နှစ်ပုလင်း ၀ယ်ခဲ့တာ။ပြန်ရောက်တော့ အမြည်းတောင်မစားဘဲ ရေဆာဆာနဲ့ မော့လိုက်တာ့ တစ်ပုလင်းကုန်သွားတယ်။
အေးဟ ချိုချိုလေးပေါ့.... မော့ပီး အမြည်းစားမလို့တူကိုင် တော့ လွတ်ကျသွားတယ်။
ဘာလဲဟ ဆိုပီး... ကုန်းကောက်လိုက်တာ.. မှောက်ခုန်ကြီးလဲရော...အဲ့ကထဲက ဆိုဂျု ဆို
သွားလဲမနောက်တော့ဘူး နောက်လဲမသွားတော့ဘူ။

(၇) ရက် သား/သမီး အဟောများ...
တနင်္ဂနွေသား/သမီး
လုပ်ငန်းတွင် အယှဥ် အပြိုင် အတိုက်အခံများစွာကြုံရသော်လည်း၊အောင်မြင်တိုးတက်မှုရရှိမည်။ငွေကြေးပိုင်းတွင် ရစရာအချို့ ထစ်ငေါ့ကြံ့ကြာမှုကြုံမည်။ကျန်းမာရေး ကောင်းမွန်နေ ပါမည်။အာရုံကြောပြဿနာ ပေါ်တတ်သော်လည်း မပြင်းထန်တတ်ပါ။အချစ်ရေးတွင်ပေါင်းသင်းဆက်ဆံရေးကြောင့် ချစ်သူ၏ အထင်လွဲမှု ခံရတတ်၍သတိပြုပါ။အိမ်ထောင်ရေး အဆင်မပြေမှုများရှိနေတတ်သည်။အိမ်ထောင်ဖက်ပေါ် စကားမမှားရန် သတိပြုပါ။ပညာရေး ကြိုးစားသလောက် ခရီးမပေါက်ဖြစ်နေတတ်မည်။
ယတြယာ... မွေးနေ့နံနက်ပိုင်းတွင်စေတီတစ်ဆူ၏ တနင်္ဂနွေထောင့်တွင် အုန်း(၆) ညွန့် လှူပေးပါ။
-----
တနင်္လာ သား/သမီး
လုပ်ငန်း/ငွေကြေးပိုင်းအကြပ်အတည်းအချို့ကြုံရတတ်မည်။ငွေကြေးလည်ပတ်မှုတွင် အထစ်အငေါ့ကြုံနေရတတ်မည်။ကျန်းမာရေးအစာအိမ်၊အသည်း ရောဂါထဲမှ သတိပြုပါ။အချစ်ရေး ကံ ကောင်းမွန်၍ အဆင်ပြေနေပါမည်။အိမ်ထောင်ရေး ပြဿနာအထူးမရှိပါ။ပညာရေးကံ ကြိုးစားသလောက်အောင်မြင်မှုရမည်။စာသင်ယူလေ့လာမှုပေါ်စိတ်အာရုံမစိုက်နိုင်ခြင်းမျိုး ကြုံရတတ်ခြင်းမျိုးသတိပြုပါ။
ယတြာ-- စေတီတစ်ဆူ၏ တနင်္လာထောင့်တွင် မွန်းလွဲပိုင်း၌ ကံ့ကော်(၁၅) ညွန့်လှူပေးပါ။
----
အင်္ဂါ သား/သမီး
လုပ်ငန်း၊ငွေကြေးပိုင်းတိုးတက်အောင်မြင်မှုကြုံမည်။အလုပ်ရှုပ်လွန်း၍လူပင်ပန်း၊စိတိအင်ပန်းခြင်း ကြုံနေရတတ်မည်။
ကျန်းမာရေး သင့်တင့်စွာကောင်းမွန်နေမည်။အချစ်ရေး ပြဿနာမရှိသော်လည်း တစ်ယောက် တစ်နေရာစီ ရောက်နေရတတ်မည်။အိမ်ထောင်ရေးကံ အညံ့ဘက်ရှိ၍ အိမ်ထောင်ဘက် အိမ်မှထွက်သွားတတ်၍ သတိပြုပါ။ပညာရေးအဆင်ပြေနေမည်။ကြိုးစားချင်စိတ် ပျောက်နေတတ်၍ သတိပြုကြိုးစားပေးပါ။
ယတြာ--- မွေးနေ့ နံနက် ၁၁-နာရီကျော်တွင် စေတီတစိဆူ၏ အင်္ဂါထောင့်၌ဆီး(၃) ညွန့် နှင့် ရွက်လှ(၄) ညွန့် တွဲ၍ လှူပေးပါ။
