Part-3
တသက်တာစာပေဆုရှင် သူငယ်ချင်း မောင်သာနိုး
ကျောင်းသားခေါင်းဆောင်အနေနဲ့ ထောင်အကျဆုံးကတော့ မန္တလေးမှာ ကိုသာနိုးပါ။ ဒုတိယ တတိယလိုက်သူများကတော့ မောင်မိုးသူနဲ့ မောင်သိန်းနိုင်ပါ မောင်စွမ်းရည်က ထောင်ကျတာမပါပါ။ အဖမ်းခံရမယ်လို့ အလိုက်ခံရဆဲ ထောင် မကျဘဲ ပြေးရင်းလွှားရင်း အိမ်ထောင်ကျသွားခဲ့ပါတယ်။ နောက်တစ်ခါ အလိုက် ခံရဆဲမှာတော့ အလွတ်ကျောင်းတွေ ပြည်သူပိုင်သိမ်းလိုက်လို့ အလွတ်ကျောင်း ဆရာက အစိုးရကျောင်းဆရာဖြစ်သွားတဲ့ မောင်စွမ်းရည် မြန်မာပြည် မြောက်အစွန် စစ်ကိုင်းတိုင်း၊ ရေဦးမြောက်ဘက် တန့်ဆည်ကိုပို့လိုက်လို့ ရဲတွေ မျက်စပြတ်သွားခဲ့ ပါသတဲ့။ ကံကြီးပေစွ။ နောက်ထပ် တင်မိုးနဲ ့ စောလူတို့က မောင်စွမ်းရည်ကို ဥရောပကတစ်ဆင့် အမေရိကကိုခေါ်ထုတ်လိုက်လို့ အဖမ်းခံလွတ်ခဲ့ရပြန်တယ်။
အမေရိကရောက်တော့ ကျန်ရစ်တဲ့သူငယ်ချင်းတွေကို လွမ်းတယ်။ မောင်မိုးသူ ရဲ့သား “အာဂျလာ”ကို “မင်းအဖေခေါ်ကွာ”ဆိုတော့ အဖေက ငြင်းသတဲ့။ ဒါနဲ့ တင်မိုးနဲ့ မောင်စွမ်းရည်တို့က မောင်သာနိုးကိုဖိတ်ခေါ်တယ်။ Iowa အပြည်ပြည် ဆိုင်ရာ စာရေးသားမှုအစီအစဉ်*ကို သူငယ်ချင်းရဲ့ သမီး ဝင်နီရွှေစင်ဦးက ဖုန်းနဲ့ ဖိတ်ခေါ်တယ်။ “မင်းသား”က “မင်းသမီး”မပါရင် မလာဘူးတဲ့ ငြင်းတယ်။ မင်းသမီးကို ကိုယ့်စရိတ်နဲ့ ကိုယ်ခေါ်ရင် ရစေမယ်ဆိုတော့မှ လာတယ်။ ဒါ့ကြောင့် အိုင်အိုဝါမှာရော၊ စောလူအိမ်မှာရော မောင်သာနိုးနဲ ့ သူငယ်ချင်းသုံးယောက် ပျော်ပျော်ကြီးပြန်ဆုံကြရပါတယ်။
ကျွန်တော်တို့က ပြည်တွင်းကို ပြန်လာခွင့်မရတာ ၁ဝ နှစ်လောက် ကြာခဲ့ပြီ ဆိုတော့ သူငယ်ချင်းတွေကို လွမ်းတာပေါ့။ နောက်တစ်ခါ ကိုသာနိုးနဲ့ တွေ့ဖို့ အခွင့်အလမ်းရပြန်ပါတယ်။ ကိုရီးယား(တောင်)က ဖိတ်ကြားတာပါ။ မောင်စွမ်းရည် နဲ့ အဖော်တစ်ဦးတဲ့ အမေရိကမှာရှိတဲ့ မောင်သာရကို မခေါ်ဘဲ ပြည်တွင်းက စာရေးဆရာကို ခေါ်ခွင့်ရရင် ခေါ်ချင်တယ်လို့ အကြောင်းပြန်တော့ ကိုသာနိုးကိုပါ ခေါ်ခွင့်ရပါတယ်။ ကိုသာနိုးသာ ကိုရီးယားရောက်သွားတယ် ကျွန်တော်က ခရီးသွား လက်မှတ် အဆင်မပြေဘဲ ဖြစ်သွားခဲ့လို့ မသွားလိုက်ရတော့ပါ။ ဒါပေမဲ့ ဖုန်းဆက် ပြီးတော့ လွမ်းစကားမန်းစကားတွေ အားရအောင်ပြောလိုက်ကြပါတယ်။ ကျုပ်တို့ ဆရာနိုးဟာ အနောက်နိုင်ငံတွေက ‘ထင်းရှူးရိပ်ကိုရော၊ အရှေ့နိုင်ငံက “မိုးမခပင်ရိပ်’ ကိုရော ရောက်ရှိဖူးသွားလို့ ကျွန်တော်တို့က ကိုယ်တိုင်ရောက်ရတာထက် ဝမ်းသာ ပါတယ်။ ဆရာနိုးက အရှေ့အနောက် ကဗျာတွေကို ဘာသာပြန်သူဖြစ်လို့ပါ။
