cut colors for summer

သူငယ်ချင်းကောင်းမှန်ရင် ဒါမျိုး ဘယ်တော့မှ မလုပ်ဘူး

တချို့တွေကျတော့သူငယ်ချင်းတွေ အများကြီးထားရတာ ကြိုက်တယ်၊ တချို့ကျတော့လည်း လူနည်းနည်းလေးနဲ့ပဲ ပေါင်းရတာ ပိုသဘောကျတတ်ပါတယ်။ ဒါပေမယ့် သူငယ်ချင်းများသည်ဖြစ်စေ၊ နည်းသည်ဖြစ်စေ သူငယ်ချင်းကောင်းတွေကတော့ ဘဝမှာ တကယ်ကို လိုအပ်တဲ့အရာပဲ။ သူငယ်ချင်းတွေ အများကြီးရှိတဲ့ထဲကမှ သူငယ်ချင်းကောင်းတွေဆိုတာ ကိုယ့်အပေါ်ဘယ်လိုအရာတွေ မလုပ်တတ်ဘူးဆိုတာ တစ်ချက်လောက် ဖတ်ကြည့်ပါဦး။

၁။ ကိုယ့်အကြောင်း ဘယ်တော့မှ အတင်းမပြောဘူး

တကယ့်သူငယ်ချင်းအစစ်ဆိုတာ ကျောကွယ်သွားတာနဲ့ အတင်းလှည့်ပြောတဲ့သူမျိုး မဟုတ်ပါဘူး။ သူတို့ ပြောစရာရှိရင် ခံရခက်မယ့်စကားဆိုရင်တောင် ခင်ဗျားရှေ့မှာပဲ ဘွင်းဘွင်းပြောချပစ်မှာပါ။ အဲဒီလို ပြောလိုက်လို့ ခင်ဗျား စိတ်ဆိုးသွားမှာလည်း မမှုဘူး၊ ဒီလို စိတ်ဆိုးသွားမှာထက် ခင်ဗျားအကြောင်းနောက်ကွယ်မှာပြောရမှာကိုပဲ မုန်းကြတာမျိုးပါ။

၂။ နှစ်ကိုယ်ကြားစကားတွေ၊ လျှို့ဝှက်ချက်တွေကို မပေါက်ကြားစေရဘူး

ဘဝမှာ ကိုယ့်ကိုယ်ကိုယ်အပြင်ယုံကြည်ရမယ့် လူတစ်ယောက်ရွေးပါဆိုရင် မိသားစုအပြင် သူငယ်ချင်းကောင်းပဲဖြစ်ပါလိမ့်မယ်။ သူတို့က ခင်ဗျားယုံကြည်လို့ ဖွင့်ပြောထားတဲ့အရာမျိုးကို သူများတွေကို လျှောက်ပြောတာမျိုး လုပ်မှာမဟုတ်ဘူး။ တကယ်လို့ တခြားတစ်ယောက်က လာစပ်စုရင်တောင် ငါမသိဘူးလေလို့ ခပ်တည်တည်ဖြေမှာ။ ဒါကြောင့်ပဲ ခင်ဗျားရဲ့အတွင်းရေးတွေကို သူတို့နဲ့ ဆွေးနွေးလို့ ရတာပေါ့။

၃။ ရင်ဖွင့်သမျှ နားထောင်ပေးကြတယ်

ဟုတ်ပါတယ်၊ သူငယ်ချင်းကောင်းတွေဆိုတာ အကောင်းဆုံးရင်ဖွင့်ဖော်တွေပါပဲ။ ခင်ဗျားစိတ်ပဲညစ်ညစ်၊ ပျော်ပဲ ပျော်ပျော်၊ အသည်းကွဲပြီး ငိုငို၊ အိမ်နဲ့ပဲ ရန်ဖြစ်လာလာ သူတို့ဟာ နားထောင်ပေးဖို့ အဆင်သင့်ရှိနေပါလိမ့်မယ်။ နားထောင်ပြီးရင်လည်း အကြောင်းအကျိုး အကြံပေးဦးမှာပါ။

