ဘတ်ပီကို ပြင်သစ်လူစာရင်းမှာ နည်းပြ ဒက်ချမ့်စ်ချန်လှပ်

နိုဝင်ဘာ ၁၁

ပြင်သစ်အသင်းနည်းပြ ဒက်ချမ့်စ်ဟာ ဒီလထဲကစားမယ့် နေးရှင်းလိဂ်ပွဲတွေအတွက် နိုင်ငံအသင်း လူစာရင်းမှာ အသင်းခေါင်းဆောင် ဘတ်ပီကို ချန်လှပ်ခဲ့ပါတယ်။

ဒဏ်ရာအခြေအနေကို ကြိုတင်ကာကွယ်တဲ့ အနေနဲ့ ပြီးခဲ့တဲ့လက ပြင်သစ်အသင်း လူစာရင်းမှာ မပါဝင်ခဲ့တဲ့ ဘတ်ပီဟာ ဒီလအတွက် လူစာရင်းမှာ ပြန်လည်ရွေးချယ်ခံရဖို့ မျှော်လင့်ခဲ့တာပါ။
ဒါပေမယ့် ပြင်သစ်အသင်းနည်းပြ ဒက်ချမ့်စ်ဟာ ရီးရယ်လ်အသင်းကို ပြောင်းရွှေ့ပြီးကတည်းက ရုန်းကန်နေရတဲ့ ဘတ်ပီကို ချန်လှပ်ဖို့ ဆုံးဖြတ်ခဲ့တာ ဖြစ်ပါတယ်။

ဒက်ချမ့်စ်က “ကျနော် သူနဲ့ ဆွေးနွေးမှုတွေ ပြုလုပ်ခဲ့ပါတယ်။ ဒီပွဲတွေမှာ သူ့ကို လက်ရွေးစင်အသင်းအတွက် မခေါ်ယူဖို့ ကျနော် ဆုံးဖြတ်ခဲ့ပါတယ်။ သူကတော့ ဒီကိုလာချင်နေပါတယ်”လို့ မီဒီယာသမားတွေကို ပြောခဲ့တာပါ။

ပီအက်စ်ဂျီအသင်းနဲ့ စာချုပ်ကုန်ဆုံးပြီးနောက် ရီးရယ်လ်အသင်းထံ ပြောင်းရွှေ့ခဲ့တဲ့ ဘတ်ပီဟာ အသင်းအတွက် ၁၅ ပွဲ ပါဝင်ကစားထားပြီး ၈ ဂိုး သွင်းယူထားပေမယ့် နောက်ဆုံး ၅ ပွဲမှာ ၁ ဂိုးသာ သွင်းယူနိုင်ခဲ့ပါတယ်။

ရီးရယ်လ်အသင်းကလည်း ဘာစီလိုနာနဲ့ အေစီမီလန်အသင်းကို ၂ ပွဲဆက် ရှုံးနိမ့်ခဲ့တာပါ။ ဘတ်ပီဟာ ဒီပွဲတွေမှာ ခြေစွမ်းပြသနိုင်ခဲ့ခြင်းမရှိလို့ ဝေဖန်မှုအများအပြား ခံခဲ့ရတာဖြစ်ပါတယ်။
ပြင်သစ်အသင်းဟာ နေးရှင်းလိဂ်အုပ်စု နောက်ဆုံးပွဲစဉ်တွေအဖြစ် နိုဝင်ဘာ ၁၄ ရက်မှာ အစ္စရေး၊ ၁၇ ရက်မှာ အီတလီအသင်းတို့နဲ့ ယှဉ်ပြိုင်ရမှာပါ။

ပြင်သစ်အသင်းဟာ အုပ်စုပွဲစဉ် ၄ ပွဲ ကစားအပြီးမှာ ရမှတ် ၉ မှတ်နဲ့ ဒုတိယနေရာမှာ ရပ်တည်နေပြီး ယှဉ်ပြိုင် ကစားမယ့်ပွဲစဉ် ၂ ပွဲထဲက ၁ ပွဲအနိုင်ရတာနဲ့ ကွာတားဖိုင်နယ်ကို တက်ရောက်နိုင်မှာ ဖြစ်ပါတယ်။