ကိုသာနိုးက အင်္ဂလိပ်စာ ထူးချွန်တယ်လို ့ သူပြောလူပြောနဲ့ ကြားဖူးရုံပဲ ရှိခဲ့တာပါ။ နောက်တော့ ကျွန်တော်တို့ သူငယ်ချင်းတစ်စုရဲ့ ကဗျာတွေကို သူပဲ ဒိုင်ခံပြီး အင်္ဂလိပ်လို ဘာသာပြန်ခဲ့တာပါ။ ကျွန်တော်ရဲ့ ‘အနီနှင့်အပြာ’ကဗျာများ စာအုပ်ကို ဘာသာပြန်ပေးဖို့ ကျွန်တော်ကိုယ်တိုင် မပြောခဲ့ရပါ။ အားနာလို့ပါ။ သူငယ်ချင်းတင်မိုးက သူ့ဘာသာပြောပြီး အင်္ဂလိပ်မြန်မာ နှစ်ဘာသာတွဲကို သူ ကိုယ်တိုင် ထုတ်ပေးရှာခဲ့တာပါ။ ဒါနဲ့ အားမရသေးဘဲ တရုတ်၊ ရုရှားတို ့ကို အားကျလို့တဲ့ "မြန်မာစာပေမဂ္ဂဇင်း တစ်စောင်ကို အင်္ဂလိပ်လို ထုတ်ချင်သေးတာလို့ ကိုသာနိုးကို အပူကပ်ခဲ့ပါသေးတယ်။ တင်မိုးက အိမ်ထောင်ကျပြီး ရန်ကုန်ကို ခေတ္တပြောင်းသွားရလို ့ မလုပ်ဖြစ်တော့ပါ။ ထုတ်ပေးမယ့်သူရှိပါတယ်။
မြန်မာလိုက အင်္ဂလိပ်လို ဘာသာပြန်နိုင်ရုံမက အင်္ဂလိပ်လိုက မြန်မာလို ဘာသာပြန်ပေးပါဆိုတာကိုလည်း တင်မိုးနဲ့ ကြည်အောင်တို့က အမြဲပူဆာခဲ့ကြ ပါတယ်။ တင်မိုးက ဘာသာပြန်မဂ္ဂဇင်းတောင် ထုတ်ချင်သေးသတဲ့။ အိုမာရ် ခိုက်ယမ်းရဲ့ “ရူဘိုက်ယတ်ကိုတော့ ကြည်အောင်က ဘာသာပြန်ခိုင်းလို့ပါ။ တင်မိုး က ကိုသာနိုးကို ဘာသာပြန်ခိုင်းဖူးတာက “ဇိုယာနှင့်ရှုရာ’ ရုရှားဝတ္ထုပါ။ နောင်အခါ ဆရာကြီး ဦးကိုလေး(ဇေယျာမောင်) ဘာသာပြန်လို့ ဘာသာပြန်ဆု ရတဲ့စာအုပ်ပါ။ ကိုသာနိုးက ထောင်ကျသွားလို့နဲ့ တူပါရဲ့။ အဲဒီကာလက ဘာသာမပြန်ဖြစ်ခဲ့ပါ။ ရန်ကုန်ရောက်တော့ Time/ Newsweek တို့က သတင်းတချို့ကို ကိုသာနိုးက ဖတ်လာပြီး ဘီအိုစီကောလိပ်လက်ဖက်ရည်ဆိုင်မှာ ကျွန်တော်တို့ကို ဘာသာပြန်ပြီးပြောပြလေ့ရှိပါတယ်။ တင်မိုးနားမထောင်ဘဲ အိပ်ငိုက်နေရင် ကိုသာနိုးက “ဟေ့လူ ကိုဘဂျမ်း ခင်ဗျားအတွက်ပြောနေတာလေ နားထောင်ဦး”လို့ လှမ်းအော်လေ့ရှိပါ တယ်။ ကိုသာနိုးက ကျွန်တော်တို့အတွက် ပါရမီဖြည့်ရင်းက နိုင်ငံခြားကဗျာတွေ ဘာသာပြန်တဲ့အလုပ်ကို စတင်မိခဲ့တာလို့ ထင်ပါတယ်။ နောက်တော့ `ထင်းရှူး ပင်ကြီးတစ်ပင်နဲ့ ‘မိုးမခပင်ကြီးတစ်ပင် စိုက်ထူမိခဲ့ပါလေရောလား။ မိုးမခပင်ပြီ စိုက်ထူမိတော့ တင်မိုးနဲ့ ကြည်အောင်တို့ မရှိတော့ပါ။ လူငယ်ကဗျာဆရာတွေ ကတော့ ဖတ်ကြပါတယ်။

#ဆက်ရန်ရှိ

~~~ အမှတ်တရ ~~~{ ၆ }
ဂျူး
မောင် စာမေးပွဲကျသည်ကို အားလုံးနီးပါး အံ့သြကြလေသည်။ ကျွန်မသည် မောင်နှင့် မန္တလေးတစ် မြို့ တည်း ၊ တစ်ဆေးရုံတည်း ၊ ၄ ၊ ၅ ၊ ၆ လ အတူ ဆက်လက်နေရမည် ဖြစ်ပါလျက် ၀မ်းမသာနိုင်ပါ။ မောင့်ကို သနားသောကြောင့် ဖြစ်ပါသည်။