၄။ ကိုယ့်ကို ဘယ်တော့မှ စိတ်ပျက်အားလျော့အောင် လုပ်မှာမဟုတ်ဘူး

ကိုယ့်ရဲ့ အိပ်မက်တွေ၊ စိတ်ကူးအကြီးကြီးတွေ ပြောပြလိုက်လို့ သူတို့က ခွီလွှတ်မှာမဟုတ်ဘူး၊ တစ်ခုခုဆို သားကြီး ချချတို့၊ နင် ဘာလို့ မလုပ်နိုင်ရမှာလဲ တို့ ပြောပေးမှာ သူငယ်ချင်းကောင်းတွေပါ။ တကယ်လို့ သူတို့က တစ်ခုခုတားရင်တောင် ခင်ဗျားရဲ့အကျိုးအတွက်ပဲ ပြောတာ ဖြစ်မှာပါ။ ပြီးတော့လည်း ခင်ဗျားကို မနာလိုဖြစ်မှာ မဟုတ်သလို လိုတဲ့နေရာတောင် ပါရမီဖြည့်ပေးမှ တကယ့်သူငယ်ချင်းကောင်းတွေလို့ ခေါ်လို့ ရတာပါ။

၅။ ကိုယ့်ကို ဘယ်တော့မှ တစ်ယောက်တည်းမထားခဲ့ဘူး

သူငယ်ချင်းကောင်းမှန်ရင် ကိုယ့်ကို ထားခဲ့ပြီး တခြားသူတွေနဲ့ အပြင်ထွက်လည်တာမျိုး လုပ်လေ့လုပ်ထနည်းပါတယ်။ ဖြစ်နိုင်ရင် ကိုယ့်ကို အရင်ဆုံးခေါ်ပြီး မအားမှ သူများကို ဦးစားပေးတတ်သူမျိုးပါ။

၆။ မနာလိုမဖြစ်ဘဲ ပွဲခံပေးကြတဲ့ သူငယ်ချင်းတွေ

ခင်ဗျားရဲ့အောင်မြင်မှုတွေအတွက် အမြဲ Cheers လုပ်နေတဲ့ လူတွေပေါ့၊ မင်းကျ ရတယ်၊ ငါကျ ဘာလို့ မရတာလဲလို့ မတွေးကြဘူး။ ခင်ဗျားပျော်ရင် သူတို့လည်း လိုက်ပျော်ကြမယ့် လူစားတွေက သူငယ်ချင်းကောင်းလို့ ခေါ်ထိုက်သူတွေပါ။

၇။ တစ်ခုခုဖြစ်ရင် ကူရှင်းပေးတယ်၊ တစ်ယောက်တည်းခံစားမနေစေဘူး

တစ်ခုခုခံစားရလို့ ဘယ်လောက်ပဲ ကိုယ်က ဖုံးကွယ်ထားထား သူတို့ကတော့ အမြဲသိနေတတ်ပါတယ်၊ ဒါကြောင့်ပဲ အတင်းအစ်အောက်မေးပြီး ပြောပြခိုင်းတာပေ့ါ။ စိတ်ညစ်နေရင်လည်း ဟိုဟာလုပ်မလား၊ ဒီဟာလုပ်မလား၊ ဘာသွားစားမလဲနဲ့ ပျော်အောင်၊အာရုံပြောင်းအောင် လုပ်ပေးမယ့်သူတွေပေါ့။ တစ်နည်းအားဖြင့် ကိုယ့်ကို ဘာလုပ်ပေးရင်ပျော်သွားနိုင်မလဲဆိုတာ ကောင်းကောင်းသိသူတွေပေါ့။

၈။ ပေါက်ကရလုပ်မယ်ဆိုလည်း အမြဲပါမယ့် ရဲဘော်ရဲဘက်တွေ

ကိုယ်စိတ်ရူးပေါက်သလောက် ကိုယ့်သူငယ်ချင်းကောင်းတွေကလည်း လိုက်ရူးပေးပါလိမ့်မယ်။ တစ်ခုခုပေါက်ကရဖြစ်ဖြစ်၊ စွန့်စားခန်းဖြစ်ဖြစ် ဖွင့်တော့မယ်ဆိုရင်လည်း တစ်ယောက်တည်းမလုပ်ခိုင်းဘဲ သူတို့ပါ ဝင်ပါမယ့်သူတွေပါ။ လူတွေ ဘယ်လိုထင်ထင် ဂရုမစိုက်ဘဲ ကိုယ့်သူငယ်ချင်း ပျော်ဖို့ကိုပဲ အာရုံရတဲ့သူတွေပါ။

Barcelona, Spain 💟💟💟💟

The Spring #2024 fashion trends

Twitch မှာလည်း TikTok မှာလို Short Video တွေလုပ်နိုင်ပြီ ….

