23 w - Translate

ဆုပေးပွဲ အပြီး ၁၁ ရက် အကြာမှာတော့ ၂၀၂၄ ခုနှစ် အတွက် ရွှေဘောလုံးဆုရဲ့ ရမှတ်တွေ ထွက်ပေါ်လာခဲ့ပါပြီ ။ ရွှေဘောလုံးဆုရှင် ရိုဒရီ ဟာ ဒုတိယနေရာက ဗီနီးရှပ် ဂျူနီယာ ထက် ၄၁ မှတ်ပိုများခဲ့ပါတယ် ။

ဆုချီးမြှင့်တဲ့ France Football ရဲ့ အဆိုအရ ဂျာနယ်လစ် အယောက် ၁၀၀ ထဲက ၃ ယောက်ဟာ ဗီနီးရှပ် ဂျူနီယာ ကို လုံး၀ အမှတ်မပေးထားခဲ့ကြပါဘူး ။ ဒါ့အပြင် ရီးရဲအသင်းဖော်တွေ ဖြစ်ကြတဲ့ ဘယ်လင်ဟမ် နဲ့ ကာဗာရယ် တို့ဟာလည်း ဆုရဖို့ ရေပန်းစားသူတွေထဲ ပါဝင်ခဲ့တာဟာ ဗီနီးရှပ် ရဲ့ အမှတ်အချို့ ကို ဆုံးရှုံးစေခဲ့တယ်လို့ ဆိုပါတယ် ။

ဒီဆုကို ကမ္ဘာ့အဆင့် ၁-၁၀၀ အတွင်းက ဘောလုံးနိုင်ငံတွေရဲ့ ကိုယ်စားပြု ဂျာနယ်လစ် တွေက ရွေးချယ် ကြတာဖြစ်ပြီး ဒီနှစ်မှာ အဆင့်အလိုက်ရမှတ်တွေကို ၂ ဆ ကျော် တိုးလိုက်တာကြောင့် ( မနှစ်က အထိ အဆင့် ၁ အတွက် ၆ မှတ် ၊ အခု နှစ်မှာ အဆင့် ၁ အတွက် ၁၅ မှတ် ) အမှတ်တွေ ထောင်ကျော်သွားခဲ့ရတာလည်း ဖြစ်ပါတယ် ။

image
23 w - Translate

At least we met.

image

NLD လျှပ်စစ်ဝန်ကြီးဟောင်း ဦးဝင်းခိုင် အဆုတ်ရောင်ရောဂါဖြင့် ကွယ်လွန်

နိုဝင်ဘာ ၉၊ နေပြည်တော်။

လွတ်ငြိမ်းချမ်းသာခွင့် ရရှိခဲ့သည့် NLD အစိုးရလက်ထက်က လျှပ်စစ်နှင့် စွမ်းအင်ဝန်ကြီးဌာန၊ ပြည်ထောင်စု ဝန်ကြီးဟောင်း ဦးဝင်းခိုင်သည် အဆုတ်ရောင် ရောဂါဖြင့် ကွယ်လွန်သွားကြောင်း သိရသည်။

နိုဝင်ဘာလ (၈)ရက် ည (၁၀)နာရီအချိန်က မန္တလေးတိုင်း၊ ချမ်းအေးသာစံမြို့နယ်ရှိ မန္တလေးမြို့၊ အထွေထွေ ရောဂါကု ဆေးရုံကြီး၊ (၁၀)ထပ်ဆောင်၊ (၆)လွှာရှိ၊ အထူးကြပ်မတ်ဆောင် (ICU)တွင် တက်ရောက် ဆေးကုသမှု ခံယူလျက်ရှိသော NLD ပါတီ၏ လျှပ်စစ်နှင့်စွမ်းအင်ဝန်ကြီးဌာန၊ ပြည်ထောင်စုဝန်ကြီးဟောင်း ဦးဝင်းခိုင်သည် အသက်ရှူမဝခြင်း ရောဂါဖြင့် ကွယ်လွန်သွားခြင်းဖြစ်သည်။

အသက် (၇၀)နှစ်အရွယ် ဦးဝင်းခိုင်အနေဖြင့် ထောင်ဝင်အမှတ်၊ မတလ/၂၂/၀၂၀၈၂/က ဖြင့် အောင်မြေသာစံ မြို့နယ်၊ အိုးဘိုရွှေကျင်ရပ်ကွက်ရှိ မန္တလေးဗဟိုအကျဉ်းထောင်၌ မန္တလေးတိုင်းဒေသကြီး တရားလွှတ်တော်ရုံး၏ ရာဇဝတ်ကြီးမှုအမှတ်၊ ၃၈/၃၉/၄၀/၂၀၂၁၊ အဂတိလိုက်စားမှုတိုက်ဖျက်ရေး ဥပဒေပုဒ်မ-၅၅/၆၃ ပါ ၁၂ မှုဖြင့် ပြစ်ဒဏ် (၂၈) နှစ် ကျခံခဲ့ရသည်။

