လွန်ခဲ့သော ၅နှစ် ယခုလို ဆောင်းတွင်းအေးအေး ဇန်နဝါရီလကုန်မှာ စတင်ဖွဲ့စည်းခဲ့ပြီး MPL PH နယ်ပယ်ထဲကို ဝင်ရောက်ခဲ့တဲ့ Blacklist International ဟာ တိုက်ဆိုင်မှုလား၊ တမင်တကာလားတော့ မပြောတတ်ပေမယ့် အသင်းတည်ထောင်ပြီး ၅နှစ်တိတိပြည့်ခါနီးအချိန်ကွက်တိမှာပဲ Mobile Legends အသင်းကို ဖျက်သိမ်းကာ သူတို့ရဲ့ MPL PH Slot ကို ရောင်းလိုက်ကြောင်း ကြေညာလာခဲ့ပါတယ်။
Blacklist International လို့ ပြောလိုက်တာနဲ့ ကျွန်တော်တို့အားလုံး ပထမဉီးဆုံး ပြေးမြင်မိကြတာကတော့ Ohmyvenus နဲ့ Wise ဆိုတဲ့ Duo ပါပဲ။ အဲ့ဒီနောက်မှာမှ UBE Strategy, Oheb, Edward, Hadji တို့ဆိုတာ လိုက်လာတာပါ။
Blacklist ရဲ့ အအောင်မြင်ဆုံးDuo လို့ သတ်မှတ်ရမယ့် V33 Wise Duo ဟာ အမှန်တစ်ကယ်တော့ BLCK ဘက်ကနေ စတင်မိတ်ဆက်ပေးခဲ့တဲ့ ကစားသမားတွေမဟုတ်ကြပါဘူး။ လက်ရှိ Fnatic Onic PH လို့လူသိကြတဲ့ Onic PH အသင်းကနေ ဝယ်ယူခဲ့တာဖြစ်ပါတယ်။
Blacklist International အတွက်တော့ ဒီ Duo ဟာ အောင်မြင်မှု လာဘ်ကောင်လို့ ပြောရမလားပါပဲ......
ဒီDuo စတင်ရောက်ရှိခဲ့တဲ့ MPL PH Season 7 မှ စလို့ MPL PH Season 8, 10 နှင့် M3 World Championship, SEA Games ပြိုင်ပွဲတွေမှာ Champion ဖြစ်ခဲ့တာဖြစ်ပါတယ်။ ဒီ Champion ဆုတွေအကုန်လုံးကိုလည်း Blacklist ရဲ့ နာမည်ကြီး Ingame Strategy အားလုံးသိကြတဲ့ UBE Strategy နဲ့ အရယူခဲ့တာကြီးပါပဲ.......
ဒီ Duo ဟာ Blacklist မှ မွေးထုတ်ပေးလိုက်တဲ့ ကစားသမားတွေ မဟုတ်ဘူးဆိုပေမယ့် Edward နဲ့ Kairi တို့ကတော့ Blacklist က မွေးထုတ်ပေးလိုက်တဲ့ နာမည်ကြီး ကစားသမားတွေပါ......
Champion Title နဲ့ တစ်နှစ်ကျော် နှစ်နှစ်ဝန်းကျင် ဝေးကွာခဲ့ရတဲ့ Blacklist အတွက် အခက်အခဲတွေအများကြီး ရင်ဆိုင်ခဲ့ရသလို Agent တို့အတွက်လည်း အများကြီး ပင်ပန်းခဲ့တာ အမှန်ပါပဲ.......
ဒီအချက်ကပဲ Blacklist အတွက် MPL PH Slot ရောင်းရဖို့ ဖြစ်လာခဲ့တယ်လို့ပဲ ထင်ပါတယ်။
Blacklist International ရဲ့ MPL PH မှ ထွက်ခွာသွားတာနှင့်အတူပဲ လစ်ဟာသွားတဲ့ Slot နေရာကို ထွက်ပေါ်နေတဲ့ ကောလဟာလတွေအတိုင်း Ap.Bren နဲ့ လမ်းခွဲသွားခဲ့တဲ့ Team Falcons ကပဲ အသင်းတစ်သင်းအနေဖြင့် ဝင်ရောက်လာမလားဆိုတာကလည်း လက်ရှိ ပရိတ်သတ်တွေ စိတ်ဝင်စားမှု မြင့်တက်လျက်ရှိပါတယ်။
No More Code Breakers 🫡🫡