Amazon ပိုင် Live-streaming Platform တစ်ခုဖြစ်တဲ့ Twitch App မှာဆိုရင် TikTok မှာလုပ်နိုင်တဲ့ Short Video Content တွေလို လုပ်နိုင်ပြီဖြစ်ကြောင်း ပြီးခဲ့တဲ့ ဧပြီ ၃၀ရက် အင်္ဂါနေ့က ကြေညာခဲ့ပါတယ်။ ဒီကြေညာချက်ကတော့ အမေရိကန်မှ TikTok ကို ဖျက်သိမ်းဖို့ ဥပဒေထွက်ရှိပြီးနောက် ရက်ပိုင်းအကြာမှာ ထွက်ပေါ်လာခဲ့တာပဲဖြစ်ပါတယ်။
Discovery Feed လို့အမည်ပေးထားတဲ့ ဒီ Feature ကိုတော့ Twitch မှာ ထည့်သွင်းခဲ့တာဖြစ်ပြီး TikTok မှာလို ကိုယ့်စိတ်ကြိုက် Short Video တွေကို ဖန်တီးနိုင်မှာဖြစ်ပါတယ်။ မြင်အောင်ပြောရမယ်ဆိုရင်တော့ TikTok Short Video အပြင် Facebook, Instagram, YouTube တွေမှာလုပ်နိုင်တဲ့ Reel ပုံစံမျိုးပါပဲ။

ဒီ Feature မှာတော့ Tab ၂ ခုရှိပြီး တိုက်ရိုက်ကြည့်ရှုနိုင်တာက တစ်ခု၊ Stream လုပ်ပြီးသား Video တွေကို ပြန်ကြည့်နိုင်မှာက တစ်ခုဆိုပြီး ပါဝင်ပါတယ်။ TikTok နဲ့မတူတဲ့တစ်ချက်ကတော့ Streaming App ဖြစ်တဲ့အလျောက် ကြည့်ရှုသူတွေကို Streaming နဲ့ဆိုင်တဲ့ ဗီဒီယိုအကြောင်းအရာတွေကို ဦးစားပေးဖော်ပြပေးသွားမှာဖြစ်ပါတယ်။ ဒီ Feature ကိုထည့်သွင်းဖို့ Twitch user တွေဟာ သူတို့ရဲ့ Fan အသစ်တွေတိုးပွားလာစေဖို့အတွက် Twitch ကို အချိန်အတော်ကြာတောင်းဆိုခဲ့ကြတာလည်း ဖြစ်ပါတယ်။

Twitch အနေနဲ့ US မှာရှိတဲ့ TikTok အသုံးပြုသူ သန်း ၁၇၀ နီးပါးကို ဒီ Feature ကို နှစ်သက်အသုံးပြုလာတဲ့အထိတော့ အချိန်တစ်ခုစောင့်ရမှာပါ။ ဒီလို Feature ကူးယူတာမျိုးက TikTok ဘက်ကစခဲ့တာလို့လည်းပြောလို့ရပါတယ်။ ၂၀၂၂ ခုနှစ်မှာတုန်းကတော့ TikTok ဘက်က Twitch ရဲ့ Livestreaming Feature ကို အရင်ကူးယူခဲ့တာပဲဖြစ်ပါတယ်။

