားဖြန့်လုံခြုံရေးအဖွဲ့မှ အလောင်း ၂ လောင်းနှင့်အတူ ကျားဖြန့် လုံခြုံရေး ၅ ဦး၊ လက်နက်မျိုးစုံ ၆ လက်၊ တရုတ်နိုင်ငံသား အမျိုးသား ၇ ဦး၊ အမျိုးသမီး ၁ ဦး၊ မြန်မာနိုင်ငံသား အမျိုးသား ၃ ဦး၊ အမျိုးသမီး ၄ ဦးတို့အား ဖမ်းဆီး ရမိခဲ့သည်။

ထို့အပြင် နောင်ဟန်ကျေးရွာအနီး၌ အဆောက်အဦ ၇ လုံးနှင့် ကျားဖြန့်လုပ်ငန်းများဆောင်ရွက်ရာတွင် အသုံးပြုသည့် ဖုန်းမျိုးစုံ ၁၈၁ လုံး၊ Laptop မျိုးစုံ ၂၅ လုံး၊ Destop မျိုးစုံ ၂၁ လုံး၊ Keyboard မျိုးစုံ ၂၈ ခု၊ Wifi စက် ၂ လုံး၊ StarLink ၂ စုံ၊ လုပ်ငန်းသုံးလျှပ်စစ် ဆက်စပ်ပစ္စည်းများ၊ သေနတ် ၁ လက်နှင့် ကျည် ၅ တောင့်တို့ အား ထပ်မံဖမ်းဆီး ရရှိခဲ့သည်။

၎င်းအပြင် ဖေဖော်ဝါရီလ ၆ ရက်နေ့တွင် အဆိုပါ မိုင်းဟဒေသ၊ နောင်ဟန် ကျေးရွာတစ်ဝိုက်မှ တရုတ်နိုင်ငံသား အမျိုးသား ၈ ဦး၊ အမျိုးသမီး ၁ ဦး၊ ဗီယမ်နမ်နိုင်ငံသား အမျိုးသမီး ၁၈ ဦး၊ မြန်မာနိုင်ငံသား အမျိုးသား ၂ ဦး၊ အမျိုး သမီး ၂၅ ဦးတို့အား တရားမဝင်အွန်လိုင်း လိမ်လည်မှုလုပ်ငန်းများ လုပ်ကိုင်ရာတွင် အသုံးပြုသည့် ကွန်ပျူတာ ၇၂ လုံး၊ StarLink ၅ စုံ၊ ဖုန်းမျိုးစုံ ၇၉ လုံး၊ ငါးဂိမ်းစက် ၅ လုံး၊ မော်တော်ယာဉ် ၂ စီးတို့အားလည်းကောင်း ဖမ်းဆီးရမိခဲ့သည်။ ဖေဖော်ဝါရီလ ၇ ရက်နေ့တွင်လည်း နောင်ဟန်ကျေးရွာအနီးတစ်ဝိုက်တွင် တရုတ်နိုင်ငံသား အမျိုးသား ၁၂ ဦး၊ Alphard မော်တော်ယာဉ် ၁ စီး၊ မီးစက် ၁ လုံးထပ်မံ ဖမ်းဆီးရရှိခဲ့သည်။

မိုင်းရယ်မြို့နယ်၊ မိုင်းဟဒေသအတွင်း ဖေဖော်ဝါရီလ ၅ ရက်နေ့မှ ၇ ရက်နေ့ အထိ ဖမ်းဆီးရမိမှုအနေဖြင့် တရုတ်နိုင်ငံသား အမျိုးသား ၂၇ ဦး၊ အမျိုးသမီး၂ ဦး၊ ပေါင်း ၂၉ ဦး၊ ဗီယမ်နမ်နိုင်ငံသား အမျိုးသမီး ၁၈ ဦး၊ မြန်မာနိုင်ငံသား အမျိုးသား ၅ ဦး၊ အမျိုးသမီး ၂၉ ဦး၊ ပေါင်း ၃၄ ဦး၊ စုစုပေါင်း ၈၁ ဦး ဖမ်းဆီးရမိခဲ့သည်။

