#နိုင်ငံတကာသတင်း
◼ တရုတ်နှင့်ကုန်သွယ်ရေးဆွေးနွေးမှုများကို ထရန့်အကောင်းမြင်
အမေရိကန်နှင့်တရုတ်ကြား ယမန်နေ့က ဆွစ်ဇာလန်နိုင်ငံတွင် ပြုလုပ်ခဲ့သော ဆွေးနွေးမှုများအား အမေရိကန်သမ္မတ ဒေါ်နယ်ထရန့်က ချီးကျူးပြောကြားလိုက်ပြီး နှစ်ဖက်စလုံးက ရင်းနှီးသော အပြုသဘောဆောင်သော ပုံစံဖြင့် အလုံးစုံပြောင်းလဲမှုအတွက် ဆွေးနွေးညှိနှိူင်းခဲ့ကြသည်ဟု ပြောကြားသည်။
“ဆွစ်ဇာလန်မှာ တရုတ်နဲ့အလွန်ကောင်းတဲ့တွေ့ဆုံမှုလုပ်ခဲ့ပါတယ်။ အကြောင်းအရာ အများကြီးကိုဆွေးနွေးပြီး အများအပြားကိုလည်း သဘောတူခဲ့ကြပါတယ်။” ဟု ထရန့် က ၎င်း၏ Truth လူမှုကွန်ရက်ပေါ်၌ ရေးသားခဲ့သည်။
အမေရိကန် နှင့်တရုတ် နှစ်ဖက်စလုံးကောင်းကျိုးအတွက် အမေရိကန်စီးပွားရေးလုပ်ငန်းများအား တရုတ်က လမ်းဖွင့်‌ပေးသည်ကို မြင်ချင်ကြောင်း ထရန့်က ဆက်လက်ပြောကြားပြီး တိုးတက်မှုများစွာရရှိခဲ့ကြောင်း ပြောကြားသော်လည်း မည်သို့ ဆိုသည်ကို အကျယ်တဝင့်မပြောပေ။
ကမ္ဘာ့စီးပွားရေးကို အကြီးအကျယ်အထိနာစေနိုင်သော ကုန်သွယ်‌ရေးစစ်ပွဲအား ရှောင်ရှားနိုင်ရေး ရည်ရွယ်၍ အမေရိကန်နှင့်တရုတ် ထိပ်တန်းခေါင်းဆောင်များက ဂျီနီဗာမြို့တွင် ပထမနေ့အဖြစ် စတင်ဆွေးနွေးခဲ့ကြပြီး ယနေ့ ထပ်မံတွေ့ဆုံရန် စီစဉ်ထားကြကြောင်း ယင်းဆွေးနွေးမှုများနှင့် နီးစပ်သော သတင်းရင်းမြစ်တစ်ဦး က ရိုက်တာသတင်းအား ပြောကြားသည်။
တရုတ်ဒုတိယဝန်ကြီးချုပ် ဟီလီဖန်းဦးဆောင်သော အဖွဲ့ က အမေရိကန်ဘဏ္ဍာ‌ရေးဝန်ကြီး စကော့ဘက်ဆန့် ၊ ကုန်သွယ်‌‌‌ရေးကိုယ်စားလှယ် ‌‌ဂျေမီဆန်ဂရီယာ တို့အား ဂျီနီဗာမြို့တွင်‌ ရှစ်နာရီကြာ တွေ့ဆုံခဲ့ပြီး ယင်းမှာ နှစ်ဖက်စလုံးက တစ်ဖက်သား၏ ကုန်ပစ္စည်းများအပေါ် အခွန် ၁၀၀ ရာခိုင်နှုန်း‌‌ကျော် အပြန်အလှန် ချမှတ်ခဲ့ကြပြီးနောက် ပထမဆုံး မျက်နှာချင်းဆိုင် တွေ့ဆုံခြင်းဖြစ်သည်။
ကုလသမဂ္ဂဆိုင်ရာ ဆွစ်ဇာလန်သံအမတ်ကြီး၏ နေအိမ်၌ ပြုလုပ်ခဲ့သော အစည်းအဝေးကို ဒေသစံ‌တော်ချိန် ယမန်နေ့ည ၈ နာရီ အထိ ကျင်းပခဲ့သော်လည်း ယင်းတွင် ဆွေးနွေးခဲ့သောအကြောင်းအရာများနှင့် အခွန်လျှော့ချရေးအတွက် တိုးတက်မှုများ ရရှိခဲ့သည်လား ဆိုသည်ကို နှစ်ဖက်စလုံးက ထုတ်ပြန်ပြောကြားခြင်းမရှိကြောင်း ရိုက်တာသတင်းက ဖော်ပြသည်။