ပုစွန်ထုပ်ဆီပြန်
°°°°°°°°°°°°°°

ပုစွန်ထုပ်.............၂၅ကျပ်သား
ကြက်သွန်နီ....... ...၁လုံး
ကြက်သွန်ဖြူ..........၅တက်
ခရမ်းချဉ်သီး...........၃လုံး
နံနံပင်..................အနည်းငယ်

ပုစွန်ထုပ်တွေကိုရေဆေးသန့်စင်ပြီးအခွံခွာ၊ခေါင်းချိုးပါ။အရသာအနည်းငယ်နယ်ပြီးနှပ်ထားပါ။

ကြက်သွန်နီ၊ဖြူ ကိုညှက်အောင်ထောင်းပါ။

ခရမ်းချဉ်သီး ကိုပါးပါးလှီးပါ။နံနံပင်ကိုသန့်စင်ထားပါ။

ဒယ်အိုးတစ်လုံးမှာဆီအနည်းငယ်ကိုအပူပေးပြီးထောင်းထားသောကြက်သွန်အရောကိုနနွင်းမှုန့်၊ငရုတ်စိမ်းမှုန့်အနည်းငယ်တို့ဖြင့်ဆီသတ်ပါ။

အနည်းငယ်နွမ်းလာလျှင်ခရမ်းချဉ်သီးတွေထည့်ပါ။

ပုစွန်ငံပြာရည်၊ဟင်းခတ်မှုန့်တို့ဖြင့်အရသာဖြည့်စွက်ပါ။

ခေတ္တအဖုံးအုပ်ထားပါ။ ဆီပြန်ပြီးအနှစ်ကျလာလျှင်အရသာနယ်ထားတဲ့ပုစွန်တွေထည့်ပါ။

ရေခမ်းပြီးဆီပြန်သည်အထိချက်ပါ။နံနံပင်လေးဖြင့်အလှဆင်ပေးပါ။
#crd

*မတူကွဲပြားခြင်း
တချို့ကိစ္စရပ်များတွင် အမြင်မတူခြင်း၊ တန်ဖိုးထားမှု မတူခြင်းများအတွက် အငြင်းပွားရတာတွေ ရှိသည့်တိုင် ဒီမိုကရေစီ အစိုးရများ၊ ဒီမိုကရေစီဓလေ့၌ ကျင့်သားရနေသည့် လူထုများအနေနှင့် မိမိတို့နှင့် ‘စိမ်း’နေသည့် အယူအဆများ အလေ့အထများကို ကိုယ်တိုင် မကျင့်သုံးသည့်တိုင် သူတစ်ပါး ကျင့်သုံးသည်ကိုကား သိမှတ်လက်ခံနိုင်ကြသော သဘောရှိပါသည်။
စင်စစ်၊ မတူသော လူစုများအကြား အမြင်မတူမှုများကို ဖြေရှင်းရာ၌ တစ်သမတ်တည်း ကျင့်သုံးနိုင်မည့် နည်းလမ်းမျိုး ရရှိဖို့ မလွယ်ပါ။ သို့သော် ဒီမိုကရေစီ ယဉ်ကျေးမှုများ ဖြစ်သည့် မတူသော အယူအဆများကို သည်းခံနိုင်မှု၊ ဆွေးနွေးငြင်းခုံမှု၊ အပေးအယူ အလျှော့အတင်းပြုရန် ဝန်မလေးမှု စသည်တို့အားဖြင့် အသင့်တော် အကောင်းမွန်ဆုံး အဖြေများ ရရှိကာ အများစုအုပ်စိုးမှုနှင့် လူနည်းစုရပိုင်ခွင့်တို့ ဒွန်တွဲ တည်ရှိသည့် လွတ်လပ်ပွင့်လင်းသော ဒီမိုကရေစီ လူ့အဖွဲ့အစည်းများ ထွန်းကားရှင်သန် နိုင်ကြပေသည်။