အထက်ပါဖြစ်စဉ်များတွင် ဖမ်းဆီးရမိသူများအား စနစ်တကျ စိစစ်ဆောင်ရွက် လျက်ရှိပြီး ဥပဒေနှင့်အညီ တရားစွဲဆို အရေးယူဆောင်ရွက်နိုင်ရန်နှင့် ပြည်ပနိုင်ငံသား များအား လူသားချင်းစာနာထောက်ထားမှုနှင့် နိုင်ငံအချင်းချင်း ချစ်ကြည်ရင်းနှီးမှု တို့ကိုရှေးရှု၍ သက်ဆိုင်ရာနိုင်ငံများသို့ ပြန်လည်လွှဲပြောင်းပေးအပ်နိုင်ရေး ဆောင် ရွက်သွားမည်ဖြစ်သည်။

#centralnewsnaypyitaw

ယခုချိန် ဆောင်းရာသီတွင် ပိုသတိထားရမဲ့အချက်

ရေခဲရေသောက်ခြင်းသည်

၁ ဗိုက်ထဲမှာ အဆီတွေစုမယ်

၂.ဝမ်းချုပ်စေမယ်

၃.ရေဓာတ်ခမ်းခြောက်စေမယ်

၄.ကိုယ်တွင်းစွမ်းအင်လျော့ကျစေမယ်

၅.အစာမကြေခြစ်စေမယ်

၆.နှလုံးခှုန်နှုန်းခြစ်စေမယ်

၇.လည်ချောင်းနာစေမယ်

၈.ခေါင်းကိုက်စေမယ်

ဒါကြောင့် ယခုလိုဆောင်းရာသီမှာ ရေခဲအစား သဘာဝရေကိုသာ သောက်သုံးပါ

#ရေခဲရေသောက်ခြင်း၏ဆိုးကျိူးများ
#ကျန်းမာရေး
#ကျန်းမာရေးဗဟုသုတ
#crd

လူမှုကွန်ယက်မှာ မိန်းမလာတောင်းတယ်လို့ ယူဆရတဲ့ ဗီဒီယိုဖိုင်လွှင့်တင်ခဲ့တဲ့ တရုတ်နိုင်ငံသား၂ဦးနဲ့ စကားပြန်ကို လူကုန်ကူးမှုနဲ့ အရေးယူထား

ဖေဖော်ဝါရီ ၈

ရန်ကုန်တိုင်းဒေသကြီး ဒလမြို့နယ်တွင် တရုတ်မယားအဖြစ် လက်ထပ်ထိမ်းမြားရန် မိန်းမလာတောင်းတယ်လို့ ယူဆရတဲ့ ဗီဒီယိုဖိုင်လွှင့်တင်ခဲ့တဲ့ တရုတ်နိုင်ငံသား၂ဦးနဲ့ စကားပြန်တွေကို လူကုန်ကူးမှုနဲ့အရေးယူထားကြောင်းလူကုန်ကူးမှုတားဆီးနှိမ်နင်းရေးရဲတပ်ဖွဲ့မှ သိရပါတယ်။

ဒလမြို့နယ်၊ ကမာကဆစ်ရပ်ကွက်မှာနေ ထိုင်တဲ့ အသက်မပြည့်သေးတဲ့ ဆယ်ကျော်သက်အရွယ်မိန်းကလေးငယ် တဦးကို tik tokမှ တဆင့် တွေ့ရှိကာ နေအိမ်ကို လာရောက်ခဲ့တာဖြစ်ကြောင်းနဲ့လက်ထပ်ယူလိုကြောင်းကို တရုတ်နိုင်ငံသားက ဗီဒီယိုရိုက်ကူးကာ လူမှုကွန်ယက်ပေါ်မှာတင်ပြီးစည်းရုံးမှုတွေရှိခဲ့တယ်လို့ ဆိုပါတယ်။

အဆိုပါ တရုတ်မယားအဖြစ် ရယူလိုတဲ့ ဗီဒီယိုဖိုင်ဟာ လူမှုကွန်ယက်သုံးစွဲသူတွေကြားမှာ လူပြောများလာခဲ့ကာ ဝေဖန်မှုတွေလည်းရှိလာသလို မြန်မာအမျိုးသမီးငယ်တွေအတွက် စိုးရိမ်မှုတွေမြင့်တက်နေကြောင်း ပြောဆိုသူတွေများလာပါတယ်။

