❝ အမှန်တော့ လီယိုကိုခေါ်ဖို့လုပ်နေခဲ့တာ လွန်ခဲ့တဲ့ လေး၊ ငါးနှစ်လောက်ကတည်းကပဲ။ အင်တာမိုင်ယာမီအသင်းကိုတော-င် မတည်ထော-င်ရသေးတဲ့အချိန်ပေါ့။
လီယိုရဲ့အဖေနဲ့လည်း အဲ့ဒီအချိန်ကတည်းကအဆက်အသွယ် ရှိနေခဲ့တာပါ။
လီယိုရဲ့အဖေက မိုင်ယာမီမှာရောက်နေတုန်း သူတည်းနေတဲ့ ဟိုတယ်ကို ကျနော်ရယ်၊ ကျနော့်ပါတနာရယ်က တိတ်တိတ်လေး သွားတွေ့ပြီး "လီယိုက အခုချိန်မှာ အဆင်သင့်မဖြစ်သေးဘူးဆိုတာ ကျနော်တို့သိတယ်။
ဒါပေမဲ့ အနာဂတ်မှာတော့ ခင်ဗျားရဲ့သားကို ကျနော်တို့အသင်းမှာ လာကစားစေချင်ပါတယ်။" လို့ ပြောခဲ့တယ်ပေါ့ဗျာ။
ငါးနှစ်လောက်ကြာတော့ ကျနော်တို့ လီယိုကို ခေါ်မခေါ် ဆုံးဖြတ်ချက်ချဖို့ လုပ်ရတော့မယ်ဆိုတာ သိလိုက်ရတယ်။ ဘာလို့လဲဆိုတော့ လီယိုက ပီအက်စ်ဂျီကနေ ထွက်ခွာတော့မယ်လို့ ကြေညာခဲ့ပြီးပြီလေ။
အဲ့အချိန်မှာ ကျနော်နဲ့ ဗစ်တိုရီးယား (ဘက်ခမ်း၏ဇနီး)က ဂျပန်ကိုရောက်နေတာ။
မနက်လင်းအားကြီး ၅နာရီဝန်းကျင်လောက် ကျနော်တို့အိပ်ပျော်နေတုန်းမှာ ဖုန်းက တဒီးဒီးနဲ့ နိုတီတွေ တက်လာတာ။ အဲ့တော့ ဗစ်တိုးရီးယားက ကျနော့်ကို တံတော-င်နဲ့တွတ်ပြီး ဖုန်းကို ပိတ်ခိုင်းတာပေါ့။
ကျနော်လည်း တစ်ခုခုဖြစ်နေတယ်ထင်ပြီး အိပ်ယာကနေထ မျက်မှန်တပ်ပြီး ဖုန်းကိုဖွင့်ကြည့်လိုက်တော့ လီယို မက်ဆီက ကျနော်တို့မိုင်ယာမီကို ပြောင်းလာတော့မယ်ဆိုတဲ့ သတင်းကိုမြင်လိုက်ရပါလေရော။
ခုတော-င် ကြက်သီးတွေထလာပြီဗျာ။
ကျနော် အိပ်ယာပေါ်မှာပြန်ထိုင်ပြီး မျက်ရည်
တွေတော-င် ကျလာမိတဲ့အထိပါပဲ။ ဗစ်တိုးရိးယားကတော့ "ဘာဖြစ်လို့လဲ၊ တစ်ခုခုဖြစ်လို့လား၊ တစ်ယောက်ယောက် ဆုံးသွားလို့လား" ဆိုပြီး မေးတယ်။
ကျနော်က "လီယိုလာနေပြီ၊ သူမိုင်ယာမီကိုလာနေပြီ"လို့ ပြန်ပြောလိုက်တာပေါ့။ ပြီးတော့ ကျနော် လူမှုကွန်ရက်တွေပေါ်မှာလည်း သတင်းတွေကို လိုက်ဖတ်ကြည့်ရပါသေးတယ်။
အဲ့ဒီနောက် ကျနော့်ရဲ့ပါတနာ ဟိုဆေးကလည်း 'မယုံနိုင်စရာပဲ' တဲ့။ ကျနော်ကလည်း 'အေး ငါလည်း မယုံသေးဘူး၊ မိုင်ယာမီကို မက်ဆီ အရှင်လ-တ်လ-တ် ခြေချတာကို မြင်လိုက်ရမှ ယုံနိုင်မယ်။' လို့ပြောပြီး ဟိုဆေးရယ်၊ သူ့မိန်းမရယ်ကို လေဆိပ်မှာ သွားစောင့်ခိုင်းလိုက်တယ်။
ကျနော် ဟိုဆေးကို မှာလိုက်ပါသေးတယ်။ လေယာဉ်ပေါ်ကနေ မက်ဆီဆင်းလာမှ စိတ်ဒုံးဒုံးချလို့ ရမယ်လို့။ မဟုတ်ရင် သူ့ရဲ့(ညီ)ကို ငါတို့တွေ စာချုပ်ချုပ်မိ သွားဦးမယ်လို့တော-င် နောက်လိုက်သေးတယ်။
ပြောလို့မရဘူးလေဗျာ။ သူက လီယိုမက်ဆီလေ။ သမိုင်းတလျှောက်လုံးမှာ အကောင်းဆုံး ကစားသမားပါပဲ။ ❞ ❤🇦🇷
~ဒေးဗစ်ဘက်ခမ်း (အင်တာမိုင်ယာမီအသင်းပိုင်ရှင်)