ဇန်နဝါရီလတွင် ဒုတိယအကြိမ် အမေရိကန်သမ္မတဖြစ်လာသော‌‌ ‌ဒေါ်နယ်ထရန့်က ဖေဖော်ဝါရီလမှစတင်ကာ တရုတ်ကုန်ပစ္စည်းများအပေါ် အခွန်များ တိုးမြှင့်ခဲ့ကာ တရုတ်ကလည်း လိုက်ဖက်ညီစွာ တုံ့ပြန်ခဲ့ပြီးနောက် ယခု ဆွေးနွေးပွဲများ ထွက်ပေါ်လာခြင်းဖြစ်သည်။
ယင်းအခွန်များကြောင့် နှစ်စဉ်ကုန်သွယ်မှု ကန်ဒေါ်လာ ၆၀၀ ဘီလီယံနီးပါးရှိသော ကမ္ဘာ့အကြီးဆုံးကုန်သွယ်ဘက်နှစ်နိုင်ငံကြားမှ ရောင်းဝယ်မှုများ ရပ်တန့်လုနီးပါးဖြစ်ခဲ့သည်။
ယင်းသို့ကုန်သွယ်ရေးအငြင်းပွားမှုနှင့် အခြားကမ္ဘာ့နိုင်ငံပေါင်းများစွာအပေါ် အခွန်ချမှတ်ရေး ထရန့်၏ ဆုံးဖြတ်ချက်ကြောင့် ကုန်ပစ္စည်းထောက်ပံ့မှုကွင်းဆက်များ ပြတ်တောက်ခြင်း ၊ ဘဏ္ဍာ‌‌ ရေးဈေးကွက်များမတည်မငြမ်ဖြစ်ခြင်း များ ဖြစ်ပေါ်ခဲ့ကာ ကမ္ဘာ့စီးပွားရေး တည်ငြိမ်မှုကိုလည်းခြိမ်းခြောက်နေခဲ့သည်။
သတင်း-ရဲမင်း
ကိုးကား-Reuters

#နိုင်ငံတကာသတင်း
◼ တရုတ်နှင့်ကုန်သွယ်ရေးဆွေးနွေးမှုများကို ထရန့်အကောင်းမြင်
အမေရိကန်နှင့်တရုတ်ကြား ယမန်နေ့က ဆွစ်ဇာလန်နိုင်ငံတွင် ပြုလုပ်ခဲ့သော ဆွေးနွေးမှုများအား အမေရိကန်သမ္မတ ဒေါ်နယ်ထရန့်က ချီးကျူးပြောကြားလိုက်ပြီး နှစ်ဖက်စလုံးက ရင်းနှီးသော အပြုသဘောဆောင်သော ပုံစံဖြင့် အလုံးစုံပြောင်းလဲမှုအတွက် ဆွေးနွေးညှိနှိူင်းခဲ့ကြသည်ဟု ပြောကြားသည်။
“ဆွစ်ဇာလန်မှာ တရုတ်နဲ့အလွန်ကောင်းတဲ့တွေ့ဆုံမှုလုပ်ခဲ့ပါတယ်။ အကြောင်းအရာ အများကြီးကိုဆွေးနွေးပြီး အများအပြားကိုလည်း သဘောတူခဲ့ကြပါတယ်။” ဟု ထရန့် က ၎င်း၏ Truth လူမှုကွန်ရက်ပေါ်၌ ရေးသားခဲ့သည်။
အမေရိကန် နှင့်တရုတ် နှစ်ဖက်စလုံးကောင်းကျိုးအတွက် အမေရိကန်စီးပွားရေးလုပ်ငန်းများအား တရုတ်က လမ်းဖွင့်‌ပေးသည်ကို မြင်ချင်ကြောင်း ထရန့်က ဆက်လက်ပြောကြားပြီး တိုးတက်မှုများစွာရရှိခဲ့ကြောင်း ပြောကြားသော်လည်း မည်သို့ ဆိုသည်ကို အကျယ်တဝင့်မပြောပေ။