"ဘယ်သူမှ အလကားသက်သက် ကို့အိတ်ထဲကပိုက်ဆံအကုန်မခံပါဘူး ဒီတရုတ်က သူလိုချင်နေတာရှိလို့ သူသဘောကျနေတာရှိနေလို့ ခလေးမလေးရဲ့မိသားစုကိုပိုက်ဆံတွေပေးပြီး လာစည်းရုံးနေတာပါ မိဘတွေ စဥ်းစားဆင်ခြင်သင့်ပါတယ် ကလေးမလေးတွေကအမျိုးကောင်းသမီးလေးတွေပါ ငယ်ငယ်ရွယ်ရွယ်လေးနဲ့ တရုတ်လက်ထဲမရောက်စေချင်ဘူး"လို့ လူမှုကွန်ယက်သုံးစွဲသူ တဦးက ဝေဖန်ရေးသားထားပါတယ်။

ထပ်မံပြီး လူမှုကွန်ယက် တွင် အွန်လိုင်းသုံးစွဲသူတဦးက "တရုတ် မယားရှာတာ မြန်မာပြည် ထဲထိမဟုတ်ဘူး ရပ်ထဲရွာထဲကနေ အိမ်ထဲထိ ရောက်လာကြပြီး အခုကိစ္စကို လဝကအက်နဲ့ လူကုန်တားပုဒ်မနဲ့ အရေးယူသင့်တယ် ပါဝင်ပက်သက်တဲ့ စကားပြန်ပေးသူကိုလည်း တာဝန်ရှိသူတွေ ဘယ်လိုအရေးယူမလဲ အရေးမယူဘဲ ဒီတိုင်းဘဲ ထားမှာလား သိချင်မိတယ်"လို့ အွန်လိုင်းကနေတဆင့် ဝေဖန်ရေးသားထားပါ‌သေးတယ်။

ဒါကြောင့် မိန်းကလေးငယ်ရဲ့ မိသားစုဘဝရပ်တည်ရန် ခက်ခဲတဲ့ အခြေအနေပေါ် အခွင့်ကောင်းယူကာငွေကြေးလက်ဆောင်များပေးပြီးတရုတ်မယားအဖြစ်စည်းရုံးခဲ့တဲ့ တရုတ်နိုင်ငံသား Mr.Luo Fei နှင့် အမည်မသိ တရုတ်နိုင်ငံသား တဦးအပါအဝင် စကားပြန်အဖြစ် ပူးပေါင်းပြင်ဆင်အားထုတ်ခဲ့တဲ့ မသီတာအောင်၊ အောင်ဇော်ဦး(ခ) ဟာမီဒူလာ တို့ကိုဥပဒေနဲ့အညီ အရေးယူပေးရန် တိုင်တန်းချက်အရ ဖေဖေါ်ဝါရီ ၆ ရက် ညနေပိုင်းက ဒလမြို့မရဲစခန်း (ပ)၂၀/၂၀၂၅၊ လူကုန်ကူးမှုတား ဆီးနှိမ်နင်းရေးဥပဒေပုဒ်မ-၃၅/၄၄ ဖြင့် အမှုဖွင့်လှစ်ခဲ့ကြောင်းသိရပါတယ်။