---
ဗုဒ္ဓဟူး သား/သမီး
လုပ်ငန်းပိုင်း အောင်မြင်မှုရနေတတ်သော်လည်း၊ငွေကြေးပိုင်း အဆင်မပြေမှု အချို့ ကြုံနေရတတ်မည်။ကျန်းမာရေး အညံ့ရှိ၍ အရေပြားရောဂါ၊ဆီးရောဂါ၊အမျိုးသမီးများသွေးသားဆိြင်ရာ ရောဂါများထဲမှ ခံစားရတတ်မည်။အချစ်ရေး အဆင်မပြေ လမ်းခွဲရသည်ထိ ဖြစ်တတ်ခြင်းသတိပြုပါ။အိမ်ထောင်ရေး ကံ ကောင်းမွန်၍ အဆင်ပြေသာယာနေမည်။ပညာရေး
အထူးအောင်မြင်မှုရနေမည်။
ယတြာ-- စေတီတစ်ဆူ၏ မွေးနံထောင့်တွင် ဗုဒ္ဓဟူးနေ့မွနမလွဲမီ ရေသန့် (၄)ဗူးအဖုံးဖွင့်၍ ကပ်လှူပေးပါ။
----
ကြာသပတေးသား/သမီး
လုပ်ငန်း သင့်တင့်စွာအောင်မြင်နေသော်လည်းမိတ်ဖက်အချို့ကြောင့်ပြဿနာ အခက်အခဲ ပေါ်ပေါက်ဖြေရှင်းရတတ်မည်။မိတ်ဆွေဒုက္ခပေးမှုကြောင့် ငွေကြေးနစ်နာဆုံးရှုံးခြင်းမျိုး ကြုံရတတ်မည်။ကျန်းမာရေးတွင် ခေါင်းကိုက်၊ခေါင်းမူးခြင်း ၊အာရုံကြောရောဂါ သတိပြုရပါမည်။အချစ်ရေး အဆင်ပြေနေပါမည်။အိမ်ထောင်ရေးပြဿနာ အထူးမရှိပါ။ပညာရေး ကံညံ့တတ်၍အထူးကြိုးစားရန် လိုပါမည်။
ယတြာ-- မွေးနေ့ မွန်းလွဲပိုင်းတွင်ဘုရား ကြာသပတေးထောင့်၌ စပယ်ပန်း(၅)ကုံး ကပ်လှူပေးပါ။
---
သောကြာသား/သမီး
လုပ်ငန်း အဆင်မပြေဖြစ်နေတတ်သော်လည်းမိတ်ဆွေကောင်းအချို့ အကူအညီဖြင့် ဆက်လက်လုပ်ကိုင် အဆင်ပြေလာတတ်ပါမည်။ငွေကြေးကံ ကောင်းနေ၍ ငွေကြေး ထောက်ပံ့မှု အတိုင်းအတာတစ်ခုထိ ရရှိတတ်ပါမည်။ကျန်းမာရေး ကောင်းမွန်နေပါမည်။အချစ်ရေးပြဿနာအထူးမရှိပါ။ချစ်သူနှင့် အသေးအဖွဲစကားများခြင်းမျိုး ကြုံရတတ်ပါမည်။အိမ်ထောင်ရေး အဆင်ပြေသာယာနေမည်။မိသားစု အပန်းဖြေခရီး သွားဖြစ်တတ်မည်။ပညာရေး ကံအထူးညံတတ်၍ ဂရုစိုက် ကြိုးစားရန် လိုပါမည်။
-----
စနေသား/သမီး
လုပ်ငန်း အဆင်ပြေနေသော်လည်း တိုးတက်မှု နှေးကွေးနေတတ်မည်။ငွေကြေးပိုင်း အဆင်ပြေစွာ လည်ပတ်နေနိုင်မည်။မထင်မှတ်ထားသော ငွေလုံးငွေရင်းမျိုး ဝင်လညတတ်ပါမည်။ကျန်းမာရေး ကောင်းမွန်နေမည်။ချစ်သူနှင့် ဆက်ဆံရေးတွင် အထစ်အငေါ့ မပြေလည်မှု ကြုံရတတ်ပါမည်အိမ်ထောင်ရေး အဆင်ပြေနေမည်။ပညာရေး ကံကောင်းမွန်၍ အောင်မြင်မှု
ကောင်းစွာ ရရှိပေမည်။
ယတြာ-- မွေးနေ့ နံနက်ပိုင်းတွင်ဘုရား စနေထောင့်တွင်အလင်းတိုင် (၁၀) တိုင်ထွန်းညှိပူဇော်ပေးပါ။