ယင်းနောက်တွင် အောက်တိုဘာလ (၂၅)ရက် ညနေ (၅)နာရီ (၄၀)မိနစ်အချိန်တွင် အဆုတ်ရောင်ပြီး အသက်ရှူမဝခြင်း ရောဂါဖြင့် မန္တလေးအထွေထွေရောဂါကုဆေးရုံကြီး၊ ၅ ထပ်ရှိ ဖျားနာဆောင်(၃)ဒုတိယထပ် အခန်းအမှတ် (၁)တွင် တက်ရောက်ကုသခဲ့ပြီး အောက်တိုဘာ (၂၇)ရက်တွင် ဆေးရုံကြီး၊ (၁၀)ထပ်ဆောင်၊ (၆)လွှာရှိ၊ အထူးကြပ်မက်ဆောင် (ICU)သို့ ပြောင်းရွှေ့ ဆေးကုသမှုခံယူခဲ့ရသည်။

ယင်းသို့ ဆေးကုသမှု ခံယူနေရသည့် ဦးဝင်ခိုင်အား အောက်တိုဘာ (၂၈)ရက်နေ့ ည (၈)နာရီကျော် အချိန်တွင် ပြည်ထောင်စုသမ္မတမြန်မာနိုင်ငံတော်၊ နိုင်ငံတော်စီမံအုပ်ချုပ်ရေးကောင်စီ၏ ၂၈-၁၀-၂၀၂၄ ရက်နေ့ ရက်စွဲပါ စာအမှတ်၊ ၁၀၂(၁)/၈/ကောင်စီ (၂ဝ၂၄) ဖြင့် ကျင့်-၄၀၁(၁)အရ ပြစ်ဒဏ်များအပေါ် လျော့ပေါ့ပြီး လွတ်ငြိမ်း ခွင့်ပြု၍ လွှတ်ပေးခဲ့သည်။

အဆိုပါ လျှပ်စစ်ဝန်ကြီးဟောင်း ဦးဝင်းခိုင်၏ အလောင်းအား ယနေ့နံနက် ၁၁ နာရီအချိန်တွင် ဆေးရုံကြီး ရေခဲတိုက်မှ ပုသိမ်ကြီးမြို့နယ်၊ ကြာနီကန်သုဿန်သို့ ပို့ဆောင်သင်္ဂြိုလ်မည် ဖြစ်ကြောင်း သိရသည်။

Credit - Neas Vision Media

#သတင်းဟင်းလေးအိုးကြီး

image

ပြည်ပထောက်လှမ်းရေးအဖွဲ့အစည်းကို နိုင်ငံတော်လျှို့ဝှက်ချက်တွေ လွှဲပြောင်းပေးမှုနဲ့ တရုတ်သူလျှိုတစ်ဦးကို တရုတ်နိုင်ငံက သေဒဏ်ချမှတ်

နိုဝင်ဘာ ၉၊ နိုင်ငံတကာ။

နိုင်ငံတော်လျှို့ဝှက်ချက်တွေကို flash drive နဲ့ ပြည်ပနိုင်ငံထောက်လှမ်းရေးအဖွဲ့အစည်းကို လွှဲပြောင်းပေးခဲ့တဲ့ သူလျှိုတစ်ဦးကို တရုတ်နိုင်ငံက သေဒဏ်ပေးဖို့ စီစဉ်နေပါတယ်။ မိသားစုအမည် “ကျောင်း” လို့ ခေါ်ဆိုတဲ့ အဆိုပါပုဂ္ဂိုလ်ဟာ နိုင်ငံတော်ထိပ်တန်းလျှို့ဝှက်သတင်းအချက်အ လက်အများအပြားနဲ့ လျှို့ဝှက်သတင်းတွေကို ပြည်ပနိုင်ငံက ထောက်လှမ်းရေးအဖွဲ့အစည်းတွေကို ပေးခဲ့တယ် လို့ တရုတ်နိုင်ငံ နိုင်ငံတော်လုံခြုံရေးဝန်ကြီးဌာနက တရားဝင် WeChat အကောင့်မှာ ဖော်ပြထားပါတယ်။

