တောင်ကိုရီးယား၌ဆီးနှင်းထူထပ်စွာကျ၍ လူလေးဦး ေ-သဆုံး
တောင်ကိုရီးယားနိုင်ငံတွင် ပြင်းထန်သောဆောင်းရာသီကာ၌ ဒုတိယမြောက်နေ့အဖြစ် နိုဝင်ဘာ ၂၈ ရက်က ဆီးနှင်းများ ဆက်လက်၍ထူထပ်စွာကျဆင်းခဲ့ပြီး လေကြောင်းခရီးစဉ်များကို ဒါဇင်နှင့်ချီ၍ ဖျက်သိမ်းခဲ့ရကာ ဖယ်ရီပို့ဆောင်မှုများလည်း ရပ်ဆိုင်းသွားခဲ့ပြီး ေ-သဆုံးသူ လေးဦးထက်မနည်း ရှိခဲ့သည်။ သို့သော်လည်း အဆိုပါရာသီဥတုအခြေအနေသည် လျော့ပါးသက်သာစပြုလာသည့် လက္ခဏာများပြသလာသည်ဟု သိရသည်။
မြို့တော်၏ ရာသီဥတုဆိုင်ရာ အချက်လက်များအရ ဆိုးမြို့တော်တွင် ဆောင်းရာသီ ဆီးနှင်းကျဆင်းမှုသည် ၁၉၀၇ ခုနှစ်ကစသော မှတ်တမ်းတင်ခဲ့မှုများ၌ တတိယမြောက်အပြင်းထန်ဆုံး နှင်းကျဆင်းမှုဖြစ်သည်ဟု ယွန်ဟပ်သတင်းဌာနက ဖော်ပြခဲ့သည်။
ဆိုးလ်မြို့၏ ဆိပ်ကမ်းများတွင် နံနက် ၈ နာရီခန့်အထိ ဆီးနှင်းကျဆင်းမှုသည် ၄၀ စင်တီမီတာကျော်ရှိခဲ့သောကြောင့် လေကြောင်းခရီးစဉ် ၁၄၀ ကျော်ကို ဖျက်သိမ်းလိုက်ရသည်။ သို့ရာတွင် ကြာသပတေးနေ့နံနက် ၁၀ နာရီ၌ မြို့တော်ဧရိယာတွင် နှင်းထူထပ်စွာကျဆင်းမှုဆိုင်ရာ သတိပေးချက်ကို မိုးလေဝသ တာဝန်ရှိသူများက ရုပ်သိမ်းခဲ့သည်။
ဗုဒ္ဓဟူးနေ့ညပိုင်းတွင် ဂေါက်ကွင်းတစ်ခု၌ နှင်းဖုံးနေသော ပိုက်ကွန် ပြိုကျခဲ့၍ လူတစ်ဦးေ-သဆုံးကာ နှစ်ဦး ဒဏ်ရာရရှိခဲ့သည်။ ထို့အပြင် ကားရပ်နားရာ နေရာ တစ်ခုတွင် တဲပြိုကျသဖြင့် နောက်ထပ် တစ်ဦး ထပ်မံေ-သဆုံးခဲ့သည်ဟု မီဒီယာများတွင် ဖော်ပြခဲ့သည်။
မြို့တော်၏ အရှေ့ပိုင်း အဝေးပြေးလမ်းများတွင် ယာဉ်မတော်တဆမှုများကြောင့်လည်း အနည်းဆုံး လူနှစ်ဦး ေ-သဆုံးခဲ့သည်ဟု သတင်းများက ဖော်ပြသည်။ Gangwon ပြည်နယ် Wonju မြို့ရှိ အဝေးပြေးလမ်းတစ်ခုတွင် ဗုဒ္ဓဟူးနေ့ညပိုင်းက ယာဉ် ၅၃ စီး စုပြုံဆင့်တိုက်ခဲ့မှုကြောင့် လည်း လူ ၁၁ ဦး ဒဏ်ရာရရှိခဲ့သည်ဟု ရဲတပ်ဖွဲ့က ပြောသည်။
ဆိုးမြို့တော်၏ အဓိကလေဆိပ်ဖြစ်သော အင်ချွန်းသည် ရာသီဥတုဒဏ်ကို အဆိုးဝါးဆုံးခံခဲ့ရပြီး ခရီးသည်များသည် ပျှမ်းမျှအားဖြင့် အချိန် ၂ နာရီခန့် နှောင့်နှေးကြန့်ကြာခဲ့သည်။ ကြာသပတေးနေ့တွင် လေယာဉ်ခရီးစဉ် ၁၄ ရာခိုင်နှုန်းသည် ကြန့်ကြာမှုဖြစ်ခဲ့ပြီး ၁၅ ရာခိုင်နှုန်းသည် ဖျက်သိမ်းခဲ့ရသည်ဟု လေယာဉ်လမ်းကြောင်းခြေရာခံ ဝက်ဘ်ဆိုက် Flightradar24 က ဖော်ပြသည်။
ကြာသပတေးနေ့တွင် လေကြောင်းခရီးစဉ် ၁၄၂ ခုကို ဖျက်သိမ်းခဲ့ရပြီး လမ်းကြောင်း ၇၆ ခုရှိ ကူးတို့ရေယာဉ် ၉၉ စင်း၏ ပြေးဆွဲမှုကို ရပ်ဆိုင်းခဲ့ရသည်ဟု အာဏာပိုင်များက ပြောဆိုခဲ့ပြီး ရထားခရီးစဉ်များလည်း ကြန့်ကြာခဲ့သည်ဟု သတင်းမီဒီယာများက ဖော်ပြခဲ့သည်။