နောက်ဆုံးအနေနဲ့ Twitch ဆိုတာ ဘာလဲဆိုရင် Live Streaming Platform တစ်ခုပါ။ ကိုယ်ပိုင် Vlog ပုံစံ၊ ဗီဒီယိုဂိမ်း၊ ဘောလုံးပွဲနဲ့ Esports တွေကို Create လုပ်ပြီး ချပြနိုင်တဲ့နေရာတစ်ခုဖြစ်ပါတယ်။ Music Broadcasts၊ Talk Show တွေကိုလည်း လုပ်နိုင်တာကြောင့် ဒီနိုင်ငံမှာတော့ Streamer အများစုလောက်သာ သုံးကြပေမဲ့ အနောက်နိုင်ငံတွေမှာဆိုရင် Content Creator တွေ၊ Reviewer တွေအပြင် idol တွေကအစ တော်တော်များများ သုံးကြတဲ့ App တစ်ခုပါ။

အနောက်နိုင်ငံတွေမှာ အသုံးများနေကြတဲ့ App တစ်ခုဖြစ်ပြီး နောက်ပိုင်းပိုစုံလင်လာတဲ့ Feature တွေကြောင့် Twitch ကို မသုံးကြည့်ဖူးသေးရင် တစ်ခေါက်လောက်တော့ စမ်းသုံးကြည့်စေချင်ပါတယ်။ သုံးဖူးတဲ့ ဒါမှမဟုတ် သုံးနေတဲ့ ဘော်ဒါတွေရှိရင်လည်း review လေး ပေးသွားကြပါဦးခင်ဗျာ။

မန်စီးတီးကစားသမားတွေ (၂)နှစ်ဆက် ဆွတ်ခူးခဲ့တဲ့ အင်္ဂလန်ဘောလုံးကလောင်ရှင်များ ချီးမြှင့်တဲ့ဆု

ယခုရာသီအတွက် အင်္ဂလန်ဘောလုံးအားကစားကလောင်ရှင်များအဖွဲ့အစည်း(Football Writers' Association)က ချီးမြှင့်သည့် အကောင်းဆုံးကစားသမားဆုကို မန်စီးတီးအသင်း၏ အင်္ဂလန်တောင်ပံကစားသမားဖီးလ်ဖိုဒန်က ဆွတ်ခူးရရှိခဲ့သည်။ဖိုဒန်အနေဖြင့် ယင်းဆုအတွက် FWA အဖွဲ့ဝင် ဘောလုံးအားကစားကလောင်ရှင် (၄၀၀)ဝန်းကျင်၏ မဲပေးမှုတွင် မဲ(၄၂%)အထိ ရရှိခဲ့ကြောင်း သိရှိရသည်။ပြီးခဲ့သည့်ရာသီက ယင်းဆုအား မန်စီးတီးကစားသမားတစ်ဦးပင်ဖြစ်သည့် နော်ဝေတိုက်စစ်မှူး အဲလင်း ဟာလန်းက ဆွတ်ခူးရရှိခဲ့ရာ မန်စီးတီးကစားသမားများက (၂)နှစ်ဆက်ရယူနိုင်ခြင်းဖြစ်ပြီး (၂၀၀၆-၀၇) နှင့် (၂၀၀၇-၀၈) ရာသီများတွင် မန်ယူနိုက်တက်တောင်ပံကစားသမားရော်နယ်လ်ဒို (၂)နှစ်ဆက်ဆွတ်ခူးခဲ့ပြီးနောက်ပိုင်း အသင်းတစ်သင်းတည်းက ပထမဆုံးအနေဖြင့် (၂)ကြိမ်ဆက်ရယူဆွတ်ခူးနိုင်ခဲ့ခြင်းလည်း ဖြစ်သည်။ယခုနောက်ပိုင်းနှစ်များတွင် အောင်မြင်မှုကြီးမားလာသော မန်စီးတီးအသင်းမှ ကစားသမားများအနေဖြင့် ယင်းဆုကို နောက်ဆုံး(၆)ရာသီအတွင်း (၄)ကြိမ်မြောက်ဆွတ်ခူးနိုင်ခြင်းလည်းဖြစ်သည်။(၂၀၁၈-၁၉)ရာသီတွင် ရာဟင်း စတာလင်၊(၂၀၂၀-၂၁)ရာသီတွင် ရူဘင်ဒီယက်ဇ်၊(၂၀၂၂-၂၃)ရာသီတွင် အဲလင်း ဟာလန်း၊ယခု(၂၀၂၃-၂၄)ရာသီတွင် ဖိုဒန်တို့က ဆွတ်ခူးခဲ့ကြခြင်းဖြစ်သည်။ထို့အပြင် ယခုရာသီအတွက် အင်္ဂလန်ဘောလုံးအားကစားကလောင်ရှင်များအဖွဲ့အစည်းက ချီးမြှင့်သည့် အမျိုးသမီးအကောင်းဆုံးကစားသမားဆုကိုလည်း မန်စီးတီးအမျိုးသမီးအသင်း၏ ဂျမေကာတိုက်စစ်မှူး ခါဒီဂျာရှောက ဆွတ်ခူးရရှိခဲ့ရာ မန်စီးတီးအသင်းတစ်သင်းတည်းက တစ်ရာသီအတွင်း FWA ၏ အကောင်းဆုံးဆု(၂)ခုစလုံးကို ဆွတ်ခူးနိုင်ခဲ့ခြင်းအဖြစ် မှတ်တမ်းဝင်ခဲ့သည်။