ဒုက္ခသစ္စာက ခန္ဓာမှာပဲရှိတယ်

ပြီးခဲ့တဲ့ရက်ပိုင်းအတွင်း နာမည်ကြီး Esports Organization တစ်ချို့ဖြစ်တဲ့ Team Falcons, Fnatic , Ninja In Pyjamas အစရှိတဲ့ အသင်းတွေဟာ Mobile Legends Region အသီးသီးက နာမည်ကြီးအသင်းများဖြစ်ကြတဲ့ Ap.Bren, Onic Esports, Team Flash တို့နဲ့ တရားဝင် လမ်းခွဲသွားကြတာကို အားလုံးပဲ သတိထားမိကြမှာပါ။
ပရိတ်သတ်တော်တော်''များ'' ကတော့ အစပိုင်းမှာ သမန်ကာလျှံကာပဲ ပုံမှန် Farewell လို့ ထင်ခဲ့ပေမယ့် အသင်းတွေ တဖြည်းဖြည်း များလာတဲ့အခါ "ဘာလို့များ ဆက်တိုက် လမ်းခွဲနေကြတာလဲ” ဆိုတဲ့ အတွေးက ခေါင်းထဲကို ဝင်လာခဲ့ပါတယ်။
ကျွန်တော်ကိုယ်တိုင်လည်း ဒီအကြောင်းကိာ စိတ်ဝင်စားမိသွားလို့ လေ့လာကြည့်လိုက်တဲ့အခါမှာ သူတို့လမ်းခွဲခဲ့ရတဲ့ နောက်ကွယ်က အကြောင်းအရာတစ်ခုကို ရှာတွေ့ခဲ့ပါတယ်။
ဘာလဲဆိုတာ သိချင်ရင်တော့ စာကို အဆုံးထိဖတ်ဖို့ မေတ္တာရပ်ခံပါတယ်။
◾◾◾Team Falcons, Ap.Bren, NIP, Team Liquid တို့ Mobile Legends အသင်းတွေနဲ့ ပူးပေါင်းခဲ့တာဟာ ပြီးခဲ့တဲ့ MSC 2024 နဲ့ M6 ပြိုင်ပွဲမတိုင်ခင်က ဖြစ်ပါတယ်။
ပူးပေါင်းရတဲ့ ရည်ရွယ်ချက်ကတော့ Esports World Cup မှာ Champion ဖြစ်ဖို့အတွက်ပါပဲ။ ဒီတော့ Esports World Cup အကြောင်း နည်း''ရှင်းပြပေးပါ့မယ်။
◾◾◾Esports World Cup မှာဆိုရင် Club Championship ဆိုတဲ့ ဆု သက်သက်ရှိပါတယ်။ အဲ့တာကတော့ Organization တွေကိုပဲ ပေးတဲ့ဆု ဖြစ်ပါတယ်။
ဘာကိုကြည့်ပေးတာလဲ ဆိုရင် Esports World Cup မှာ ပြိုင်ပွဲအသီးသီးမှာ Champion ဖြစ်ခဲ့တဲ့ အသင်းအလိုက် Club Championship မှာ Champion ဖို့ အထောက်အကူ ဖြစ်စေတဲ့ Point တွေကို ရရှိစေတာဖြစ်ပါတယ်။ ဉပမာ မနှစ်က MSC မှာ SRG ဟာ Champion ဖြစ်ခဲ့လို့ ဒီ Club Champion ဆုအတွက် Point 1000 ရရှိခဲ့ပြီး Ap.Brenနဲ့ ပူးပေါင်းခဲ့တဲ့ Team Flacons က Point 600 ရရှိခဲ့ပါတယ်။
