မဟာအောင်မြေမြို့နယ်ရှိ ဖုန်းဆိုင်တစ်ဆိုင်တွင် ဓားထောက်လုယက်သည့် အမျိုးသမီးတစ်ဦး ဖမ်းဆီးရမိ
နိုဝင်ဘာ ၁၈
မန္တလေးတိုင်းဒေသကြီး၊ မဟာအောင်မြေမြို့နယ်၊ မဟာမြိုင် (၁)ရပ်ကွက်၊ ၆၉ လမ်း၊ ၃၈×၃၉ လမ်းကြားရှိ POWER KAW LIN ဖုန်းအရောင်းဆိုင်တွင် ဓားထောက်လုယက်သည့် အမျိုးသမီးတစ်ဦး ဖမ်းဆီးရမိခဲ့ကြောင်း သိရသည်။
နိုဝင်ဘာလ (၁၈)ရက် နံနက် (၉)နာရီ (၁၅)မိနစ်အချိန်က POWER KAW LIN ဖုန်းဆိုင်အတွင်းသို့ အသက် (၂၃)နှစ်အရွယ် မမိုးပွင့်ဖြူ မင်းလှဇာတိ၊ မြောက်ဒဂုံမြို့နယ်၊ ရန်ကုန်တိုင်းဒေသကြီးနေသူ ရောက်ရှိလာပြီး Kpay သိန်း (၅၀) ထုတ်ချင်ကြောင်းပြောရာ ဆိုင်ဝန်ထမ်းများမှ ဘဏ်သွားထုတ်ရန် ပြောဆိုခဲ့ကြောင်းနှင့် ၎င်းနောက် မမိုးပွင့်ဖြူမှ ၎င်းဖုန်းအား စစ်ဆေးပေးရန်ပြသခဲ့ကြောင်း သိရသည်။
ယင်းနောက်တွင် ဆိုင်ဝန်ထမ်းမှ ဖုန်းအား ကြည့်ပေးနေစဉ် မမိုးပွင့်ဖြူက ဓားဖြင့်လှမ်းထိုးခဲ့သဖြင့် ဆိုင်ဝန်ထမ်းများ ထွက်ပြေးပြီး မမိုးပွင့်ဖြူအား ဆိုင်ထဲတွင် တံခါးအားပိတ်ထားခဲ့ကြောင်း သိရသည်။
ယင်းအတွက်ကြောင့် မမိုးပွင့်ဖြူအား လုံခြုံရေးတပ်ဖွဲ့ဝင်များမှ သွားရောက်ဖမ်းဆီးခဲ့ပြီး အမှုဖွင့် အရေးယူနိုင်ရေးအတွက် ဆောင်ရွက်လျက်ရှိကြောင်း သိရသည်။
#centralnewsnaypyitaw