Source - BBC


#သတင်းဟင်းလေးအိုးကြီး

အရက်သမားဋီကာ (၂)

အေးလေ ဒါလေးမှားတာကို 🙂

လှလိုက်တာ 😍

လှလိုက်တာ 😍

လှလိုက်တာ 😍

လှလိုက်တာ 😍

လှလိုက်တာ 😍

လှလိုက်တာ 😍

၁၅ ကြိမ်မြောက် ကမ္ဘာ့ကာယဗလနှင့် ကာယကြံ့ခိုင်မှုအားကစားပြိုင်ပွဲ၌ မြန်မာနိုင်ငံက ရွှေတံဆိပ် ဆွတ်ခူး

ရန်ကုန်၊ နိုဝင်ဘာ ၁၀ ရက်

မော်လ်ဒိုက်နိုင်ငံ၌ နိုဝင်ဘာ ၅ ရက်မှ ၁၁ ရက်အထိ ကျင်းပသည့် ၁၅ ကြိမ်မြောက် ကမ္ဘာ့ကာယဗလနှင့် ကာယကြံ့ခိုင်မှုအားကစားပြိုင်ပွဲ၌ မြန်မာနိုင်ငံမှ ရဲထွန်းနောင်က ရွှေတံဆိပ်ဆု ရရှိခဲ့ကြောင်း မြန်မာနိုင်ငံ ကာယဗလနှင့် ကာယကြံ့ခိုင်မှုအဖွဲ့ချုပ် (MBPF) ထံမှ သိရသည်။

ရဲထွန်းနောင်က နိုဝင်ဘာ ၉ ရက်က ပြုလုပ်သော အမျိုးသားကာယဗလပြိုင်ပွဲ (၇၅ ကီလိုတန်း) တွင် ဝင်ရောက်ယှဉ်ပြိုင်ခဲ့ပြီး ရွှေတံဆိပ်ဆု ရရှိခဲ့ကြောင်း MBPF တာဝန်ရှိသူတစ်ဦးက ဆင်ဟွာသို့ ပြောကြားခဲ့သည်။
ရဲထွန်းနောင်က အားကောင်းသော နိုင်ငံတကာပြိုင်ဘက် ၆ ဦးအား ကျော်ဖြတ်အနိုင်ရရှိခဲ့ခြင်း ဖြစ်ပြီး ဗီယက်နမ်နှင့် အိန္ဒိယတို့မှ ပြိုင်ပွဲဝင်များက ငွေတံဆိပ်ဆုနှင့် ကြေးတံဆိပ်ဆုများ အသီးသီး ရရှိခဲ့ကြောင်း ၎င်းက ပြောကြားခဲ့သည်။

ရဲထွန်းနောင်က ယမန်နှစ်က ပြုလုပ်သော ၇၀ ကီလိုတန်းပြိုင်ပွဲတွင် ပါဝင်ယှဉ်ပြိုင်ခဲ့ပြီး ငွေတံဆိပ်ဆု ရရှိခဲ့ကြောင်း ၎င်းက ဖြည့်စွက်ပြောကြားခဲ့သည်။

၁၅ ကြိမ်မြောက် ကမ္ဘာ့ကာယဗလနှင့် ကာယကြံ့ခိုင်မှုအားကစားပြိုင်ပွဲ၌ နိုင်ငံ ၄၁ နိုင်ငံဝန်းကျင်မှ အားကစားသမား ၃၀၀ ခန့် ပါဝင်ခဲ့ပြီး အတန်းအမျိုးအစား ၅၀ တန်း ပါဝင်ကြောင်း သိရသည်။

#centralnewsnaypyitaw