ရီဇတ် အောက်သောအခါ မောင့်မျက်နှာမှာ ငိုမလို ရယ်မလို ဖြစ်နေသည်။ မောင်အလွန်ကြောက်ခဲ့သောဆေးပညာအောင်၍ အလွန်လွယ်ကူသော ကလေးဆေးပညာ ကျသည်ဆိုတော့ မောင် အူကြောင်ကြောင် ဖြစ်သွား၏။
“တစ်သက်နဲ့ တစ်ကိုယ် စာမေးပွဲမကျဖူးတော့ ဘယ်လိုနေရမှန်း မသိအောင် စိတ်ဓာတ်ကျသွားတာပဲ”
သိပ်မညည်းညူတတ်သော မောင်က ကျွန်မကို ရင်ဖွင့်ခဲ့သည်။
ထိုအခါ ပထမနှစ်တုန်းက ခြေလွတ်လက်လွတ် တစ်ခါ ကျဖူးခဲ့သော ကျွန်မက မောင့်ကို နှစ်သိမ့်ခဲ့ရလေသည်။ ပထမ ၃-၄ ရက် မောင် ဆောက်တည်ရာမရအောင် ဖြစ်ခဲ့၏ ။
မောင့်ကို ကျွန်မ ဂစ်တာတီး၍ ချော့သိပ်သည်။ မောင်နှင့်အတူဖဲချပ်များကို ပေးရှင့်ကစားနည်းဖြင့် ကစားသည်။ မောင် အရက်သောက်ဖို့ ကြက်အခြောက်ကြော် ကြော်ပေးသည်။ ကြက်သားသုပ် လုပ်ပေးသည်။
အိုးလ်ဘရမ်ဒီ ပုလင်းပြားလေးကိုမောင်နှင့်အတူ လိုက်၀ယ်ကြသည်။ ရုပ်ရှင်ပွဲ ဆက်ကြည့်ကြသည်။ နောက်တော့ မောင်လည်း သူ့မြို့သို့ ပြန်၍ ကျွန်မလည်း ကျွန်မ မြို့သို့ ပြန်သွားကြ၏။
ကျွန်မက ကျောင်းဖွင့်အမီ ပြန်လာသော်လည်း မောင်က တော်တော်နှင့် ပြန်မလာပါ။ မောင်တို့ ကလေးဆေးရုံ အဖွဲ့သားများတွင် မောင်တစ်ယောက်သာ လိုတော့၍ ဌာနမှူး ဒေါ်သိန်းကြည်က မေးလှပြီ။ မောင်က အကျိုးအကြောင်းလေးမျှပင် စာမရေးချေ။
ကျွန်မ အနည်းငယ်တော့ ရိပ်မိပါသည်။ မောင်သည် ငယ်ချစ်ဦးနှင့် ခွဲခွာဖို့ ခက်နေလိမ့်မည်ဆိုတာ ။
သို့သော် မတတ်နိုင်ပါ။ ကျွန်မ မောင့်ထံ ကြေးနန်းရိုက်၍ ခေါ်လိုက်ရပါသည်။ ကျွန်မ မောင့်အပေါ်ထားသည့် စေတနာကို မောင် နားလည်နိုင်မှာပါ။ ကျွန်မ၏ ကြေးနန်းစာသည် မောင်နှင့် မောင့်မိန်းကလေး အတူရှိနေစဉ် ရောက်သွားခဲ့ပါလျှင် ၊ ထိုမိန်းကလေးကလည်း ဘာမျှ သိမထားသူ ဆိုလျှင် ကျွန်မ ကြောင့် မောင်တို့ နှစ်ယောက် စိတ်မဆင်းရဲစေလိုပါ။ ထို့ကြောင့် မောင့်နာမည်ကို ရှေ့က ကို … တပ်၍သာ ရေးလိုက်ပါသည်။ စာသင်တာ နှစ်ပတ်ရှိပြီ။ အမြန်ပြန်လာပါ ဟူ၍ ရေးပြီး ကြေးနန်းရိုက်သူနေရာ၌ ကျွန်မ နာမည်ပင် မရေးဘဲ မောင့်သူငယ်ချင်း ယောကျာ်း လေးတစ်ယောက် နာမည်ကို အလွဲသုံးစား လုပ်လိုက်ရလေသည်။
ကျွန်မနှင့် ပတ်သက်၍ မောင် စိတ်မဆင်းရဲရအောင် ၊ ဂုဏ်သိက္ခာ မညိုးနွမ်းရအောင် အတတ်နိုင်ဆုံး ထိန်းသိမ်းခဲ့ပါသည် မောင် ။ မောင် ပြန်ရောက်သောအခါ မောင့်မျက်နှာကို အမြဲ အရိပ်ကြည့်နေသော မိန်းမပီပီ မောင်၏ သံယောဇဉ်များ ထိုမိန်းကလေးထံတွင် တော်တော်များများ ရစ်တွယ် ကျန်ခဲ့ကြောင်း ၀မ်းနည်း ထိတ်လန့်စွာ ရိပ်မိလိုက်တော့သည်။ ဒုတိယနှစ် စာသင်နှစ် ကုန်ဆုံးချိန်မှစ၍ နောက်ဆုံးနှစ် အပိုင်း (ခ) အထိ လက်တွဲ မဖျက်ဘဲ တစ်ယောက်ကို တစ်ယောက် ဖေးမစောင့်ခေါ်ရင်း