အမှုမှ တရားခံဖြစ်သူ တွေကို ဖမ်းမိရေးဆောင်ရွက်ရာမှာ တရုတ်နိုင်ငံသား Mr.Luo Fei ၊ နိုင်ငံကူးလက်မှတ် EN 0910723 အနေနဲ့ ဖေဖေါ်ဝါရီ ၆ ရက် ညနေ ၅ နာရီ ၄၅ မိနစ်တွင် ရန်ကုန်အပြည်ပြည်ဆိုင်ရာလေဆိပ်မှ ထိုင်းနိုင်ငံ၊ သုဝဏ္ဏဘူမိလေဆိပ်သို့ Thai Airway လေကြောင်းလိုင်း၊ ခရီးစဉ်အမှတ် (TG-.)ဖြင့် ထွက်ခွာရန် ရန်ကုန်လေဆိပ်၊ လူဝင်မှုကြီးကြပ်ရေး ကောင်တာကို ဝင်ရောက်လာခဲ့သဖြင့် အမှတ်(၁၉)လူကုန်ကူးမှုတားဆီးနှိမ်နင်းရေးရဲတပ်ဖွဲ့စု(ရန်ကုန်လေဆိပ်)မှ ဒုရဲမှူး ဇော်ထူးအောင်ဦးစီးအဖွဲ့က ပြည်ပထွက်ခွာခွင့်အား တားဆီးခဲ့ရာ ဆက်လက်ပြီး အမှတ်(၆) လူကုန်ကူးမှု တားဆီးနှိမ်နင်းရေးရဲတပ်ဖွဲ့စု(ရန်ကုန်)ကိုအကြောင်းကြားခဲ့ရာ ဒလမြို့မရဲစခန်းမှ (ပ) ၂၀/၂၀၂၅၊ လူကုန်ကူးမှုတားဆီးနှိမ်နင်းရေးဥပဒေပုဒ်မ-၃၅/၄၄အမှုမှ တရားခံ တရုတ်နိုင်ငံသား Mr.Luo Feiအား အမှုဖြင့် ဆက်လက် စစ်ဆေးနိုင်ရန် အမှတ်(၆)လူကုန်ကူးမှုတားဆီးနှိမ်နင်းရေး ရဲတပ်ဖွဲ့စု(ရန်ကုန်)သို့ လွှဲပြောင်းပေးခဲ့ကြောင်း သိရှိရပါတယ်။

Photo- Cj

Credit - VOM News Agwncy

#သတင်းဟင်းလေးအိုးကြီး

သိဖို့ 🤪

#funny

အမေရိကရဲ့ အထီးကျန်ဆုံးလမ်းမကြီး
အမေရိကန် အဝေးပြေးလမ်းမကြီးတခုဖြစ်တဲ့ U.S. Route 50 ကိုတော့ အမေရိကရဲ့ အထီးကျန်ဆုံးလမ်း The Loneliest Road in America လို့ တင်စားခေါ်ဝေါ်ကြပါတယ်။
Maryland ပြည်နယ် Ocean City ကနေ ကယ်လီဖိုးနီးယားပြည်နယ် Sacramento အထိ မိုင် ၃,၀၀၀ ကျော် ရှည်လျားတဲ့ သမိုင်းဝင်အဝေးပြေးလမ်းမကြီး ဖြစ်ပါတယ်။
ဒီနာမည်ကို ၁၉၈၆ ခုနှစ်မှာ Life မဂ္ဂဇင်းက နီဗားဒါးပြည်နယ်ပိုင်းလမ်းပိုင်းကို ပေးခဲ့တာဖြစ်ပါတယ်။
ခရီးသွားတွေအနေနဲ့ မြို့တွေ၊ ဓာတ်ဆီဆိုင်တွေ၊ ဒါမှမဟုတ် လူသူနေထိုင်တဲ့နေရာတွေကို မတွေ့ရဘဲ မိုင်ပေါင်းများစွာ အထီးကျန်စွာ မောင်းနှင်ရတဲ့လမ်း ဖြစ်နေလို့ပါ။
U.S. Route 50 လမ်းပိုင်းအများစုဟာ ကျယ်ပြန့်တဲ့သဲကန္တာရတွေ၊ တောင်တန်းတွေနဲ့ လူသူနေထိုင်ခြင်းမရှိတဲ့ စွန့်ပစ်မြို့တွေကို ဖြတ်သန်းသွားပြီး အမေရိကန်အနောက်ပိုင်းရဲ့ ကြမ်းတမ်းတဲ့ သဘာယအလှတရားတွေကို မြင်ကြရမှာဖြစ်ပါတယ်။
နီဗားဒါးပြည်နယ်ပိုင်းအပြင်ဘက်မှာတော့ U.S. Route 50 ဟာ နိုင်ငံတဝှမ်းက မြို့ကြီးတွေ၊ မြို့သေးတွေနဲ့ ထင်ရှားတဲ့နေရာတွေကို ဆက်သွယ်ပေးပြီး ၁၉၂၆ ခုနှစ်ကတည်းက စတင်ခဲ့တာဖြစ်တာကြောင့် သမိုင်းဝင်လမ်းမကြီးလည်းဖြစ်ပါတယ်။
Appalachian တောင်တန်း၊ ဂရိတ်ပလိန်းလွင်ပြင်နဲ့ Sierra Nevada တောင်တန်းတွေကို ဖြတ်သန်းသွားပြီး အမေရိကန်နိုင်ငံရဲ့ မတူကွဲပြားတဲ့ ရှုခင်းတွေကို ပြသပေးပါတယ်။
အထီးကျန်လွန်းပေမယ့် တိတ်ဆိတ်မှုနဲ့ ထူးခြားတဲ့ခရီးသွားအတွေ့အကြုံကို ရှာဖွေနေတဲ့ ခရီးသွားတွေကတော့ ဒီလမ်းမကြီးကို နှစ်သက်ကြပါတယ်။

