EPS – TOPIK စာမေးပွဲ အောင်မြင်ထားတဲ့ အမျိုးသမီးတွေ ဇန်နဝါရီလမှာ အလုပ်လျှောက်ထားနိုင်ပြီလို့ဆို
ဒီဇင်ဘာ ၂၄
EPS – TOPIK စာမေးပွဲ အောင်မြင်ထားတဲ့ အမျိုးသမီး တွေ ဇန်နဝါရီလမှာ အလုပ်လျှောက်ထားနိုင်ပြီးလို့ အစိုးရ ပြည်ပ အလုပ်အကိုင်အေဂျင်စီ POEA က ပြောဆိုထားပါတယ်။
တောင်ကိုရီးယားနိုင်ငံက ဝန်ဆောင်မှုလုပ်ငန်းတွေနဲ့ ကုန်ထုတ်လုပ်ငန်းတွေမှာ မြန်မာအမျိုးသမီး လုပ်သား ခေါ်ယူမှုကို EPS -Topik (၁၆) ကြိမ်မြောက်စာမေးပွဲမှာ ပထမဆုံးအကြိမ်ထည့်သွင်းကျင်းပခဲ့တာ ဖြစ်ပြီး အဲ့ဒီ စာမေးပွဲမှာ အမျိုးသမီး ၃၀၀၀ နီးပါး စာမေးပွဲ အောင်မြင်ထားတယ်လို့ သိရပါတယ်။
ဝန်ဆောင်မှုလုပ်ငန်း အုပ်စု (၁)အတွက် အလုပ်လျှောက်လွှာကို ဇန်နဝါရီ ၂ ရက်နေ့ ထုတ်ပေးမှာ ဖြစ်ပြီး ၈ ရက်နေ့မှာ လျှောက်လွှာလက်ခံသွားမှာလို့ POEA က ပြောပါတယ်။
ကုန်ထုတ်လုပ်ငန်း (ပထမ အသုတ်)အတွက်ကတော့ ဇန်နဝါရီ ၃ ရက်၊ ၆ ရက်နဲ့ ၇ ရက်နေ့ တွေမှာ ထုတ်ပေး သွားမှာဖြစ်ပြီး ဇန်နဝါရီ ၉ ရက်၊ ၁၀ ရက်နဲ့ ၁၃ ရက်တွေမှာတော့ လျှောက်လွှာ လက်ခံပေးသွားမှာလို့ ဆိုပါတယ်။
လျှောက်ထားမယ့်သူတွေအနေနဲ့ နိုင်ငံကူးလက်မှတ် စာအုပ် သက်တမ်းအနည်းဆုံး (၁)နှစ်နဲ့ အထက် ရှိဖို့ လိုအပ် တယ်လို့လဲ သိရပါတယ်။
လက်ရှိ တောင်ကိုရီးယားနိုင်ငံမှာ မြန်မာ လုပ်သား ၇၀၀၀၀ ကျော် ရောက်ရှိ အလုပ်လုပ်ကိုင်နေတယ်လို့လည်း မှတ်တမ်းတွေအရ သိရပါတယ်။
#centralnewsnaypyitaw