မြတ်နိုးဖော် ၊ ကြင်နာဖက် ၊ အားပေးဖော် နှစ်သိမ့်ဖက် ၊ ၀မ်းနည်းဖော် ၀မ်းနည်းဖက် ၊ ဆင်းရဲဖော် ဆင်းရဲဖက်ဖြစ်ခဲ့သော ဇနီးမောင်နှံ နီးပါး ရင်းနှီးတွယ်တာခဲ့သည့်ချစ်သူ တစ်ယောက်ကို ရက်ရက်စက်စက် ထားပစ်ခဲ့ရအောင်အထိ မောင့်အပေါ် ဆွဲဆောင်နိုင်မည် ဆိုလျှင်လည်း ထိုမိန်းကလေးသည် အလွန်တရာမှ လှပပေလိမ့်မည်။
အနည်းငယ် အပြစ်လုပ်လိုက်မိလျှင်ပင် ဒေါသတကြီး အော်ငေါက်ပစ်သည် အထိ မောင် ကျွန်မ အပေါ် စိတ်တိုခဲ့သောအခါ ကျွန်မ တစ်ယောက်တည်းသာ တိုးတိတ်စွာ မျက်ရည် ကျခဲ့ရ၏ ။ ကျွန်မ အလုံးစုံ ရိပ်မိနေမှန်း မောင် အနည်းငယ်မျှ မသိစေရပါ။
တစ်ခါတစ်လေ ကျွန်မ နှင့်မောင် တစ်ခုတင်တည်း အိပ်ပြီး မောင့်ထံမှ ပင့်သက် ရှိုက်သံ များစွာ ကြားခဲ့ရတတ်သည်။ မောင့်ကို နမ်းရှိုက်၍ ချော့မြူရန် ကြိုးစားတိုင်း မောင်က အနည်းငယ် တုန်ယင်စွာ တအားတင်းကျပ်နေအောင် ဖက်လေသည်။
“နေ့လယ်က မောင့်စိတ်တွေ ဘာဖြစ်နေမှန်း မသိဘူး ။ ချစ်ကို စိတ်ဆိုးလို့ မဟုတ်ပါဘူး ။ မောင့်ကို ခွင့်လွှတ်နော်” ကျွန်မ မျက်နှာကို နေရာမလပ်အောင် စိတ်ရှည်လက်ရှည် နမ်းရှိုက်လာသော မောင်သည် ကျွန်မအား ကျွန်မဟူ၍ မြင်ယောင်ပါရဲ့လား။
“မောင့်ကို ခွင့်လွှတ်ရအောင် မောင့်မှာ ဘာအပြစ်မှ မရှိပါဘူးကွယ်”
ကျွန်မ စိတ်ဆင်းရဲစွာ မောင့်ရင်ခွင်မှာ တိုး၀င်နေတတ်ခဲ့သည် ။ ဘယ်အချိန်များ မောင်နှင့်ခွဲရပါ့မလဲ။ စိတ်အားငယ်တတ် ၊ ပူပန် တတ်လွန်း၍ မကြာခဏ မျက်ရည်ကျသည်ကို မောင့်ကို မျက်ရည်ခံထိုးသည် ဟု မောင် ထင်မှတ်မှားမည် စိုးရိမ်သောကြောင့် မောင့်ကွယ်ရာမှာသာ ငိုခဲ့ရ၏ ။ တစ်ခါတစ်ရံ ည တစ်ရေးနိုးတွင် မောင့်မျက်နှာကို ကြည့်မ၀နိုင်ဘဲ ငေးမောနေမိတတ်ပြန်သည်။

#ဆက်ရန်ရှိ

Free Completion Certificate လည်းရ၊ Business Administration အပိုင်းကိုလည်း Beginner – Advance Level အထိ အခမဲ့ လေ့လာချင်တယ်ဆို ဒီFree Courses တွေကို တက်လိုက်ပါ။ ဒီထဲမှာဆို Business Administration နဲ့ပက်သက်တဲ့ Free Courses ပေါင်း 43 ခုကို အခမဲ့တက်လို့ရပါတယ်။ Free Courses ပေါင်း 43 ခုကို Beginner, Intermediate, Advance level ဆိုပြီးခွဲထားတာမို့ ကိုယ်Knowledge က zero level ဖြစ်နေရင်တောင်တက်လို့ရပါတယ်။ Courses တစ်ခုဟာဆို အနည်းဆုံး 20 ကနေ ၆၀ နာရီလောက်ကြာမြင့်မှာဘဲဖြစ်ပါတယ်။
Course Name BUS650: Entrepreneurial Leadership
Type: Fee Certificate
Level: Beginner
Duration: 40 hours
Course Name: BUS250: Introduction to Business Intelligence and Analytics
