မော်လမြိုင်မြို့ရှောင်လမ်းတွင် ကုန်တင်ယာဥ်နှင့် ဆိုင်ကယ်တိုက်မိရာ တစ်ဦးသေဆုံး၊ တစ်ဦးဒဏ်ရာရ

ဒီဇင်ဘာ ၁၆

မော်လမြိုင်မြို့ရှောင်လမ်း၊ မြေနီကုန်းကားဝင်းအရှေ့တွင် ကုန်တင်ယာဥ်နှင့်ဆိုင်ကယ်တိုက်မိရာ တစ်ဦးသေဆုံး၊ တစ်ဦးဒဏ်ရာရရှိကြောင်း သိရသည်။

ဒီဇင်ဘာလ ၁၄ ရက် ည ၆ နာရီ ၁၀ မိနစ်အချိန်တွင် ယာဥ်တိုက်မိကြောင်း သတင်းရရှိသောကြောင့် ရာမညအရေးပေါ်လူမှုကယ်ဆယ်ရေးနှင့်ဘိုဘိုဝင်းအရေးပေါ်လူမှုကယ်ဆယ်ရေးအသင်းတို့မှ ဖြစ်စဥ်နေရာသို့ သွားရောက်ခဲ့ကြောင်း သိရသည်။


"ကားရဲ့ဘယ်ဘက်ခြမ်းနဲ့ဆိုင်ကယ်တိုက်မိတာ။ ဆိုင်ကယ်မောင်းတဲ့သူ အမျိုးသားက ပွဲချင်းပြီး။ ဆိုင်ကယ်နောက်ကလိုက်တဲ့သူ အမျိုးသားလည်း ဒဏ်ရာရတယ်။ ကားမောင်းတဲ့သူလည်းရှိတယ်" လို့ ရာမညအရေးပေါ်လူမှုကယ်ဆယ်ရေးအသင်းမှ တာဝန်ရှိသူတစ်ဦးမှ ပြောသည်။


ထိုအခင်းနေရာတွင် သေဆုံးသူအမျိုးသားမှာ အသက် ( ၅၀) ကျော်ရှိကြောင်း ရုပ်အလောင်းကို ရာမညအရေးပေါ်လူမှုကယ်ဆယ်ရေးအသင်းမှ မော်လမြိုင်ဆေးရုံသို့ ပို့ဆောင်လိုက်ကြောင်း၊ ဒဏ်ရာရရှိသူအမျိုးသားကို ဘိုဘိုဝင်းအရေးပေါ်ကယ်ဆယ်ရေးအသင်းတို့မှ ပူးပေါင်း၍ ဆေးရုံသို့ ပို့ဆောင်လိုက်ကြောင်း သိရသည်။

Photo -Credit

#centralnewsnaypyitaw

ဘဝမှာစိတ်ရင်းအမှန် နဲ့ ကူညီ တဲ့သူမရှိသလောက်ပါဘဲ။

မြန်မာနိုင်ငံသား ငါးဖမ်းသမား ၆ ဦးကို ထိုင်းနိုင်ငံက လက်တုံ့ပြန် ဖမ်း​ဆီ

ဒီဇင်ဘာ ၁၆

မြန်မာ့ရေပိုင်နက်တွင် ငါးခိုးဖမ်းသူ ထိုင်းနိုင်ငံသားလေးဦးကို ပြန်လွှတ်ရေးလုပ်ငန်းစဥ်မပြီးပြတ်သေးသည့်အချိန်တွင် ထိုင်းနိုင်ငံက မြန်မာနိုင်ငံသားငါးဖမ်းလုပ်သား ၆ ဦးကို လက်တုံ့ပြန် ဖမ်း​ဆီးလိုက်သည်။

မြန်မာနိုင်ငံမှ ငါးဖမ်းရေယာဉ် ပြည့်ဖြိုးလှိုင် – ၁၈ နှင့် မြန်မာနိုင်ငံသား ခြောက်ဦးကို တရားမဝင် ရေထွက်ကုန်များ မှောင်ခို သယ်ဆောင်မှုဖြင့် ရနောင်းမြို့တွင် ဖမ်းဆီးခဲ့ကြောင်း Thai Enquirer က ဒီဇင်ဘာ ၁၄ ရက်တွင် ဖော်ပြမှုအရ သိရသည်။

အဆိုပါ ပြည့်ဖြိုးလှိုင် – ၁၈ ငါးဖမ်းသင်္ဘောပေါ်တွင် တင်သွင်းခွင့် မရှိသော အလေးချိန် တန် ၄၀ ခန့်ရှိ ဆားထုပ် အိတ် ၂၀၀၀ ခန့် သိမ်းဆည်းရမိခဲ့ကြောင်းနှင့် မြန်မာသင်္ဘောသားခြောက်ဦးအား ပက်နမ်ရနောင်း ရဲစခန်းတွင် ထိန်းသိမ်းထားကြောင်း သိရသည်။