ကမ္ဘာ့စီးပွားရေးကို အကြီးအကျယ်အထိနာစေနိုင်သော ကုန်သွယ်‌ရေးစစ်ပွဲအား ရှောင်ရှားနိုင်ရေး ရည်ရွယ်၍ အမေရိကန်နှင့်တရုတ် ထိပ်တန်းခေါင်းဆောင်များက ဂျီနီဗာမြို့တွင် ပထမနေ့အဖြစ် စတင်ဆွေးနွေးခဲ့ကြပြီး ယနေ့ ထပ်မံတွေ့ဆုံရန် စီစဉ်ထားကြကြောင်း ယင်းဆွေးနွေးမှုများနှင့် နီးစပ်သော သတင်းရင်းမြစ်တစ်ဦး က ရိုက်တာသတင်းအား ပြောကြားသည်။
တရုတ်ဒုတိယဝန်ကြီးချုပ် ဟီလီဖန်းဦးဆောင်သော အဖွဲ့ က အမေရိကန်ဘဏ္ဍာ‌ရေးဝန်ကြီး စကော့ဘက်ဆန့် ၊ ကုန်သွယ်‌‌‌ရေးကိုယ်စားလှယ် ‌‌ဂျေမီဆန်ဂရီယာ တို့အား ဂျီနီဗာမြို့တွင်‌ ရှစ်နာရီကြာ တွေ့ဆုံခဲ့ပြီး ယင်းမှာ နှစ်ဖက်စလုံးက တစ်ဖက်သား၏ ကုန်ပစ္စည်းများအပေါ် အခွန် ၁၀၀ ရာခိုင်နှုန်း‌‌ကျော် အပြန်အလှန် ချမှတ်ခဲ့ကြပြီးနောက် ပထမဆုံး မျက်နှာချင်းဆိုင် တွေ့ဆုံခြင်းဖြစ်သည်။
ကုလသမဂ္ဂဆိုင်ရာ ဆွစ်ဇာလန်သံအမတ်ကြီး၏ နေအိမ်၌ ပြုလုပ်ခဲ့သော အစည်းအဝေးကို ဒေသစံ‌တော်ချိန် ယမန်နေ့ည ၈ နာရီ အထိ ကျင်းပခဲ့သော်လည်း ယင်းတွင် ဆွေးနွေးခဲ့သောအကြောင်းအရာများနှင့် အခွန်လျှော့ချရေးအတွက် တိုးတက်မှုများ ရရှိခဲ့သည်လား ဆိုသည်ကို နှစ်ဖက်စလုံးက ထုတ်ပြန်ပြောကြားခြင်းမရှိကြောင်း ရိုက်တာသတင်းက ဖော်ပြသည်။
ဇန်နဝါရီလတွင် ဒုတိယအကြိမ် အမေရိကန်သမ္မတဖြစ်လာသော‌‌ ‌ဒေါ်နယ်ထရန့်က ဖေဖော်ဝါရီလမှစတင်ကာ တရုတ်ကုန်ပစ္စည်းများအပေါ် အခွန်များ တိုးမြှင့်ခဲ့ကာ တရုတ်ကလည်း လိုက်ဖက်ညီစွာ တုံ့ပြန်ခဲ့ပြီးနောက် ယခု ဆွေးနွေးပွဲများ ထွက်ပေါ်လာခြင်းဖြစ်သည်။
ယင်းအခွန်များကြောင့် နှစ်စဉ်ကုန်သွယ်မှု ကန်ဒေါ်လာ ၆၀၀ ဘီလီယံနီးပါးရှိသော ကမ္ဘာ့အကြီးဆုံးကုန်သွယ်ဘက်နှစ်နိုင်ငံကြားမှ ရောင်းဝယ်မှုများ ရပ်တန့်လုနီးပါးဖြစ်ခဲ့သည်။
ယင်းသို့ကုန်သွယ်ရေးအငြင်းပွားမှုနှင့် အခြားကမ္ဘာ့နိုင်ငံပေါင်းများစွာအပေါ် အခွန်ချမှတ်ရေး ထရန့်၏ ဆုံးဖြတ်ချက်ကြောင့် ကုန်ပစ္စည်းထောက်ပံ့မှုကွင်းဆက်များ ပြတ်တောက်ခြင်း ၊ ဘဏ္ဍာ‌‌ ရေးဈေးကွက်များမတည်မငြမ်ဖြစ်ခြင်း များ ဖြစ်ပေါ်ခဲ့ကာ ကမ္ဘာ့စီးပွားရေး တည်ငြိမ်မှုကိုလည်းခြိမ်းခြောက်နေခဲ့သည်။
သတင်း-ရဲမင်း
ကိုးကား-Reuters

#ပြည်တွင်းသတင်း