Type: Fee Certificate
Level: Beginner
Duration: 46 hours
Course Name: BUS200: Business Ethics
Type: Fee Certificate
Level: Beginner
Duration: 22 hours
Course Name: BUS300: Operations Management
Type: Fee Certificate
Level: Intermediate
Duration: 54 hours
Course Name: BUS301: Human Resource Management
Type: Fee Certificate
Level: Intermediate
Duration: 24 hours
Course Name: BUS402: Project Management
Type: Fee Certificate
Level: Intermediate
Duration: 62 hours
Course Name: BUS631: Brand Management
Type: Fee Certificate
Level: Advance
Duration: 51 hours
Course Name: BUS601: Financial Management
Type: Fee Certificate
Level: Advance
Duration: 55 hours
Course Name: BUS502: Strategic Marketing
Type: Fee Certificate
Level: Advance
Duration: 47 hours
Link: https://learn.saylor.org/cours....e/index.php?category

#crd

မြန်မာရေပိုင်နက်မှာ ဖမ်းမိတဲ့ ထိုင်းနဲ့ မြန်မာရေလုပ်သား (၃၁)ဦးကို ထောင်ဒဏ်နဲ့အတူ ငွေဒဏ်များချမှတ်

ဒီဇင်ဘာ ၁၇

မြန်မာ‌ရေပိုင်နက်မှာ ဖမ်းမိတဲ့ ထိုင်းနဲ့ မြန်မာရေလုပ်သား (၃၁)ဦးကို ဒီဇင်ဘာ ၁၆ ရက်နေ့က ထောင်ဒဏ်နဲ့အတူ ငွေဒဏ်တွေကို ချမှတ်ခဲ့ တယ်လို့ ကော့သောင်းမြို့ တရားရုံးကနေ သိရပါတယ်။

နိုဝင်ဘာ ၃၀ ရက်နေ့က ကော့သောင်းမြို့၊ ဇာဒက်ကြီးကျွန်းအောက်ဘက်၊ သံကျွန်းနားက ထိုင်းငါးဖမ်း စက်လှေ ပေါ်မှာ ထိုင်းလူမျိုး ရေလုပ်သား (၄)ဦးနဲ့ မြန်မာလူမျိုး ရေလုပ်သား (၂၇)ဦးတို့ကို မြန်မာရေတပ်က ဖမ်းဆီးရမိခဲ့ တာပဲ ဖြစ်ပါတယ်။

ဖမ်းဆီးရမိတဲ့အထဲက ထိုင်းလူမျိုး (၃)ဦးကို ထောင်ဒဏ် (၄)နှစ်စီနဲ့ ငွေဒဏ် ဘတ် (၂)သောင်းစီ ချမှတ်ခဲ့ပြီး ထိုင်း လူမျိုး (ခေါင်းဆောင်) တစ်ဦးကိုတော့ ထောင်ဒဏ် (၆)နှစ်နဲ့ ငွေဒဏ် ဘတ် (၂)သိန်းချမှတ်ခဲ့တယ်လို့ သိရပါတယ်။

မြန်မာလူမျိုး ရေလုပ်သား (၂၇)ဦးကိုလည်း ထောင်ဒဏ် (၄)နှစ်စီနဲ့ ငွေဒဏ် ဘတ် (၂)သောင်းစီ ချမှတ်ခဲ့တယ်လို့ သိရပါတယ်။

#centralnewsnaypyitaw

ဂျာမနီဝန်ကြီးချုပ် အိုလပ်ရှုဇ် အယုံအကြည်မရှိအဆို ရှုံးနိမ့်၊ ဖေဖော်ဝါရီလမှာ ရွေးကောက်ပွဲကျင်းပဖွယ်ရှိ

ဘာလင် ၊ ဒီဇင်ဘာ ၁၇

ဂျာမနီဝန်ကြီးချုပ် အိုလပ်ရှုဇ်ဟာ သူ့အပေါ်လွှတ်တော်ကတင်သွင်းတဲ့ အယုံအကြည်မရှိအဆိုမှာ ရှုံးနိမ့်ခဲ့တာကြောင့် ဖေဖော်ဝါရီ ၂၃ ရက်မှာ ရွေးကောက်ပွဲကျင်းပပေးရတော့မှာဖြစ်ပါတယ်။