ပြည်ပနိုင်ငံထောက်လှမ်းရေးအဖွဲ့အစည်းတွေကို နိုင်ငံတော်လျှို့ဝှက်ချက်သတင်းအချက်အလက်တွေပါဝင်တဲ့ USB stick ကို လွှဲပြောင်းပေးခဲ့တဲ့အတွက် ကျောင်းကို သေဒဏ်ချမှတ်လိုက်ကြောင်းလည်း အဲဒီလူမှုကွန်ရက်ပို့စ်မှာ ဖော်ပြထားပါတယ်။

ကျောင်းကို သေဒဏ်ပေးမယ့် အချိန်အတိအကျကိုတော့ ဖော်ပြထားခြင်းမရှိပါဘူး။ တစ်ချိန်က တရုတ်နိုင်ငံ အစိုးရဌာနကြီးတစ်ခုရဲ့ အလွန်အရေးပါတဲ့ လျှို့ဝှက်သတင်းတွေကို သိခွင့်ရတဲ့ ထိပ် တန်းအရေးကြီးပုဂ္ဂိုလ်တစ်ဦးဖြစ်တဲ့ ကျောင်းဟာ လုပ်ငန်းခွင်ထဲက နိုင်ငံတော်လျှို့ဝှက်ချက် အများအပြားကို ဖော်ထုတ်ခဲ့တယ်လို့ ဝန်ကြီးဌာနက ပြောပါတယ်။

အလုပ်ကထွက်ပြီးနောက် ကျောင်းဟာ ၎င်းတို့ဘက်ကို သစ္စာဖောက်ဘက်ပြောင်းလာအောင် သိမ်းသွင်းစည်း ရုံးဖို့ နိုင်ငံခြားထောက်လှမ်းရေးအဖွဲ့အစည်းတွေအတွက် အရေးပါတဲ့ ပစ်မှတ်တစ်ခုဖြစ်လာသလို နိုင်ငံတော် လျှို့ဝှက်ချက်တွေကို ငွေကြေးနဲ့ လဲလှယ်ခဲ့တဲ့ ရုပ်သေးရုပ်တစ်ရုပ်ဖြစ်လာကြောင်း နိုင်ငံတော်လုံခြုံရေးဝန်ကြီး ဌာနက ပြောပါတယ်။

“စာရိတ္တပိုင်းဆိုင်ရာ အားနည်းပြီး ငွေကြေးနဲ့ ဖျားယောင်းသွေးဆောင်တဲ့ဒဏ်ကို မခံနိုင်တဲ့ ကျောင်းဟာ တခြား အဖွဲ့အစည်းက ထိန်းချုပ်အသုံးချတာကို ခံရတဲ့ ရုပ်သေးရုပ်တစ်ရုပ်ဖြစ်လာပါတယ်။” လို့ ဝန်ကြီးဌာနက ပြော ပါတယ်။ ကျောင်းတာဝန်ထမ်းဆောင်ခဲ့တဲ့ နိုင်ငံတော်အဖွဲ့အစည်းနာမည်၊ အချက်အလက်အသေးစိတ်နဲ့ ကျောင်းရဲ့ နာမည်အပြည့်အစုံကိုတော့ ဝန်ကြီးဌာနက ပြောကြားခြင်းမရှိပါဘူး။

ကျောင်းကို အမည်ဖော်ပြမထားတဲ့နိုင်ငံတစ်ခုအတွက် နှစ်ဖက်ချွန်ထောက်လှမ်းရေးလုပ်ဖို့ မိသားစုနာမည် “လီ” လို့ ခေါ်တဲ့ နိုင်ငံခြားသားသူလျှိုတစ်ဦးက ဖျားယောင်းသွေးဆောင်ခဲ့တာလို့ ဆိုပါတယ်။

ကျောင်းကို USB work flash drive နဲ့ ၎င်းပိုင်ပစ္စည်းတွေနဲ့အတူ ဖမ်းဆီးမရခင်အချိန်မှာ ပူးပေါင်းဆောင်ရွက်မှု သဘောတူလက်မှတ်ရေးထိုးဖို့ လီက ဖိအားပေးစေခိုင်းခဲ့ပါတယ်။