ဆရာဝင်းမင်း(B.Sc)

Read More

မတ္တရာ (အနောက်ခြမ်း) တိုက်ပွဲကြောင့် ဒေသခံ သောင်းနဲ့ချီ တိမ်းရှောင်

နိုဝင်ဘာ ၁၉

မန္တလေးတိုင်း၊ မတ္တရာမြို့နယ် (အနောက်ခြမ်း) မှာ ဖြစ်ပွားနေတဲ့ တိုက်ပွဲတွေကြောင့် ဒေသခံ သောင်းနဲ့ချီ ထွက်ပြေး တိမ်းရှောင်နေရတယ်လို့ ကူ‌ညီပေးနေသူတွေဆီက သိရပါတယ်။

နစကတပ်အနေနဲ့ မတ္ထရာမြို့နယ် (အနောက်ခြမ်း) ကို ပြီးခဲ့တဲ့ နိုဝင်ဘာ ၉ ရက်နေ့မှ စတင်ကာ နယ်မြေရှင်းလင်းရေး လုပ်ဆောင်ခဲ့တာကြောင့် PDF လက်နက်ကိုင် ပူးပေါင်းတပ်တွေနဲ့ တိုက်ပွဲဖြစ်ပွားနေပြီး နိုဝင်ဘာ ၁၇ ရက်မှာတော့ တိုက်ပွဲအခြေအနေ ပိုမို ပြင်းထန်လာတယ်လို့ သိရပါတယ်။

ဒါကြောင့် လက်ရှိမှာ မတ္တရာမြို့နယ် (အနောက်ခြမ်းရှိ) ကျေးရွာတွေအားလုံး ထွက်ပြေးတိမ်းရှောင်နေရပြီး စစ်ဘေးရှောင်သောင်းချီ ရှိနေကာ စားနပ်ရိက္ခာ၊ ဆေးဝါး၊ အနွေးထည်နဲ့ စောင်တွေ လိုအပ်နေတယ်လို့ ကူညီပေးနေသူတွေက ပြောပါတယ်။

“တိုက်ပွဲက အခုထိ ဖြစ်နေတုန်းပဲ။ နိုဝင်ဘာ ၁၇ ရက်‌နေ့ကဆို ညသန်းခေါင်၊ နောက်နေ့မနက် ၁ နာရီလောက်အထိ တိုက်ပွဲဖြစ်နေတာ။ ဒေသခံတွေ ရှောင်နေရပြီ။ အကူအညီတွေလည်း အများကြီး လိုအပ်နေပါတယ်” လို့ အဲဒီ စစ်ရှောင်တွေကို ကူညီပေးနေသူက ပြောပါတယ်။