Club Championship မှာ Champion ဖြစ်ဖို့ဆိုရင် Esports World Cup အတွင်းမှာ ပါဝင်တဲ့ ပြိုင်ပွဲတိုင်းမှာ ကိုယ့်အသင်းရှိဖို့ လိုအပ်လာပါတယ်။ တစ်နည်းပြောရရင် ကိုယ့် Organization နာမည်နဲ့ အသင်းတွေ အများကြီးရှိဖို့ လိုအပ်လာပါတယ်။ ဒါမှပဲ Point တွေ အများကြီးရပြီး Champion ​ဖြစ်ဖို့ ရာခိုင်နှုန်းက များလာမှာကိုး........
ဒါ့ကြောင့် ဒီဆုကို ပစ်မှတ်ထားကာ နာမည်ကြီး Organization တွေက ML အသင်းတွေနဲ့ ပူးပေါင်းခဲ့ကြတာဖြစ်ပါတယ်။
◾◾◾ဒါဆို အခု သူတို့လိုချင်တာ ရသွားလို့ ML အသင်းတွေကို လမ်းခွဲသွားတာလား ???? 🤔🤔
အဲ့လိုမေးခွန်းထုတ်ပြန်ရင်လည်း မှားပြန်ပါတယ်။ တစ်ကယ်တော့ သူတို့လည်း ဖြစ်နိုင်ရင် ဒီအသင်းတွေနဲ့ လမ်းမခွဲချင်လောက်ပါဘူး။ MSC 2025 မှာ ထည့်သွင်းသွားမယ့် Club Championship ပြိုင်ပွဲရဲ့ စည်းမျဉ်းအသစ်ကြောင့်သာ မတတ်သာပဲ လမ်းခွဲကြရတာ ဖြစ်နိုင်ပါတယ်။
Esports Organization အနေနဲ့ Club Championship Champion ဖြစ်ရဖို့ မနှစ်က နှစ်ပေါက်တစ်​ပေါက်ရိုက်ပြီး Esports Organization နှစ်ခု ပူးပေါင်းခဲ့တာကြောင့် ဒီနှစ်မှာ စည်းမျဉ်းအသစ်ထည့်သွင်းထားတာဖြစ်ပါတယ်။
အဲ့တာကတော့ အသင်းတစ်သင်းထဲကို Organization နှစ်ခုက ပူးပေါင်းပြီး ဝင်ရောက်ယှဉ်ပြိုင်ခဲ့ရင် Club Championship Point မရဘူးဆိုတဲ့ စည်းမျဉ်းပါပဲ။
ဒါက မနှစ်က မလိမ့်တစ်ပတ် လုပ်ခဲ့ကြတဲ့ Team Flacons, Fnatic , NIP တို့အပေါ် အကျိုးသက်ရောက်မှု သိသိသာသာ ဖြစ်ခဲ့ပါတယ်။ ဒါ့ကြောင့် ဒီOrg တွေအနေနဲ့ ML အသင်းတွေကို နှုတ်ဆက် လမ်းခွဲဖို့ ဖြစ်ပြီး သူတို့ ကိုယ်ပိုင်MLအသင်းတွေ ထောင်ဖို့ ဖြစ်လာခဲ့တာပါ......
ဒီ စည်းမျဉ်းအသစ်ကပဲ MPL PH, MPL ID အစရှိတဲ့ Region တွေမှာ တစ်ချို့အသင်းတွေ Disband ပြီး အဲ့အသင်းတွေရဲ့ Slot ကို ဝင်ယူကာ ML နယ်ပယ်ထဲကို ဝင်ရောက်ဖို့ ကြိုးစားနေကြတဲ့ သတင်းတွေကို ကြားနေရတာဖြစ်ပါတယ်။
◾◾◾မှတ်ချက်အနေနဲ့ Team Liquid ဟာ Echo နဲ့ Aura Fire ကို အစကတည်းက ဝယ်ယူထားခဲ့ပြီး TLID, TLPH လို့ ပြောင်းလဲခဲ့တာကြောင့် ဒီစည်းမျဉ်းအသစ်ဟာ သူတို့အပေါ်တော့ အကျိုးသက်ရောက်မှု မရှိပါဘူး။
ဒါဆိုရင်တော့ ပရိတ်သတ် တော်''များ''လည်း ဒီကိစ္စကို နားလည်လောက်ပြီလို့ ထင်ပါတယ်........

