တောင်ကြီး တန်ဆောင်တိုင်ပွဲတော် မီးပုံးပျံပြိုင်ပွဲရက်ပြောင်းလဲ
တောင်ကြီး တန်ဆောင်တိုင်ပွဲတော် မီးပုံးပျံပြိုင်ပွဲရက်ကို ပြောင်းလဲကြောင်း ရှမ်းပြည်နယ်တောင်ပိုင်း ရိုးရာမီးပုံးပျံပညာရှင်များအသင်းမှ ထုတ်ပြန်ထားသည်။
နိုဝင်ဘာ (၉)ရက်တွင် ကျင်းပမည့် တောင်ကြီးမြို့တန်ဆောင်တိုင်ပွဲတော် ရိုးရာမီးပုံးပျံပြိုင်ပွဲကို ရာသီဥတုအခြေအနေအရ နိုဝင်ဘာ (၁၁) ရက်မှ (၁၇) ရက်အထိ ခုနှစ်ရက်တိုင်တိုင်အဝေရာ မီးပုံးပျံကွင်းတွင် ပြောင်းလဲကျင်းပသွားမည်ဖြစ်ဘသည်။
ထို့ကြောင့် ဖွင့်ပွဲနှင့် ညလွှတ်မီးပုံးပျံ ပြိုင်ပွဲအသင်းအဖွဲ့များကို (၁၁) ရက်သို့ ရွေ့ဆိုင်းပြီး (၁၀) ရက် နေ့/ညပြိုင်ပွဲဝင်အသင်းများကို (၁၂) ရက်သို့လည်းကောင်း၊ (၁၁) ရက်နေ့/ညပြိုင်ပွဲဝင်အသင်းများကို (၁၃) ရက်သို့လည်းကောင်း၊ (၁၂) ရက် နေ့/ညပြိုင်ပွဲဝင်အသင်းများကို (၁၄) ရက်သို့လည်း ကောင်း၊ (၁၃) ရက်နေ့/ညပြိုင်ပွဲဝင်အသင်းများကို (၁၅) ရ က်သို့လည်းကောင်း၊ (၁၄) ရက် နေ့/ညပြိုင်ပွဲဝင်အသင်းများကို (၁၆) ရက်သို့လည်းကောင်း၊ (၁၅) နေ့/ညပြိုင်ပွဲဝင်အသင်းများကို (၁၇) ရက်သို့ရွေ့ဆိုင်းလိုက်ကြောင်း သိရသည်။
ရာသီဥတု အပြောင်းအလဲနှင့် မိုးရွာသွန်းမှုကြောင့် ထိုကဲ့သို့ရွှေ့ပြောင်းလိုက်ရခြင်းဖြစ်ကြောင်းလည်း ဒေသခံတစ်ဦးက ဆိုသည်။ တောင်ကြီးတန်ဆောင်တိုင်ပွဲတော်ကို ယမန်နှစ် ၂၀၂၃ ခုနှစ်မှစ တင်ပြန်လည်ကျင်းပခဲ့ခြင်းဖြစ်ပြီး အနယ်နယ်အရပ်ရပ်မှ လာရောက်လည်ပတ်သူများဖြင့် စည်ကားသလို ပြည်ပခရီးသွားများပါ စိတ်ဝင်စားသည့် ရိုးရာပွဲတော် တစ်ခုဖြစ်သည်။