နိုဝင်ဘာ ၁၇ ရက်နေ့၊ မနက် အစောပိုင်းကစပြီး မတ္တရာမြို့နယ် (အနောက်ခြမ်း) က ဧရာဝတီမြစ်ကမ်းဘေး ကျေးရွာတွေဖြစ်တဲ့ သဖန်းဒေါင့်၊ ငယ်တိုး၊ ဆောက်ခြုံပေါက်၊ အောက်တောင်ကိုင်း အပါအဝင် မြစ်ရိုးတလျှောက်မှာ နစကတပ်နဲ့ PDF လက်နက်ကိုင် ပူးပေါင်းတပ်တွေ တိုက်ပွဲ ပြင်းထန်နေတာလို့ သိရပါတယ်။

သဖန်းဒေါင့်ကျေးရွာဟာ မန္တလေးမြို့ (အနောက်ဘက်)၊ ဂေါဝိန်ဆိပ်ကမ်းမှ ၁၄ မိုင် ခန့်အကွာမှာ တည်ရှိပြီး ငယ်တိုးကျေးရွာကတော့ ၂၂ မိုင် အကွာအဝေးမှာ တည်ရှိတယ်လို့ သိရပါတယ်။

လက်ရှိဖြစ်ပွားနေတဲ့ တိုက်ပွဲအခြေအနေနဲ့ ပတ်သက်လို့ နစကဘက်က တရားဝင် သတင်းထုတ်ပြန်ထားခြင်း မရှိသေးပေမယ့် နစက သတင်းရင်းမြစ်တွေရဲ့ ရေးသား ဖော်ပြချက်မှာတော့ ဒေသတွင်း လက်နက်ကိုင်တပ်ဖွဲ့တွေက မတ္တရာဒေသ အောက်တောင်ကိုင်းနဲ့ ငယ်တိုးရွာတွေကို အင်အား ၃၀၀ ခန့်နဲ့ အတင်းဝင်ရောက် တိုက်ခိုက်ခဲ့တာကြောင့် တိုက်ပွဲ ပြင်းထန်နေတယ်လို့ ဆိုပါတယ်။

ဒါကြောင့် နစကဘက်က လေကြောင်း၊ ရေကြောင်း ပစ်ကူတွေရယူကာ ရှင်းလင်းထားတဲ့အတွက် PDF ဘက်မှ အယောက် ၂၀ ခန့် ကျဆုံးခဲ့တယ်လို့ နစက သတင်းရင်းမြစ်တွေက ရေးသား ဖော်ပြထားပြီး ဒေသတွင်း PDF လက်နက်ကိုင်တပ်ဖွဲ့တွေဘက်ကတော့ လက်ရှိ တိုက်ပွဲအခြေအနေနဲ့ ပတ်သက်လို့ အသိပေး ထုတ်ပြန်ထားခြင်း မရှိသေးပါဘူး။

Photo:CJ

#centralnewsnaypyitaw

Read More

ရုရှား-ယူကရိန်း ရက် ၁၀၀၀ ပြည့်ချိန် စက်ရုပ်စစ်ပွဲတစ်ခု အစပျိုးလာ

နိုဝင်ဘာ ၁၉၊ နိုင်ငံတကာ

ရုရှားသည် ၂၀၂၂ ခုနှစ်က ယူကရိန်းကို ကျူးကျော်စစ် စတင်ဆင်နွှဲခဲ့ရာ နိုဝင်ဘာ ၁၉ ရက်တွင် ရက် ၁၀၀၀ ပြည့် မြောက်ခဲ့ပြီးဖြစ်ပြီး စစ်ပွဲအတွင်း နည်းပညာသည် အဓိကကဏ္ဍတစ်ခုဖြစ်လာကာ စက်ရုပ်စစ်ပွဲတစ်ခု အစပျိုးလာ ကြောင်း ကျွမ်းကျင်သူများက သုံးသပ်ထားသည်ဟု ရိုက်တာမှ ဖော်ပြခဲ့သည်။

ရုရှား၏ ကျူးကျော်စစ် စတင်ခဲ့ပြီးနောက် ယူကရိန်းကာကွယ်ရေးကဏ္ဍ အလျင်အမြန် ဖွံ့ဖြိုးလာခဲ့သည်။