◼တပ်မတော်ကပြုလုပ်မည့်ရွေးကောက်ပွဲ လွတ်လပ်ပြီးတရားမျှတမှုရှိမည်ယူဆဟု ဒေါ်သက်သက်ခိုင်ပြော
တပ်မတော်ကဦးစီးပြုလုပ်မည့်ရွေးကောက်ပွဲသည် လွတ်လပ်ပြီးတရားမျှတမှုရှိမည်ဟုယူဆကြောင်း ပြည်သူ့ရှေ့ဆောင်ပါတီ(PPP) ဥက္ကဋ္ဌဒေါ်သက်သက်ခိုင်က ယနေ့(မေ ၁၁ ရက်) တွင် ရန်ကုန်မြို့ဆီဒိုးနားဟိုတယ်၌ပြုလုပ်သည့် ၎င်းတို့ပါတီ၏သတင်းစာရှင်းလင်းပွဲတွင်ပြောဆိုသည်။
၂၀၀၈ ဖွဲ့စည်းပုံအခြေခံဥပဒေအရ တပ်မတော်သည် ၂၅ ရာခိုင်နှုန်းနေရာရထားခြင်း၊ ဒုတိယသမ္မတတစ်ယောက်အလိုအလျောက်ရထားခြင်းတို့ကြောင့် ပိုပြီးသမာသမတ်ရှိ၍ယုံကြည်ရကြောင်း ၎င်းကဆက်လက်ပြောသည်။
"ရွေးကောက်ပွဲကလွတ်လပ်ပြီးတရားမျှတမယ်လို့ ယူဆရပါတယ်။ နစကက လက်ရှိမှာ တပ်မတော်ကနေပေါ်ပေါက်လာတဲ့နိုင်ငံတော်ကို တာဝန်ယူနေရတဲ့အစိုးရဖြစ်တယ်။ ၂၀၀၈ ဖွဲ့စည်းပုံအခြေခံဥပဒေအရ တပ်မတော်က ၂၅ ရာခိုင်နှုန်းနေရာရထားပြီးသားပါ။ ဒုတိယသမ္မတတစ်ယောက်ကိုလည်း အလိုလျောက်ရထားပြီးသားဖြစ်တယ်။ ဒုတိယသမ္မတကနေမဲပေးခြင်းအားဖြင့်သမ္မတလည်းဖြစ်နိုင်တယ်။ ကာကွယ်ရေးဝန်ကြီး၊ ပြည်ထဲရေးဝန်ကြီးနဲ့ နယ်စပ်ရေးရာဝန်ကြီးနေရာတွေကို တပ်မတော်ကရပြီးသား။ ဒါကြောင့် တပ်မတော် ကမကထ လုပ်တဲ့ရွေးကောက်ပွဲနဲ့ နိုင်ငံရေးပါတီကအစိုးရဖြစ်လာတဲ့ ရွေးကောင်ပွဲနဲ့ယှဉ်ကြည့်လို့ရပါတယ်" ဟု ဒေါ်သက်သက်ခိုင်က ပြောသည်။
ထို့ပြင် နိုင်ငံရေးပါတီတစ်ခုမှအစိုးရဖြစ်လာပြီး ပြုလုပ်သည့်ရွေးကောက်ပွဲသည်မသမာမှုများရှိလာနိုင်ပြီး တပ်မတော်ကဦးစီးပြုလုပ်မည့်ရွေးကောက်ပွဲသည် ပိုပြီးသမာသမတ်ရှိ၍ယုံကြည်ရကြောင်း ၎င်းက ယင်းသတင်းစာရှင်းလင်းပွဲတွင်ဆက်လက်ပြောဆိုခဲ့သည်။
နစက က ယခုနှစ်ကုန်ပိုင်းတွင်ပြုလုပ်မည်ဟုဆိုသည့်ရွေးကောက်ပွဲတွင် ပြည်သူ့ရှေ့ဆောင်ပါတီ (PPP) ဝင်ရောက်ယှဉ်ပြိုင်ရန် ပါတီမှတ်ပုံတင်ထားပြီး ကော်မတီတစ်ရပ်ဖွဲ့စည်း၍ ကိုယ်စားလှယ်လောင်းများစိစစ်ရွေးချယ်နေပြီဖြစ်ကြောင်း ယင်းပါတီထံမှသိရသည်။
သတင်း - ပိုင်လေး

Tennessee Highway Patrol responded to a fiery, multi-vehicle crash on I-75 near the Tennessee-Georgia border on Sunday, saying there were fatalities.