ပြီးခဲ့သည့် နိုဝင်ဘာ ၃၀ ရက်က ထိုင်း ဆွဲပိုက်ချ ငါးဖမ်းသင်္ဘောဖြစ်သည့် Sor Charoenchai 8 ပေါ် ထိုင်း နိုင်ငံသားလေးဦးနှင့် မြန်မာနိုင်ငံ သား ၂၇ ဦး လိုက်ပါလာပြီး အခြားသင်္ဘောများနှင့်အတူ မြန်မာ့ရေပိုင်နက်အတွင်း ဝင်ရောက်ကာ ငါးခိုးဖမ်းနေချိန် မြန်မာရေတပ် စစ်သင်္ဘောတစ်စီးနှင့်တွေ့ပြီး သတိပေးချိန် ထွက်ပြေးတာကြောင့် ခြောက်လှန့်ပစ်ခတ်ခဲ့မှုနှင့် မြန်မာ့ရေပိုင်နက်အတွင်း ဖမ်းဆီးမိခဲ့သော်လည်း ထိုင်းနိုင်ငံ၏ တောင်းဆိုမှုအရ ငါးခိုးဖမ်းသူထိုင်းနိုင်ငံသားလေးဦးကို ပြည်နှင်ဒဏ်ပေး ပြန်လွှတ်ရန် လုပ်ဆောင်နေသော်လည်း လုပ်ငန်းစဥ်မပြီးပြတ်မှုကြောင့် နှောင့်နှေးနေသည်။

ထိုင်းငါးဖမ်းသမားလေးဦး ပြန်လည်လွတ်မြောက်ရေးအတွက် ထိုင်းနိုင်ငံ၊ နိုင်ငံခြားရေးဝန်ကြီးဌာန ဝန်ကြီး မာရစ် ဆန်ဂီရမ်ပွန်ဆာက မြန်မာနိုင်ငံဆီ လာရောက်ပြီး တာဝန်ရှိသူများနှင့် ဒီဇင်ဘာလ ၁၉ ရက်တွင် တွေ့ဆုံဆွေးနွေးမည်ဟုလည်း သိရသည်။

Ref, Thai Enquirer

Credit - MT News Agency

https://t.me/MT_News_Media/50597

#သတင်းဟင်းလေးအိုးကြီး

စားအုန်းဆီ အခြေခံလက်ကား ရည်ညွှန်းဈေးနှုန်း အနည်းငယ်ထပ်မံကျဆင်း

ဒီဇင်ဘာ ၁၆

ယခုအပတ်အတွင်း ကမ္ဘာ့စားအုန်းဆီထုတ်လုပ်တင်ပို့သည့် နိုင်ငံများတွင် ဈေးကွက်နှင့်ဈေးနှုန်းဖြစ်ပေါ်မှုများအရ ဒီဇင်ဘာ ၁၆ ရက်မှ ၂၂ ရက်အထိ ရန်ကုန်အထိုင်ဈေး အခြေခံလက်ကားရည်ညွှန်းဈေးနှုန်းမှာ စားအုန်းဆီတစ်ပိဿာလျှင် ၇၂၅၀ ကျပ်ဖြစ်ကြောင်း ထုတ်ပြန်ထားသည်။

အဆိုပါဈေးနှုန်းသည် ကမ္ဘာ့စားအုန်းဆီထုတ်လုပ်တင်ပို့သည့် နိုင်ငံများ၌ ဖြစ်ပေါ်နေသော ဈေးကွက်နှင့် ဈေးနှုန်းများအရ သတ်မှတ်ထားခြင်းဖြစ်ပြီး ယခင်တစ်ပတ်ကရည်ညွှန်းဈေးနှုန်းမှာ ၇၂၅၅ ကျပ် ဖြစ်ခဲ့သဖြင့် ယခုတစ်ပတ်တွင် ငွေ ၅ ကျပ် ကျဆင်းလာခဲ့သည်ကို တွေ့ရသည်။

အဆိုပါ စားအုန်းဆီများကို ပြည်တွင်းဈေးကွက်အတွင်း ဈေးနှုန်းမြှင့်တင်ရောင်းချခြင်း၊ ဈေးကစားရန် ရည်ရွယ်ချက်ဖြင့် သိုလှောင်ခြင်းအပါအဝင် မသမာသည့် လုပ်ဆောင်မှုများပြုလုပ်ပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက်သွားမည်ဖြစ်ကြောင်းလည်း အသိပေးထုတ်ပြန်ထားသည်။

#centralnewsnaypyitaw

"အနာဂတ်လူတော်လူကောင်းတွေ မွေးထုတ်ပေးမယ့် လက်တစ်စုံ သိဖို့ရာ "

မိဘတိုင်းကတော့ ကိုယ့်ရင်သွေးငယ်တွေကိုလူတကာထက် တော်စေ၊တတ်‌စေချင်ကြတာ အမှန်ပါပဲ။အခုမှဖေဖေမေမေ စဖြစ်တဲ့သူတွေမှာလဲ သားသမီးတွေကိုဆုံးမရာမှာ စိတ်ညစ်စရာတွေ
ရှိကောင်း ရှိနေနိုင်ပါတယ်။မြန်မာမိဘ အများစုရဲ့ အယူအဆမှာတော့ အမှားလုပ်တာနဲ့ ရိုက်တတ်ကြပါတယ်။ ရိုက်လိုက်တာနဲ့ ခေါင်းထဲစွဲသွားမယ်ဆိုတဲ့ အယူအဆအမှားတွေကို ကျင့်သုံးမှန်းမသိ ကျင့်သုံးနေကြတာပါ။