လက်ရှိတွင် ဒရုန်းများ ထိန်းချုပ်မှုကို နှောင့်ယှက်သည့် ကိရိယာ(drone signal jammer) ၊ ဒရုန်းများနှင့် စက်ရုပ် များကဲ့သို့ နည်းပညာသစ်များဆိုင်ရာ လိုအပ်ချက် ပိုမိုမြင့်မားလာခဲ့သည်။

နည်းပညာသည် စစ်ပွဲတွင် အဓိကအခန်းကဏ္ဍမှ ပါဝင်လာကာ တိုက်ခိုက်မှု ပုံစံများကို ပြောင်းလဲလာစေသည်။

ယူရီရှယ်မွတ်(Yuriy Shelmuk)အမည်ရှိ အမျိုးသားသည် drone signal jammer တီထွင်ထုတ်လုပ်သည့် Unwave ကုမ္ပဏီကို တွဲဖက်တည်ထောင်သူဖြစ်ကာ ၎င်း၏ကုမ္ပဏီသည် အစပိုင်းတွင် အာရုံစိုက်မခံခဲ့ရကြောင်း ပြောပြခဲ့သည်။

သို့သော် ယူကရိန်း၏ တန်ပြန်စစ်ဆင်ရေး ကျရှုံးခဲ့ပြီးနောက် ၂၀၂၃ ခုနှစ်တွင် အရာအားလုံး ပြောင်းလဲလာခဲ့ကာ ယူကရိန်းအနေဖြင့် ကောင်းကင်ထက်တွင် ရုရှား၏ဒရုန်းများကို ပစ်မှတ်ထား ဟန့်တားနိုင်ခဲ့သည်။

"ဈေးသက်သာတဲ့ ဒရုန်းဖျက်ကိရိယာတွေက ကျနော်တို့တွေအပေါ် တိုက်ခိုက်မှုတွေ အားလုံးကို ဟန့်တားပေး ခဲ့ပါတယ်"ဟု ရှယ်မွတ်က ပြောကြားခဲ့သည်။

လက်ရှိတွင် Unwave သည် လစဉ် jammer ပေါင်း ၂၅၀၀ ထုတ်လုပ်လျက်ရှိသည်။

ယူကရိန်း၏ ကာကွယ်ရေးကဏ္ဍတွင် ကုမ္ပဏီပေါင်း ၈၀၀ ကျော် ပါဝင်လာခဲ့ပြီး အများစုမှာ ရုရှား၏ ကျူးကျော်စစ် စတင်ပြီးနောက် ပေါ်ပေါက်လာခဲ့ခြင်းဖြစ်သည်။

ထိုကုမ္ပဏီများမှ အများစုသည် ဒရုန်းများ၊ AI နှင့် အဝေးထိန်းယာဉ်များကို အာရုံစိုက် တီထွင်ထုတ်လုပ် လျက်ရှိသည်။

ယူကရိန်းနှင့် ရုရှား နှစ်နိုင်ငံလုံးသည် ယခုနှစ်အတွင်း ဒရုန်း ၁ ဒသမ ၅ သန်း ထုတ်လုပ်ဖွယ်ရှိကာ ထိုဒရုန်းများ သည် သေးငယ်ပြီး ကုန်ကျစရိတ်အားဖြင့် ဒေါ်လာ ရာဂဏန်းသာရှိသည်။

ထိုဒရုန်းများသည် ကင်းထောက်လှမ်းရေးနှင့် တိုက်ခိုက်ရေးတို့တွင် အထောက်အကူ ဖြစ်စေသည်။

ယူကရိန်းသည် စစ်ပွဲတွင် အထောက်အကူဖြစ်စေရန် စက်ရုပ်များ စတင် အသုံးပြုလာခဲ့သည်။

ထိုစက်ရုပ်များသည် ထောက်ပံ့ရေးပစ္စည်းများ သယ်ဆောင်မှု၊ ဒဏ်ရာရ လူနာများကို ရွှေ့ပြောင်းမှုတို့တွင် အထောက်အကူဖြစ်စေပြီး လက်နက် ထုတ်လုပ်မှုတွင်လည်း အကူအညီဖြစ်စေသည်။