ခြစ်ခြစ်တောက်ပူနေတဲ့ နေဟာ...
"ကိုယ်" သန်လျင်တံတားအပေါ်ရောက်မှ
မိုးတွေ သဲကြီးမဲကြီးထရွာနေတယ် "မေ"ရယ်။
"မေ"ပြောဖူးတဲ့ တစ်ယောက်ထဲပေါ်
အငြိုးကြီးစွာရွာချတတ်တဲ့ ကွက်ကြားမိုးဆိုတာဒါဖြစ်မယ်။
#as

🌲ရှမ်းတိုဟူးသုပ်🌲
မလုပ်စားဖြစ်တာ အလွန်ကြာနေဘီ.. ခုနေများ တိုဟူးအိတုန်ကို အရည်ချိုစပ်လေး နဲ့ ခပ်ခပ်ပီး စားလိုက်ရရင်...
ပြုလုပ်နည်း
၁. ကြက်သွန်ဖြူထောင်းပြီး ရှာလကာရည်နဲ့ စိမ်ထားပါ၊ (ချဉ်ဆော်ကားသီးခြောက်ကို ရေနွေးစိမ်ပီး သုံးနိုင်ပါသည်)
၂. ငရုတ်သီး အကြမ်းဖတ်ကို ကြော်ထားပါ၊
၃. မြေပဲဆံလေးစိတ်ကွဲထောင်းထားပါ၊
၄. နှမ်းလှော်ထဲကို ဆီပူလေး လောင်းချထားပါ။
၅. ကြက်သွန်ဖြူကြော်ကို မညက်တညက်ထောင်းပြီး ဆီသတ်ထားတဲ့ ဆီပူလေးအုပ်လိုက်ပါ၊
၆. ထန်းလျှက်(သို့) palm sugar ကို မပြစ်မကျဲ ကြိုထားပါ၊
၇. နံနံပင်လေးလှီးထားပါ၊
၈. ပဲငံပြာရည် အကြည် ပဲငံပြာရည် အပျစ်
၉. ဆား တို့ကို အဆင်သင့် ပြင်ထားပါ၊
တိုဖူးကို အတုံးကြီးကြီးတုံးလေ့ရှိပါတယ်၊ သုံးဆောင်မည့် ပန်းကန်လုံး ထဲတွင် တိုဖူးတုံးထည့်၊ အထက်ပါ အဆာပလာတွေထည့်ပြီး ဖွဖွလေးနယ်စားရပါတယ်၊ ရှမ်းမြှစ် ခြောက်ကလေးများရနိုင်ပါက ရေနွေး စိမ်ထားပီး ထည့်သုပ်နိုင်ပါသည်။
တိုဟူးကြိုနည်း
ရှမ်းတိုဟူးလို တုန်တုန်လေး ဖြစ်အောင် ကြိုမယ် ဆိုရင် ကုလားပဲမှုန့် အစိမ်း သို့ မဟုတ် တိုဟူးမှုန့်ကို ၄-၆ နာရီ ရေစိမ်ပါ၊ အပေါ်ယံ အရည်ကြည်များကို ဖယ်ထုတ်ပစ်ပီး အောက်တွင် ကျန်နေသော အနှစ်များဖြင့် သာ ကြိုရပါသည်။ အခု လုပ်ထားတဲ့ တိုဟူးကို “ မလှိုင် မြို့က တိုဟူးမှုန့်” နဲ့ လုပ်ထားပါတယ်..မိမိသုံးသော ကုလားပဲအစိမ်းမှုန့် သို့မဟုတ် တိုဟူးမှုန့် အမျိုး အစား အပေါ်မူတည်ပီး ထည့်ရသော ရေ အချိုး အစား အနည်းငယ် ကွာနိုင်ပါတယ်.
1. တိုဟူးမှုန့် ၁၉၀ ဂရမ် ကို ရေ ၁၀၀၀ မီလီလီတာဖြင့် ၆ နာရီ စိမ်ပါသည်၊
2. အပေါ်ရေ ၈၀၀ မီလီလီတာကို ဖယ်ပြစ်ပါသည်။
3. ရိုးရိုးရေ ၁၀၀၀ မီလီလီတာကို ပူလာရုံလေး ကြိုပါသည်၊
4. နနွင်း၊ ဆား အနည်းငယ်နှင့် ထန်းလျှက် တခဲ ထည့်ပါသည်၊ ( တန်းလျှက်သုံးရကောင်းမှန်း ညီမလေး ဆိုဖီယာ ထံမှ သိရပါသည်)
5. ကျန်နေသော တိုဟူး အနှစ်များကို သမအောင်မွှေပေးရင်း တည်ထားတဲ့ ရေပူထဲ ထည့်မွှေပါသည်၊ တိုဟူးခဲလာသည့် အထိ အဆက်မပြတ်မွှေပေးနေရပါသည်၊ တိုဟူးမှုန့်ရည် စထည့်ချိန်မှ ချ သည့် အထိ ၁၅ မိနစ် ကြိုပါသည်..။
6. အချိန်စေ့ပီး တိုဟူးရည် ပြစ်ခဲလာလျှင် ဗန်းထဲတွင် အအေးခံ ပီး လိုရာပုံလှီးကာ အထက်ဖော်ပြပါ အဆာ များထည့်ပီးတာနဲ့ ချိုချဉ်စပ်မွှေး အရည်ရွှဲရွှဲ ရှမ်းတိုဖူးသုပ်လေး သုံးဆောင်ရန် အသင့်ဖြစ်ပါပီ။
၁၆၀ ဂရမ် = ၁၀ ဆယ်သားခန့်
၁၀၀၀ မီလီလီတာ ရေသန့်ဗူးကိုသုံးပီး ခန့်မှန်းပါ
Credit