စွမ်းရည်မြင့် လူတူစက်ရုပ် ၁၀၀,၀၀၀ ထုတ်လုပ်မယ့် အမေရိကန် ကုမ္ပဏီ
=========================================
အမေရိကန် နဲ့ တရုတ် တို့ရဲ့ နည်းပညာ စစ်ပွဲဟာ စိတ်ဝင်စားစရာ ကောင်းနေပါပြီ။ တရုတ်က အဆင့်မြင့် လူတူစက်ရုပ်တွေကို မကြာခဏ ပြသနေပါတယ်။ အခုတော့ အမေရိကန် ကုမ္ပဏီ Figure က ထိပ်တန်း ကုမ္ပဏီ တစ်ခုအတွက် အဆင့်မြင့် လူတူစက်ရုပ် ၁၀၀,၀၀၀ ထုတ်လုပ်ပေးဖို့ သဘောတူညီလိုက်ပြီလို့ ကြေညာလိုက်ပါတယ်။ နောက် ၄ နှစ်အတွင်း အဲဒီ စက်ရုပ်တွေကို ထုတ်လုပ်ပေးမှာ ဖြစ်ပါတယ်။
Figure က ဝယ်ယူတဲ့ ကုမ္ပဏီ နာမည်ကိုတော့ မပြောပါဘူး။ ကမ္ဘာ့ ထိပ်တန်း ကုန်ပစ္စည်း အရောင်းဆိုင် သို့မဟုတ် နည်းပညာ ကုမ္ပဏီ ဖြစ်နိုင်တယ်လို့ ခန့်မှန်းထားပါတယ်။
Figure ရဲ့ လူတူ စက်ရုပ်တွေဟာ ကုန်ပစ္စည်း သိုလှောင်ရုံ၊ အရောင်းဆိုင်နဲ့ လူသားတွေကို စောင့်ရှောက်တဲ့ အလုပ်တွေကို ပြုလုပ်ပေးနိုင်ပါတယ်။ အခု ထုတ်လုပ်မယ့် စက်ရုပ် ၁၀၀,၀၀၀ ဟာ စီးပွားရေးလုပ်ငန်းသုံးနဲ့ နေအိမ် သုံး စက်ရုပ်တွေ ဖြစ်ပါတယ်။
ကမ္ဘာ့ ထိပ်တန်း လူတူစက်ရုပ် ကုမ္ပဏီ Figure နဲ့ တရုတ် လူတူစက်ရုပ် ကုမ္ပဏီတွေရဲ့ အားပြိုင်ပွဲက စိတ်ဝင်စားစရာကောင်းနေပါပြီ။

မေမေ့ခိုင်နှင်းဝေကို လူကြီးလေးလိုပဲ အပီအပြင် ပြုစုပေးနေတဲ့ ခိုင်ဟေသာမေ😍

#celenews

လစာကုန်သွားလို့ ရှိတာလေးနဲ့ပဲ ser နေရတယ်