စစ်တပ်ခေါင်းဆောင်များကမူ လက်ရှိတွင် စစ်ပွဲသည် စစ်သားများကို ထည့်သွင်း၍ အထိခိုက် မခံတော့ဘဲ အဝေးမှနေ၍ နည်းပညာအသုံးပြုပြီး တိုက်ခိုက်သည့် စစ်ပွဲတစ်ရပ် ဖြစ်လာလိမ့်မည်ဟု ပြောကြားခဲ့သည်။

Source: ရိုက်တာ

ပုံ - ဒရုန်းဟန့်တားသည့် jammer များထုတ်လုပ်နေစဉ်

Credit - MI News

#သတင်းဟင်းလေးအိုးကြီး

Read More

ပရိုတင်းဓာတ်မြင့်မားစွာပါဝင်တဲ့ အစားအသောက်များ ..


#ironvibes

ပရိုတင်းဓာတ်မြင့်မားစွာပါဝင်တဲ့ အစားအသောက်များ ..


#ironvibes

ပရိုတင်းဓာတ်မြင့်မားစွာပါဝင်တဲ့ အစားအသောက်များ ..


#ironvibes

YBS 18 ယာဉ်လိုင်းကို စီးတီးဘတ်စ်ယာဉ်ကြီးဖြင့် နိုဝင်ဘာ တတိယအပတ်တွင် စတင်ပြေးဆွဲမည်

နိုဝင်ဘာ ၁၉

မင်္ဂလာဒုံမြို့နယ် လှော်ကားလမ်းခွဲ(ဂိတ်ရင်း)-ယဉ်ကျေးမှုတက္ကသိုလ်(ဂိတ်ဖျား) ပြေးဆွဲနေသည့် YBS 18 ခရီးသည်တင်ယာဉ်လိုင်းကို စီးတီးဘတ်စ်ယာဉ်ကြီးများ အသုံးပြု၍ နိုဝင်ဘာ ၂၇ ရက်မှ စတင်ပြေးဆွဲပေးမည်ဖြစ်ကြောင်း ရန်ကုန်တိုင်းဒေသကြီး ပုဂ္ဂလိကသယ်ယူပို့ဆောင်ရေးကြီးကြပ်မှုကော်မတီ (YRTC) မှ သိရသည်။

အဆိုပါယာဉ်လိုင်းသည် ယခင်က မီနီဘတ်စ်ယာဉ်များဖြင့် ပြေးဆွဲခဲ့သော်လည်း နောက်ပိုင်းတွင် ယာဉ်လိုင်းနံပါတ်သာရှိပြီး ယာဉ်ပြေးဆွဲမှုမရှိတော့သဖြင့် ၎င်းယာဉ်လိုင်းကို အသုံးပြုနေသော ခရီးသည်များ၏ အခက်အခဲပြေလည်စေရန်အတွက် ယာဉ်လိုင်းကုမ္ပဏီများနှင့် YRTC မှ တာဝန်ရှိသူများက ညှိနှိုင်းကြပြီး ခေတ်သစ်ဘုရင့်နောင် အများနှင့်သက်ဆိုင်သော ကုမ္ပဏီလီမိတက်မှ စီးတီးဘတ်စ်ယာဉ်များဖြင့် ပြေးဆွဲရန် စီစဥ်ခဲ့ခြင်းဖြစ်သည်။

ထိုသို့ စီးတီးဘတ်စ်ယာဉ်များဖြင့် ပြေးဆွဲပေးမည့် ခရီးစဉ်လမ်းကြောင်းမှာ မင်္ဂလာဒုံမြို့(ဂိတ်ရင်း) လှော်ကားလမ်းခွဲ - ထောက်ကြံ့လမ်းဆုံ - ဝါယာလက် - မင်္ဂလာဒုံစျေး- ခရေပင်လမ်းခွဲ- အမှတ်(၃)လမ်းဆုံ - အောင်မင်္ဂလာ (အဝေးပြေး)- (၆)ကွေ့ -သုဓမ္မာလမ်း - မြေက်ဥက္ကလာပအဝိုင်း-ဘေလီ - စံပြဈေး - တောင်မြောက်လမ်းဆုံ- ယဉ်ကျေးမှုတက္ကသိုလ်- (ဂိတ်ဖျား)တို့ဖြစ်ကြောင်း သိရသည်။