https://abcnews.go.com/US/dead....ly-multi-vehicle-cra

ရပါတယ်

Godzilla နဲ့ Kong တို့ ပြန်လာပါပြီ
MonsterVerse ရဲ့ နောက်ထွက်မယ့် ရုပ်ရှင် Godzilla x Kong: Supernova အတွက် ပထမဆုံး နမူနာဗီဒီယိုလေး ထွက်လာပါပြီ။ ဒီဗီဒီယိုထဲမှာတော့ အရေးပေါ်အခြေအနေတစ်ခုကို ဖော်ပြထားပြီး၊ ရုပ်ရှင်က အခုမှ Production စတင်နေပြီဆိုတဲ့အကြောင်းကို ကြေညာထားပါတယ်။
ဒါတင်မကသေးဘူး။ ဒီရုပ်ရှင်ရဲ့ Title ကိုလည်း ခမ်းခမ်းနားနား တစ်ခုပေးထားပြီး Godzilla ရဲ့ အငွေ့အသက်တွေကိုခံစားလို့ရအောင်လုပ်ပေးထားပါတယ်။
ရုပ်ရှင်အကြောင်း အသေးစိတ်ကတော့ သိပ်မသိရသေးပါဘူး။ ဒါပေမယ့် Godzilla x Kong: The New Empire ရဲ့ အဆုံးမှာ ဒီကိုင်ဂျူး နှစ်ကောင်က ပူးပေါင်းပြီး ရန်သူကို ရင်ဆိုင်ခဲ့ရတာဆိုတော့၊ ဒီတစ်ခါလည်း နောက်ထပ် ခြိမ်းခြောက်မှုတစ်ခုကို ရင်ဆိုင်ဖို့ အတူပူးပေါင်းလုပ်ဆောင်ရဖွယ်ရှိမယ်လို့ထင်မိပါတယ်။
သရုပ်ဆောင်တွေအနေနဲ့ကတော့ Dan Stevens၊ Sam Neill၊ Jack O'Connell၊ Matthew Modine၊ Alycia Debnam-Carey နဲ့ Delroy Lindo တို့လည်း ပါဝင်ထားပါတယ်။
Adam Wingard က ဒီရုပ်ရှင်နောက်ပိုင်းမှာ ဘာတွေဖြစ်လာနိုင်မလဲဆိုတာ IGN နဲ့ အင်တာဗျူးမှာ ပြောဖူးပါတယ်။ “ကျွန်တော့်မှာ ဒီရုပ်ရှင်တွေ ဘယ်လိုဆက်သွားမလဲဆိုတဲ့ အိုင်ဒီယာတွေ ရှိပါတယ်။ ရှေ့ဇာတ်ကားမှာတုန်းက Kong ကို ကောင်းကောင်းပုံဖော်ထားပြီး နောက်ထွက်မယ့်ရုပ်ရှင်ကတော့ Godzilla ရဲ့ ဇာတ်လမ်းကို ပိုပြီးမြင်ရမယ်လို့ ပြောပြခဲ့ပါတယ်။
Godzilla x Kong: Supernova ဟာ 2027 ခုနှစ် မတ်လ 26 ရက်မှာ ရုံတင်ပြသမှာဖြစ်ပြီး၊ လက်ရှိကတော့ Production ကာလမှာ ဖြစ်နေပြီလို့ သိရပါတယ်။

#ပြည်တွင်းသတင်း
◼ထိုင်း၌ မိုးသည်းထန်စွာရွာသွန်းနေချိန် မြန်မာနိုင်ငံသားနှစ်ဦးဆိုင်ကယ်မှောက်သေဆုံးဟုဆို
ထိုင်းနိုင်ငံ၌ယမန်နေ့(မေ ၁၀ ရက်) က နွန်တဘူရီခရိုင်၌ မိုးသည်းထန်စွာရွာသွန်းနေချိန် မြန်မာနိုင်ငံ သားနှစ်ဦး ဆိုင်ကယ်မှောက်သေဆုံးခဲ့ကြောင်း ထိုင်းသတင်းမီဒီယာများ၏ ရေးသားဖော်ပြချက်အရ သိရသည်။