part_2
🌟တစ်ပတ်တာသင်္ချာဗေဒဟောကိန်း🌟

(၆) ဂဏန်းသမားများ ( ၆၊ ၁၅၊ ၂၄) ရက်မွေးသူများ
ဒီရက်ဖွားများအနေနဲ့ယခုလတ်တလောတွင်စိတ်အတက်အကျမြန်နေတတ်ပြီးမိမိကိုယ်ကိုအတွက်မျှတမှု မှန်ကန်မှု များကိုအလေးပေးနေပါလိမ့်မယ်။ စီးပွားရေး နှင့် ငွေကြေးကံအသင့်အတင့် ရှိသော်လည်း ဝင်ငွေထွက်ငွေညီနေသောကြောင့် သုံးစွဲမှုကို ချင့်ချိန်ရပါလိမ့်မယ်။ လုပ်ငန်းရှင်များအနေနဲ့ အခြားသော လူမှုရေးဆိုင်ရာအရှုပ်အရှင်းများကြောင့်စိတ်ရှုပ်ရတတ်ပါတယ်။ပညာရေးကံကောင်းမွန်ပြီးအုပ်စုဖွဲ့လုပ်ဆောင်ခြင်း မိတ်ဆွေသူငယ်ချင်းများထံမှကောင်းကျိုးရရှိခြင်းစသောကောင်းမွန်မှုများနှင့်ကြုံတွေ့ရနိုင်ပါတယ်။ကျန်းမာရေး အနေနဲ့အာရုံကြောနှင့်ပါတ်သက်သောရောဂါများသတိပြုရပါမယ်။အချစ်ရေးနှင့် ပါတ်သက်၍ စိတ်အလိုမကျဖြစ်နေတတ်ပြီးသူ့ဘက်ကိုယ့်ဘက်အပြိုင်အဆိုင်တင်းမာမှုများဖြစ်နေတတ်သောကြောင့်မိမိ၏စိတ်ခံစားချက်နှင့်ဦးဏှောက်ကိုမျှတစွာတွေးခေါ်ရန်လိုအပ်လိမ့်မယ်။

(၇) ဂဏန်းသမားများ(၇၊ ၁၆ ၊ ၂၅) ရက်မွေးသူများ
ဒီရက်ဖွားတွေအနေနဲ့က အခွင့်အရေးများ အပြောင်းအလဲများ နဲ့ကြုံရတတ်ပါတယ်။ အလုပ်အကိုင် အသစ်များ အသစ်အသစ်သောစတင်မှုများပြုလုပ်ရန်ကောင်းသောကာလဖြစ်ပါတယ်။စီးပွားရေး နဲ့ငွေကြေးအသင့်အတင့်ကောင်းမွန်ပြီးအခက်အခဲများရှိပါကစတင်ပြေလည်လာနိုင်ပါတယ်။ပညာရေးတွင်မိမိရယူသင့်သော ရရှိသင့်သောအခွင့်အရေးများပေါ်လာတတ်ပါတယ်။ကျန်းမာရေး အနေဖြင့်အအေးမိခြင်း ကိုယ်လက်ကိုက်ခဲခြင်းများအပြင် ခြေချော်လက်ချော် ဖြစ်တတ်ပါတယ်။အချစ် ရေးကံအနေဖြင့် ပျော်ရွှင်စရာများကြုံရတတ်ပြီးအဆင်ပြေနေပါလိမ့်မယ်။သို့သော်မိမိပြောသောစကားများကိုသတိထားရန်လိုအပ်ပါတယ်။