ပြည်ပထောက်လှမ်းရေးအဖွဲ့အစည်းက လေ့ကျင့်သင်ကြားပေးလိုက်ပြီးနောက်မှာ ကျောင်းဟာ နိုင်ငံခြား ထောက်လှမ်းရေးအဖွဲ့အစည်းက ထိန်းချုပ်အသုံးချနေတဲ့ သတင်းအချက်အလက်ခိုးယူလွှဲပြောင်းရေး သူလျှို တစ်ဦးဖြစ်လာပါတယ်။ ကျောင်းကို ကူညီဆောင်ရွက်ပေးခဲ့တဲ့ လုပ်ဖော်ကိုင်ဖက် မိသားစုနာမည် “ကျူ” ကိုတော့ ထောင်ဒဏ် ၆ နှစ် ချမှတ်လိုက်တယ်လို့ ဆိုပါတယ်။

Ref: China to execute 'spy' who gave away state secrets on flash drive after being lured abroad with promise of 'experiencing exotic customs

#centralnewsnaypyitaw

image
23 w - Translate

ဆရာမကြီး ဒေါက်တာ ဒေါ်ခင်နွယ်ဝင်းက
(To A Better Health)
သဘာဝနည်းလေးတွေကို ဒီလို ပြောပြထားပါတယ်။
🍀🍀🍀🍀🍀🍀🍀🍀🍀🍀🍀
📍၁. Vitamin D အတွက် မနက်ခင်း နေရောင်ခြည်
ခံပေးပါ။ နေပူထဲမှာ နာရီဝက်လောက်နေပါ။
အိမ်အပြင်ထွက်ရမှာဖြစ်ပါတယ်။
အိမ်ထဲမှာနေပြီး လှမ်းမရပါ။
အိမ်ပြင်မှာUltra violet B ray
ရနိုင်လို့ ဖြစ်ပါတယ်။
Vitamin D ရဖို့ B ray လိုပါတယ်။
အိမ်ထဲမှာ ပြတင်းပေါက်ကနေတဆင့် ရသော
နေရောင်ခြည်မှာ A ray သာ ဖြစ်ပါတယ်။
B ray က ပြတင်းပေါက်ကို မဖောက်နိုင်ပါ။
A ray က Vitamin D မလုပ်နိုင်ပါ။
📍၂. အပြင်ထွက်ရင်း တလက်စတည်း မြေကြီးဓာတ်ကိုပါ
ယူလိုက်ပါ။ မြေကြီးမှာ electron ဓာတ်တွေ
အများကြီးရှိတာကတစ်ကြောင်း၊ သူတို့တွေက
ဝါယောဓာတ်တွေ ဖြစ်တာမို့ ရွေ့လျားနိုင်ပါတယ်။
များတဲ့နေရာကနေ နည်းတဲ့နေရာကို
ရွေ့လျားတတ်တာကြောင့် မြေကြီးကနေ
ခန္ဓာကိုယ်ထဲကိုဝင်နိုင်ပါတယ်။
စိုနေတဲ့မြက်ခင်းဆိုရင် အင်မတန်
သင့်တော်ပါတယ်။
အစိုဓာတ်ရှိရင် စီးဝင်ခြင်းဟာ ပိုပြီး
ထိရောက်ပါတယ်။
ဖိနပ် မစီးရပါ။ ဒီ electron ဓာတ်ဟာ ခန္ဓာကိုယ်
ယောင်ကိုင်းခြင်းကို သက်သာစေနိုင်ပါတယ်။
သဘာဝ antioxidants တွေ ဖြစ်ပြီး
သွေးကိုလည်းကျဲစေတတ်တာကြောင့်
လေဖြတ်ထားသူများ၊
နှလုံးသွေးကြောပိတ်သူများ အတွက်
အလွန်သင့်တော်ပါတယ်။
📍၃. D3 နဲ့ အတူသောက်ခိုင်းတဲ့ Vitamin K2 ကို
သဘာဝနည်းနဲ့ အရယူကြရအောင်။
- ရှမ်းတို့ဖူး (Natto)(Plant based MK7)
- ကလီစာဟင်း (Animal based MK4 )
- ကြက်ဥအနှစ် (Animal Based MK4)
📍၄. Probiotics အလှမ်း မမှီနိုင်ရင်
- ချဉ်ဖတ် စားပါ။
- ဒိန်ချဉ် စားပါ။
- ဗမာအချဉ်ရော၊ ရှမ်းချဉ်ရော အလွန်
ကောင်းပါတယ်။
📍၅. နနွင်းကို ( အုန်းဆီ/သံလွင်ဆီ ) နဲ့ သောက်ပါ။
📍၆. အသီးအနှံနှင့်အစိမ်းရောင်အရွက်များများစားပါ။
📍၇. အရိုးပြုတ်ရည် သောက်ပါ။
( ကြက်ရိုး၊ အမဲရိုး၊ ဆိတ်ရိုး..)
📍၈. ရှားစောင်းလက်ပတ် စားပါ။
အူလမ်းကြောင်းပြုပြင်ရေးအတွက်
ကောင်းပါတယ်။
📍၉. အုန်းရည် သောက်ပါ။
သတ္တုဓာတ်မျိုးစုံရမှာဖြစ်ပါတယ်။
📍၁၀. နွယ်ချိုက အူကျန်းမာရေးအတွက်
ကောင်းပါတယ်။
📍၁၁. ဆားခါးရေ စိမ်ပါ။ Magnesium
အလှမ်းမမှီသူများအတွက်ပါ။
📍၁၂. သစ်ကြားသီး စားပါ။
Plant based Omega3 ရပါတယ်။
📍၁၃. တတ်နိုင်ရင် တစ်ခါတရံ
အဆီများသော ငါး စားပါ။
📍၁၄. အချဉ်ဓာတ် VitaminC ရစေရန် ငရုတ်ပွသီး၊
သံပုရာသီး၊ ရှောက်သီး၊ ဆီးဖြူသီး၊ လိမ္မော်သီး၊
ကျွဲကောသီး၊ မာလကာသီး၊ ကီဝီသီး၊
ဘယ်ရီသီးအမျိုးမျိုး၊ပန်းဂေါ်ဖီစိမ်း၊
ကင်ပွန်း ချဉ်ချဉ်ပေါင်ရွက် အစရှိသည်
တို့ကို စားသုံအာလူးနဲ့ကန်စွန်းဥတို့မှာလည်း ဓာတ်တွေပါဝင်ပါတယ် )
📍၁၅. Zinc ဇင့်ဓာတ်ရရှိစေရန် ပင်လယ်စာနဲ့
အနီရောင်အသားများ၊ ကြက်ဥ၊ နို့နှင့်နို့ထွက်
ပစ္စည်းများ၊ အုတ်ဂျုံ၊ ပဲအမျိုးမျိုး၊ မှို၊ ကညွတ်၊
ကိုက်လန်၊ ရုံးပတီသီး၊ ပန်းပွင့်စိမ်း၊ ဟင်းနုနယ်၊
ပြောင်းဖူးစသောဟင်းသီးအရွက်များနှင့်ကွာစေ့၊
ဖရုံစေ့ ကဲ့သို့သော အစေ့အဆန်များ စားသုံးပါ။
📍၁၆. Anti-viral အနေဖြင့် ဂျင်း၊ ကြက်သွန်နီ၊
ကြက်သွန်ဖြူ၊ နနွင်း၊သစ်ကြံပိုးများစားသုံးပေး၍
ရေနွေးကြမ်း green teaသောက်ပါ။
ရေများများသောက်ပါ။
ကိုယ်လက်လှုပ်ရှား လေ့ကျင့်ခန်းများ နေ့စဉ်
အနည်းဆုံး ၁၅မိနစ် ပုံမှန် ပြုလုပ်ပါ။