2024 FWA Footballer of the Year ဆုကို ရရှိခဲ့တဲ့ မန်စီးတီးတောင်ပံကစားသမား ဖီးလ် ဖိုဒန်...

Milton Abbas Village, England 💚💚

ထိုင်းမှာ Data Center ဖွင့်တော့မယ်ဆိုတဲ့သတင်းက ၂၀၂၂ ကတည်းကပါ။

ဘန်ကောက်မှာ Data Center တွေဆောက်တော့မယ်ဆိုတော့ အကုန်လုံးဝိုင်းပြီး ခုတော့ နောက်ကျကျန်ခဲ့ပြီ ဘာညာနဲ့ ပွဲဆူနေကြတာ အကုန်လုံးသိမှာပါ။ တစ်ကယ်တော့ ဒီသတင်းက 2022 August ကတည်းက Google ကကြေငြာထားပြီးသား။ ခုမှ Microsoft ကပြန်ကြေငြာပြီး Media အများစုက ပြန်တင်ကြလို့ သတင်းပွသွားတာ။

Google, Amazon, Microsoft တို့အတူတူပေါင်းပြီး ကုမ္ပဏီတစ်ခုကို ဘတ် 100 Billion နဲ့ ၃ ခု 300 Billion မြှပ်နှံဖို့စီစဥ်နေတယ်ဆိုတာ ၂၀၂၃ မှာထပ်ပြီးပြောတယ်။ ဒေါ်လာနဲ့တွက်ရင် 8.5 Billion လောက်ရှိတယ်။ ထိုင်း Tech Industory အတွက်ကတော့ ရွှေခေတ်ပဲ။ SEA ရဲ့ Silicon Valley ပေါ့။ ဒီပုံအတိုင်းဆိုနောက်ပိုင်း Meta နဲ့ Tesla လည်းလိုက်လာမှာ မလွဲဘူး

ဝန်ကြီးချုပ်ကိုယ်တိုင်က Company တွေကို Invite လုပ်ထားသလို၊ ဒီလိုလုပ်လိုက်တာဟာ ထိုင်းနိုင်ငံရဲ့ အာရှအတွင်းတိုးတက်မှုကို အကြီးအကျယ်အထောက်အကူပြုလိမ့်မယ်လို့ ထုတ်ပြောထားတယ်။ မြန်မာနိုင်ငံက လူ့စွမ်းအားအရင်းအမြစ်တွေကလည်း ထိုင်းကိုအကြီးအကျယ်ဝင်နေတာဆိုတော့ Singapore ကိုပါကျော်တက်ပြီး ထိုင်းက ဆရာကြီးဖြစ်လာဖို့ အခွင့်အရေးများသွားပြီ။

တရုတ်ဖက်ကလည်း Tencent က ဖွင့်မယ်ဆိုရင် နေရာတွေရှိပြီးသားဖြစ်သလို၊ Alibaba ကလည်း ဘန်ကောက်မှာ ၂၀၂၂ ကတည်းက ဖွင့်ပြီးသားဖြစ်ပါတယ်။