(၈) ဂဏန်းသမားများ ( ၈၊ ၁၇ ၊ ၂၆) ရက်မွေးသူများ
ဒီရက်ဖွားများအနေနဲ့အခုရက်ပိုင်းမိမိစိတ်ကိုထိန်းချုပ်နေရသောသဘောရှိပါတယ်။အခက်အခဲများကြုံနေရသော်လည်းမိမိအတွက်သင့်တော်သောအခွင့်အရေးသစ်များ ကောင်းမွန်သောသတင်းများ ကြားရတတ်ပါတယ်။စီးပွားရေး နှင့်ငွေကြေးကံအသင့်အတင့်ရှိပြီး မိမိကြိုးစားသလောက် အကျိုးပေးပါလိမ့်မယ်။ကိုယ်ပိုင် စီးပွားရေး လုပ်ကိုင်သူများအပြောင်းအလဲတခုခုရှိနိုင်ပါတယ်။ပညာရေး တွင် လမ်းပျောက်နေတတ်သော်လည်းအတွေးအမြင်အသစ်များရရှိနိုင်ပြီးမိမိရှေ့ရေးအတွက်ကောင်းမွန်မည့်လမ်းကြောင်းသစ်တခုပေါ်လာပါလိမ့်မယ်။ကျန်းမာရေး အနေဖြင့်ခါးအထက်ပိုင်းနှင့်အမြင်အာရုံဆိုင်ရာရောဂါများသတိပြုရပါမယ်။အချစ်ရေးနှင့်ပါတ်သက်၍စကားများရတတ်ပြီးစိတ်ဖိစီးမှုများတတ်ပါတယ်။တဦးအပေါ်တဦးအထင်လွဲမှားတတ်သည်ကိုသတိပြုရပါမယ်။

(၉) ဂဏန်းသမားများ(၉၊ ၁၈၊ ၂၇) ရက်မွေးသူများ
ဒီရက်ဖွားများအနေဖြင့်ယခုလတ်တလောကံဇာတာကောင်းမွန်နေပြီးမိမိလုပ်ကိုင်သောအလုပ်များမိမိလျှောက်သောလမ်းကြောင်းများတွင်အသာစီးရပါလိမ့်မယ်။စီးပွားရေး နှင့်ငွေကြေးကံသင့်တင့်မျှတမှုရှိနေပြီးမိမိ၏ဝင်ငွေထွက်ငွေကိုမိမိကိုယ်တိုင်ထိန်းညှိ၍စီမံနိုင်ပါကပို၍အောင်မြငိနိုင်ပါလိမ့်မယ်။ပညာရေးတွင်မိမိလျှောက်လိုသောလမ်းကိုရွေးချယ်ပါကရှေ့လျှောက်ပို၍အဆင်ပြေနိုင်ပါတယ်။မိမိကိုယ်တိုင်စိတ်ပါဝင်စားသောလမ်းကြောင်းများကိုဦးစားပေးသင့်သောကာလဖြစ်ပါတယ်။ကျန်းမာရေး ကံကောင်းမွန်ပြီးမတော်တဆထိခိုက်မှုများနှင့်ရောဂါအခံရှိသူများသတ်ိပြုရပါမယ်။အချစ်ရေးတွင်တစ်ဖက်အပေါ်တစ်ဖက်ကအနိုင်ယူနေတတ်ပြီးလွှမ်းမိုးနိုင်တာတွေ့ရပါတယ်။အချင်းချင်းသူဖက်ကိုယ့်ဖက်တွေးပေးတတ်ရန်လိုအပ်ပါလိမ့်မယ်။