Credit - MHT News
#သတင်းဟင်းလေးအိုးကြီး

Read More

ဒီမိုကရေစီအရေးတက်ကြွလှုပ်ရှားသူ ၄၅ ဦးကို ဟောင်ကောင်တရားရုံးက ထောင်ဒဏ်ချမှတ်

နိုဝင်ဘာ ၁၉

တစ်ချိန်တုန်းက ဒီမိုကရေစီထွန်းကားပြီး ရှင်သန်တက်ကြွခဲ့တဲ့ ဟောင်ကောင်မှာ တရားရုံးချုပ်က ဒီမိုကရေစီအ ရေးတက်ကြွလှုပ်ရှားသူ ၄၅ ဦးကို နိုဝင်ဘာ ၁၉ ရက်နေ့ (အင်္ဂါနေ့) က ထောင်ဒဏ် ၁၀ နှစ်အထိ ပြစ်ဒဏ်ချ မှတ်လိုက်တဲ့အတွက် အမေရိကန်နဲ့ တခြားနိုင်ငံအသီးသီးက ပြစ်တင်ဝေဖန်လိုက်ပါတယ်။

ဟောင်ကောင်မြို့ကြီးမှာ အဖျက်အမှောင့်လုပ်ငန်းဆောင်ရွက်ဖို့ ကြံစည်တယ်ဆိုတဲ့စွဲချက်နဲ့ တရုတ်အစိုးရက ပြ ဋ္ဌာန်းထားတဲ့ အမျိုးသားလုံခြုံရေးဥပဒေအရ ၂၀၂၁ ခုနှစ်မှာ ဒီမိုကရေစီအရေးတက်ကြွလှုပ်ရှားသူ စုစုပေါင်း ၄၇ ဦးကို ဖမ်းဆီးပြီး စွဲချက်တင်ခဲ့ရာ တစ်သက်တစ်ကျွန်းပြစ်ဒဏ်အထိ ကျခံရမယ့် အခြေအနေနဲ့ ရင်ဆိုင်နေရပါ တယ်။

တက်ကြွလှုပ်ရှားသူအဖွဲ့ကို စည်းရုံးစုစည်းသူအဖြစ် ဥပဒေပညာရှင်ဟောင်း (ဟောင်ကောင်တက္ကသိုလ် ဥပဒေ ပါမောက္ခဟောင်း) ဘန်နီထိုင်းကို ထောင်ဒဏ် ၁၀ နှစ် ပြစ်ဒဏ်ချမှတ်လိုက်တဲ့အတွက် ဒီကနေ့အချိန်အထိ ၂၀၂၀ ပြည့်နှစ် အမျိုးသားလုံခြုံရေးဥပဒေအရ ပြစ်ဒဏ်ချမှတ်ခဲ့သူတွေထဲမှာ အမြင့်ဆုံး ပြစ်ဒဏ်ချမှတ်ခံရတာ ဖြစ်ပါတယ်။

တရားရုံးကြားနာစစ်ဆေးမှုဟာ နိုင်ငံရေးအရ ဆောင်ရွက်နေတာဖြစ်ကြောင်း အနောက်နိုင်ငံအစိုးရတချို့က ဝေ ဖန်လိုက်ပြီး ဒီမိုကရေစီလိုလားသူတွေဟာ နိုင်ငံရေးလုပ်ငန်းတွေမှာ ဥပဒေနဲ့အညီ ငြိမ်းချမ်းစွာပါဝင် ဆောင်ရွက် ခဲ့တာဖြစ်တဲ့အတွက် ၎င်းတို့ကို ပြန်လည်လွှတ်ပေးသင့်ကြောင်း ပြောဆိုလိုက်ပါတယ်။