နွန်တဘူရီခရိုင်ရဲတပ်ဖွဲ့ဝင်များက သေဆုံးနေသည့‌ေမြန်မာနိုင်ငံသားနှစ်ဦးကိုတွေ့ရှိစဉ် အနီးနားတွင် ဟွန်ဒါဆိုင်ကယ်တစ်စီးကိုသာတွေ့ရှိခဲ့ပြီး အခြားယာဉ်များကိုမတွေ့ရှိခဲ့ကြောင်း၊ သို့သော် မျက်မြင် သက်သေတစ်ဦး၏ ကားဒက်ရှ်ဘုတ်ကင်မရာမှတ်တမ်းအားစစ်ဆေးရာ ၎င်းတို့နှစ်ဦးဆိုင်ကယ်သည် လမ်းချော်၍လဲကျချိန်တွင်ဆန့်ကျင်ဘက်လမ်းမှလာသည့်ထရပ်ကားက ရပ်တန့်ခြင်းမရှိဘဲတိုက်မိခဲ့ ကြောင်း ထိုင်းသတင်းဌာနများတွင် ဆက်လက်ဖော်ပြထားသည်။
ယင်းကြောင့် ရဲတပ်ဖွဲ့ကအနီးပတ်ဝန်းကျင်မှ CCTV မှတ်တမ်းများကို ထပ်မံစစ်ဆေးမည်ဖြစ်ပြီး ထရပ်ကားကားမောင်းသူကို စစ်ဆေးမေးမြန်းရန်ရှာဖွေလျက်ရှိကြောင်းသိရသည်။
ယမန်နေ့က မိုးသည်းထန်စွာရွာသွန်းမှုကြောင့် ထိုင်းနိုင်ငံအရှေ့မြောက်ဘက် နခွန်ရချာစီမားခရိုင်၊ သပ်လန်းအမျိုးသားဥယျာဉ်တွင်ရေကြီးရေလျှံမှုများဖြစ်ပေါ်ကာ အသက်(၁၈) နှစ်အရွယ်မြန်မာ အလုပ်သမားတစ်ဦး ရေထဲမျောပါသေဆုံးခဲ့ကြောင်း ထိုင်းသတင်းမီဒီယာတစ်ခုကရေးသားထားသည်။
သတင်း - နေသစ်ဦး
ဓာတ်ပုံ - khaosod english

တကယ်တမ်းပြောရရင် ကျနော်က
ကျေးလက် ရုပ်ရှင်ဇာတ်ကားတွေထဲကလို
ဟိုက်ဝေးလမ်းမကြီးနဲ့ မနီးမဝေးနေရာတစ်ခုမှာ
တစ်ထပ်အိမ် ကြီးကြီးတစ်လုံး ဆောက်ထားတဲ့
ခြံကျယ်ကျယ်ဝန်းဝန်းကြီးမျိုးနဲ့ပဲ နေချင် တာ။
အဲဒီမှာ ကျနော်နှစ်သက်တဲ့ သီးပင်စားပင်တွေကို
စိုက်မယ်။ ကျနော် မွေးချင်တဲ့ သတ္တဝါတွေကို
မွေးမယ်ပေါ့။ ကျနော့်ရဲ့ ပိုင်နက်ထဲမှာ
ကျနော်နဲ့ တစ်သားတည်းကျမယ့် ခွေးကြီး
နှစ်ကောင်လောက်ကိုလည်း မွေးထားဦး မယ်။
လိုအပ်တာ ဝယ်ဖို့လောက်ကလွဲပြီး အချိန်ပြည့်
ပြန်ပြန်ပြင်နေရမယ့် ဗန်ကားအစုတ်ကြီး
တစ်စီးကလည်း ကျနော့်ရဲ့ ဆီမှာ ရှိနေမယ်။
ကျနော်နဲ့ မနီးမဝေးမှာ ၂၄ နာရီပတ်လုံး
လိုအပ်တဲ့ ပစ္စည်းကလေးတွေနဲ့ အရက်ကအစ
စားစရာကအဆုံး ပေါက်စိပေါက်စလေးတွေပါ
အားလုံး ကို အလွယ်တကူ ဝယ်ယူနေလို့ရနေမယ့် ဓာတ်ဆီထည့်တဲ့ ဆိုင်ကလေး တစ်ခုလည်း
ရှိနေမယ်။ ကျနော်ဟာ ညဘက်တွေဆိုရင်
ရေဒီယိုအဟောင်း ကြီးတစ်လုံးဆီက
ကြားနိုင်သမျှအသံတွေကို ချိန်ညှိနေခဲ့ရင်း
လွှဲလို့ရတဲ့ ပက်လက်ကုလားထိုင်ကြီးတစ်လုံးရဲ့
အပေါ်မှာ နားထောင်နေခဲ့ရင်းက အရက်တွေ
သောက်နေခဲ့မိမယ်။ တချို့ ညနေခင်းတွေဆို
ကော်ဖီအကြမ်း တစ်ခွက်လောက်နဲ့
နေဝင်တဲ့အချိန်ကိုကြည့်ရင်း အိမ်ရှေ့တံခါးအဝ