ကြက်သွန်ဖူးကြက်ဉကြော်

ကြက်သွန်ဖူးလေးတွေကိုပိုင်း ဆီနဲနဲတည်ကြက်သွန်ဖြူဓါးပြားရိုက်ထည့် ကြက်ဉထည့်မွှေပါ ပြီးရင်ကြက်သွန်ဖူးထည့် ကြက်သားမူန့်ထည့် စို့ပုန်လို့အနဲငယ် ဆားအနဲငယ်ထည့်မွှေ ခဏနေရင်မီးပိတ်ရပါပြီရှင့်

image
23 w - Translate

ယူကရိန်းနဲ့ ပတ်သက်တဲ့ Trump ရဲ့ အဆိုပြုချက်များသည် အာရုံစိုက်ဆောင်ရွက်သင့်ကြောင်းပူတင်မှ ပြောကြား။

ရုရှားသမ္မတ ဗလာဒီမာပူတင်က အမေရိကန်သမ္မတရွေးကောက်ပွဲမှာ ဒေါ်နယ်ထရန့်အနိုင်ရရှိခဲ့တဲ့အတွက် ချီးကျူးဂုဏ်ပြုခဲ့ပြီး အမေရိကန်ခေါင်းဆောင်သစ်နဲ့ ဆွေးနွေးဖို့ အဆင်သင့်ဖြစ်နေပြီဟု ပြောကြားလိုက်သည်။