ဝန်ကြီးချုပ်အပေါ် အယုံအကြည်မရှိအဆိုကို လွှတ်တော်အမတ် ၇၃၃ ယောကအနက် ၃၉၄ ယောက် ထောက်ခံမဲပေးခဲ့ကြပြီး နိုဝင်ဘာလမှာ သုံးပါတီညွှန့်ပေါင်းအဖွဲ့ ပြိုကွဲပြီးနောက် ဂျာမနီအစိုးရဟာ နိုင်ငံရေးနဲ့ စီးပွားရေး အကျပ်ရိုက်နေခဲ့ပါတယ်။

အယုံအကြည်မရှိသူရှုံးနိမ့်သွားတာဟာ ဝန်ကြီးချုပ် အိုလပ်ရှုဇ်လိုချင်တဲ့ ရလဒ်ဖြစ်ပြီး အကျိုးဆက်အားဖြင့် ရွေးကောက်ပွဲကို မူလစီစဉ်ထားတဲ့အတိုင်း စက်တင်ဘာလမဟုတ်ဘဲ ဖေဖော်ဝါရီလမှာ ကျင်းပနိုင်မှာဖြစ်ပါတယ်။

သုံးပါတီညွှန့်ပေါင်းအစိုးရပြိုကွဲပြီးနောက်မှာ ဝန်ကြီးချုပ်အိုလပ်ရှုဇ်ဟာ ဥပဒေသစ်တွေအတည်ပြုဖို့အတွက် အတိုက်အခံရှေးရိုးစွဲဝါဒီတွေရဲ့ ထောက်ခံမှုအပေါ်မှာသာ မှီခိုနေရပါတယ်။ ကြားဖြတ်ရွေးကောက်ပွဲဟာ နိုင်ငံအတွက် လမ်းစသစ်တခုချမှတ်ဖို့ အခွင့်အရေးဖြစ်ကြောင်း အယုံအကြည်မရှိအဆို မတင်းသွင်းမီ သူက လွှတ်တော်မှာ ပြောပါတယ်။

ဂျာမန်သတင်းဌာနတွေရဲ့ ရွေးကောက်ပွဲ သဘောထားစစ်တမ်းတရပ်မှာတော့ ခရစ်ယာန်ဒီမိုကရက်တစ်အစည်းအရုံးနဲ့ ခရစ်ယာန်လူမှုအစည်းအရုံးလို အတိုက်အခံမဟာမိတ်အဖွဲ့က လူထုထောက်ခံမှု ၃၃ ရာခိုင်နှုန်းဖြင့် ဦးဆောင်နေပြီး ဝန်ကြီးချုပ်၏ လက်ဝဲယိမ် ဆိုရှယ်ဒီမိုကရက်တစ်ပါတီက ၁၅ ရာခိုင်နှုန်းသာရှိတယ်လို့ ဖော်ပြထားပါတယ်။

Ref:BBC
Photo:Reuters

#သတင်းဟင်းလေးအိုးကြီး

ထိုင်းတွင် မြန်မာ့အရေး အစည်းအဝေး ၂ ခုကျင်းပမည်

ဘန်ကောက်၊ ဒီဇင်ဘာ ၁၇

ထိုင်းနိုင်ငံတွင် ယခုသီတင်းပတ်အတွင်း မြန်မာ့အရေးနှင့်ပတ်သက်ပြီး ဒေသတွင်း အစည်းအဝေး ၂ ခု ပြုလုပ်မည် ဖြစ်ကြောင်း ဘန်ကောက်ပို့စ်မှ ဖော်ပြခဲ့သည်။

ထိုအစည်းအဝေး ၂ ခုအနက် တစ်ခုကို မြန်မာ့တပ်မတော်၏ ကိုယ်စားလှယ်များလည်း တက်ရောက်လိမ့်မည်ဟု ထိုင်းအာဏာပိုင်များက ဒီဇင်ဘာ ၁၆ ရက်တွင် ပြောကြားခဲ့ကြောင်း ဘန်ကောက်ပို့စ်မှ ဖော်ပြခဲ့သည်။

ထိုအားထုတ် ကြိုးပမ်းမှုများသည် အာဆီယံတွင် မြန်မာ့အရေးကို နောက်တစ်ကြိမ် ဦးစားပေး ဖြေရှင်းရန် ဖြစ်ကြောင်း မလေးရှားဝန်ကြီးချုပ် အန်ဝါ အီဘရာဟင် (Anwar Ibrahim) က ပြောကြားခဲ့သည်။

ထိုင်းနိုင်ငံခြားရေးဝန်ကြီး မာရစ် ဆန်ဂျီယမ်ပွန်ဆာ ( Maris Sangiampongsa) သည် ဒီဇင်ဘာ ၁၉ ရက်နှင့် ၂၀ ရက်များတွင် မြန်မာ့အရေးနှင့်ပတ်သက်ပြီး သီးခြား အစည်းအဝေး ၂ ခုကို ပြုလုပ်သွားမည်ဖြစ်သည်။

မြန်မာနိုင်ငံတွင် တပ်မတော်က အာဏာရယူခဲ့သည့် ၂၀၂၁ ခုနှစ်နောက်ပိုင်း ဖြစ်ပွားခဲ့သည့် အကျပ်အတည်းကို အဖြေရှာရန်အတွက် အလွတ်သဘော ဆွေးနွေးပွဲများကို လက်ခံ ကျင်းပပေးမည်ဟု ထိုင်းနိုင်ငံက အောက်တိုဘာလထဲတွင် ကမ်းလှမ်းခဲ့ပြီးနောက် ယခု အစည်းအဝေးများ ပေါ်ပေါက်လာခြင်းဖြစ်သည်။