နေရာ လေးဆီမှာ စစ်ကျန်ခေတ်က အဘိုးကြီးတစ်ယောက်လို မျက်မှောင်ကျုံ့ရင်း
စာအုပ်တစ်အုပ်အုပ်ကို လေးငါးမျက်နှာလောက်
ဖတ်ချင် ဖတ်နေမိခဲ့ မယ်။
ခွေးဟောင်သံကြားရင် နှစ်လုံးပြူးသေနတ်ကြီး
ထဆွဲပြီး တစ်ဘဝလုံး ဘယ်အရာကိုမှ
မကြောက်ခဲ့ဖူးတဲ့ လူထူးလူဆန်းကြီး
တစ်ယောက်လိုမျိုး ဘောက်ဆတ်ဆတ်နဲ့
အသံကြားတဲ့နေရာကို ထပြီးတော့ သွားကြည့်မယ်။
ပြီးတော့လည်း ပွစိပွစိပြောပြီးတော့
ကျနော်ထိုင်နေခဲ့တဲ့ နေရာဆီကို ပြန်လာနေမိမယ်။
ကျနော်ထင်တယ် ဘဝမှာ အဲဒီလောက်
စိတ်ကျေနပ်နေရမယ့် ကိုယ့်လက်ကိုယ့်ခြေ
နေမှုထိုင်မှုမျိုး သိပ်လိုအပ်နေခဲ့ပြီဆိုတာကို။
ပြီးတော့ အဲဒါကိုပဲ
ကျနော်ဆိုတဲ့လူက ဘဝရဲ့ လိုအပ်သမျှလို့
ဆက်ပြီးတော့ ထင်မှတ်နေခဲ့မိဦးမှာ ။
▪️ချစ်မင်းဝေ • အသဲသိလား - မှ

#ယနေ့ထုတ်သတင်းစာ_နိုင်ငံတကာသတင်း
◼ ရွေးကောက်ပွဲ ယှဉ်ပြိုင်ရေးကြိုးပမ်းမှု ယာယီသမ္မတ ဟန်ဒက်ခ်ဆိုး ရပ်ဆိုင်း
တောင်ကိုရီးယားဝန်ကြီးချုပ်ဟောင်းနှင့် ယာယီသမ္မတဟောင်း ဟန်ဒက်ခ်ဆိုးသည် သမ္မတရွေးကောက်ပွဲ ပါဝင်ယှဉ်ပြိုင်ရေး ကြိုးပမ်းမှုများကို အဆုံးသတ်လိုက်ပြီဖြစ်ကြောင်း မေ ၁၁ ရက်သတင်းများတွင် ရေးသားတင်ပြထားသည်။
မေ ၁၁ ရက်တွင် ကျင်းပခဲ့သော ကွန်ဆာဗေးတစ်ပြည်သူ့အာဏာပါတီ ပါတီကိုယ်စားပြု သမ္မတလောင်းရွေးချယ်ပွဲ၌ အရေးနိမ့်ခဲ့ရပြီးနောက် သမ္မတရွေးကောက်ပွဲ ပါဝင်ယှဉ်ပြိုင်ရန် ကြိုးပမ်းမှုများကိုဟန်ဒက်ခ်ဆိုးက အဆုံးသတ်ခဲ့ခြင်းဖြစ်သည်။
ပါတီကိုယ်စားပြု သမ္မတလောင်းရွေးချယ်ပွဲတွင် ပြည်သူ့အာဏာပါတီသည် ဟန်ဒက်ခ်ဆိုး၏ ပြိုင်ဘက်ကင်မ်မွန်ဆိုးကို ပါတီကိုယ်စားပြုသမ္မတလောင်းအဖြစ်ရွေးချယ်ခဲ့သည်။
တောင်ကိုရီးယားဖွဲ့စည်းပုံ အခြေခံဥပဒေတရားရုံးက သမ္မတဟောင်းယွန်းဆွတ်ယိုးကို စစ်အုပ်ချုပ်ရေးဥပဒေကြေညာမှုဖြင့် ရာထူးမှဖယ်ရှားခဲ့ပြီးနောက် တောင်ကိုရီးယားနိုင်ငံသည် သမ္မတ ရွေးကောက်ပွဲသစ်ကိုယခုနှစ် ဇွန် ၃ ရက်တွင် ကျင်းပရန်စီစဉ်ထားသည်။
ဇွန် ၃ ရက် သမ္မတရွေးကောက်ပွဲတွင် ပြည် သူ့အာဏာပါတီ သမ္မတလောင်း ကင်မ်မွန်ဆိုးသည် အတိုက်အခံလစ်ဘရယ်ဒီမိုကရက်တစ်ပါတီ ကိုယ်စားပြုသမ္မတလောင်း လီဂျေးမြောင်နှင့် အဓိက ယှဉ်ပြိုင်ရမည်ဖြစ်သည်။