ယူကရိန်းအကျပ်အတည်းကို အဆုံးသတ်ဖို့ ရုရှားနဲ့ ဆက်ဆံရေး ပြန်လည်ထူထောင်လိုတဲ့ ဆန္ဒနဲ့ပတ်သက်ပြီး ပြောခဲ့တာတွေကို အာရုံစိုက်သင့်တယ်လို့ ထင်ပါတယ်” ဟု ဆိုချီမြို့ရှိ ပင်လယ်နက်မြို့ရှိ Valdai Club နှစ်ပတ်လည် အစည်းအဝေးတွင် ပူတင်က ကြာသပတေးနေ့နှောင်းပိုင်းတွင် ပြောကြားခဲ့သည်။

image

image

ထရမ့်က မြန်မာဒုက္ခသည် လက်ခံရေးအစီအစဉ် ဖျက်သိမ်းဖွယ်ရှိ

ဘန်ကောက်၊ နိုဝင်ဘာ ၉

အမေရိကန်သမ္မတရွေးကောက်ပွဲတွင် ရီပတ်ဘလစ်ကန် ကိုယ်စားလှယ်လောင်း ဒေါ်နယ်ထရမ့် (Donald Trump) အနိုင်ရရှိခဲ့ပြီးနောက် အမေရိကန်သည် ထိုင်းနယ်စပ်တွင် လက်ရှိနေထိုင်နေသည့် မြန်မာဒုက္ခသည်များအတွက် ရွှေ့ပြောင်းနေရာ ချထားရေး အစီအစဉ်ကို ဖျက်သိမ်းဖွယ်ရှိကြောင်း The Nation မှ ဖော်ပြခဲ့သည်။

မြန်မာဒုက္ခသည် ၆၀,၀၀၀ အတွက် နေထိုင်ခွင့်ပေးမည်ဟု ကမ်းလှမ်းသည့် တတိယနိုင်ငံကို ရွှေ့ပြောင်းနေရာ ချထားပေးမည့် ထိုအစီအစဉ်ကို ထိုင်းအစိုးရနှင့် လက်ရှိ ဒီမိုကရက်ပါတီ ဦးဆောင်သော အမေရိကန်အစိုးရတို့က ဆွေးနွေးခဲ့ခြင်းဖြစ်သည်။

သို့သော် နိုဝင်ဘာ ၅ ရက်က ပြုလုပ်ခဲ့သည့် ရွေးကောက်ပွဲတွင် ဒီမိုကရက်များ ရှုံးနိမ့်ခဲ့ပြီးနောက် နောက်တက်လာ မည့် ထရမ့်အစိုးရအဖွဲ့သည် လူ့အခွင့်အရေးကိစ္စများကို ဦးစားပေးမည် မဟုတ်သဖြင့် ထိုအစီအစဉ်ကို ပယ်ဖျက် ဖွယ်ရှိသည်ဟု အာရှလူ့အခွင့်အရေးနှင့် အလုပ်သမားရေး ထောက်ခံရေးအဖွဲ့၏ ညွှန်ကြားရေးမှူး ဖီးလစ် ရောဘတ်ဆန် (Philip Robertson) က ပြောကြားခဲ့သည်။

Krungthep Turakij သတင်းစာနှင့် နိုဝင်ဘာ ၇ ရက်က ပြုလုပ်သည့် အင်တာဗျူးတစ်ခုတွင် ရောဘတ်ဆန်က ထရမ့်၏ ဦးဆောင်မှုအောက်၌ အမေရိကန်သည် ဈေးကွက် ကာကွယ်ရေးမူဝါဒကို အကောင်အထည် ဖော်မည် ဖြစ်ပြီး ပြည်ပနိုင်ငံများမှ တင်သွင်းသည့် သွင်းကုန်များအပေါ် အခွန်ကို အနည်းဆုံး ၁၀ ရာခိုင်နှုန်း တိုးမြှင့် ကောက်ခံလိမ့်မည်ဖြစ်ကြောင်း ပြောကြားခဲ့သည်။

အမေရိကန်သည် ထိုင်း၏ အကြီးဆုံး ပို့ကန်ဈေးကွက်ဖြစ်သဖြင့် ထိုအစီအစဉ်သည် ထိုင်း၏ ပို့ကုန်ကဏ္ဍကို ထိခိုက်စေလိမ့်မည်ဟု ၎င်းက သတိပေးခဲ့သည်။

ထရမ့်သည် အမေရိကန်တွင် နှစ်ပေါင်းများစွာကြာ နေထိုင်သည့် အမေရိကန်နိုင်ငံသား မဟုတ်သူများကို ဖမ်းဆီး ပြီး နေရပ်ပြန်ပို့မည်ဆိုသော မူဝါဒ အပါအဝင် မဲဆွယ်စည်းရုံးချိန်ကာလက ကတိပြုခဲ့သည့် မူဝါဒများအား အကောင်အထည် ဖော်မည်ဆိုပါက အမေရိကန်တွင် ပရမ်းပတာ အခြေအနေ ဖြစ်ပွားလာနိုင်ကြောင်း ရောဘတ်ဆန်က ခန့်မှန်းပြောကြားခဲ့သည်။