ဒီဇင်ဘာ ၁၉ ရက်တွင် ပြုလုပ်မည့် အစည်းအဝေးကို မြန်မာနိုင်ငံမှ ကိုယ်စားလှယ်များ တက်ရောက်မည်ဖြစ်ပြီး ထိုအစည်းအဝေး၌ နယ်စပ်ဒေသလုံခြုံရေးနှင့် နယ်စပ်ဖြတ်ကျော် ရာဇဝတ်မှုများနှင့်ပတ်သက်ပြီး အလွတ်သဘော ဆွေးနွေးညှိနှိုင်းမည်ဟု ထိုင်းနိုင်ငံခြားရေးဝန်ကြီးဌာန၏ ပြောရေးဆိုခွင့်ရှိသူ နီကွန်းဒက်ဂျ် ဘာလန်ကူရ (Nikorndej Balankura) က ပြောကြားခဲ့သည်။

ထို့ပြင် ထိုအစည်းအဝေးများကို မြန်မာနိုင်ငံနှင့် နယ်စပ်ချင်း ထိစပ်နေသည့် တရုတ်၊ အိန္ဒိယ၊ ဘင်္ဂလားဒေ့ရှ်၊ လာအိုနှင့် ထိုင်းနိုင်ငံတို့မှ ကိုယ်စားလှယ်များလည်း တက်ရောက်မည်ဖြစ်သည်။

ဒီဇင်ဘာ ၂၀ ရက်တွင်မူ မြန်မာ့အရေးနှင့်ပတ်သက်ပြီး နိုင်ငံခြားရေးဝန်ကြီးအဆင့် အစည်းအဝေးကို ပြုလုပ် မည်ဖြစ်ကြောင်း နီကွန်းဒက်ဂျ်က ပြောကြားခဲ့သည်။

မြန်မာနိုင်ငံတွင် တပ်မတော်က အာဏာကို လွှဲပြောင်း ရယူခဲ့ပြီးကတည်းက အာဆီယံသည် ဒေသတွင်း ထိပ်သီး ခေါင်းဆောင်များနှင့် နိုင်ငံခြားရေးဝန်ကြီးအဆင့် အစည်းအဝေးများ၌ တပ်မတော် ခေါင်းဆောင်များကို ဖိတ်ကြား ခြင်းမရှိဘဲ နိုင်ငံရေးနှင့်မနွယ်သည့် ကိုယ်စားလှယ်များကိုသာ ဖိတ်ကြားခဲ့သည်။

၂၀၂၅ ခုနှစ်တွင် အာဆီယံအလှည့်ကျဥက္ကဋ္ဌ တာဝန်ကို ထမ်းဆောင်ရမည့် မလေးရှား ဝန်ကြီးချုပ် အီဘရာဟင် ကမူ မြန်မာ့အရေးနှင့်ပတ်သက်ပြီး အာဆီယံ၏ ဘုံသဘောတူညီချက် ၅ ချက်ကို အကောင်အထည်ပေါ်လာရန် လုပ်ဆောင်သွားမည်ဟု ပြောကြားခဲ့သည်။

"မြန်မာကိုယ်စားလှယ်တွေ ပါဝင်နိုင်ဖို့အတွက် ရာထူးအဆင့်အလိုက် အလွတ်သဘော ဆွေးနွေးညှိနှိုင်းမှုတွေ ကတဆင့် မြန်မာ့အရေးကို ဖြေရှင်းဖို့ အာဆီယံက ဦးစားပေး လုပ်ဆောင်နေပါတယ်"ဟု အန်ဝါက ကွာလာလမ်ပူ (Kuala Lumpur) မြို့တော်သို့ ရောက်ရှိနေသည့် ထိုင်းဝန်ကြီးချုပ် ပေတုန်တန် (Paetongtarn Shinawatra) နှင့် ပြုလုပ်သည့် ပူးတွဲသတင်းစာ ရှင်းလင်းပွဲတွင် ပြောကြားခဲ့သည်။

Source: ဘန်ကောက်ပို့စ်

ပုံ - ဗိုလ်ချုပ်မှူးကြီးမင်းအောင်လှိုင်နဲ့ ထိုင်းဝန်ကြီးချုပ် ပေတုန်တန်ကို တွေ့ရစဉ်

#centralnewsnaypyitaw

မြိတ်မြို့ မီးပွိုင့်လမ်းဆုံတွင် ဖုန်းဆိုင်မီးလောင်မှုဖြစ်ပွား

နေပြည်တော်၊ ဒီဇင်ဘာ ၁၇

တနင်္သာရီတိုင်းဒေသကြီး၊ မြိတ်မြို့၊ မြိတ်တောင်နယ်မြေ၊ မြို့သစ်ရပ်ကွက်၊ ကောင်းဆုရွှေဆိုင်ဘေး၊ မြို့သစ်ကောင်းရှေ့၊ မီးပွိုင့်လမ်းဆုံတွင် ဖုန်းဆိုင်မီးလောင်မှုဖြစ်ပွားကြောင်း သိရသည်။

