MySPACE

40 w - Translate

"ရန်သူ့ဦးခေါင်းကို ထိန်းသိမ်းထားကြသည့် ရှေးခေတ် နာဂကော်န်ညက် (Konyak)စစ်သည်များ"
နာဂလူမျိုးအများစုသည် ဘီစီ ၁၁ မှ ၁၃ ရာစုအတွင်း တရုတ်နိုင်ငံ အနောက်မြောက်ပိုင်းဒေသများတွင် နေထိုင်ခဲ့ကြသော "Qiang" ဟုခေါ်သော တရုတ်လူမျိုးစုမှ ဆင်းသက်လာသည်ဟု ယုံကြည်ကြပါတယ်။
၎င်းတို့၏ ဘိုးဘေးများဖြစ်သော "Qiang" လူမျိုးစုများသည် တိဗက်သို့ ပြောင်းရွှေ့လာပြီး နောက်ဆုံးတွင် တရုတ်၊ အိန္ဒိယနှင့် မြန်မာ စသည့်နိုင်ငံများရှိ တောင်တန်းဒေသများသို့ ရွေ့ပြောင်းရောက်ရှိသွားကြတယ်လို့ ဆိုကြပါတယ်။
အိန္ဒိယနိုင်ငံနှင့် မြန်မာနိုင်ငံ တောင်တန်းများပေါ်တွင် နေထိုင်ကြသော ရှေးခေတ် နာဂလူမျိုးများသည် ရန်သူများ၏ ဦးခေါင်းကို ထိန်းထားသည့် စစ်သည်များဟု လူသိများသော "Konyak" ဆိုသည့် နာဂလူမျိုးစုများ နေထိုင်ကြပါတယ်။
လူမျိုးစု တစ်စုနှင့်တစ်စု တိုက်ခိုက်ကြသော စစ်ပွဲများတွင် ရန်သူ၏ ဦးခေါင်းကို ရယူနိုင်ခြင်းသည် ရဲစွမ်းသတ္တိ ခွန်အားကိုသက်သေပြဖို့၊ နတ်ဘုရားများ၏ စိတ်ကိုချမ်းသာစေဖို့ နှင့် အောင်နိုင်မှုကို အမှတ်ရစရာအဖြစ် အိမ်ကိုယူလာကြတယ်လို့ ဆိုကြပါတယ်။
ထိုသို့ ယူဆောင်လာခဲ့သော ရန်သူ့ဦးခေါင်းအရေအတွက် အနည်းအများပေါ်မူတည်ပြီး သူရဲကောင်းအဆင့်သက်မှတ်ချက်များလည်းရှိပါတယ်။
ယခုပုံတွင်ပါသော ရှေးခေတ်နာဂစစ်သည်များ၏ လည်းပင်းတွင်ဆွဲထားသည့် ကြေးဝါဖြင့် ပြုလုပ်ထားသော ဦးခေါင်းအရေအတွက်သည် သူတို့နှိမ်နင်းထားသော ရန်သူ့ ဦးခေါင်းများပင်ဖြစ်သည်။

Crd to Myanmar NewsRoom