"နိုင်ငံခြားသားတွေ အထူးသဖြင့် လက်တင်အမေရိက နိုင်ငံသားတွေဟာ နေရပ်ပြန်ပို့ ခံရနိုင်ပါတယ်။ အထူးသဖြင့် သက်ကြီးပိုင်း ရွှေ့ပြောင်း နေထိုင်သူတွေဟာ နေရပ်ပြန်ပို့ခံရနိုင်ပြီး အမေရိကန်မှာမွေးတဲ့ သူတို့ရဲ့ ကလေးတွေ ကတော့ အမေရိကန်နိုင်ငံသား ဖြစ်ခွင့်ရပြီး အမေရိကန်မှာ ဆက်နေနိုင်ပါလိမ့်မယ်"ဟု ရောဘတ်ဆန်က ပြောကြားခဲ့သည်။

ထိုကဲ့သို့ နေရပ်ပြန်ပို့မှုများသည် အစိုးရနှင့် ပြည်သူအကြား ထိပ်တိုက်တွေ့မှု၊ မိသားစုများ ကွဲကွာမှုများ ဖြစ်စေနိုင် လိမ့်မည်ဟု ၎င်းက ဆိုသည်။

ထို့ပြင် ထရမ့်သည် တရားရေးဝန်ကြီးဌာနနှင့် တရားရေးစနစ်ကို ကြားဝင်စွက်ဖက်လိမ့်မည်ဖြစ်ပြီး ၎င်းအား ဆန့်ကျင်သည့် ပြည်နယ်အုပ်ချုပ်ရေးမှူးများကို တရားရေးအရ အပြစ်ပေးလိမ့်မည်ဟုလည်း ရောဘတ်ဆန်က ပြောကြားခဲ့သည်။

ထရမ့်သည် အမျိုးသမီးများ ကိုယ်ဝန်ဖျက်ချခွင့်ကို တားမြစ်သည့် မူဝါဒများ ထုတ်ပြန်နိုင်သဖြင့် ဆန္ဒပြမှုများ လည်း ဖြစ်ပွားလာနိုင်သည်ဟု ရောဘတ်ဆန်က ပြောကြားခဲ့သည်။

Source: The Nation

ပုံ - ဒေါ်နယ်ထရမ့်ကို တွေ့ရစဉ်

Credit - Central News Independence

#သတင်းဟင်းလေးအိုးကြီး

image

နိုင်ငံကူးလက်မှတ်နှင့် (CI) ကိုင်ဆောင်ထားသူများအား ထိုင်းနိုင်ငံအတွင်း ယာယီနေထိုင်အလုပ်လုပ်ကိုင်ခွင့် သက်တမ်း (၂) နှစ်စီ (၂) ကြိမ်ဖြင့် (၄) နှစ်ခွင့်ပြုမည်

နိုဝင်ဘာ ၉၊ နေပြည်တော်။

နိုင်ငံကူးလက်မှတ်၊ သို့မဟုတ် မည်သူမည်ဝါဖြစ်ကြောင်း သက်သေခံလက်မှတ် (CI) ကိုင်ဆောင်ထားသူများ အား ထိုင်းနိုင်ငံအတွင်း ယာယီနေထိုင်အလုပ်လုပ်ကိုင်ခွင့် သက်တမ်း (၂) နှစ်စီ (၂)ကြိမ်ဖြင့်၊ စုစုပေါင်း (၄)နှစ် ခွင့်ပြုသွားမည်ဖြစ်ကြောင်း ထိုင်းနိုင်ငံရှိ မြန်မာသံရုံးမှ ထုတ်ပြန်ထားသည်။

ထိုင်းနိုင်ငံရှိ ရွှေ့ပြောင်းမြန်မာaအလုပ်သမားများကိစ္စနှင့် ပတ်သက်၍ ဗန်ကောက်မြို့ရှိ မြန်မာသံရုံးမှ သံအမတ်ကြီး ဦးချစ်ဆွေ ဦးဆောင်သည့် တာဝန်ရှိသူများနှင့် ထိုင်းနိုင်ငံ၊ အလုပ် အကိုင်ဦးစီးဌာန (DOE) မှ ညွှန်ကြားရေးမှူးချုပ် Mr. Somchai Morakotsriwan ဦးဆောင်သည့် လူဝင်မှုကြီးကြပ်ရေးဗျူရို (Immigration Bureau) နှင့် ပြည်ထဲရေးဝန်ကြီးဌာနတို့မှ တာဝန်ရှိသူများသည် မြန်မာသံရုံး၌ တွေ့ဆုံဆွေးနွေးခဲ့သည်။