၂၀၁၉ ခုနှစ် ဒီမိုကရေစီလိုလားတဲ့ ဆန္ဒပြပွဲတွေ အကြီးအကျယ်ဖြစ်ပွာပြီးနောက် ငြိမ်ဝပ်ပိပြားရေးအတွက် အ မျိုးသားလုံခြုံရေးဥပဒေကို ပြဋ္ဌာန်းခဲ့တာဖြစ်ပြီး ဒီမိုကရေစီလိုလားသူတွေကို ဒေသတွင်း ဥပဒေတွေနဲ့အညီ ကိုင် တွယ်ဆက်ဆံခဲ့ကြောင်း တရုတ်နဲ့ ဟောင်ကောင်အစိုးရတွေက ပြောဆိုလိုက်ပါတယ်။

စွဲချက်တွေက ဥပဒေပြုရွေးကောက်ပွဲတစ်ခုအတွက် အကောင်းဆုံးအမတ်လောင်းတွေ ရွေးချယ်ဖို့ ၂၀၂၀ ပြည့် နှစ်မှာ တရားမဝင် အကြိုရွေးကောက်ပွဲတစ်ခု စီစဉ်ခဲ့မှုနဲ့ ဆက်စပ်နေပါတယ်။

အစိုးရရှေ့နေတွေရွေးချယ်ခံရရင် အနှောင့်အယှက်ပေးဖို့ ပြင်ဆင်ဆောင်ရွက်နေခြင်းအားဖြင့် အစိုးရလုပ်ငန်း တွေ ပုံမှန်အတိုင်းမလည်ပတ်နိုင်အောင် ဟန့်တားနှောင့်ယှက်ဖို့ ကြံစည်နေတယ်ဆိုတဲ့စွဲချက်နဲ့ တက်ကြွလှုပ် ရှားသူတွေကို စွဲချက်တင်ထားတာဖြစ်ပါတယ်။

တရားရုံးမှာ ၁၁၈ ရက်ကြာ ကြားနာစစ်ဆေးပြီးနောက် သြစတေးလျနိုင်ငံသား ဂေါ်ဒွန်ငါနဲ့ တက်ကြွလှုပ်ရှားသူ အိုဝန်ချောင်အပါအဝင် ဒီမိုကရေစီလိုလားသူ ၁၄ ဦးကို မေလက အပြစ်ရှိကြောင်း သတ်မှတ်ခဲ့ပါတယ်။

ကျန် ၃၁ ဦးကလည်း အပြစ်ရှိကြောင်း ဝန်ခံခဲ့တယ်လို့ ဆိုပါတယ်။

ပြစ်ဒဏ်ချမှတ်မှုနဲ့ပတ်သက်ပြီး အလွန်အမင်းစိုးရိမ်ပူပန်မိကြောင်း သြစတေးလျနိုင်ငံခြားရေးဝန်ကြီး ပန်နီဝေါင်း က ပြောကြားလိုက်ပြီး လွတ်လပ်စွာပြောဆိုခွင့်၊ စုဝေးလှည့်လည်ခွင့်၊ မီဒီယာနဲ့ အရပ်ဖက်လူမှုအဖွဲ့အစည်းတွေ ရဲ့ လွတ်လပ်ခွင့်တွေကို ဖိနှိပ်ချုပ်ခြယ်နေတာတွေကို ရပ်ဆိုင်းဖို့ တရုတ်အစိုးရကို တောင်းဆိုလိုက်ပါတယ်။

တက်ကြွလှုပ်ရှားသူတွေကို ချမှတ်လိုက်တဲ့ ထောင်ဒဏ်အသီးသီးကတော့ ထောင်ဒဏ် ၄ နှစ်ကနေ ၁၀ နှစ်အထိ ဖြစ်ပါတယ်။

Ref: Hong Kong Jails 45 Democracy Activists in Landmark National Security Trial

#centralnewsnaypyitaw

Read More