အဲ့ဒီလို ရိုက်တဲ့အခါ နုနယ်တဲ့အချိန်မှာ ဖြတ်သန်းရတဲ့ အကြောင်းအရာတွေကြောင့် ကလေးရဲ့စိတ်အတွင်းပိုင်းမှာတော့ ကြောက်စိတ်နဲ့သာ မှတ်မိခဲ့တဲ့ မှတ်ဉာဏ်မျိုးအဖြစ် တသက်လုံးစာ ရောက်ရှိသွားနိုင်ပါတယ်။ကလေးတွေက မလုပ်သင့်တာကို ကွဲကွဲပြားပြားသိတာမျိုးမဟုတ်ပဲ မိဘတွေက ရိုက်လို့ ကြောက်စိတ်နဲ့ မှတ်သားထားခြင်းမျိုးဖြစ်နေတာပါ။

အထူးသဖြင့် ‌သားယောက်ျားလေး
ပိုင်ဆိုင်ထားသူတွေမှာ အဖြစ်များလေ့ရှိပြီး အလွန်အကြူး မဖြစ်အောင်နဲ့ မလွတ်ထွက်သွား အောင် အောက်ပါဆောင်ရန်၊ရှောင်ရန် အချက်တွေကို သိထားပြီး ညီညီမျှမျှ ပြုပြင်ထိန်းသိမ်းသင့်ပါတယ်။

💥*တင်းလွန်းတဲ့ကြိုးကပြတ်တတ်ပါတယ်*မိဘကိုကြောက်ရလွန်းတဲ့ လူငယ်တစ်ယောက်ဟာ စိတ်ထွက်ပေါက်ရှိတဲ့အရာတွေကို လက်တည့်စမ်းလာနိုင်ပါတယ်။

💥ကလေးတွေ သိမြင်နားလည်စေဖို့
စိတ်ရှည်ရှည်ထားပြီး ရှင်းပြသင့်ပါတယ်။မလုပ်သင့်မလုပ်ထိုက်တာကို မလုပ်ဖို့အတွက် အသေအချာ နားချတာမျိုးတွေပါ။

💥ဥပမာပေး ဆုံးမတာမျိုး လေသံမမာဘဲ
ဒီလိုလုပ်ရင် ဒီလိုဖြစ်တတ်ကြောင်း မျက်လုံးထဲမြင်ယောင်လာအောင် ဥပမာပေး ဆုံးမသင့်ပါတယ်။

💥*အိုးကောင်းနာနာရိုက်*ဆိုတဲ့ စကားပုံ
ရှိပေမယ့် အရိုက်လွန်ရင်ကွဲတတ်ပါတယ်။ အော်ငေါက်ဆုံးမခြင်းက ကလေးကိုအရိုင်းစိတ်ဝင်သလိုဖြစ်စေပြီး ကလန်ကဆန်လုပ်တာတွေ ပုံစံတူ အော်ဟစ်တာမျိုးတွေဖြစ်လာနိုင်ပါတယ်။

💥ပညာပေး ဇာတ်ကားတွေ ပြပေးခြင်း အားဖြင့်လည်း မဖြစ်သင့်တာတွေကို ကြိုတင်ကာကွယ် စေနိုင်ပါတယ်။

အနှစ်ချုပ် ဆိုရရင်တော့ မိဘတိုင်း သိထားသင့်တာက ဆူပူကြိမ်းမောင်းနေမယ့်အစား နားလည်အောင် ရှင်းပြခြင်းက ကလေးကိုတွေးခေါ်နိုင်စွမ်း မြင့်မားတဲ့ လူရည်ချွန်တစ်ဦးအဖြစ် ရှိနေစေမယ် ဆိုတာပါပဲ။

ဒါကြောင့် အခုလို အချက်တွေကို မိဘတိုင်းက သေချာစွာ အလေးထားလိုက်နာပြီး ထိန်းမတ်ပြုပြင်ခြင်းဖြင့် အနာဂတ်ရဲ့ သိတတ်လိမ္မာတဲ့ လူချွန်လူကောင်းလေးတွေ ပိုင်ဆိုင်နိုင်အောင် ပျိုးထောင်နိုင်ကြပါစေလို့ တောင်းဆုပြုလိုက်ရပါတယ်ခင်ဗျာ။

#babyfirsts

ဒီဇင်ဘာ ၁၆ ရက်နေ့ စက်သုံးဆီစျေးနှုန်းများ

#centralnewsnaypyitaw

ဒီဇင်ဘာ ၁၆ ရက်နေ့ စက်သုံးဆီစျေးနှုန်းများ

#သတင်းဟင်းလေးအိုးကြီး