တွေ့ဆုံဆွေးနွေးရာတွင် ၂၀၂၅ခုနှစ် ဖေဖော်ဝါရီလ ၁၃ရက်နေ့အထိ ထိုင်းနိုင်ငံ၌ ယာယီ နေထိုင်ခွင့်နှင့် အလုပ်လုပ်ကိုင်ခွင့်ပြုထားသည့် နိုင်ငံကူးလက်မှတ်၊ သို့မဟုတ် မည်သူမည်ဝါဖြစ်ကြောင်း သက်သေခံ လက်မှတ် (CI) ကိုင်ဆောင်ထားသူများအား ဆက်လက် သက်တမ်းတိုးဆောင်ရွက်မည့်ကိစ္စကို ထည့်သွင်း ညှိနှိုင်းဆွေးနွေးခဲ့ကြောင်း သိရသည်။

၎င်းတို့အား ထိုင်းနိုင်ငံအတွင်း ယာယီနေထိုင်အလုပ်လုပ်ကိုင်ခွင့် သက်တမ်း (၂) နှစ်စီ (၂)ကြိမ်ဖြင့်၊ စုစုပေါင်း (၄)နှစ် ခွင့်ပြုသွားမည်ဖြစ်ကြောင်း သိရှိရသဖြင့် အဆိုပါ ၂၀၂၅ ခုနှစ် ဖေဖော်ဝါရီလ ၁၃ ရက်နေ့အထိ ထိုင်းနိုင်ငံ၌ ယာယီနေထိုင်ခွင့်နှင့် အလုပ်လုပ်ကိုင်ခွင့် ရရှိထားသည့် ရွှေ့ပြောင်းမြန်မာအလုပ်သမားများ အနေဖြင့် ၎င်းတို့၏ နိုင်ငံကူးလက်မှတ် (သို့မဟုတ်) မည်သူမည်ဝါဖြစ်ကြောင်း သက်သေခံလက်မှတ် (CI) သက်တမ်းအနည်းဆုံး (၂) နှစ်ကျော် ကျန်ရှိနေရန်လိုအပ်သည်ဖြစ်ရာ နိုင်ငံကူးလက်မှတ် သက်တမ်းအနည်း ဆုံး (၂) နှစ်ကျော် မကျန်ရှိသူများအနေဖြင့် မြန်မာသံရုံးနှင့် ချင်းမိုင်မြို့ရှိ မြန်မာကောင်စစ်ဝန်ချုပ်ရုံးတို့၌ နိုင်ငံကူးလက်မှတ်သက်တမ်းတိုး လာရောက်ဆောင်ရွက်နိုင်ကြောင်း ထုတ်ပြန်ထားသည်။

CI မှ နိုင်ငံကူး လက်မှတ်သို့ လဲလှယ်လျှောက်ထားလိုသူများအနေဖြင့် မဟာချိုင်ရှိ သာမန်မြန်မာနိုင်ငံကူး လက်မှတ်ထုတ်ပေးရေးဌာနစိတ် (TDCC) ၌ သွားရောက်ဆောင်ရွက်နိုင်ပါကြောင်း အသိပေးကြေညာအပ်ပါ သည်။

CI စာအုပ်အဟောင်းမှ CI စာအုပ်အသစ်သို့ လဲလှယ်ဆောင်ရွက်နိုင်ရေးအတွက် ညှိနှိုင်းမှုများလည်း ပြုလုပ်ပြီး ဖြစ်ပြီး မကြာမီတရားဝင်ထုတ်ပြန်ကြေညာသွားမည်ဖြစ်ကြောင်း အသိပေးကြေညာအပ်ပါသည်။

စက်ရုံ၊ အလုပ်ရုံများရှိ မြန်မာအလုပ်သမားများအား Passport မှ Passport သို့လည်းကောင်း CI မှ Passport သို့လည်းကောင်း Mobile Team ဖြင့် ဆောင်ရွက်လိုပါက မြန်မာသံရုံး၊ ကောင်စစ်ဌာနသို့ လာရောက် ဆက်သွယ် ဆောင်ရွက်နိုင်ပါကြောင်း ထုတ်ပြန်ထားသည်။

#centralnewsnaypyitaw

image