လူထုသဘောထားစစ်တမ်းကောက်ခံချက် ရလဒ်များအရဇွန် ၃ ရက် သမ္မတရွေးကောက်ပွဲတွင်လစ်ဘရယ်ဒီမိုကရက်တစ်ပါတီ ကိုယ်စားပြု သမ္မတလောင်း လီဂျေးမြောင်အနိုင်ရရန် အလားအလာ များနေကြောင်းသိရသည်။
ရိုက်တာ

‼️ဒီစာအုပ်ကို နှလုံးအားနည်းသူများ၊
စိတ်အဆင်မပြေသူများ မဖတ်သင့်ပါ‼️
စာရေးဆရာမမှူးရဲ့ ဒုတိယမြောက်စာအုပ် ထွက်ရှိလာပါပြီ။ ဒီစာအုပ်ရဲ့ အမည်ကို စမ်းချောင်းနီနီ ပြည်တော်အေးအေး လို့ အမည်ပေးထားပြီး ပထမအုပ်တုန်းကလိုပဲ စာဖတ်သူတို့ရဲ့ ဦးနှောက်ကို အလုပ်ပေးမယ်၊ ပြီးတော့ နှလုံးသားကို ဆွဲကိုင်လှုပ်ပါလိမ့်မယ်။
စာအုပ်ရဲ့ ပထမစာမျက်နှာမှာတင် -
“အဖေ အရင်ထွက်သွားတယ်။ ပြီးတော့ ညီလေးရယ်၊ အမေရယ်က တစ်လှည့်စီ ထွက်သွားတယ်။
ယိုင်နဲ့နဲ့အိမ်က တိုင်အိုကြီးလို ကျွန်တော် ကျန်ခဲ့ရတာ အမြဲပဲ။
လှုပ်ရှားဖို့ရာလည်း မစွမ်းသာဘူး။
မထူမတ်နိုင်တဲ့ အခြေအနေကိုလည်း မလွန်ဆန်နိုင်ဘူး” ဆိုတဲ့ အဖွင့်နဲ့ နောက်စာမျက်နှာတွေဆီ ဆွဲခေါ်သွားပါမယ်။
ဆရာမမှူးရဲ့ ဒီစာအုပ်က အမှာစာကို ဖတ်ကြည့်တဲ့အခါမှာလည်း -
“စာထဲက အကြောင်းအရာတွေထဲမှာ ကျွန်မရဲ့ အကြောက်တရားတွေ အများကြီး ထည့်ဝှက်ထားတယ် ဆိုတာကို ပြောပြချင်ပါတယ်။ ဒါတွေကို စာဖတ်သူအနေနဲ့ မရှာစေချင်ဘူး။ ဝှက်ထားရခြင်း ရည်ရွယ်ချက်က စာဖတ်သူတို့ မရှာဖို့ပါပဲ။ စာတစ်ပုဒ်အနေနဲ့ပဲ စီးမျောစေချင်ပါတယ်” တဲ့။
ဒီအပြင် “ကျွန်မတို့ဘဝမှာ နေလာရင်းနဲ့ တစ်ပါးသူတွေရဲ့ ဘဝအခြေအနေတွေကို ကိုယ့်ဘဝရဲ့ အခြေအနေတွေလို့ မှတ်ယူမိပြီး ဝမ်းနည်းကြေကွဲရတဲ့ အဖြစ်တွေ ရှိခဲ့ရတာ အများကြီးပါပဲ။ ဘယ်သူ့ကြောင့် ဘယ်ဝါကြောင့် ဆိုတာ မရှိတော့ဘဲ ဒီအတိုင်း ခံစားမှုနှလုံးသား ပါတဲ့သူအချင်းချင်း ဖလှယ်နိုင်တဲ့ အရာတွေ ဖြစ်ခဲ့ရပါတယ်။ ဒီဝတ္ထုထဲက ဇာတ်ကောင်တွေက ကျွန်မအတွက် ဒီလိုလူတွေပါ။ ရေးနေရင်း စိတ်ပင်ပန်းလွန်းမက ပင်ပန်းလွန်းလို့ နားခဲ့ရတဲ့အချိန်တွေ ရှိသလို၊ ရေးပြီးသမျှ အားလုံးကို ဖျက်ပစ်ချင်တဲ့အချိန်တွေလည်း ရှိပါတယ်။ ဒီအကြောင်းကို ပြန်ပြောရခြင်းကလည်း အထက်မှာ ပြောခဲ့သလို ဝတ္ထုထဲမှာ စီးမျောနိုင်ဖို့ပါပဲ။ ကျန်တာ မရှိပါဘူး” လို့ ဆိုထားပါတယ်။
နင့်နင့်နဲနဲ ခံစားရတဲ့ ရသဝတ္ထုကောင်းတစ်အုပ်ကို ဖတ်ရှုလိုသူတို့ စိတ်အဆာပြေစေမဲ့၊ ကျေနပ်မှု ရစေမဲ့ စာအုပ်ကောင်းတစ်အုပ်ပါ။
▫️စာညွှန်း - ကံ့ကော်ဝတ်ရည် / မှ