ယနေ့ဒီဇင်ဘာလ ၇ နာရီ ၃၀ အချိန်တွင် မီးလောင်မှုဖြစ်ပွားကြောင်း သတင်းရရှိသောကြောင့် ဖြစ်စဉ်နေရာသို့ ဒေသခံလူမှုကူညီရေးအသင်း၊ မြိတ်ခရိုင်/မြို့နယ်မီးသတ်စခန်းမှ မီးသတ်ယာဉ်များဖြင့် မီးငြှိမ်းသတ်ရာ ၈ နာရီ ၅ မိနစ်အချိန်တွင် မီးငြိမ်းသတ်သွားကြောင်း သိရသည်။

“ဖုန်းဆိုင်လောင်တာ။ အဲ့အပေါ်ထပ်မှာ လူနေတယ်။ ဘယ်လိုဖြစ်ပြီး လောင်လည်းတော့ မသိဘူး” လို့ ဒေသခံတစ်ဦးမှ ပြောသည်။

ထိုမီးလောင်မှုနှင့်ပတ်သက်ပြီး လက်ရှိအချိန်တွင် စစ်ဆေးနေကြောင်းလည်း သိရသည်။

Photo - Credit

#သတင်းဟင်းလေးအိုးကြီး

ဗဟိုဘဏ်မှ သွင်းကုန်လုပ်ငန်းရှင်များအတွက် ဒေါ်လာ ၂၈ သန်းကျော်၊ ထိုင်းဘတ် ၁ သန်းနှင့် တရုတ်ယွမ် ၇ သိန်းကျော် ထုတ်ရောင်း

ဒီဇင်ဘာ ၁၇

ဗဟိုဘဏ်မှ သွင်းကုန်လုပ်ငန်းရှင်များအတွက် ဒေါ်လာ ၂၈ သန်းကျော်၊ ထိုင်းဘတ် ၁ သန်းနှင့် တရုတ်ယွမ် ၇ သိန်းကျော် ထပ်မံထုတ်ရောင်း၍ ယခုဒီဇင်ဘာလ နှစ်ပတ်ကျော်အတွင်း ‌ဒေါ်လာ ၁၀၉ သန်းခွဲအထိ ထုတ်ရောင်းပေးထားကြောင်း မြန်မာနိုင်ငံတော်ဗဟိုဘဏ်မှ ဒီဇင်ဘာလ ၁၆ ရက် (ယမန်နေ့)တွင် ထုတ်ပြန်ထားသည့် စာရင်းအရ သိရသည်။

နှစ်သစ်ကူးရုံးပိတ်ရက်များကြောင့် သွင်းကုန်တင်သွင်းမှုများပြီး နိုင်ငံခြားငွေလိုအပ်ချက် မြင့်မားလေ့ရှိသည့် ဒီဇင်ဘာလအတွင်း ဗဟိုဘဏ်မှ သွင်းကုန်လုပ်ငန်းရှင်များ အဓိကလိုအပ်သည့် ဒေါ်လာ၊ ထိုင်းဘတ်နှင့် တရုတ်ယွမ်များကို အလုံး အရင်းဖြင့် ထုတ်ရောင်းပေးနေခြင်းဖြစ်သည်။

ဗဟိုဘဏ်မှ ယခုထုတ်ရောင်းပေးခဲ့သည့် ဒေါ်လာ ၂၈ သန်းကျော်၊ ထိုင်းဘတ် ၁ သန်းနှင့် တရုတ်ယွမ် ၇ သိန်းကျော်အပြင် ဒီဇင်ဘာလ ၁၃ ရက်ကလည်း ထိုင်းဘတ် ၄ သိန်းကျော်နှင့် တရုတ်ယွမ် ၃ သိန်းခွဲခန့်ကိုလည်း ထပ်မံထုတ်ရောင်းပေးထားသည်။

ယခုဒီဇင်ဘာလ ၂ ရက်မှ ၁၆ ရက်အထိ နှစ်ပတ်ကျော်အတွင်း ဗဟိုဘဏ်မှ သွင်းကုန်လုပ်ငန်းရှင်များအတွက် နိုင်ငံခြားငွေရောင်းချပေးထားမှုမှာ ဒေါ်လာ ၁၀၉ သန်းခွဲ၊ ထိုင်းဘတ် ၃၀၉ ဒသမ ၄၇၅ သန်းနှင့် တရုတ်ယွမ် ၈ ဒသမ ၇၄၆ သန်းအထိ ရောင်းချပေးထားပြီးဖြစ်သည်။

ယင်းကဲ့သို့ ဗဟိုဘဏ်မှ နိုင်ငံခြားငွေများ ဆက်တိုက်ထုတ်ရောင်းပေးခဲ့မှုကြောင့် ဒေါ်လာဈေး ဆွဲတင်မှုများရှိနေသော် လည်း ယနေ့တွင် တစ်ဒေါ်လာ ၄,၄၂၀ ကျပ်၊ ထိုင်းဘတ် တစ်ဘတ် ၁၃၁ ကျပ်နှင့် တရုတ်ယွမ် တစ်ယွမ် ၆၁၆ ကျပ် ဖြစ်ပေါ်ခဲ့ပြီး ယခင်တစ်ပတ်နှင့် နှိုင်းယှဉ်ပါက ဒေါ်လာဈေးနှုန်း အကျဘက်သို့ ဦးတည်နေခြင်းဖြစ်သည်။

#centralnewsnaypyitaw

😍😍