#tarotqueen

Part-1
*ဆရာနိုး အမှတ်တရ
သူနှင့်သိကျွမ်းသည်မှာ ၁၉၆၇-၆၈ ခုနှစ်ကဖြစ်သည်။ သူဆိုသည်က “ဆရာ မောင်သာနိုး”ပါ
ထိုအချိန်က ကျွန်တော်သည် ရန်ကုန် ဝိဇ္ဇာနှင့် သိပ္ပံတက္ကသိုလ်၊ မြန်မာစာဌာန တွင် နည်းပြဆရာငယ်တစ်ယောက်ဖြစ်သည်။ ပုသိမ်ကောလိပ်မှာ အလုပ် စဝင်ပြီး ၂ နှစ်အကြာမှာ ရန်ကုန်ပြန်ရောက်လာသည်မို့ လုပ်သက် ၂ နှစ်သာ ရှိသေးသည်။ မဟာဝိဇ္ဇာတန်း တက်ခွင့်ရသည့်အတွက် မဟာဝိဇ္ဇာနောက်ဆုံးနှစ် အပိုင်း ၁ M.A (Final I) တက်နေသည်။ နည်းပြဆရာပေါက်စဖြစ်သော ကျွန်တော်တို့ သူငယ်ချင်းတစ်စုက တောင်ငူဆောင်အပေါ်ဆုံးထပ် အစွန်ဆုံးအခန်းမှာ ‘ရုံးထိုင်’ရ သည်။ ထိုနှစ်တွင် မဟာဝိဇ္ဇာတန်းတက်ဖို့ ဘွဲ့လွန်ကျောင်းသားကြီးအဖြစ် သူ ရောက်လာခြင်းဖြစ်သည်။ ကျွန်တော်တို့ သူငယ်ချင်းတစ်စုက သူ့ကို ယခုမှမြင်ဖူး သော်လည်း နာမည်ကြားဖူးနေသည်မှာ ကြာပါပြီ။ ကျွန်တော်တို့အခန်းကို သူလာ နှုတ်ဆက်တော့ ကျွန်တော်တို့က ဝမ်းသာအားရကြိုဆိုပြီး စကားတွေပြောဖြစ်ကြ သည်။ မကြာမီမှာပင် သူနှင့် ခင်မင်သွားကြသည်။ သူက ကျွန်တော်တို့ထက် အသက်တော်တော်ကြီးပုံရသည်။ သို့သော် သူက ကျွန်တော်တို့ နာမည်တွေမှာ ‘ကို’တပ်ပြီး ကိုခင်အေး၊ ကိုဟုန်ဝမ်၊ ကိုသန်းထွန်း၊ ကိုမြသိန်း ဟူ၍ ရင်းရင်းနှီးနှီး ပြောဆိုသည်။ ကျွန်တော်တို့ကလည်း သူ့ကို ‘ကိုသာနိုး’ဟု ရင်းရင်းနှီးနှီးခေါ်သည်။ သူက မဟာဝိဇ္ဇာ အရည်အချင်းစစ် အပိုင်း(၁) M.A(Q.I) က စတက်သည်။ အတန်းအားချိန်တွင် ကျွန်တော်တို့အခန်းမှာ စတည်းချသည်။ သည်လိုနှင့် ကျွန် တော်တို့ သူငယ်ချင်းတစ်စုသည် ဆရာမောင်သာနိုးနှင့် ခင်မင်ရင်းနှီးလာပါသည်။
ကျွန်တော်က သူနှင့်မတွေ့ဖူးခင်ကပင် သူ့စာတွေကို ဖတ်ဖူးနေပါပြီ။ အထူး သဖြင့် လုပ်သားပြည်သူ့ နေ့စဉ်သတင်းစာမှာ သူရေးနေသော ဘာသာဗေဒအခြေ ခံသည့် မြန်မာစကားအကြောင်း ဆောင်းပါးများကို စိတ်ဝင်စားသည်။ ထိုအချိန် ကပင် ကျွန်တော်တို့ဆရာ သဒ္ဒဗေဒပညာရှင် ဆရာဦးရွှေသွင်နှင့် ဘာသာစကား အကြောင်း အပြန်အလှန်ဆွေးနွေးသည့် သူ့ဆောင်းပါးများကို တွေ့ နေရပါပြီ။ ကျွန်တော်က ဘာသာဗေဒကို အထူးစိတ်ဝင်စားသည့်အတွက် ကျွန်တော်တို့အတန်း မှာ ဆရာဦးရွှေသွင်နှင့် ဆရာမ ဒေါ်ခင်ခင်လေးတို့ သင်ကြားပို့ချပေးသော သဒ္ဒဗေဒ နှင့် ဘာသာဗေဒစာအုပ်များသာမက ဆရာနှင့် ဆရာမတို့ လမ်းညွှန်သော စာအုပ် စာတမ်းများကို ရှာဖွေဖတ်ရှုလျက်ရှိရာ ဆရာမောင်သာနိုး၏ ဆောင်းပါးများမှလည်း ဘာသာဗေဒအသိအမြင်များ ရခဲ့သည်။

#ဆက်ရန်ရှိ